cuarto. anfibios

anfibiosCando andaban buscando á cobra de auga

atoparon cun becho que non agardaban.

Era de cor verde e tiña as patas longas, pero deu un pincho e perdeuse entre ondas.

Tiveron que agardar que volvera a saír. Querían caoñecela antes de se ir.

Logo falaron desto e máis do outro e quedaron un día para facer unhas fotos.

E como é presumida, a ran cantareira, adicouse a anuncialo unha tarde enteira.

Souperon da historia veciños e parentes, e o día da foto apareceu toda a xente.

E como estaban alí e querían saír todos, houbo que facer de cada un súa foto.

Ra verde (Rana perezi). Mide ata 7 cm ou máis. Aparece por todas partes. É o máis común e abundante dos anfibios galegos.

Ra vermella (Rana temporaria). Mide de 3 a 6 cm. Vive nos prados e nos bosques, só se achega a auga para criar. Pouco común.

Ra patilonga (Rana iberica). Mide de 3 a 4 cm. Vive preto de cursos de auga limpa e con beiras ben vexetadas. Abundante.

Estroza (Hyla arborea). Mide entre 3 e 5 cm. Vive na vexetación en zonas húmidas con boa cobertura, preto de augas de pouco andar, lagoas e encoros. Común.

Sapo pinto (Discoglossus galganoi). Mide de 6 a 7 cm. Vive nas zonas baixas. Común.

Sapo de esporas (Pelobates cultripes). Mide de 6 a 9 cm. Vive en zonas areentas. Escaso.

Sapiño comadrón (Alytes obstetricans). Mide uns 5 cm. Vive en calquera lugar de terreo areoso onde pode escavar galerías. Común.

Sapo corriqueiro (Bufo calamita). Mide de 4 e 6 cm e as femias de 5 a 8 cm. Vive en terreos brandos e soltos onde escava galerías. Común.

Sapo común, sapo cunqueiro (Bufo bufo). É o sapo máis grande, con diferencias importantes de tamaño entre machos e femias. Os machos miden entre 6 e 8 cm e as femias de 9 a 12 cm. Vive en prados, hortas, bosques e lugares con boa cobertura vexetal. Común.

Postas de ran Postas de sapo

ovos a piques de eclosionar

cabezolos na primeira fase de desenvolvemento

METAMORFOSE DAS RANS E DOS SAPOS

cabezolo ben desenvolvido

cabezolo con patas de atrás ranciña case sen raboCabezolo coas catro patas

Pintafontes común (Lissotriton boscai). Mide de 7 a 10 cm, dos que de 5 a 6 cm son de rabo vive en pozas, fontes, píos, regatos de pouco andar. Abundante.

Pintafontes palmeado (Lissotriton helveticus). Mide entre 6 e 8 cm, o rabo mide a metade. Vive en calquera masa de auga estancada. Bastante común.

Pintafontes verde (Triturus marmoratus). Mide ata 16 cm, o rabo mide a metade. Vive en pozos, pozas e augas estancadas, e lugares sombrizos. Abundante.

Pintega común (Salamandra salamandra). Mide entre 12 e 18 cm, dos que de 6 a 11 son de rabo. Vive en lugares húmidos e sombrizos. Común.

Saramaganta (Chioglossa lusitanica). Mide de 12 a 15 cm, dos que 8 a 10 son de rabo. Vive en bosques de caducifolios e lugares húmidos preto de regueiros de augas limpas e ben oxixenadas.

METAMORFOSE DA SARAMAGANTA E OS PINTAFONTES

ovos apegados á vexetación larva recén eclosionada

larva coas patas de diante larva coas catro patas

Fixeron esta serie con toda a parentela e puxérona aquí para que poidades coñecela.

Ata a próxima

!

fin

As imaxes foron collidas da internet.Agradezolle aos autores a súa dispoñibilidade e agardo que saiban disculpar o uso que fixen delas. Mon Daporta

COUSIÑAS FEITAS NA CASA