plan de convivencia escolar e normas de convivencia do ies ... · hai un claro sesgo cara ao sexo...

Plan de Convivencia Escolar e Normas de Convivencia do IES Leixa

I E S L e i x a | 1

�

Non hai camiños para a Paz; a Paz é o camiño.

Mahatma Gandhi (1869‐1948)


2 | I E S L e i x a

Documento orixinal: 16.11.2012 Revisión 1: 24.02.2014

Redactado por: Francisco José Teijido López,

Xefe de estudos

Aprobado por Claustro: Ana Roel Ares,

Directora

Aprobado por Consello Escolar: Ana Roel Ares, Presidenta

Pendente

Data: 16.11.2012 Data: 30.11.2012 Data: 05.12.2012


I E S L e i x a | 3

Índice I. Preliminar ................................................................................................................... 5 1. Visión da convivencia no IES Leixa ................................................................. 5 II. Contextualización ...................................................................................................... 7 1. Localización e contorno ................................................................................. 7 2. Tipoloxía do alumnado .................................................................................. 7 3. Tipoloxía do profesorado ............................................................................... 8 4. O centro ......................................................................................................... 8 5. O persoal de administración e servizos ......................................................... 8 6. A problemática das nais e pais ....................................................................... 8 III. Situación de partida ................................................................................................. 9 1. A convivencia no IES Leixa ............................................................................ 9 IV. O Observatorio da Convivencia Escolar ................................................................... 13 1. Composición e elección dos membros .......................................................... 13 2. Funcións ......................................................................................................... 13 3. Reunións ........................................................................................................ 14 4. Recursos ......................................................................................................... 14 V. Programa de convivencia escolar ............................................................................. 15 1. Definición e obxectivos .................................................................................. 15 2. Responsabilidades ......................................................................................... 15 3. Plans de acción .............................................................................................. 16 4. Avaliación ....................................................................................................... 17 VI. Xestión documental ................................................................................................. 19 1. Documentos e rexistros ................................................................................. 19 VII. Revisión ................................................................................................................... 23 1. Revisión e propostas de modificación ........................................................... 23 Anexo 1: Normas de convivencia (NC) ..................................................................... 25 I. Normas de convivencia .............................................................................................. 27 1. Dos dereitos e deberes .................................................................................. 27 2. Das normas de convivencia ........................................................................... 30 3. Das faltas e sancións ...................................................................................... 35 4. Do dereito de reunión do alumnado ............................................................. 40 Anexo 2: Documentos asociados ao Plan de Convivencia Escolar ............................ 43


4 | I E S L e i x a


I E S L e i x a | 5

I. Preliminar

1. Visión da convivencia no IES Leixa 1.1 A convivencia no IES Leixa: O Proxecto Educativo (en adiante PEC) do IES Leixa ofrece dun xeito claro cales son os principios pedagóxicos e de convivencia do centro. O apartado IV.1 do citado PEC dí “traballarase dunha forma directa ou indirecta valores como liberdade, responsabilidade, solidaridade, tolerancia, autoestima (autoprotec‐ción), igualdade e atención á diversidade, en preferencia doutros que son máis rele‐vantes en etapas educativas anteriores:

• A dualidade liberdade‐responsabilidade son os valores que máis nos dife‐rencian doutros tipos de IES, rompendo coa rixidez do sistema e dotando ao funcionamento do centro dunha orde, flexibilidade e saber estar, por parte de todos os compoñentes; sen necesidade de recorrer a un excesivo rigor no cumprimento das normas, dato constatado cando xorden novas incorpora‐cións ao IES.

Outro aspecto a traballar nesta dualidade de valores é que o estudante as in‐teriorice para o desenvolvemento posterior da súa tarefa profesional.

• A solidariedade‐tolerancia querémola tratar dunha forma ben diferenciada, entendéndoa coma unha resposta individualizada á formación que cada quen debe asumir respondendo ás necesidades que poidan xurdir na relación cos compañeiros/as ou coa sociedade.

• Para traballar a autoestima‐autoprotección tratarase de inculcar a necesi‐dade de coidarse en todos os aspectos, tanto da alimentación e coidados do corpo, coma no desempeño de calquera actividade. Adoptaremos as medi‐das oportunas co fin de conseguir non soamente a nosa seguridade senón tamén a dos nosos compañeiros/as, estando a responder a unha necesidade colectiva de intentar reducir a siniestralidade laboral así como as enfermida‐des comúns e profesionais.

• A igualdade como feito social no que se busca unha participación na que o sexo ou a orixe non é un factor distintivo ou discriminador.

• A atención á diversidade como vía de non discriminación e de oportunidade. Cando se dan circunstancias no alumnado que requiran unha atención espe‐cial, o centro dispón dos elementos de detección e orientación axeitados pa‐ra individualizar o proceso ensino‐aprendizaxe.”.

Do mesmo xeito, o apartado V.1 indica as liñas pedagóxicas do centro e entre eles cí‐tanse os seguintes:

• Unha ensinanza aconfesional que promova valores coma a solidariedade e a non discriminación.

• O estímulo do espírito crítico no colectivo estudiantil, educando persoas tole‐rantes e con maior amplitude de miras.

• A defensa da educación na liberdade, no pluralismo e na convivencia, respec‐tando as diferenzas entre os pobos e os individuos, evitando calquera tipo de discriminación.

• Fomento da multiculturalidade, valorando o coñecemento doutras rexións, países e as súas culturas.

• Potenciación dos intercambios culturais.


6 | I E S L e i x a

1.2 Normas de convivencia: As normas de convivencia do IES Leixa (en adiante NC) establecen dun xeito claro como han de ser as actuacións no caso de situacións ou inci‐dentes que alteren de forma leve ou grave a convivencia, e toma como referentes os principios establecidos no PEC. Precisamente este Plan de Convivencia Escolar (en adiante PCE) recolle o contido tanto no PEC como nas NC como adaptación do establecido nas seguintes normas lexislativas:

• Ley Orgánica 2/2006, de 3 de mayo, de Educación (BOE de 04.05.2006) • Decreto 85/2007, do 12 de abril, polo que se crea e se regula o Observato‐

rio Galego da Convivencia Escolar (DOG de 08.05.2007) • Lei 4/2011, do 30 de xuño, de convivencia e participación da comunidade

educativa (DOG de 15.07.2011) • Lei 3/2001, do 30 de xuño, de apoio á familia e a convivencia en Galicia

(DOG de 13.07.2011) • Decreto 229/2011, do 7 de decembro, polo que se regula a atención á di‐

versidade do alumnado dos centros docentes da Comunidade Autónoma de Galicia nos que se imparten as ensinanzas establecidas na Lei orgánica 2/2006, do 3 de maio, de educación (DOG de 21.12.2011)

Mentres que non se desenvolve regulamentariamente, será de aplicación o contido no Real decreto 732/1995, do 5 de maio, sobre dereitos e deberes do alumnado e normas de convivencia, respecto da convivencia escolar.


I E S L e i x a | 7

II. Contextualización

1. Localización e contorno 1.1 Localización: O Instituto de educación secundaria Leixa está localizado no barrio de San Pedro de Leixa, un barrio periférico da cidade de Ferrol, nun enclave non residen‐cial rodeado de institucións sociosanitarias (Residencia Arquitecto Marcide, Hospital básico da Defensa, CAMF, CEE Terra de Ferrol) e empresas de diverso tipo (Madeiras de Ferrol, Tanatorio San Lorenzo, Decathlon, Ferrolterra Motor, Fenosa…). A súa área de influencia só dispón dunha pequena zona residencial no barrio de Cata‐bois e limita coas doutros centros de secundaria como o IES de Catabois, o CIFP Ferrol‐terra, o IES Sofía Casanova e, no concello de Narón, o IES As Telleiras, o IES Terra de Trasancos e o CPI O Feal. 1.2 Procedencia do alumnado: Ao non contar cun núcleo poboacional próximo, o alumnado que se matricula no IES Leixa provén de diferentes zonas da cidade e doutros concellos, nomeadamente, San Sadurniño, Narón e Valdoviño, para os bacharelatos, e de distintos concellos de Ferrolterra, Eume e Ortegal para os ciclos formativos.

2. Tipoloxía do alumnado 2.1 Características do alumnado de bacharelato: O alumnado que accede ao bachare‐lato procede da ESO cursada, fundamentalmente, nos seguintes centros educativos:

• IES de Catabois • CPI Atios • Colexio Valle Inclán I • Colexio Santiago Apóstolo • Colexio Ayala

A idade do alumnado de bacharelato correspóndese ao nivel educativo (17‐18 anos) e hai un claro sesgo cara ao sexo feminino con porcentaxes que se manteñen máis ou menos estables ao longo do tempo próximos ao 70% de mulleres fronte o 30% de ho‐mes.

Distribución sexual dos estudantes

de bacharelato


8 | I E S L e i x a

2.2 Características do alumnado de ciclos: O alumnado que accede aos ciclos formati‐vos é de procedencia moi diversa, cun rango de idades moi amplo con medias próximas aos 22,5 anos aínda que é maior na familia de Sanidade; de feito nos últimos anos vese un aumento da idade media dos estudantes dos ciclos de Sanidade sobre todo a expen‐sas do ciclo medio de Coidados Auxiliares de Enfermaría. A distribución sexual tamén é claramente feminina con porcentaxes que superan, inclu‐so, ao bacharelato e que roldan o 75% de mulleres fronte o 25% de homes.

3. Tipoloxía do profesorado 3.1 Cadro docente: O IES Leixa mantén un cadro bastante estable de docentes con des‐tino definitivo (66% dos docentes) e cada ano se incorporan ao centro docentes con destino provisional para completar o cadro docente. Deste profesorado provisional aproximadamente o 50% é profesorado que mantén o IES Leixa como primeira opción na elección de centro, o que confire una elevada estabilidade ao cadro de docentes. Dos número de docentes que forman o Claustro, o 88% mantense estable e o 12% varía cada curso. A distribución sexual mantense estable e rolda o 50% de mulleres e o 50% de homes.

4. O centro 4.1 O instituto: O IES Leixa é un centro de gran tamaño e conta con tres edificios que permiten unha separación física parcial dos bacharelatos, ciclos de Artes Gráficas e ci‐clos de Sanidade e Servizos Socioculturais e á Comunidade xa que cada un destes niveis educativos dispón dos seus propios espazos e só puntualmente hai aulas que compar‐ten bacharelatos e ciclos. Non obstante, todos os estudantes comparten espazos co‐múns nos recreos.

