1

LISTA DE ASISTENTES EQUIPO DE GOBERNO: Corbacho Valencia, Juan Manuel Fernández Iglesias, Manuel García Vázquez, Xosé Manuel González Álvarez, Dolores Graña Rodríguez, Ana María Longo González, Mª Asunción Mato de la Iglesia, Salustiano Pena Uris, Gloria M. Rodríguez Vázquez, Virxilio DECANOS/DIRECTORES: Cuiñas Gómez, Íñigo Pillado González, Esther Roca Pardiñas, Javier Rodríguez Berrocal, Fco. Javier Romo Pérez, Vicente Rubio Armesto, Belén Seoane Posse, Elena Celsa Valero Gutiérrez del Olmo, Enrique PDI-A: García Fontán Soledad García-Pintos Escuder Adela González Santamaría Pedro Llamas Nistal Martín Meana Martínez Juan Carlos Pérez Cota Manuel Pino García, Antonio Reigosa Roger Manuel Joaquín Rivo López Elena Vaquero Díaz Mª Beatriz PDI-B: Álvarez Villamarín, Xosé Carlos González Jorge, Higinio González Santamaría, Pedro ESTUDANTES: Diéguez Rodríguez, José Miguel Pereira Sánchez, Pablo PAS: Cebro Rodríguez, Xan Mollinedo Lois, Carlos Pérez Gómez, Luis CONSELLO SOCIAL: Calviño Rodríguez, Xulio Pérez Mato, Federico SINDICATOS: Diez Ferrer, José Bienvenido Fernández Fernández, Federico A. DESCULPAN A SÚA AUSENCIA: Castro Cerceda Mª Luisa Fernández Jáuregui, Manuel Fernández Prieto, Marta García Señorán, María del Mar González Varela, Luis Lantarón Caeiro, Eva Mª Pérez Abellás, Adolfo Pou Saracho Juan María Vallejo Pousada Rafael

Acta da sesión ordinaria do Consello de Goberno da Universidade de Vigo do 12 de febreiro de 2016, convocada para as 10:00 h en primeira convocatoria e ás 10:30 h en segunda na Sala de Xuntas da Reitoría. O día 12 de febreiro de 2016 ás 10:35 h deu comezo a sesión ordinaria do Consello de Goberno, co obxecto de tratar os seguintes puntos da orde do día: 1. Aprobación, se procede, da actas correspondentes ás

sesións ordinaria do 21 de decembro de 2015 e extraordinaria do 18 de xaneiro de 2016.

2. Informe do reitor. 3. Presentación do informe do Comisionado do Campus

do Mar sobre a Memoria do ano 2015. 4. Informe do vicerreitor do Campus de Ourense sobre o

proceso de especialización do Campus da Auga no ano 2015.

5. Informe do vicerreitor do Campus de Pontevedra sobre o proceso de especialización do Campus Crea S2i no ano 2015.

6. Aprobación, se procede, da proposta de revogación da concesión do grao de “Doutor Honoris Causa” pola Universidade de Vigo a D. Julio Fernández Gayoso.

7. Aprobación, se procede, da proposta do Departamento de Filoloxía Inglesa, Francesa e Alemá da concesión do grao de “Doutor Honoris Causa” á profesora Erin Moure.

8. Aprobación, se procede, da proposta de modificación puntual na redacción do Regulamento de TFG.

9. Aprobación, se procede, do Calendario e procedemento para a aprobación de propostas e de modificacións de titulacións de grao, máster e doutoramento para o curso 2017/18.

10. Aprobación, se procede, da Convocatoria de concesión de anos sabáticos para o curso 2016/2017 e os criterios de puntuación.

11. Aprobación, se procede, dos Criterios de elaboración da programación docente anual (PDA) para o curso 2016/17.

12. Aprobación, se procede, da Normativa de dedicación do profesorado.

13. Aprobación, se procede, da Normativa de recoñecemento de actividades docentes do PDI.

14. Aprobación, se procede, do teito máximo de horas destinadas a actividades docentes complementarias.

15. Aprobación, se procede da modificación da Normativa de Programa Conxunto de estudos oficiais de grao na Universidade de Vigo.

16. Aprobación, se procede, do Programa de captación de talento investigador de excelencia da Universidade de Vigo, convocatoria 2016.

2

17. Aprobación, se procede, do Programa da Universidade de Vigo para a captación de persoal investigador seleccionado nas convocatorias do Consello Europeo de Investigación (ERC), convocatoria 2016.

18. Estimación, se procede, contra o recurso de alzada de D. José Antonio Fraiz Brea, contra a convocatoria e acordos da Xunta de Facultade de Ciencias empresariais e Turismo do 17/11/2015.

19. Estimación, se procede, do recurso de alzada presentado por Dna. Mª Carmen Trinidad López, solicitando a nulidade das reunións do Consello de Dpto. de Bioloxía, Xenética e Inmunoloxía dos días 7/7/2015 e 16/11/2015.

20. Estimación, se procede, do recurso de alzada presentado por Dna. María Eloísa Santos Armentia, solicitando a nulidade das reunións do Consello de Dpto. de Bioloxía, Xenética e Inmunoloxía dos días 7/7/2015 e 16/11/2015.

21. Proposta de nomeamento, se procede, dos representantes do alumnado na Comisión de Mobilidade Internacional da Universidade de Vigo.

22. Elección de representantes na Comisión de Reclamacións a Prazas de Profesorado Contratado: 1 Estudante.

23. Elección de representantes na Comisión de Planificación e Asuntos Económicos: 1 Estudante e 1 PDI.

24. Elección de representantes na Comisión de Extensión Universitaria e Estudantes: 1 PDI. 25. Rogos e preguntas.

Antes de dar comezo á sesión, o reitor dá conta de varios asuntos:

En primeiro lugar, comunica que no día de hoxe o Sr. Julio Fernández Gayoso presentou a súa renuncia ao grao de Doutor Honoris Causa pola Universidade de Vigo, coa devolución dos distintivos que lle foron outorgados no acto de investidura celebrado en marzo do ano 2002. A consecuencia desta renuncia voluntaria, queda eliminado o punto 6 da orde do día.

Tamén informa da dimisión por motivos persoais de D. Jaime Alonso Carrera, director do Departamento de Fundamentos do Análise Económico e Historia e Institucións Económicas, como membro deste Consello de Goberno, polo sector de Decanos e Directores, polo que nestes momentos hai dúas baixas nese sector.

Prosegue dando lectura dos membros do Consello de Goberno que xustifican a súa asistencia, e lembrando que a orde do día, que inicialmente foi enviada aos membros do Consello de Goberno, foi modificada ao detectarse un erro na mesma, sendo incorporado un punto na orde do día, no número 14, polo que os puntos sucesivos increméntanse nunha orde.

Por último, informa de que foron invitados a participar no Consello de Goberno: Dna. Belén Martín Lucas, D. José Antonio Fraiz Brea, Dna. Mª Carmen Trinidad López e Dna. María Eloísa Santos Armentia, para participar con voz pero sen voto nos puntos da orde do día que será indicados.

Punto 1. Aprobación, se procede, da actas correspondentes ás sesións ordinaria do 21 de decembro de 2015 e extraordinaria do 18 de xaneiro de 2016.

O reitor indica que non se presentaron alegacións a ditas actas, pregunta se algún dos presentes quere formular algunha.

Ao non haber alegacións, apróbanse ambas actas por asentimento.

3

Punto 2. Informe do reitor.

Indica o reitor que fará un resumo do máis salientable e de interese do acontecido dende o pasado Consello de Goberno.

1.- O día 15 de xaneiro tivo lugar a primeira xuntanza de traballo co novo conselleiro de Sanidade, Jesús Vázquez Almuiña, para comezar a poñer en marcha os asuntos pendentes. Fíxose coincidir co acto de clausura da Conferencia Final do Proxecto Biocaps, no que se abordaron os distintos aspectos da alianza estratéxica que debe existir entre a Universidade de Vigo e o SERGAS. Así, a nivel de investigación avanzouse na definición dun convenio que permita a mobilidade dos nosos investigadores e a utilización das instalacións que o CHUVI ten, especialmente os laboratorios de investigación do Álvaro Cunqueiro. Tamén abordouse a dotación de fondos específicos para o desenvolvemento dun contrato programa que permita a estabilización dos investigadores e proseguir coa captación de talento, así como consolidar as liñas de investigación abertas por Biocaps, para lograr a acreditación do IBI por parte do Instituto de Saúde Carlos III. No ámbito docente, indica o reitor que se analizou a necesaria coordinación para a impartición da docencia clínica, tanto dos profesores da UVigo como os facultativos do SERGAS. Subliña que hai que ter unha postura de traballo común, a nivel de prazas e de asignación de docencia. Prosegue indicando que tamén trataron o proceso de integración das Escolas de Enfermaría. Destaca o reitor que a Universidade levou a cabo as accións que lle corresponden; indica que todo estaba tratado coa anterior conselleira, polo que está pendente dos pasos finais pola súa parte.

2.- Informa, a continuación, da xuntanza mantida o 19 de xaneiro, co conselleiro de Economía, Emprego e Industria, na que se trataron diversos temas que teñen coa potenciación da transferencia de coñecemento. Así, abordaron distintos aspectos do centro de investigación tecnolóxico industrial (MTI) e intentaron concretar liñas de traballo relativas ao Campus do Mar e aos ámbitos da industria e a enerxía, co compromiso de que se vai apoiar o INEX para acelerar todo o que é o módulo industrial, para que no próximo curso se podan trasladar todos os grupos que teñen no edificio espazos de investigación. Tamén nesa xuntanza abordouse o desbloqueo do proceso de cesión dos terreos da ETEA, cifrándose un período de tres semanas para o comezo. Xa está acordado no comité executivo da Zona Franca; estando pendentes dos últimos detalles para que se estableza o convenio entre as dúas partes. Destaca tamén que avanzaron en aspectos do desenvolvemento do Campus Crea e da proposta da rede Aloia, que xa recibiu o seu visto e prace. Polo que, aínda que non se pode dicir cando se finalizarán os trámites administrativos, xa están en marcha.

3.- Informa tamén das xuntanzas mantidas coa vicepresidenta do Goberno Cántabro, o reitor da Universidad de Cantabria e co reitor da Universidad de Oviedo para iniciar a incorporación de ambas universidades á CRUSOE, que na actualidade está formada por 26 universidades asociadas na Macrorrexión de Rexións do Sudoeste Europeo (RESOE), na que están incluídas Galicia, Asturias, Castilla y León, e o norte e centro de Portugal. Destaca que esta iniciativa persegue ampliar os límites da Eurorrexión, establecendo colaboracións que permitan solucións macro a problemas comúns, así como perseguir e lograr obxectivos máis ambiciosos. Como iniciativas concretas: comenta en primeiro lugar o alongamento do programa de intercambio e a mobilidade de profesores, investigadores universitarios e persoal administrativo e a súa ampliación a toda a esfera da macrorrexión. Indica o reitor que xa mantivo contactos con todas as comunidades, excepto Castela-León, e que se asinarán acordos específicos para desenvolver estas actuacións. En segundo lugar, comenta o proxecto de plataforma multirrexión, presentado aos POCTEP. Sinala que o Goberno de Cantabria amosou o seu interese, e na reunión da semana pasada xa tramitaron unha petición formal de inclusión na macrorrexión.

4

4.- En relación coa Comisión de Modificación de Estatutos, dar conta da finalización dos traballos do Grupo 1, encargado do Titulo Primeiro dos novos Estatutos. Este Título será debatido e aprobado no pleno da Comisión, que terá lugar o 7 de marzo. O Grupo 2 xa está comezando o seu traballo no seguinte título, o relacionado coa comunidade universitaria, polo que só quedará o título III, que se acordara traballar directamente no plenario. Indica que o primeiro borrador vaise pór á disposición da comunidade o antes posible.

Finalizado o seu informe, o reitor dá paso ao punto seguinte da orde do día e cede a palabra ao comisionado do Campus do Mar.

Punto 3. Presentación do informe do Comisionado do Campus do Mar sobre a Memoria do ano 2015.

O Sr. Emilio Fernández presenta no seu informe as actividades máis salientables desenvolvidas polo Campus de Excelencia ao longo do período 2010-2015; unha vez finalizado o proxecto de conversión en Campus de Excelencia Internacional, que aspiraba a constituír unha agrupación sólida que se converta nun referente internacional en investigación e formación no ámbito mariño. En decembro de 2015, o Ministerio de Educación, Cultura e Deporte fixo pública a resolución sobre a avaliación final dos proxectos seleccionados en 2010 no programa de Campus de Excelencia Internacional. Esta resolución sustentouse no informe elaborado pola Comisión Internacional sobre o progreso dos proxectos con respecto aos criterios de avaliación e indicadores establecidos no procedemento de seguimento. O proceso de avaliación tiña como obxecto verificar a procedencia, ou non, do mantemento da cualificación como Campus de Excelencia Internacional dos diferentes CEIs. De acordo coa resolución, Campus do Mar mereceu a cualificación definitiva como Campus de Excelencia Internacional no contexto europeo.

O Campus do Mar articulou a súa gobernanza ao redor dun modelo de organización apropiado para materializar as relacións entre as diferentes entidades que configuran o Campus de Excelencia. Así, as áreas do equipo de goberno foron lideradas por representantes das cinco institucións promotoras do Campus do Mar, e contaron co apoio transversal da unidade técnica e dos servizos centrais das universidades e OPIs que o integran. Cabe destacar, no ámbito da gobernanza, a participación do Campus do Mar como entidade coordinadora da rede CEI.MARNET, agrupación dos campus de excelencia españois relacionados co mar.

Prosegue o comisionado referindo que a internacionalización do Campus do Mar foi un dos obxectivos centrais definidos e desenvolvidos a través de 4 programas: Proxección exterior, Acollida, Mobilidade de alumnos e investigadores e Cooperación ao desenvolvemento. Deseñouse unha folla de ruta de internacionalización e a implementación desta folla de ruta mediante a visita a institucións de investigación e docencia de recoñecido prestixio internacional dos países seleccionados como obxectivo: Brasil, Chile, China e México, que resultaron na firma de convenios de colaboración e intercambio de estudantes e investigadores. Outras accións de relevancia dentro deste programa foi a obtención da Cátedra Unesco en Desenvolvemento Litoral Sostible, o establecemento de alianzas estratéxicas con organizacións obxectivo como o German Marine Research Consortium e a Marine Alliance for Science and Technology for Scotland e a incorporación do Campus de Excelencia á rede International Association for Marine-related Institutions (IAMRI). Coa finalidade de facilitar a estancia de investigadores do Campus do Mar en universidades e centros de investigación de recoñecido prestixio internacional, concedéronse un total de 27 axudas a investigadores, e se obtiveron axudas financiadas polo Ministerio de Educación para a mobilidade con centros de referencia. Deseñáronse diversos proxectos de cooperación cofinanciados por axudas autonómicas, nacionais e europeas.

5

Refire que o Campus do Mar participou na preparación de diversos proxectos de investigación, presentados a convocatorias de ámbito internacional, tanto dentro do programa H2020 como dos programas de cooperación transfronteiriza SUDOE e POCTEP, ou á próxima convocatoria do Espazo Atlántico. Así mesmo, convocáronse bolsas de mestrado, obtívose o financiamento de 36 contratos predoutorais asociados ao Programa de Doutoramento DO*MAR por parte da Xunta de Galicia e financiamento da Unión Europea para a contratación de 10 investigadores postdoutorais experimentados.

O eixo de transferencia de tecnoloxía deseñou e levou a cabo un marco de actuación para o desenvolvemento da transferencia no complexo mar-industria; intensificando as relaciones entre oferta e demanda tecnolóxica, poñendo en valor os resultados de investigación dos integrantes do Campus do Mar e potenciando o desenvolvemento de proxectos nacionais e internacionais en diferentes ámbitos mariños relacionados co sector empresarial. Organizáronse e celebráronse máis de 17 foros sectoriais, xornadas técnicas ou grupos de traballo de transferencia de tecnoloxía e configuración de proxectos, no que participaron decenas de investigadores, representantes do sector industrial mariño, centros, plataformas tecnolóxicas, universidades e centros de investigación nacionais e internacionais. Campus do Mar participou e liderou propostas de proxectos presentados no marco de programas de financiamento internacionais (H2020, CYTED, POCTEP, Espazo Atlántico, COST etc) e nacionais e autonómicos (FEDER-INTERCONNECTA, Grupos de Acción Costeira de Xunta de Galicia, Europa Redes e Xestores etc.), en diferentes temáticas relacionadas co sector produtivo mariño (pesca, acuicultura, loxística portuaria, TIC-Mar…).

Continúa destacando que o fomento do emprendemento no ámbito mariño tivo como instrumento principal o Programa EMPRENDEMAR, orientado ao fomento da posta en marcha de ideas de negocio innovadoras e con potencial de comercialización no marco do Campus do Mar, no que 50 estudantes e graduados participaron nas dúas edicións da Escola de Emprendedores-Edición Campus do Mar. E máis de 120 participantes asistiron aos talleres sectoriais de emprendemento mariño, visitas a empresas, conferencias e actividades formativas de emprendemento e innovación organizadas. Púxose en marcha o Programa de formación e asesoramento para o emprendemento mariño, EMPREAMAR, dirixido ás comunidades costeiras das rías galegas; no que participaron 30 alumnos e xurdiron 8 iniciativas empresariais, das cales 6 están en incubación. O proxecto foi elixido pola Comisión Europea como exemplo de boas prácticas a nivel europeo e presentado en Bruxelas no Evento “Sailing towards 2020”. Obtívose financiamento do Ministerio de Educación para o desenvolvemento de prácticas de investigación de estudantes de doutoramento e mestrado en centros tecnolóxicos asociados ao Campus de Excelencia. Creouse, e actualízase diariamente, a web especializada de emprego mariño MAR*JOB, co obxectivo de por en contacto a ofertantes e demandantes de emprego. Ata o momento, máis de 95000 usuarios visitaron as máis de 2400 ofertas de emprego publicadas. Nos últimos meses, Campus do Mar promoveu a elaboración de propostas presentadas ás convocatorias de proxectos de cooperación transfronteiriza POCTEP neste campo.

Na liña de docencia, destaca que no curso 2012-2013 comezou a impartirse o programa de doutoramento “Marine Science, Technology and Management” (DO*MAR), a gran aposta do Campus de Excelencia en materia de formación de posgrao. Trátase dun título conxunto de 6 universidades (as tres universidades galegas e tres do norte de Portugal), o CSIC e o IEO, que xorde cunha visión global e planificación plurianual, con carácter internacional e transfronteirizo. Na actualidade o programa DO*MAR conta con 185 alumnos, 124 da Universidade de Vigo, que elaboran teses de doutoramento nos distintos ámbitos de coñecemento relacionados co mar, científico, tecnolóxico, xurídico-social e artes e humanidades, deixando patente a transversalidade e interdisciplinariedade deste programa. A compoñente internacional do programa queda patente na procedencia dos estudantes matriculados; que veñen de 17 países distintos, ademais de España e Portugal. Na actualidade, Campus do Mar traballa no reforzo da internacionalización do Programa de Doutoramento mediante a elaboración

6

dunha proposta de European Joint Doctorate Programme, xunto coa Marine Alliance Science and Technology Scotland e o Centro de Excelencia Mariña, LabexMer, de Brest, na Bretaña francesa.

No marco da rede CEI.MARNET, púxose en marcha no curso 2015-16 o Mestrado en Oceanografía; interuniversitario das universidades de Vigo, As Palmas de Gran Canaria e Cádiz, que se implantou, con 36 alumnos matriculados. Creáronse, tamén, grupos de traballo para o desenvolvemento e posta en marcha dos mestrados conxuntos en Xestión de Recursos Mariños, Xestión Integral da Zona Costeira e Tecnoloxías Subacuáticas Mariñas.

Prosegue referindo que o Campus do Mar estivo presente en diferentes foros locais, nacionais e internacionais, orientados a dar a coñecer o Campus de Excelencia, os seus obxectivos e implicacións a sectores profesionais, empresariais e institucionais. A presenza do Campus do Mar nos medios de comunicación e nas redes sociais foi constante. Así, a páxina web de Campus do Mar recibiu máis de 100000 visitas, ao que hai que engadir as máis de 1200 aparicións en medios de comunicación rexistradas. O Programa Campus do Mar na Praia/Mergúllate no océano percorreu a xeografía galega e portuguesa, mostrando aos cidadáns os resultados da investigación do Campus e o Programa CampusMarLife. Ofreceu actividades deportivas e de ocio relacionadas co mar para toda a comunidade Campus do Mar. Salienta o comisionado o proxecto Baliza, unha Plataforma multidisciplinar baseada na colaboración interdisciplinar entre investigadores do Campus do Mar da Facultade de Belas Artes da Universidade de Vigo, e outros artistas de diferentes ámbitos. Este proxecto culminou coa Exposición “Eidos da Imaxe. Grafía dos feitos e do pensamento” instalada no Museo de Arte Contemporáneo de Vigo. Campus do Mar organizou, ininterrompidamente dende 2011, campus científicos financiados pola FECYT. 524 estudantes de todo o Estado desenvolveron diferentes proxectos científicos e tecnolóxicos nos laboratorios do Campus de Vigo e do Instituto Español de Oceanografía.

Indica que a execución do proxecto contou co financiamento correspondente á convocatoria CEI 2010 por un importe de 5,3 millóns de euros, de acordo co establecido no Convenio Específico de Colaboración entre o Ministerio de Educación e a Comunidade Autónoma de Galicia para a financiamento do proxecto Campus do Mar. Campus do Mar comprometeu no período 2011-2015 3.799.890 € do financiamento inicial correspondente. Nese mesmo período, o Campus de Excelencia captou fondos adicionais por valor de 4.917.367 €, o que demostra o efecto multiplicador do proxecto. Campus do Mar destinou un 34% dos recursos económicos a potenciar a empregabilidade e a captación de talento, mentres que un 32% dos recursos serviron ao cofinanciamento de proxectos. á partida de I+D e Transferencia dedicouse un 16% mentres que á gobernanza e organización de eventos destinouse un 18%. Cabe destacar que non se realizou ningún gasto relacionado co capítulo de infraestruturas e equipamento.

Finaliza o Comisionado resumindo a posición estratéxica do Campus do Mar:

‐ Liderado na xeración de coñecemento nese campo, tanto no ámbito galego como no da eurorrexión.

‐ Relevancia a escala estatal, e estamos empezando a selo a escala europea.

‐ Neste momento temos visibilidade en países obxectivo. Pero esta presenza é pouco homoxénea, por sectores, nalgúns deles, como o naval e o da bioenxeñería azul, hai espazo de mellora.

Recalca que o obxectivo final era poder manter no tempo a designación de Campus de Excelencia, e logrouse; e a maiores, temos o programa de doutoramento máis as actividades de emprendemento, polo que os obxectivos están cubertos, pero aínda quedan campos no que se debe mellorar.

7

Completa o reitor este informe indicando que xa tivo lugar a xuntanza do Consello Reitor do Campus do Mar, na que se aprobou a nova folla de ruta, e irase dando información a medida que se vaia concretando. Tamén, indica que Portugal xa estableceu un cadro de gobernanza similar ao noso, polo que poderá ter un peso maior a escala internacional.

Intervén o profesor Álvarez Villamarín, quen desexa expresar a súa noraboa ao comisionado polo traballo desenvolvido e pola presentación realizada, moi ben esquematizada, o que, na súa opinión, resulta moi difícil, dada a diversidade de liñas que se abordan. Destaca que se trata dun traballo colectivo e quere estender a todos a felicitación, así como ao Consello Reitor, xa que un proxecto como este só funciona se o liderado é efectivo. Anima a todos a continuar nesta liña, que está a situar á UVigo nun posto de liderado internacional destacado.

Reforza o reitor a idea de que é un proxecto conxunto; e fai públicas as súas felicitacións a todos os que están detrás e traballan neste proxecto.

Punto 4. Informe do vicerreitor do Campus de Ourense sobre o proceso de especialización do Campus da Auga no ano 2015.

Cede o reitor a palabra ao vicerreitor do Campus de Ourense, D. Virxilio Rodríguez, para que presente o camiño que está a percorrer e os avances realizados no Campus da Auga.

Comeza a súa exposición o vicerreitor comentando que, neste segundo ano ao fronte do Campus de Ourense e como comisionado do Campus da Auga, o proceso de especialización do Campus de Ourense conta xa cun amplo recoñecemento na sociedade na que se insire este Campus; e cun importante respaldo interno da comunidade universitaria, que está a aportar o seu traballo e coñecemento para facer posible executar o plan estratéxico do Campus da Auga. Destaca que os froitos que xa se puideron ver no ano 2014 ampliáronse no ano 2015, tanto en número como en calidade, e fóronse sentando as bases para consolidar o proxecto nos vindeiros anos, coincidindo coa segunda metade do período á fronte da Vicerreitoría do Campus de Ourense.

Incide o vicerreitor en que o Campus da Auga defínese como unha sorte de proceso de especialización, que quere converter ao Campus de Ourense en líder na investigación e na docencia en materias relativas á auga, medio ambiente e desenvolvemento sostible. Para cumprir esa misión o Campus da Auga armouse dun organigrama, liderado polo reitor e dirixido polo vicerreitor do Campus de Ourense, estruturado en cinco grandes áreas: Investigación, Internacionalización, Transferencia, Académica e Innovación educativa-Divulgación Científica.

Antes de expoñer os principais resultados acadados durante o ano 2015, e que supuxeron cumprir estritamente a folla de ruta marcada no Plan estratéxico do Campus da Auga, o vicerreitor lembra que os aspectos substanciais deste informe foron xa expostos no Consello de Campus do 25 de novembro de 2015, e que os proxectos futuros foron presentados no informe 2014 do Campus da Auga diante do CG o 27 de marzo de 2015, e nesa presentación se marcaban as principais accións a realizar durante o ano 2015. Así pois, remarca o vicerreitor, cómpre cotexar os obxectivos entón marcados coas accións efectivamente realizadas no 2015.

