tema 6 - wordpress.com · 6.1 as exposicións orais planificadas as intervencións orais que os...
TRANSCRIPT
TEMA 6
TEXTOS
ARGUMENTATIVOS
PROGRAMA DE RETORNO EDUCATIVO
2
6.1 As exposicións orais planificadas
As intervencións orais que os politicos fan no parlamento, as que fan uns
conferenciantes nunhas xornadas sobre un determinado tema, unha profesora nunha
aula, etc., son todas exposicións orais planificadas, é dicir, están preparadas de
antemán para que a súa eficacia comunicativa sexa a mellor posíbel. Ademais, débese
procurar que os temas dos que se fale nelas estean suficientemente contrastados para
suscitar unha valoración persoal positiva e a confianza do auditorio que as escoita.
Os pasos que debemos seguir se queremos desenvolver unha exposición oral
planificada desas características poden variar segundo o tema ao que nos
enfrontemos pero, polo xeral, son os seguintes:
Tema: cando saibamos o tema sobre o que temos que falar na exposicinó
debemos procurar informarnos o máis posíbel sobre el, comprender as cuestións que
abrangue e delimita, que subtemas entran nel e cales non.
Procura de fontes fiables: para lograrmos a información necesaria, debemos
seleccionar as fontes (xornais, libros, revistas, vídeos...) máis fiables e rexeitar aquelas
que non o son: É obxectiva a información? É deficiente? Non se corresponde coa
realidade dos feitos? É fiable o medio de información no que aparece? É neutral ese
medio de información?.
Análise e resumo da información: nesas fontes fiables de información que
temos debemos facer o seguinte: volver a ler esa información detidamente, marcar
palabras ou conceptos que non entendamos e, por último, resumila. As palabras ou os
conceptos que non entendamos debemos buscalos nun dicionario, nunha
enciclopedia... e anotalos, por orde alfabética, debaixo do resumo que fixemos de
cada unha das informacións.
Comparar as informacións: agora debe comparar as informacións que
ofrecen esas fontes fiables sobre o tema da exposición e decidir que cuestións nos
interesen ou nos parezan salientables de cada unha delas, e que outros aspectos
debemos desbotar. Para isto pode ser moi útil utilizar o subliñado: subliñe nas
informacións só as ideas coas que vai quedar.
Extraer conclusións: neste paso debe extraer conclusións de toda a
información relevante que ten diante; é dicir, debe elaborar un texto onde exprese
PROGRAMA DE RETORNO EDUCATIVO
3
unha opinión sobre o tema en cuestión. Poña atención na redacción do texto. Esta
redacción vai ser o contido da súa exposición oral.
Guión: como viu en unidades anteriores, nunha adecuada comunicación oral
non debemos estar mirando continuamente para os papeis que temos diante ou ler o
que estamos a expresar coa voz, senón que debemos ser capaces de expor un tema
dirixíndonos cara ao noso auditorio ou público e centrar a súa atención. Xa que logo,
debemos ter interiorizados e memorizados os aspectos fundamentais da nosa
exposición oral. Isto non quere dicir que non poidamos ter unha especie de guión
escrito onde estean formuladas as ideas centrais sobre as que xira a nosa
intervención; todo o contrario, é útil que o teñamos.
Nese guión, que como maximo debe ocupar unha cara dun folio, debe pór por
escrito, segundo a orde no que vaia falar delas, as principais ideas (sen desenvolver)
que vai exponer. Isto serviralle de axuda e guía na exposición e evitará que mesture
temas ou fale deles antes de tempo.
A exposición. Non debe ser moi longa nin ter un excesivo contido de datos
técnicos. Se a fai moi longa, a xente perderá interese e deixará de prestarlle atención.
Lembre tamén que a linguaxe oral é inmediata e non perdura no tempo coma a escrita,
polo que o auditorio debe ir procesando o que vaia dicindo. Xa que logo, non pode
sobrecargalos de información ou non a darán decodificado.
Utilice, se é posible, vídeos ou material multimedia para reforzar
e facer máis amena a exposición. O auditorio agradecerallo.
6.2 Textos argumentativos
Argumentar consiste en achegar razóns para defender unha opinión. A
argumentación empregase para desenvolver temas que se prestan a controversia e,
ao mesmo tempo que intentan dar unha información o máis completa posible sobre
eles, pretenden persuadir o lector mediante un razoamento. A argumentación
apoiarase en ideas loxicamente aceptables.
Cando queremos manifestar, defender ou contradicir opinións, empregamos
diversos argumentos. A solidez das nosas opinións vén dada por eses argumentos e a
forma de expolos, que ten que ser clara, ordenada, coherente e xerarquizada, como
veremos máis adiante.
PROGRAMA DE RETORNO EDUCATIVO
4
Elementos da argumentacion
� Tese: é a idea fundamental que se defende. Constitúe o núcleo da
argumentación, onde se expón o tema do que vai tratar o texto. Ten que presentarse
de xeito claro, obxectivo e conciso.
� Corpo da argumentación: logo de exposta a tese, ofrécense os argumentos
para confirmala ou rexeitala (contraargumentos).
� Conclusión: que reafirma ou reitera a tese, a partir dos elementos do
apartado anterior.