5. O persoal de administración e servizos 5.1 O persoal de administración e servizos: A participación e colaboración do persoal de administración e servizos, nomeadamente o persoal subalterno, no control, vixilan‐cia e actuación ante posibles situacións de alteración da convivencia é fundamental. No caso do IES Leixa a colaboración por parte do persoal de administración e servizos é absoluta e plenamente satisfactoria.

6. A problemática das nais e pais 6.1 As familias: As especiais características do IES Leixa ao ofertar unicamente estudos postobrigatorios de 2 anos de duración así como a media de idade do noso alumnado provoca unha problemática especial en canto á implicación das nais e pais de estudan‐tes. O número de estudantes menores de idade no centro non supera o 25% do total ao inicio de curso, e esta porcentaxe diminúe nun 10% a medida que transcorre o curso. Ademais, o núcleo dos estudantes menores de idade dáse nos cursos de bacharelato. Estes factores condiciona que a implicación das nais e pais no centro sexa escaso e en moitas ocasións limítase a participar na reunión que anualmente se organiza no mes de outubro para dar a coñecer o instituto, entregar a guía de nais e pais e manter un con‐tacto cos titores/as de cada grupo.

Distribución sexual dos estudantes

de ciclos


I E S L e i x a | 9

III. Situación de partida

1. A convivencia no IES Leixa 1.1 A convivencia no IES Leixa O IES Leixa é un centro no que habitualmente non hai problemas de convivencia latentes e tan só se dan pequenos problemas puntuais entre estudantes que se resolven seguindo os procedementos establecidos nas NC. Para levar un control de incidencias, no curso 2007‐2008 se puxo en marcha un libro de rexistro de incidencias (punto I.2.2.2 das NC) no que se anotan os incidentes que se producen ao longo do curso. A revisión dos libros de incidencias permítenos dispor dunha visión global dos proble‐mas de convivencia máis frecuentes e o seguimento que se fixo de cada un deles, o que permite adoptar medidas preventivas que se mostran como eficaces xa que nos últimos anos houbo unha diminución de incidentes superior ao 60%, pasando dos 72 apunta‐mentos no curso 2007‐2008 aos 31 no curso 2011‐2012, destacando:

• Estudantes de bacharelato que teñen algún problema de relación. • Docentes que se queixan do comportamento de algúns estudantes na aula. • Estudantes que se queixan do comportamento dalgún docente na aula. • Limpadoras que se queixan do elevado grao de sucidade dalgunha aula de

bacharelato. • Estudantes que se queixan de que están recuperando e non se lles explicou

como ía ser o procedemento de recuperacións. • Estudantes que se queixan de que ía faltar un docente e non se lles avisou. • Pequenos danos e pintadas nas aulas e servizos. • Inadecuada utilización de medios de comunicación (teléfonos móbiles na au‐

la). • Obtención e publicación de fotografías en redes sociais.

Ademais, e para garantir unha mellora da comunicación entre os membros de dirección máis alá das reunións semanais, no curso 2011‐2012 habilitouse un espazo na aula vir‐tual, de acceso restrinxido, no que cada un dos membros de dirección anota diariamen‐te os aspectos da vida escolar máis salientables (incidentes, actividades, consultas, queixas, propostas …). Isto permite a transferencia directa e case en tempo real do que sucede no centro e permite tamén a adopción inmediata de decisións cando é necesa‐rio. 1.2 Propostas de mellora no tempo: As medidas adoptadas nos últimos cursos, ten‐dentes a mellorar a convivencia, foron dirixidas fundamentalmente en tres direccións:

• Organización: Tomando como referencia un sistema de xestión da calidade, deseñáronse procedementos e documentos de organización que nos permi‐ten saber en todo momento o que hai que facer, quen o ten que facer e co‐mo o hai que facer. Algúns dos procesos deseñados son os seguintes:

o Mellora do acollemento de estudantes e novos docentes ao inicio do curso.

o Reunións periódicas da dirección cos estudantes e titores/as. o Constitución da Comisión de asesoramento, unha comisión formada

por tres xefes/as de departamento que se reúnen semanalmente coa


10 | I E S L e i x a

persoa que ostenta a dirección do centro e asesora á mesma na toma de decisións.

Debido ao carácter de confianza que precisa esta comi‐sión, os seus membros son elixidos directamente polo director/a.

• Estruturas: Nos últimos anos se fixo un notable esforzo na mellora continua das instalacións e as dotacións, des‐tinando unha boa parte dos orzamentos do centro a mantemento, obras e adquisicións, o que permite con‐tar cun centro moderno no que as tecnoloxías cumpren un papel primordial na actividade docente, con instala‐cións coidadas e ben dotadas, coa única obxección dunha conexión a inter‐net lenta que dificulta, case sempre, as tarefas docentes.

Sala de docentes

Biblioteca

Departamento didáctico

Aula de deseño

Taller de impresión offset

Aula de informática


I E S L e i x a | 11

Taquillas de estudantes

Farmacia

Rotulación

Expositor

Aula de clínica

Plan lector

• Información: Porque consideramos que calquera acción esixe información, e

así algunhas das iniciativas dos últimos cursos foron deseñadas para facilitar información a toda a comunidade educativa, como:

o Colaboración con empresas, asociacións e diversas entidades, dando publicidade en prensa destas colaboracións.

o Habilitación da aula virtual con espazos informativos. o Mellora do espazo web do centro. o Confección e edición de circulares informativas durante o curso. o Confección de diversas guías:

Guía do estudante, diferenciando unha guía para estudantes de bacharelato e outra para estudantes de ciclos

Guía do docente Guía de nais e pais Guía de titoría



Ademais, adoptáronse outras medidas como: • Habilitación de espazos de lecer para estudantes con materias validadas.

Biblioteca

Sala de exposicións e descanso

• Control de espazos durante o período escolar. • Posta en marcha dun sistema de identificación de vehículos para control dos

aparcamentos do instituto.

Factores relacionados co clima na eficacia da escola

(traducido e adaptado)

The concept of vision in educational effectiveness theory and research. Bert P.M. Creemers, Gerry J. Reezigt Learning Environments Research 05‐1999, Volume 2, Issue 2, pp 107‐135



IV. O Observatorio da Convivencia Escolar

1. Composición e elección dos membros 1.1 O Observatorio da Convivencia Escolar (en adiante OCE): Ten a composición esta‐blecida no Decreto 85/2007, do 12 de abril, polo que se crea e se regula o Observatorio Galego da Convivencia Escolar. A elección dos membros farase a proposta do Consello Escolar na primeira reunión ordinaria do curso ou, no seu caso, na primeira reunión ordinaria tras a constitución do Consello Escolar nos anos en que haxa eleccións. Pode incorporarse ao OCE un dos/as docentes que forme parte na Comisión de aseso‐ramento á dirección a proposta da mesma. 1.2 Constitución de comisións: O OCE pode propor a formación de comisións de traba‐llo debendo constar, por escrito e como mínimo, a súa composición, os obxectivos e as súas funcións.

2. Funcións 2.1 Funcións do OCE: Son responsabilidades do OCE as establecidas no Decreto 85/2007, do 12 de abril, polo que se crea e se regula o Observatorio Galego da Convi‐vencia Escolar, e as seguintes:

• Constituír as comisións que se considere en aras a un mellor funcionamento do OCE. En calquera caso, a composición de ditas comisións, así como as sú‐as funcións, deberá constar no correspondente Plan Anual do Centro. As comisións non poderán substituír ao Pleno establecido na lexislación vixen‐te.

• Estar informados de cantas incidencias se produzan no centro en materia de convivencia. A tal fin, os seus membros terán acceso ao LRI.

• Velar polo cumprimento do PCE. • Asesorar á dirección sobre cantas iniciativas e propostas consideren oportu‐

nas en materia de convivencia escolar. • Propor á dirección as persoas máis adecuadas para participar en mediación

escolar e na incoación de expedientes disciplinarios. O OCE pode propor os/as docentes que actuarán como mediadores/as en cada curso académico nun número non superior a 3 docentes por curso.

• Ser informados sobre as propostas que os responsables da incoación de ex‐pedientes disciplinarios eleven á dirección.

• Revisar e facer propostas de modificación do PCE e das NC. • Revisar e facer propostas de modificación das guías de estudantes, docen‐

tes, nais e pais e titoría. 2.2 Horarios: Dentro das dispoñibilidades horarias os/as docentes que sexan propostos como mediadores/as disporán nos seus horarios dunha sesión complementaria na que realizarán as actividades encomendadas polo OCE. O epígrafe de dita sesión horaria será a de “Dinamización da convivencia escolar”. Sempre que sexa posible tratarase de que haxa coincidencia horaria destas sesións.



2.3 Informe anual dos mediadores/as: Os/as docentes que participen como mediado‐res/as escolares deben realizar un informe anual segundo o modelo pce107_ac que deberán entregar á xefatura de estudos antes do 10 de xuño de cada curso escolar.

3. Reunións 3.1 Reunións da OCE: Coa finalidade de poder exercer axeitadamente as funcións que lle son encomendadas, o OCE reunirase preceptivamente de forma ordinaria unha vez cada trimestre nas datas que se establezan no correspondente Plan Anual do Centro. Independentemente das reunións ordinarias que se establezan, o OCE deberá reunirse, en pleno ou en comisión, sempre que se produzan feitos que supoñan a apertura de expedientes disciplinarios, sen menoscabo das competencias que en materia disciplina‐ria ten a dirección do centro. En calquera caso, o OCE será informado das sancións que a dirección do centro adopte en aplicación das súas competencias en materia discipli‐naria. 3.2 Reunións cos mediadores/as: O xefe de estudos reunirase con carácter bimensual cos docentes que realicen funcións de mediación nas datas que se establezan no co‐rrespondente Plan Anual do Centro. En ditas reunións, nas que participará a persoa que ostente a xefatura do departamento de Orientación e das que se levantará acta, farase un seguimento das tarefas encomendadas polo OCE.

4. Recursos 4.1 Recursos: Para a realización das súas funcións pódese contemplar a asignación de recursos propios, tanto económicos como materiais, dependendo das dispoñibilidades do centro. En calquera caso, o departamento de Orientación debe contemplar na súa programa‐ción anual propostas e recursos para a mellora da convivencia escolar de acordo co que se establece neste PCE e no Plan Anual do Centro.