Realiza a exposición ordenando os resultados polas áreas nas que se estrutura o Comité de Dirección do Campus da Auga, abandonando o criterio cronolóxico. Explica o vicerreitor que durante o ano 2015 o Comité de Dirección reuniuse en tres ocasións coa presenza do Sr. Reitor, facendo balanzo das actividades realizadas e planificando o traballo a realizar curto e medio prazo.

Informa a continuación das actividades que se levaron a cabo dende cada unha das áreas do Comité de Dirección do Campus da Auga ao longo deste ano 2015, nomeadamente:

8

‐ Na Área Académica traballouse na configuración e deseño do Programa de Doutoramento do Campus da Auga, tomando como modelo o Programa de Doutoramento do Campus do Mar. O vicerreitor agradece á disposición do Comisionado e a axuda brindada na fase inicial deste proceso. Continúa indicando que o obxectivo é presentar a declaración de interese do programa de doutoramento neste ano 2016 baixo as premisas de transparencia, coordinación e integración. Sobre esta base constituíuse en primeiro lugar, a Comisión de traballo académica dirixida pola Prof. Dra. Susana Álvarez González e polo propio vicerreitor, que ten por obxectivo sentar as bases para poder presentar a devandita declaración de interese. Para lograrse dito obxectivo, solicitouse aos decanatos dos seis centros integrados no Campus de Ourense o nomeamento dun representante por centro. Nas reunións da Comisión de traballo avanzouse na proposta de denominación, as principais liñas de investigación e as posibles universidades estranxeiras coas que contar no programa. Indica o vicerreitor que nas vindeiras semanas completarase o traballo e someterase á revisión da EIDO, a quen agradece, na persoa do seu director, á súa disposición. Posteriormente, someterase ás consideracións do Consello de Campus.

‐ Dende a Área de Transferencia e Emprendemento, baixo a dirección do Prof. Dr. Fermín Pérez Losada e coa intervención directa do Sr. Reitor da UVigo, procedeuse á constitución da Unidade Conxunta coa Confederación de Empresarios de Ourense, articulada a través dun convenio específico. Con esta unidade preténdese buscar sinerxías en materia de emprendemento, formación, internacionalización e cultura da innovación. Neste sentido, destaca o vicerreitor, que dende a CEO se presente un mapa de tecido empresarial, encargo asumido na primeira reunión por parte dos responsables deste organismo, para así poder dirixir a investigación que se fai dende o Campus de Ourense cara á mellora da eficiencia e produtividade dos sectores industriais e empresariais do territorio de Ourense e as súas comarcas.

‐ Dende a Área de Investigación e Captación de talento, baixo a dirección do Prof. Dr. Ramón Gesteira, articulouse un proxecto institucional xunto coa Confederación Hidrográfica Miño-Sil, a Axencia Portuguesa do Ambiente e a Universidade de Porto, titulado RISC Miño-Limia, co que concorrer aos POCTEP 2015, aspirando a unha financiación total de 2 dous millóns e medio de Euros. Explica que este proxecto é a primeira iniciativa institucional en materia de proxectos de investigación que se executa no marco do Campus da Auga cunha metodoloxía de traballo top-down. Pero ao mesmo tempo, indica que tamén se recibiron solicitudes dende diferentes grupos de investigación para contar co respaldo do Campus da Auga na presentación dos seus proxectos, na mesma convocatoria, polo que tamén ponse en práctica a metodoloxía bottom-up. Esta actuación da área de investigación do Campus da Auga foi en boa medida posible grazas a iniciativa do Reitor de manter reunións directas con cada un dos aproximadamente 50 grupos de investigación radicados no Campus de Ourense. Ante a boa acollida de todos os grupos e os bos resultados acadados, esta xeira, d o reitor acompañado do Vicerreitor de Campus e o Técnico de Proxectos, continuará ao longo do presente ano.

‐ En relación coa Área de Internacionalización, á fronte da cal se sitúa o Prof. Dr. Arno Formella, e a Área de Innovación Educativa e Divulgación Científica, dirixida polo Prof. Dr. José María Faílde Garrido, informa o vicerreitor da organización do “I Congreso Internacional da Auga, Termalismo e Calidade de Vida”, xunto co “I Symposium Internacional de Termalismo e Calidade de Vida”. A organización deste congreso realmente implicou a todos os membros do Comité de Dirección, destacando o vicerreitor o seu excelente traballo ao longo de todo o ano 2015. Así, o Prof. Dr. Ramón Gesteira asumiu a presidencia do Comité Científico, o Prof. Dr. José María Faílde a presidencia do Comité

9

Organizador, o Prof. Dr. Fermín Pérez, a vicepresidencia do Comité Científico, sendo ademais membros do Comité Organizador xunto co propio Arno Formella e os profesores Patricio Sánchez e Susana Álvarez. Salienta ademais a participación no comité científico dos profesores da Universidade de Vigo, José Antonio Fraiz, Pedro Araújo, Elisa Alén, José Luis Legido, Silvia González, María Reyez e Miguel Ángel Vázquez. O vicerreitor cualifica de éxito esta primeira edición do Congreso, no que participaron 200 congresistas procedentes de 11 países e se presentaron un gran número de ponencias e comunicacións de gran calidade. Valora tamén moi positivamente a colaboración establecida entre Concello, Deputación e a propia Universidade de Vigo, sentando as bases para futuros eventos desta mesma liña. Orzamentariamente, informa de que as contas pecháronse con equilibrio de gastos e ingresos.

‐ Tamén en relación coa Área De Innovación Educativa e Divulgación Científica salienta a organización e celebración do Día Internacional da Auga, formulado como unha xornada de portas abertas do Campus de Ourense para os estudantes de ensino secundario e bacharelato da cidade. Refire o éxito acadado o día 25 de marzo coa visita de máis de 250 escolares de diferentes centros que puideron coñecer os recursos e medios do Campus de Ourense para continuar os seus estudos. Leváronse a cabo diversas actividades relacionadas coa investigación da auga nos laboratorios da Fac. de Ciencias e da Fac. de Historia e lanzouse o I Concurso de foto-relato Campus da Auga Scholaris, que se fallou o día 25 de marzo.

Engade que dende a Área de Innovación Educativa, en colaboración co técnico de cultura e co técnico de deportes do Campus de Ourense, promoveuse a presenza do obxecto de especialización do campus nos diferentes eventos ou actividades organizadas no eido da cultura e do deporte. Así, o Campus da Auga tivo presenza no Outono fotográfico, no deseño dos roteiros culturais, e en diferentes eventos deportivos.

‐ Destaca tamén o vicerreitor que durante o ano 2015 procedeuse á licitación da “Redacción de proxecto básico e de execución e dirección de obra do edificio do Campus da Auga no Campus de Ourense”, resultando gañador do concurso o proxecto presentado pola empresa OIKOS ESTUDIO SLP, coa que se asinou un contrato administrativo de servizos por importe de 150.000 Euros, o 26 de outubro de 2015. Foi executado dentro do ano 2015, o que permitiu cumprir cos períodos de execución do gasto estipulados no Convenio de colaboración entre a Consellería de Cultura, Educación e Ordenación Universitaria e a Universidade de Vigo para a construción e desenvolvemento do Centro do Campus da Auga no Campus de Ourense, de 3 de outubro de 2014.

‐ Para rematar o seu informe, o vicerreitor do Campus de Ourense fai referencia aos principais proxectos futuros que se pretenden acadar a curto prazo e nos que xa se está a traballar intensamente. Na área académica, como xa quedou dito, destaca a presentación da declaración de interese do programa de doutoramento neste ano 2016, o nomeamento da Comisión académica e coordinadora/coordinador do programa para elaborar a memoria, e poder implantalo á maior brevidade posible. Na área de investigación, destaca a proposta de concorrer como clústeres de investigación neste ano 2016 con máis proxectos de investigación e fomentar as propostas bottom-up. Na área de transferencia, quérese avanzar nas relacións entre o Campus da Auga e o tecido empresarial da contorna, sendo estratéxica no eido do emprendemento a colaboración da Confederación de empresarios nos Premios INCUVI e AVANZA. Na área de Innovación Educativa e divulgación científica, integrarase o Campus da Auga na programación cultural e deportiva do Campus de Ourense, a partir das experiencias do pasado curso académico e en parte do actual, así organizarase novamente o Día mundial da auga e actividades afíns, especialmente o II Concurso de foto-relato. Comenta tamén que se vai lanzar unha convocatoria específica de premios de investigación científica no eido da auga, desenvolvemento sostible, e medio ambiente, tanto para TFG,

10

TFM, como para tesinas e Teses de Doutoramento e, incluso, artigos de investigadores seniors en publicacións científicas, sempre en coordinación coa Vicerreitoría de Investigación. Tamén, dende esta área e en colaboración coas áreas de Investigación e Internacionalización, está prevista a organización do II Congreso Internacional da Auga, cun cambio de temática, que contará como coorganizador principal coa CHMS.

‐ No ámbito das infraestruturas, informa que nos diferentes servizos da Universidade estase a traballar arreo para poder sacar a concurso a adxudicación da obra do edificio do Campus da Auga, coa intención de poder comezar a execución no verán de 2016.

Finaliza o vicerreitor o seu un informe sobre as actividades realizadas no Campus da Auga, reiterando o recoñecemento e agradecemento ás persoas que forman parte do comité de dirección, dos comités executivos dos clústeres de investigación, polo seu extraordinario traballo, e aos decanos, equipos decanais de todos os centros do Campus de Ourense e por extensión aos docentes e persoal de administración e servizos que se están a implicar no proxecto.

Non se formulan cuestións ou intervencións, polo que finaliza o reitor este punto e dá paso ao vicerreitor do Campus de Pontevedra, D. Juan Manuel Corbacho, para o seguinte.

Punto 5. Informe do vicerreitor do Campus de Pontevedra sobre o proceso de especialización do Campus Crea S2i no ano 2015.

En primeiro lugar, o vicerreitor do Campus de Pontevedra felicita a D. Emilio Fernández polo seu traballo fronte ao Campus do Mar e a D. Virxilio Rodríguez á fronte do Campus da Auga, e subliña que son modelos a seguir para o proxecto de especialización CREA S2i –social and sustainable innovation (de innovación social e sustentable)- do Campus de Pontevedra. Comeza informando que tras a constitución da Comisión de Dirección Técnica do Campus CREA, o 11 de decembro de 2014, leváronse a cabo seis reunións (bimensuais) ao longo do ano 2015 do pleno da comisión, encabezada polo reitor, sendo o maior número de xuntanzas por área para tratar temas específicos. Polo que a súa presentación está estruturada nas cinco áreas de traballo da Comisión de Dirección Técnica do Campus CREA: Área Académica, Área de Emprendemento e Transferencia, Área de Investigación e Captación de Talento, Área de Comunicación e Internacionalización e Área de Cultura. En cada unha, o vicerreitor detalla as cantidades invertidas pola Vicerreitoría do Campus.

‐ Destaca a actuación da Área Académica, representada pola profesora Dna. Alicia González Represas, que está a traballar na proposta de programa de doutoramento do CREA S2i xunto cos equipos decanais, coordinadores/as de programas de doutoramento existentes, así como cos/coas investigadores/as do campus para confeccionar un programa que non supoña competencia para os doutoramentos existentes, pero que siga as aliñas mestras de creatividade e innovación nas distintas áreas. Téñense definido as primeiras liñas de investigación transversais e estase a traballar na composición da comisión para concretar estas liñas e presentar a declaración de intencións, de ser posible, na vindeira convocatoria.

‐ En relación coa Área de Transferencia e Emprendemento, encabezada polo profesor D. Juan Picos Martín, da Escola de Enxeñaría Forestal, o vicerreitor informa que se produciu un afianzamento da Feira de Emprendemento Pont Up, coordinada polo profesor Pedro Figueroa e o seu grupo G4plus. Trátase dunha acción durante cinco días coa colaboración do IGAPE, AJE Pontevedra, Xunta de Galicia, Abanca, Zona Franca Vigo, Consello Social, Concello de Pontevedra e Deputación de Pontevedra. De feito, subliña, foi unha das primeiras accións nas que a nova deputación colaborou coa Universidade de Vigo, despois virían as reunións institucionais e convenios dos que xa ten informado o Sr. Reitor. Este evento supuxo a presenza de 36 iniciativas empresariais nunca macrocarpa na Praza de España acompañada

11

por un programa de charlas, seminarios e talleres repartidos polas facultades, Casa das Campás e Casa da Luz. O Concello xa se comprometeu a seguir apoiando esta iniciativa na súa edición do 2016 que ademais coincide con SPIN 2016 “Creando cultura emprendedora” que se celebrará do 29 de setembro ao 1 de outubro en Santiago de Compostela e co que colabora o Pont Up 2016. Detalla o vicerreitor do Campus de Pontevedra a inversión neste evento, explicando que no que segue o detallará para cada evento organizado pola vicerreitoría no marco do CREA S2i ou en colaboración con outras institucións e asociación.

Engade que o Grupo G4plus xa traballa nun observatorio de datos socioeconómicos para o Concello de Pontevedra, que se ampliará no que a indicadores se refire dentro do CREA S2i. Por outra banda, estase a impulsar a Rede Aloia, unha rede pilotada polo CREA S2i e a Escola de Enxeñaría Forestal, que desenvolva un plan de capacitación profesional así como a posibilidade de formación continua, por exemplo, para estudantes de formación profesional, incluíndo tamén a Facultade da Ciencias Educación e do Deporte. Formúlase ademais un enfoque life long learning. Tamén estase a definir as características do tecido empresarial da bisbarra para fortalecer alianzas estratéxicas coas asociacións e confederacións de empresarios. O clúster gráfico presentou na Facultade de Ciencias Sociais e da Comunicación a revista Rúbrica, coa presenza da Asociación Creatividade Galega. A reunión co Clúster Audiovisual foi adiada debido ao incipiente cambio de equipo directivo da Facultade.

‐ Pasa a informar do traballo realizado na Área de Investigación e Captación de Talento, dirixido pola profesora Da. Ángeles Parrilla Latas, da Facultade de Ciencias da Educación e do Deporte. Este centrouse na definición do mapa de capacidades dos/as investigadores/as do Campus de Pontevedra e concretouse na proposta do clúster de investigación. O clúster “Ecosistemas de Innovación” foi presentado o 13 de novembro de 2015 aos/ás investigadores/as do Campus na Facultade de Ciencias da Educación e do Deporte polo reitor, reunión á que tamén asistiu Dna. Regina Carreira, a quen o vicerreitor expresa o seu agradecemento pola axuda prestada. O clúster divídese en dous sectores. O primeiro, “Comunidades e Territorios” que agrupa as áreas e temáticas de interese, como industrias creativas, web social, deporte e benestar, así como educación para o desenvolvemento, no que están representados preto de 200 docentes e investigadores/as. O sector “Medio e Sociedade”, aglutina arredor de 100 docentes e investigadores/as que traballan nas temáticas de natureza e contorna, responsabilidade social e corporativa, así como gobernanza. O 18 de decembro remitiuse a carta de adhesión ao clúster e sector, así como o anexo para remitir propostas e ideas de proxectos de investigación, e na actualidade estanse a avaliar as propostas recibidas, de cara a convocatorias competitivas e proxectos transversais.

Prosegue informando o vicerreitor dun dos proxectos xa en fase de preparación dentro do ámbito da innovación social, a rede de investigación Reducindo as desigualdades en educación a través da colaboración, na que participan 21 institucións de sete países: España, Reino Unido, Noruega, Portugal, Romanía, Brasil e México, entre eles docentes do campus de Pontevedra. O obxectivo inicial é concorrer á convocatoria Cost (Cooperación Europea en Ciencia e Tecnoloxía), liderados pola Universidade de Oxford. A primeira reunión celebrouse no Campus de Pontevedra, coa participación das profesoras Dna. Ángeles Parrilla Latas e D. Antonio Blanco Pesqueira.

Finalmente, en relación con esta área informa o vicerreitor de que a Universidade de Vigo recibiu o galardón “Pontevedrés del Año” por terse convertido nun motor de desenvolvemento das tres cidades, por ter situado o I+D+I como eixo para o crecemento e, en especial, por ter mudado para sempre a paisaxe da cidade do Lérez.

‐ En relación coa Área de Comunicación e Internacionalización dirixida polo profesor Alberto Dafonte Gómez, informa da posta en marcha do Día Internacional da Creatividade e a Innovación, co obxectivo de poñer en valor a creatividade e innovación como método de

12

resolución de problemas en diversos eidos, como o empresarial ou o social. Ao encaixar perfectamente na filosofía de especialización do Campus de Pontevedra, precisamente o día 21 de abril para conmemorar o día do CREA S2i, data na que remata a devandita semana que comeza o 15 de abril debido a que coincide coa data de nacemento da Leonardo da Vinci, investigador e científico multidisciplinar por antonomasia. A xornada dividiuse en dous grandes bloques: a mesa redonda “Os camiños da creatividade” coa presenza de representantes das áreas do CREA S2i, como Pablo Zentolo (Rei Zentolo), Juan Couto (Oqo editora), Isabel Aguirre de Urcola (directora da Escola Galega da Paisaxe da Fundación Juana de Vega) e Pepe Casal (preparador físico, entre outros de Pau Gasol), xunto con Javier Olleros (Culler de Pau), actuando Alberto Dafonte como moderador. A segunda parte, “Somos CREA”, consistiu na presentación de proxectos de investigación e INCUVIs en formato “PechaKucha”, concluíndo cun pequeno concerto a cargo de estudantes e degustación de produtos ecolóxicos. De cara ao ano 2016, preténdese ampliar as actividades e involucrar máis entidades.

Prosegue informando o vicerreitor da celebración, o día 3 de decembro, da presentación do proxecto de especialización CREA S2i no Auditorio Abanca, coa presenza, entre outros, do Conselleiro de Cultura, Educación e Ordenación Universitaria. En relación con isto, indica que o convenio inicial para o proxecto de especialización CREA S2i coa Xunta de Galicia atópase en fase de negociación e tramitación. Contouse coa presenza da presidenta do Parlamento, o presidente do Consello Social da Universidade de Vigo, así como representantes do Concello, Deputación, do mundo empresarial, cultural e deportivo da cidade. O acto foi integramente deseñado, organizado, producido e protagonizado por persoas directa ou indirectamente relacionadas co Campus de Pontevedra e a Universidade de Vigo, como, a presentadora Marga Pazos, premio Mestre Mateo e licenciada en Publicidade e Relacións Públicas da primeira promoción. A estes efectos, puxéronse en marcha as redes sociais e web do CREA S2i, que a medio prazo se acabarán fusionando cos medios da Vicerreitoría do Campus.

Destaca tamén o vicerreitor un proxecto posto en marcha polo anterior equipo, da man da vicerreitora Dna. Antonia Blanco e que se concretou no 2015, recaendo a súa responsabilidade na dirección de área de planificación do Campus de Pontevedra, a cargo do profesor Celso Cancela Outeda: O 18 de novembro o Campus de Pontevedra recibiu a distinción “Green Campus” como primeiro e único campus de España en acadar este selo de calidade. Este proxecto estratéxico conta cun plan de acción específico, pero que ao mesmo tempo incide nos distintos centros do Campus. Así, tense realizado unha auditoría de accesibilidade da man de COGAMI en cada unha das instalacións do Campus. Tamén púxose en marcha a recollida de RAEEs que se está a repetir nestas datas. Igualmente, estase a traballar en accións específicas para centros de ensinanza secundaria e FP, como o Día da Terra, da man da Escola de Enxeñaría Forestal.

Expón a continuación un resumo das actuacións na Área de Cultura, encabezada inicialmente polo profesor D. Ignacio Barcia Rodríguez e posteriormente polo profesor D. Xosé Manuel Buxán Bran. Este área ten moita relación coa dirección de Extensión cultural da vicerreitoría a cargo de D. Manuel Morquecho, e facilita a conexión do proxecto de especialización co seu entorno máis inmediato. Destaca o programa Exploradores 15 no marco do Festival Sin Sal, no que se ofrece a dez estudantes das facultades de Belas Artes e Ciencias Sociais e da Comunicación a participación en tres talleres específicos na Illa de San Simón, para crear proxectos interdisciplinares no deseño 3D, realidade aumentada e técnicas de visualización de datos en mapas a través de Carto DB. Os traballos finais foron avaliados polos responsables de Samsung, acadando un grupo da Universidade de Vigo a máxima puntuación.

O vicerreitor explica que continuou a colaboración co Concello de Pontevedra co programa Tangram 2015. Na presente edición materializouse en tres proxectos: “De Bruxas e Bolboreta” para

13

concienciar sobre a violencia de xénero; “Cine con Consciencia” sobre a discriminación de determinados colectivos, neste caso persoas co Síndrome de Down, e “Prismas da Cidade”, libro de rutas onde unha vintena de persoas contan como ven e viven a cidade de Pontevedra, co xornalista Ramón Rozas como invitado.

Destaca o vicerreitor que segue a crecer a oferta cinematográfica: O ano pasado incorporouse un ciclo de cine francés coa colaboración da alianza francesa e onte inaugurouse o ciclo de cine taiwanés. E, posto que o cine é unha demanda histórica de Pontevedra, o Campus puxo en marcha xunto co Concello, a produtora Matriuska e o programador Suso Novás a edición cero do Festival Novos Cinemas, no que se ofreceu un curso a cargo de Lois Patiño. e cara á edición deste ano contarase co espazo CREA S2i, un foro de proxección e formación para novos valores seguindo a filosofía do propio festival. Os estudantes participarán en xurados e terán a posibilidade de asistir a talleres e cursos de formación.

Continúa tamén a colaboración do Diario de Pontevedra, baixo o formato “Conversas coa UVigo”. No 2015, celebrouse por primeira vez o “Ciclo Cero Violencia Viaria” coa colaboración do Concello de Pontevedra, a Dirección General de Tráfico e a Policía Local. Ao longo de cinco semanas organízanse charlas-coloquio con participación de expertos dos colaboradores sinalados e docentes e investigadores dos centros do Campus, así como diversas accións, como un simulacro de accidente, o simulador de envorcado, a marcha ciclista etc.

Remata o seu informe, o vicerreitor do Campus de Pontevedra, agradecendo moi sinceramente a implicación e liderado do Sr. reitor neste proceso, e aos/ás delegados/as do reitor en cada unha das áreas por contribuír a facer avanzar o proxecto de especialización, así como os equipos directivos dos centros, PAS e delegacións de alumnos sempre dispostos a axudar e a sumar.

Punto 6. Aprobación, se procede, da proposta de revogación da concesión do grao de “Doutor Honoris Causa” pola Universidade de Vigo a D. Julio Fernández Gayoso.

Lembra o reitor que, como indicou previamente, diante da renuncia presentada por D. Julio Fernández Gayoso, non procede tratar este punto.

Punto 7. Aprobación, se procede, da proposta do Departamento de Filoloxía Inglesa, Francesa e Alemá da concesión do grao de “Doutor Honoris Causa” á profesora Erin Moure.

Antes de ceder a palabra á secretaria xeral, o reitor lembra que se invitou, con voz e sen voto, á profesora Dna. Belén Martín Lucas, para realizar a presentación da candidata proposta.

A secretaria xeral comeza facendo un breve resumo da normativa que regula a concesión deste recoñecemento:

‐ Segundo o establecido no artigo 135 dos seus Estatutos, a Universidade de Vigo poderá conceder o grao de doutor honoris causa ás persoas físicas que destaquen no eido da investigación e da docencia, no cultivo das artes e das letras, ou ben naqueloutras actividades con repercusión notoria e importante dende o punto de vista tecnolóxico e social en Galicia e no mundo en xeral.

‐ No artigo 39 dos Estatutos da UVigo no seu apartado ae) se recolle que corresponde ao Consello de goberno a adxudicación de doutoramentos honoris causa a persoas que, segundo os seus méritos considere merecedoras de tal nomeamento, de acordo cos procedementos

14

establecidos polo Claustro. Este órgano, na sesión do día 10 de novembro de 2004, aprobou a “Normativa para a concesión do “Doutorado Honoris Causa”.

‐ Segundo dita normativa, a proposta deberá ser formulada por un ou varios departamentos dos existentes na Universidade de Vigo, sempre que consigan o aval, polo menos, de 3/5 dos departamentos do ámbito de coñecemento do que se trate.

‐ A normativa tamén recolle que a proposta deberá contar co informe do centro ou centros correspondentes, e seralle remitida ao Consello de Goberno da Universidade para a súa aprobación, se procede, por unha maioría cualificada dos 3/5 dos presentes. Para o seu debate no Consello de Goberno, a proposta deberá ir acompañada de:

a. Unha memoria razoada que fundamente os méritos e/ou circunstancias excepcionais que concorran na persoa candidata.

b. O currículo do candidato/a proposto.

Cómpre, polo tanto, a verificación destes requirimento por parte da candidatura de Dna. Erín Moure, presentada polo Departamento de Filoloxía Inglesa, Francesa e Alemá. Os documentos enviado por parte do departamento, memoria e CV, foron achegados coa convocatoria para a súa valoración.

Prosegue a secretaria xeral indicando que esta solicitude está avalada por 7 dos 9 departamentos do seu ámbito e conta co informe favorable da Facultade de Filoloxía e Tradución, da Facultade de Historia, así como da Facultade de CC. da Educación de Ourense, que son os centros nos que o departamento solicitante e os avalantes teñen docencia maioritaria.

Polo tanto, indica a secretaria, cumpre con claridade cos requirimentos da nosa normativa e salienta que, a maiores, esta proposta tamén está apoiada pola Asociación de escritores e escritoras en lingua galega, a Fundación Rosalía de Castro, a Comisión de Igualdade do Consello de Cultura Galega, a Asociación Galega de Profesionais da Tradución e Interpretación, así como a Área de Igualdade e a Área de Normalización Lingüística da Universidade de Vigo, como poden comprobar na documentación achegada.