Elaboración dun texto argumentativo
Técnicas para expoñer as nosas razóns de maneira convincente:
� Presentar con sinxeleza e claridade o que queiramos expor. É conveniente
expor a nosa opinión cunha frase breve e simple, sen palabras inútiles. Exemplos: eu
penso que, quero expresar o meu desacordo, sobre ese asunto eu quero manifestar,
vou dar a mina opinión sobre...
� Definir previamente o significado das principais palabras coas que
expresamos a nosa opinión. Para que exista comunicación, emisor e receptor deben
manexar o mesmo código. Se o noso interlocutor non sabe do que lle están a falar ou
as palabras teñen un sentido diferente para el, dificilmente lograremos persuadilo.
Cando poida haber dificultade para que o auditorio ou o lector entendan do que imos
falar, é preciso aclarar cal é para nós o significado daqueles termos que poidan
malinterpretarse.
� Ter en conta cal é o público ao que nos diriximos (adecuación). Isto obriga a
cambiar a linguaxe e a forma de exposición dos nosos argumentos. Non é o mesmo
unha argumentación dirixida a un público experto ou coñecedor da materia que
tratamos, que a un que non sabe nada do asunto, se é un auditorio infantil ou adulto,
formado ou non, etc.
� Empregar argumentos válidos para xustificar a nosa opinión: aqueles que
sexan máis eficaces para o público ao que nos diriximos (adecuación). Non podemos
empregar os mesmos argumentos con nenos que cos adultos, cun auditorio culto que
con xente iletrada,etc. Os argumentos adaptanse ao auditorio e é suficiente empregar
aqueles que fagan efecto.
PROGRAMA DE RETORNO EDUCATIVO
5
Tipos de argumentos para defender a nosa opinión
� Experiencia persoal. Hai xente que basea a súa argumentación apelando á
súa experiencia: vino eu mesmo, pasoulle a un amigo, segundo a miña experiencia...
Son argumentos moi pouco consistentes, porque a visión e a experiencia de cada un
pode ser moi limitada e a súa opinión, parcial. Non pode ser un argumento único.
� Argumento de autoridade. Moitas veces para dar forza á nosa opinión
apelamos a outras persoas máis sabias que opinan igual. Cítanse así frases expostas
por esas persoas en libros, revistas, radio, televisión... Exemplos: Estudos realizados
en Gran Bretana demostran isto; Herve Bourges sinala que a radio seguirá a ser
indispensable para cubrir a actualidade de cada rexión do mundo e cada país, en
tempo real; Spinoza tiña razón cando escribía: No que menos pensa o home sabio é
na morte, pois toda sabedoría é unha sabedoría da vida e non unha sabedoría da
morte.
Tamén podemos recorrer a refráns e proverbios, cuxas ideas sexan
comunmente aceptadas por unha gran maioría de persoas.
� Argumento de universalidade. Consiste en defender algo que é aceptado
pola opinión xeral. Isto supón que todo o mundo está de acordo. É un argumento moi
utilizado na publicidade: Todo o mundo o usa, Todos o toman... Pero é un razoamento
pouco consistente e non pode ser o único. Exemplos: A xente xa non lle produce
estrañeza ver estas cousas; A maioría dos países europeos hai tempo que recoñecen
eses dereitos.
� Argumento de singularidade. É o contrario ao anterior. Pode resultar
convincente pertencer a unha minoría intelixente, que se distingue dos demais nas
súas opinións. É un argumento tamén moi utilizado na publicidade: Poucos o fan así,
Pase a formar parte dunha minoría selecta, Sexa único... Tampouco este é un
argumento consistente se é o único. Exemplos: Unha minoría distínguese pola súa
elegancia; Só uns poucos son capaces de se entregar así.
� Argumento de semellanza. Ás veces argumentamos expondo un caso de
similares características. Así, para defender un argumento falamos dunha situación
semellante (analoxía) ou exemplo onde se cumpre o que nós sostemos. Exemplo:
Como unha noite dos cristais rotos en Alemaña, así viviron os cidadáns vascos a
xornada de onte.
PROGRAMA DE RETORNO EDUCATIVO
6
� Argumentos baseados nas consecuencias dun feito (argumento causa-
efecto): deféndese un feito polas boas consecuencias que pode producir ou, pola
contra, xúlgase un feito como malo cando as repercusións son perniciosas. Exemplos:
É tanto o inmenso dano que causan as drogas que todo é pouco para evitalas; Se
todos fixésemos as cousas así, o noso país sería un caos.
� Argumento por xeneralización. Tómase un acto individual e illado como
representativo dunha situación xeral. Non é licito nin xusto utilizar este razoamento nas
argumentacións. Exemplo: Habería que deportar todos eses ilegais que están
roubando os nosos postos de traballo.
� Argumento baseado na persoa en vez das súas razóns. Consiste en valorar
o que di a persoa polo seu aspecto ou pola estima que se lle ten. Este argumento
tampouco é licito nin xusto empregalo. Exemplo: Só un fachendoso aparvado coma el
podería dicir iso.
6.3 A escrita de textos planificados
Como vai poder ler a continuación, para a escrita de textos planificados
debemos seguir unha serie de pasos que nalgúns casos, coinciden cos que se deben
dar nas exposicións orais planificadas (texto 2.5).
