presentación de powerpoint 2021. 1. 6. · lepra (2 kron. 26:16, 19, 21). e sobra di e pueblo a...

Lès 2 pa Yanüari 9, 2021

K R I S I S

D I

LIDERASGO

Rei Uzias “ a hasi loke tabata bon den bista di Señor.” (2 Kron. 26:4). Sinembargo, “su kurason a wòrdu halsá na su destrukshon” (2 Kron. 26:16), pesei é mester a kompartí e reinado ku su yiu hòmber Jotam durante di su añanan mas lat.

Isaias a wòrdu yamá komo un profeta pa denunsiá e pikánan di Israel meimei di e krisis ei. Ora ku Uzias a muri, Dios a disidí pa renoba Isaias su yamada profétiko ku un vishon ku a marka un fase(periodo) nobo den su mishon komo un profeta.

E konteksto di e vishon

E santidat di Dios. Isaias 6:1-4

E transformashon di Isaias. Isaias 6:5-7

E enkargo(komishon). Isaias 6:8

E mensahe. Isaias 6:9-13

Isaias tabata parti di e famia real, pesei é tabata den kontakto di serka ku Uzias.

Uzias tabata un sirbidó fiel di Dios. El a wòrdu duná gran abilidatnan speshal. E tabata un bon strategista, arkitekto, i kunukero (2 Kron. 26:5-7, 9-10, 15).

Sinembargo, é kier tabata mas ku loke Dios a trah’é. E kier a hasi tareanan saserdotal, i Dios a kastig’é ku lepra (2 Kron. 26:16, 19, 21).E sobra di e pueblo a parse di a wórdu infektá dor di un “lepra” moral. Nan tabatin mester di Isaias pa guia nan na e úniko Rei santu, puru, inmortal, i perfekto.

E SANTIDAT DI DIOS

“Y un tabata yama na un otro i a bisa: ‘Santu, santu, santu ta e Señor di ehérsitonan; henter e tera ta yen di Su gloria!’”

(Isaias 6:3)

Uzias kier a bini dilante di Dios, i el a wòrdu heridá dor di Su santidat. Dios a bini dilanti di Isaias, i el a wòrdu tranformá dor di Su santidat.

Dios tabata sintá riba un trono haltu i sublime; Su presnsia a tapa tur kos. E portanan tabata sakudiendo, i e tèmpel tabata yená ku huma. Tabatin sernan kimando (seraph ta nifiká “esun ku ta kima”) rònt di djÉ ku tabata alab’É i tabata proklamá Su santidat.

E mensahe di e vishon tabata kla, Dios ta santu i ta eksigí santidat (Lev. 11:45; 19:2; 20:26; 1Pedro. 1:16). Isaias su fe a wòrdu fortalesé manera esun di Ezekiel, di Daniel, i di Juan (Eze. 1; Dan. 10; Rev. 1).

“Ki podernan,ounke terenal, mester wòrdu

areglá kontra di Juda? Kiko, no opstante, ku

Isaias mester topa ku oposishon i resistensia

den su mishon? El a mira e Rei, e Señor di

ehérsitonan; el a tende e kantika di e serafin,

‘Henter e tera ta yená ku Su gloria;’ i e profeta

a wòrdu duná kurashi pa e trabou dilanti di

djé. E memoria di e vishon aki a wòrdu hibá

kuné dor di henter su mishon largu i

riguroso(penoso).”E.G.W. (Testimonies for the Church, book 5, cp. 91, p. 751)

“Y el a mishi ku mi boka kuné, i a bisa: ‘Mira, esaki a mishi ku bo lepnan; bo inikidat a wòrdu kitá, i bo piká purifiká(limpiá).’” (Isaias 6:7)

Huma tabata yena e Lugá Santísimo tur Dia di Ekspiashon, asina ku e saserdote tabata wòrdu skondí for di Dios Su gloria. E vishon tabata remarkabelmente similar, pesei Isaias a sinti huzgá… i kondená!

E karbon bibu tabata wòrdu kohé for di e altar di oro kaminda sensia ku tabata intersedé tabata kimando. Esaki tabata representá Hesus Su interseshon. E ta e Úniko Kende por pordoná nos pikánan i transformá nos.

Uzias tabata kier a ofrese sensia su mes, i el a paga pa su piká. Ora ku Isaias a wòrdu toká dor di e karbon bibu, Dios a hasié sensia, i su piká a wòrdu pordoná.

“Tambe mi a tende e bos di Señor, bisando: ‘Ken lo Mi manda, i ken lo bai pa Nos?’ E ora ei mi a bisa, ‘At’ami aki! Manda ami.’” (Isaias 6:8)

Despues di a wòrdu konsolá dor di Dios Su pordon, Isaias a ofresé pa kumpli kualkier mishon ku Dios lo yam’é pa kumpli kuné.

Despues di tur kos, nos lo haña konsuelo i forsa den e Santuario Selestial ku lo yuda nos vense nos aflikshonnan i kumpli(realisá) nos mishon (Salmo 73:17; Revelashon 5:4-6).

Pablo a enkurashá nos pa bini konfidentemente na e Santuario dilante di e trono di Dios. Einan nos lo haña grasia pasombra Hesus ta intersediendo pa nos (Hebreonan 4:14-16).

Dios kier pa tur hende repentí i wòrdu salbá (Juan 3:16; 2Pedro 3:9). E ta manda konstantemente mensahenan di reprenshon pa medio di Su mensaheronan ( i tur kreyente lo por ta un mensahero).

Tin dos tipo di respuesta na e mensahenan aki: aseptashon òf rechaso. Mas nos rechasa e mensahenan aki, mas nos kurason ta bira duru manera esun di Farao. Nos oreanan i wowonan gradualmente ta sera segun ku nos nenga pa skucha.

Esnan kende ta aseptá e mensahe ta wòrdu yamá “simia santu” (Isaias 6:13).

“Na kada un kende ta bira un partisipante di Su grasia

Señor ta apuntá un trabou pa otronan. Individualmente

nos mester para den nos destino(parti) i lugá, bisando,

‘At’ami aki; Manda mi.’ Isaias 6:8. Riba e minister di e

palabra, e verplegster(zùster) mishonero, e dòkter

Kristian, e Kristian individual, sea é ta un

komersiante(negoshante) òf un kunukero, hòmber

professhonal òf mekaniko — e responsabilidat ta sosega

riba tur. Ta nos trabou pa revelá na hende e evangelio di

nan salbashon. Tur empresa(negoshi) den kual nos te

empleá mester ta un medio na e fin aki.”

E.G.W. (The Ministry of Healing, cp. 9, p. 148)