Explica que a candidata proposta é unha poeta canadiense, tradutora e editora de amplo e sólido currículo, de orixes galegas e firmemente vencellada a nosa cultura polas traducións de algúns dos nosos clásicos, como Rosalía de Castro, e outros autores máis actuais. Tamén colabora de xeito habitual con diversos departamentos da nosa Universidade. Pero para que os membros do Consello de Goberno poidan tomar unha decisión máis fundamentada, foi invitada a profesora Dna. Belén Martín Lucas, que actúa como madriña da candidata, para que realice un breve resumo do currículo da candidata de dona Erín Moure.

A profesora Martín Lucas, dá lectura a un documento (Anexo I) no que, ademais de resumir a historia persoal da candidata, realiza unha defensa dos seus méritos, destacando a súa gran proxección internacional, e galardóns recibidos pola súa poesía. Indica que se trata dunha das poetas máis activas e experimentais no panorama norteamericano contemporáneo, e subliña a súa actividade como tradutora, crítica literaria e editora. Non esquece indicar a mentorización de moitos escritores e artistas e a súa capacidade dinamizadora, que deu pulo ao galego internacionalmente. Incide de xeito especial na colaboración coa Universidade de Vigo dende o ano 2008 con distintos departamentos e grupos de investigación, e finaliza destacando a súa actividade a prol das minorías lingüísticas, étnicas e sexuais.

Finalizada esta presentación, pregunta o reitor se alguén desexa algunha aclaración ou desexa facer un comentario.

O representante do Consello Social, Sr. Pérez Mato, intervén para expresar que está impresionado moi favorablemente e que considera que se trata dun premio moi merecido.

15

Non hai máis intervencións, polo que o reitor indica que ao reunir os requirimentos normativos, e tras verificar que a candidata reúne os méritos académicos de investigación axeitados e sendo posuidora das características persoais e de vinculación coa nosa Universidade, propón que a concesión do grao de “Doutora Honoris Causa” sexa por unanimidade.

Acéptase.

Punto 8. Aprobación, se procede, da proposta de modificación puntual na redacción do Regulamento de TFG.

O reitor cede a palabra á vicerreitora de Estudantes, quen introduce a modificación ao Regulamento, indicando que se refire só ao apartado 5 do artigo 8. Explica que xa na sesión do Consello de Goberno no que se aprobou esta normativa, algúns membros do Consello destacaron que este apartado tiña unha redacción ambigua, e daquela aprobárase coa matización de que sería necesaria un cambio na redacción.

Dá lectura á redacción actual do apartado 5: “Na súa normativa interna, o centro definirá o papel das persoas titoras e cotitoras na defensa, avaliación e cualificación dos traballos de fin de grao. As persoas titoras poderán, polo menos, estar presentes con dereito a voz no acto de defensa e nas deliberacións do tribunal de avaliación” e á proposta de nova redacción: “Na súa normativa interna, o centro definirá o papel das persoas titoras e cotitoras na defensa, avaliación e cualificación dos traballos de fin de grao. As persoas titoras poderán estar presentes con dereito a voz no acto de defensa. A súa participación nas deliberacións do tribunal de avaliación será excepcional e regularase na normativa interna do centro”. Explica a vicerreitora que queda claro que os titores e titoras non forman parte do tribunal, e se poden estar presentes ou non nas deliberacións deberá ser regulado por cada centro na súa normativa, pero sempre se considera excepcional.

Intervén o profesor Pérez Cota para realizar un comentario, en relación co artigo 9, no que se di que o centro “solicitará unha persoa titora na Universidade de destino e designará á persoa responsable do intercambio no centro como cotitora aos únicos efectos de supervisar os trámites a desenvolver na Universidade de Vigo” Indica que na Escola de Enxeñaría Industrial o responsable académico non ten só esta función.

Explica a vicerreitora que este artigo refírese exclusivamente aos TFG realizados noutra universidade dentro de acordos de mobilidade. Aínda que eses TFGs sexan realizados, supervisados e defendidos nesa universidade, necesitarán unha supervisión na UVigo, a efectos de verificar que se compren todos os requisitos da nosa normativa. Esta necesidade xurdiu porque houbera problemas nalgúns centros nos que non estaba definida esta figura, e introduciuse para que se verifique que se cumpren todos os trámites esixidos pola nosa normativa.

Apróbase por asentimento (Anexo II).

Punto 9. Aprobación, se procede, do Calendario e procedemento para a aprobación de propostas e de modificacións de titulacións de grao, máster e doutoramento para o curso 2017/18.

O reitor cede a palabra á vicerreitora de Organización Académica e Profesorado, quen explica que como cada ano preséntase o calendario e o procedemento para a presentación de propostas e modificacións de títulos de grao, máster e doutoramento, e que a proposta achegouse coa convocatoria.

Indica que tanto o procedemento como o calendario son similares aos do curso anterior. En principio, non se contempla a posibilidade de solicitar títulos novos de grao, aínda que no caso de máster e

16

doutoramento queda aberta a posibilidade de tramitar títulos que supoñan unha oportunidade para a universidade, é dicir, a oferta destes títulos debe limitarse á opcións de importancia estratéxica. En calquera caso, para que estes títulos fosen admitidos, deberían cumprir os requisitos do decreto de títulos, ao que dá lectura: “Os másters universitarios deberán cumprir tres das seguintes condicións: ser interuniversitarios; outorgar competencias profesionais; ter unha orientación laboral ou práctica; xustificar o apoio e colaboración de empresas e institucións do ámbito socioeconómico; ter garantidas as prácticas do estudantado, no caso de estar establecidas na memoria da titulación; cubrir a formación superior de persoal en áreas de elevada demanda laboral; ter carácter internacional”.

Explica que os prazos do calendario rematan antes do 1 de agosto, que é a data límite para a presentación de propostas ante a Consellería de Educación. Finaliza indicando que o documento que se presenta conta co informe favorable da COAP.

Non se formulan obxeccións nin comentarios, polo que se aproba por asentimento.

Punto 10. Aprobación, se procede, da Convocatoria de concesión de anos sabáticos para o curso 2016/2017 e os criterios de puntuación.

Cede a palabra, novamente, o reitor á vicerreitora de Organización Académica e Profesorado, quen presenta a convocatoria de anos sabáticos, similar á de anos anteriores; sendo os criterios tamén similares aos dos anos anteriores, baseados na valoración de quinquenios, sexenios e cargos de xestión recentes. Na convocatoria, establécese un prazo de presentación de solicitudes, ata o día 29 de febreiro, e delégase na COAP a adxudicación. Explica o procedemento de adxudicación que sigue a COAP: ordénanse as solicitudes pola puntuación obtida en función dos criterios anteriores, e concédense ata cubrir a dotación económica correspondente. Informa tamén que a proposta que se achegou coa convocatoria, ten informe favorable da COAP.

Non hai cuestións nin intervencións. Apróbase por asentimento.

Punto 11. Aprobación, se procede, dos Criterios de elaboración da programación docente anual (PDA) para o curso 2016/17.

A vicerreitora de Organización Académica e Profesorado, logo de aclarar que existe unha pequena errata na primeira páxina – onde di “estimación de horas matriculadas no curso 2014/15”, debe dicir “curso 15/16” –, presenta a proposta.

Explica que, para os títulos de grao, o cálculo realízase como os anos anteriores e se propón una lixeira diminución das horas para os títulos que imparten clase en grupos máis pequenos, co fin de non afondar nas diferencias entre títulos e ámbitos. En calquera caso, o documento establece que, excepcionalmente, a COAP poderá autorizar unha proposta cun maior número de horas sempre que se poidan desenvolver co cadro de persoal existente a tempo completo.

Indica a vicerreitora as novidades existentes na proposta deste ano. En primeiro lugar, permítese aos centros que asignen unha parte das horas para docencia en aula de TFG ou prácticas externas. Esta modificación introdúcese á petición dos centros, que consideran que hai horas que se poden impartir en grupos (metodoloxía de redacción de traballos, por ex.). Debe estar recollido na guía docente e na programación do centro. En segundo lugar, este ano os departamentos poderán solicitar aos centros a adscrición de materias que non tiñan asignadas no curso 2015/16. A solicitude, debidamente xustificada, deberá ser comunicada á Vicerreitoría de Organización Académica e Profesorado. E en terceiro lugar, prosegue, o documento incorpora a PDA e o POD para cursos e seminarios que se impartan en títulos de doutoramento. Estas actividades deben estar recollidas na memoria do título, e

17

deben implicar actividade presencial do profesorado cun grupo de estudantes. Esta primeira proposta debe considerarse un programa piloto, que permitirá, a través da experiencia adquirida, consolidar un procedemento estable. Tramitarase a través da EIDO. A elaboración da PDA e o POD de máster continúa como en anos anteriores, indica a vicerreitora, quen finaliza indicando que o documento ten informe favorable da COAP.

Finalizada a presentación da vicerreitora, o reitor abre unha rolda de intervencións. Toma a palabra, en primeiro lugar, o profesor Rodríguez Berrocal, para explicar o sentido do seu voto. Explica que votou en contra na COAP, e o fará novamente aquí. Indica que está en contra do tamaño medio de grupo; na súa opinión, a necesidade de controlar o gasto non debería facer que se xogue co número de horas que pode impartir un centro. Considera que se debe recoller a realidade da docencia dos centros, e, posteriormente, ver como se pode limitar o incremento do capítulo I. Debe abrirse a opción, en centros como o seu, de que se imparta docencia en grupos máis pequenos, negociando coa COAP.

O profesor Cuíñas Gómez indica que tamén na COAP votou en contra, porque con esta normativa a mesma materia co mesmo número de horas, dependendo como se deseñe o grupo, produce unha carga diferente. Considera que coa experiencia que se ten nos graos, xa se pode obter unha foto real da situación. Considera que o TMG non permite saber se temos profesorado suficiente para impartir a docencia.

Responde a vicerreitora ao profesor Rodríguez Berrocal, explicando que no deseño da normativa non se emprega como criterio o capítulo I, senón a racionalización dos recursos. Entende que a PDA que se presenta reflicte a realidade, xa que nos centros se imparte a docencia como se di que se realiza. Comenta que lle parece estraño o concepto de negociación coa COAP, xa que se trata dun órgano colexiado e engade que a flexibilización se leva a cabo cando non ten custo, pero non se debe realizar de calquera forma só porque non teña custo. É cuestión de que se faga de xeito racional, insiste. En relación coa intervención do profesor Cuíñas, indica que é certo que coas mesmas horas de profesor pódense facer distintos TMG, pero modificando as horas que recibe o alumno. E a intención da proposta é que os alumnos reciban o número de horas que lles corresponden.

Rematadas as intervencións, o reitor solicita a votación do punto. O resultado da votación é: 26 votos a favor, 4 en contra e dúas abstencións, polo tanto, apróbase a proposta (Anexo III).

Punto 12. Aprobación, se procede, da Normativa de dedicación do profesorado.

O reitor cede a palabra novamente a palabra á vicerreitora de Organización Académica e Profesorado, quen explica que neste punto, e no seguinte, preséntanse como dúas normativas diferentes conceptualmente, as que en anos anteriores reuníanse nunha única. Continúa dicindo que a normativa que se presenta pretende establecer un marco que regule a dedicación do profesorado que sexa estable no tempo. Así, para comezar, a dedicación do profesorado considérase de 1600 horas de traballo anuais repartidas en actividades docentes, de investigación e transferencia e de xestión.

Continúa explicando que, en primeiro lugar, establécese a redución que os cargos de xestión e representación implican na dedicación do profesorado a actividades docentes e de investigación e transferencia. As porcentaxes de redución que se propoñen aparecen na primeira táboa do documento. Cabe sinalar que, por primeira vez, figuran neste apartado cargos de representación en órganos de goberno da Universidade.

A capacidade restante distribúese en actividades docentes e de investigación e transferencia, ademais dunha pequena porcentaxe para actividades xerais de xestión (asistencia consellos de departamento, xuntas de centro, etc.). Na segunda táboa do documento figura a dedicación proposta en función do número de sexenios e da data de consecución dos mesmos. Prosigue a vicerreitora indicando que, dende que se aprobou a lei Wert, na UVigo intentouse moderar o seu efecto establecendo unha

18

intensificación docente intermedia. Na proposta actual, ademais das intensificacións docente e investigadora e da intensificación docente intermedia, inclúese una nova intensificación investigadora intermedia, situada entre a regular e a investigadora. Enténdese como un incentivo á obtención de sexenios polo profesorado máis novo ou con menos experiencia investigadora. Destaca a vicerreitora que estes recoñecementos intermedios supoñen un importante número de horas. A continuación explica excepcións que se establecen:

- Pola idade: O profesorado maior de 65 anos a quen lle correspondese o tipo D, quedará en DM

- As persoas, que de acordo coa normativa anterior tiñan dereito a una redución ao abandonar cargos académicos, manterán este dereito que non será aplicado a persoas novas a partir do inicio do curso.

- As persoas que acrediten impedimentos administrativos para a solicitude dun sexenio que puidese ser decisivo no cómputo, non se lles aplicará intensificación D ou DM.

- As persoas que acrediten períodos de baixas superiores a 9 meses que lles impedisen a solicitude dun sexenio que puidese ser decisivo no cómputo, non se lles aplicará intensificación D ou DM.

Na última táboa, figura a porcentaxe de dedicación a cada tipo de actividade en función do tipo de intensificación. A vicerreitora refire que a proposta que se presenta conta con informe favorable da COAP, pero que non foi aprobada na mesa de negociación.

En relación da posición da representación sindical, a vicerreitora coida que debe facer un percorrido polo acontecido nos últimos meses. Explica que tras a aprobación hai aproximadamente un ano das normas correspondentes ao curso actual, e tras o compromiso adquirido de elaborar una nova proposta de dedicación e recoñecementos, este punto foi incluído nunha reunión da mesa sindical o día 25 de maio de 2015, hai algo máis de 8 meses. Nesa reunión, solicitouse á representación sindical que achegase propostas, polo menos liñas xerais para a elaboración dese novo documento. Transcorridos máis de 4 meses sen recibir ningunha proposta, foi convocada una nova reunión o 6 de outubro co mesmo punto da orde do día. Solicitáronse de novo propostas que tampouco foron remitidas, polo que desde a vicerreitoría elaborouse un documento que foi debatido na reunión do día 14 de xaneiro de 2016. Nesta mesma reunión comunicouse que a proposta que se presentaría neste consello de goberno sería a de manter o número de horas por recoñecementos docentes do curso 2015/16.

Finaliza a vicerreitora referindo que a primeira emenda ou proposta (relativa unicamente a este documento) chegou o día 26 de xaneiro e as restantes o 10 de febreiro, hai tan só dous días.

Abre o reitor unha primeira rolda de intervencións que inicia o profesor Diez Ferrer que, en representación da UGT solicita que se retiren os puntos 12 e 13 por falta de negociación. Indica que o seu sindicato presentou unha proposta que cre lembrar que se leu na propia mesa. Considera que ambos puntos deben volver á Mesa de Negociación.

O Sr. Federico Fernández expón a posición da CIG (laboral e funcionario) dando lectura a un comunicado no que se especifica a postura do sindicato. Nel se indica que na mesa do xoves 14 de xaneiro de 2016, cando se presentaron dos dous borradores, a CIG de PDI funcionarios anunciou que posiblemente votaría en contra, igual que no curso pasado, pero que antes consultaría ós seus afiliados. Feita dita consulta, maniféstase en contra de ambas normativas porque segue a ser excesiva a carga docente do profesorado D (320 horas de clase). Solicita que non sexan aprobadas e que ambas as dúas normativas volvan á Mesa de Negociación do PDI, para mitigar a carga dese profesorado. Manifesta a oposición aos recortes que deterioran as condicións de traballo, suxerindo que se adopten normativas de recoñecemento menos lesivas como a da Universidade da Coruña. Na mesma liña, se manifesta a sección sindical da CIG PDI laboral (Pontevedra e Ourense) engadindo que a diferencia

19

entre a UdC e a Uvigo supón unha diferenza inaceptable entre as condicións do persoal laboral que se rexe polo II convenio colectivo do persoal laboral do SUG.

Intervén o profesor Rodríguez Berrocal, quen indica que non vai defender a postura dos sindicatos, pero lembra que no Claustro dixérase que estas normativas se debaterían cos decanos e directores. Considera que debería terse feito, xa que é un compromiso e debe respectarse. En canto ao fondo da normativa, expón que hai cambios sutiles que redundan nas persoas que realizan actividades fóra da docencia. Destaca que no listado de cargos, os únicos que reducen son os directores de departamento. Fai referencia, tamén, a que o traballo dos vicedecanos e secretarios de centros viuse incrementado polos graos, polo que considera que deberían repercutir no recoñecemento persoal, para que non se teña que recorrer á da bolsa de horas do centro. Continúa subliñando que, posto que o recoñecemento docente vincúlase ao grao de intensificación de cada profesor, iguais labores teñen recoñecemento distintos. Pon como exemplo o recoñecemento dun director de departamento, que coa actual proposta de normativa, en función da súa intensificación da persoa que ocupe o cargo, pode chegar a reducirse a metade da que tería coa normativa anterior. Indica, ademais, que o feito de contemplar que o seu cargo como director de departamento tamén reste da súa dedicación á investigación, non vai facer que lle dedique menos tempo. Por eses motivos votou en contra, e vai volver facelo.

O profesor González Santamaría intervén para indicar que na última reunión presentáronse documentos que non se consideraron. Asumen a petición de retirada dos puntos na orde do día, xa que é unha normativa que afecta ás condicións de traballo do PDI e debe ser negociada. Engade que a proposta é un documento opaco e confuso; que non recolle a multitude te traballos que realiza o PDI; que parece un documento elaborado exclusivamente por razóns económicas; e que conducirá a un deterioro das condicións dos profesores. Continúa dicindo que non se informa de como vai afectar esta normativa no propio cadro de persoal e, polo tanto, como representante do PDI-L non pode admitir unha normativa que sabe a repercusión que pode ter no seu colectivo. Anima a que se abra un verdadeiro proceso de negociación, coa vontade de chegar a acordos.

A profesora Belén Rubio comeza expresando a súa felicitación polo cambio na orientación do documento, no sentido de recoñecer o traballo realizado polo PDI. Manifesta que non está de acordo con algunha cousas, e así o expresou na COAP. Como, por exemplo, nas horas que se recoñecen polas actividades dos vicedecanos, pero valora positivamente a introdución da intensificación docente intermedia, que permite suavizar un pouco a Lei Wert, xa que non se pode eliminar. Supón que deste xeito o número de profesores a 320h será moito menor que sen este documento. Prosegue recoñecendo que tamén se modifica no documento algo que ela criticara na normativa anterior, que era o aumento de dedicación ao pasar de TU con 3 sexenios a CU con 3 sexenios; nesta proposta se reduce o impacto. Para finalizar, manifesta que cunha normativa é difícil contentar a todos e, aínda que hai cousas que non lle gustan, votou a favor na COAP e volverao a facer.

Intervén, a continuación, o profesor Álvarez Villamarín nunha liña similar á da profesora anterior. Manifesta que a vicerreitora cumpriu coa súa palabra, xa que se elaborou un documento partindo de cero, como prometera, facendo un recoñecemento do traballo do PDI. E polo tanto, na súa opinión, esta é unha normativa que cambia a filosofía das anteriores; trátase de facer un recoñecemento da actividade realizada. Expón que, aínda que se pode discrepar nas porcentaxes asignadas, xa non se trata dunha desgravación de horas de clase, como era ata o de agora e, na súa opinión, isto é un cambio importante. Lembra, tamén, que a vicerreitora dixera que, aínda que se modificara o documento, o resultado non variaría moito, xa que existen limitacións económicas impostas. Polo tanto, resume, hai recoñecementos cos que non está de acordo, pero apoia o cambio da filosofía e expresa o seu voto favorable á proposta.

Realiza unha reflexión relativa á aplicación do decreto Wert, xa que no seu momento se fixo o cambio de créditos ECTS a horas de clase, pero, na realidade, se aplica ao número de alumnos, polo

20

que o número debe afectar ao recoñecemento. Pon como exemplo as proporcións medias alumnos/profesor: no ámbito humanístico, 12; no ámbito científico, 6; no ámbito tecnolóxico, 24; e no xurídico-social, 26. En canto ao número de horas de clase, todos son iguais, pero en todo o resto das actividades hai un desequilibrio pernicioso que se mantén no tempo, porque todas as leis son homoxéneas. E isto se di, prosegue, pero non se fai nada porque temos limitacións, pero o certo é que as dedicacións docentes son distintas, e lle doe que non se recoñeza así. Insiste en que a dedicación docente non son as horas de POD, e cando se protesta contra dos documentos, iso non se di. Para finalizar, agradece a explicación do proceso sindical, que non entendía. Aclara que el é representante, pero non está na mesa. Reitera o seu vota a favor.

A vicerreitora de Organización Académica e Profesorado responde inicialmente aos representantes sindicais en conxunto, expresando a súa sorpresa porque este proceso iniciouse en maio, e daquela se solicitaron achegas e propostas e, insiste, os documentos da parte social chegaron entre onte e hoxe. Indica tamén que na propia COAP, cando se discutiu esta proposta había un representante sindical que manifestou a súa oposición pero, engade, non pediu a retirada do documento. Reitera que lle sorprende de que todo xurda nestes momentos. Explica que dar marcha atrás con esta convocatoria non implica que nos quedemos nun baleiro normativo, xa que a Lei Wert segue en vigor, e debe seguir aplicándose. Lembra que estas normativas son documentos voluntarios, nos que se intenta suavizar o decreto dalgún xeito, pero a Universidade non ten a obriga de facelo. Insiste novamente en que se realiza este tipo de propostas para temperar o impacto do decreto, porque todos cremos nisto, pero non é obrigatorio.

Engade a vicerreitora que temos vocación de negociación sindical, pero que o órgano no que se aproban as normativas é o Consello de Goberno, polo que non se debe subtraer deste órgano o debate e a decisión.

En relación coa proposta realizada, de que se asuma o documento da UdC de recoñecementos, indica que, en efecto é unha excelente carta aos reis magos, que contén unha excelente recompilación de recoñecementos, pero que remata dicindo: aplicarase se se pode. E, de feito, non se aplica. Aclara que cada universidade ten a súa propia maneira de actuar, e a UdC axusta no número de alumnos á súa capacidade; na UVigo non se realiza así. Explica que se manteñen os dereitos dos alumnos e se axusta a capacidade. Lembra que este documento foi presentado cando estallaron os condicionamentos económicos, polo que contén unha restrición xenérica que se aproba cada curso.

Continúa respondendo, a vicerreitora, ao profesor Rodríguez Berrocal. Confirma que, en efecto, a filosofía do documento é esa: un PDI que actúe como director de departamento deixará a docencia e a investigación de xeito proporcional ao tempo que lle dedique ao seu cargo.

En relación a se se negociou a proposta cos decanos e directores, di que si; falou con moitos deles e tamén confirma que se algún cargo rebaixa o seu recoñecemento é, en efecto o director de departamento, porque é algo que está no ánimo de moitos membros da Universidade e dos directores e decanos dos centros.

Con respecto á intervención da profesora Rubio Armesto, expón que se valorou a proposta de incrementar o recoñecemento dos vicedecanos. Pero, engade, se este recoñecemento vai a bolsa dos centros, estes poden decidir como se aplica.

Dá resposta, tamén, ao profesor Pedro González, indicando que os datos e gráficas presentados durante as negociacións empréganse para dar explicacións e información complementaria, non se poden confundir co texto da negociación. A este respecto, engade que o número dos profesores que, segundo o decreto Wert, deberían impartir 320 horas son 441 na UVigo, dos que o 15% pertencen a áreas con folgura, o 85% restante son beneficiarios desta normativa e tamén das anteriores.

21

Ao profesor Álvarez Villamarín respóndelle que os recursos poden ser escasos ou non, pero sempre serán limitados, polo que é necesario regularizar, para ser eficientes cos recursos dos que se dispoña. En canto ao desequilibrio existente entre ámbitos, é certo que existe.

Ábrese unha segunda rolda de intervencións, na que solicitan a palabra D. Bienvenido Diez, D. Pedro González, D. Federico Fernández e D. Xosé Carlos A. Villamarín.

O profesor Bienvenido Diez replica á vicerreitora, explicando que na COAP está como representante con voz pero sen voto, e engade que considera que a súa posición en contra da normativa era coñecida. En canto á proposta de negociación, di que UGT presentou a súa para que o cálculo dos recoñecementos se realice de distinta forma. Agradece o esforzo realizado pola vicerreitora, pero están en contra da proposta.

Intervén o profesor González Santamaría, quen, en referencia ao dito pola vicerreitora de que as reducións son potestativas da Universidade, lamenta que sexamos tan escrupulosos coa aplicación da lei neste caso e non noutros casos. En relación ao proceso de negociación, di que houbo xente que se decatou aquí, realmente moitos pensaban que a negociación sería máis longa.

Neste sentido se manifesta tamén o Sr Federico Fernández, quen di que todos pensaban que a negociación ía ter máis recorrido. Destaca que ninguén na Mesa de Negociación estaba de acordo co documento.

O profesor Álvarez Villamarín puntualiza que, en efecto, os recursos son sempre limitados, pero nos últimos son escasos. Subliña, novamente, que non poden existir tantas desigualdades entre ámbitos; que a causa non é só o decreto Wert, senón a translación en horas de docencia, isto é o que, na súa opinión, causa a desigualdade.

Responde a vicerreitora ao profesor profesor Bienvenido Díez, indicando que a súa postura en contra á normativa, en efecto, xa era coñecida. Pero, engade, de aí a pedir a retirada do documento hai moita distancia.