V. Programa de convivencia escolar

1. Definición e obxectivos 1.1 Definición: Partindo da idea de que os conflitos son inevitables porque forman par‐te das relacións humanas, somos conscientes de que a súa minimización, para conse‐guir unha coexistencia pacífica e harmónica, pasa por contar con sistemas de detec‐ción precoz, unha boa información, un adecuado clima escolar e a implicación de todos os axentes educativos. 1.2 Obxectivos: Os obxectivos que se propoñen están considerados como unha función máis do centro de ensino polo que deben ser integrados dentro da organización e xes‐tión do centro e no propio proceso educativo e formativo. Así, propóñense os seguintes obxectivos básicos de convivencia:

• Promover as boas relacións entre todos os membros da comunidade educa‐tiva, a orde e a comunicación interpersoal dentro dun clima de sosego e res‐pecto.

• Facilitar a integración dos novos membros da comunidade educativa: estu‐dantes, nais e pais, docentes e persoal non docente.

• Establecer liñas de comunicación efectivas dando a coñecer as normas de organización e funcionamento do centro recollidas tanto no Proxecto Educa‐tivo como no Plan Anual, no Regulamento de Réxime Interno, no Plan de Convivencia Escolar así como todos os demais documentos de centro.

• Fomentar e facilitar a participación de todos os membros da comunidade educativa na toma de decisións.

• Artellar e pór en marcha métodos de prevención de conflitos e a mediación como instrumento básico de resolución.

• Coordinar as accións que, en materia de convivencia, se adopten no centro nos distintos niveis.

• Favorecer a organización dos estudantes facilitando e promovendo a súa participación a través da Xunta de Delegados/as.

• Organizar actividades complementarias conxuntas que favorezan a convi‐vencia e o respecto.

2. Responsabilidades 2.1 Dirección: A dirección do instituto debe asumir o liderado de todas as accións que se poñan en marcha para a consecución dos obxectivos asumindo as responsabilidades de organización e xestión, implementando propostas de mellora continua nun ambien‐te transparente e participativo onde todos se sintan integrados, minimizando aqueles aspectos negativos ou que poidan perturbar o adecuado funcionamento do centro. 2.2 OCE: Desenvolve as funcións que se describen no apartado IV neste PCE. 2.3 Departamento de Orientación: Desenvolve as funcións que lle encomenda a nor‐mativa vixente como actor principal nos estudos de situación e no aporte de ferramen‐tas e recursos ao resto dos membros da comunidade educativa.



2.4 Docentes: Os/as docentes son os principais axentes xeradores de oportunidades de mellora da convivencia por seren os que máis tempo están cos estudantes. A acción conxunta e coordinada dos equipos docentes, a intervención dos titores/as nas situacións que o requiran e a aplicación das normas de organización do centro son fundamentais para a creación dun clima de respecto tanto nas relacións interpersoais como no mantemento adecuado das instalacións e, con elo, do rendemento escolar. 2.5 Estudantes: Colaborando na organización e xestión do centro, formando parte acti‐va da vida escolar non como “simples receptores” da formación senón como actores principais na construción da súa formación educativa, profesional e humana, obxectivo último de todo centro educativo. A Xunta de Delegados/as pode propor o nomeamento de estudantes que actúen como mediadores/as nos conflitos entre estudantes nos que non cabe aplicar as medidas contidas nas NC. 2.6 Familias: Facilitando a coeducación e a participación na vida escolar.

2.7 Persoal de administración e servizos: Traballando co resto do persoal do centro nos seus respectivos ámbitos de competencia e colaborando na xestión sobre todo nos tempos de lecer, entradas e saídas do centro.

3. Plans de acción 3.1 Xeral: Catro son os eixos vertebradores da convivencia escolar no IES Leixa:

• Información: Establecendo xa dende o inicio do curso liñas de comunicación entre todos os membros da comunidade educativa. Neste sentido, tanto as NC como as guías de estudantes, de docentes, de nais e pais e de titoría constitúen as ferramentas fundamentais do proceso.

• Prevención: Promovendo na aula e fóra dela o respecto, as habilidades so‐ciais, a intelixencia emocional e a resolución pacífica de conflitos como me‐dios para conseguir unha correcta convivencia. A prevención precisa a inter‐vención e implicación activa de todos os membros da comunidade educati‐va.



• Análise: Mediante a recollida de datos que nos permitan rexistrar os confli‐tos, as situacións en que se produciron e como se resolveron.

• Mellora: Pondo en marcha os plans que permitan mellorar os tres puntos anteriores.

3.2 Accións estratéxicas: A dirección do centro, a través da recollida de datos de todos os axentes educativos e, sobre todo, das directrices emanadas do OCE, debe especificar no correspondente Plan Anual do Centro a relación de accións estratéxicas que desen‐volvan este PCE. Pola súa banda, o departamento de Orientación debe contemplar na súa programación as actividades que se van poñer en marcha no centro respecto ás habilidades sociais, a intelixencia emocional, como medios de prevención de conflitos, así como recursos para a mediación escolar.

4. Avaliación 4.1 Avaliación: Anualmente o OCE debe facer unha memoria sobre a convivencia esco‐lar na que se deben analizar os resultados das accións establecidas no Plan Anual do Centro.

RESOLUCIÓN PACÍFICA DE CONFLITOS



VI. Xestión documental

1. Documentos e rexistros 1.1 Documentos: Para a xestión documental do PCE e a correcta aplicación das NC, utilizaranse os seguintes documentos no IES Leixa (anexo 2).

• Carpeta de convivencia: Unha carpeta AZ para cada curso escolar onde se ar‐quivarán os documentos relacionados coa convivencia ou copia daqueles que deban incorporarse ao expediente do estudante.

• pce001, libro de rexistro de incidencias (LRI): Trátase dun libro presente na dirección do centro no que se irán anotando as incidencias máis salientables que se produzan en cada curso escolar (existirá un libro de rexistro de inciden‐cias por curso), no que deberán indicarse, como mínimo, un número de rexis‐tro, a incidencia, as accións iniciadas e o seguimento da incidencia. O número de rexistro será secuencial e incorpora os catro díxitos do curso de que se tra‐te, por exemplo, 1213‐xxx. Ao rematar o curso escolar este libro serve para a análise da conflitividade, cuxos resultados reflitiranse na memoria final do curso.

• Carpeta de acto de conciliación: Unha carpetilla en formato mínimo A3+ no que se irán incorporando todos os documentos xerados durante a un acto de conciliación. A fin de preservar un certo grao de confidencialidade, no exterior da carpeta de acto de conciliación deberá identificarse o número de rexistro do acto tal e como aparece no documento pce101_ac, o nome e apelidos do instrutor/a e do mediador/a e un código de 6 letras para cada un dos estudan‐tes afectados coa seguinte orde: primeira letra do primeiro apelido, primeira letra do segundo apelido, segunda letra do primeiro apelido, segunda letra do segundo apelido, inicial do nome e letra do NIF. Por exemplo, se o nome dun estudante é Juan López Pérez e a letra do seu NIF é X, o código de identifica‐ción será LPOEJX.

o pce101_ac, apertura dun acto de conciliación: Este documento será cuberto pola persoa que ostenta a dirección do instituto no caso de apertura dun acto de conciliación a un estudante. Este documento, que deberá levar un número de expediente, será entregado ás perso‐as implicadas no acto; unha copia entregarase ao instrutor/a nomea‐do xunto coa carpeta do proceso e outra copia entregarase ao me‐diador/a. Neste documento deberá constar obrigatoriamente un nú‐mero de rexistro do acto constituído polas letras AC “acto de conci‐liación” seguido de tres díxitos para a orde e, separado por un guión, os catro díxitos do curso escolar. Por exemplo AC001‐1213.

o pce102_ac, nomeamento das persoas que actuarán como instru‐tor/a e mediador/a do acto de conciliación: Documento no que se nomean ao instrutor/a e ao mediador/a do acto de conciliación. Dito documento debe conter, ademais da identificación do instrutor/a, do mediador/a e das persoas implicadas, un resumo do incidente que provocou a apertura do acto así como un resumo das instrucións para o instrutor/a e o mediador/a segundo se establece nas NC.

o pce103_ac convocatoria de acto de conciliación: É o documento que se utilizará para convocar ás partes nun acto de conciliación.

o pce104_ac, calendario de actuacións nun acto de conciliación: Neste documento fixarase un calendario de actuacións e de reunións nun



acto de conciliación. De cada reunión levantarase acta no modelo pce108.

o pce105_ac, acordo e compromiso de conciliación: Documento que reflicte os acordos e compromisos adoptados no acto de conciliación. Este documento incorporarase ao expediente do estudante quedan‐do unha copia na carpeta de convivencia.

o pce106_ac, resolución da dirección: Este documento, elaborado pola persoa que ostenta a dirección do instituto, dará por rematado o acto de conciliación e servirá como resolución final do mesmo. Este do‐cumento debe entregarse ás persoas implicadas no acto de concilia‐ción.

o pce107_ac, informe anual de mediador/a: Trátase dun informe que deben realizar os docentes que actúen como mediadores en calquera conflito no que realice un acto de conciliación. Dito informe servirá para a análise da resolución de conflitos por conciliación, que se re‐sumirá na memoria final do curso.

