memoria, 11-12
DESCRIPTION
Arizmendi Ikastolako 2011-12 ikasturtea jasotzen du dokumentu honekTRANSCRIPT
11-12 MEMORIAARIZMENDI IKASTOLA
Otalora lizentziaduna, 820500 Arrasate
Tel 943-77 20 25Fax 943-79 79 22
zeurea,geurea,denona,
ikastola
1
Arizmendi Memoria
2011-12 memoria
AURKIBIDEA
0 - Sarrera ................................................................................................................................... 3
1- Ikastola zenbakitan .............................................................................................................. 4
2- Berrikuntzak
2.1. Haur Hezkuntzako berrikuntza normalizatzeko bidean ..................................................... 7
2.2. Lehen Hezkuntzan lehen urratsak .................................................................................... 8
2.3. Batxilergoan eraldaketa metodologikoa IKTen bidez ........................................................ 9
3 - Hezkuntza proiektua
3.1. Sarrera .......................................................................................................................... 11
3.2. Trukeak ......................................................................................................................... 11
3.3. Hizpro ........................................................................................................................... 12
3.4. Europako gazte parlamentua ......................................................................................... 12
3.5. POPBL .......................................................................................................................... 13
3.6. First Lego League txapelketa ......................................................................................... 13
4 - Etengabeko formazioa
4.1. Pertsonen zuzendaritza ................................................................................................. 15
4.2. Kooperatibigintzan formatzen ........................................................................................ 15
5 - Ikastola herrigintzan
5.1. Aretxabaletan, Udaberriko Jaia ...................................................................................... 17
5.2. Arrasaten, Ikastolaren Eguna .......................................................................................... 17
5.3. Eskoriatzan, 16. Ferixie .................................................................................................. 17
6 - Arizmendi Ikastola, lankidetzan
6.1. Ikastola, hemen bai. Lodosan, zergatik ez? ................................................................... 19
6.2. HUHEZIrekin elkarlanean ............................................................................................... 19
6.3. 1512-2012: Asaba zaharren oihartzuna .......................................................................... 20
6.4. BAGARAko bazkide da Arizmendi Ikastola .................................................................... 21
2
7 - Kulturgunea, iaz ere denon eskura
7.1. Haur Hezkuntza eta Kulturgunea ................................................................................... 23
7.2. Langile eta gurasoentzako ikastaroak ............................................................................. 23
7.3. 327 kirolari .................................................................................................................... 23
7.4. Herrira zabalik ............................................................................................................... 23
8 - Lanbide Heziketa
8.1. Zuk zeuk sortu!: ekimen berria eraikuntzako zikloetan .................................................... 25
8.2. Elenco ........................................................................................................................... 25
8.3. Gizarte profesionalizaturantz .......................................................................................... 26
8.4. Prestaketa iraunkorra ere helburu .................................................................................. 26
8.5. Lanbide Hastapena ....................................................................................................... 27
9 - Kulturarteko Hezkuntza Arizmendi Ikastolan
9.1. Etorkin familiak gurean ................................................................................................... 29
9.2. Hartu-emanetan familiekin ............................................................................................. 29
9.3. Ijitoak gure artean eta Kale dor Kayiko ........................................................................... 29
10 - Ikasturteko saridunak
10.1. Ekokaleak ...................................................................................................................... 31
10.2. BHKlip bideo-lehiaketa .................................................................................................. 31
10.3. Eguberrietako Postal Lehiaketa ..................................................................................... 32
10.4. DKV sarietan Alazne Zubizarreta .................................................................................... 32
10.5. Gaueko TAFYD krosa .................................................................................................... 33
11 - Gure eskerrona
11.1. Eskolarteko 25. Abesbatzen Topaketa ........................................................................... 35
11.2. Omenaldia langileei ........................................................................................................ 35
12 - Gure protagonistak
12.1. Aitor Guridi, Txisto ......................................................................................................... 37
12.2. Andoni Calvo ................................................................................................................. 37
12.3. Pili Otxoa ....................................................................................................................... 38
12.4. Mireia Muruamendiaraz ................................................................................................. 38
12.5. Jose Luis Gonzalez, Joselu ........................................................................................... 39
3
Sarrera
Gure marka ezagutzea, besteen begien aurrean nola identifi katzen gaituzten ezagutzea, izan zen auditoriaren bitartez aurreko ikasturtean ezagutu nahi izan genuena. Eta bai, baliogarria izan zen ikusteko zein den bailarak gutaz, hainbat esparrutan, duen iritzia. Gustura gelditu ginen egiten ari garena nahi ditugun emaitzak lortzeko bidean jartzen gabiltzala ikusi genuelako.
Baina auditoriak eta, nagusiki, gero eman zen hausnarketak adierazi zigutena harago joan zen. Ispiluan begiratuko bagina moduanikusi genuen Arizmendi islatuta bere ondorioetan. Gure nortasunari buruz galdetzean, zer garen, nor garen… hitz mordoa agertzen
ziren bata bestearen atzetik. Ikastola, kooperatiba, euskalduna, berritzailea, herrikoa, XXI mendekoa, erreferentea…eta beste hainbat eta hainbat. Markaren inguruko hausnarketak gure Ikastolaren inguruan daukagun pertzepzioan baieztatu gaitezkeela adierazi zigun.
“Gizartearen beharrei aurre hartu eta etorkizunean hori hobetzeko helburuarekin, pertsonen identitate eta ahalmenetan sinetsi etaideia horretan oinarrituta, hezkuntza proiektu propio eta berritzailea duen herritik eta herriarentzat sortutako XXI. mendeko Leintz
bailarako ikastola kooperatiba”.
Horrela ezagutzera eman nahi da Arizmendi gure bailaran. Lerro gutxitan sakonera handiko hitzak, hitzaren mugak gainditzen dituzten esanahiak. Eta beraien artean elementu gehiago: pertsonenganako sinesmena, hezkuntza proiektu propioa, herritik eta herriarentzat…”eskanerraren” argazkien antzaz destolesten doaz errealitate bakarraren elementuak.
Halere, ba al dago Arizmendi den guztia ordenatzeko modurik? Ba al dago zerbait bestearen gainetik jar daitekeena? Eta hor markaren esentzia azpimarratzera datorrena:
“Denon artean, zugan sinetsiz, hezi, hazi, ekin, eragin, eta eraiki. Arizmendi bizi!”
Denon artean, komunitatearen ideia; pertsonaren, beraren nagusitasuna; ekin, eragin, eraiki. Hori da Arizmendi, denok bizi dugu Arizmendi. Eta oraindik esentziaren esentzian gehiago sakontzeko ahaleginetan: aukeratutako leloa. Gure paper, eraikin eta gutariko bakoitzaren barruan inprimatuta iraungo duena:
“ Zeurea, geurea, denona, ikastola”
“Ikastola”, hitz magikoa. Ba al dago guretzat gehiago adierazi dezakeen hitzik?
Txaro Iraeta Arizmendi Ikastolako Zuzendari Orokorra
SARRERA0
4
I K A S T O L A ZENBAKITAN1
5
Ikastola zenbakitan
IKASLEAK
LANGILE KOPURUA
BAZKIDE KOPURUA
2012-2013 EKITALDIAREN GASTUAREN BOLUMENA:
2012-2013
EKITALDIAREN
INBERTSIOAK:
2012-2013
EKITALDIA
Haur Hezkuntza:
Bazkideak:
Laneko bazkideak :
Bazkide laguntzaileak:
Arruntak:
Amortizazio fi nantzieroa:
Gaztelupeko eraikina:
Gastu fi nantzieroak:
Lehen Hezkuntza:
Besteen kontura:
Bazkide erabiltzaile
zuzenak (gurasoak):
DBH:
Batxilergoa:
Lanbide Heziketa:
• Arautua:
• Ez arautua:
875
194
224
977
149.982€
417.888€
300.000€
96.563€
16.165.966,88€
1.082
94
1753
615
266
366
116
200
6
BERRIKUNTZAK2
7
Berrikuntzak
2.1. HAUR HEZKUNTZAKO BERRIKUNTZA NORMALIZATZEKO BIDEAN
Duela lau urte, Rafael Cristobalekin Gizakiaren oinarriak ikastaroa hasi genuenean ez genekien zein neurritako eraldaketen aurrean geunden. Ezagutu genuen fi losofi a enpirikoen edukiak asebete gintuen eta horixe izan da azken lau urte hauetan egin dugun bidearen jatorria eta zergatia.
Gure gaurko Haur Hezkuntzak ez dauka aurrekoaren antzik. Espazioen ezaugarriak eta ekipamenduak begietatik sartzen den aldaketaren adierazle dira, baina urrunago, askoz ere urrunago, doa berrikuntza. Haurrak berezko dituen potentzialitateak garatzen ditu eskaintzen diogun testuinguru berrian. Beste era batera dago Ikastolan eta beste era batera mugitzen da bertan. Konbentzituta gaude pozik dagoela; aske sentitzen da era autonomoan mugituz, eta ekipamenduek eskaintzen dizkioten zulo misteriotsuetan bere jakin-minari eta esploratzeko grinari bide emateko aukerak aurkitzen ditu.