Ao profesor González Santamaría confírmalle que si somos escrupulosos co cumprimento da lei.

A D. Federico Fernández, respóndelle que é certo que os sindicatos non están de acordo co documento, pero que lle foron solicitadas propostas á parte sindical. Entende que non corresponde aos sindicatos a elaboración do documento, pero si facer achegas en canto ás liñas xerais.

Finalizada a rolda de intervencións, o reitor propón a votación da proposta presentada, producíndose o seguinte resultado: 23 votos a favor, 4 en contra e 6 abstencións. Polo tanto, apróbase a proposta (Anexo IV).

Solicita a palabra a profesora Esther Pillado, quen desexa explicar o sentido da súa abstención; especificando que se debe ao impacto negativo que esta normativa terá no seu departamento.

Punto 13. Aprobación, se procede, da Normativa de recoñecemento de actividades docentes do PDI.

Comeza a presentación deste punto a vicerreitora de Organización Académica e Profesorado, indicando que as actividades divídense en dúas categorías:

‐ Por una banda, as actividades docentes xa realizadas (Titorización de TFG, TFM ou PFC, dirección de teses, docencia en inglés, atención a materias LRU en extinción). Todas estas actividades aparecen reflectidas en horas totais de recoñecemento (non en horas de ADB).

‐ Por outra banda, aparecen outras actividades de xestión da docencia, que aparecen cun valor en puntos que será trasladado ao correspondente en horas en función das horas totais dispoñibles. Deste xeito, no marco desta normativa os recoñecementos teñen carácter estable

22

pero o número de horas totais está sometida a aprobación anula en función das dispoñibilidades orzamentarias anuais.

A proposta de horas totais para o vindeiro curso se someterá a aprobación no punto seguinte, pero adianto que corresponderá ao mesmo número que no curso 2015/16. Con este número máximo de horas e, tendo en conta os valores que se reflicten na táboa, estimamos que o valor de cada punto corresponderá a 1h aproximadamente. Seguindo con esta previsión, explica a vicerreitora, a bolsa de horas que correspondería aos centros sería aproximadamente a do curso actual máis as correspondentes a coordinación de graos, cunha leve melloría para os centros con máis estudantes. A este respecto destaca dúas vantaxes deste sistema:

‐ Os centros poden destinar distinto número de horas á coordinación dos graos en función da complexidade dos títulos.

‐ En anos vindeiros, una eventual incremento do número de horas podería destinarse ao reforzo de calquera das tarefas contempladas neste ou noutros puntos desta normativa ou da normativa de dedicación.

A vicerreitora engade que non parece preciso repetir o que xa foi comentado no punto anterior respecto da posición sindical, que incluía tanto ao documento anterior coma a este. Finaliza indicando que esta proposta conta co informe favorable da COAP.

O reitor abre unha rolda de intervencións, tomando a palabra en primeiro lugar o profesor Rodríguez Berrocal explicando que agradece á vicerreitora polo cumprimento de celebrar unha sesión de debate na COAP en relación con este punto e o anterior, para que puideran expresar a súa opinión.

En canto a este documento manifesta o seu desacordo co texto, por unha parte, polo feito de que o recoñecemento dos TFG se realice o ano seguinte, e de que o recoñecemento do traballo realizado polo profesor dependa do alumno así, só se recoñece si o alumno se presenta e aproba. Remarca que tamén nese apartado parece que hai un deslizamento do recoñecemento individual cara ás bolsas dos centros, que se repartirán con posteriroridade, polo que ninguén ten claro o que se lle vai recoñecer.

O profesor González Santamaría subscribe a intervención anterior, e reitera o que xa dixo no punto anterior.

De xeito similar o Sr. Federico Fernández reitera a posición da CIG á proposta presentada.

O profesor Díez Ferrer reitera a súa oposición e manifesta o apoio de UXT a unha revisión total da normativa.

Intervén o profesor Álvarez Villamarín que se posiciona en contra das bolsas dos centros, xa que di que son pouco representativas do traballo de xestión, sobre todo nos centros grandes. Manifesta que votará a favor, porque esta normativa abre una liña. Considera que se debe facer unha reflexión en relación co censo de grupos de innovación docente o que podería ter como consecuencia o recoñecemento da innovación.

Responde a vicerreitora na mesma liña que antes, en canto a negociación sindical. En relación coa intervención do profesor Rodríguez Berrocal, di que sorpréndelle ese deslizamento, que non é consciente de que existe, pero se o hai, xa estaba na anterior normativa. En canto ás horas que corresponden de recoñecemento ao profesorado, cada profesor saberá en marzo ou abril cales son as súas horas.

Finalizadas as intervencións, o reitor solicita que se vote a proposta. Finalizado o reconto apróbase a normativa (Anexo V) por 23 votos a favor, 5 en contra e 6 abstencións.

23

Punto 14. Aprobación, se procede, do teito máximo de horas destinadas a actividades docentes complementarias.

O reitor cede a palabra á vicerreitora de Organización Académica e Profesorado, quen explica que se propón un número de horas totais de 256000 para o curso 2016/17, que equivalen ás que había o curso pasado (aproximadamente 64000 h), pero multiplicadas por catro.

Na quenda de intervencións, o profesor Rodríguez Berrocal opina que cre que debe desligarse o recoñecemento das actividades extra docentes do custo económico, salvo no caso de que o recoñecemento implique contratación de persoal. Na súa opinión, deben recoñecerse todas as actividades que o PDI realice, con independencia de que logo teñamos que limitar o cadro de persoal e non se poida repercutir no POD. Polo tanto, non está de acordo co límite que supón o teito máximo.

A vicerreitora responde que non está de acordo con esa postura, xa que incrementaría os desequilibrios entre o profesorado de ámbitos ou áreas diferentes.

Rematadas as intervencións, o reitor solicita que se vote a proposta. Apróbase a normativa por 21 votos a favor, 2 en contra e 8 abstencións.

Punto 15. Aprobación, se procede da modificación da Normativa de Programa Conxunto de estudos oficiais de grao na Universidade de Vigo.

Presenta este punto a vicerreitora de Organización Académica e Profesorado, indicando que na documentación que se achegou coa convocatoria desta sesión están marcados os cambios que se propoñen. Indica que son, en realidade, cambios técnicos introducidos a petición dos servizos ou dos centros.

Aclara que as ofertas de PCEO están pensadas para ofrecer aos alumnos unha formación combinada que responde a unha demanda concreta que se recolle na Memoria de cada programa conxunto. Como a introdución dos contidos se realiza de xeito gradual, non se permite a matrícula de estudantes que xa teña un dos títulos que constitúen o programa. Polo tanto, se introduce a posibilidade de que a Universidade anule de oficio a matrícula dos alumnos que incumpran dita condición. Tamén se introducen aclaracións, como que se entende por curso completo, establécense as condicións de traslado, e outros detalles técnicos.

Destaca a vicerreitora que no artigo 10 se recolle un aspecto importante relativo ao recoñecemento dos créditos. Indícase que a solicitude resolverase polo centro no momento en que supere o total de créditos correspondente ao plano de estudos do PCEO, agás os do Traballo de Fin de Grao

Engade para finalizar que estes cambios están tratados tanto cos centros como cos servizos correspondentes.

Apróbase por asentimento (Anexo VI).

Punto 16. Aprobación, se procede, do Programa de captación de talento investigador de excelencia da Universidade de Vigo, convocatoria 2016.

Cede o reitor a palabra á vicerreitora de Investigación e Transferencia para realizar a presentación deste punto. Lembra a vicerreitora que na reunión de Consello de Goberno de 17 de xullo de 2015 foi aprobada a primeira edición do Programa de captación de persoal de investigación de excelencia da Universidade de Vigo. O obxectivo deste programa é facilitar a incorporación á nosa institución de persoal investigador de moi alto nivel, e de calquera ámbito de coñecemento, que poida impulsar un salto cualitativo nos resultados de I+D+i e o posicionamento internacional da institución.

24

Explica que se somete hoxe a aprobación a continuidade deste programa de captación, a través da convocatoria correspondente ao ano 2016. Hai moi poucos cambios con respecto á convocatoria do ano anterior, salvo algúns aspectos formais e a introdución explícita da posibilidade de continuidade dos contratos formalizados, máis aló dos 5 anos iniciais, suxeito á superación un proceso esixente de avaliación.

Para rematar, indica a vicerreitora que a convocatoria foi aprobada por unanimidade en Comisión de Investigación de 5 de febreiro de 2016.

Intervén o profesor Reigosa Roger para indicar que hoxe na prensa o presidente da Comunidade presume do récord logrado en investigación, sería necesario comunicarlle que a Universidade de Vigo ten que sacar “do seu peto” unha medida como esta, tan necesaria, mentres que noutras comunidades autónomas é o goberno o que promove o programa de captación de talento.

Responde o reitor, subscribe as súas palabras e así o expresou nos foros pertinentes, aínda que as súas palabras non teñan eco nos medios. Destaca que aínda é peor cando o presidente da Xunta se atribúe o mérito da captación destas figuras. Fai fincapé en que esta é a única universidade de España que levou a cabo este programa de seu, porque a súa comunidade non o implantou. Parece que proximamente si que haberá un programa autonómico, polo que esperamos que se recupere a contía invertida neste programa propio de captación de talento.

Apróbase por asentimento (Anexo VII).

Punto 17. Aprobación, se procede, do Programa da Universidade de Vigo para a captación de persoal investigador seleccionado nas convocatorias do Consello Europeo de Investigación (ERC), convocatoria 2016.

O reitor cede novamente a palabra á vicerreitora de Investigación e Transferencia, para presentar esta modalidade específica de programa de captación de persoal investigador de excelencia.

A vicerreitora comeza lembrando que na sesión de Consello de Goberno de 27 de novembro de 2015 aprobouse a primeira edición do Programa da Universidade de Vigo para a captación de persoal de investigación seleccionado nas convocatorias do European Research Council. O obxectivo deste programa é facilitar a incorporación á nosa institución de persoal investigador de excelencia, como é claramente o caso dos adxudicatarios deste tipo de axudas.

Sométese hoxe a aprobación a continuidade deste programa de captación, a través da convocatoria correspondente ao ano 2016. Hai moi poucos cambios con respecto á convocatoria do ano anterior, salvo algúns aspectos formais e a introdución explícita da posibilidade de continuidade dos contratos formalizados, máis aló dos 5 anos iniciais, suxeito á superación un proceso esixente de avaliación.

Finaliza a vicerreitora indicando que a convocatoria foi aprobada por unanimidade en Comisión de Investigación de 5 de febreiro de 2016.

Non hai intervencións e acórdase a aprobación por asentimento do programa (Anexo VIII).

Punto 18. Estimación, se procede, contra o recurso de alzada de D. José Antonio Fraiz Brea, contra a convocatoria e acordos da Xunta de Facultade de Ciencias empresariais e Turismo do 17/11/2015.

O reitor cede a palabra á secretaria xeral, tras lembrar que foi invitado a participar o profesor Fraiz Brea, con voz e sen voto. A secretaria xeral comeza corrixindo o enunciado do punto, no que, como fixo constar o profesor Fraiz, sobra o primeiro “contra”. Feita esta corrección, explica que con data 16/12/2015 o profesor D. José Antonio Fraiz presenta recurso de alzada contra a convocatoria e

25

contra os acordos tomados na devandita Xunta de Facultade de Ciencias empresariais e Turismo, argumentando a existencia das seguintes irregularidades:

‐ Ausencia da documentación relativa aos puntos do 3 ao 8 da orde do día, isto é todos os puntos a debater, agás a acta da sesión ordinaria do día 9/10/2015.

‐ En relación co tratamento do punto 8 da orde do día “Aprobación, se procede da proposta de modificación de membros da comisión académica de 3 másteres”, ademais da falta de información, engade o incumprimento do artigo 4 do Regulamento de Estudos de Posgrao da Universidade de Vigo.

Informa a secretaria xeral de que, como é habitual, solicitouse un informe ao servizo de Asesoría Xurídica, que se toma como base para esta exposición. Prosegue indicando, con respecto ao primeiro apartado, que de ser certa á ausencia de documentación dos puntos da orde do día da convocatoria, incorreríase en nulidade de pleno dereito, xa que se vulnerarían as regras esenciais para a formación da vontade dos órganos colexiados. Para aclarar este punto, foi solicitado un informe ao decanato da Facultade de CC. Empresariais e Turismo, e nel se indicaba que toda a documentación estaba a disposición de calquera membro da Xunta de Facultade na Secretaría do Decanato en horario de 8 a 14,30 horas. Engade que o procedemento habitual é incorporar un vínculo no correo electrónico que dirixe a un repositorio que contén toda a documentación. Nesta ocasión, a empresa que realiza este proceso demorou moito e a documentación non estivo accesible á tempo. Pero recalcan que o procedemento electrónico non está recollido na normativa, e a documentación “en papel” si que estaba na secretaría.

Continúa a secretaria xeral explicando que o Regulamento de réxime interno da Facultade de Ciencias Empresariais e Turismo non establece un procedemento para facer chegar a documentación necesaria aos membros da Xunta de Facultade. Pero si indica, na disposición adicional segunda, que “Para o que non estea disposto no presente Regulamento, nin nos estatutos da universidade, aplicarase o que dispón a Lei de Réxime Xurídico das Administracións Públicas e de Procedemento administrativo Común”. E esta lei dispón no seu artigo 24 a) que en cada órgano colexiado corresponde aos seus membros recibir, cunha antelación mínima de 48h, a convocatoria contendo a orde do día das reunións. A información sobre os temas que figuren na orde do día estará a disposición de todos os membros en igual prazo”.

Polo tanto, conclúe o informe de Asesoría Xurídica que, dado que a documentación estivo a disposición de todos os membros da xunta de facultade, cúmprese a normativa vixente e non se aprecia ningunha outra posible infracción do ordenamento xurídico.

En relación co posible incumprimento do artigo 4 do Regulamento de Estudos de Posgrao da Universidade de Vigo, dito artigo 4 foi modificado no Consello de Goberno de 18/12/2013 e recolle, en efecto, como indica o reclamante que: A composición da Comisión Académica do Máster será aprobada polo Centro. O/A coordinador/a do máster enviará ao Centro responsable a proposta de membros da mesma para a súa aprobación en Xunta de Centro. Non obstante, di a secretaria xeral, a disposición transitoria primeira de dita modificación dispón que as actuais Comisións Académicas dos Másters poderán manter a súa composición e funcións se así o desexan ata que modifiquen a memoria da titulación.

Segundo consta na acta da sesión da Xunta de Facultade de CC. Empresariais e Turismo de 17/11/2015, e a documentación da que dispoñemos, mantense a composición das CAM dos tres másteres (anterior ao acordo de CG de 18/12/2013), modificando tan só o responsable de calidade. Informa a secretaria que, antes da modificación, a composición das Comisións Académicas dos Másters, era:

- O Presidente/a, que será o/a coordinador/a do POP.

26

- O Secretario/a nomeado/a pola dirección do centro no que estea adscrito o POP.

- Un membro da comisión de calidade do centro no que estea adscrito o POP, nomeado polo centro.

- Catro vogais que impartan docencia no POP. Na súa selección procurarase que se garanta a representación dos ámbitos das materias presentes no plan de estudos.

Polo tanto, continúa a secretaria xeral, correspóndelle á Xunta de Facultade a súa elección, sen que se prevea na normativa que o coordinador poida formular unha proposta en tal sentido. Respecto aos coordinadores, son membros da CAM, polo que estaría incluído dentro do punto 8 da orde do día da convocatoria: “Aprobación, se procede, da proposta de modificación de membros da Comisión Académica do Máster en Creación, Dirección e Innovación na Empresa (CIDIE); do Máster en Xestión Empresarial do Deporte e do Máster Universitario en Dirección e Planificación do Turismo Interior e de Saúde”.

En base ao exposto esta Reitoría considera que procede a desestimación do recurso interposto por D. José Antonio Fraiz Brea.

Intervén o profesor Fraiz Brea agradecendo á secretaria xeral a súa exposición, e explica que intentará convencer aos membros do Consello de Goberno empregando o sentido común.

Comeza reiterando que existe falta de documentación, que parece que non temos dereito a ela, senón que hai que ir a buscala, parece mentira, di, que nunha universidade innovadora como esta, teñamos que volver aos métodos do pasado. Continúa dicindo que segundo o informe da AX non está escrito en ningún lado que debamos ter dereito á documentación. Pero, do mesmo xeito que un índice non e un libro, unha convocatoria é so o índice, faltan os contidos. Debemos que ter acceso a eles, prosegue, e iso está recollido no regulamento de réxime interno dos órganos colexiados: os membros teñen dereito a recibir a documentación con 48 horas de anticipación. É algo coñecido por todos. Insiste en que non parece axeitado que teña que acudirse a unha secretaría para acceder a información. Hai que aplicar o sentido común.

Con respecto ao seguinte punto, indica o profesor Fraiz que, lendo tan só o enunciado, non se pensaría que se modifique o presidente da Comisión Académica. Na opinión do profesor, a Asesoría Xurídica comete un erro, tal vez porque considera a modificación un tema menor, pero o problema, explica, é que son tres másteres con características diferentes: en dous deles se modifica a composición cambiando o coordinador, e no terceiro o representante de calidade. Indica que un dos másteres se fixo unha modificación da memoria, polo que debería ser o coordinador o que propuxera a modificación da CAM.

Intervén a continuación a profesora Elena Rivo, como decana da Facultade de Ciencias Empresariais e Turismo, quen explica que antes da Xunta de Facultade se puxo en contacto coa Secretaría Xeral, que aclarou o xeito de proceder e actuouse en todo momento seguindo estas recomendacións, e procurando que as solicitudes dos responsables dos másteres foran atendidas en tempo e forma. Explica que no Máster en Xestión Empresarial do Deporte, o cambio na coordinación produciuse porque o coordinador se ía de estadía. Agradece a colaboración da Secretaría Xeral e da Asesoría Xurídica.

Responde a secretaria xeral que en base a documentación que nos consta, o servizo de Asesoría Xurídica emitiu o seu informe, que nós asumimos e, en base a el, realízase a proposta que agora se presenta para a súa aprobación.

Intervén novamente o profesor Fraiz para indicar que xa que se modificaron as memorias de dous másteres, hai unha obriga de modificar a composición da CAM, e insiste tamén na súa dúbida en relación co punto 4.

27

Responde a decana explicando que tamén se realizou unha consulta coa Área de Posgrao e confirmaron que se podía realizar tal e como se fixo.

Finalizadas as intervencións, o reitor propón a aprobación da proposta de desestimación. Apróbase por asentimento.

A continuación, informa o reitor de que os puntos seguintes da orde do día poden ser tratados conxuntamente, xa que aínda que afectan a persoas diferentes, os contidos son idénticos. Lembra tamén que as dúas doutorandas implicadas foron invitadas a participar, con voz e sen voto.

Punto 19. Estimación, se procede, do recurso de alzada presentado por Dna. Mª Carmen Trinidad López, solicitando a nulidade das reunións do Consello de Dpto. de Bioloxía, Xenética e Inmunoloxía dos días 7/7/2015 e 16/11/2015.

Punto 20. Estimación, se procede, do recurso de alzada presentado por Dna. María Eloísa Santos Armentia, solicitando a nulidade das reunións do Consello de Dpto. de Bioloxía, Xenética e Inmunoloxía dos días 7/7/2015 e 16/11/2015.

Cede o reitor a palabra á secretaria xeral, quen pasa a resumir de xeito moi breve os antecedentes de este tema, así como as principais indicacións recollidas no informe que emite Asesoría Xurídica en relación con este tema.

1.-O 3 de agosto de 2015 Dna. Mª Carmen Trinidad López e Dna. María Eloísa Santos Armentia, interpuxeron recurso de alzada contra o acordo adoptado o 7 de xullo polo Consello de Departamento de Bioquímica, Xenética e Inmunoloxía, de non aprobación das súas solicitudes de admisión a trámite das súas teses de doutoramento.

2.- Este recurso foi tratado no Consello de Goberno, na súa sesión de 29 de outubro, e acordouse a estimación parcial do mesmo, debendo retrotraerse o procedemento para que o Consello de Departamento de Bioquímica, Xenética e lnmunoloxía argumentara as razóns da denegación, no exercicio das competencias atribuídas pola norma.

3.- Para cumprir este acordo, o Consello de Departamento reuniuse o 16 de novembro de 2015, e segundo consta na acta acordaron o seguinte procedemento: “ El director explica que hay un borrador redactado por los miembros del departamento que votaron negativamente la adminisión a trámite de las tesis para motivar su decisión, basándose en los criterios generales aprobados por asentimiento en un Consejo de Dpto. Celebrado el 14 de diciembre de 2010. A continuación ábrese un turno de palabra no que interveñen as doctorandas, e varios miembros del departamento ( África González, Fuencilsa San Juan , Emilio Gil y el director del Departamento). Posteriormente se procede a la votación del documento, en el que se argumentan los motivos de la no adminisión a trámite para cada una de las Tesis. El resultado es de 20 votos a favor, 5 en contra y 2 abstenciones, por lo que el documento de motivación queda aprobado y se procederá a comunicarlo a las doctorandas y al Director de la tesis”.

4.- Recibida esta comunicación, as doutorandas interpoñen recurso de alzada alegando que “la decisión adoptada adolece de un vicio de nulidad de pleno derecho no solamente porque se han inobservado los criterios más elementales en la formación de la voluntad del órgano colegiado, sino también porque los miembros que constituían dicho órgano eran incompetentes por razón de la materia para emitir un juicio crítico sobre el contenido de la tesis” art. 62b de la Lei de Régimen Jurídico de las Adm. Públicas y Procedimeinto adm. Común.

28

No seu recurso, continúa a secretaria xeral, as reclamantes detallan os distintos aspectos que sustentan esta afirmación, replicando os argumentos presentados no informe emitido polo Consello de Departamento. Toda esta documentación foi achegada aos membros deste Consello de Goberno, xunto co informe que a este respecto emitiu a Asesoría xurídica e que sustenta a proposta que aquí se presenta.

Subliña a secretaria xeral que o obxecto do recurso debe limitarse ao acordado na sesión do Consello de Departamento de Bioquímica, Xenética e Inmunoloxía de data 16 de novembro de 2015, é dicir, á motivación da inadmisión a trámite da tese de doutoramento. E a secretaria xeral pasa a dar lectura aos argumentos aducidos polos membros do departamento que votaron en contra da admisión a trámite das teses de Dna. Mª Carmen Trinidad López e dona Mª Eloísa Santos Armentia.

Polo tanto, esta reitoría considera que o Consello de Departamento, executou o acordo tomado neste Consello de Goberno o día 29 de outubro e, no exercicio da súa competencia, acordou inadmitir a trámite as teses de doutoramento das recorrentes argumentando a súa decisión, sobre a base de normas coñecidas con anterioridade (aprobadas na súa sesión de 14/12/2010). Ademais, nesa mesma sesión o propio Consello de Departamento acordou unha serie de recomendacións relativas á realización da tese doutoral, que segundo se recolle na súa motivación, non foron atendidas polas recorrentes.

Por estes motivos, conclúe a secretaria xeral, procede a desestimación dos recursos presentados proposta que se somete á consideración do Consello de Goberno.

Antes de abrir unha rolda de intervencións, o reitor reitera que o que corresponde dirimir aquí é si o consello de departamento cumpriu co mandato do CG de argumentar a decisión tomada. De ser así, compre desestimarse o recurso.

Intervén dona Eloísa Santos, quen explica que estaba matriculada en Madrid e veu aquí cando se aprobou o programa de doutoramento de ciencias da saúde e no departamento lle indicaron os requirimentos, congresos, artigos, etc. Ao longo dos cinco anos, fixo os traballos seguindo as indicacións do seu director. Do que, no primeiro Consello de Departamento, moitos dos que votaron en contra recoñeceron que non sabían do tema e mesmo argumentaron que non lles gustaban as teses a tempo parcial. Por iso presentaron o recurso en contra desa decisión e cando recibiron os argumentos os consideran de moi escaso calado científico.

Dona Mª Carmen Trinidad López engade que na segunda sesión do Consello de Departamento, intentaron explicar porque lles parecían incorrectas as argumentacións e naquel momento algúns membros do consello propuxeron que se reavaliaran as teses. Pero sorprendeulles que fora o profesor Rodríguez Berrocal o que dixera que se volvía ao Consello de Departamento anterior. Quéixase de que non se avalíe o contido científico das teses; di que elas querían que fose avaliados por unha comisión de expertos.

Intervén o profesor Rodríguez Berrocal, como director do Departamento, e agradece as verbas da secretaria xeral que resumen e as do propio reitor que centra o tema.

Comeza contextualizando o problema, aclarando que o programa de doutoramento de Ciencias da Saúde, un gran número dos alumnos son médicos, e cada un presenta unha casuística diferente, polo que no Departamento acordouse tomar unha serie de criterios comúns para todos, para analizar a admisión a trámite das teses, que foron aprobados por unanimidade. Ao longo do proceso, el intentou que as doutorandas modificaran as súas teses en función destes criterios. Explica que estes criterios non entran a valorar a calidade dos contidos da tese, senón que establecen uns mínimos de rigor (extensión, estrutura, publicacións...). E, por suposto, que todos os membros do Departamento están sobradamente capacitados para valorar se as propostas de teses cumpren estes criterios. De feito,

29

continúa, hai 18 persoas que non presentan a tese doutoral porque non cumpren estes requisitos. Insiste en que non se cuestiona a calidade científica.

Reitera que o acordo do Consello de Goberno centrábase na necesidade de motivar a decisión tomada no Departamento e, de feito, el votou a favor da admisión parcial destes recursos nesa sesión do CG. E así se fixo no Departamento: procedeuse a motivar a decisión tomada, non correspondía volver a avalialas. Como director do Departamento, propuxo que as persoas que votaron en contra elaboraran un borrador que recollera as argumentacións e logo procedeuse a votar o texto: acadando 20 votos a favor, 5 en branco e tres abstencións. Comunicouse as alumnas e ao seu director, como tamén indicaba o acordo de CG, e con posterioridade recibiuse un novo recurso, no que as doutorandas se opoñen e alegan en contra de todos os argumentos. Finaliza mencionando que neste caso a lexislación coincide coa lóxica, do cal se alegra.