Os pasos que debemos seguir se queremos lograr redactar un bo texto escrito
poden variar segundo o tema ao que nos enfrontemos pero, polo xeral, son os
seguintes (os catro pasos marcados cun fondo gris só se deben seguir cando
producimos un texto de opinión, argumentativo ou narrativo baseado en feitos reais ou
sobre temas de actualidade):
� Tema: cando sabemos o tema sobre o que imos escribir debemos procurar
informarnos o máis posible sobre el, comprender as cuestións que abrangue e
delimita, que subtemas entran dentro dese tema e cales non.
� Busca de fontes fiables: de toda a información que investiguemos para
informarnos sobre o tema, debemos seleccionar as fontes máis fiables (xornais, libros,
revistas, vídeos...) e rexeitar aquelas que non o son: É obxectiva a informacioón? É
deficiente? Non se corresponde coa realidade dos feitos? É fiable o medio de
información no que aparece? É neutral ese medio de información?
PROGRAMA DE RETORNO EDUCATIVO
7
� Análise e resumo da información: con esas fontes fiables de información que
temos debemos facer o seguinte: volver a lelas detidamente, marcar palabras ou
conceptos que non entendamos e por último, resumilas. As palabras e os conceptos
que non entendamos debemos buscalos nun dicionario, nunha enciclopedia... e
anotalos, por orde alfabética, debaixo do resumo que fixemos de cada unha das
informacións.
� Comparación das informacións: agora debemos comparar as informacións
que se nos ofrecen nas fontes fiables que temos sobre o tema da nosa exposición e
decidir que cuestións nos interesan ou nos parecen salientables de cada unha delas, e
que outros aspectos debemos desbotar. Para isto pode ser moi útil utilizar o subliñado:
subliñe nas informacións só as ideas coas que se vai quedar.
� Extracción de conclusións: neste paso debe extraer as conclusións de toda a
información salientable que teña diante, é dicir, debe elaborar un texto onde exprese a
opinión sobre o tema. Pona atencion na redacción do texto e procure extraer
conclusións diferentes as das informacións que leu. Esta redacción vai ser o contido
do seu texto escrito planificado.
� Correccion da primeira redacción: cando acabe de escribir a primeira
redacción debe corrixir nela os posibles erros que haxa de ortografia, puntuación,
concordancia, etc.
� Segunda redacción: cando remate de revisar a primeira redacción, redacte
novamente o texto coas correccións oportunas que fixera. Vólvao revisar outra vez
para ver se deixou algún erro polo camiño.
� Redacción final: agora xa pode proceder a redactar a versión final do texto.
Esta versión final pode escribila a man ou mediante un procesador de textos. Se a fai
a man, lembre que a presentacion debe ser o máis coidada posible, polo que debe
respectar as marxes adecuadas e evitar garabatos no documento. No caso de facela
mediante un procesador de textos, lembre pasar o corrector ortográfico ao rematar e,
posteriormente, revisalo manualmente. Finalmente imprima o texto.
Se o tema escollido son as nosas vivencias persoais ou un tema inventado por
nós, podemos obviar os catro pasos marcados con fondo gris, xa que a información
sobre a que escribimos é algo que nós vivimos ou que procede da nosa imaxinación.
Mais tamén debemos ter en conta que se o que facemos é mesturar ficción con
realidade pode darse o caso de que si sexa necesario informarnos adecuadamente
desas partes reais das que falamos no noso texto e, daquela, seguir algún dos catro
PROGRAMA DE RETORNO EDUCATIVO
8
pasos. Por exemplo: escribimos un texto baseado nun tema ficticio: A viaxe polo país
dos soños e decidimos que esa viaxe a facemos nun globo aerostático. Neste caso, se
non sabemos como funciona un globo aerostático, teremos que procurar información
ao respecto para entendermos o seu funcionamento.
6.4 Normas ortográficas II
Este apartado complementa as Normas ortográficas I.
Lembre que a ortografía é a parte da gramática que se ocupa da escritura
correcta das palabras e do uso dos outros signos gráficos da lingua. Neste caso
ímonos centrar nas regras de acentuación.
O acento das palabras. A sílaba tónica
Acento é a maior intensidade coa que se pronuncia unha sílaba dentro de cada
palabra. A esa sílaba que se pronuncia con máis intensidade chámaselle sílaba tónica,
e as demais sílabas átonas. Vexamos as clases de palabras segundo a posición da
sílaba tónica (regras xerais):
� Agudas ou oxítonas: cando a sílaba tónica é a última. Levan acento gráfico
cando son polisílabas (máis dunha sílaba) e rematan en vogal + n, en vogal + s ou en
vogal + ns. Exemplos: motor, papá, cartón, alguén, irmáns...
Non levan acento gráfico cando son monosílabas: xa, la, fe, di, si, cu, Xan, len,
etc.; nin cando acaban en ditongo decrecente (seguido ou non de n ou s): amei, amou,
seguiu, colleu, ademais, capitais, papeis, españois, etc., ou noutra consoante que non
sexa .n ou .s: capital, papel, cantar, nariz, arroz, etc.