Haurren bide-lagun andereñoa edo maisua, paper berrian hori ere, beste modu baten hasita dago lanean, beste modu baten mugitzen Ikastolako espazioetan. Haurren mugimenduak eta aurrerapenak behatu, behar denean soilik parte hartu, lagundu eta haurrek euren garapenerako behar dituzten testuinguruak sortu, ezer egingo ez balute bezala. Horiek dira proiektu berri honetan irakasleari egokitzen zaizkion zereginak. Eta ondo, oso ari dira egokitzen aldaketa horiei guztiei. Eurengana gerturatu eta nola ari diren lanean ikustea besterik ez dago. Irakasleak pozik, benetan pozik, ikusten ditugu berrikuntza horri heldu genionetik. Haurrarentzat ona den lana egiten ari garelako uste eta sinesmena. Baikortasun haizeek betetzen dute Haur Hezkuntzako etorkizuna.
Gurasoak ere bidelagun garrantzitsu dira hartutako bide berri honetan. Eraginkorrak izateko euren konplizitatea eta parte-hartzea ezinbestekoak dira, Ikastolak abian jarri duen bide honetan gurasoak eta irakasleak baitira haurraren munduaren parte nagusiak. Hortik gurasoek eta Ikastolak bide hori elkarrekin egiteko dugun konpromisoa. Haurrak berak egiten digu eskaera eta aurrean jartzen digu “exigentzia”.
Uribarri, Basabeazpi, Olarte eta Santa Teresa jadanik sartuta ditugu bide eder horretan. Ea noiz heltzen zaien Umezaintza eta Jose Aranari horretarako aukera! Ez ditugu ahaztuta-eta.
La innovación introducida hace pocos años en E. Infantil está suponiendo una profunda transformación.
Espacios abiertos en donde el niño/niña se mueve con total autonomía y de acuerdo a su propio ritmo. Equipamientos de tres dimensio-nes que dan vía libre a la curiosidad y afán de explorar de los niños/niñas.
Junto a ellos la fi gura del profesor/profesora. Un profesorado que observa y acompaña, que ayuda y crea contextos para que el niño y la niña progresen.
La familia también entra en el nuevo pano-rama que representa nuestras aulas de Infantil. Una familia que participa en el proyecto, que lo protagoniza y que le sabemos cómplice del mismo.
El proyecto es ilusionante. Ahora es impor-tante observar su desarrollo y estar atentos a los resultados que nos vayan dando las medi-ciones que iremos realizando.
8
2.2. LEHEN MAILAKO HEZKUNTZAN LEHEN URRATSAK
HHrekin hasi eta hirugarren urtean LMHri ere iritsi zaio fi losofi a berria egokitzeko garaia. Izango luke zentzurik bide erdian etena duen ibilbidearekin hasteak? Ikastolarako barneratutako fi losofi ak ez al du eragina izango ikasleak bertan eginbeharreko bide osoan?
Ideia horrekin heldu genien Haur Hezkuntzako berrikuntzak Lehen Hezkuntzan izan beharko lituzkeen eragin-esparruei, eta honako lau puntu hauek izan ziren ikerketaren emaitza:
• Emozioen lanketa. Haurraren mundu afektiboaren garapena• Eskenatoki kulturalen aurrean, haurren jakin-mina piztea eta mantentzea• Pentsatzen eta ikasten ikastea• Haurren autoestimuaren lanketa
Erraz intuitu daiteke lau esparru horiek sendo garatzen dituen haur edo gazteak bere nortasuna euskarri sendoetan eraikiko duela. Eta eduki kontzeptual edo akademikoetatik harago, Ikastolak norbere mundu afektibo eta kulturalean eragingo duten pertsonak garatzen laguntzearen aukera egin du hartutako bide honekin.
Aurreko urteko eginbehar garrantzitsuenak izan ziren, besteak beste, irakasleak prestatzea jorratu beharreko bide horretarako, kurrikuluma eta lan metodologia egokitzea eta aurretik lantzen ari garen proiektuak erronka horiei erantzuteko prestatzea.
Espazioek ere berrikuntza eta lan metodologia berri horren lekuko izan beharra zeukaten. Hortik gure Lehen Hezkuntzako lau guneetan egindako egokitzapenak. Haurrak bere ibilbide propioa egin dezan aurreko ardatzetan oinarriturik espazio eta denbora irekiagoak behar ditu. Espazioak zabaltzea, zikloko planteamendura pasatzea, imaginariuna sortzea... izan ziren irizpide nagusiak.
Lehen Hezkuntzako lehen eta bigarren mailako ikasle guztiak hasita daude jada bide berria egiten. Guri ikasle eta irakasle horien bide lagun eta laguntzaile izatea dagokigu, ahaztu gabe, noski, hurrengo ikasturtean aldaketa hirugarren mailara helduko dela eta gure zeregina dela ordurako dena prestatuta edukitzea.
La importante transformación del proyecto de Infantil tenía que tener su continuidad en E. Primaria, que gira en torno a cuatro ejes:
• Trabajar el mundo de las emociones. Desa-rrollo de la afectividad del niño/niña.
• Alimentar, mantener viva su curiosidad creando escenarios culturales atractivos y emocionantes.
• Aprender a aprender y a pensar. Impulsar el pensamiento y la refl exión.
• Trabajar y asegurar un desarrollo positivo de la autoestima.
Este año los dos primeros cursos de E. Primaria están inmersos en este nuevo proyecto que ha exigido para su puesta en marcha la adaptación de los programas, espacios, tiempos y la reorganización de los propios alumnos-as agrupados hoy en base a nuevos criterios.
9
Berrikuntzak
2.3. BATXILERGOAN ERALDAKETA METODOLOGIKOA IKTEN BIDEZ
Informazio eta komunikazio teknologia berriak ikaskuntza-irakaskuntzako prozesuetan integratzea izan da azken urteotan Bigarren Hezkuntzako unitateko erronka nagusienetako bat, ikastolako gainontzeko unitateetan modura.
Urrats kuantitatibo eta kualitatibo esanguratsuak eman ditu Arizmendi Ikastolak teknologia berriak integratzearen beharra ikusi zuenetik. Esfortzu handia egin eta hobekuntza nabarmena eman da ikastola osoan bai azpiegituretan, bai baliabideetan (ordenagailu, proiektore, arbel interaktibo,…) bai irakasleen prestakuntza mailan.
Hala ere, urtetik urtera erronka horri erantzuteko behar berriak sortzen zaizkigu. Zentzu honetan, duela pare bat ikasturte Batxilergoko irakasle taldeak planteatutako behar bati erantzuteko, jarri genuen abian “Digitalizazio Plana” deituriko berrikuntza proiektua iazko ikasturtean.
Proiektu honen bidez, informazioa eta komunikazio teknologiak ikaskuntza-irakaskuntza prozesuetan integratzea da asmoa, eraldaketa metodologikorako, hau da, bizitzarako beharrezkoak diren konpetentziak garatzeko ikaskuntza aktiboak gauzatzeko duten potentzialtasuna aprobetxatuta.
Horretarako, Batxilergoko 1. mailan hasiko da proiektua 2012-13 ikasturtean. Ikasleen ikaskuntzarako lanabes nagusia ordenagailua izango da eta Batxilergoko ikasgai gehienek moodle plataforma birtualean izango dituzte unitate didaktikoak. Pixkana, testu-liburua ordezkatzea da asmoa.
Iazko ikasturtean eman genituen lehenengo urratsak plana martxan jartzeko: ikasle bakoitzak bere ordenagailu pertsonala izan zezan, 160 ekipo erosi ziren; irakasleek prestakuntza jaso zuten unitate didaktikoen diseinua egiteko; azpiegiturak hobetu ziren Gaztelupe eta Almen guneetan (wifi a, konektibitatea, zerbitzariak, moodle plataformaren berriztapena,…) eta gurasoak informatzeko bilerak burutu ziren.
Berrikuntza honek balio erantsi bat emango dio, gure ustez, Batxilergoko gure ikasleen prestakuntzari. XXI. mendean bizitzeko beharrezkoak diren konpetentzien garapenerako testuinguru egokiagoak sortzeko aukera ematen digulako, ikasle eta irakasleen motibazioa areagotzen lagunduko duelako eta Arizmendi Ikastolaren hezkuntza proiektua sendotuko duelako.
Arizmendi Ikastola ha dado pasos signifi cativos desde que las TICs se integraron como parte fundamental en la educación. El año pasado se decidió que el ordenador portátil personal sería en adelante la herramienta principal con la que contaría el alumnado de bachiller. Para ello, el profesorado ha trabajado intensivamente en el diseño de la asignatura que se impartirá por medio de la plataforma Moodle.
10
HEZKUNTZAPROIEKTUA3
11
Hezkuntza proiektua
3.1. SARRERA
Ikastolaren lehen zeregina da norbanakoaren identitatea zein talde identitatea eraikitzea eta bizitzea. Horregatik, Arizmendi Ikastolaren hezkuntza proiektuaren muina pertsona da, pertsona eta bere potentzialtasunak, eta erdigune horren ondorengo geruza guztiak –balioak, konpetentziak zein proiektu jakinak: kulturgunea, bazara, hizpro, kulturarteko hezkuntza, IKTak, trukeak…– muin horren bueltan, eta estuki loturik, daude. Talde nortasunari dagokionez, ikastola eta kooperatiba gara, eta, ondorioz, gure jarduera, ekimen eta egiteko guztietan islatuko diren zutabeak dira.