O Sr. Pérez Gómez intervén só para facer unha reflexión: considera se parece lóxico que se rexeite unha tese por 3 votos. Non desexa entrar no debate, simplemente fai o comentario.

Intervén o reitor para reiterar que, diante de este recurso de alzada, compételle ao Consello de Goberno valorar se foi cumprido o acordo que se tomou aquí. Lembra que nos programas de doutoramento antigos a potestade de admitir unha tese a trámite, ou non corresponde ao departamento. O que podemos facer, continúa, é verificar que se cumpra a normativa no procedemento, xa que a calidade da tese doutoral será valorada polo tribunal de expertos, e mesmo se recorre a un panel de expertos. Pero para iso ten que estar admitida a trámite: nos programas actuais esta competencia a teñen as comisións académicas, pero coa lei anterior era competencia do departamento e, lembra o reitor, os acordos poden tomarse mesmo por maioría simple.

Intervén a vicerreitora de profesorado na mesma liña, subliñando que corresponde ao Consello de Goberno valorar se o procedemento foi cumprido correctamente, non se a calidade das teses é maior ou menor. Lembra tamén que nestes tempos se está a producir una gran cantidade de defensas de teses, porque se rematan os prazos dos programas de doutoramentos antigos. Insiste en que neses casos o departamento ten a competencia total e que así o indica o informe de asesoría xurídica

Intervén de novo o profesor Rodríguez Berrocal para engadir que el mesmo lles propuxo ás alumnas que entrasen noutro programa de doutoramento; que mesmo contactou co coordinador para que fose aceptadas; enviou as teses á comisión académica para que valorase se esas proposta de teses sería aprobadas no novo programa; e mesmo lles aconsellou que, tal vez, poderían modificar algúns aspectos, para que non tiveran problema. Comenta tamén que se volveu a abrir o prazo de matriculación, que contempla a realización de teses a tempo parcial. Mesmo falou co EIDO para preguntar se terían que cumprir as limitacións temporais de 18 meses que contempla a nova normativa, e lle informaron que ao ter cuberto un programa de doutoramento previo, non sería necesario ese tempo de demora. Remata concluíndo que resulta evidente que dende o Departamento se fixo todo o posible por axudar a estas alumnas.

Finaliza o reitor reiterando que a competencia do Consello de Goberno é valorar o cumprimento do mandato emanado do acordo que se tomou na sesión do de 29 de outubro, de ser así debe ser desestimado o recurso.

Apróbase por asentimento.

Punto 21. Proposta de nomeamento, se procede, dos representantes do alumnado na Comisión de Mobilidade Internacional da Universidade de Vigo.

O reitor cede a palabra ao vicerreitor de Extensión Universitaria.

30

Expón o vicerreitor que o Regulamento de Mobilidade Internacional da Universidade de Vigo, aprobado na xuntanza do Consello de Goberno de 7 de maio de 2013, crea no seu Artigo 6 a Comisión de Mobilidade Internacional como comisión técnica que ten como obxectivo velar polo desenvolvemento do Regulamento citado. Os membros de dita Comisión (que non é delegada de CG) serán nomeados polo reitor a proposta deste Consello de Goberno, e a súa renovación é cada catro anos, agás no caso das e dos representantes do estudantado, que terá lugar cada dous anos.

Nestes momentos cumpre renovar os dous membros estudantes da Comisión de Mobilidade Internacional, e a Vicerreitoría de Extensión Universitaria e Relacións Internacionais propón que, se procede, este Consello de Goberno á súa vez propoña ao reitor o nomeamento das estudantes:

‐ Sabela Bará Louro, alumna do Máster Universitario en Profesorado en Educación Secundaria

‐ Raquel Armán Prieto, alumna do Máster Universitario en Traducción Multimedia

Lembra o vicerreitor que este punto xa foi levado a outro CG, pero fora retirado porque non estaba negociado cos estudantes. Nesta ocasión, xa se chegou a un acordo con eles.

Prosegue informando de que ambas estudantes acaban de comezar este curso un período de formación na Oficina de Relacións Internacionais, simultaneamente cos seus estudos universitarios e, por esta razón e polo seu perfil, a Vicerreitoría considera que son idóneas para formar parte da Comisión citada. A Vicerreitoría xa confirmou coas candidatas que estas aceptarían o nomeamento.

Polo tanto, conclúe o vicerreitor, proponse que o Consello de Goberno eleve ao reitor a proposta de nomeamento de Sabela Bará Louro e Raquel Armán Prieto, como membros da Comisión de Mobilidade Internacional.

Apróbase por asentimento.

A continuación, o reitor cede a palabra á Secretaria Xeral para que informe dos puntos relativos ás eleccións.

Punto 22. Elección de representantes na Comisión de Reclamacións a Prazas de Profesorado Contratado: 1 Estudante.

A secretaria informa de que non se presentaron candidaturas, polo que non hai que realizar votacións.

Punto 23. Elección de representantes na Comisión de Planificación e Asuntos Económicos: 1 Estudante e 1 PDI.

Indica a secretaria que no sector PDI presentouse unha única candidatura, a de D. Enrique Valero Gutiérrez del Olmo. Polo que, non procede realizar votacións, resultado elixido o único candidato.

No sector de estudantes, continúa, non se presentaron candidaturas.

Punto 24. Elección de representantes na Comisión de Extensión Universitaria e Estudantes: 1 PDI.

Non se presentou ningunha candidatura, quedando a vacante para posteriores Consellos de Goberno.

31

Punto 25. Rogos e preguntas.

Toma a palabra o profesor Rodríguez Berrocal, formulando varias cuestións dirixidas, en principio, ao xerente da UVigo.

Indica que preguntou en contabilidad e para ver se se incorporaran os créditos remanentes, e lle infonnaron que aínda non estaban incorporados, a pesar de que o aplicativo de xestión foi creado para isto, subliña.

Responde o xerente que a incorporación finalizará en breve. A idea é que xa estivera realizada no mes de xaneiro, de feito , as incorporacións para centros xa están efectivas dende este mes.

Pregunta, tamén, pola anulación do convenio con FEUGA para a xestión de proxectos, sen que se comentase cos investigadores.

Responde o reitor como presidente de FEUGA, e explica que, polos cambios producidos na lexislación, hai un ano e medio que o convenio con FEUGA non está adaptado á lexislación vixente na actualidad e, en especial na xestión de contas, que deben pasar pola tesourería da Universidade. Outro aspecto que debe ser considerado é a legalidade dos contratos laborais que se asinan. Comenta que se tardou notablemente en negociar un novo; proceso que se está a finalizar na actualidade.

En canto á comunicación cos investigadores, comenta o reitor que deu instrucións á Xerencia para que se puxera en contacto cos IP dos grupos para explicar estes feitos. Cede a palabra ao xerente, para que comente como se están desenvolvendo estas comunicacións.

O xerente explica que, en efecto, xa comezaron as xuntanzas cos IP dos grupos; estase a seguir unha orde de prelación por volume de actividade, empezando por aqueles que xestionan maiores importes a través de FEUGA. Informa que levan xa mantidas reunións con sete grupos, polo que en breve será convocado para unha xuntanza explicativa e de traballo. Comprende a inquedanza dos investigadores que traballan habitualmente con FEUGA, este é o motivo polo que son necesarias estas reunións de traballo, nas que se pode analizar a situación polo miúdo e tecoller achegas. Infonna que somos a Universidade que ten o maior volume de actividade con FEUGA e record a que como Administración Pública ternos a obriga de cumprir coa lexislación vixente, polo que ternos que de adecuar a relación ao novo marco nonnativo, en especial no eido orzamentario e contable.

Engade o profesor Rodríguez Berrocal que lamenta non facturar o suficiente para estar entre os primeiros e que agardará a súa quenda, pero desexa facer constar que a xestión económica que realizan os servizos da Universidade é moi correcta e eficaz.

O profesor Pérez Cota quere poñer en coñecemento do equipo dun erro nos contidos da páxina web, que lle trasladará á secretaria xeral cando finalice a sesión.

Ao non haber máis asuntos que tratar, remata a sesión ás 14:50 h do día 12 de febreiro de 2016, da que eu como secretaria xeral dou fe, co visto e prace do reitor.

1

PRESENTACIÓN DA PROPOSTA DE NOMEAMENTO DE DONA ERÍN

MOURE COMO DOUTORA HONORIS CAUSA POLA UNIVERSIDADE DE

VIGO

Erín Moure (Erin Mouré, Calgary 1955), tamén coñecida cos heterónimos Eirin Moure

e Elisa Sampedrín, é unha poeta e tradutora canadense de gran proxección internacional,

gañadora dos máis prestixiosos premios de poesía en Canadá e internacionais. É unha

das poetas máis activas e experimentais no panorama norteamericano contemporáneo,

así como unha prolífica tradutora dende o galego, o portugués, o español e o francés. A

isto suma a súa actividade como teórica e crítica literaria, editora de antoloxías poéticas,

docente en programas de Escrita Creativa e mentora de novas xeracións de poetas e

artistas. A súa intensa actividade no eido cultural tanto nas Américas como en Europa, e

moi especialmente en Canadá e Galicia, fan de Moure unha excepcional axente

dinamizadora transnacional e transcultural que deu un pulo extraordinario á cultura

galega no exterior, empregando as plataformas que a súa recoñecida traxectoria literaria

lle proporcionan para dar maior visibilización á producción cultural das poetas

contemporáneas, e de especial mérito para o noso ámbito, para as autoras galegas.

POETA

Erin Mouré iniciou a súa longa traxectoria como poeta en 1979 e conta na actualidade

cun total de 17 poemarios individuais, e algúns máis co-escritos. A trascendencia da súa

obra e a súa influencia na poesía norteamericana contemporánea queda documentada

nos numerosos estudos críticos que lle foron dedicados e a súa participación como

convidada nos máis prestixiosos festivais literarios por todo o mundo. O seu interese

pola creación multilingüe é perceptible dende os primeiros volúmes, nos que a mestura

co francés denota a vivencia bilingüe como poeta anglófona en Montreal. Tras descubrir

2

por casualidade a existencia dun bisavó emigrante galego, no ano 1998 decidiu aprender

esta lingua e foina incorporando progresivamente nos seus poemas, ao tempo que ía

mudando a grafía da súa propia identificación como autora: Erin Mouré pasou a ser

Eirin Moure en 2001, e posteriormente galeguizando o seu nome a Erín Moure, co que

asina os seus poemarios dende 2002. O Cidadán (2002), O Cadoiro (2007), O

Resplandor (2010), son obras publicadas en Canadá con estes títulos galegos, nos que a

fusión de linguas –inglés, francés, galego— contribúe á discusión poética

contemporánea sobre as identidades e a cidadanía, os afectos, e o compromiso político

no contexto da globalización, dende perspectivas feministas e queer. Sen dúbida o

poemario Little Theatres. Teatriños ou aturuxos calados (2005) é o máis representativo

da súa intervención catalizadora no contexto galego. Escrito durante unha estadía en

Galicia nos días negros do afundimento do Prestixe, co son das bombas en Afghanistan

e Irak no trasfondo, este poemario rinde homaxe aos elementos máis básicos da

subsistencia humana (galega) –a pataca, a cebola, o repolo—, para vindicar fronte aos

grandes escenarios da guerra e da destrución do medio natural e cultural, os pequenos

xestos dos teatros cotiáns de cada día. Traducido ao galego por María Reimóndez como

Teatriños ou aturuxos calados (Galaxia, 2007) inspirou dúas curtametraxes de

animación multilingües que levaron algúns dos seus poemas ao medio visual.

TRADUTORA

Erín Moure combina a produción poética propia coa tradución de textos poéticos

doutras autoras e, en menor número, doutros poetas. A paixón por Galicia e o seu firme

compromiso pola posta en valor da nosa lingua e cultura a impulsaron a traducir ao

inglés a grandes poetas galegas, como Rosalía de Castro, Chus Pato ou Lupe Gómez,

contribuindo enormemente á súa internacionalización. O destacado traballo de Erín

Moure pola cultura galega está recoñocido por parte de numerosas asociación e

3

institucións, que amosan o seu apoio explícito á nosa proposta mediante os escritos

achegados (Consello da Cultura Galega, Asociación de Escritoras e Escritores en

Lingua Galega, Fundación de Estudos Rosalianos, Asociación Galega de Profesionais

da Tradución e Interpretación, entre outras). Na nosa contorna, a presenza de Erín

Moure na prensa, blogs e medios de comunicación en xeral é cada vez máis solicitada, e

a súa popularidade no mundo cultural galego é indiscutible. O recén presentado filme

“Contrafaces” dirixido por Fon Cortizo con A Sombra Producións documenta o seu

traballo a prol da nosa cultura.

COLABORACIÓN COA UVIGO

Erín Moure leva colaborando como investigadora convidada no Feminario de

Investigación Feminismos e Resistencias (código HI17) dende outubro de 2008, e a

miudo participa en actividades organizadas por outros grupos de investigación sobre

estudos galegos e da tradución. As súas frecuentes visitas á nosa universidade, en

colaboración con diversos departamentos e grupos de investigación, constitúen un

importante estímulo á cooperación, á docencia e á investigación. Ten ofrecido recitais,

conferencias en congresos, clases convidadas en programas de máster e doutoramento,

case todas as veces en visitas coorganizadas entre varios equipos e departamentos.

Pola súa innovadora e premiada produción poética, multilingüe e comprometida,

polo seu labor como mediadora incansable entre culturas mediante a rescrita e a

tradución, polo seu activismo en prol das minorías lingüísticas, étnicas e sexuais, e moi

especialmente pola súa contribución á internacionalización da cultura galega e pola

preservación do seu patrimonio, solicítase que lle sexa concedido o título de Doutora

Honoris Causa pola Universidade de Vigo a Erín Moure.

Vicerreitoría de Estudantes

REGULAMENTO PARA A REALIZACIÓN DO TRABALLO DE FIN DE GRAO

PREÁMBULO

O Real decreto 1393/2007 do 29 de outubro polo que se establece a ordenación dos ensinos universitarios oficiais, dispón no capítulo III “Ensinos universitarios oficiais de grao”, artigo 12.3, que os ensinos de grao concluirán “coa elaboración e defensa dun traballo de fin de grao”. O apartado 7 deste mesmo artigo dispón que “O traballo de fin de grao terá entre 6 e 30 créditos, deberá realizarse na fase final do plan de estudos e estar orientado á avaliación de competencias asociadas ao título”. No anexo 1 do citado real decreto establécense as características e os requirimentos da memoria de verificación, documento que supón “o proxecto que constitúe o compromiso da institución sobre as características do título e as condicións en que se van desenvolver as ensinanzas”. No seu apartado 5 queda clara a total integración do traballo fin de grao na estrutura das ensinanzas. Así mesmo, no apartado 8 do devandito anexo noméase o traballo de fin de grao como un dos posibles procedementos que debe usar a universidade para valorar os resultados obtidos no marco de competencia establecido.

O Real Decreto 861/2010, do 2 de xullo, que modifica o RD 1393/2007, do 29 de outubro, polo que se establece a ordenación dos ensinos universitarios oficiais, dá unha nova redacción ao artigo 6 referido ao recoñecemento e transferencia de créditos e sinala: “en todo caso non poderán ser obxecto de recoñecemento os créditos correspondentes aos traballos de fin de grao e mestrado”.

Neste contexto, cos criterios definidos polos reais decretos, correspóndelle a cada universidade, en exercicio da súa autonomía, establecer as normas que lle sirvan de regulación ao traballo de fin de grao.

A presente normativa deseña o marco xeral para o desenvolvemento dos traballos de fin de grao na universidade de Vigo e as súas finalidades son:

-Unificar os procedementos que faciliten o seu desenvolvemento e a xestión administrativa

-Procurar que, considerando as particulares características que o traballo de fin de grao ten entre as materias das titulacións, se manteña a súa integración na estrutura das ensinanzas.

-Garantirlle ao alumnado que a elaboración, defensa e avaliación do seu traballo de fin de grao pode desenvolverse de maneira axeitada.

Máis aló do marco definido nesta normativa, en atención ás peculiaridades das titulacións de grao que teña adscritas, cada centro establecerá a súa propia regulación interna para o desenvolvemento do traballo de fin de grao, con observancia da debida publicidade da norma.

Vicerreitoría de Estudantes

REGULAMENTO

Artigo 1. Do obxecto deste regulamento.

A presente normativa recolle as directrices xerais relativas á definición, elaboración, defensa, avaliación e tramitación administrativa dos traballos de fin de grao.

Artigo 2. Do ámbito de aplicación.

1. As previsións contidas na presente normativa aplicaránselle aos traballos de fin de grao correspondentes aos títulos de grao da Universidade de Vigo.

2. No caso dos títulos oficiais de grao de carácter interuniversitario, este regulamento só se lle aplicará ao estudantado matriculado na Universidade de Vigo, agás que o convenio regulador do título correspondente estableza outras disposicións ao respecto.

3. O traballo de fin de grao nos títulos que habilitan para o exercicio de actividades profesionais reguladas rexerase polo disposto na orde que estableza os requisitos para a verificación do correspondente título, sen prexuízo da aplicación, con carácter subsidiario, do presente regulamento.

4. O contido desta normativa compleméntase co resto de normativas e procedementos da Universidade de Vigo en vigor ou que se puidesen aprobar referidas ao desenvolvemento e xestión da docencia, en tódolos seus ámbitos, das titulacións oficiais da Universidade de Vigo.

5. Cada centro desenvolverá o presente regulamento nunha normativa interna aprobada pola Xunta de Centro para adecualo ás características propias de cada un dos títulos oficiais de grao que se impartan nel. En calquera caso, as normas que establezan os centros deberán ser públicas e axeitadas ao disposto neste regulamento e nas memorias de verificación das titulacións.

6. As tarefas de titorización, avaliación e cualificación dos traballos de fin de grao forman parte das obrigas docentes do profesorado. A Universidade de Vigo establecerá a forma do seu recoñecemento.

Artigo 3. Da definición do traballo fin de grao.

1. O traballo de fin de grao forma parte como módulo, materia ou disciplina do plan de estudos de todo título oficial de grao. No seu deseño debe preverse que a súa elaboración, avaliación e cualificación teñan lugar dentro do período previsto para realizar os estudos.

2. O traballo de fin de grao é un traballo persoal e orixinal tanto no título como nos contidos que cada estudante realizará de maneira autónoma baixo titorización docente, e debe permitirlle mostrar de forma integrada a adquisición dos contidos

Vicerreitoría de Estudantes

formativos e as competencias asociadas ao título. En ningún caso pode ser un traballo presentado con anterioridade polo/a estudante nalgunha materia de calquera titulación nesta ou noutra universidade, aínda que pode integrar ou desenvolver traballos feitos nas actividades doutras materias da titulación.

3. O feito de que o traballo de fin de grao sexa un labor persoal non exclúe que, para desenvolver unha proposta de envergadura suficiente, poidan participar varios/as estudantes, cada quen cunha parcela precisa da tarefa global. Este feito será autorizado pola coordinación da titulación ou polo órgano que estableza a normativa interna do centro onde o alumnado estea matriculado. Neste caso o alumnado implicado nun mesmo traballo compartirá a persoa titora e poderá ter o mesmo tribunal de avaliación, mentres que a presentación, defensa e avaliación serán individuais.

4. Cada estudante ten dereito ao recoñecemento da autoría do traballo de fin de grao elaborado e á protección da súa propiedade intelectual. A titularidade dos dereitos derivados pode compartirse coas persoas titoras, coas cotitoras e coas entidades públicas ou privadas ás que pertenzan, nos termos e condicións previstas na lexislación vixente.

5. O traballo de fin de grao poderá elaborarse en institucións ou empresas externas á Universidade de Vigo, nos termos que se establezan nos convenios institucionais asinados. Nese caso existirá a figura dunha persoa cotitora pertencente á institución ou empresa. A persoa titora académica compartirá coa persoa cotitora as tarefas de dirección e orientación do/a estudante, e será, en calquera caso, responsabilidade da persoa titora académica facilitar a xestión.

6. O traballo de fin de grao terá a súa guía docente axeitada á normativa correspondente e única para cada titulación.

7. A redacción dos traballos de fin de grao da Universidade de Vigo debe respectar o emprego dunha linguaxe inclusiva.

Artigo 4. Da matrícula do traballo de fin de grao.

1. Para poder matricularse no traballo de fin de grao será requisito imprescindible ter matriculadas todas as materias requiridas para finalizar o plan de estudos.

2. A matrícula do traballo de fin de grao realizarase nos períodos oficiais de matriculación dos estudos de grao.

3. A matrícula do traballo de fin de grao dá dereito a dúas oportunidades de avaliación nun mesmo curso académico, sempre que se cumpran os requisitos para a súa defensa recollidos no artigo 7.7.

4. A validez da matrícula do traballo de fin de grao será a mesma que a de calquera outra materia e, polo tanto, remata o último día hábil do curso académico.

Vicerreitoría de Estudantes

5. No caso de que o/a estudante teña depositado o traballo no centro e conte co

informe favorable do seu titor ou titora antes da data límite de entrega de actas da convocatoria de xullo pero non reúna os requisitos para poder defender o traballo por ter materias pendentes deberá formalizar unha nova matrícula noutro curso académico. No curso inmediatamente seguinte ao do depósito (e só nese curso) o/a estudante terá dereito a unha matrícula reducida do 25% do coste da primeira matrícula.

Artigo 5. Da titorización do traballo de fin de grao.

1. Os traballos de fin de grao realizaranse baixo a supervisión e dirección dunha persoa que exercerá as tarefas de titorización.

2. A titorización consistirá en supervisar e orientar o/a estudante na temática, metodoloxía, elaboración, presentación e calquera outro aspecto académico relativo ao traballo de fin de grao; así como facilitar a súa xestión, dinamizar e facilitar todo o proceso ata a presentación e a defensa do mesmo.

3. Poderá actuar como persoa titora calquera docente da Universidade de Vigo, co visto e prace da coordinación da titulación ou do órgano especificado na normativa interna do centro. Se a natureza do traballo de fin de grao o requirise, poderanse establecer equipos titoriais que asumirán as tarefas de titorización nos termos que estableza o centro.

4. Cando se dean casos de baixa prolongada ou finalizase a súa vinculación coa Universidade de Vigo, o centro será o responsable da substitución das persoas titoras e establecerá os procedementos que sexan precisos.

Artigo 6. Da asignacións da titorización e da temática do traballo de fin de grao.

1. Correspóndelle ao centro establecer na súa propia normativa os criterios, procedementos e o calendario para asignar as persoas titoras de cada estudante, así como a temática de cada traballo, aténdose ao recollido no presente regulamento.

2. Garantiráselle a todo o estudantado matriculado na materia de traballo de fin de grao a debida titorización.

3. Garantirase que se poidan desenvolver traballos con temas relacionados cos contidos específicos da titulación, e que o estudantado dunha titulación con varios itinerarios poida realizar o seu traballo de fin de grao dentro da temática do itinerario que estea a cursar.

4. Establecerase un calendario para todo o proceso de adxudicación de persoas titoras e temas que posibilite elaborar axeitadamente os traballos dentro dos límites do calendario académico oficial da Universidade de Vigo aprobado para cada curso académico.

Vicerreitoría de Estudantes

5. O centro ou centros responsables do título daranlle a debida publicidade das

adxudicacións definitivas da titorización a cada estudante. Poderanse reclamar fronte a estas adxudicacións no prazo de sete días naturais ante o órgano establecido na normativa interna do centro.

6. A adxudicación da titorización e da temática para o traballo de fin de grao terá validez máxima de dous cursos académicos. Unha vez transcorrido terá que volver a realizarse un novo proceso de adxudicación.

7. Cada centro regulará o procedemento para que o/a estudante poida solicitar un cambio na titorización ou no tema do seu traballo de fin de grao, e para que a persoa titora poida solicitar o cambio de estudante asignado/a e de temas ofertados.

Artigo 7. Da presentación e defensa do traballo de fin de grao.

1. Cada traballo de fin de grao será presentado e defendido polo seu autor ou autora ante un tribunal de avaliación que o avaliará e cualificará.

2. Os centros, atendendo a criterios organizativos e de programación docente, establecerán as datas de celebración das defensas dos traballos de fin de grao dentro dos límites do calendario académico oficial da Universidade de Vigo. En calquera caso deberá garantirse o cumprimento das horas de traballo correspondentes aos ECTS do traballo de fin de grao.

3. Cada estudante solicitará a defensa do TFG unha vez recibido o informe favorable da persoa titora. Os centros establecerán o procedemento de depósito do traballo e os prazos para realizar a solicitude de defensa.

4. Excepcionalmente, a Xunta do Centro ou, de ser o caso, a comisión delegada, poderá autorizar a defensa sen o preceptivo informe favorable da persoa titora tras a petición formal e motivada polo/a estudante.

5. A defensa do traballo de fin de grao realizada polos/as estudantes poderá ser pública e presencial. A Xunta do Centro ou, de ser o caso, a comisión delegada, con carácter excepcional e tras a petición formal e motivada polo/a estudante e a persoa titora ou cotitora poderá autorizar a defensa a distancia de xeito virtual, sempre e cando concorran as condicións técnicas, administrativas e económicas que permitan a súa viabilidade.

6. No caso de defensa pública, a Xunta de Centro ou a comisión delegada correspondente deberá establecer e anunciar publicamente a estrutura e a duración máxima da exposición, así como a data, hora e lugar da mesma.

