LAB SINDIKATUAK TELEFONICA-MOVISTARREN

AZPIKONTRATEN GREBARI SOSTENGUA

Begizta-kontratuaren aldebakarreko ezartzearen ondorioei -lan baldintza eskasak eta erabat gutxituak- aurre egiteko Telefonica-Movistarendako lan egiten duten kontrata, azpikontrata eta langile autonomoek indarrean duten grebarekiko sostengu eta elkartasun osoa adierazten dio LAB-Telefonikak. Era berean Telefnicaren jarduna salatzen dugu, izugarrizko mozkinak bere eta azpikontratetako langileen lan-baldintzak okertuz lortzen baititu, enplegua suntsituz, pribatizatuz..

Urte gutxitan enpresa publikoa izatetik pribatua izatera pasa da Telefnica: "lagun" politikariei ohorezko lanpostua eskeintzearekin batera, langileak sasi-esklabutzazko baldintzak pairatu behar izan dituzte, zuzenean edota zeharka. Behar-beharrezkoa da Telefonican langile kopurua handitzea, gaur egun azpikontratetan ari diren langileek lehentasuna izanik. Era berean kolektibo guzti hauek pairatzen duten prekarizazioari aurre egiteko premiazko neurriak behar dira. Telefonicarentzat zerbitzu tekniko gisa lanean ari diren kontrata, azpikontrata eta langile autonomoek enpresaren inposaketaren aurka jotzeko deia zabaltzen du LAB-Telefonicak eta Euskal Herrian deituko diren mobilizazioetan parte hartzera gonbita egiten du.