3.2. TRUKEAK
Arizmendi Ikastolak betidanik izan du bere egitasmoan ikasle-trukeak bultzatzeko helburua. Besteak beste, ikaslearen heziketa integralerako beste bide egoki bat gehiago delako. Halaber, aukera paregabea izan ohi da beste herrialde batzuetako pertsonak eta kulturak ezagutzeko eta gure herria ezagutzera emateko.
Azken ikasturteotan bi izan dira bideratu diren trukeak: Bretainiarekin orain hamar-bat urtetik hona egiten dena eta Europako hainbat herrialderekin egin den Comenius programa.
2011-12 ikasturtean, beste bati ekin zion Ikastolak, Iparralde-Hegoalde trukeari, hain zuzen ere. BAZARA egitasmoa dela-eta batxilergoko ordezkariek hiru eguneko trukea egin zuten B. Etxepare lizeoarekin (Baiona). Iparraldean euskalgintza zein herrigintza esperientziak ezagutzeko helburuarekin sortu zen eta Iparraldeko ikastoletako ikasleei bertan ditugun euskararen, herrigintzaren eta kooperatibigintzaren esperientzien berri emateko. Bi urtetik behin egingo da.
Ikasle-trukeak ez ezik, Ikastolak langile- zein familia-trukeak bultzatu nahi ditu. Azken horiei dagokionez, ezin ahaztu Arizmendi Kirol Elkartetik azken urteotan bideratzen duten Burdeos-Arizmendi trukea.
La persona es el eje sobre el que gira el Proyecto Educativo de nuestra ikastola, la persona con todas sus potencialidades. Y es así porque entendemos que nuestra misión principal es la construcción de la propia identidad. A su alrededor están los diferentes proyectos singulares que lo componen y desarrollan: Kulturgunea, Bazara, las TICs, la interculturalidad…
Desde su constitución, Arizmendi Ikastola ha valorado la importancia de los intercambios en el alumnado. Además del habitual encuentro con las escuelas de Bretaña, el curso anterior se realizó un nuevo intercambio con el alumnado de la ikastola B. Etxepare de Baiona. Mediante esta nueva iniciativa, que ha nacido para continuar, queremos reforzar lazos y compartir experiencias.
12
3.3. HIZPRO
Ikastolen Elkarteko egitasmoa da Hizpro, eta Arizmendi Ikastola 2005-06 ikasturtean hasi zen egitasmo horretan parte hartzen. Hizkuntza eta euskal kulturatik abiatuta, ikasle eleanitzak heztea du helburua, baina betiere euskaldun izaera kontuan hartuta. Hizproko arduradunek bi esparrutan dihardute lanean, batez ere: instituzionalean eta pedagogikoan, eta bigarren horri dagokionez, kurrikulum eremuan zein ez kurrikulumean.
Hizkuntza kurrikulum bakarrerako bidea egitea da beste helburuetako bat, betiere ikuspegi komunikatibotik. Azken ikasturteetan, LMHko eta Bigarren Hezkuntzako irakasleek adostu dute hainbat alor asmo hori bete ahal izateko: ikuspegia, xedea eta metodologia (proiektuetan oinarritutakoa). Beste bi ardatz ere baditu bere gain egitasmoak, hala nola, gainerako ikasgaietan hizkuntzaren trataera eta ahozkoaren lanketa. Biak ala biak lantzen hasita daude dagoeneko. Ulermenaren eta adierazpenaren lanketa egin dute azken bi ikasturteetan eta ikas-teknikak adostu.
3.4. EUROPAKO GAZTE PARLAMENTUA
Arizmendi Ikastolako ikasleen iniziatibaz sortu zen iazko ikasturtean, eta lehenengoz egin zen EAEn komunitateen arteko kanporaketa. Batxilergoko ikasleentzako ekimen honen helburua da parlamentuaren simulazio bat egitea eta hainbat kanporaketen ondoren, Europako Gazte Parlamentura iristea. Horretarako ikasleek ponentzia bat aurkeztu eta defendatu behar dute ingelesez, eta, aldi berean, beste ikas-tetxeetako ponentziak zalantzan jarri.
Lehenengo kanporaketan, otsailaren 25an, bost talde aritu ziren lehian Arrasateko MUko Eskola Politeknikoan, lau ikastolatako bost talde, hain zuzen ere: Durangoko Ibaizabal, Bergarako Aranzadi, Zornotzako Lauaxeta eta Arizmendi Ikastola. Apirilean Sitgesen egin zen bigarren kanporaketarako Zornotzako Lauaxetako taldea eta Arizmendi Ikastolako taldeetako bat sailkatu ziren.
Hizpro es un proyecto de la Federación de las Ikastolas que tiene como objetivo formar alumnos multilingües, teniendo como punto de partida la lengua y cultura vasca. Nuestra ikastola participa con profesorado que está trabajando tanto a nivel institucional como pedagógico.
El curso anterior, gracias a la iniciativa de unas alumnas, Arizmendi Ikastola participó por primera vez en el Parlamento Europeo de la Juventud. Una participación fructífera ya que un grupo de alumnas se clasifi có para la segunda fase.
13
Hezkuntza proiektua
3.5. POPBL
Gatazken aurrean konponbide posibleak lantzea helburu duen irakaskuntzarako metodologia da POPBL (proyect/problem based learning); metodologia aktiboen bitartez bizitzarako konpetentziak lantzen ditu.
Iazko ikasturtean, batxilergoko lehenengo mailako ikasleek bi proiektu jarri zituzten martxan POPBL metodologia erabiliz: Batxilergo Teknologikoko ikasleek kotxe elektriko bat egin zuten eta Osasun Zientzietakoek hiru platereko menua. Proiektu horien bidez ikasleek planteatutako arazo eta gatazkei erantzun behar izan zieten, euren ikasgaietan ikusitako edukiak erabilita. MUko Goi Eskola Politeknikoko irakasleen aholkularitza izan zuten proiektu horiek gauzatzeko, eta bide horretatik jarraitzeko asmoa daukate hurrengo ikasturteetan.
3.6. FIRST LEGO LEAGUE TXAPELKETA
Lego etxeak antolatzen duen mundu mailako txapelketa bat da First Lego League. Bigarren Hezkuntzan teknologia ikasgaian aritzen diren ikasleei begira antolatzen da. Parte-hartzearekin batera hainbat proiektu egin behar izaten dira taldeka, eta gauzatu beharreko lanetako bat izaten da robot bat diseinatzea hainbat misio betetzeko. Ikerlanek bultzatuta hasi zen orain bi ikasturte Arizmendi Ikastola lehiaketa horretan parte-hartzen, eta ordutik Ikerlanekin estuki lanean jarraitzen du txapelketa horren bueltan.
Txapelketak hainbat fase edo kanporaketa ditu: Euskal Autonomia Erkidekoa, Espainia mailakoa eta Europakoa. Orain bi urte Arizmendi-Ikerlan taldeak robot onenaren saria jaso zuen EAEko kanporaketan beste 29 talderekin lehiatuz; horrekin hurrengo faserako sailkatu zen, hau da, Espainiako txapelketarako.
POPBL es una metodología activa basada en el trabajo de las competencias del alumnado por medio de la resolución de problemas. El curso 2011-12, alumnos-as de bachiller tuvieron la oportunidad de poner en marcha varios proyectos utilizando dicho método. El profesorado contó con la ayuda de profesores de Mondragon Unibertsitatea.
Durante los dos últimos años alumnos-as de tecnología de 4º de la ESO están participando en una competición internacional llamada First Lego League. Entre otras cosas, tienen que construir un robot para que realice diferentes tareas. Hace dos años un grupo de la Ikastola se clasifi có en la primera fase. Arizmendi Ikastola cuenta para su desarrollo con la ayuda y asesoría de Ikerlan.
14
ETENGABEKOFORMAZIOA4
15
Etengabeko formazioa
4.1. PERTSONEN ZUZENDARITZA
Lehen aldiz elkartzen ginen Arizmendi Ikastolako ibilbidean, zuzendaritza mailako hainbeste pertsona formazio bera jasotzeko. 26 pertsona –bi taldetan– izan ginen hartzaileak. Denok “persona talde” baten koordinatzaile edo dinamizatzaile ginen. Guneetako kudeatzaileak, bere ardurapean pertsonak dituzten Zerbitzu Zentraleko kideak eta Kudeatzaile Talde Iraunkorreko partaideak ginen. Gure zuzendaritza zereginaren inguruan hausnartzeko gogoa eta beharra genituen eta zeregin horretan hobetzea eta hobekuntza konpromisoak hartzeko asmoa ere partekatzen genuen. Juan Luis eta Nerea Urkola kontsultoreak izan ziren ikastaroa zuzendu zutenak.
Pertsonen gidaritza, lidergoa, talde lana, motibazioa eta komunikazioa izan ziren 48 ordu haietan aztertu genituen gaiak. Gure funtzioan sakontzeko eta dugun zereginaren garrantziaz nagusitzeko aukera ezin hobeak aurkitu genituen.
Zuzendari edo kudeatzaile, berdin da erabiltzen dugun terminoa, garela geureganatzea eta barneratzearen ezinbestekotasunaz hitz egin ziguten. Ze onura ekar diezaiokeen kudeatzaile batek taldeari eta zenbat kalte egin dezakeen txar batek ere ulertzeko baliagarri izan zitzaigun ikastaroa. Gure lanaren egunerokotasunean benetan baliagarriak izaten ari zaizkigun ideiak jaso genituen.
