proposta para actividades na casa 2020. 8. 16. · 3. xogos de lóxica-matemática. 4....
TRANSCRIPT
1
PROPOSTA PARA ACTIVIDADES NA CASA:.
1. Rutinas para comezar o día.
2. Xogos lingüísticos e lecto-escritura.
3. Xogos de lóxica-matemática.
4. Psicomotricidade.
5. Secuenciación do día a día.
O Equipo de 6º de Educación Infantil elaborou unha proposta de actividades para que poidades
facer cos vosos nenos/as durante estes días e así tratar de que non perdan as súas rutinas e
hábitos. Son propostas abertas que podedes facer ao longo do día, no momento que mellor se vos
axuste.
Desexámosvos moita saúde e esperamos vervos dentro de pouco tempo.
RUTINAS PARA COMEZAR O DÍA:
Xa que sabemos os que somos na aula (18) podemos (os nenos) elaborar unhas fichas co nome
dos compañeiros/as da clase. Cada día podemos xogar a que faltan uns cantos; iso serviranos para
contar os que estamos, saber os que faltan, facer preguntas tipo: se somos “X” e faltan “Z” cantos
estamos? E se faltaran 2 máis, 3 menos....? Aproveitamos para contar ata o 20 (para adiante e
para atrás, de dous en dous, cos pares e cos impares...).
O día e o tempo:
-Nunha cuadrícula tipo folla do calendario en branco (só co nome dos días) apuntar o número de
día que é. Ler o nome do día no que estamos. Se hoxe é....que día é mañá? (tanto en número coma
da semana). E onte, que día foi? (vai plantilla feita).
-Para o tempo mirar como está o día nese momento e marcalo na plantilla (sol, sol con nubes,
nubes...). Mirar cal leva máis, cal leva menos, cal de primeiro, cal de segundo..... (vai plantilla feita).
Na páxina de meteogalicia (https://www.meteogalicia.gal/web/inicio.action) miramos tamén a
temperatura mínima e máxima. Nunha táboa de dobre entrada podemos poñer os puntos máximos
e mínimos para poder ver as variacións.
Cancións para pasar o día: son moitas as cancións que podedes utilizar:
Uxía lambona: https://www.youtube.com/channel/UCUd4p5q1RctezprJuep6TWA/videos
2
A páxina de sonárbore no youtube, onde hai grupos e artistas coma: María Fumaça, Magín
Blanco, A gramola gominola, Pirilampo, Mamá Cabra...
https://www.youtube.com/user/sonarboretv/videos
As páxinas de youtube de Paco Nogueiras, Pakolas... A maioría son músicas alegres e
movidas que se poden acompañar de distintos xestos. Pero tamén son necesarias as
músicas tranquilas ou para relaxarnos como as de: A nena e o grilo
https://www.youtube.com/channel/UCtvcCdGLFx_Y9Vg79KDmi2Q/playlists
Tamén calquera tipo de música tranquila, que poidades utilizar durante uns minutos para
relaxar e estar en calma para despois dos momentos de maior actividade
XOGOS LINGÜÍSTICOS E LECTO-ESCRITURA:
- Da Habana veu un barco cargado de…: dicir unha palabra e o resto debe dicir outras que
comecen pola mesma letra. A continuación, debuxar un barco e escribir algunhas das
palabras que se citaron durante o xogo.
- Aprender algún trabalinguas sinxelo e buscar nel, algunha letra ou palabra significativa. Por
exemplo:
- Meter nunha bolsa distintos obxectos cotiás, sacar dous ó azar e inventar unha pequena
historia. Despois, poden debuxar ou representala como si fose unha obra teatral.
- Lectura dun conto, pode ser dun que teñades na casa ou doutros que podedes buscar en
Youtube: por exemplo: A toupa que quería saber quen lle fixera aquilo na cabeza de
Kalandraka ou A cousa que máis doe do mundo de OQO editora. A partir destes, pódense
realizar diversas actividades: recordar o nome dos personaxes e describilos (modelalos con
plastilina ou debuxalos en cartolina para facer unhas marionetas), clarificar feitos
identificando cal é a presentación, o nó e o desenlace; falar sobre as emocións dos distintos
personaxes, formular hipóteses para desenvolver a creatividade, por exemplo, que pasaría
se aparecese no conto o lobo feroz?; imitar os sons dos distintos animais, fenómenos
A PITA PASA,
A PIPA PINGA,
CANDO A PITA PASA,
A PIPA PINGA.
XAN, DI A XAN
QUE LLE DIGA A XAN
QUE VAIA ABRIR A XAN
QUE ESTÁ XAN NA PORTA.
3
naturais e personaxes, elaborar unha ficha de lectura: título, editorial, personaxes principais,
se vos gustou ou non, facer un debuxo onde se faga un resumo do que sucedeu no conto...
- Cando estivemos co tema da ”Paz” fixemos uns versos que relacionaban a paz co Universo,
co espacio. Tamén estamos a voltas coa xeometría, así que pensamos neste poema de
Alberti (ver imaxe), que dalgunha maneira ten relación co Universo e co espacio.
Actividades:
Recitamos o poema
Podémoslle preguntar:
que lles evoca?;
que emocións lles produce?,
cálido?, frío?,
espacioso?, armonía?
Podemos dramatizar o poema, acompañándonos dalgún material:
curvas, rectas, zigzag, letras: con “limpa pipas”
puntos: con algodóns
Por outra banda:
Mostrarlle o cadro de Miró “El oro del azur”.