� Graves ou paroxítonas: cando a sílaba tónica é a penúltima. Levan acento
gráfico cando rematan en consoante distinta de .n ou .s e en grupos consonánticos
distintos de .ns. Exemplos: dúctil, lapis, paxaro, fácil... Tamén se acentúan as palabras
graves con ditongo decrecente na última sílaba: amábeis.
En consecuencia, non se acentúan gráficamente as palabras graves rematadas
en vogal (canta, cantara), vogal + n (cantan, cantaran), vogal + s (cantas, cantaras,
lapis) ou vogal + ns (canons, colons, dolmens).
PROGRAMA DE RETORNO EDUCATIVO
9
� Esdrúxulas ou proparoxítonas: cando a sílaba tónica e a antepenúltima.
Levan sempre acento gráfico. Exemplos: cárcere, árbore, médico...
� Sobreesdrúxulas: se a sílaba tónica vai antes da antepenúltima. Levan
sempre acento gráfico. Exemplos: Mandámosvolo, díxonolo...
Acentuación de i, u en hiato
Con independencia do dito anteriormente, as vogais i, u tónicas levan acento
gráfico cando van inmediatamente antes ou despois dunha vogal átona, para indicar
que ambas as vogais pertencen a sílabas distintas e que, polo tanto, non forman
ditongo. Exemplos: acentúo, aínda, baúl, caída, egoísmo, etc. Para indicar que non
forman ditongo coa anterior, as vogais i, u tónicas non se acentúan gráficamente
cando entre estas e a átona aparece o grafema
h: prohibo.
Acentuación dos estranxeirismos
As palabras estranxeiras de uso máis común, aínda que non estean
plenamente adaptadas ao galego, seguen as regras de acentuación enunciadas
anteriormente. Exemplos: agudas: iglú, popurrí, icebérg, reláx, etc.; graves: béisbol,
ídem, karaoke, médium, etc.; esdrúxulas: bádminton, déficit, hándicap, etc.
Neste tipo de palabras pódese prescindir do acento gráfico correspondente e
manter integramente a grafía propia da lingua de que proceden cando exista
conciencia clara de que son estranxeirismos.
Casos especiais de acentuación: o acento diacrítico
Utilízase o acento gráfico con función diacrítica para distinguir dúas palabras
que teñen a mesma forma na escrita, pero que se diferencian porque a vogal tónica
ten distinto timbre (nunha palabra a vogal tónica pronúnciase como aberta e na outra
palabra como pechada): póla/pola; ou porque unha palabra é tónica e a outra átona:
dá/da. Non sempre é necesario facer diferenzas gráficas, porque o significado das
palabras escritas resulta claro ao apareceren en contextos diferentes: el colle (o
PROGRAMA DE RETORNO EDUCATIVO
10
aberto), colle ti (o pechado), etc. Outras veces pode haber confusións e por iso cómpre
porlle acento a unha das dúas formas homografas (que teñen a mesma forma gráfica);
neste caso pónselle sempre acento gráfico á palabra que ten vogal aberta ou a que e
tónica.
Algunhas destas palabras son:
á (a + a artigo; substantivo) a (artigo; pronome; preposición)
bóla (esfera) bola (peza de pan)
cá (ca + a) ca (conxuncion)
cás (ca + as) cas (preposición)
chá (plana) cha (che + a)
có (ca + o) co (con + o)
cós (ca + os; substantivo) cos (con + os)
cómpre (é mester) compre (merque)
dá (presente e imperfecto do verbo dar) da (de + a)
dás (presente do verbo dar) das (de + as)
dó (compaixón) do (de + o)
é (presente do verbo ser) e (conxuncion)
O verbo con pronome enclítico e cos alomorfos do artigo -lo (s), -la (s)
Cando os verbos levan pronomes enclíticos, no tocante á acentuación gráfica
compórtanse como se fosen unha soa palabra. De aí que teñamos: cantáraa/cantaraa,
méteseche; meteuse; tómao...
E igual sucede coa combinacion verbo + variantes alomórficas do artigo -lo (s),
-la (s): cóme-lo caldo/come-lo caldo, bebéra-la auga/bebera-la auga...
As formas verbais que levan acento diacrítico mantéñeno cando van seguidas
dunha forma átona do pronome: é/éche/ea; dáo/dáme/dálle...
PROGRAMA DE RETORNO EDUCATIVO
11
Os adverbios rematados en .mente. Palabras compostas
� Os adverbios rematados en .mente non levan acento gráfico en galego:
dificilmente, habilmente, utilmente...
� Tampouco levan acento gráfico o primeiro termo das palabras compostas
soldadas: Riotorto, vichelocrego...
Outros casos
� Non se acentúan as formas do demostrativo para distinguir cando é
determinante ou pronome: esta casa, este sitio, gústame esta, colle aquel...
� Non se acentúan as interrogativas e exclamativas directas: Cantos anos tes?
Como te chamas? Que é iso?, Que desgraza!, Canto tempo sen verte!...
� Tampouco se acentúan as interrogativas e exclamativas indirectas:
pregúntalle cando volve, pregúntalle como se chama... Agás cando for preciso para
evitar anfiboloxías: dille qué queres/dille que queres, xa sabes cánto lle gustou/xa
sabes canto lle gustou...