Bestalde, 48 ordu elkarrekin hausnartzen egotea eta gure lanean bizi ditugun hainbat egoera eta ditugun bizipenak elkar jartzea baliagarri izan zitzaigun bata bestea ulertzeko eta elkarrengandik gertuago sentitzeko. Ikastolaren gidaritzaren ardura partekatzen dugula biziki sentitu genuen.
Zailtasunak zailtasun, indar handia izan zen gure zuzendaritza eginkizunetan jarraitzeko. Balorazioa: hobezina eta poztasuna. Bi hitz horiek islatu ditzakete ondo ikastaroaren bukaeran partaideen artean entzuten zirenak.
4.2. KOOPERATIBAGINTZAN FORMATZEN
Badira bost urte MONDRAGON eta Mondragon Unibertsitatea “Kooperatibagintzan aditu titulua” ateratzeko ikastaroak eskaitzen ari dela. Helburua biziberritze kooperatiborako estrategiak indartu eta bultzatuko dituzten pertsonak formatzea da. Ikastaroa astero egun oso batez eskaintzen da Otaloran eta ia ikasturte osoa irauten du.
2011-12 ikasturtean gure kooperatibatik Iñaki Gonzalezek eta Alaitz Morrasek parte hartu zuten ikastaroan.
Todas las personas que compartimos la responsabilidad de “dirigir y dinamizar personas”en la Ikastola realizamos a lo largo del curso pasado un curso de 48 horas de duración de la mano de Juan Luis y Nerea Urcola.
La dirección de personas, el trabajo en grupo, el liderazgo, la motivación y la comunicación fueron los temas objeto de refl exión.
El curso sirvió para concienciar al grupo sobre la importancia de la función del gestor en el buen funcionamiento y clima del grupo. Sirvió también para cohesionar al grupo como responsables del funcionamiento de la Ikastola desde el papel de la dirección.
El Grupo Mondragon y Mondragon Unibertsitatea ofrecieron por quinto año consecutivo el master que capacita como técnico especialista en gestión cooperativa. El objetivo que anima la iniciativa es la formación de personas que incidan en la renovación y consolidación del movimiento cooperativo.
Iñaki Gonzalez y Alaitz Morras, socios de Arizmendi, participaron el pasado curso en este máster.
16
I K A S T O L AHERRIGINTZAN5
17
Ikastola herrigintzan
5.1. ARETXABALETAN, UDABERRIKO JAIA
Iaz, seigarrenez, festa handia ospatu zuten Aretxabaletan, Udaberriko Jaia zela-eta. Maiatzaren 12an, goiz erdian, egin zuten hitzordua Aretxabaletako familiek eta ikastola kideek.
Herriko plazan jolasak antolatu zituzten eta talogintza tailerra zein euskal dantzak ere bai. Kalejiran ibiltzeko astirik ere hartu zuten bazkal aurretik. Herri bazkariaren ostean, berriz, umeentzako tailerrak, antzerki musikatua eta, egunari amaiera emateko, Kukua eta Argitxorekin txokolatada.
5.2. ARRASATEN, IKASTOLAREN EGUNA
Urriaren 15ean ospatu zen iaz Ikastolaren Eguna. Azken urteetan bezala, Ferixalekuan izan zen gune nagusia, eta bertan jarri ziren ospakizunerako propio prestatutako txoko, puzgarri eta aisialdirako gainerako instalazioak. Iazkoan ere, Argitxoren urtebetetzeak hartu zituen begirada gehienak.
Hasteko, gosari erraldoia egin zen Ferixalekuan Lanbide Heziketako erizaintzakoen eskutik. Goiz erdian, herri-kirolak eta Mihiluze txapelketa Lehen Hezkuntzako nagusientzat, eta festaren unerik erakargarriena, Argitxoren urtebetetzea, eguerdi partean. Txikienek Argitxori zorionak kantatu ondoren, LMHko 3. eta 4. mailakoek euren emanaldiak eskaini zituzten. Bestalde, Ikastolaren Egunaren bueltan hainbat ekintza egin ziren aurreko egunetan Aste Kulturalaren baitan.
5.3. ESKORIATZAN, 16. FERIXIE
Ekainaren 2an 16. Ferixie ospatu zen Eskoriatzan, eta iaz ere giro aparta bizi izan zuten, berriro ere, eskoriatzarrek. Goizean goiz hasi zen jaia txapliku jaurtiketarekin eta txistularien kalejirarekin. Azokan artisauen 55 postu jarri ziren, gehienak bertako baserritarrenak. Goizean zehar, bestalde, V. Gazta dastatzea eta txapelketa egin zen eta XV. Txorimalo lehiaketa.
Goiz erdian, haur eta gazteentzat tailerrak, puzgarriak eta jolas tradizionalak jarri ziren martxan, eta eguerdi partean Eskoriatzako dantza taldearen ekitaldia eta sari banaketak egin ziren plazan. Herri bazkariaren ondoren, iluntze aldean, II. Txapel jaurtiketa txapelketa.
Arizmendi Ikastola organiza diferentes actividades abiertas a todos los ciudadanos entre las que destacan la Fiesta de la Primavera, el Día de la Ikastola y la Feria de Eskoriatza. El curso pasado se celebró la 16º edición de la Feria que se celebra en Eskoriatza y la 6ª de la Fiesta de la Primavera, en Aretxabaleta. El Día de la Ikastola tuvo lugar en Arrasate con amplia participación de familias.
18
A R I Z M E N D I I K A S T O L A ,LANKIDETZAN6
19
Arizmendi Ikastola, lankidetzan
6.1. IKASTOLA, HEMEN BAI. LODOSAN ZERGATIK EZ?
Iazko otsailean, Lodosako Ikastolaren aldeko ekimen garrantzitsua egin zuen Arizmendi Ikastolak. Bertako ikasle, langile eta gurasoak zein herriko hainbat eragilek Arrasate, Aretxabaleta eta Eskoriatzako plazetan bildu ziren euren ekarpen ekonomikoa egitera, eta, era berean, Lodosako Ikastolaren egoerarekiko elkartasuna adieraztera. Ekimenak, beraz, helburu bikoitza izan zuen: Lodosako Ikastolaren aldeko dirua biltzea baina baita ere herritarrekin batera erakustea Arizmendi Ikastolaren inplikazioa eta konpromisoa ikastolen mugimenduari eta, oro har, euskalgintzari dagozkigun kezka, behar eta proiektuetan.
Iaz Lodosako Ibaialde Ikastolak arazo ekonomiko larriak izan zituen, eta Euskal Herri osoko ikastolei zein euskalgintzarekin lotutako erakunde eta taldeei laguntza eskatu zien. Ikastola, hemen bai. Lodosan, zergatik ez? izan zen ekimen hartarako aukeratu zen mezua. Izan ere, euskarazko irakaskuntza baino harago doan irakaskuntza euskalduna egitea da gure xedea, hemen, Leintz bailaran, Lodosan, eta Euskal Herriko lurralde guztian. Dirutan, 12.200€ inguru bildu zen, baina kopurua garrantzitsua izanik, ez zen izan garrantzitsutzat jo daitekeen emaitza bakarra; izan ere, ekimen harekin lortu zen, besteak beste, ikastolako ikasle, irakasle, langile eta gurasoak ilusio handiz elkarlanean aritzea, hiru ekitaldiak antolatzeko herrietako eragileekin batera indarrak metatzea eta dei hari erantzunez hiru plazak herritarrez betetzea.
6.2. HUHEZIREKIN ELKARLANEAN
Huhezi eta Arizmendi. Arizmendi eta Huhezi. Deba Garaian kokatuta dauden hezkuntza erakundeak, kooperatiba integralak, irakasleriaren prestakuntzarekin zerikusia duten erakundeak…. Badira elkartzen eta bide berean jartzen gaituzten arrazoi garrantzitsuak. Erakunde bakoitza bere historia idazten jarriko balitz, ziur asko denboran zehar kapitulu batzuk elkarrekin jorratu izan ditugula ikusiko genuke. Horra hor, Irakasle Eskola sortzeko unean Almenekin emandako lankidetza, edota laurogeita hamarreko hamarkadan murgiltzen planaren barruan material globalizatuak elaboratzeko proiektua.
Dena dela, azken garai honetan ez badugu elkarrekin proiekturik gauzatu, Bagara proiektuak bailaran hedatu nahi duen fi losofi ak hezkuntza erakundeok loturak estutzeko interesgarritasuna edo egin beharraren kontzientzia astindu digu. Sinergiak aprobetxatu gabe bakoitzak bere bidea eginez noraino ez ote gabiltza aberasteko aukera galtzen? Intuizio horren bueltan hasi ginen zerbait eraikitzen, duela urte pare bat.
Ondorioz, Huheziko zuzendaritza eta Ikastolako lehendakari eta zuzendaria egon zitezkeen oztopoak ekidin eta lankidetzarako aukerak topatzen elkar lanean aritu gara. Lankidetza sinatu eta hiru gai dira une honetan elkarrekin jorratzen ari garenak:
• Ikasleen praktikuma, ikasleen prestakuntza sendotuko duten praktika batzuk irudikatzea da helburua.
• Kulturartekotasunaren oinarrizko fi losofía ikasle guztiengan lantzeko sekuentzia baten elaborazioa eta aplikazioa.