Nunha cartulina reproducir o cadro de Miró con formas de plastilina.
(Como alternativa pódense facer as formas con barro blanco e pintalas)
- Xerador de sopas de letras: https://www.educima.com/wordsearch.php (coidar que as letras
estén en maiúscula).
- Páxinas de conta-contos: http://www.kalandraka.tv/gl/index.php
XOGOS DE LÓXICA-MATEMÁTICA:
Cantas veces lavo as mans ó día? Interiorizamos o concepto de número a través desta
rutina tan importante, cubriremos un cadro de dobre entrada onde se especifiquen os días
da semana e o número de veces que a crianza lava as mans ó día. Ao final da semana
elaboraremos un gráfico, cunha columna por cada día.
Hora de comer! Pensamos nos ingredientes necesarios, poñémolos en liña e contámolos,
pesamos ou medimos a cantidade necesaria de cada alimento (gramos, litros, puñados...),
pensamos no proceso de cociñado e canto tempo necesitan para estar listos. Receita: título,
dificultade, tempo necesario, ingredientes e cantidades, pasos a seguir e debuxo.
4
O prezo xusto! Elaboramos a lista da compra, enumerando os alimentos e diferentes
produtos. Pensamos canto diñeiro costará algún alimento significativo para elas/es (unha
bandexa de fresas). Fixámonos no prezo de diferentes produtos e a cantidade de diñeiro.
Ring-ring! Programamos unha alarma para tódolos días á mesma hora, e anotamos que
estamos a facer nese momento, dialogamos de si coincide ou non cos días anteriores e
facemos un debuxo. Aproveitamos para fixarnos en diferentes tipos de reloxos.
Actividades cotiás: tempo que tarda un programa da lavadora, cantidade de pinzas que
utilizamos para tender a roupa, forma xeométrica da nosa cama, pratos para poñer a mesa,
separación de residuos, identificación de sons (corazón, respiración, vento, coches...).
Isto non é... usos alternativos a obxectos cotiás (isto non é un plátano, é un micrófono).
Trasvases: trasvase de materiais (auga, terra das plantas...) con diferentes utensilios (culler,
tapóns, pinzas...). Proposta: cantos vasos de auga necesito para encher a ensaladeira?
Conxuntos: fixámonos nas características dun obxecto (cor, para que serve...), buscamos
outros semellantes e clasificámolos nun conxunto (unha mazá vermella pode ser clasificada
na categoría de froitas, ou na categoría de obxectos vermellos en función do criterio).
Que vexo pola fiestra? Edificios altos-baixos, número de fiestras, cores, formas, coches....
Construción (pezas e bloques) e modelado (plastilina, barro...). Concepto de espazo.
Collages a partir de recortes de revistas, periódicos...
Conto “A cebra Camila” (Kalandraka) https://www.youtube.com/watch?v=wuCXO6Zz710:
fixámonos nas raias que ten, as raias que perde e as bágoas que bota por cada raia perdida
así coma na cantidade de pena que ten en cada momento, nos obxectos que lle van doando
(tentamos recordar a secuencia e tamén os animais que a axudan).
Experimentos:
- Miramos pola fiestra a través de materiais translúcidos.
- Flota ou se funde? Comprobando a flotación de diferentes obxectos en dous recipientes
transparentes, un con auga e outro con auga e moita sal (coa sal, a auga vólvese máis
densa e favorece a flotación).
Xogos de mesa: dominó, cartas, parchís, crebacabezas... (podemos elaborar o noso
crebacabezas a partir dunha imaxe dunha revista se a recortamos en pequenos anacos).
Actividades impresas ou en formato dixital:
- Identificar as diferenzas entre dúas imaxes, do estilo da imaxe 4 (ver imaxe).
- Labirintos, do estilo da imaxe 5 (ver imaxe).
- Busca o intruso, do estilo da imaxe 6 (ver imaxe).
- Busca elementos na imaxe, do estilo da imaxe 7 (ver imaxe).
- Colorear por números, do estilo da imaxe 8 (ver imaxe).
5
PSICOMOTRICIDADE:
Sesións de yoga:
https://www.youtube.com/watch?v=MI1S5rM0ou0&feature=emb_title
https://www.youtube.com/watch?v=7fHpf4A9P1I&feature=emb_title
Xogo simbólico: cociña, vendedores supermercado, perruqueiros, familias ....Poden xogar
como na aula con antefaces, disfraces ou teas se é posible.
Cancións de linguaxe de signos xa vistas na clase como a de:
https://www.youtube.com/watch?v=ZibKi5BJs9w (Puerta violeta)
https://www.youtube.com/watch?v=UwfGqoB4SOs (Todos somos capitán)
https://www.youtube.com/watch?v=HiHDRCyV5Es (Eu teño algúen)
Outras propostas: ver imaxe.
Imaxe 1: Calendario
6
Imaxe 2: Rexistro meteorolóxico
Imaxe 3: Poema “Miró”
7
Imaxe 4: Identifica as cinco diferenzas
Imaxe 5: Labirintos de formas xeométricas
8
Imaxe 6: Busca o intruso en cada fila de imaxes
Imaxe 7: Busca elementos na imaxe
9
Imaxe 8: Colorea por números
10
Imaxe 9: Outras propostas
11
Deixámosvos agora unha posible secuenciación do día, feita por Sandra Pérez Longueira, que
sacamos da páxina web de Aulas Galegas (http://aulasgalegas.org/).