Las reglas de acentuación en castellano
Las reglas generales de acentuación son básicamente las mismas que en
gallego
� Agudas o oxítonas: portavoz, maldad, camión, corazón, también, jamás...
� Graves o paroxítonas: medios, llana, revela, diíicil, cárcel, automóvil...
� Esdrújulas o proparoxítonas: áspera, esdrújula, propósito...
� Sobreesdrújulas: cómetelo, tráemela...
La acentuación gráfica de diptongos:
La acentuación de los diptongos sigue las reglas generales. Por lo tanto, si el
acento de la palabra recae sobre una sílaba con diptongo, y a ésta le corresponde una
tilde según las reglas generales, esta tilde se coloca sobre la vocal fuerte (a, e u o).
Ejemplos: co-rreis, hues-ped...
PROGRAMA DE RETORNO EDUCATIVO
12
� Cuando son dos vocales débiles las que están en contacto (ui o iu), a efectos
de acentuación, se considera que se trata de un diptongo. Del mismo modo que para
el resto de los diptongos, si a dicho diptongo le corresponde una tilde, ésta se coloca
en el segundo elemento: ben-juí, cuí-da-te, je-suí-ti-co, des-truí, pero jesui- ta, des-
truir...
Existen excepciónes a esta última regla. Las formas verbales
huí, huís, huía, huían y huías (y sus equivalentes del verbo fluir) se acentúan
gráficamente.
Los onomásticos y patronímicos de origen catalán terminados en -iu o -ius, con
acento prosódico en la i se escriben sin tilde: Montoliu...
� Se escriben también sin tilde los vocablos agudos terminados en au, eu y ou.
Se trata por lo general de patronímicos de origen catalán: Aribau, Salou, Bernabeu...
� La y precedida de vocal al final de una palabra se considera como una
consonante a efectos de acentuación, por lo que todas las palabras agudas
terminadas en los diptongos ay, ey y oy se escriben sin tilde (guirigay, virrey...). No así
sus plurales que constituyen palabras agudas terminadas en s. Los agudos terminados
en uy (generalmente topónimos como Bernuy) siguen la misma norma y no se
acentúan (si lo hace benjuí).
La acentuación de extranjerismos sigue los mismos procedimientos que en
gallego . Por lo tanto, sólo se acentuarán cuando su uso sea común en español y
estén adaptados a la pronunciación y estructura de la lengua. De no ser así, no
llevarán acento. Ejemplos: bebé, buró, marketing, bungalow...
El acento diacrítico funciona de una forma muy similar al gallego
mas (adverbio de cantidad) mas (conj. adversativa, equivale a •pero)
tú (pronombre personal) tu (determinante posesivo)
él (pronombre personal) el (articulo)
dé (del verbo dar) de (preposición)
sé (de los verbos ser o saber) se (pronombre personal y reflexivo)
PROGRAMA DE RETORNO EDUCATIVO
13
té (infusion) te (pronombre personal)
aún (adv. temporal o modal,todavía) aun (resto de casos)
sólo (adverbio, equivale a solamente) solo (adjetivo, equivale a sin compañía)
Cuando un verbo monosilábico lleva tilde diacrítica y se une con un pronombre
átono, el verbo sigue conservando el acento. De ahí que: dé/déme/déle...
Otros casos:
� Los adverbios que terminan en .mente llevan acento gráfico si la palabra
original ya lo tenía: difícilmente, rápidamente...
� Palabras compuestas:
. Si la palabra compuesta procede de la unión de dos palabras simples, sólo
lleva tilde el último componente, si a la palabra compuesta le corresponde llevarla:
contrapié, decimoséptimo, cortafríos, radiocomunicación...
(pierde su tilde siempre el primer componente de la misma aunque la llevara
cuando era simple: asimismo, decimoseptimo, tiovivo...).
. Si las palabras se unen mediante guión (conservando la primera invariante la
terminacion masculina singular), cada vocablo conserva su tilde si ya la tenía
previamente: físico-químico, anglo-soviético...
� Se acentúan las formas del demostrativo para distinguir cuando es
determinante o pronombre: esta casa, este sitio, me gusta ésta, coge aquél...
� Se acentúan las interrogativas y exclamativas directas: ¿Cuántos años
tienes? .¿Cómo te llamas?, !Qué desgracia!...
� También se acentúan las interrogativas y exclamativas indirectas: pregúntale
qué quiere, ya sabes cuánto gasto...
ILG & RAG, Normas ortográficas e morfolóxicas do idioma galego, ILG e RAG,
Vigo, 2003
Reglas de acentuación del español:
[http://www.dat.etsit.upm.es/~mmonjas/acentos.html#compuestas]
PROGRAMA DE RETORNO EDUCATIVO
14
6.5 Elementos morfolóxicos básicos
Neste apartado teórico imos ver cales son os elementos morfolóxicos básicos
do substantivo, o adxectivo, o adverbio e a preposición.
O substantivo
É unha clase de palabras que serve para designar persoas, obxectos, seres,
sentimentos...
Os elementos morfolóxicos básicos dos substantivos marcan o xénero e
número ao que pertencen.
� Xénero: o xénero dos substantivos pode ser masculino e/ou feminino.
