lurtarra da beguratua
DESCRIPTION
Xabier EtxabeTRANSCRIPT
LURTARRA DALURTARRA DABEGIRATUABEGIRATUA
Xabier Etxabe
Literatur solasaldiak
Errenteria, 2013 / 12 / 11
http://liburutegiak.blog.euskadi.net/errenterialiburutegia/
XABIER ETXABEhttp://www.idazleak.org/
Zarautz, 1974.
Informatikan Ingeniaritza teknikoa egina, irakaslea da
lanbidez. Zarauzko Txaparro herri aldizkarian
kolaboratzaile izan zen 2002. urteaz geroztik, harik eta
itxi zen arte. Folklorearen inguruko jarduna eta
hausnarketa izan ditu zaletasun, baita hurbileko
kontuak, eta herriko taldeen historia ere.
Aitonari entzundako kontuekin argitaratu zuen, 2004. urtean,
Lurtarra da begiratua nobela. Harrezkero, hainbat foro digitaletan idatzi
du, beti ere lehen aipatutako gaien inguruan, besteak beste: Gustaveko
koadernoak (www.gustavkoadernoak.com); Zuzeu (zuzeu.com);
Euskomedia (www.euskomedia.org); eta dantzan.com web guneetan.
Interes gune horren emaitzarik sakonena, Xabier Alberdi Lonbide
historialari zarauztarrarekin elkarlanean argitaratu zen Zarauzko folklorea
liburua izan zen, 2009. urtean. 2010. urtean, Zarauzko Arraun Elkartearen
hogeitabost urteak biltzen zituen liburua argitaratu zuen.
LURTARRA ZEN BEGIRATUA
Amaren kontuak kontatzen hasi zait Jexux bere
ondoan eserita nagoela. Belarriak erne jarri ditut
eta, hainbestetan kontatu duen kontu bera
izanagatik, lehenengo aldia balitz bezala entzun
diot; arreta osoz, ipuina nola bukatuko den ez
dakien haurrak egiten duen moduan.
Sarritan kontatzen ditu Jexuxek bere ama zenaren
pasadizoak. Inork eskatu gabe hasten da hitz egiten, maiz telebisioan
ematen ari diren pelikularen zatirik interesgarriena zapuzten duela
konturatu gabe.
KRITIKAK
http://kritikak.armiarma.com/
Arbasoen oroimena
Javier Rojo (El Correo, 2004/08/04)
Xabier Etxaberen lehenengo liburua da Lurtarra da begiratua, eta
testuan esaten denaren arabera, nobelatzat hartu beharreko liburu baten
aurrean gaude. Kontuan hartuta kontakizunaren narratzaileak eta idazleak
bat egiten dutela, eta istorioa benetakotzat eskaintzen dela, fikziorik
gabeko nobelen multzoan kokatu beharko litzateke. Narrazioa bi mailatan
gauzatzen da. Batean narratzailea ia protagonista bihurtuta, bere arbasoen
oroimenean arakatzen ikusten dugu, liburu bat idatzi nahirik. Bestaldetik,
ikerketa horren emaitzak ditugu, aitonaren irudian oinarrituta, honekin
lotutako istorioen berri ematen baitzaigu. Aitonaren bizitza ardatz,
kontatzen diren istorio hauetako batzuk ederrak dira, hunkigarriak,
belaunaldi baten bizimodua azaltzean. Desagertzear dagoen belaunaldi
baten oroimenaren bi maila horiek lotzerakoan, nire ustez, narrazio solte
moduan bikainak izan litezkeen istorio horiek testuan pixka bat lausotuta
gelditzen dira.
Azkenetan den erromeria
Aingeru Epaltza (Nabarra, 2005/11)
Nor harritu kantari eta musika izarrei egiten zaien erreberentziaz?
Negar egiteko arrazoiak inon falta ez direnean, zerbaiten poza behar
izaten du jendeak. Hartara, inoiz ez dira nornahi izan, soinu eta kanta,
besta egiten dakitenak. Horietariko batzuk beren gizarteen oroimen
kolektiboan itsatsirik gelditu dira, mito eginik, urteen joanetorrian.
Jauzi tikia dago hortik istorioen pertsonaia bihurtzera. Estatu Batuetan
bluesman beltzak eta country kantari zuriak ditugu lehen road movie
literarioetako protagonistak.
Gure herri muga estuko honetan halakorik ez dugu izan; bai, ordea,
bidez bide ibiltzen ohitutako bertsolari eta soinujotzaileak. Berriki arte,
Auspoa saileko liburuen gisakoak baizik ez zizkiguten erraten horien
kontuak. Ezariezarian, bertzelakoetan ere egiten ari dira beren lekua.
“Norbaiten ahotik ateratako kontuak askotan entzuten direnean,
azkenerako ez da jakiten epika non bukatzen den eta non hasten den
lirika”, dio Xabier Etxabek Lurtarra da begiratua bere lehen literatur
lanean. Zalantza bera pizten zaio irakurleari, liburuaren orrietan
murgiltzen hasitakoan. Nahastuko pieza dakar kapitulu batean, gerla
ondoko urte beltzetan lotuan dantzatzeagatik zigortutako erromeria
baten aipua egitean. Dantza molde debekatua ez ezik liburu honen
izanari ere ongi dagokion izena bera. Trikitiaren figura ahantzi baten
errebindikazioa, garai bateko kronika, familiaren memoriak, nobela…
horiek guztiak bereganatzen eta elkarbiltzen ditu Etxaberen begiak,
horiek guztiak nahasten eta nahasketa —ez nahasmendu— horri zentzua
ematen.