7. O TFG só poderá ser defendido e avaliado cando se teña constancia de que o/a estudante superou todos os créditos necesarios para a obtención do título de grao, agás os correspondentes ao propio TFG. O Centro deberá verificar que se cumpren estes requisitos para autorizar a súa presentación. Para estes efectos,

Vicerreitoría de Estudantes

no caso de que na data límite de entrega de actas das materias aínda non se recepcionaran todas as actas, a secretaría do Centro solicitará do profesorado encargado desas materias que informe sobre as cualificacións do alumnado que solicitase defensa para esa convocatoria.

Artigo 8. Da avaliación e cualificación do traballo de fin de grao.

1. O tribunal de avaliación asignado avaliará e cualificará cada traballo de fin de grao presentado e defendido. A cualificación deste tribunal poderá ser única ou poderá supoñer unha porcentaxe da cualificación final que, de ser o caso, será polo menos do 70%; o resto pode depender doutros criterios, sistemas de avaliación e responsables establecidos na normativa interna do centro.

2. A Xunta de Centro ou a comisión en quen delegue nomeará, en base a criterios públicos e motivados, o tribunal de avaliación do traballo de fin de grao entre o profesorado da titulación (ou profesorado do centro se así se recolle na normativa propia deste). Este estará constituído polo menos por tres persoas que exercerán presidencia, secretaría e vogal, podendo haber máis dunha persoa vogal. Debido ás características dos traballos presentados ou ao número do estudantado matriculado, poderán nomearse varios tribunais para unha titulación.

3. Cada tribunal de avaliación do traballo de fin de grao actuará de forma regular nas convocatorias oficiais de cada curso académico.

4. De xeito excepcional, a Xunta de Centro ou a comisión delegada por esta, poderá autorizar que forme parte do tribunal de avaliación outro persoal docente, persoas colaboradoras ou membros de institucións externas á Universidade de Vigo que posúan unha titulación de nivel igual ou superior ao grao e que poderán actuar en calidade de vogais, con voz e voto, ou como persoas asesoras con voz e sen voto.

5. Na súa normativa interna, o centro definirá o papel das persoas titoras e cotitoras na defensa, avaliación e cualificación dos traballos de fin de grao. As persoas titoras poderán estar presentes con dereito a voz no acto de defensa. A súa participación nas deliberacións do tribunal de avaliación será excepcional e regularase na normativa interna do centro.

6. O tribunal de avaliación do traballo de fin de grao constituirase formalmente coa debida publicidade e antelación ao acto de defensa.

7. O tribunal de avaliación do traballo de fin de grao deliberará sobre a cualificación dos traballos sometidos á súa avaliación tendo en conta a documentación presentada por cada estudante, o informe da persoa titora e, de ser o caso, a exposición pública dos traballos.

Vicerreitoría de Estudantes

8. A cualificación global terá en conta, polo menos, a calidade científica, técnica ou

artística do traballo presentado, a calidade do material entregado, os contidos incluídos e o grao de adquisición das competencias específicas da titulación, incluídas as competencias transversais. Os criterios de avaliación quedarán recollidos na guía docente do traballo de fin de grao de cada titulación.

9. No caso de obter a cualificación de suspenso, o tribunal de avaliación achegaralles ao/á estudante e á persoa titora un informe coas recomendacións oportunas para mellorar o traballo e a súa posterior avaliación.

10. A entrega de actas dos traballos de fin de grao estará rexida polos tempos máximos de entrega de actas fixados no calendario académico oficial da Universidade de Vigo.

Artigo 9. Dos traballos de fin de grao realizados noutra universidade.

1. De acordo co apartado 3.5 deste regulamento, o estudantado pode solicitar a realización do TFG noutra universidade española ou estranxeira que conte cun convenio de intercambio académico coa Universidade de Vigo. O Centro ou Comisión delegada, se aproba a solicitude, solicitará unha persoa titora na Universidade de destino e designará á persoa responsable do intercambio no centro como cotitora aos únicos efectos de supervisar os trámites a desenvolver na Universidade de Vigo.

2. Para proceder á defensa, o traballo deberá recibir previamente o informe favorable do titor/a na Universidade de destino e o visto e prace da persoa responsable do intercambio da Universidade de Vigo.

3. A Universidade de destino deberá enviar un documento no que conste a cualificación obtida, a data de defensa e o número de créditos do TFG.

Este regulamento, que derroga o anterior, entrará en vigor no curso académico 2015-2016.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

1

CRITERIOS DE ELABORACIÓN DA PROGRAMACIÓN DOCENTE ANUAL (PDA)

PARA O CURSO 2016/17 O marco normativo da Universidade de Vigo aplicado para o cálculo das horas de profesorado empregadas na docencia presencial das ensinanzas de grao e de asigna a cada titulación un número de horas de profesorado para distribuír en grupos docentes, de xeito que é o centro ou a comisión académica do máster (CAM) quen planifica os detalles de cada materia. Para o curso 2016/17 incorpórase por primeira vez a docencia na PDA da Universidade de Vigo actividades formativas correspondentes aos programas de doutoramento. Co fin de planificar a organización académica do curso 2016/17, o Consello de Goberno de 12 de febreiro de 2016 aproba os seguintes criterios de elaboración da programación docente anual das titulacións de grao, máster e doutoramento. 1) TITULACIÓNS DE GRAO

a) Horas asignadas As materias dun grao poden ser ordinarias (formación básica, obrigatorias e optativas) ou singulares (prácticas en empresa e traballo fin de grao). Materias ordinarias O número de horas de profesorado de cada grao calcularase, como en cursos anteriores, en función do indicador denominado tamaño medio de grupo (TMG) e da estimación de horas matriculadas no curso 2015/16 (EHM), de acordo coa expresión EHM/TMG. A estimación de horas matriculadas resultará do número estimado de créditos ECTS matriculados multiplicado polo número máximo de horas presenciais (8,75) por crédito ECTS, establecido na normativa da Universidade de Vigo. Para estimar o número de estudantes en cada materia, computarase todo o alumnado de nova matrícula máis o alumnado de segundas ou sucesivas matrículas ata un do 15% dos/as estudantes de nova matrícula desa materia. Para este cálculo, tomaranse como referencia os datos do curso 2015/16. O valor do TMG será o utilizado para a elaboración da programación docente anual (PDA) do curso 2015/16 aumentado nun terzo da diferenza entre dito TMG e o TMG obxectivo de 35. A estimación de horas por curso non poderá ser inferior a 8.75 veces o número de ECTS de materias ordinarias de cada curso. O cálculo de número de horas de profesorado realizarase de xeito conxunto para os títulos dun mesmo centro que compartan materias. As cuestións excepcionais dalgunha titulación serán estudadas pola COAP. Materias singulares O recoñecemento en POD dos labores de titorización dos Traballos Fin de Grao (TFG) e de coordinación de prácticas está vinculado á Normativa de recoñecemento de actividades docentes do PDI. Co fin de impartir formación xeral/global (metodoloxías e

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

2

indicacións para a elaboración do TFG e para a realización das prácticas, seminarios, etc.) a todo o alumnado matrículado nestas materias, os centros que o desexen, poderán dedicar, ata un máximo do 3% das horas da PDA, a docencia presencial nestas materias. Esta docencia figurará nos correspondentes calendarios, horarios e guías docentes. b) Elaboración da PDA Os centros elaborarán unha proposta de PDA das titulacións de grao a partir das horas asignadas aos títulos de grao que teñen adscritos, indicando a distribución en grupos e os departamentos responsables. No caso de adscribir unha materia a un departamento diferente ao que impartía dita materia no curso 2015/16, debe informarse do cambio aos departamentos implicados. Os departamentos poderán solicitar aos centros a adscripción de materias que non tiñan asignadas no curso 2015/16. A solicitude, debidamente xustificada, debe ademais comunicarse á Vicerreitoría de Organización Académica e Profesorado. Para a asignación de materias de formación básica os centros deberán elaborar unha lista priorizada de departamentos que poidan asumir o encargo. Esta asignación múltiple priorizada poderá estenderse a calquera outra materia que o permita. A COAP, á vista do conxunto de PDA dos centros, establecerá o departamento que asumirá a docencia tendo en conta as preferencias dos centros e as solicitudes dos departamentos. Co fin de garantir a optatividade, será necesario ofertar alomenos unha optativa máis das que ten que cursar o/a estudante. Xunto coa elaboración da PDA, os centros recibirán unha bolsa de horas destinada ao recoñecemento de actividades de xestión docente tales como coordinación e organización docente, intercambio de estudantes, prácticas do alumnado, xestión da calidade dos centros e outras tarefas de apoio á docencia que serán valoradas pola Vicerreitoría de Organización Académica e Profesorado. A asignación destes recoñecementos deberá contar coa aprobación da Xunta de Centro e será analizada pola COAP, que poderá solicitar, se procede, unha revisión da mesma. As propostas de encargo docente (PDA) deberán ser aprobadas pola Xunta de Centro e serán presentadas nos prazos establecidos pola Vicerreitoría de Organización Académica e Profesorado. Serán analizadas pola COAP que poderá solicitar, se procede, unha revisión das mesmas. Excepcionalmente, a COAP poderá autorizar unha proposta de PDA dalgunha titulación no que o número global de horas se vexa incrementado, sempre que se poida constatar que se pode desenvolver exclusivamente co cadro existente de PDI a tempo completo. Neste caso, se por causas non contempladas no momento da aprobación do POD ou circunstancias sobrevidas, fose necesario realizar algún tipo de contratación, o centro deberá modificar total ou parcialmente a estrutura de grupos. A solicitude de grupos ou materias en inglés deberá incluírse na proposta de PDA elaborada e aprobada polos centros para as titulacións de grao seguindo o procedemento de impartición de materias en inglés.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

3

A programación docente anual das titulacións de grao será sometida á aprobación do Consello de Goberno. 2) TITULACIÓNS DE MÁSTER a) Presencialidade das materias de máster As horas de docencia presencial que recibe un estudante en cada materia ordinaria non poderá ser superior a 8 horas por ECTS. No caso de másteres presenciais, as horas de docencia que recibe un/unha estudante en cada materia ordinaria non poderá ser inferior a 5 horas por ECTS. b) Horas asignadas en máster con repercusión en POD Materias ordinarias As materias ordinarias dun máster con repercusión en POD xerarán una PDA igual á terceira parte dos ECTS matriculados na Universidade de Vigo en materias ordinarias no curso precedente (PDA máxima). A oferta efectiva de materias optativas en cada curso académico será tal que as horas que computan en POD nas materias ordinarias ofertadas non poderá superar á PDA máxima, sempre que se poida garantir a optatividade, sendo necesario ofertar polo menos unha optativa máis das que ten que cursar o/a estudante. As horas que computan en POD das materias ordinarias (excluíndo ao profesorado doutras universidades no caso dos másteres interuniversitarios) non poderán superar a PDA máxima do máster. A remuneración dos conferenciantes que participen no título en horas incluídas dentro da PDA rexirase polas normas orzamentarias. No caso de que o valor de PDA máxima sexa inferior ao número de horas necesario para poder impartir o título coa presencialidade mínima este será o número de horas para facer a PDA. Materias singulares O recoñecemento en POD dos labores de dirección dos Traballos Fin de Máster (TFM) e de coordinación de prácticas estará vinculado á Normativa de recoñecemento de actividades docentes do PDI, polo que os créditos matriculados nesas materias non serán computables co criterio anterior. c) Horas asignadas en máster sen repercusión en POD Nos másteres sen repercusión en POD, será a Comisión Académica do Máster (CAM), coas limitacións establecidas no apartado 2.a) e as derivadas do seu orzamento, a que aprobe o número de grupos e materias optativas ofertadas. Os másteres sen recoñecemento en POD poderán solicitar pasar a ter este recoñecemento. A vicerreitoría de Organización Académica e Profesorado analizará a solicitude e autorizará, se procede, o cambio.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

4

d) Elaboración da PDA e aprobación do POD As CAM elaborarán unha proposta de PDA da titulación de máster indicando a distribución en grupos e asignarán as horas que correspondan ao profesorado que participe na docencia do máster. En todo caso, as horas correspondentes a avaliación non poderán estar asignadas a conferenciantes. A solicitude de grupos ou materias en inglés deberá incluírse na proposta de PDA elaborada e aprobada polas CAM para as titulacións de máster seguindo o procedemento de impartición de materias en inglés. As propostas serán presentadas nos prazos establecidos pola Vicerreitoría de Organización Académica e Profesorado. A programación docente anual das titulacións de máster será sometida á aprobación do Consello de Goberno. 3) TITULACIÓNS DE DOUTORAMENTO O artigo 4.1 do RD 99/2011 do 28 de xaneiro (BOE 10/02/2011) polo que se regulan as ensinanzas oficiais de doutoramento establece o seguinte:

Los programas de doctorado incluirán aspectos organizados de formación investigadora que no requerirán su estructuración en créditos ECTS y comprenderán tanto formación transversal como específica del ámbito de cada programa, si bien en todo caso la actividad esencial del doctorando será la investigadora

Como parte desta formación investigadora, os programas de doutoramento poden ter programada a celebración de cursos e seminarios que requiren dunha axeitada organización docente que garanta os procesos de recoñecemento das actividades tanto para o alumnado como para o profesorado responsable. Cómpre polo tanto abordar a incorporación na programación docente anual (PDA) da universidade destas actividades. Para o curso 2016/17 incorporarase por primeira vez esta docencia na PDA da Universidade de Vigo, polo que debe considerarse como unha experiencia piloto cuxos procedementos deberán consolidarse nos vindeiros cursos como froito da experiencia adquirida. A presente normativa regulará os aspectos básicos e será a Escola Internacional de Doutoramento (EIDO) a entidade responsable da organización desta PDA. a) Horas globais asignadas Aínda que a formación doutoral non ten que estar estruturada en créditos ECTS, establécese un criterio similar ao das ensinanzas de máster, en canto a valorar o esforzo en horas presenciais do profesorado de xeito proporcional aos créditos matriculados. Nesta primeira experiencia de cómputo da PDA de doutoramento, considerarase un máximo de 15 ECTS por estudante dedicados a cursos e seminarios ao longo dos estudos de doutoramento. Considerando que estes cursos inciden especialmente no primeiro curso, podería entenderse que os créditos matriculados equivalentes nestas actividades son 15N, sendo N a matrícula de novo alumnado en doutoramento. Tomando

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

5

como referencia o cálculo relativo aos estudos de máster, nos que as horas impartidas se cuantifican como a terceira parte dos ECTS matriculados, pode determinarse que as horas de PDA recoñecidas para os estudos de doutoramento serían 5 horas por cada estudante de doutoramento de nova matrícula. b) Requirimentos dos cursos e seminarios para ser incorporados en PDA Consideraranse as seguintes condicións para que un curso ou seminario organizado poda formar parte da PDA oficial:

‐ Debe corresponder con algunha actividade formativa (en calquera dos cursos) prevista na memoria verificada do programa de doutoramento, ben obrigatoria ben optativa, e que implique actividade presencial do profesorado cun grupo de estudantes.

‐ Debe ofertar un número de prazas para o alumnado que supere, polo menos nun 50%, ao número de estudantes propios do/s programa/s para o/s que se organiza.

‐ Debe programarse e xestionarse dentro da plataforma informática que a EIDO designe e habilite para a organizar a inscrición de estudantes.

c) Proposta e organización da PDA de doutoramento A proposta de PDA de doutoramento será centralizada pola EIDO, que recibirá, priorizará e organizará as propostas que reciba das Comisións Académicas dos Programas de Doutoramento (CAPD) regulados polo RD99/2011. O calendario e procedemento será establecido pola EIDO, e deberá ter en conta os seguintes criterios:

‐ Selección de cursos para a proposta global de PDA. As propostas das CAPD conterán toda a información necesaria respecto de contidos, horas lectivas, idioma, calendarios e profesorado proposto. Tendo en conta a limitación que establece esta normativa, en caso de ser necesario, priorizaranse os cursos configurados como actividades formativas obrigatorias sobre aqueles de carácter optativo. Terán tamén preferencia os cursos organizados conxuntamente por varios programas así como as actividades en inglés.

‐ Profesorado. O profesorado responsable destes cursos terá sempre categoría de

doutor/a. O profesorado da Universidade de Vigo poderá computar as horas en POD. No caso de conferenciantes externos, estes poderán percibir remuneración económica dentro das limitacións legais con cargo ao orzamento asignado ao programa. En caso de programas interuniversitarios, o profesorado das universidades participantes considerarase como propio a estes efectos, polo que non poderá percibir remuneración pola docencia.

‐ Inscrición de estudantes. Na inscrición de estudantes, terán preferencia as/os

estudantes dos programas que organicen o curso, en segundo termo as/os estudantes de doutoramento do mesmo ámbito, en terceiro termo o resto de estudantes de doutoramento da Universidade de Vigo, e finalmente outros/as estudantes. Para os/as estudantes de doutoramento da Universidade de Vigo, estes cursos non implicarán ningún pagamento adicional ao da súa matrícula de doutoramento. Cando se trate de programas de doutoramento interuniversitarios, o alumnado matriculado no programa correspondente nas outras universidades participantes non terá que facer pago adicional ao da súa matrícula.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

6

‐ Programación dos cursos. A programación de calendarios, horarios, lugar de celebración, etc. deberá realizarse coa antelación debida dentro dos prazos que se establezan, e deberá publicarse dentro da plataforma de xestión que se designe pola EIDO. A EIDO dará a publicidade oportuna a través da súa web e das listas de correo específicas.

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

NORMATIVA DE DEDICACIÓN DO PROFESORADO

(Consello de Goberno de 12 de febreiro de 2016)

1. A DEDICACIÓN TOTAL DO PROFESORADO

A dedicación laboral anual do PDI a tempo completo é similar á establecida para outros empregados públicos: unhas 1664 horas ao ano. De acordo coa Lei 7/2007, de 12 de abril, do Estatuto Básico do Empregado Público, os funcionarios públicos poderán acceder a días de permiso por asuntos particulares. En cada Administración Pública, en función do tempo de servizos prestados, tamén se poderán establecer días adicionais de permiso por asuntos particulares ou días adicionais de vacacións. Dado que non é posible anticipar posibles modificacións legais sobre estes dereitos ou coñecer a priori que parte destes días poden ser efectivamente utilizados polo PDI, pódese asumir que a capacidade efectiva total (CET) a tempo completo redúcese a 1600 horas anuais. O PDI a tempo parcial tería unha capacidade efectiva total acorde co seu réxime de dedicación contractual.

A capacidade efectiva total do profesorado distribúese entre actividades de goberno e xestión, actividades docentes e actividades de investigación e transferencia. As actividades de goberno e xestión implican, en maior ou menor medida, consumos de tempo que merman as posibilidades de dedicación á docencia e á investigación e transferencia. En consecuencia, é preciso primeiro acordar o tempo de traballo que se estima necesario para poder levar a cabo as tarefas de goberno e representación para, despois, establecer o seu recoñecemento oportuno aos efectos de estimar a capacidade restante para desenvolver actividades docentes e investigadoras (CDI).

2. O RECOÑECEMENTO DAS ACTIVIDADES DE GOBERNO E REPRESENTACIÓN

O desempeño de labores de goberno e representación debe considerarse como unha tarefa que eventualmente realiza parte do profesorado e que implica unha redución nas súas posibilidades de realizar outras tarefas docentes e de investigación e transferencia ao longo da súa xornada laboral.

Dentro deste tipo de actividades distínguense tres categorías:

1) Cargos Académicos da Universidade de Vigo 2) Outros cargos de xestión ou representación 3) Participación en órganos de goberno, comisións e outros.

Establécese un sistema proporcional de dedicación horaria, coa conseguinte repercusión sobre a capacidade efectiva total (CET), que se sintetiza na seguinte táboa:

B. Recoñecemento de actividades de goberno e representación (RAGR) horas % CET

B.1. Cargos Académicos

B.1.1 Reitor 1600 100% B.1.2 Vicerreitores 1200 75% B.1.3 Comisionados, Delegado na CiUG 1000 62.5% B.1.4 Decanos/Directores 800 50% B.1.5 Directores de Área 600 37.5% B.1.6 Directores de Departamento 300 18.75% B.1.7 Vicedecanos, Subdirectores e Secretarios Centros 300 18.75% B.1.8 Secretarios, Subdirectores, Xefes Sección Dptos. 200 12.5%

B.2. Representación da

U.Vigo e outros

B.2.1 Colaboradores científicos 400 25% B.2.2 Membros Comisións ANECA 300 18.75% B.2.3 Xestores Programas Investigación Autonómicos 300 18.75% B.2.4 Delegados da U.Vigo en Centros Adscritos 200 12.5% B.2.5 Representantes da U.Vigo noutras Institucións 150 9.4% B.2.6 Representación sindical (segundo o acordado)

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

B. Recoñecemento de actividades de goberno e representación (RAGR) horas % CET

B.3. Órganos de goberno da U.Vigo

B.3.1 Membro de Consello de Goberno da U. Vigo 48 3% B.3.2 Membro do Consello Social da U. Vigo 16 1% B.3.3 Membro do Claustro da U. Vigo 16 1% B.3.4 Membro de Comisións de Claustro ou Mesa 32 2% B.3.5 Membro de Comisións do Consello de Goberno 32 2%

Os recoñecementos B.3, relativos á participación en órganos de goberno da Universidade de Vigo, só serán aplicables aos membros de ditos órganos que non sexan membros natos dos mesmos que teñan asistido ás reuniçons do curso anterior ou teñan xustificado as súas ausencias. Para todo o PDI (a tempo completo ou parcial), os recoñecementos B.2 e B.3 (de Representación da Universidade de Vigo e outros e de Órganos de Goberno da Universidade de Vigo, respectivamente) serán acumulables ata un máximo de horas equivalentes ao 30% da correspondente CET. Este límite non é aplicable aos recoñecementos por representación sindical, que se establecerán según corresponda nos convenios, acordos ou normativas ao respecto.

3. AS CAPACIDADES DOCENTES E INVESTIGADORAS

As horas de capacidade docente e investigadora total (CDIT) serán o resultado de restar da Capacidade Efectiva Total (CET) as horas de recoñecemento de actividades de goberno e representación (RAGR), calculadas segundo o establecido no anterior apartado.

CDIT = CET - RAGR Esta CDIT debe distribuírse entre actividades ligadas á docencia e actividades ligadas á investigación e transferencia. A entrada en vigor do Decreto Ley 14/2012, fixa a dedicación docente do profesorado en función de criterios relacionados cos tramos de investigación (sexenios), de xeito que o PDI permanente a tempo completo poderá estar afectado por criterios de intensificación docente e investigadora. Co fin de reducir o impacto deste decreto en particular no profesorado de menor idade, e co fin de incentivar a consecución de tramos de investigación entre o profesorado da Universidade de Vigo, establécense 5 tipos distintos de dedicación/intensificación: I (investigadora), Investigadora Media (IM), R (regular), DM (docente intermedia) e D (docente). Aos efectos de fixar a dedicación para cada curso académico é preciso situar ao PDI nalgún dos cinco tipos de intensificación establecidos, contabilizándose os sexenios xa resoltos na data 31 de decembro do ano anterior ao de inicio do curso. A asignación do PDI a cada un dos tipos definidos seguirá o seguinte esquema (sendo n o ano presente):

0 sex 1 sex 2 sexC 2 sexT 3 sexC 3 sexT 4 sexC 4 sexT 5/6 sex

ata n-7 R/DM* R R IM IM I I I I n-8 D R R R R IM IM I I n-9 D DM DM R R R R IM I n-10 D D D DM DM R R R I < n-10 D D D D D DM DM R I

*Para 0 sexenios, ano do primeiro contrato permanente: de n-3 a n tipo R, de n-7 a n-4 tipo DM. C: Catedrática/o, T: Titular ou CD n: ano de inicio do curso académico

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

Establécense as seguintes excepcións:

a) Pola idade. O profesorado que teña 65 anos cumpridos ao comezo do curso, e que lle correspondera o tipo D, poderá quedar no tipo DM. b) Por ter desempeñado cargos académicos dos sinalados como B.1.1 a B.1.5 (ambos incluídos) na táboa do apartado 2 da presente normativa. Unha vez rematado algún destes cargos, en caso de que a duración do mesmo non fose inferior a un ano, poderá gozar da seguinte excepción por un tempo máximo igual á duración do cargo rematado, e nunca superior a tres anos: - Durante os dous cursos académicos seguintes poderá evitar o tipo D ou DM (no caso que lle corresponderan) e quedar no tipo R. - No terceiro curso poderá evitar o tipo D (no caso que lle correspondera) e quedar no tipo DM. Esta excepción, contemplada en cursos anteriores, aplicarase con carácter transitorio exclusivamente ás persoas que cumpran estes criterios o día 1 de setembro de 2016. c) Non se aplicará intensificación docente (tipos D ou DM) a aquelas persoas que acrediten impedimentos de tipo administrativo para a solicitude dun sexenio que sexan decisivos no cómputo da súa dedicación. Serán estudadas pola vicerreitoría as solicitudes de non aplicación da intensificación docente (tipos D ou DM) a aquelas persoas que por mor de baixas de incapacidade temporal, maternidade, adopción ou acollemento por un período superior a 9 meses, non puºideron solicitar un sexenio que sexa decisivo no cómputo da súa dedicación. Unha vez asignado o PDI a un destes 5 tipos (I, IM, R, DM ou D), e a partir da capacidade Docente e investigadora total (CDIT), calcularase a capacidade inicial para desenvolver as actividades docentes (CID) e capacidade inicial para actividades investigadoras e de transferencia (CII), deixando unha porcentaxe de horas para a xestión de carácter xeral que realiza o PDI. As porcentaxes recóllense na seguinte táboa:

% aplicables sobre as horas de CDIT I IM R DM D Capacidade Inicial Docente (CID) 40% 50% 60% 70% 80% Capacidade Inicial Investig. e Transf. (CII) 57% 47% 37% 27% 17% Actividades de xestión xeral 3% 3% 3% 3% 3%

Estas capacidades iniciais poderán ser modificadas por recoñecementos de dedicación que deberán recollerse nunha normativa específica a aprobar en Consello de Goberno.