• Carpeta de expediente disciplinario: Unha carpetilla en formato mínimo A3+ no que se irán incorporando todos os documentos xerados durante a incoa‐ción dun expediente disciplinario. A fin de preservar un certo grao de confi‐dencialidade, no exterior da carpeta de expediente disciplinario deberá identi‐ficarse o número de rexistro do procedemento tal e como aparece no docu‐mento pce101_ed, o nome e apelidos do instrutor/a e un código de 6 letras para o estudante afectado coa seguinte orde: primeira letra do primeiro apeli‐do, primeira letra do segundo apelido, segunda letra do primeiro apelido, se‐gunda letra do segundo apelido, inicial do nome e letra do NIF. Por exemplo, se o nome do estudante é Juan López Pérez e a letra do seu NIF é X, o código de identificación será LPOEJX.

o pce101_ed, acordo de incoación de expediente disciplinario: Este documento será cuberto pola persoa que ostenta a dirección do insti‐tuto no caso de incoación de expediente disciplinario a un estudante. Este documento, que deberá levar un número de expediente, será entregado ao estudante ou aos seus pais en caso de menores de ida‐de. Unha copia entregarase ao instrutor/a nomeado xunto coa carpe‐ta de proceso disciplinario. Neste documento deberá constar obriga‐toriamente un número de rexistro do acto constituído polas letras ED “expediente disciplinario” seguido de tres díxitos para a orde e, sepa‐rado por un guión, os catro díxitos do curso escolar. Por exemplo ED001‐1213.

o pce102_ed, nomeamento do docente que actuará como instrutor/a do expediente disciplinario: Documento no que se nomea ao instru‐tor/a do expediente disciplinario. Dito documento debe conter, ade‐mais da identificación do instrutor/a e do estudante, un resumo do incidente que provocou a incoación do expediente así como un resu‐mo das instrucións para o instrutor/a segundo se establece nas NC.

o pce103_ed, convocatoria de comparecencia: Documento que utiliza‐rá o instrutor/a do expediente disciplinario para convocar ás persoas implicadas na instrución (expedientado e testemuñas).

o pce104_ed, toma de declaración: Folla que servirá para a toma de declaración das persoas implicadas na instrución (expedientado e tes‐temuñas).



o pce105_ed, proposta motivada do instrutor/a: Documento‐resumo do expediente que debe incluír, como mínimo, os datos do expedien‐tado/a e do instrutor/a, a data, o número de expediente, a exposición de motivos, o resumo das tomas de declaración, as conclusións e unha proposta de resolución.

o pce106_ed, comparecencia para comunicación de resolución: Neste documento, elaborado polo instrutor/a, darase comunicación ao ex‐pedientado/a, e aos seus pais en caso de menores de idade, da reso‐lución do expediente segundo a proposta motivada do instrutor/a.

o pce107_ed, resolución da dirección: Este documento, elaborado pola persoa que ostenta a dirección do instituto, dará por rematado o pro‐ceso disciplinario e servirá como resolución final do mesmo. Este do‐cumento debe entregarse ao expedientado/a e aos seus pais en caso de menores de idade. Unha copia do mesmo deberá ser arquivada no expediente escolar do estudante.

• Carpeta de informe reservado: Unha carpetilla en formato mínimo A3+ no que se irán incorporando todos os documentos xerados durante a tramitación dun informe reservado. No exterior da carpeta de informe reservado deberá identificarse o número de rexistro do informe tal e como aparece no docu‐mento pce101_ir e o nome e apelidos do instrutor/a.

o pce101_ir, acordo de apertura de informe reservado: Este documen‐to será cuberto pola persoa que ostenta a dirección do instituto en caso de apertura dun informe reservado. Neste documento deberá constar obrigatoriamente un número de rexistro do acto constituído polas letras IR “informe reservado” seguido de tres díxitos para a or‐de e, separado por un guión, os catro díxitos do curso escolar. Por exemplo IR001‐1213.

o pce102_ir, nomeamento do docente que actuará como instrutor/a do informe reservado: Documento no que se nomea ao instrutor/a dun informe reservado. Dito documento debe conter, ademais da identificación do instrutor/a, un resumo do incidente que provocou a incoación do expediente así como un resumo das instrucións para o instrutor/a segundo se establece nas NC.

o pce103_ir, convocatoria de comparecencia: Documento que utilizará o instrutor/a do informe reservado para convocar ás persoas implica‐das na instrución do informe.

o pce104_ir, toma de declaración: Folla que servirá para a toma de de‐claración das persoas implicadas na instrución do informe.

o pce105_ir, proposta motivada do instrutor/a: Documento‐resumo do informe que debe incluír, como mínimo, os datos do instrutor/a, a data, o número de informe, a exposición de motivos, as conclusións e unha proposta de resolución, e servirá de fundamento para a toma das decisións contempladas no punto I.3.3.7 das NC.

o pce106_ir, resolución da dirección: Este documento, elaborado pola persoa que ostenta a dirección do instituto, dará por rematado o in‐forme reservado e servirá como resolución final do mesmo. Se proce‐de, entregarase unha copia ás persoas implicadas.

o pce108, acta de reunión: Serve como acta de calquera reunión que teña lugar na tramitación de actos de conciliación, expedientes disci‐plinarios ou informes reservados.



• pce301, acordo da Xunta de Delegados/as de secundar folga de estudantes: É un documento no que a Xunta de Delegados/as comunica á dirección a deci‐sión de secundar unha folga de estudantes.

• pce302, listaxe de estudantes que secundan unha folga: Cada grupo de estu‐dantes deberá cubrir este documento coa relación nominal dos estudantes que secundan unha folga, paro ou manifestación e a súa sinatura. Unha copia publicarase na sala de docentes para que o profesorado teña coñecemento dos estudantes que secundan a folga ao efecto de xustificar as súas faltas.

1.2 Rexistros: Constitúen rexistros dos diferentes procesos de convivencia os seguintes:

• O libro de rexistro de incidencias (pce001) debe arquivarse permanentemente na carpeta de convivencia do curso escolar de que se trate.

• Os documentos pce101_ac, pce102_ac, pce103_ac, pce104_ac, pce105_ac e pce106_ac xunto coas actas xeradas, gardaranse na carpeta de acto de conci‐liación ata o remate do mesmo. Unha vez rematado o acto de conciliación gardaranse na carpeta de convivencia do curso escolar de que se trate e unha copia do pea105_ac arquivarase no expediente dos estudantes. A final de cur‐so os mediadores/as que tivesen participado en actos de conciliación deben entregar unha memoria final utilizando o modelo pce107_ac. A final de curso todos os documentos serán destruídos agás a copia do expediente dos estu‐dantes e o modelo pce107_ac que quedará na carpeta de convivencia.

• Os documentos pce101_ed, pce102_ed, pce103_ed, pce104_ed, pce105_ed, pce106_ed e pce107_ed, xunto coas actas xeradas, gardaranse na carpeta de expediente disciplinario ata o remate do mesmo. Unha vez rematado o proce‐so disciplinario gardaranse na carpeta de convivencia do curso escolar de que se trate e unha copia dos pea105_ed e pea107_ed arquivarase no expediente do estudante. A final de curso serán destruídos agás as copias do expediente do estudante.

• Os documentos pce101_ir, pce102_ir, pce103_ir, pce104_ir, pce105_ir e pce106_ir, xunto coas actas xeradas, gardaranse na carpeta de informe reser‐vado ata o remate do mesmo. Unha vez rematado o informe reservado garda‐ranse na carpeta de convivencia do curso escolar de que se trate sendo destru‐ídos a final de curso.

• Os documentos pce301 e pce302 gardaranse na carpeta de convivencia. A final de curso serán destruídos.

• A carpeta de convivencia de cada curso escolar será convenientemente arqui‐vada no arquivo do centro.



VII. Revisión

1. Revisión e propostas de modificación 1.1 Revisión e modificación: O OCE do IES Leixa, a través da comisión na que delegue se así se acorda, é o responsable de revisar cunha periodicidade bianual e propor as modificacións oportunas a este PCE de acordo coa evolución normativa, o seguimento das accións propostas e a consecución dos obxectivos. En calquera caso, as propostas de modificación deben ser aprobadas polo pleno do OCE e trasladadas ao Consello Escolar, responsable último de aceptalas. Todos os cambios introducidos no PCE deben ser comunicados á comunidade educativa polos medios de comunicación do centro.



ANEXO 1. Normas de convivencia (NC) As normas de convivencia do IES Leixa constitúen un documento anexo tanto ao Pro‐grama de Convivencia Escolar (PCE) como ao Regulamento de Réxime Interno (RRI) do centro. A dirección do instituto, apoiada polo OCE, o departamento de Orientación e todos os traballadores/as do centro educativo, realizarán as actividades de información necesa‐rias para que toda a comunidade educativa e a sociedade en xeral coñeza tanto o Pro‐grama de Convivencia Escolar como estas Normas de Convivencia. A tal fin, habilitarase na web do centro un espazo de “Convivencia”, independente ou no apartado de “Do‐cumentos”, dende o que se poderán descargar tanto o PCE como as NC e a lexislación ao efecto, incluíndo enlaces a outras webs relacionadas coa convivencia escolar.

https://www.edu.xunta.es/convivencia/plan.html



I. Normas de convivencia

1. Dos dereitos e deberes 1.1 Xeral: Considéranse deberes e dereitos dos diferentes colectivos que forman parte da comunidade educativa do IES Leixa os contemplados na Lei 4/2011, do 30 de xuño, de convivencia e participación da comunidade educativa, que se relacionan de seguido. 1.2 Das nais e pais: As nais e pais ou os titores/as, en relación coa educación dos seus fillos/as ou pupilos/as, son titulares dos seguintes dereitos de convivencia e participa‐ción, sen prexuízo dos establecidos nas leis orgánicas de educación:

a) A ser respectados e recibir un trato adecuado polo resto da comunidade edu‐cativa.

b) A estar informados sobre o progreso da aprendizaxe e integración socio‐educativa dos seus fillos/as ou pupilo/as, no caso de estudantes menores de idade, para o que se lles facilitará o acceso ao profesorado e aos membros dos equipos directivos dos centros docentes.

c) A recibir información sobre as normas que regulamentan a convivencia nos centros docentes.

d) A ser oídos, nos termos previstos por esta lei, nos procedementos disciplina‐rios para a imposición de medidas correctoras de condutas contrarias á convi‐vencia dos seus fillos/as ou pupilos/as, no caso de menores de idade.

e) A participar no proceso educativo a través de consultas e outros procedemen‐tos de participación directa que estableza a Administración educativa.

Así mesmo, como primeiros responsables da educación dos seus fillos/as ou pupilos/as, no caso de menores de idade, teñen os seguintes deberes:

a) Coñecer, participar e apoiar a evolución do seu proceso educativo, en colabo‐ración co profesorado e cos centros docentes.

b) Coñecer as normas establecidas polos centros docentes, respectalas e facelas respectar, así como respectar e facer respectar a autoridade e as indicacións ou orientacións educativas do profesorado no exercicio das súas competen‐cias.

c) Fomentar o respecto polos restantes compoñentes da comunidade educativa. d) Colaborar cos centros docentes na prevención e corrección das condutas con‐

trarias ás normas de convivencia dos seus fillos/as ou pupilos/as, no caso de menores de idade

1.3 Do alumnado: Recoñécense ao alumnado os seguintes dereitos básicos de convi‐vencia escolar, sen prexuízo dos establecidos na normativa vixente:

a) A recibir unha formación integral e coeducativa que contribúa ao pleno desen‐volvemento da súa personalidade nun ambiente educativo de convivencia, li‐berdade e respecto mutuo.

b) A que se respecten a súa identidade, integridade e dignidade persoais. c) Á protección integral contra toda agresión física ou moral, e en particular con‐

tra as situacións de acoso escolar en calquera das súas formas. d) A participar directamente no proceso educativo cando sexa consultado pola

Administración educativa.



e) A participar na confección das normas de convivencia e na resolución pacífica de conflitos e, en xeral, a participar na toma de decisións do centro en materia de convivencia.