• Kooperatibagintza. Arizmendi Ikastolako identitate-plana sendotzeko bidean berau lantzeko sekuentzia baten elaborazioa eta aplikazioa. Huhezik, Lankiren bitartez, irakasleak horretarako prestatuko ditu eta gainetik bere parte-hartzea prozesuaren behatzailearena izango da.
En febrero del curso pasado Arizmendi Ikastola organizó un acto solidario con el objetivo de ayudar económicamente a la ikastola Ibaialde de Lodosa. Logramos reunir a cientos de voluntarios en las plazas de Eskoriatza, Aretxabaleta y Arrasate. Se consiguieron 12.200 euros, que representantes de la Ikastola Ibaialde agradecieron personalmente.
En el transcurrir de los años no es la primera vez que las circunstancias han llevado a las cooperativas que convergen en Arizmendi Ikastola a colaborar con Huhezi o entonces Irakasle Eskola.
En el contexto actual, la fi losofía del proyecto BAGARA nos llevó a pensar en la necesidad de acercarnos en la búsqueda de sinergias que pudiesen enriquecernos a todos.
La voluntad de la dirección de ambos centros ha concluido en la fi rma de un convenio que para el actual curso 2012-2013 contempla trabajar en común los temas del practicum, la interculturalidad y el cooperativismo.
20
6.3. 1512-2012: ASABA ZAHARREN OIHARTZUNA
2012an bostehun urte dira gaztelarrek, hainbat saiakeraren ondoren, Nafarroako erresumaren lurrak inbaditu zituztela. Urrun dago zorigaiztozko inbasio haren bertsio ofi ziala edota hainbat eta hainbat liburuetan jasotzen dena errealitatean gertatu zen hartatik. Eta gertatu zen historia gordin haren egia da Nabarraldek, azken urte honetan bere lan eta antolatu dituen kongresuen bitartez, hedatu eta ezagutzera eman nahi izan duena.
Zer den Nabarralde galdetuko dio norbaitek bere buruari, beste zenbaitentzat aski ezaguna izango den bitartean. Eta hitz gutxitan honela defi nituko genuke: Nabarralde euskaldunon memoria kolektiboa eta gure historiaren kontzientzia deskubritzeko eta berreskuratzeko lanetan jardun duen erakundea da. Ikerketa, ezagutza, dibulgazio proiektua, gure historia, kultura eta, kolektibo bezala, eragiten diguten osagarri guztien azterketa eta hedapena xedetzat duena.
Testuinguru honetan azken urte honetan antolatu dituen bi kongresuetan “Nafarroaren konkista” izan da gai zentrala. Duela urtebete Oñatin antolatutako 2. Kongresuan bertako Txantxiku Ikastola eta Arizmendi gonbidatu gintuzten Kongresura bertan laguntzera eta, gure ekimen propioaz, zerbait antolatzera.
Horrelako gertakizuna gure historiaren irakaskintzaren arlotik ezin zela aldendu argi geneukan, eta DBHtik gorako ikasleei aukera eman genien Nabarraldekoen ahotik konkista haren bertsio euskalduna eta gurea entzuteko. Aukera polita izan zuten gertakizun hura gertuagotik ezagutzeko.
Eta gehiago zer? Ikastola garen heinean euskalgintzarako dugun konpromisoak esaten zigun gure alea jarri behar genuela euskaldunon historia bere lekura ekartzen laguntzeko. Askoz gehiago pentsatu gabe, guk ditugun baliabideak ingurukoekin batu eta zerbait polita atera zitekeela pentsatu genuen.
Hau da “1512-2012, Asaba zaharren oihartzuna” ikuskizunaren jaiotzaren kronika laburra. Balorazioa azaroaren 9an Amaia Antzokira gerturatu ziren bakoitzaren barruan eta iritzian dago.
Hemendik gure eskerrik onenak ikuskizuna posible egin zuten guztiei: abeslariei, dantzariei, dultzaineroei eta baita euren diru-laguntzarekin edo beste era batera euren ekarpena egin zutenei ere.
Halere, eskerrak emateko unean aparteko paragrafoa eta hizki larriz aipatu behar ANTZERKI TALDEARI zor dizkiegunak, antzerkia izan baitzen ikuskizunaren ardatza. Antzerki taldea bera, Dabid Errastiren gidaritzarekin, izan baitzen gidoiaren asmatzailea ere. Ordu asko eta asko eman zioten antzezlana prestatzeari. Horren lekuko geu gara. Berriro ere talde horrek bere zaletasun eta ahaleginean jartzen duen grina agerian gelditu zen. Hain arrakastatsu izaten jarrai dezatela opa diegu.
En el contexto creado por Nabarralde en sus dos últimos Congresos en los que la conquista del reino de Navarra por parte de Castilla ha sido el tema central, surge en Arizmendi Ikastola la idea de colaborar en la recuperación de nuestra memoria colectiva. Contribuir a la toma de conciencia de nuestra propia historia resulta atractivo para la Ikastola por lo que surge la idea de rememorar un acontecimiento importante de nuestro pasado.
Muchos meses de trabajo del grupo de teatro dirigido por Dabid Errasti han concluido en la representación que el 9 de noviembre ha tenido lugar en el teatro Amaia de Mondragon.
Nuestro agradecimiento desde aquí al grupo de dantza Txikitxu-Arrostaitz, a Goikobalu Gaztea, a los dultzaineros de Arrasate y, por supuesto, al grupo de teatro porque la participación de todos hizo posible la representación que muchos pudimos disfrutar.
21
Arizmendi Ikastola, lankidetzan
6.4. BAGARAKO BAZKIDE DA ARIZMENDI IKASTOLA
Orain hiru urte abiatu zen BAGARA egitasmoaren parte da, bazkide, 2011-12 ikasturtea geroztik Arizmendi Ikastola. Gizartegintzaren bidean sakontzea helburu duen egitasmoa da BAGARA, eta hiru esparru nagusitan hedatzen du bere eginkizuna: kooperatibigintza biziberritzeko esparruan, ekimen komunitarioen sustapenean eta hezkuntzan.
Hezkuntzari dagokiola, egitasmoaren osotasunari begiratuz gero, esparru hau ere erdi-erdian agertzen da. Eskualde bateko komunitatearen garapenean ezinbestekoa da hezkuntza esparrua eraldaketarako giltzarri garrantzitsu bezala kontuan hartzea. Hezkuntza betebehar soziala da, ikastetxeetatik harago doan egin beharra, gizarteko beste eragile askorekin partekatu beharreko eremua. Hortik heltzen dio BAGARAk hezkuntza esparruari, pertsonaren eta komunitatearen garapen integralerako esparru bezala, gizarte ekintza orok duen dimentsio hezitzailea kontuan hartuz, eta hezkuntza jarduera bizitzako aldi jakin batera mugatu barik.
Ikuspegi hori garatzeko inportantea da Debagoienako hezkuntza eragile guztiak, haurtzarotik unibertsitate garaira arte luzatzen den aldian eragina dutenak zein beste batzuk garapen komunitarioaren estrategietara ekartzea. Hor kokatzen da, hain zuzen ere, Arizmendi Ikastolaren parte-hartze zuzena bailarako egitasmo honetan.
El proyecto comarcal Bagara se puso en marcha hace tres años. Durante el curso anterior Arizmendi Ikastola decidió formar parte haciéndose socio colaborador. Los ejes sobre los que trabaja Bagara son tres: el cooperativismo, las iniciativas comunitarias y la educación.
22
KULTURGUNEA,IAZ ERE DENON
ESKURA7
23
Kulturgunea, iaz ere denon eskura
7.1. HAUR HEZKUNTZA ETA KULTURGUNEA
Kulturguneak iazko ikasturtean hainbat tailer antolatu zituen lau eta bost urteko haurrentzat: antzerkia, panderoa, artelanak, patinajea, euskal dantzak, batuka, munduko dantzak eta yoga. Tailer motz horietan 510 ikaslek hartu zuten parte, aurreko ikasturtean baino 62 ikasle gehiagok.
Bestalde, bost urteko haur batzuk udalekutara joan ziren, Garesera, eta beste batzuek udaleku irekietan parte hartu zuten. Udaleku ireki horietan, askotariko ekintzak antolatu zituzten Kulturgunekoek monitore eskolakoen laguntzarekin.
7.2. LANGILE ETA GURASOENTZAKO IKASTAROAK
2011-12 ikasturtean, Arizmendi Ikastolako langile eta gurasoentzako hainbat ekintza antolatu zituen Kulturguneak. Batzuk gurasoek eskatutakoak izan ziren eta beste batzuk, aldiz, Kulturgunetik bertatik antolatuta. Besteak beste, hauexek izan ziren eskainitako jarduera eta ikastaroak: IKTekin lotutakoak (Twitter, Tuenti, Google+), argazkilaritza, antzerkia, Lehen Sorospenak, teknika hipopresiboak, guneen arteko olinpiadak.... Guraso eta langileak kontuan izanda, 271 lagunek aprobetxatu zuten eskaintza hori.
7.3. 327 KIROLARI
Kulturgunea egitasmoaren baitan dago Arizmendi Kirol Elkartea. Hortik bideratzen dira kirol ekimen gehienak. Iazko ikasturtean kirol hauetan parte hartu zuten Arizmendi Ikastolako ikasleek: futbola, areto futbola, igeriketa, saskibaloia, squasha, eskalada, mendi-lasterketa eta boleibola. Lehen Hezkuntzako eta Bigarren Hezkuntzako ikasleak ez ezik, horietako batzuetan ikasle ohiak ere aritu ziren.