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

1

NORMATIVA DE RECOÑECEMENTO DE ACTIVIDADES DOCENTES DO PDI

(Consello de Goberno de 12 de febreiro de 2016)

Co fin de estimar as capacidades finais efectivas para encargar as actividades de docencia básica (ADB) ao PDI é preciso aprobar unha normativa de recoñecemento de actividades docentes do PDI. A maiores das ADB, o PDI desenvolve outras actividades ligadas á docencia que é preciso recoñecer, e que poden minorar a capacidade docente efectiva. Nesta normativa establécense tanto os mecanismos de recoñecemento deste conxunto de actividades ligadas á docencia, como o método de cálculo para establecer a capacidade docente efectiva do PDI en cada curso académico. Para levar a cabo este cometido débense ter en conta dous aspectos. Por unha banda, o marco legal de dedicación do profesorado universitario está condicionado polo Real Decreto-ley 14/2012, de 20 de abril, que fixa os máximos de dedicación á actividade docente básica (ADB) do profesorado en función de criterios relacionados cos tramos de investigación. Por outra, os Gobernos Autonómicos establecen nos orzamentos anuais das Universidades da súa competencia, límites concretos ao gasto do Capítulo I, referido a persoal. É dicir, existen restricións orzamentarias de gasto en persoal que escapan ao control do autogoberno da Universidade. Dado que a maior parte do persoal da Universidade de Vigo ten unha relación contractual estable (absorbe a maior parte do orzamento no Capítulo I), a capacidade de recoñecementos horarios ao PDI por dedicación a outras actividades académicas é reducida e, necesariamente, vese limitada polas restricións legais.

1. O RECOÑECEMENTO DE ACTIVIDADES DOCENTES ANTERIORES

A Normativa de dedicación do profesorado da Universidade de Vigo define como se calcula para cada PDI a capacidade inicial para desenvolver as actividades docentes (CID). En principio, este CID estaría destinada tanto a impartir docencia básica (encargos que figuran nos PODs de cada curso), como ao conxunto de actividades ligadas ao desenvolvemento da mesma: preparación das clases, elaboración de materiais docentes, seguimento e avaliación do alumnado, titorías, exames, cobertura de actas, elaboración das guías docentes, participación na organización docente das materias, etc. Considérase que a dedicación en ADB é a cuarta parte da dedicación docente total. Ao longo deste documento todos os recoñecementos aparecen en horas totais e non en horas de ADB. Pola súa natureza, unha parte destas actividades vinculadas á docencia básica precisan ser recoñecidas no seguinte curso, tras a súa realización efectiva. Este é o caso de: - A titorización de TFG ou TFM: aplicable a traballos defendidos e aprobados no curso anterior á elaboración do POD, considerando o número de créditos ECTS dos mesmos. - Dirección de teses de doutoramento defendidas nos 3 cursos anteriores á elaboración do POD. - Materias LRU en extinción: apoio para cubrir o esforzo nas materias LRU en extinción que carecen de docencia, ponderado polo nº de persoas matriculadas no curso de elaboración do POD.

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

2

- Dirección de Proxectos Fin de Carreira (norma en fase de extinción): aplicable segundo a media de proxectos dirixidos e aprobados nos 2 cursos anteriores á elaboración do POD. - Docencia impartida en inglés no curso de elaboración do POD, en títulos de grao e máster onde esta lingua non sexa veicular. O recoñecemento en horas dedicadas a estas actividades docentes calcularase seguindo os criterios que se reflicten na seguinte táboa:

A   Recoñecementos de actividades docentes Horas a recoñecer 

A.1  Titorización de TFG e TFM  16h/6ECTS + 4h/3ECTS adicional A.2  Dirección de Teses de doutoramento  40h por tese completa nos 3 cursos anteriores 

A.3  Dirección Proxectos Fin Carreira  32h por media proxectos nos 2 últimos anos A.4  Materias LRU en extinción  4h por materia e 20 estudantes ou fracción (min. 5)A.5  Docencia en inglés  1h por cada 4h destinadas á docencia en inglés 

A.6  Outros recoñecementos docentes  a definir para casos específicos 

Co fin de que algunhas destas tarefas se repartan entre o máximo número de PDI establécense os seguintes máximos de recoñecementos en horas:

- Máximo de 128 horas de recoñecemento por titorización de TFG. - Máximo de 128 horas de recoñecemento por titorización de TFM. - Máximo de 240 horas de recoñecemento por dirección de PFC.

Aplicando estes criterios obtense o conxunto de horas de Recoñecementos de Actividades Docentes e a súa distribución individualizada entre o PDI.

2. O RECOÑECEMENTO DE ACTIVIDADES DE XESTIÓN DA DOCENCIA

A maiores, boa parte do PDI realiza tarefas de xestión e apoio á docencia de grao e posgrao nos centros e outras actividades de apoio á docencia que é preciso recoñecer. Distínguense 2 tipos de actividades de xestión da docencia a recoñecer: B.1 e B.2:

B.1. Apoio á docencia de grao e posgrao nos centros: contempla aquelas actividades que se atribúen ao centro a xeito de bolsa de horas (actividades B.1.1 á B.1.4), ou as Comisións Académicas do Máster (B.1.5) ou do Doutoramento (B.1.6).

- B.1.1. Coordinación e organización docente: Inclúe a coordinación de cursos, módulos, materias comúns a varios graos, colaboración co centro na asignación e distribución de tarefas para elaborar o TFG ou o TFM, ou calquera outra tarefa que se considere adecuada. O recoñecemento individual pola titorización de TFG ou TFM contémplanse noutro apartado.

- B.1.2. Intercambio de estudantes: a Vicerreitoría competente certificará o número de estudantes, alleos/as e propios/as, que se acolleron aos programas de intercambio (SICUE, Erasmus, ISEP e outros programas recoñecidos pola ORI) no curso anterior á elaboración do POD.

- B.1.3. Prácticas do alumnado: A Vicerreitoría competente certificará tanto o número de estudantes que se acolleron aos programas de prácticas extracurriculares oficiais no curso

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

3

anterior á elaboración do POD, como a matrícula nas prácticas curriculares no curso de elaboración do POD (número de estudantes e créditos ECTS das prácticas).

- B.1.4. Xestión da calidade dos centros: apoio ás tarefas ligadas á xestión da calidade nos centros. - B.1.5. Outras tarefas de apoio: para tratar casos específicos non contemplados nos anteriores

apartados. Serán recoñecidos pola Vicerreitoría de Organización Académica a petición xustificada dos Centros ou das comisión Académicas.

B.2. Apoio individual á docencia: Aquelas actividades de apoio que se poden asignar de xeito individual ao PDI.

- B.2.1. Atención a estudantes con discapacidade: ao abeiro do regulamento de atención ao estudantado con necesidades específicas de apoio educativo da Universidade de Vigo (Consello de Goberno de 24 de xullo de 2013), aplicable ao profesorado involucrado na titorización directa de estudantes con discapacidade por encargo da vicerreitoría correspondente .

- B.2.2. Outros recoñecementos individuais: para tratar casos específicos non contemplados nos anteriores apartados. Serán recoñecidos polo Vicerreitoría de Organización Académica á petición xustificada do PDI implicado.

Dada a variedade e casuística existentes, a medición da dedicación a este tipo de tarefas resulta moi complexa e o seu recoñecemento está suxeito ás restricións orzamentarias xa mencionadas. Co fin de poder recoñecer estas dedicacións sen incorporar desequilibrios orzamentarios, incorpórase un sistema de recoñecementos baseados en puntos. As actividades concretas consideradas e os mecanismos de asignación de puntos reflíctense na seguinte táboa.

Recoñecementos de actividades de xestión docente Puntos a recoñecer

B.1 Apoio á docencia nos centros

B.1.1 Coordinación e organización docente 100 puntos por titulo + 5 p. por estudante de novo acceso ao titulo

B.1.2 Intercambio de estudantes 2 p. por estudante de grao ou máster de intercambio

B.1.3 Prácticas do alumnado 1 p. /6ECTS por estudante en prácticas (extracur. a mitade)

B.1.4 Xestión da calidade dos centros 50 p. por centro+1 p. por estudante de novo acceso aos titulos de grao e máster do centro

B.1.5 Outras tarefas de apoio á docencia A definir para casos específicos

B.2 Apoio individual á docencia B.2.1 Atención a estudantes con discapacidade 120 puntos por estudante titorizada/o B.2.2 Outros recoñecementos individuais A definir para casos específicos

As Xuntas de Centro aprobarán a distribución entre o PDI da bolsa de puntos asignada aos seus títulos nos apartados B.1.1, B.1.2 e B.1.3 (para estudos de Grao) e B.1.4. Unha parte dos puntos do apartado B.1.1 debe destinarse, necesariamente á coordinación dos títulos de grao. Nos títulos non implantados completamente, a bolsa será proporcional ao número de cursos que se impartan.

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

4

As Comisións Académicas de Máster aprobarán a distribución entre o PDI da bolsa de puntos asignada no apartado B.1.1, B.1.2 e B.1.3 (para títulos de Máster con repercusión en POD). Unha parte dos puntos do apartado B.1.1 debe destinarse, necesariamente á coordinación do título de Máster. A distribución destes puntos será comunicada polas Comisións Académicas de Máster ao seu centro de adscripción. As Comisións Académicas dos Programas de Doutoramento aprobarán a distribución entre o PDI da bolsa de puntos asignada no apartado B.1.1 (para estudos de Doutoramento). Unha parte dos puntos do apartado B.1.1 debe destinarse, necesariamente á coordinación do título de doutoramento. A distribución destes puntos será comunicada polas Comisións Académicas do Programa de Doutoramento á Escola Internacional de Doutoramento. Os centros comunicarán a distribución final de puntos de todos os seus títulos á vicerreitoría de Organización Académica e Profesorado. A Comisión de Organización Académica e Profesorado analizará as propostas e resolverá os conflictos ou dúbidas ao respecto. Cada título debe ser coordinado por unha soa persoa e ningunha persoa poderá coordinar máis de un, a excepción da posibilidade de coordinar un título de máster e un título de doutoramento cando estean directamente relacionados. A Vicerreitoría de Organización Académica e Profesorado asignará os recoñecementos individuais de puntos por apoio á docencia (apartado B.2). Os recoñecementos recollidos neste punto só poderán aplicarse ao profesorado con vinculación permanente, axudante e axudante doutor. Excepcionalmente, por petición razoada dos centros, a Vicerreitoría de Organización Académica e Profesorado poderá asignar algún destes recoñecementos a persoas que impartan docencia noutras figuras, sempre que así o aprobe a COAP.

3. OS RECOÑECEMENTOS EFECTIVOS E A CAPACIDADE FINAL DOCENTE Dada a restrición orzamentaria relativa aos gastos en persoal, é necesario fixar anualmente un teito máximo (TMáx, Teito máximo de horas destinadas a actividades docentes complementarias) ao conxunto de horas que se poden recoñecer polas actividades docentes contempladas no apartado 1 desta normativa así como polas horas destinadas a modificar a dedicación docente según a correspondente normativa. Así, cada ano, o Consello de Goberno aprobará dito teito máximo para o seguinte curso académico (TMáx) en función da dedicación do profesorado, da execución de actividades docentes do curso anterior, das previsións orzamentarias e dos recursos dispoñibles. Este TMáx debe garantir que, polo menos, se cubran o total de horas destinadas a modificar a dedicación do profesorado e as contempladas no apartado 1, relativas a Recoñecementos de Actividades Docentes. A diferenza entre este TMáx e as horas destinadas a modificar a dedicación e aos recoñecementos, dará o conxunto de horas dispoñibles para o Recoñecemento de Actividades de Xestión da Docencia contempladas no apartado 2. As horas dispoñibles distribuiranse entre o total de puntos acadados polo conxunto do PDI para obter o valor do punto en horas.

Vicerreitoría de Organización Académica e Profesorado

Edificio Reitoría Campus de Vigo

36310 Vigo España

Tel. 986 813 595 vicprof@uvigo.es

5

Unha vez calculados os recoñecementos efectivos aplicables a cada PDI de xeito individualizado pódese calcular a capacidade final para desenvolver as actividades Docentes de cada PDI no curso. A CFD do profesorado da Universidade de Vigo, non poderá, salvo no caso do Reitor, ser inferior ao 25% da que lle correspondería antes de calcular a dedicación según a NORMATIVA DE DEDICACIÓN DO PROFESORADO e antes de aplicar ningún recoñecemento según a presente normativa, é dicir, da que lle correspondería en aplicación estricta da norma estatal vixente. Unha vez calculada a capacidade final docente individual do profesorado para o curso, a capacidade final para impartir Actividades Docentes Básicas con repercusión no POD, será equivalente á cuarta parte da mesma. O profesorado con vinculación permanente a tempo parcial terá unha capacidade para impartir ADB acorde co seu réxime de dedicación.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

1  

NORMATIVA DE PROGRAMA CONXUNTO DE ESTUDOS

OFICIAIS DE GRAO NA UNIVERSIDADE DE VIGO (Aprobada no Consello de Goberno de 23 de xuño de 2015 e

modificada no Consello de Goberno de 12 de febreiro de 2016)

PREÁMBULO A Universidade de Vigo é unha institución pública á cal lle corresponde, no ámbito das súas competencias, o servizo público da educación superior e, como tal ten o compromiso de acadar os maiores niveis formativos para o seu alumnado. A Universidade de Vigo, no seu obxectivo de ofrecer alternativas de formación que melloren a oferta dispoñible, posibilita que calquera estudante poida cursar de forma simultánea dous estudos de Grao, mediante a proposta dun programa conxunto de estudos oficiais de grao (PCEO) elaborado polos centros respectivos sobre os planos de estudos oficiais. Esta formación combinada debe responder a unha demanda concreta do tecido empresarial reflectida na Memoria de cada programa conxunto. Como queira que esta demanda vai en aumento, cómpre establecer unha normativa xeral na Universidade de Vigo que regule estas posibilidades. Por isto, o Consello de Goberno, na súa sesión do 23 de xuño de 2015, acorda aprobar a Normativa de programa conxunto de estudos oficiais de grao na Universidade de Vigo. Artigo 1. Obxecto A presente Normativa ten por obxecto regular os programas conxuntos de estudos oficiais de Grao (PCEO) na Universidade de Vigo. Artigo 2. Autorización do programa A Universidade de Vigo autorizará a posta en marcha dun novo PCEO logo da aprobación polo Consello de Goberno da Memoria incluída no Anexo I desta Normativa. Esta memoria, que debe ser aprobada polas Xuntas de Centro correspondentes, debe incluír:

1. Titulacións que se obterán. 2. Duración do PCEO.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

2  

3. Centro responsable das xestións administrativas, prácticas en empresa e programas de intercambio do alumnado do programa conxunto.

4. Centro/s de impartición do ensino. 5. Coordinación do PCEO. 6. Número de estudantes. 7. Planificación da ensinanza.

Artigo 3. Admisión de estudantes

1. A solicitude de admisión para cursar o PCEO realizarase polo mesmo procedemento que para o resto de titulacións ofertadas pola Universidade de Vigo.

2. Só poderá optar ao PCEO o estudantado que reúna os requisitos legais de acceso e admisión para ambos graos.

3. Dado que o PCEO se introduce de xeito gradual e con grupos de docencia homoxéneos, non poderá solicitar a admisión para estes estudos:

3.1 En xeral, o estudantado que xa estea a cursar calquera dos dous graos obxecto do PCEO. Isto é, para o alumnado que xa iniciase un dos dous graos e desexen cursar de forma conxunta os seus estudos coa outra titulación, rexerán as normas xerais da Universidade de Vigo sobre simultaneidade de estudos, facilitándolles, na medida do posible, a súa adaptación. De xeito excepcional, reservarase unha porcentaxe de prazas para o alumnado que estea a cursar no mesmo centro da Universidade de Vigo calquera dos dous graos obxecto de PCEOs. Esta porcentaxe será, polo menos, do 2% das prazas ofertadas no PCEO para alumnado de novo ingreso. Se da aplicación da devandita porcentaxe non resultase un número enteiro, redondearase ao número enteiro superior máis próximo. A memoria do PCEO recollerá os requisitos a cumprir por este alumnado.

3.2 O estudantado que no momento da admisión estea en posesión do título de Graduada/o nun dos graos obxecto de programación conxunta.

3.3 O estudantado que no momento da admisión estea en posesión do título de Diplomado/a, Enxeñeira/o/Arquitecta/o Técnica/o, Licenciado/a ou Enxeñeira/o/Arquitecta/o Superior equivalente a un dos graos obxecto de simultaneidade.

En caso de acceder ao PCEO alumnado que non cumpra os requisitos establecidos neste artigo, a Universidade de Vigo procederá de oficio, e en calquera momento, á anulación da matrícula correspondente. Neste caso, o alumnado terá dereito á devolución do importe da matrícula.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

3  

Artigo 4. Criterios de matrícula O alumnado que curse estes estudos deberase matricular a tempo completo no primeiro curso. A partir de segundo curso, matricularase da totalidade dos créditos correspondentes ao curso de que se trate ou:

- dun número mínimo de 48 ECTS, agás no caso de que a cantidade de créditos necesaria para rematar o PCEO sexa inferior.

- dun número máximo de créditos non superior ao número de créditos do curso completo do PCEO que estea a cursar a alumna ou alumno incrementado nun 25%. Enténdese por curso completo, o curso máis alto no que estea matriculado o/a alumno/a.

Para os efectos dos criterios de matrícula, o alumnado do PCEO non estará rexido pola Normativa de Permanencia e progreso do alumnado da Universidade de Vigo. Artigo 5. Avaliación As convocatorias de exame das distintas materias realizaranse nas datas que determine o calendario oficial no centro responsable do PCEO, que se axustará ao calendario aprobado polo Consello de Goberno da Universidade de Vigo. Artigo 6. Requisitos de permanencia. A permanencia no PCEO rexerase polo establecido na Normativa de Permanencia e progreso do alumnado das titulacións oficiais de grao e de máster universitarios da Universidade de Vigo. Artigo 7. Representación e Bolsas 1. Para os efectos de participación en órganos de goberno, consideraranse estudantes con vinculación ao centro responsable da tramitación e custodia dos expedientes. 2. Para os efectos de solicitude de bolsas ou axudas, consideraranse estudantes, con carácter xeral, con vinculación ao centro responsable da tramitación e custodia dos expedientes. Artigo 8. Abandono dunha das dúas titulacións 1. Calquera estudante, de ser o caso, poderá optar por calquera das dúas titulacións iniciadas, sempre que teña aprobada como mínimo dúas materias ou 12 ECTS do primeiro curso da titulación que vaian cursar, tendo dereito ao recoñecemento dos créditos básicos superados.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

4  

2. Calquera estudante poderá desistir da súa matrícula de acordo co que dispuxese a convocatoria de matrícula que se aprobe para cada curso académico.

Artigo 9. Traslados de expediente e cambio de centro

Establécese a posibilidade de que o alumnado da Universidade de Vigo desexe trasladarse, na mesma ou a outra universidade, para facer un PCEO equivalente. Nese caso a secretaría de alumnado de cada centro debe emitir a certificación dos estudos realizados ata o momento.

Do mesmo xeito, debe establecerse a posibilidade de que o alumnado doutras universidades españolas que curse un PCEO equivalente poida trasladarse á Universidade de Vigo.

O número de prazas para traslado desde outro PCEO equivalente será, polo menos, o 2% do total das prazas ofertadas no PCEO para alumnado de novo ingreso. Se da aplicación da devandita porcentaxe non resultase un número enteiro, redondearase ao número enteiro superior máis próximo.

Artigo 10. Recoñecementos específicos para estudantes do PCEO 1. Ao alumnado que curse o PCEO recoñeceráselle os créditos das materias optativas dos graos polos créditos das materias obrigatorias que constan na Memoria da Programación Conxunta, logo de superalas e coa equivalencia en puntos correspondente á cualificación obtida nesas materias obrigatorias. Non poderá darse o recoñecemento inverso, é dicir, non serán recoñecidas materias obrigatorias por materias optativas cursadas. O recoñecemento realizarase polo decanato/dirección do centro correspondente. A solicitude do/a estudante, logo de ser revisada pola administración do centro, resolverase no momento en que supere o total de créditos correspondente ao plano de estudos do PCEO, agás os do Traballo de Fin de Grao. 2. O alumnado que curse o PCEO poderá solicitar o recoñecemento académico de créditos optativos de acordo co establecido no Regulamento de recoñecemento de créditos por realizar actividades universitarias culturais, deportivas, de representación estudantil, solidarias e de cooperación (Consello de Goberno do 12/02/2014). Este recoñecemento será de ata un máximo de 12 ECTS para un dos graos ou ben 6 ECTS en cada grao obxecto de PCEO. 3. O recoñecemento de créditos cursados en títulos propios e/ou por acreditación de experiencia laboral/profesional soamente terá lugar nun dos graos obxecto de PCEO. O número máximo de créditos recoñecidos será o fixado na Memoria de Verificación de cada grao obxecto de PCEO. 4. O recoñecemento de créditos cursados en ensinanzas superiores oficiais non universitarias soamente terá lugar nun dos graos obxecto de PCEO. O número máximo de créditos recoñecidos será o fixado pola Xunta de Galicia no Catálogo de recoñecementos entre ciclos formativos de grao superior da formación profesional e materias de estudos universitarios.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

5  

5. O recoñecemento de créditos de formación básica cursados noutros graos realizarase de xeito proporcional aos créditos de formación básica a cursar no grao correspondente do PCEO segundo o establecido no artigo 13.a do Real Decreto 1393/2007, de 29 de outubro polo que se establece a ordenación das ensinanzas universitarias oficiais. Non poderá darse un dobre recoñecemento polas materias de formación básica cursadas. 6. Calquera recoñecemento de créditos fóra do especificado pola normativa vixente é responsabilidade da Comisión con competencias en recoñecementos de cada centro. Artigo 11. Mencións No caso de que o grao obxecto de programación conxunta teña unha ou varias mencións obrigatorias para o alumnado, o alumnado da PCEO tamén ten a obriga de cursar e aprobar as materias asignadas á dita mención. Artigo 12. Traballo Fin de Grao De acordo co establecido no Real Decreto 861/2010, non poderán ser obxecto de recoñecemento os créditos correspondentes ao Traballo Fin de Grao (TFG). Polo tanto, cada estudante debe realizar e aprobar dous TFG, cada un dos cales debe acreditar a adquisición do conxunto de competencias conducentes á obtención de cada grao do programa conxunto e deben ter unha duración igual ao TFG do grao de orixe. Ambos Traballos Fin de Grao poderán comenzar e desenvolverse no tempo simultaneamente. Artigo 13. Expedición dos títulos oficiais de Grao Cada estudante deberán solicitar a expedición de cada un dos dous títulos oficiais, ante os servizos administrativos de cada centro. Pagarán, en concepto de expedición de cada título, os prezos públicos establecidos na correspondente tarifa do Decreto da Xunta de Galicia polo que se fixan os prezos correspondentes aos estudos conducentes á obtención de títulos oficiais no ensino universitario. Os trámites administrativos que se realizarán en cada un dos servizos mencionados serán os mesmos que están establecidos con carácter xeral no procedemento de expedición de títulos oficiais na Universidade de Vigo. Artigo 14. Guías docentes As guías docentes das materias dos PCEOs deben coincidir coas guías docentes das ditas materias nos graos obxecto do PCEO e deben ser idénticas ao establecido nas memorias dos ditos graos. Disposicións finais

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

6  

Primeira: A Universidade de Vigo resérvase o dereito de non ofertar, para os seguintes cursos académicos, os PCEO se a demanda destes estudos non se correspondera coa oferta académica anual. Porén, o alumnado matriculado terá garantida a posibilidade de finalizar os seus estudos no PCEO. Segunda: Sen prexuízo do establecido nesta normativa, os trámites académico-administrativos relacionados con estes estudos regularanse pola convocatoria de matrícula correspondente a cada curso académico e pola normativa académica vixente da Universidade de Vigo que resulte de aplicación. Corresponderalle á Reitoría, ou vicerreitoría en que delegue, a interpretación e resolución de cantas cuestións xurdan na aplicación da presente normativa. Terceira: A presente normativa entrará en vigor a partir da súa aprobación en Consello de Goberno. As normativas específicas para os PCEO que existen deberán modificarse para adaptarse á presente normativa.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

7  

MEMORIA PARA O PROGRAMA

CONXUNTO DE ESTUDOS

OFICIAIS DO GRAO (PCEO) DO

GRAO EN _______________ E O

GRAO EN _____________

(Campus de ______ )

Consello de Goberno de

________________

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

8  

Artigo 1. Autorización do programa

A Universidade de Vigo autoriza a posta en marcha dun programa conxunto de estudos oficiais de grao (PCEO) proposto polas Facultades/Escolas de _________ e de __________________ que permite simultanear os estudos de Grao en ____________________ e Grao en _________ mediante unha ordenación temporal das diferentes materias que se van cursar, a partir dos planos de estudos oficiais, e tendo en conta o establecido nos artigos seguintes. Artigo 2. Titulacións que se obterán O alumnado que supere o PCEO _________ obterá os dous títulos oficiais de Graduado/a en ____________e Graduada/o en ____________ pola Universidade de Vigo. Artigo 3. Duración do programa Terá unha duración de ____________ cuadrimestres. O número de créditos necesario para superar o programa será de ____________ ECTS, distribuídos da forma que se reflicte no ANEXO I. Artigo. 4. Centro responsable do programa 1. Co fin de facilitar as distintas xestións administrativas relacionadas co

expediente académico de cada estudante así como para a tramitación das bolsas do alumnado, acórdase designar á ____________ como centro responsable da súa tramitación e custodia; sen prexuízo do disposto no artigo 13 da Normativa de Programa conxunto de estudos oficiais de grao para o procedemento de expedición de títulos oficiais.