Son deberes básicos de convivencia do alumnado: a) Participar e colaborar na mellora da convivencia escolar e na consecución dun

adecuado clima de estudo no centro, respectando o dereito dos seus compa‐ñeiros/as á educación.

b) Respectar a dignidade e as funcións e orientacións do profesorado no exerci‐cio das súas competencias, recoñecéndoo como autoridade educativa do cen‐tro.

c) Respectar a liberdade de conciencia, as conviccións relixiosas e morais, a igualdade de dereitos entre mulleres e homes e a dignidade, integridade e in‐timidade dos restantes membros da comunidade educativa.

d) Respectar as normas de organización, convivencia e disciplina do centro do‐cente.

e) Conservar e facer un bo uso das instalacións e dos materiais do centro. f) Intervir, a través das canles regulamentarias, en todo aquilo que afecte a con‐

vivencia dos seus respectivos centros docentes. g) Seguir as directrices do profesorado respecto da súa educación e aprendizaxe. h) Asistir a clase con puntualidade e co material preciso.

A tal fin, o IES Leixa considera básicas as normas establecidas no seguinte decálogo do estudante, que debe incluírse na guía do estudante que se entrega a cada estudante a principio de curso no acto de acollida:

1. COÑECE E RESPECTA AS NORMAS DO CENTRO. 2. RESPECTA E COLABORA CO RESTO DA COMUNIDADE EDUCATIVA (estu‐

dantes, docentes e non docentes). 3. EVITA OS CONFLITOS E ACUDE AOS MEDIADORES/AS PARA

RESOLVELOS. 4. ASISTE CON PUNTUALIDADE A TODAS AS ACTIVIDADES EDUCATIVAS. 5. AVISA CON ANTELACIÓN AO TITOR/A DAS FALTAS DE ASISTENCIA

PREVISTAS E XUSTIFÍCAAS NO PRAZO ESTABLECIDO. 6. RESPECTA E COIDA OS RECURSOS, MOBILIARIO E INSTALACIÓNS DO

CENTRO. 7. EMPREGA VESTIMENTA AXEITADA PARA REALIZAR AS TAREFAS

FORMATIVAS. 8. RESPECTA O AMBIENTE DE TRABALLO EN TODAS AS DEPENDENCIAS DO

CENTRO E MANTEN O DEBIDO SILENCIO NA BIBLIOTECA. 9. PERMANECE NA AULA DURANTE OS CAMBIOS DE CLASE. 10. NON USES MÓBILES, CÁMARAS, GRAVADORAS, ... DENTRO DO RECINTO

ESCOLAR. 11. LEMBRA QUE NON SE PODE FUMAR EN TODO O RECINTO ESCOLAR E

QUE ESTÁN PROHIBIDAS AS BEBIDAS ALCOHÓLICAS. 12. NON COMAS NIN BEBAS NOS ESPAZOS NOS QUE SE REALIZAN

ACTIVIDADES PEDAGÓXICAS.



1.4 Do profesorado: Ao profesorado, dentro do marco legal establecido e no ámbito da convivencia escolar, recoñécense os seguintes dereitos:

a) A ser respectado, recibir un trato adecuado e ser valorado polo resto da co‐munidade educativa e pola sociedade en xeral no exercicio das súas funcións.

b) A desenvolver a súa función docente nun ambiente educativo adecuado no que se preserve en todo caso a súa integridade física e moral.

c) A participar e recibir a colaboración necesaria para a mellora da convivencia escolar e da educación integral do alumnado.

d) A que se lle recoñezan as facultades precisas para manter un adecuado am‐biente de convivencia durante as clases e as actividades e os servizos comple‐mentarios e extraescolares.

e) Á protección xurídica adecuada ás súas funcións docentes. f) A participar directamente no proceso educativo cando sexa consultado pola

Administración educativa. g) A acceder á formación necesaria na atención á diversidade e na conflitividade

escolar e recibir os estímulos máis axeitados para promover a súa implicación en actividades e experiencias pedagóxicas de innovación educativa relaciona‐das coa convivencia e a mediación.

Son deberes do profesorado: a) Respectar e facer respectar as normas de convivencia escolar e a identidade,

integridade e dignidade persoais de todos os membros da comunidade educa‐tiva.

b) Adoptar as decisións oportunas e necesarias para manter un adecuado am‐biente de convivencia durante as clases e as actividades e os servizos comple‐mentarios e extraescolares, corrixindo, cando lle corresponda a competencia, as condutas contrarias á convivencia do alumnado ou, no caso contrario, po‐ñéndoas en coñecemento dos membros do equipo directivo do centro.

c) Colaborar activamente na prevención, detección e erradicación das condutas contrarias á convivencia e, en particular, das situacións de acoso escolar.

d) Informar ás nais e pais ou aos titores/as, no caso de menores de idade, sobre o progreso da aprendizaxe e integración socio‐educativa dos seus fillos/as ou pupilos/as, cumprindo as obrigas de dispoñibilidade dentro do horario esta‐blecido no centro para a atención a aqueles que lle impoña a normativa apli‐cable.

e) Informar aos responsables do centro docente e, de ser o caso, á Administra‐ción educativa das alteracións da convivencia, gardando reserva e sixilo profe‐sional sobre a información e as circunstancias persoais e familiares do alum‐nado.

1.5 Do persoal de administración e servizos: Ao persoal de administración e de servi‐zos dos centros docentes, dentro do marco legal establecido e no ámbito da conviven‐cia escolar, recoñécense os seguintes dereitos:

a) A ser respectado, recibir un trato adecuado e ser valorado polo resto da co‐munidade educativa e pola sociedade en xeral no exercicio das súas funcións.

b) A desenvolver as súas funcións nun ambiente adecuado no que se preserve en todo caso a súa integridade física e moral.

c) A participar, no exercicio das súas funcións, na mellora da convivencia escolar. d) Á protección xurídica adecuada ás súas funcións.



e) A participar directamente no proceso educativo cando sexa consultado pola Administración educativa.

Son deberes do persoal de administración e servizos: a) Respectar e colaborar, no exercicio das súas funcións, para facer que se res‐

pecten as normas de convivencia escolar e a identidade, integridade e digni‐dade persoais de todos os membros da comunidade educativa.

b) Colaborar activamente na prevención, detección e erradicación das condutas contrarias á convivencia e, en particular, das situacións de acoso escolar.

c) Informar aos responsables do centro docente e, de ser o caso, á Administra‐ción educativa das alteracións da convivencia, gardando reserva e sixilo profe‐sional sobre a información e as circunstancias persoais e familiares do alum‐nado.

d) Gardar sixilo e confidencialidade respecto das actuacións relacionadas co ám‐bito educativo das que teña coñecemento.

2. Das normas de convivencia 2.1 O diálogo como base da convivencia: Tomando como referencia o PEC e o PCE, adóptase o diálogo e o respecto entre as persoas como base da convivencia e establé‐cese un protocolo básico ante os casos de queixa:

• De estudantes pola actitude de docentes: o Cando se dean circunstancias que fagan que un grupo teña queixas

pola actitude dun docente, o delegado ou subdelegado llo comunica‐rá ao titor/a (ou á dirección se o docente é o titor/a) quen falará co docente afectado tratando de mediar nun diálogo que leve á solución do problema.

o Se non se soluciona e os estudantes seguen reclamando, farano dian‐te da dirección por escrito. A dirección informará ao docente e reuni‐rá ao grupo e ao equipo docente para tratar de solucionar o problema colectivamente. Levantarase acta da reunión.

o Se non se soluciona o problema, darase traslado á inspección educati‐va.

• De docentes fronte a actitude de estudantes: o Cando sexa un/ha docente o que teña queixas da actitude de un ou

máis estudantes, informará ao titor/a (ou á dirección de ser o caso), e promoverase unha reunión entre os estudantes, o titor/a e os estu‐dantes e, no caso de menores de idade, os pais, tratando de chegar a unha solución. Se se considera oportuno pode estar presente o xefe/a de estudos. Nesta reunión pódese solicitar a intervención do orienta‐dor.

o Se non se soluciona o problema aplicarase o contido nestas normas de convivencia en materia de faltas e sancións segundo se establece no punto I.3.

2.2 Alteracións da convivencia: Calquera alteración da convivencia no centro será in‐formada á dirección, preferiblemente por escrito, quen resolverá segundo a gravidade do feito logo de escoitar ao infractor/a, de acordo co establecido na lexislación vixente e nestas normas de convivencia. A dirección anotará as incidencias no LRI segundo o modelo pce001.



Cando se produzan feitos dos que non se poida determinar o causante será informado o OCE ou comisión delegada, quen resolverá segundo o seu criterio decidindo, se é o caso, a apertura dun informe reservado segundo se establece no PCE e nestas NC. 2.3 Respecto das instalacións: Todos os membros da comunidade educativa deben respectar e coidar as instalacións do centro informando á dirección, a través do libro de incidencias de aula (LIA) que hai en conserxería, de cantas anomalías se detecten, para poder adoptar as medidas de seguridade axeitadas, se fose o caso, e efectuar as repa‐racións oportunas. En todo caso, os estudantes non poden acceder, sen a debida autorización, aos espazos e despachos de uso exclusivo de docentes e persoal non docente, en particular:

• Conserxería. • Secretaría. • Dirección. • Despachos de departamentos. • Sala de docentes. • Sala de limpadoras. • Salón de actos. • Aulas, talleres e laboratorios cando non hai un/ha docente presente.

2.4 Respecto das pertenzas privativas: Todos os membros da comunidade educativa son responsables das súas pertenzas de índole privada polo que deben custodialas en todo momento. Neste sentido, o instituto non asume responsabilidades respecto da desaparición de pertenzas privativas que non estean baixo a custodia directa dos seus donos/as, independentemente da apertura de liñas de investigación e, no seu caso, expediente cando se produzan roubos no centro. 2.3 Respecto dos horarios: Todos os membros da comunidade educativa deben respec‐tar os horarios de entrada e saída nas aulas. Para iso teranse en conta os seguintes puntos:

• Tanto estudantes como docentes deben ser puntuais nas entradas e saídas ás clases debendo permanecer no interior das aulas durante a duración das se‐sións, non permitíndose “descansos” fóra das aulas. O responsable de que os estudantes non abandonen as aulas é o docente que está a impartir a docen‐cia.