Os substantivos masculinos non levan ningún morfema adicional nin necesitan
modificar a súa forma orixinal para formar ou indicarnos que pertencen a tal xénero.
En vez diso, moitas veces levan un artigo que os precede e que nos indica a que
xénero pertencen. Exemplos: o lapis, o piñeiro, o río, o sol, profesor, mestre... De aí
que a este xénero se coñeza como o xénero non marcado.
Os substantivos femininos adoitan levar un morfema que indica que pertencen
a ese determinado xénero. Temos varios casos:
. De substitución ou adición do morfema -a: É o caso máis común. Exemplos:
mestra (substitúese unha parte da forma orixinal: mestre), profesora (engádese un
morfema .á forma orixinal: profesor)...
. Substantivos rematados en .n.
. Os substantivos rematados en .án poden formar o feminino en .á ou -ana.
Exemplos: ancián/anciá; irmán/irmá; capitan/capitá; gardián/gardiana...
. Os substantivos rematados en .ón forman o feminino rematado en .oa e .ona.
Exemplos: león/leoa ou leona; patrón/patroa ou patrona...
. Os substantivos rematados en .ín forman o feminino en .ina. Exemplos:
bailarín/ bailarina; danzarín/danzarina...
. Os rematados en .ún difiren no seu comportamento: os adxectivos cabrún,
cervún, vacún forman o feminino deste xeito: cabrúa, cervúa, vacúa; común e
invariable; euscaldún engade .a: euscalduna.
PROGRAMA DE RETORNO EDUCATIVO
15
. O substantivo refén é invariable: un refén ferido/unha refén ferida.
. Substantivos rematados en .és. . Os xentilicios que acaban en .es presentan
un feminino en .esa: cambadés/cambadesa, burgués/burguesa...
. Formacións especiais.
. Terminacións especiais para formar o feminino: heroe/heroína;
principe/princesa; profeta/profetisa, emperador/emperatriz, barón/baronesa...
� Número: o número dos substantivos pode ser singular e plural (as regras
que veñen a continuación son válidas tamén para os adxectivos).
As formas en singular nomean a unha soa persoa, animal ou cousa e non levan
modificado ou engadido ningún morfema para indicar que van en singular. Exemplos:
neno, rapaza, home, persoa...
As formas en plural nomean a máis dunha persoa, animal ou cousa. A
formación de plural de substantivo require a adición dunha serie de morfemas,
segundo os casos:
. Palabras rematadas en vogal ou en ditongo
. As palabras rematadas en vogal, tónica ou átona, ou en ditongo forman o
plural engadindo .s: mesa/ mesas, irmá/irmás, lei/leis...
. Os estranxeirismos acabados en vogal forman o plural engadindo .s ou ben
respectando a forma de plural da lingua de orixe: spray/sprays, hippy/hippys ou
hippies...
. Palabras rematadas en -r ou -z
. As palabras rematadas en .r e .z engaden o morfema .es sobre o singular:
mar/mares, luz/luces...
. Os estranxeirismos adecúanse a esta regra, a non ser algunhas excepcións:
gángster/gángsteres/gangsters, póster/pósteres ou posters...
. Palabras rematadas en .s e -x
. As palabras agudas rematadas en .s forman o plural engadindo .es:
deus/deuses, compás/compases, excepción feita das que rematan en grupo
consonántico (incluídas as rematas en .x) que permanecen invariables: luns, unisex...
PROGRAMA DE RETORNO EDUCATIVO
16
. As graves e esdrúxulas acabadas en .s ou .x son invariables e presentan, xa
que logo, a mesma forma no singular e no plural: choromicas, lapis, martes, climax...
. As palabras rematadas en .n engaden .s: can/cans, lambón/lambóns...
.
Palabras rematadas en .l
. Os monosílabos rematados en .l engaden o morfema .es: cal/cales/gol/goles...
. Nas palabras agudas de máis dunha sílaba, o l do singular substitúese polo
morfema .is: animal/animais, civil/civís/cadril/cadrís...
. As palabras compostas en que o segundo elemento e algún dos monosílabos
que rematan en .l, o plural faise engadindo .les:
ollomol/ollomoles/chuchamel/chuchameles...
. As palabras graves rematadas en .l forman o plural engadindo o morfema .es:
áxil/áxiles, difícil/difíciles...
O adxectivo
O adxectivo é unha clase de palabra variable que expresa propiedades ou
características dos substantivos. Os adxectivos concordan en xénero e número cos
substantivos aos que acompañan. Exemplos: A nena loura; O rapaz alto...
Hai algúns adxectivos que non varian de xénero. Exemplos: A casa grande/O
cuarto grande; A pera doce/O figo doce...
O adverbio
Os adverbios son palabras invariables, isto quere dicir que non teñen xénero,
número nin persoa. Serven para modificar un verbo, un adxectivo ou outro adverbio.
Exemplos: Verémonos mañá, Pilar conduce moi ben...
Existe unha forma moi recorrente na lingua de formar adverbios que é
mediante a adición do sufixo -mente aos adxectivos na súa forma feminina. Fíxese que
estes adverbios son palabras graves rematadas en vogal e polo tanto non levan til (tal
e como vimos nesta mesma unidade). Exemplos: facilmente, dificilmente, soamente...