7.4. HERRIRA ZABALIK
Herrira begira ere badago Kulturgunea. Beste ekimen batzuen artean, nabarmentzekoa da Gabonetako Emakumezkoen Futbol Txapelketa. Txapelketa hori sortu zen Arizmendi Ikastolako nesken futbol taldeei aukerak zabaltzeko. Baina ez horiei begira bakarrik, baizik eta Euskal Herri mailako emakumezko futbolari guztiei. Horregatik, bailarakoak ez ezik, beste hainbat lekutatik ere etorri ohi dira txapelketan parte hartzera.
Iazkoan, Senior mailan, Euskal Herriko talde onenak etorri ziren, Espainiako Superligan jokatzen duten taldeak, hain zuzen ere: Reala, Athletic eta Eibar. Horiekin batera Debagoienako selekzioa aritu zen (Bergara, Aloñamendi, Mondra eta Arizmendi senior taldeetako futbolariekin osatuta). Super Ligakoen torneoari dagokionez, Realak irabazi zuen kopa, fi nala Eibarren aurka lehiatu ondoren.
Talde horiek ez ezik, alebina, infantila eta kadetekoak ere ibili ziren txapelketan, futbol 8ko txapelketan.
Kulturgunea es uno de los pilares sobre el que sustenta nuestro Proyecto Educativo. Su objetivo principal es fomentar las actividades extra escolares entre todos los integrantes de la Ikastola y su entorno. El curso pasado participaron 510 niños-as en los talleres de educación infantil, 271 padres y profesores en diversos cursos y 327 alumnos-as en actividades deportivas.
24
LANBIDEHEZIKETA8
25
Lanbide Heziketa
8.1. ZUK ZEUK SORTU!: EKIMEN BERRIA ERAIKUNTZAKO ZIKLOETAN
Arizmendi Ikastolako Lanbide Heziketak, eraikuntza jasangarriaren apustuarekin jarraituz, iaz Zuk Zeuk Sortu! ekimena jarri zuen martxan. Egitasmo horren helburua da iraupen laburreko tailerren bitartez energia berriztagarriak denon eskura jartzea, era horretan, sarritan profesionalen esparruan geratzen diren ezagutzak herritarrengana helaraziz.
Lehenengo urtean bi tailer abiarazi zituen: etxola jasangarria eta furgoneta fotoboltaikoa. Aurrerantzean, beste hainbat gai landuko ditu, betiere bioeraikuntza, energia berriztagarriak eta jasangarritasuna helburu izanik.
Lanbide Heziketako eraikuntzak orain urte batzuk egin zuen apustua energia berriztagarri eta eraikuntza jasangarriaren alde. XXI. Mendeko Etxebizitza Jardunaldiekin hasi zen sei urte dela, eta handik bira Ekokaleak Ideia-lehiaketa antolatu zuen, hiri-altzari jasangarrien diseinu lehiaketa, eta ondoren Ekounter estatu mailako Lanbide Heziketako eskolen topaketarekin osatu zuen egitasmoa.
8.2. ELENCO
Orain dela urtebete hasi zen Arizmendi Ikastolako Lanbide Heziketa, Alecopekin eta LKS Ingeniaritzarekin elkarlanean, ELenCO proiektua lantzen. ELenCO (Elearning en Construcción) Lanbide Heziketarako eduki eta ezagutzak sortzeko proiektu berriztatzaile bat da, eta MECetik, Espainiako Hezkuntza Ministeriotik, diru-laguntza esanguratsua jaso zuen.
Lanbide Heziketarako euskarri izango den material didaktikoa inplementatzeaz eta estandarizatzeaz gain, metodologia pedagogiko berria sortzea du helburu, hots, ondo egokitutako plataforma bat prestatzea, irakasleek zein ikasleek eta profesionalek edozein tokitatik eta edozein momentutan erabili ahal izateko.
Bestetik, ikastetxe-enpresa eta erakundeen arteko elkarlan bat da. Aurretik aipatutako MONDRAGONeko bi kooperatiba horiek ez ezik, Euskadiko Eraikuntza Clusterra eta Lanbide Heziketako beste bi ikastetxe ere –Valentziako Ies Pou Clar de Ontinyent eta Lleidako Colegio Episcopal Mare de Deus de l`Academia– ari dira lankidetzan.
Zuk zeuk sortu! es una nueva iniciativa que puso en marcha el curso pasado la Formación Profesional de la Ikastola. Se trata de talleres relacionados con la sostenibilidad y dirigidos tanto a profesionales como interesados en general.
Hace un año la Formación Profesional de Arizmendi Ikastola consiguió una importante ayuda económica del MEC para desarrollar el proyecto ELENCO (e-learning en construcción) con Alecop, Eraikune, LKS Ingeniería y otros dos centros de FP de Valencia y Lleida. Dicho proyecto tiene como objetivo diseñar e impartir formación on line para profesores, alumnos-as y profesionales.
26
8.4. PRESTAKUNTZA IRAUNKORRA ERE HELBURU
Zikloez gain, langabeentzako lanerako prestakuntza zein langileentzako prestakuntza ikastaroak eskaintzen ditu ikasturtean zehar Lanbide Heziketak. Aktibitate horrek TAFYDen hartzen du garrantzi berezia, inolako diru laguntzarik gabe, urtero mantentzen baitu eskaintza esanguratsua eta oso ondo hartua. Iaz, adibidez, barne ziklismorako monitoretza, hesgailu funtzionala eta pisua taldean izeneko ikastaroak eman ziren. Horien bitartez, profesionalek –tartean ikasle ohiak ere bai–, kiroletako azken joerak eta gaurkotasun pedagogikoa bezalako gaiak aztertu zituzten.
Prestakuntza iraunkorra beste zikloetan ere egonkortzen ari da. Eraikuntzakoan, esate baterako, iaz Cypecad eta Cype instalakuntzak izeneko programa informatikoak eskaini ziren eta erizaintzakoan, Psikiatria hastapenak eta Geriatria laguntzaileak.
Halaber, beste arlo batzuetan ere ematen da formazioa; adibidez, sare sozialen gaineko ikastaroak eman zitzaien Ikastolako lankide eta gurasoei. Guztira 150 ikaslek hartu zuten parte iazko ikastaroetan, gogobetetasun maila handia azaldu zutelarik.
8.3. GIZARTERATZE PROFESIONALIZATURANTZ
Hirugarrenez antolatu ziren iaz Erizaintzako laguntzaileak, gaur jardunaldiak. Pertsonen eustea: errealitatea eta alternatiba izenburupean egin ziren, eta aurrekoetan bezala, iazko jardunaldiek ere arrakasta handia izan zuten. Bertaratutakoek lau adituren hitzaldiak entzuteko parada izan zuten eta baita tailerretan parte hartzeko aukera ere. Lanbide Heziketaren erizaintzako irakasle taldeak orain hiru urte ekin zion jardunaldietako bidea jorratzeari, hain zuzen ere, erizaintza laguntzailearen profi la profesionalizatzeko beharra zegoela ikusita.
Testu inguru horretan PHOMIRADAS argazki lehiaketa ere koka dezakegu. Erizaintzako laguntzaileen lana azaleratzeko eta duintasuna emateko helburuarekin sortutakoa, alegia. Iaz, bigarren edizioan, hainbat erizaintza laguntzailek ere hartu zuten parte.
Por tercer año consecutivo, el equipo de profesores de salud y enfermería de FP de Arizmendi Ikastola organizó las jornadas “Erizaintza laguntzaileak, gaur” sobre el tema “Contención de las personas: realidad y alternativas” para tratar temas relacionados con el desarrollo profesional de los auxiliares de enfermería. Asimismo, se convocó por segunda vez el concurso fotográfi co Photomiradas.
La Formación Profesional de Arizmendi Ikastola ofrece también formación permanente tanto para trabajadores y profesionales como para personas en desempleo. El curso pasado, un total de 150 personas participaron en los cursos impartidos.
27
Lanbide Heziketa
8.5. LANBIDE HASTAPENA
Lanbide Hastapena edo Hasierako Lanbide Prestakuntza programa, Debagoienan, Arizmendi Ikastolak kudeatzen du. Hezkuntza arautuaren baitan graduatu titulua eskuratzeko aukera ematen die programa honek 15 eta 18 urtera arteko hainbat gazteri. Horietako batzuek, gainera, erdi mailako heziketa-ziklo bat egin ahal izaten dute amaitu ondoren. Bi maila dira, eta urte bakoitzean bi tailer eskaini izan dira azkeneko ikasturteetan: iturgintza, elektrizitatea, sukaldaritza eta mekanika. Gazteei heldutasun pertsonala sendotzen lagundu nahi die programak eta DBHko oinarrizko prestakuntza eman zein lanbide-gaitasunak eskuratzen lagundu.
2011-12 ikasturtean, Lanbide Hastapenean 22 ikaslek bukatu zuten bigarren maila. Horietatik 11 ikaslek lortu zuten graduatua; 4 ikaslek, lan kontratua eta 7 ikaslek helduentzako eskolan (EPAn) ikasten dihardute. Irakasle taldeari dagokionez, zortzi lagun izan ziren eskolak eta tailerrak ematen iazko ikasturtean Lanbide Hastapenean.