• Cando un/ha estudante chegue tarde a clase deberá ser autorizado/a a entrar nela facendo constar o docente a falta de puntualidade. A comisión reiterada de faltas de puntualidade (máis de tres nunha mesma materia ou máis de cin‐co en materias distintas) será comunicada polo titor/a do estudante aos pais (en caso de menores de idade) ou ao propio estudante se é maior de idade. De seguir a falta de puntualidade, o titor/a informará á xefatura de estudos.

• Os estudantes que non cambien de aula entre clase e clase deberán permane‐cer no seu interior á espera do docente correspondente. Se deben abandonar a aula por causas de forza maior farano regresando á clase no menor tempo posible.

• Os grupos que deban cambiar de aula entre clase e clase farano de inmediato. En todo caso o docente correspondente terá en conta tal continxencia deben‐do dar aos estudantes uns minutos para que cheguen á aula.



• Os docentes deberán acudir á aula inmediatamente ao toque do timbre. En todo caso cando toque o timbre o cambio de aula será inmediato, agás casos de forza maior.

• As aulas do centro estarán pechadas cando non haxa grupos no seu interior e nos cambios de clase sempre que o grupo cambie de aula. Poderán permane‐cer abertas se o grupo non cambia de aula. En todo caso as aulas serán pecha‐das durante os recreos e nas horas de xantar.

• Para garantir o peche das aulas, a principio de curso facilitarase aos profeso‐res/as unha chave mestra que servirá para a maioría das aulas. Naquelas aulas que non teñan chave mestra, a chave estará na sala de docentes debidamente identificadas. É responsabilidade dos docentes devolver as chaves específicas á sala de docentes cando non as precisen.

• Será responsabilidade do profesorado a apertura e peche das aulas. • Os estudantes que non teñan clase pola falta dun docente deberán esperar

instrucións do docente de garda. Baixo ningún concepto poderán abandonar o instituto por decisión propia.

• Cando un docente non chegue a clase nun tempo de 10 minutos, o delegado/a do grupo correspondente acudirá á sala de docentes onde preguntará polo docente de garda, quen se ocupará do grupo. Mentres tanto a totalidade de estudantes do grupo permanecerá na aula, de estar aberta, ou no corredor ata que chegue o docente de garda, debendo manter o obrigado silencio.

• Os estudantes que non teñan clase non poderán permanecer nos corredores, espazos ao aire libre dentro do recinto escolar nin nos servizos (agás no seu uso normal). A súa estancia será preferentemente na biblioteca, na aula de in‐formática (se está dispoñible), na sala de actividades ou, como medida excep‐cional, na cafetería.

• A celebración de probas ou exames ten carácter lectivo polo que os estudan‐tes e o docente deben permanecer nas aulas durante toda a duración das pro‐bas.

2.4 Respecto das actividades docentes: É competencia do profesorado determinar se as aulas que utilizan teñen os recursos axeitados para a práctica docente xeral (material común de aula) trasladando á dirección as necesidades. No caso dos talleres e laboratorios asignados a un departamento, o profesorado debe informar ao xefe/a de departamento das necesidades materiais con tempo suficiente a fin de garantir que os estudantes dispoñan do material necesario para a realización das prácticas programadas. Os departamentos poden establecer no seu regulamento inter‐no de departamento (RID) as condicións de acceso ao material, eliminación de refuga‐llos e procedementos de realización de pedidos. En todo caso, cada docente é respon‐sable do control do material da aula específico para a práctica docente e do seu correc‐to uso en condicións de seguridade. Todos os membros da comunidade educativa deberán respectar o mobiliario e instala‐cións. O deterioro voluntario do material será comunicado á dirección e á comisión de convivencia quen poderá sancionar coa reposición do mesmo ao seu estado orixinal. Será obrigatorio comunicarlles aos pais de alumnos/as a sanción adoptada no caso de deterioro intencionado. No caso de que se alteren as condicións normais e se imposibilite o desenvolvemento das clases (calefacción, humidade, olores, roturas, ...) o docente comunicarao á direc‐ción quen deberá xestionar a corrección do defecto no menor tempo posible. No caso de que non estea garantida a seguridade dos estudantes ou docentes poderanse tras‐



ladar as clases a outra dependencia. De non ser posible, a dirección poderá suspender as clases ata que se corrixan os defectos. 2.5 Respecto do control de acceso ao instituto: Baixo ningún concepto se permitirá a entrada ao instituto portando calquera tipo de arma, incluídas navallas, punzóns ou calquera outro obxecto potencialmente perigoso. Está especificamente prohibido entrar ou consumir no recinto escolar calquera tipo de substancia sometida a prohibición legal así como bebidas alcohólicas. Cando se detecte ou sospeite a presenza deste tipo de substancias tramitarase a oportuna denuncia ante as forzas de seguridade do Estado. Non se permite a utilización de teléfonos móbiles no interior das aulas, talleres, biblio‐teca, salón de actos e todas as dependencias onde se celebren actividades educativas, debendo permanecer desconectados nestas dependencias. Por cortesía deben perma‐necer desconectados durante a celebración de reunións. A entrada e permanencia no interior do instituto de persoas alleas ao mesmo só se permitirá cando a súa presenza estea xustificada por algunha xestión 2.6 Respecto do uso dos aparcamentos: Os aparcamentos do instituto son para uso exclusivo dos membros da comunidade educativa.

• Débense utilizar os aparcamentos de forma responsable ocupando as prazas existentes segundo o seu tamaño e o do vehículo e sen obstaculizar o aparca‐mento e circulación doutros vehículos.

• Debido a escaseza de prazas para estudantes, o instituto pode facilitar aos mesmos unha tarxeta de identificación do vehículo que deberá permanecer vi‐sible mentres estea ocupando praza de aparcamento. Os titores/as informarán a principio de curso das normas de aparcamento e de que os estudantes que teñan vehículo deben recoller a tarxeta en conserxería.

2.7 Respecto da hixiene persoal, a vestimenta e a aparencia: Todos os membros da comunidade educativa deben asistir ao centro cunha correcta hixiene persoal, e tanto a súa vestimenta como a aparencia deben ser coidadas e axeitadas aos labores educati‐vos que se desenvolven no centro. Neste sentido, cando as actividades así o requiran, a vestimenta e a aparencia deben adecuarse ás normas de hixiene e seguridade no traba‐llo. De xeito xeral observaranse as seguintes normas:

a) Evitarase o “exceso” na vestimenta e no uso de complementos. Considéranse “exceso” aquelas circunstancias que dificulten ou impidan o desenvolvemento das actividades propias do centro ou dos estudos realizados, provoquen rexei‐tamento xeral ou situacións de incomodidade manifesta e constatable nas persoas.

b) Quedan prohibidos os símbolos, frases e imaxes, incluídas as tatuaxes, que re‐sulten ofensivos, indecorosos ou sexan considerados de mal gusto. En calque‐ra caso, as tatuaxes deben levarse cubertas agás aquelas que polo seu peque‐no tamaño ou localización resulte improcedente ocultalas.

c) Dentro do recinto escolar todos os membros da comunidade educativa deben levar a cabeza e cara descubertas agás nas seguintes situacións, informadas e aceptadas polo Consello Escolar:



• Circunstancias laborais ou pedagóxicas dentro do ámbito da hixiene e seguridade no traballo (uniformes, cubrecabezas, mascariñas, ...) cando estean debidamente xustificadas.

• Circunstancias de índole relixiosa, como hábitos ou panos que cubran o cabelo. En calquera caso debe quedar garantido o recoñecemento facial das persoas.

• Circunstancias de saúde, psicolóxicas ou estéticas documentadas. • Actividades complementarias ou extraescolares debidamente infor‐

madas e autorizadas polo Consello Escolar, ou o órgano no que dele‐gue, incluída a celebración do Entroido. Neste último caso calquera membro da comunidade educativa debe descubrirse diante do requi‐rimento das autoridades do centro.

• Aquelas outras non contempladas nas NC sempre que sexan autoriza‐das expresamente polo Consello Escolar ou órgano no que delegue.

As circunstancias persoais que cumpran os requisitos de aplicación destes puntos, agás o a), deben trasladarse por escrito presentado e documentado, dirixido ao presidente/a do Consello Escolar. Será o Consello Escolar, oído o OCE, quen adopte as resolucións axeitadas e autorice ou denegue as excepcións da norma. 2.8 Respecto da hixiene e seguridade no traballo: Todos os membros da comunidade educativa deben observar, cumprir e facer cumprir as normas básicas de hixiene e se‐guridade no traballo. De xeito xeral observaranse as seguintes normas:

a) Está prohibido fumar en todo o recinto escolar. b) Está prohibido beber e/ou comer (incluída a mastigación de produtos) nas au‐

las, talleres, salón de actos, sala de actividades, biblioteca e, en xeral, en todas as dependencias onde se realicen actividades pedagóxicas. Quedan exceptuadas desta norma as seguintes situacións persoais, informa‐das e aceptadas pola dirección do centro:

• Circunstancias de saúde documentadas. • Actividades académicas incluídas na correspondente programación

didáctica, sempre que estean debidamente xustificadas. Aquelas outras non contempladas nas NC, sempre que conten coa autorización escrita da dirección do centro e sexan informadas ao Consello Escolar. 2.9 Respecto das taquillas de estudantes: O IES Leixa pode poñer a disposición dos estudantes taquillas persoais previo depósito da cantidade que fixe o Consello Escolar. O correcto uso das taquillas e a súa conservación corresponde ao alumnado, quen de‐berá observar as seguintes regras respecto ao seu uso:

• O acceso será antes do comezo ou despois do remate das actividades lectivas ou durante os períodos de recreo. Non está permitido o acceso ás taquillas nos intercambios de clase.

• As taquillas utilizaranse para a garda e custodia do material escolar e perten‐zas persoais do alumnado.

• Non se permite o depósito nas taquillas de calquera obxecto ou substancia prohibida por estas NC.

• Cando se sospeite un uso inadecuado ou a existencia de obxectos ou substan‐cias prohibidas, calquera autoridade do centro pode solicitar ao estudante a



apertura da taquilla para o seu control. A negativa dun/ha estudante a abrir a taquilla constitúe unha falta grave tal e como se establece no punto I.3.3.2 destas NC.

