AS ÁRBORES DA PAZ

WANGARI MAATHAI

WANGARI VIVE BAIXO AS ÁRBORES, Á SOMBRA DO MONTE KENIA, EN ÁFRICA.

ESCOITA O RECHOUCHÍO DOS PAXAROS CANDO VAI APAÑAR LEÑA COA SÚA NAI PARA COCIÑAR.

AXUDA A RECOLLER A BATATA, A CANA DE AZUCRE E O MILLO, QUE DÁ O FÉRTIL SOLO DA SÚA TERRA.

WANGARI ESTUDA MOITO E GAÑA UNHA BECA PARA REMATAR OS SEUS ESTUDOS NOS ESTADOS UNIDOS.

CANDO VOLTA… ATÓPASE CUNHA PAISAXE MOI DIFERENTE Á QUE RECORDABA.

ONDE ESTABAN TODAS AS ÁRBORES?

AS MULLERES DA ALDEA ESTÁN MOI CANSAS. TEÑEN IR BUSCAR LEÑA MOI LONXE DAS SÚAS CASAS. NA TERRA NON MEDRA NADA.

ONDE ESTÁN OS PAXAROS?

CORTARAN MILES DE ÁRBORES PARA CONSTRUÍR EDIFICIOS, PERO NON PLANTARON ÁRBORES NOVAS.

KENIA ÍASE CONVERTER NUN DESERTO!!

WANGARI SABÍA QUE TIÑA QUE FACER ALGO E DECIDIU PLANTAR NOVE ARBORIÑAS, NA TERRA SECA DO SEU PATIO.

AS PEQUENAS ÁRBORES PRENDEN E FAI UN ALCOUVE PARA TER NOVAS ARBORIÑAS.

ASÍ VAI PLANTANDO MOITAS RINGLEIRAS NUN DESCAMPADO.

LOGO, CONVENCE ÁS OUTRAS MULLERES DE QUE DEBEN FACER O MESMO PARA MELLORAR AS SÚAS VIDAS, E REGÁLALLES UNHA ARBORIÑA A CADA UNHA.

AS MULLERES PLANTAN RINGLEIRAS DE ÁRBORES QUE SE ESTENDEN POR TODO O CAMPO COMA UN CINTO VERDE.

O VENTO LEVA A BOA NOTICIA: O VERDE VOLTARA Á ALDEA DE WANGARI!

AS MULLERES DOUTRAS CIDADES, POBOS E ALDEAS DE KENIA TAMÉN SE POÑEN A PLANTAR LONGAS RINGLEIRAS DE ARBORIÑAS.

PERO SEGUEN A CORTAR AS ÁRBORES SEN CONTROL!

FIRME COMA UN CARBALLO, WANGARI PÚXOSE DIANTE DOS HOMES PARA PROTEXER AS VELLAS ÁRBORES.

E, POR ISO, MÉTENA NO CÁRCERE!!

MOITAS MULLERES ENTÉRANSE DO OCORRIDO E COMEZAN A PLANTAR RINGLEIRAS DE ÁRBORES CADA VEZ MÁIS LONGAS.

AS ÁRBORES MEDRAN BEN ALTAS E PRONTO HAI MÁIS DE TRINTA MILLÓNS.

O BOSQUE KENIA RENACE!!

AS MULLERES AGORA CAMIÑAN BEN DEREITAS, PORQUE XA PODEN APAÑAR A LEÑA A CARÓN DAS SÚAS CASAS.

A TERRA XA NON ESTÁ SECA. DE NOVO, AS BATATAS, A CANA DE AZUCRE E O MILLO MEDRAN

NA TERRA ESCURA E FÉRTIL.

A TERRA ENTEIRA COÑECE A HISTORIA DE WANGARI E O SEU EXÉRCITO DE MULLERES

SEMENTADORAS.

E SE SOBES AO MONTE KENIA, PODERÁS VER O VERDE BOSQUE QUE RENACEU,

GRAZAS A WANGARI.

WANGARI MAATHAI GAÑOU O PREMIO NOBEL DA PAZ EN 2004.

NA TRADICIÓN AFRICANA, UNHA ÁRBORE É UN SÍMBOLO DA PAZ.

DÍA DA ÁRBORE 2013

EQUIPO DE DINAMIZACIÓN LINGÜÍSTICA DO C.E.I.P. PRAZA DE BARCELOS