Formación Profesional de Arizmendi Ikastola gestiona desde hace más de diez años la Iniciación Profesional del Alto Deba. Es un programa dirigido al alumnado que no ha obtenido el graduado escolar. Es un programa de dos cursos de duración y con un total de cuatro talleres: electricidad, fontanería, cocina y mecánica.
28
KULTURARTEKOH E Z K U N T Z AA R I Z M E N D II K A S T O L A N
9
29
Kulturarteko hezkuntza Arizmendi Ikastolan
Immigrazioak gero eta gizarte pluralagoan bizitzea dakar. Ikastola, gizartearen ispilu denez, hainbat jatorri eta kulturatako ikasleak jaso izan ditu azken urteotan. Hala ere, ez da horretara bakarrik mugatu, izan ere, hezkuntza proiektuaren beste ildo bat gehiago da Kulturarteko Hezkuntza Arizmendi Ikastolan. Kulturen arteko elkarbizitzaz gain elkar ulertze eta elkar trukea egon dadin nahi dugu Ikastolan, eta gure ikasleak globalagoa eta anitzagoa izango den mundu baten bizitzeko prestatu nahi ditugu.
9.1. ETORKIN FAMILIAK GUREAN
Azken hamar urteko datuei erreparatuz gero, iaz 107 ikasle zeuden Ikastolan atzerritik etorrita. Nazioarteari begira –Espainiar estatutik etorritakoak kontuan izan barik–, 89 ikasle: 8, Haur Hezkuntzan; 44, LMHn; 31, BHn eta 6, Lanbide Heziketan. Jatorriari dagokionez, Hego Amerika eta Ertamerikatik (Brasil, Peru, Ekuador, Kuba, Argentina, Mexiko, Venezuela, Bolivia, Kolonbia, Dominikar Errepublika, Guatemala eta Honduras) etorritakoak, 45; Asiatik (Txina, Turkia eta Pakistan), 6; Europar Ekialdetik (Errumania, Ukrania eta Bulgaria), 6; Europar Mendebaldetik (Erresuma Batua, Herbeherak eta Portugal), 17 eta Afrikatik (Maroko), 10. Espainiar Estatutik etorritako 18etatik 9 ijitoak ziren.
9.2. HARTU-EMANETAN FAMILIEKIN
Bazara egitasmoaren eta Kulturarteko Hezkuntzaren arduradunek iaz saiakera bat egin zuten 2011-12 ikasturtean guregana etorri ziren hamabi ikasleen familiekin bilera bat egiteko. Gutxi batzuk baino hurbildu ez baziren ere, urrats bat gehiago izan zen gure hezkuntza proiektuari dagokiola. Ikastolako, bailarako eta, oro har, Euskal Herriko informazio zehatzagoa eskaintzea izan zen helburu nagusia, eta horrekin batera euren esperientziak partekatzeko ere balio izan zuen.
La pluralidad de la sociedad se refl eja también en nuestra Ikastola. En los últimos años se han integrado en nuestras aulas aproximadamente 107 alumnos-as de otros países. Por ello, colaboramos con varias asociaciones entre la que se encuentra Kale Dor Kayico que trabaja para la integración de los gitanos en nuestra sociedad. Entre otras iniciativas, el curso pasado, entablamos relación con los familiares de los alumnos-as que se habían incorporado a la Ikastola.
9.3. IJITOAK GURE ARTEAN ETA KALE DOR KAYIKO
Besteak beste, ijitoak gure artean integratzen laguntzeko asmoz sortu zen Kale dor Kayiko erakunde sozio kulturala. Erakunde horrek urtero errekonozimendu ekitaldi bat egiten du zikloz promozionatzen duten ikasleentzako. Orain urte gutxi gure arteko ikasle bat omendu zuten, eta iaz ere aipamena jaso zuen beste batek DBHra pasatu zelako, Carmen Jimenezek, hain zuzen ere. Iazko ikasturtean ijito arrazako 12 ikasle izan genituen Ikastolan.
30
IKASTURTEKOSAR IDUNAK10
31
Ikasturteko saridunak
10.1. EKOKALEAK
Ekokaleak Ideia Lehiaketa laugarrenez egin zen iaz Lanbide Heziketako eraikuntzakoek antolatuta. Hiri altzari iraunkorraren inguruko lehiaketa honetako iazko gaia iturria izan zen, eta 85 lan aurkeztu ziren.
Bost sari banatu ziren XXI. Mendeko Etxebizitzen Jardunaldiak aprobetxatuta: lau epaimahaiarenak eta bosgarrena, Gazte Saria, Arizmendi Ikastolako batxilergoko ikasleek aukeratuta. Epaimahairen lehenengo saria Bartzelonako Escola del Treball ikastetxeko Jordi Masaguerrek, Kevin Miguelek eta Daniel Zaratek osatutako taldeak jaso zuen Fuente Grifon lanari esker; bigarrena Santiagoko As Fontillas ikastetxeko Anxo Rodriguez, Cesar Garcia, Manuel Vazquez eta Ruben Nievesek osatutako taldearentzat izan zen, STELAE lanagatik eta hirugarrena Barakaldoko Nicolas Larburu institutuko Lexuri Arregik jaso zuen, Pluvia lanari esker. Lehenengo saria jaso zuen institutuarentzat izan zen laugarren saria ere, Fuente Bambu lanagatik. Azkenik, Gazte Saria Guadalajarako Aguas Vivas institutuko David Zamorak jaso zuen GreenMChine lanari esker.
10.2. BHKLIP BIDEO-LEHIAKETA
Bigarren Hezkuntzakoei begira antolatu zen BHKlip bideo-lehiaketa iaz laugarrenez. Bailara gaztea izenburupean ikus-entzunezko ugari aurkeztu zituzten ikasleek, eta aurreko edizioan bezala, hiru sari banatu ziren: Epaimahaiaren bi sari eta Ikuslearen Saria.
DBHko Epaimahaiaren Saria Bailara gazte bategatik lanak jaso zuen (Matilde Aizpurua, Nerea Elorza eta Deiane Marcos); batxilergokoa, Post it lanak (Asier Lete, Iratxe Moreno eta Ane Martin) eta Ikuslearen Saria, Erreportajea bideoak (Elene Azkoaga, Janire Berasaluze eta Koro Varo).
El curso pasado, en la cuarta edición del concurso de ideas de mobiliario urbano sostenible Ekokaleak, se presentaron 85 trabajos. Los premiados fueron: Fuente Grifón, Stelae, Pluvia y Fuente Bambú. Ekokaleak es un concurso organizado por el ciclo de edifi cación y obra civil de Formación Profesional en el que los participantes tienen que diseñar un mobiliario urbano.
En la edición del año pasado del concurso de audiovisuales BHKlip los premios fueron para Bailara gazte bategatik, Post it y Erreportajea.
32
10.3. EGUBERRIETAKO POSTAL LEHIAKETA
Arizmendi Ikastolako DBHko lehenengo ziklora arteko ikasle guztiek hartzen dute parte lehiaketa artistiko honetan, eta saritutako lanekin Gabonak zoriontzeko postala osatu ohi da. Iazko ikasturtean, sari nagusia Bigarren Hezkuntzako Ane Arrietak jaso zuen. HHko saria Aimar Segurarentzat izan zen; LHkoa, Naia Lanentzat eta DBHkoa, Eider Luengorentzat.
Hamabost sari banatu ziren guztira. Sari nagusia eta etapetakoak ez ezik, gune bakoitzeko ordezkariek ere izan zuten saririk: Basabeazpi (Maren Lazpiur), Umezaintza (Izadi Ramos), Olarte (Alaitz Etxeberria), Santa Teresa HH (Noa Iglesias), Santa Teresa LH (Aitor Uranga), Jose Arana (Markel Madinabeitia), Arimazubi HH (Ander Onandia), Arimazubi LH (Maite Lizundia), Uribarri (Irati Rodriguez), Almen LH (June Gastañaga) eta Gazteluondo (Kiara Dorronsoro).
10.4. DKV SARIETAN ALAZNE ZUBIZARRETA
Alazne Zubizarreta DKV seguru-etxeak antolatzen duen sarirako hautagai izan zen iaz, bigarrenez. Estatu mailako lehiaketa horretan bere lana, beste hamabostekin batera, aukeratu zuten, eta horri esker Valentzian astebeteko egonaldia egin zuen uztailean, besteak beste, lehiaketako sari bat eskuratzeko ahaleginetan. Batxilergo artistikoa bukatu zuen 2011-12 ikasturtean Alazne Zubizarretak.
Un total de quince alumnos-as recibieron premio por los dibujos que presentaron en el concurso de felicitaciones de Navidad.
La alumna de bachiller Alazne Zubizarreta fue clasifi cada para participar en la fase fi nal por segundo año consecutivo de los premios que la casa de seguros DKV otorga a los mejores artistas.
33
Ikasturteko saridunak
10.5. GAUEKO TAFYD KROSA
Ilazko ikasturtean, hirugarrenez antolatu zen Gaueko TAFYD krosa, eta esan daiteke ari dela bere lekua hartzen Lanbide Heziketakoen ekimenez sortu zen lasterketa herrikoi hori. Izan ere, gero eta partaidetza zabalagoa eta gero eta presentzia handiagoa ikusten da herrian. lazkoan, ia 90 lagun animatu ziren lasterketa egitera. lrabazlea emakumezkoetan Ainhoa Sanz urretxuarra izan zen eta gizonezkoetan, Durangoko David Garcia.