2. Acórdase designar á ____________ como centro responsable das prácticas e empresa do alumnado do PCEO.

3. Acórdase designar á ____________ como centro responsable dos programas de intercambio do alumnado do PCEO.

Artigo 5. Centro de impartición do ensino 1. Os cursos impatiranse na Facultade de ____________ e na Facultade de

____________ 2. Deberá garantirse un horario de clases en franxas horarias, tanto teóricas

como prácticas, que permita ao estudantado organizar o seu tempo adecuadamente para facilitar o estudo e a realización das actividades formativas do PCEO e que contribúa a súa integración na vida de cada Centro.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

9  

3. Os horarios para todo o curso, con indicación precisa do lugar de impartición das clases, así como as datas de exames deberán publicarse na guía conxunta para as dúas titulacións, que estará a disposición do alumnado con anterioridade ao período de matrícula.

Artigo 6. Coordinación do PCEO 1. Existirá unha persoa coordinadora do PCEO. A súa elección correspóndelle

ao/á ____________. 2. Ademais establecerase un órgano coordinador que deberá respectar a

composición paritaria de mulleres e homes e estará formado por ____________

Artigo 7. Número de estudantes Para o curso académico ____________ofértanse ____________. O __ % destas prazas detraeránse das prazas correspondentes á oferta do grao en ____________ e o __ % das prazas correspondentes á oferta do grao en ____________. No sucesivo, o límite será o que oportunamente aprobe o Consello de Goberno. Para o curso académico __________ ofertánse _____ para traslado desde outro PCEO equivalente. Artigo 8. Normativa Esta memoria así como as cuestións non recollidas na presente memoria, debe rexerse polo establecido na Normativa de Programa conxunto de estudos oficiais de grao na Universidade de Vigo, aprobada no Consello de Goberno de 23 de xuño de 2015 e modificada no Consello de Goberno de 12 de febreiro de 2016.

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

10  

ANEXO I

PLANIFICACIÓN TEMPORAL DA DOCENCIA PRIMEIRO

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

SEGUNDO

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

TERCEIRO

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

CUARTO

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

QUINTO

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

11  

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

SEXTO

PRIMEIRO CUADRIMESTRE

( __ ECTS)

SEGUNDO CUADRIMESTRE

( __ ECTS)

Vicerreitoría de Organización Académica e Profesorado

Edificio Reitoría Campus de Vigo 36310 Vigo España

Tel. 986 813 595 vicprof@uvigo.es

 

12  

ANEXO II

A) Os créditos das seguintes disciplinas optativas do Grao en ___________ recoñeceranse pola superación dos créditos das seguintes disciplinas obrigatorias ou de formación básica do Grao en __________

Táboa de recoñecementos:

Vicerreitoría de Investigación e Transferencia

1 

PROGRAMA DE CAPTACIÓN DE TALENTO INVESTIGADOR DE EXCELENCIA DA UNIVERSIDADE DE VIGO 

CONVOCATORIA 2016 

 

A Universidade de Vigo ten demostrado un claro compromiso coa excelencia en todas as súas facetas  de  actividade,  e  moi  especialmente  no  relativo  á  promoción  da  investigación  e  a transferencia de coñecemento en  todos os ámbitos. O progreso de calquera  institución neste eido,  cara  a  acadar unha posición de  liderado  e un  recoñecemento nacional  e  internacional, require  a  posta  en marcha  de  estratexias  axeitadas  para  a  captación  e  retención  de  talento investigador. Existen claros exemplos, tanto nacionais como estranxeiros, de estruturas de I+D+i de éxito probado e  indubidable, nas que o desenvolvemento de programas ambiciosos para a incorporación de persoal investigador de moi alto nivel curricular e prestixio internacional foi, e segue sendo, fundamental para acadar e manter unha posición de preeminencia. 

Durante  os  últimos  anos,  a  Universidade  de  Vigo  apoiou  e  puxo  en  marcha  programas orientados á captación de persoal  investigador e á consolidación da súa actividade dentro das liñas  de  investigación  desenvolvidas  na  Universidade.  Estes  programas  foron  deseñados  co obxectivo  principal  de  complementar  e  dar  continuidade  a  outros  promovidos  polas administracións  autonómica  ou  estatal.  Conscientes  da  importancia  de  abordar  accións específicas para a captación de persoal investigador de moi alto nivel curricular, destacado non so  pola  súa  excelencia  e  liderado  científico,  senón  polo  impacto  da  súa  investigación  e  o recoñecemento  internacional dentro do grupo dos e das mellores do seu campo, no ano 2015 desenvolveuse a primeira  convocatoria do Programa de  captación de  talento  investigador de excelencia  da Universidade  de Vigo.  Este programa pretende  facilitar  a  incorporación  á nosa universidade de persoal investigador de moi alto nivel e de calquera área de coñecemento, que poida impulsar un salto cualitativo nos resultados de I+D+i e o posicionamento internacional da institución.  A  acción  proposta  está  baseada  na  Lei  14/2011,  de  1  de  xuño,  da  Ciencia,  a Tecnoloxía e a Innovación, a cal establece que os organismos públicos de investigación, caso da Universidade  de  Vigo,  poderán  contratar  persoal  investigador  en  réxime  laboral  baixo  as modalidades  contractuais  establecidas  nos  seus  artigos  21,  22  e  23  ou  baixo  calquera  outra modalidade temporal, que dea acomodo á realización de proxectos específicos de investigación científica e técnica.  

1. Obxectivo 

A  presente  convocatoria  ten  como  obxectivo  a  realización  dun  proceso  selectivo  para  a contratación como persoal  laboral  temporal de persoal  investigador doutor, de moi alto nivel curricular, destacado non  so pola  súa excelencia e  liderado científico,  senón polo  impacto da súa  investigación e o recoñecemento  internacional dentro do grupo dos e das mellores do seu campo de actividade. 

2. Número e características dos contratos 

O programa ofrece  inicialmente dous contratos de cinco anos de duración, na modalidade de investigador/a distinguido/a prevista no artigo 23 da Lei 14/2011, de 11 de xuño, da Ciencia, a Tecnoloxía  e  a  Innovación.  Dependendo  do  éxito  da  convocatoria  e  a  dispoñibilidade orzamentaria, poderá ampliarse o número de contratos ofertados. 

Vicerreitoría de Investigación e Transferencia

2 

As situacións de  incapacidade temporal, risco durante o embarazo, maternidade, adopción ou acollemento, risco durante a  lactación e paternidade, suspenderan o computo da duración do contrato. 

O salario bruto anual  fixarase segundo o nivel curricular das persoas contratadas, e estará en liña co das diversas categorías de profesorado universitario. Poderá acordarse unha retribución adicional  variable  e/ou  incrementos  salariais  durante  a  duración  do  contrato,  suxeitos  á consecución  de  obxectivos  e  á  avaliación  positiva  da  actividade.  Aparte  das  retribucións salariais,  tamén  poderá  estipularse  unha  asignación  económica,  en  concepto  de  gastos  de execución da liña de investigación proposta. 

Unha vez  transcorridos os 5 primeiros anos de contrato, poderá promoverse a  renovación do mesmo,  por  períodos  adicionais  de  5  anos  de  duración,  sempre  que  se  supere satisfactoriamente o pertinente proceso de avaliación resultados. 

3. Financiamento 

O programa  financiarase con cargo a aplicación orzamentaria 0000 131H TAL de cada un dos exercicios nos que se desenvolva, no marco das dispoñibilidades orzamentarias da Universidade de Vigo. 

4. Requisitos das persoas solicitantes 

Para seren admitidas neste proceso selectivo as persoas aspirantes deberán posuír os seguintes requisitos: 

a. Ter o título de doutor/a 

b. Ter un mínimo de tres anos de experiencia pre‐doutoral e/ou post‐doutoral internacional 

c. Non ter relación contractual coa Universidade de Vigo no momento da solicitude, nin a ter tido nos doce meses anteriores á publicación desta convocatoria 

Só  se  considerarán  candidatas  e  candidatos  cunha  traxectoria  investigadora  excepcional  a nivel  internacional,  e  excelente  capacidade  de  liderado.  As  mulleres  aspirantes  son especialmente benvidas.  

O persoal contratado deberá contribuír substancialmente ao desenvolvemento das súas áreas de  investigación  e  ter  un  forte  impacto  nos  resultados  de  I+D+i  da  Universidade  de  Vigo, podendo de ser o caso liderar liñas ou accións estratéxicas. 

Como exemplo do nivel curricular esixido,  indícanse a continuación méritos que poderían  ser considerados favorablemente: 

‐ Estar  incluido/a na  lista de  investigadores e  investigadoras altamente citados/as publicada por Thomson Reuters en 2015 en calquera categoría científica (http://highlycited.com) 

‐ Ter publicado artigos de  investigación nas  revistas Nature ou  Science, ou de nivel  similar, durante os últimos cinco anos.  

‐ Ser  beneficiario/a  ou  ter  sido  finalista  dunha  das  convocatorias  do  European  Research Council (ERC): Starting Grant, Consolidator Grant, Advanced Grant 

‐ Ter unha produción científica axeitada ao nivel da súa área de  investigación, e cun  impacto tal  que  unha  proporción  significativa  desta  produción  estea  situada  no  10%  superior  por número de citas no ámbito que corresponda  

Vicerreitoría de Investigación e Transferencia

3 

5. Avaliación e selección 

A selección será realizada por unha comisión nomeada polo reitor, e composta pola Vicerreitora de  Investigación  e  Transferencia,  que  a  presidirá,  e  catro  investigadoras  e  investigadores  da Universidade e Vigo, de distintos ámbitos de coñecemento e recoñecido prestixio. A Comisión poderá  contar  có  asesoramento de persoal  investigador  experto,  externo  á Universidade,  en calquera das fases do proceso. 

A Comisión de Selección realizará unha revisión inicial das solicitudes recibidas, valorando se se cumpre  a  condición  de  traxectoria  investigadora  excepcional  e  excelente  capacidade  de liderado, así como a viabilidade material de desenvolvemento na Universidade de Vigo da  liña de  investigación proposta. En  caso  afirmativo, procederase  ás  fases  seguintes do proceso de avaliación: 

a. Avaliación externa por pares 

A Comisión de Selección designará un mínimo de dous investigadoras ou investigadores de moi alto nivel e relevancia internacional no área de actividade de cada persoa aspirante, e externos/as ao sistema de  I+D+i galego, para a avaliación do currículum vitae e a  liña de investigación proposta. Os paneis de avaliadores externos estarán compostos por persoal investigador  de  nivel  igual  ou  superior  ao  requirido  aos  solicitantes.  Os  informes  de avaliación emitidos deberán ser motivados e reflectir unha puntuación numérica.  

Na  avaliación  do  currículum  vitae  teranse  en  conta  aspectos  como  as  publicacións,  con especial referencia ao seu impacto e calidade, participación e dirección de proxectos, ou as colaboracións internacionais. 

Na avaliación da  liña de  investigación proposta, ademais da viabilidade de  realización da mesma na Universidade de Vigo e a adecuación as liñas estratéxicas da institución, teranse en conta o potencial impacto da mesma, non só no que se refire á xeración de resultados, senón á posible influencia na política científica e nas prácticas habituais.  

Unha vez recibidos os informes externos de avaliación, a Comisión de Selección establecerá se o persoal  solicitante  supera  a primeira  fase de  avaliación, pasando polo  tanto  á  fase seguinte. 

b. Entrevista 

O persoal solicitante que supere a  fase da avaliación externa por pares será entrevistado pola Comisión de Selección, presencialmente ou por videoconferencia. Poderá pedírselle ao persoal solicitante que realice unha breve exposición pública do seu historial e  liña de investigación.  Na  entrevista,  trataranse  aspectos  técnicos  relacionados  coa  traxectoria investigadora da persoa candidata, así como as súas competencias e capacidades xerais, e a idoneidade da liña de investigación proposta. Tamén nesta fase de entrevista, a Comisión poderá  contar  có  apoio  de  persoal  investigador  experto  nas  áreas  de  coñecemento correspondentes, de recoñecido prestixio e externo á Universidade de Vigo. 

O  resultado  da  entrevista  será  expresado  nun  informe  motivado  e  reflectido  nunha puntuación numérica. 

A  Comisión  de  selección  establecerá  se  o  persoal  solicitante  supera  a  segunda  fase  de avaliación.  En  caso  afirmativo procederase  á negociación das  condicións  contractuais  co persoal investigador seleccionado. 

Vicerreitoría de Investigación e Transferencia

4 

Os resultados de cada unha das fases do proceso serán comunicados aos/as candidatos/as por correo electrónico. 

Durante  todo  o  proceso  de  avaliación  e  selección,  a  Comisión  velará  pola  igualdade  de oportunidades e a non discriminación por motivos de xénero, idade, nacionalidade, grupo racial nin ningunha outra clase de discriminación. 

6. Contratación e seguimento 

Convocarase  ás  persoas  seleccionadas  para  formalizar  un  contrato  como  investigador/a distinguido/a conforme ao previsto no artigo 23 da Lei 14/2011, de 11 de xuño, da Ciencia, a Tecnoloxía e a Innovación, coas características correspondentes acordadas. 

O desempeño do persoal  investigador contratado será sometido a avaliación ao  final dos  tres primeiros anos de contrato. A avaliación será realizada por investigadoras ou investigadores de moi  alto  nivel  e  relevancia  internacional  na  área  de  actividade  de  cada  persoa  contratada, designados/as pola Comisión de Selección. A avaliación terá en conta a produción científica e a actividade  investigadora  desenvolvida  durante  o  período  avaliado.  Unha  avaliación  positiva pode conlevar un  incremento  salarial. No caso de contar cunha avaliación negativa, que  será motivada, poderá darse por finalizado o contrato. 

Unha vez  transcorridos os 5 primeiros anos de contrato, poderá promoverse a  renovación do mesmo,  por  períodos  adicionais  de  5  anos  de  duración,  sempre  que  se  supere satisfactoriamente unha avaliación do desempeño profesional durante o período, realizada de xeito análogo á avaliación intermedia descrita no parágrafo anterior. 

7. Formalización de solicitudes e procedemento 

A  convocatoria  será  publicada  na  páxina  web  e  nos  rexistros  da  Universidade  de  Vigo. Adicionalmente,  darase  difusión  nacional  e  internacional  á  mesma,  a  través  das  principais publicacións e redes de información científica. 

As  solicitudes  serán  presentadas  por  correo  electrónico,  na  dirección  vicinv@uvigo.es, achegando a seguinte documentación: 

‐ Formulario de  solicitude,  cumprimentado en  inglés  segundo o anexo, e  incluíndo os datos persoais e profesionais, unha lista das 5 publicacións mais relevantes, un resumo da liña de investigación  que  se  pretende  desenvolver  na  Universidade  de  Vigo  (máximo  2.000 caracteres), e unha expresión de motivación (máximo 3.000 caracteres) 

‐ Currículum vitae do/a candidato/a en  inglés (máximo 15 páxinas, nun único arquivo pdf de ata 4 Mb de tamaño) 

‐ Datos de contacto de catro persoas que poidan dar referencias profesionais 

‐ Un mínimo de dous e un máximo de catro cartas de referencia, en  inglés e formato pdf ou .doc. Poden solicitarse ás persoas de contacto indicadas no punto anterior, ou a outras 

Enviarase  por  correo  electrónico  ás  persoas  candidatas  un  acuse  de  recibo  da  solicitude presentada. 

Non  é  necesario  aportar  xustificantes  dos méritos  indicados  no  currículum  no momento  da solicitude.  En  caso  de  ser  necesario,  a  Comisión  de  Selección  poderá  solicitar  ao  persoal investigador  aspirante,  en  calquera  momento  do  proceso  de  avaliación  e  selección,  a 

Vicerreitoría de Investigación e Transferencia

5 

documentación adicional que corresponda para avaliar axeitadamente a candidatura e verificar o cumprimento dos requisitos. 

O prazo de presentación de solicitudes estará aberto desde o día seguinte á aprobación desta convocatoria ata o 31 de decembro de 2016. O prazo poderá ampliarse mais alá desta data, no caso  de  non  ser  adxudicados  todos  os  contratos  ofertados  e  de  existir  dispoñibilidade orzamentaria. A Comisión de selección actuará como mínimo unha vez cada trimestre do ano, en caso de existir solicitudes. 

Vicerreitoría de Investigación e Transferencia

1 

PROGRAMA DA UNIVERSIDADE DE VIGO PARA A CAPTACIÓN DE PERSOAL INVESTIGADOR SELECCIONADO NAS CONVOCATORIAS DO CONSELLO EUROPEO DE INVESTIGACIÓN (ERC) 

CONVOCATORIA 2016 

As  estratexias  axeitadas  para  a  captación  e  retención  de  talento  investigador  e  para  o desenvolvemento  de  proxectos  de  I+D+i  ambiciosos  e  de  elevado  potencial  de  éxito,  son fundamentais para o progreso das institucións cara á excelencia e o recoñecemento nacional e internacional.  A  Universidade  de  Vigo  ten  apoiado  e  posto  en marcha  diversos  programas orientados á captación de persoal  investigador e á consolidación da súa actividade dentro das liñas de  investigación desenvolvidas na Universidade. Algúns destes programas complementan e dan continuidade a outros promovidos polas administracións autonómica ou estatal, mentres que outros  supoñen accións específicas para a  captación de persoal  investigador de moi alto nivel curricular, destacado non so pola súa excelencia e liderado científico, senón polo impacto da súa  investigación e o recoñecemento  internacional dentro do grupo dos e das mellores do seu campo. 

O Consello Europeo de  Investigación (ERC), a través dos seus programas Starting Grants (StG), Consolidator  Grants  (CoG)  e  Advanced  Grants  (AdG),  busca  apoiar  a  carreira  de investigadoras/es  excelentes,  cunha  traxectoria  profesional  científica moi  prometedora,  para realizar proxectos de investigación pioneiros que poidan abrir novos camiños e supoñer un salto cualitativo nos seus respectivos campos de  investigación. O nivel de esixencia para a selección nos  programas  do  ERC  é  extremadamente  alto,  e  os  procesos  de  avaliación  utilizados  son internacionalmente recoñecidos.  

Tendo en conta a calidade e alto nivel de esixencia do proceso de avaliación empregado polo ERC, a captación de persoal  investigador beneficiario dalgún dos seus programas (StG, CoG ou AdG)  tense  convertido  nunha  das  estratexias  prioritarias  para  o  recrutamento  de  persoal investigador  excelente  e  con  alto  potencial  de  desenvolvemento.  A  captación  deste  tipo  de persoal investigador require dispoñer de ferramentas áxiles e competitivas, que poden cubrir o espazo  doutras  iniciativas  de  ámbito  autonómico  ou  nacional mentres  non  sexan  postas  en marcha, ou ben complementalas en caso de que existan. 

No ano 2015 desenvolveuse a primeira convocatoria do Programa da Universidade de Vigo para a  captación  de  persoal  investigador  seleccionado  nas  convocatorias  do  Consello  Europeo  de Investigación (ERC). O obxectivo deste programa é precisamente facilitar a incorporación á nosa universidade  de  persoal  investigador  de moi  alto  nivel,  en  calquera  área  de  coñecemento, especificamente  no  caso  de  beneficiarios/as  dos  programas  do  ERC,  e  como  ferramenta complementaria  ao  Programa  de  captación  de  talento  investigador  de  excelencia  da Universidade de Vigo, de ámbito máis xeral. A Universidade de Vigo segue así avanzando no seu compromiso coa excelencia e a promoción da  investigación e a transferencia de coñecemento en todos os ámbitos. 

 

1. Obxectivo 

A  presente  convocatoria  ten  como  obxectivo  a  realización  dun  proceso  selectivo  para  a contratación como persoal laboral temporal de persoal investigador doutor, que haxa resultado adxudicatario  dunha  axuda  do  Consello  Europeo  de  Investigación  (ERC),  Starting  Grant, Consolidator Grant ou Advanced Grant. 

 

Vicerreitoría de Investigación e Transferencia

2 

2. Número e características dos contratos 

O programa ofrece  inicialmente dous contratos de cinco anos de duración, na modalidade de investigador/a distinguido/a prevista no artigo 23 da Lei 14/2011, de 11 de xuño, da Ciencia, a Tecnoloxía  e  a  Innovación.  Dependendo  do  éxito  da  convocatoria  e  a  dispoñibilidade orzamentaria, poderá ampliarse o número de contratos ofertados. 

As situacións de  incapacidade temporal, risco durante o embarazo, maternidade, adopción ou acollemento, risco durante a  lactación e paternidade, suspenderan o computo da duración do contrato. 

O salario bruto anual  fixarase segundo o nivel curricular das persoas contratadas, e estará en liña co das diversas categorías de profesorado universitario. Poderá acordarse unha retribución adicional  variable  e/ou  incrementos  salariais  durante  a  duración  do  contrato,  suxeitos  á consecución  de  obxectivos  e  á  avaliación  positiva  da  actividade.  Aparte  das  retribucións salariais,  tamén  poderá  estipularse  unha  asignación  económica,  en  concepto  de  gastos  de execución da liña de investigación proposta. 

Unha vez  transcorridos os 5 primeiros anos de contrato, poderá promoverse a  renovación do mesmo,  por  períodos  adicionais  de  5  anos  de  duración,  sempre  que  se  supere satisfactoriamente o pertinente proceso de avaliación resultados. 

3. Financiamento 

O programa  financiarase con cargo a aplicación orzamentaria 0000 131H TAL de cada un dos exercicios nos que se desenvolva, no marco das dispoñibilidades orzamentarias da Universidade de Vigo. 

4. Requisitos das persoas solicitantes 

Para seren admitidas neste proceso selectivo as persoas aspirantes deberán posuír os seguintes requisitos: 

a. Ter o título de doutor/a 

b. Ser  adxudicatario/a  dunha  axuda  do  Consello  Europeo  de  Investigación  (ERC),  Starting Grant, Consolidator Grant ou Advanced Grant. 

5. Avaliación e selección 

A selección será realizada pola Comisión de Investigación da Universidade de Vigo, delegada de Consello  de  Goberno.  A  Comisión  comprobará  o  cumprimento  dos  requisitos  e  valorará  a viabilidade material  de  desenvolvemento  na  Universidade  de  Vigo  da  liña  de  investigación proposta.  Logo,  emitirá  un  informe  motivado  propoñendo  ou  non  a  contratación  dos/as candidatos/as, e establecendo unha orde de prioridade para a contratación no caso de que haxa múltiples aspirantes. 

En  todo  momento,  velarase  pola  igualdade  de  oportunidades  e  a  non  discriminación  por motivos  de  xénero,  idade,  nacionalidade,  grupo  racial  nin  ningunha  outra  clase  de discriminación. 

 

 

Vicerreitoría de Investigación e Transferencia

3 

6. Contratación e seguimento 

Convocarase  ás  persoas  seleccionadas  para  formalizar  un  contrato  como  investigador/a distinguido/a conforme ao previsto no artigo 23 da Lei 14/2011, de 11 de xuño, da Ciencia, a Tecnoloxía e a Innovación, coas características correspondentes acordadas. 

O desempeño do persoal  investigador contratado será sometido a avaliación ao  final dos  tres primeiros anos de contrato. A avaliación será realizada por investigadoras ou investigadores de moi  alto  nivel  e  relevancia  internacional  na  área  de  actividade  de  cada  persoa  contratada, designados/as  pola  Comisión  de  Investigación  da Universidade  de Vigo. A  avaliación  terá  en conta  a  produción  científica  e  a  actividade  investigadora  desenvolvida  durante  o  período avaliado. Unha  avaliación  positiva  pode  conlevar  un  incremento  salarial. No  caso  de  contar cunha avaliación negativa, que será motivada, poderá darse por finalizado o contrato. 

Unha vez  transcorridos os 5 primeiros anos de contrato, poderá promoverse a  renovación do mesmo,  por  períodos  adicionais  de  5  anos  de  duración,  sempre  que  se  supere satisfactoriamente unha avaliación do desempeño profesional durante o período, realizada de xeito análogo á avaliación intermedia descrita no parágrafo anterior. 

7. Formalización de solicitudes e procedemento 

A  convocatoria  será  publicada  na  páxina  web  e  nos  rexistros  da  Universidade  de  Vigo. Adicionalmente,  darase  difusión  nacional  e  internacional  á  mesma,  a  través  das  principais publicacións e redes de información científica. 

As  solicitudes  serán  presentadas  por  correo  electrónico,  na  dirección  vicinv@uvigo.es, achegando a seguinte documentación: 

‐ Formulario de solicitude, cumprimentado segundo o anexo, e  incluíndo os datos persoais e profesionais  y  un  resumo  da  liña  de  investigación  que  se  pretende  desenvolver  na Universidade de Vigo (máximo 2.000 caracteres) 

‐ Currículum vitae do/a candidato/a (máximo 15 páxinas, nun único arquivo pdf de ata 4 Mb de tamaño) 

Enviarase  por  correo  electrónico  ás  persoas  candidatas  un  acuse  de  recibo  da  solicitude presentada. 

Non  é  necesario  aportar  xustificantes  dos méritos  indicados  no  currículum  no momento  da solicitude.  En  caso  de  ser  necesario,  a  Comisión  de  Investigación  poderá  solicitar  ao  persoal investigador aspirante a documentación adicional que corresponda para avaliar axeitadamente a candidatura e verificar o cumprimento dos requisitos. 

O prazo de presentación de solicitudes estará aberto desde o día seguinte á aprobación desta convocatoria ata o 31 de decembro de 2016. O prazo poderá ampliarse mais alá desta data, no caso  de  non  ser  adxudicados  todos  os  contratos  ofertados  e  de  existir  dispoñibilidade orzamentaria. A Comisión de selección actuará como mínimo unha vez cada trimestre do ano, en caso de existir solicitudes.