PROGRAMA DE RETORNO EDUCATIVO
17
A preposición
As preposicións son un grupo de palabras invariables que teñen como función
servir de enlace. Son preposicións: a, agás, ante, após, ata, até, baixo, cabo, canda,
cas, con, conforme, consonte, contra, de, deica, dende, des, desde, durante, en, entre,
excepto, fóra, malia, mediante, menos, onda, para, perante, por, quitando, sacado,
sacando, salvante, salvo, segundo, sen, senón, so, sobre, tras e xunta.
Los elementos morfologicos basicos en castellano I
�El substantivo, adjetivo, adverbio y preposición se definen exactamente igual
que en gallego; por lo tanto, realizan las mismas funciones.
Consecuentemente, en castellano, al igual que en gallego, el sustantivo es una
palabra variable en género y número; el adjetivo es una palabra variable que siempre
concuerda en género y número con el sustantivo al que acompaña; el adverbio y la
preposición son clases de palabras invariables en género y número.
Además de estas características en común entre las dos lenguas del ámbito,
hay otras cuestiones relacionadas con estas clases de palabras que vamos a ver
pormenorizadamente para el caso que nos ocupa, la lengua castellana. Estas son:
El género en los sustantivos
� Masculino. Al igual que en gallego es el género no marcado; por lo tanto, la
ausencia en un substantivo de la marca •femenino• es suficiente para indicar que
ese sustantivo es de género masculino.
� Femenino. Se usan los morfemas a, -esa, -isa, ina, -iz para el femenino:
leona, abadesa, poetisa, gallina...
Formación del plural en los sustantivos (estas reglas también son válidas para
los adjetivos)
� Añadiendo .es. En este grupo se incluirían todas las palabras acabadas en
consonante, salvo las que acaben en s o x y no tengan la última sílaba acentuada:
tótem/totemes, verdad/verdades...
También un gran número de palabras terminadas en las vocales tónicas u o i y
a veces a, para casi todas ellas se admite un doble plural, en es o s:
PROGRAMA DE RETORNO EDUCATIVO
18
tabú/tabúes/tabús, baladí/baladíes... Además para algunas también aparece un plural
en -ses: maní/manís/maníes/manises.
Y, en general, todos los plurales de monosílabos salvo los acabados en e: aes,
yoes, noes...
� Anadiendo .s. Todos los sustantivos y adjetivos terminados en vocal no
tónica y e , a u o tónicas: casa/casas, fe/fes, papá/papás...
Las que terminan en u o i. En cuanto al uso, sería lo que más se extiende
actualmente, en principio, estas palabras no deberían construir el plural así, pero poco
a poco la RAE las va incorporando, aunque sigue recomendando la norma de
anadirles -es.
� No añadiendo nada. Adjetivos y sustantivos terminados en s o x no
acabados en sílaba tónica: tórax, lunes, tesis, martes, viernes, etc. El artículo es la
unica forma de distinguirlos: el lunes, los lunes. Excepciones: el parchís/los parchís.
� Palabras que terminan en .y. Estas palabras tienen su plural en es:
buey>bueyes, los extranjerismos más modernos en s: samuray/samurais. Observe el
cambio de y por i.
� Palabras de origen extranjero. O siguen las normas de su idioma de origen o
del castellano: club/clubs/ clubes; canelón/caneloni/canelones; currículum/currícula...
Los adverbios
Recuerde que en castellano los adverbios que se forman con el sufijo .mente
llevan acento si en su forma original también lo llevaban: difícil/difícilmente...
Las preposiciones
Son preposiciones: a, ante, bajo, cabe, con, contra, de, desde, en, entre, hacia,
hasta, para, por, según, sin, so, sobre, tras.
PROGRAMA DE RETORNO EDUCATIVO
19
6.6 O xornalismo (aspectos teóricos)
Tanto dentro das TIC como en soporte impreso, o xornalismo, nas súas
variantes de información e análise crítica da actualidade, e a literatura ao servizo da
prensa, e ten un gran valor social, xa que contribúe a crear un estado de opinión entre
a poboación.
O xornalismo tamén se da nos medios audiovisuais, tales como a televisión ou
a radio.
Neste caso adquire moita importancia a linguaxe verbal, a non verbal e os
elementos paraverbais (comunicación oral).
Xéneros xornalísticos
Algúns dos xéneros xornalísticos máis importantes, tanto na prensa escrita e
dixital, na television e na radio son:
� Noticia: relato ou redacción que fai referencia a un suceso de actualidade ou
atípico, ocorrido dentro dunha comunidade ou en determinado ámbito, e que merece a
súa divulgación debido á súa relevancia. Exemplo: Os EEUU retiran as tropas do Iraq.
� Reportaxe: relato xornalístico de historias vividas por persoas as que se
relaciona co seu contexto. Baséase nun testemuño, o máis directo posible que explica
con palabras, imaxes e/ou sons, desde unha perspectiva actual, sucesos de interese
público. Exemplo: un reporteiro da TVG achégase a unha brigada forestal para
observar como fan o seu traballo un determinado día no que a súa actuación sexa
necesaria.