Ainhoa Sanz y David Garcia fueron los mejores corredores en el Gaueko Tafyd Krosa que organizó por tercera vez consecutiva el ciclo de Actividades físicas y deportivas de Formación Profesional de Arizmendi Ikastola
34
GUREESKERRONA11
35
Gure eskerrona
11.1. ESKOLARTEKO 25. ABESBATZEN TOPAKETA
Berezia izan zen iazko ikasturteko Eskolarteko Abesbatzen Topaketa. Izan ere, 25 urte bete zituen ekimen honek, eta beraz, zilarrezko ezteiak ospatu zituen Arizmendi Ikastolak. Urteurrena dela-eta egitarau berezia prestatu zuten antolatzaileek 25 urte horietan ekimenaren bultzatzaile izan zirenak omentzeko. Besteak beste, Ikastolako abesbatzek ipuin musikatua aurkeztu zuten.
Omendutako kideak hamaika izan ziren. Alde batetik, urte horietan guztietan abestu duten haur eta gazteen zuzendari izan direnak: Isa Gallastegi, Itziar Aranburu, Mapi Fernández, Amaia Aspiazu, Gurutze Uribarren, Mª Asun Berezibar, Arantza Uriarte eta Loli Ordoki eta bestetik, antolaketa lanetan aritu izan diren Arantza Galdos, Ramon Loiti eta Edurne Erauskin. Zorionak, talde osoari!
11.2. OMENALDIA LANGILEEI
Ekainean langileen omenaldi beroa jaso zuten Arizmendi Ikastolako bost irakaslek. Bi lankide –Idoia Urrutia eta Itziar Uribarren– omendu zituzten ikastolan lanean 25 urte bete zituztelako eta Pili Otxoa zein Mª Jose Etxeberria euren ibilbide profesionala amaitu dutelako. Zorionak bihotz-bihotzez laukoteari!
El Festival escolar de coros del curso pasado fue muy especial ya que celebró su 25º aniversario, por lo que Arizmendi Ikastola ofreció un pequeño homenaje a todas las personas que de una u otra forma han participado en su puesta en marcha y su organización durante todos estos años.
Las profesoras Itziar Uribarren e Idoia Urrutia recibieron el homenaje de sus compañeros-as por los 25 años que llevan trabajando en la Ikastola. También fueron homenajeadas Pili Otxoa y Mª Jose Etxeberria ya que el curso pasado se jubilaron.
36
GUREPROTAGONISTAK12
37
Gure protagonistak
12.1. AITOR GURIDI, TXISTO
20 urte inguruan aritu da Txisto udalekuetan eta monitore eskolako arduradun lanetan.
“Udaleku eta aisialdiko mundua oso garrantzitsua izan da nire bizitzan, haiengatik heldu nintzen ikastolara eta urte askotan nire lana baino gehiago bizitzeko modu bat izan da. 19 urte nituen eta nire lagun eta lankide Xuxok udaleku batzuetara gonbidatu ninduen. Lehenengo urte hura oso xumea izan zen. Kanpalekua Arantzazuko Iturrigorri izan zen, eta orduko 7 eta 8. mailako 12 ikaslerekin joan ginen. Uda hartan ezagutu nuen gure ikastola, eta ordutik aurtengo udara arte modu batera edo bestera, ardura batekin edo beste batekin, udalekuetan izan naiz urtero.
Urte horietan guztietan, milaka abentura bizi izan ditut, eta gezurra badirudi ere, ez dut txarrik gogoratzen; lan asko, lagun pila bat –batzuetan lo gutxi– egin dut. Zalantzarik gabe, ikastola eta hezkuntza beste modu baten bizitzeko aukera izan dut. Ikasleak lehenengo haur bezala ezagutu ditut eta geroago, aldiz, begirale modura. Ikastolatik irten eta gero ere, eurekin kontaktuan jarraitzeko bide bat izan da.
Zergatik utzi behar dudan, orduan, hori guzti hori? Momentua iritsi delako; barrenak horixe esaten dit, behintzat. Pertsona ororen bizitza proiektuan gauza bakoitzerako tarte bat dago, eta horrelako lan bat ere ez da betirako. Eskerrik asko nire ondoan egon zaretenoi, zuek gabe ez bailitzateke hau posible izango.”
12.2. ANDONI CALVO
Aurkezle lanetan, bideoak grabatzen, hamaika saltsetan ikusi dugu Andoni Calvo azkeneko urteotan. Iaz amaitu zituen ikasketak Arizmendi Ikastolan.
“Umezaintzan hasi hilabete gutxirekin, Almenera pasatu eta azkenean nire ametsa betetzen lagunduko didan unibertsitatean nago. Eta ezustekoan, konturatu naiz ikastolak ere nire ametsaren bidea eraikitzen lagundu didala. Ez naizelako ikasle arrunt bat izan, maltzurkeria gutxi batzuk egiteaz gain ikastolak azken urteetan izan dituen proiektu, festa eta halakoetan laguntzaile ere izan naizelako. Horrexegatik, egunen baten nire ametsa betetzen bada, sariren bat jasotzerakoan, zalantzarik gabe, lehenengo hitzak Arizmendirentzat izango dira. Baina bitartean, nire testutxo honekin konformatu beharko duzue eta, noski, koloretako muxu handi batekin. Mila esker!”
Palabras de agradecimiento y refl exiones de cinco integrantes de nuestra cooperativa que destacaron de una manera u otra en el curso 2011-12. Aitor Guridi, Txisto, ha participado durante 20 años en el ámbito del tiempo de ocio como responsable de la escuela de monitores o responsable de las colonias.
Andoni Calvo, estudiante de 2º de bachiller, ha sido presentador de muchas de las iniciativas que la Ikastola ha llevado a cabo durante los últimos años.
38
12.4. MIREIA MURUAMENDIARAZ
Iazko ikasturtean ardura berriari ekin zion Mireia Murumendiarazek Almenen; Bigarren Hezkuntzako kudeatzailea da.
“Orain bi urte kudeatzaile izatea eskaini zidatenean, proposamenak asko harritu ninduela onartzen dudan arren, baiezkoa ematea ez zitzaidan gehiegi kostatu. Erronka berri gisa hartu nuen eta argi nuen lehenengo lana “ikastea” zela. Eta oraindik ere ikasten jarraitzen dut. Ikasi dut jendearekin eta jendearentzat lan egiten dudala, eta hori da garrantzitsuena, baina baita zailena ere, pertsona guztiak oso desberdinak gara eta. Nire ibilbide berriaren hasieran, prestakuntza ezin hobea jaso nuen Nerea eta Juan Luis Urkolarengandik eta zer esanik ez, ikastolan lanean ari diren gainontzeko kudeatzaileengandik. Oso pribilegiatua sentitzen naiz Arizmendi Ikastolak garatzeko aukera hau eman didalako.
Eta orain zer? nire lana ahalik eta hobekien betetzea da nire erronka: ikastolarentzat eta berau osatzen dugun pertsonentzat onena bilatzea. Ilusioa, behintzat, ez zait falta!”
12.3. PILI OTXOA
Haur Hezkuntzaren sorreratik irakasle izan den Pili Otxoak iaz hartu zuen erretiroa.
“1978an hasi nintzen urtebeteko umeekin lanean, ospitale pareko tren-geltokiaren eraikinean. Nire ibilbide profesionalean ez da leku bakarra izan. Altamiran izan nintzen, San Josepen, gaur eguneko Umezaintzan… Gustuko lana izan dut; haurrek asko eman didate, eurekin asko ikasi dut; baina ez bakarrik haurrekin, euren guraso eta aitona-amonekin ere bai. Nire ispilu izan dira. Familia bat osatu dugu; nire bigarren etxea sentitu izan dut beti. Niretzat oso garrantzitsua izan da gurasoei entzuten jakitea, zalantza eta gatazketan euren bidelagun izatea. Haurrak behar duena da bera kontuan izatea, maitasuna sentiaraztea, keinu alai eta positiboekin elikatzea, erruduntasunetik aldentzea… Urte horietan guztietan horixe izan da nire bidea. Ez daukat zalantzarik, berriro jaio beharko banu, berbera izango litzateke nire lanbidea.”
Pili Otxoa, que se jubiló el curso pasado, ha sido una de las primeras profesoras que comenzaron con la etapa de Infantil en nuestra ikastola.
Mireia Muruamendiaraz, directora de Secundaria en Almen, asumió el cargo el curso pasado con mucha ilusión.
39
Gure protagonistak
12.5. JOSE LUIS GONZALEZ, JOSELU
Almeneko eskolazaina izan da Joselu urteetan. Iaz utzi zion ardura horri.
“Almenen egin zidaten omenaldia deskribatzeko ez daukat hitzik. Sorpresa handia hartu nuen horrelako momentuetan ikusten baita jendeak norberarekiko duen maitasuna nolakoa den. Urte asko izan dira han eman ditudanak, eta benetan merezi izan du. Bertan pasatutako momentu guztiak maitasun bereziarekin gordeko ditut. Mila esker irakasle, langile, ikasle eta gurasoei bihotz-bihotzez.”
Jose Luis Gonzalez, Joselu, que ha sido durante muchos años el bedel de Almen, dejó ese cargo el año pasado.
11-12 MEMORIAARIZMENDI IKASTOLA
Otalora lizentziaduna, 820500 Arrasate
Tel 943-77 20 25Fax 943-79 79 22