3. Das faltas e sancións 3.1 Xeral: De acordo co espírito da normativa e o contemplado no PEC e no PCE, a apli‐cación de medidas contempladas nestas NC deben ser o último recurso logo de esgotar todos os recursos de diálogo e respecto dispoñibles. En calquera caso as sancións im‐postas deben ter un carácter corrector, recuperador e integrador.

3.2 Condutas gravemente prexudiciais para a convivencia: Consideraranse condutas gravemente prexudiciais para a convivencia as contempladas na Lei 4/2011, do 30 de xuño, de convivencia e participación da comunidade educativa, desenvolvidas nos se‐guintes puntos:

a) As agresións físicas ou psíquicas, as inxurias e as ofensas graves, as ameazas e as coaccións contra os demais membros da comunidade educativa.

b) Os actos de discriminación grave contra membros da comunidade educativa por razón de nacemento, raza, sexo, orientación sexual, capacidade económi‐ca, nivel social, conviccións políticas, morais ou relixiosas, discapacidades físi‐cas, sensoriais ou psíquicas, ou calquera outra condición ou circunstancia per‐soal ou social.

c) Os actos individuais ou colectivos de desafío á autoridade do profesorado e ao persoal de administración e de servizos que constitúan unha indisciplina grave.

d) A gravación, a manipulación e a difusión por calquera medio de imaxes ou in‐formacións que atenten contra o dereito á honra, a dignidade da persoa, a in‐timidade persoal e familiar e a propia imaxe dos demais membros da comuni‐dade educativa:

• A utilización de teléfonos móbiles, reprodutores de música ou vídeo, cámaras fotográficas e, en xeral, calquera medio de obtención e/ou reprodución de imaxe e son en calquera zona do instituto, sen contar con autorización. Neste sentido, queda terminantemente prohibido facer calquera tipo de gravación no interior do centro agás aquelas que se correspondan con actividades complementarias ou extraesco‐lares e sempre que se dispoña de autorización.

e) As actuacións que constitúan acoso escolar consonte o establecido polo artigo 28 da Lei 4/2011.

f) A suplantación de personalidade en actos da vida docente e a falsificación, al‐teración ou subtracción de documentos académicos:



• A receptación ou captación non autorizada de material docente, in‐cluídos exames.

• O intento de intromisión nos arquivos informáticos de uso docente ou administrativo.

• A utilización dos medios e recursos do instituto para calquera activi‐dade particular allea ás funcións docentes agás nos casos de autoriza‐ción expresa da dirección.

g) Os danos graves causados de forma intencionada ou por neglixencia grave ás instalacións e aos materiais dos centros docentes, incluídos os equipos infor‐máticos e o software, ou aos bens doutros membros da comunidade educativa ou de terceiros, así como a súa subtracción:

• As subtraccións por valor superior a 6 €, que en todo caso levarán á restitución inmediata.

• A manipulación non autorizada dos ordenadores do instituto, cam‐biando a súa configuración, borrando ou instalando programas, sen autorización previa da dirección.

h) Os actos inxustificados que perturben gravemente o normal desenvolvemento das actividades do centro, incluídas as de carácter complementario e extraes‐colar.

i) As actuacións gravemente prexudiciais para a saúde e a integridade persoal dos membros da comunidade educativa do centro, ou a incitación a elas.

j) Portar calquera obxecto, substancia ou produto gravemente perigoso para a saúde ou a integridade persoal de calquera membro da comunidade educati‐va. En todo caso, reputarase indisciplina grave a resistencia ou a negativa a en‐tregar os obxectos a que se refire o punto terceiro do artigo 11 desta lei cando se é requirido para iso polo profesorado:

• A negativa a abrir as taquillas cando haxa sospeitas fundadas de que se garda calquera dos obxectos, substancias ou produtos aos que fai referencia estas NC.

k) A reiteración, nun mesmo curso escolar, de condutas leves contrarias á convi‐vencia:

• A comisión de tres faltas (a mesma ou distintas) das especificadas na sección I.3.3.3 destas NC.

l) O incumprimento das sancións impostas. 3.3 Condutas leves contrarias á convivencia: Consideraranse condutas leves contrarias á convivencia as contempladas na Lei 4/2011, do 30 de xuño, de convivencia e partici‐pación da comunidade educativa, desenvolvidas nos seguintes puntos:

a) As condutas tipificadas como agresión, inxuria ou ofensa na alínea a), os actos de discriminación da alínea b), os actos de indisciplina da alínea c), os danos da alínea g), os actos inxustificados da alínea h) e as actuacións prexudiciais des‐critas na alínea i) do punto I.3.3.2 que non alcancen a gravidade requirida no devandito precepto.

b) Portar calquera obxecto, substancia ou produto expresamente prohibido polas normas do centro perigoso para a saúde ou a integridade persoal do alumnado ou dos demais membros da comunidade educativa ou que perturbe o normal desenvolvemento das actividades docentes, complementarias ou extraescola‐res, cando non constitúa conduta gravemente prexudicial para a convivencia de acordo coa alínea j) do punto I.3.3.2.



c) A inasistencia inxustificada a clase e as faltas reiteradas de puntualidade, nos termos establecidos polas normas de convivencia de cada centro docente.

d) A estes efectos considerarase que tres faltas de puntualidade na mesma mate‐ria computan como unha de asistencia sen xustificar.

• A reiterada asistencia ao centro sen o material e equipamento preciso para participar activamente no desenvolvemento das clases.

• As alteracións do ambiente que dificulten o desenvolvemento das clases, dentro ou fóra da aula, incluídas as distraccións e desaten‐cións.

e) As demais condutas que se tipifiquen como tales nas normas de convivencia de cada centro docente, entre as que o IES Leixa destaca:

• As accións que impidan ou dificulten que un ou máis estudantes acu‐dan a clase.

• A non comparecencia diante das autoridades educativas cando sexa requirido/a.

• O deterioro leve dos mobles, materiais ou instalacións, voluntarios ou por neglixencia.

• A alteración leve da estética do instituto incluídas as pintadas, pegado de carteis, etc., fóra dos lugares destinados a tal fin.

• As subtraccións de cartos ou obxectos por valor inferior a 6 €. • O incumprimento das funcións encomendadas por cargo. • A permanencia inxustificada de homes nos servizos de mulleres e de

mulleres nos servizos de homes. • A manipulación non autorizada das pertenzas e taquillas persoais. • A non asistencia grupal ás clases sen causa xustificada. • O abandono inxustificado da aula durante as horas lectivas. • A visita de páxinas non autorizadas en Internet. • A obstrución dos aparcamentos para a correcta realización de mano‐

bras de entrada e saída do resto dos usuarios/as. 3.4 A conciliación: Cando se produza un feito dos contemplados nos puntos I.3.3.2 ou I.3.3.3 a dirección do centro iniciará un proceso de información ao estudante afectado e aos seus proxenitores/as, se é o caso, ofrecendo a posibilidade dun acto de concilia‐ción para o que se nomeará un instrutor/a e un mediador/a (coa participación do orientador do centro como asesor) entendendo tal acto de conciliación como volunta‐rio pero co compromiso de cumprimento das accións que se propoñan. En aplicación da normativa vixente, a aceptación da conciliación suspende, provisio‐nalmente, calquera procedemento disciplinario, que se pode volver a iniciar se o acto de conciliación resulta infrutuoso.

• Para o inicio do acto de conciliación promoverase unha reunión da dirección coas partes afectadas levantándose acta da aceptación ou renuncia do acto de conciliación utilizando o modelo pce108. Se se acepta o acto de conciliación iniciarase o mesmo e nomearanse ás persoas propostas como instrutor/a e mediador/a que serán os encargados de levar a diante o acto. Unha vez nomeado o instrutor/a, a dirección facilitaralle unha carpeta coa do‐cumentación axeitada así como un pendrive USB con copias dixitais da norma‐tiva e os documentos necesarios para a resolución.



• O instrutor/a fará unha proposta cun calendario de actuacións e de reunións, segundo o modelo pce104_ac, que se entregará ás partes levantándose acta de cada reunión celebrada así como das resolucións adoptadas.

• Cando se chegue a un acordo, levantarase acta final co acordo adoptado e o compromiso das partes mediante sinatura utilizando o modelo pce107_ac.

• O instrutor/a entregará copia de toda a documentación á xefatura de estudos. Os obxectivos do acto de conciliación son:

• A resolución pacífica do conflito. o A reconciliación o A reparación dos danos, se os houber

• A participación activa dos implicados. • A prevención fronte a novos conflitos.

3.5 Medidas correctoras para condutas leves: As medidas correctoras (únicas ou com‐binadas) que se poden impoñer no instituto son as que se relacionan na Lei 4/2011:

a) Amoestación privada ou por escrito (falta de orde segundo o modelo pea109). b) Comparecencia inmediata ante a persoa que ocupe a xefatura de estudos ou

persoa que exerza funcións equivalentes nos centros concertados. c) Realización de traballos específicos en horario lectivo. d) Realización, en horario non lectivo, de tarefas que contribúan á mellora e ao

desenvolvemento das actividades do centro. e) Suspensión do dereito a participar nas actividades extraescolares ou comple‐

mentarias do centro por un período de ata dúas semanas. f) Cambio de grupo por un período de ata unha semana. g) Suspensión do dereito de asistencia a determinadas clases por un período de

ata tres días lectivos. Durante o tempo que dure a suspensión, o alumnado deberá realizar os deberes ou traballos que se determinen para evitar a inte‐rrupción no proceso formativo.

h) Suspensión temporal do dereito de asistencia ao centro por un período de ata tres días lectivos. Durante o tempo que dure a suspensión, o alumnado deberá realizar os deberes ou traballos que se determinen para evitar a interrupción no proceso formativo.

A imposición das medidas correctoras de condutas leves contrarias á convivencia leva‐ráa a cabo:

a) O profesorado, oído o/a estudante e dando conta á persoa que ocupe a xefa‐tura de estudos ou persoa que exerza funcións equivalentes nos centros con‐certados, no caso das medidas previstas nas alíneas a), b) e c) anteriores.

b) O titor/a, oído o/a estudante e dando conta á persoa que ocupe a xefatura de estudos ou persoa que exerza funcións equivalentes nos centros concertados, no caso das medidas previstas nas alíneas a), b), c) e d) anteriores.

c) A persoa que ocupe a xefatura de estudos ou persoa que exerza funcións equivalentes nos centros concertados, ou a persoa titular da dirección do cen‐tro, oídos a alumna ou alumno e a súa profesora ou profesor ou titora ou titor, no caso das medidas previstas nas alíneas a), c), d), e) e f) anteriores.

d) A persoa titular da dirección do centro, oídos a alumna ou alumno e a súa pro‐fesora ou profesor ou titora ou titor, no caso das medidas previstas nas alíneas g) e h) anteriores. A imposición destas medidas correctoras comunicarase á nai



ou pai ou á titora ou titor da alumna ou alumno, se son menores de idade, an‐tes de que estas se fagan efectivas, así como ao OCE do centro.