Egiazko gertakizunez eta hezurharagizko pertsonaiez ari zaigu
zarauztarra. Xabier izeneko idazlegai gaztea dantzan dabil liburuko
orrietan barna, eta berdin Etxeberria delako idazle biki batzuk, herri
berekoak, beren partea dutenak hau bezalako liburu baten mamitze
prozesuan. Hondarreko jakinen dugu Elgeta ez zela bakarra izan soinu
tikian, Jexux Zulaika izeneko bat —kasualki, Xabier Etxabe izeneko
biloba duena— ere norbait izan zela mundu horretan. Eta orobat jakinen
Txindurrita izeneko bazterrean faxistek hainbat lagun fusilatu zituztela
36an. Hori guztia hala da eta, hala izanagatik ere, azkenean irakurleari
gailentzen zaion irakurketa fikziozkoarena da. Zer axola hau edo hura
egiazki gertatu zen ala ez! Beregain bilakaturik, kontakizunaren logikak
harrapatua irensten ditu kapituluak, misterio apal bat gidari azken
ustekaberaino: egiazko omendua gizona baino areago haren inguruko
emakume guztiak ziren. ldazleak gaztigatua zigun: bizitza metafora bat
da.
Dena ez da urrea. Narrazioan, antzerkian ez bezala, mamirik ez duten
hitzak edo esaldiak soberan daude elkarrizketatik. Bertzalde, atal
ezberdinez osaturiko lanetan fin josi behar da, piezen arteko jostura
latzegia izan ez dadin. Hurrengo batean ikastekoak.
Poetek ez bezala, prosagileek gorrotoz ekiten diote maiz lanari.
Lurtarra da begiratuan amodioz idaztea hobetsi. Halakoetan,
samurkeria zelatan egon ohi da, idazlea noiz harrapatuko. Etxabek jakin
du arriskuari itzurtzen, gauzak edertu gabe, pertsonak jainkotu gabe.
Azkenetan den erromeria baten ikusle pribilegiatua izanik, joaten ari den
mundu baten testigantza eman nahi izan digu. Garaien aldaketa
ikaragarriak aztertzean, momentuak zer guti aldatu diren berarekin
batera ohar gintezen bilatzen zuen noski.
Biziko bagara zeru baten menturan bizi garelako
Mikel Asurmendi (Irunero, 2004/06)
JosAnton Artze poetaren hitzen arrastoan bazabiltza, hitzen ehun trinko
eta leuna harilkatuko duzu inondik ere. Artzeren Lurtarra da begiratua
hitzetatik abiatuta, Xabier Etxabe lurrean barrena ibili da, eta txiteanpitean
zerua ukigarria badela erakutsi digu eleberri honetan.
Autoreak Jexux Zulaikaren bere aitona zenaren begiratua iltzatu digu
gure baitan, liburuaren azaletik beretik. Begiratua lurtarra den aldetik,
soinujole zuen aitonaren hitzak eta doinuak zerutarrak ote ziren
ezagutzea daukazu, joan badoan mundu bati buruzko kontakizunen
harian.
Soinujolearen ilobak —Xabier Etxabe, kasurako— iragan munduko
istorioak mundu berri honen teknologiatik iragaziak paratu dizkigu. Izan
ere, idazleak eskaintzen digun begirada lurtarra bada, irakurlearen
begiradak are lurtarragoa izan beharko du liburuaren garapenari eusteko.
Mundu berritu baten begiratu modernoa, alegia. Eta hau ez da liburuaren
kalterako, aitzitik.
Irakurleak literatur zaleak jolas literario baten barnean eraman
beharko du bere begiratua. Izan ere, amaren edo aitonaren begiratua
lurtarra bazen, semea edo ilobaren begiratu berriak edota modernoak ez
dio horregatik lurtarra izateari utziko.
Liburu honek giza kondizioaren hainbat alderdi ehundu eta iruten
ditu. Horratx bat aipatu beharrean: iragan hurbil bateko begiratuak eta
gaur egungo begiratuak bildu egiten ditu. Iragana geroan aurki dezagun
funtsezko begiratua. Biziko bagara zeru baten menturan bizi garelako.
Xabier Etxabe Euskadiko Irakurketa PublikokoSarean
Alberdi Lonbide, Xabier (1969)
Orentzago eta Erregeak . Gabonetako festen transfomazioa Zarautzen XX. mendean = (Orentzago and the Three Kings. The transforation of Christmas celebrations in Zarautz in the 20th century) / Xabier Alberdi Lonbide ; Xabier Etxabe Zulaika
(2008)
Etxabe, Xabier (1974) Lurtarra da begiratua / Xabier Etxabe (2004)
Etxabe, Xabier (1974) Zarauzko Arraun Elkarteak 25 urte : [19832008] / Xabier Etxabe
(2010)
Pirmin Treku [Vídeo] : omenaldia, Zarautz, 20070712 / errealizazioa, Pelaio Eizagirre ; gidoia, Xabier Etxabe, Xabier Etxeberria
(2007)
Zarauzko folklorea : eboluzio historikoa, haren aldaketan egon diren interesen azterketa eta festaereduen inguruko hausnarketa / [Xabier Alberdi Lonbide, Xabier Etxabe Zulaika]
(2009)
Loturak
http://zubitegia.armiarma.com/
http://euskaljakintza.com/lurtarradabegiratuaxabieretxabe/
http://zarauzkoidazleak.org/?i=EtxabeX
http://zuzeu.com/author/xabier/
http://www.gustavkoadernoak.com/xabieretxabezulaika/