� Crónica: nárranse acontecementos pola súa orde cronolóxica, a través de
testemuñas presenciais ou contemporáneas, sexa en primeira ou terceira persoa. Na
crónica utilízase unha linguaxe directa, sinxela e moi persoal, e admite o uso de
linguaxe literaria cun frecuente uso de adxectivos. Exemplo: unha testemuna (o
capitán do buque) relata cronolóxicamente os sucesos que deron pé ao afundimento
do Prestige.
� Editorial: texto non firmado que explica, valora e xulga un feito de especial
importancia. Trátase dunha opinión colectiva, dun xuízo institucional formulado en
concordancia coa liña ideolóxica do medio. Exemplo: o xornal El País publica un
PROGRAMA DE RETORNO EDUCATIVO
20
editorial sobre a crise económica e as causas que nos levaron a ela (esta opinión é
colectiva, representa todo o xornal, non só unha persoa).
� O artigo: texto que presenta a postura persoal dun xornalista fronte a un
acontecemento ou un problema actual ou de interese xeral. Mediante el preténdese,
xeralmente, influír na opinión que os lectores poden ter sobre un determinado feito.
Para o lograr, o escritor emprega argumentos ou razóns que convenzan o lector para
que modifique o seu parecer sobre ese tema, aproximándoo á súa postura. Exemplo:
Fernando Onega escribe un artigo en La Voz de Galicia onde expón unha serie de
argumentos e razóns polas cales
non está de acordo coa política económica do Goberno actual.
� A entrevista: diálogo entre dúas ou máis persoas: o entrevistador ou
entrevistadores, que interrogan, e as persoas que contestan. Trátase dunha técnica ou
instrumento empregado en diversas actividades profesionais (por exemplo en
investigación, medicina, selección de persoal, etc.). Unha entrevista non é casual,
senón que é un diálogo interesado, cun acordo previo e uns intereses e unhas
expectativas por ambas as partes. Exemplo: un xornalista da TVG entrevista o actual
Conselleiro de Pesca.
6.7 Principais subxéneros literarios
Subxéneros narrativos
Conto: narración dunha acción irreal, de carácter sinxelo e breve extensión, de
moi variadas tendencias a través dunha rica tradición literaria e popular. Polo xeral, o
desenvolvemento narrativo do conto é rectilíneo, presenta poucos personaxes e o
proceso do relato concédelle moita importancia ao desenlace.
Novela: obra na que se narra unha acción irreal ou semi-irreal, e cuxo fin é
producir pracer estético aos lectores por medio da descrición de sucesos interesante,
de personaxes, de paixóns e de costumes. Salvo excepcións, a novela utiliza a prosa,
e en contra do conto, nunca é moi breve. A acción é necesaria nesta obra, pero o
fundamental son os personaxes e o mundo irreal que os rodea.
Novela curta: é a representación dun acontecemento, mais non ten a
amplitude da novela normal no tratamento dos personaxes e da trama. A acción, o
PROGRAMA DE RETORNO EDUCATIVO
21
tempo e o espazo aparecen dunha forma condensada, e presenta un ritmo acelerado
no desenvolvemento da trama. As longas digresións e descricións propias da novela
desaparecen na novela curta, así coma as exhaustivas análises psicolóxicas dos
personaxes.
Subxéneros dramáticos ou teatrais
Traxedia: é a imitación dunha acción elevada e completa, de certa
magnitude, nunha linguaxe matizada en función das súas partes, efectuada polos
personaxes en acción e non por medio dun relato, e que suscitando compaixón e
temor leva a cabo a purgación de tales emocións. A historia tráxica imita accións
humanas en torno ao sufrimento dos personaxes e á piedade, ata o momento de
recoñecemento dos personaxes entre si ou da toma de conciencia da orixe do mal.
Comedia: é a imitación das persoas máis vulgares; pero non vulgares de
calquera clase e fealdade física ou moral, senón daquela única especie que supón o
ridículo. Describe, intelectualmente deformados, os aspectos concretos e risibles da
vida cotiá. Os personaxes son de condición inferior, o desenlace é feliz e optimista, e a
súa finalidade é provocar o riso do espectador.
Farsa: obra teatral cómica que se escribe e se representa co único fin de
facer rir ao público, mediante a posta en escena de situacións e personaxes ridículos.
É un tipo de obras nas que se deforma a realidade estilizándoa, facéndoa grotesca ou
dándolle un aire de Entroido.
Subxéneros líricos
Oda e himno: a oda relaciónase cos sentimentos de admiración e
entusiasmo. Ten carácter solemne e linguaxe de gran admiración. A etiqueta himno
aplícase en cantos litúrxicos da igrexa e cancións con música cun sentido nacional,
político ou ideolóxico.
Poesía bucólica: é un canto á paz e á beleza do campo, á vida de pastores,
nun ton idealista.
Elexía: é unha composición que denota lamentación por diversas causas.
Hainas amorosas, relixiosas, patrióticas e, sobre todo, funerarias.
Sátira: ridiculiza vicios ou defectos alleos. Adoita ser de ton lixeiro e carácter
burlesco; outras veces adquire un sentido máis grave e educador.
PROGRAMA DE RETORNO EDUCATIVO
22
Copla: é calquera composición poética breve que, illada ou en serie, serve de
letra nunha canción popular.