3.6 Medidas correctoras para as condutas gravemente prexudiciais: As medidas co‐rrectoras (únicas ou combinadas) que se poden impoñer no instituto son as que se re‐lacionan na Lei 4/2011:

a) Realización, dentro ou fóra do horario lectivo, de tarefas que contribúan á me‐llora e ao desenvolvemento das actividades do centro.

b) Suspensión do dereito a participar nas actividades extraescolares ou comple‐mentarias do centro por un período de entre dúas semanas e un mes.

c) Cambio de grupo. d) Suspensión do dereito de asistencia a determinadas clases por un período de

entre catro días lectivos e dúas semanas. Durante o tempo que dure a suspen‐sión, o alumnado deberá realizar os deberes ou traballos que se determinen para evitar a interrupción no proceso formativo.

e) Suspensión temporal do dereito de asistencia ao centro por un período de en‐tre catro días lectivos e un mes. Durante o tempo que dure a suspensión, o alumnado deberá realizar os deberes ou traballos que se determinen para evi‐tar a interrupción no proceso formativo.

f) Cambio de centro. Cando a falta sexa contra as pertenzas doutro membro da comunidade educativa, por roubo, rotura, etc., a corrección imposta levará consigo a restitución das pertenzas así como a petición de desculpas polo medio que se indique. 3.7 Apertura de informe reservado: Cando se produzan feitos nos que non estea sufi‐cientemente contrastada a identidade dos causantes ou non se poida determinar a gravidade dos feitos, a dirección do instituto pode decidir a apertura dun informe re‐servado que terá como finalidade esclarecer os feitos acontecidos en canto a identifica‐ción dos responsables e tipificación de faltas, de existiren. A apertura dun informe reservado debe facerse no modelo pce101_ir nun prazo máxi‐mo de 2 días lectivos dende que se ten coñecemento dos feitos interrompéndose, nes‐te caso, o prazo fixado no punto 7 do artigo 25 da Lei 4/2011. A redacción do informe reservado será realizada por un docente nomeado como instru‐tor/a nun prazo máximo de 5 días lectivos utilizando os modelos ao efecto pce103_ir, pce104_ir e pce105_ir. Unha vez nomeado o instrutor/a, a dirección facilitaralle unha carpeta coa documenta‐ción axeitada así como un pendrive USB con copias dixitais da normativa e os documen‐tos necesarios para a resolución. Á vista das conclusións do informe reservado a dirección adoptará calquera das seguin‐tes decisións utilizando o modelo pce106_ir:

• Pechar a incidencia que deu orixe ao informe. • Iniciar un procedemento de conciliación. • Incoar un expediente disciplinario. Neste caso o instrutor/a nomeado para a

incoación do expediente debe ser distinto/a do que tramitou o informe reser‐vado, aínda que poderá utilizar os documento xerados no informe como pro‐ba.

En calquera caso, a incoación dun expediente disciplinario tras a emisión dun informe reservado inicia un novo prazo de 12 días lectivos para a súa resolución contados a par‐



tir da data do informe reservado onde se identifican aos responsables e se tipifican as faltas. 3.8 Incoación de expediente disciplinario: A imposición das medidas correctoras espe‐cificadas no punto I.3.3.6 só poderá executarse tras a incoación dun expediente disci‐plinario segundo se establece no artigo 25 da Lei 4/2011. A decisión da incoación dun expediente disciplinario corresponde á persoa que ostenta a dirección do instituto quen deberá comunicalo nun prazo non superior a 2 días lecti‐vos dende que se ten coñecemento dos feitos que o orixinan, agás que se cumpran as condicións do punto I.3.3.6 en cuxo caso pode decidir, no mesmo prazo antedito, a apertura dun informe reservado. Unha vez decidida a incoación dun expediente disciplinario deberase consultar ao OCE, ou á comisión delegada deste, quen poderá propor o nomeamento do instrutor/a. Unha vez nomeado o instrutor/a, a dirección facilitaralle unha carpeta coa documenta‐ción axeitada así como un pendrive USB con copias dixitais da normativa e os documen‐tos necesarios para a resolución.

4. Do dereito de reunión do alumnado 4.1 Xeral: Actualmente tanto en España como no resto dos países da Unión Europea, en aplicación da normativa comunitaria e a xurisprudencia, non se contempla o dereito á folga dos traballadores/as autónomos, autopatronos, profesionais libres e estudan‐tes, ao reservarse o dereito á folga como unha medida que teñen os traballadores/as asalariados para a defensa dos seus dereitos laborais. Entanto, o que si contempla a normativa educativa é o dereito do alumnado a reunirse sen que as ausencias a clase por este motivo poidan ser sancionadas dalgunha forma. A inexistencia do dereito á folga do alumnado como tal dereito contrasta coas numero‐sas convocatorias de folga que fan as organizacións sindicais, mesmo de estudantes, utilizando o dereito á folga no seu sentido laboral e non no seu sentido de manifesta‐ción e/ou disconformidade social. Para tratar de asegurar os dereitos do alumnado a manifestarse e de reunión, o IES Leixa establece un procedemento de actuación para cando se produzan convocatorias de folga, paro ou mobilización do alumnado, asumindo o termo “folga” como equiva‐lente ao dereito de reunión e manifestación. 4.2 Procedemento diante dunha convocatoria de folga, paro ou mobilización do alumnado: Cando se convoque oficialmente unha folga, paro ou mobilización de estu‐dantes que afecte ao alumnado do IES Leixa seguiranse os seguintes pasos:

1. Convocarase unha reunión da Xunta de Delegados/as onde se informará da convocatoria de folga, paro ou mobilización e as condicións da mesma. A Xunta de Delegados/as decidirá se o alumnado do IES Leixa se suma á convo‐catoria elevando un escrito á dirección do centro, asinado polo presidente/a da Xunta e os delegados/as, onde se comunica esta decisión e se indican as accións que realizará o alumnado de acordo coa convocatoria. O dito escrito, segundo o modelo pce301, debe entregarse en conserxería con 48 horas de antelación á data de celebración da folga, paro ou mobilización.

2. Cada un dos delegados/as informará ao seu grupo e os/as estudantes que o desexen poderán sumarse á folga, paro ou mobilización debendo cubrir o documento pce302 co seu nome e apelidos e sinatura persoal. Este docu‐mento servirá para que o profesorado saiba que estudantes secundan a fol‐



ga, paro ou mobilización e as faltas non se contabilicen aos efectos de san‐ción ou execución da perda do dereito á avaliación continua. A todos os efec‐tos estas faltas consideraranse xustificadas agás nos casos en que o/a estu‐dante non asinara o documento pce302 e decida non asistir ás clases ou non participe nas accións acordadas pola Xunta de Delegados/as.

3. O profesorado adoptará as medidas necesarias para non dificultar que o alumnado secunde a folga, paro ou mobilización e participe nas accións acordadas, e evitará a realización de exames ou probas agás aquelas que xa estivesen programadas e non se poida cambiar a outra data.

4. Os/as estudantes que secunden a folga, paro ou mobilización adquiren o compromiso de participar activamente nas actividades acordadas pola Xunta de Delegados/as segundo a convocatoria de folga, paro ou mobilización e os acordos fixados no documento pce301. En ningún caso se aceptará como ac‐ción a simple ausencia ás actividades lectivas.

5. Os/as estudantes que non secunden a folga, paro ou mobilización acudiran ao centro e se lles impartirán as clases con normalidade para garantir o seu dereito á escolarización. En calquera caso, non se permitirán accións que impidan que un/ha estudan‐te asista ás clases e tales accións si poden ser consideradas faltas ao abeiro do punto I.3.3 das normas de convivencia.



ANEXO 2. Documentos asociados ao PCE Relación de documentos:

• pce001, libro de rexistro de incidencias (LRI) • pce101_ac, apertura dun acto de conciliación • pce102_ac, nomeamento das persoas que actuarán como instrutor/a e me‐

diador/a do acto de conciliación • pce103_ac convocatoria de acto de conciliación • pce104_ac, calendario de actuacións nun acto de conciliación • pce105_ac, acordo e compromiso de conciliación • pce106_ac, resolución da dirección • pce107_ac, informe anual de mediador/a • pce101_ed, acordo de incoación de expediente disciplinario • pce102_ed, nomeamento do docente que actuará como instrutor/a do ex‐

pediente disciplinario • pce103_ed, convocatoria de comparecencia • pce104_ed, toma de declaración • pce105_ed, proposta motivada do instrutor/a • pce106_ed, comparecencia para comunicación de resolución • pce107_ed, resolución da dirección • pce101_ir, acordo de apertura de informe reservado • pce102_ir, nomeamento do docente que actuará como instrutor/a do infor‐

me reservado • pce103_ir, convocatoria de comparecencia • pce104_ir, toma de declaración • pce105_ir, proposta motivada do instrutor/a • pce106_ir, resolución da dirección • pce108, acta de reunión • pce301, acordo da Xunta de Delegados/as de secundar folga de estudantes • pce302, listaxe de estudantes que secundan unha folga



Folla do libro de rexistro de incidencias



Modelo pce101_ac



Modelo pce102_ac



Modelo pce103_ac



Modelo pce004_ac



Modelo pce005_ac



Modelo pce006_ac



Modelo pce007_ac



Modelo pce101_ed



Modelo pce102_ed



Modelo pce103_ed



Modelo pce104_ed



Modelo pce105_ed



Modelo pce106_ed



Modelo pce107_ed



Modelo pce101_ir



Modelo pce102_ir



Modelo pce103_ir



Modelo pce104_ir



Modelo pce105_ir



Modelo pce106_ir



Modelo pce108



Anverso do modelo pce301_ac



Modelo pce301_ac



Instituto de Educación Secundaria Leixa Código de centro: 15021469

San Pedro de Leixa s/n 15405 – Ferrol (A Coruña)

Tfnos-Fax: (+34) 981328900 – 981328951

CIF: Q6555271C www.iesleixa.es

[email protected]

plan de convivencia escolar e normas de convivencia do ies ... · hai un claro sesgo cara ao sexo...

Documents