unha noite no cemiterio
DESCRIPTION
Conto premiado no Concurso de Relatos CPI O Cruce de Cerceda, curso 2008-09TRANSCRIPT
Unha noite no cemiterioUnha noite no cemiterioUnha noite no cemiterioUnha noite no cemiterio
Laura Danis 4º ESO, curso 2008-09
Unha noite no cemiterioUnha noite no cemiterioUnha noite no cemiterioUnha noite no cemiterio
En Cerceda empezaba a escurecer, e iso que aínda non eran as oito
da noite. Ía un frío que pelaba, e tamén comezaba a orballar, desta
choiva moi fina, que cando te dás conta xa estás empapado ata aos
ósos. Marcos meteu as mans no bolsillo, subiu a cremalleira da chaqueta
e escondeu a cara nela. Ía moitísimo frío. Tivera razón a súa nai, se lle
fixera caso e collera a chaqueta negra agora non estaría tremendo de
frío. Comezou a andar máis rápido, quería chegar pronto a casa de seu
mellor amigo Rubén. Ao fin e o cabo hoxe era un día importante: 31 de
outubro. Onte na clase, durante a hora de tutoría, reunírase toda a
pandilla, da que formaban parte Rubén, Angél e José, aínda que tamén
se uniran a eles as rapazas: María, Carmn e Jennifer. Estiveran falando
sobre o que podían facer esa fin de semana, cando de repente alguén
propuxo ir ó día seguinte ao cemiterio de Cerceda, xa que era o día de
Samaín. Estiveran todos de acordo, menos as rapazas que non viron con
bos ollos aquilo, pero de todas formas apuntáronse. Marcos vira nos
ollos de Carmen algo de esperanza, e Carmen dixo, mirando fixamente a
Marcos:
-Eu vou sen problema, non teño ningún medo. A que hora e onde
quedamos?
Marcos desviou a mirada. Non aguantaba a aquela rapaza, era moi
chula, pija e creída, e por encima intentaba facerse a valente. De todas
formas a Marcos non lle preocupaban as rapazas. Así que decidiron
facer o seguinte: as oito menos cuarto reuniríanse todos na casa de
Rubén, que quedaba moi preto do cemiterio, nunha aldea pequena,
chamada a Vila. Tamén quedaran en que ían levar lanternas, e José
pensou que tamén sería boa idea levar un taboleiro e un vaso, é dicir,
tiña pensado facer a ouigha. Marcos non cría nesas cousas, tanto lle
tiña o que fixeran ou non, el ía para pasalo ben cos seus amigos, e o
resto era pouco importante.
Cando chegou a casa de Rubén xa eran case as oito e media, polo
que xa estaban todos reunidos na desordenada habitación de seu
compañeiro, e todos rosmaron cando entrou. Preguntáronlle porque
non viñera antes, e el contestoulles que non mirara ben o reloxo, que
sentía o retraso. Aceptaron as disculpas. Angel trouxera o seu portátil,
e tamén unha película de medo, de título pouco interesante, pero que
ao final viron para matar o tempo, xa que tiñan pensado ir ao cemiterio
sobre as once e media, e aínda lles quedaba moito tempo. Miraron a
película, aínda que ninguén prestou moita atención, porque resultaba
ser que a peli era un pelmazo, moi aburrida e moi pouco realista, e en
realidade non metía medo, o único que metía era sono. De feito, polas
risas que botaban os rapazes mesmo podería ser unha comedia, porque
cada vez que o tipo da película lle arrancaba un brazo aos
protagonistas, que eran moi malos actores, e os efectos especiais eran
tamén pésimos, víase que eso que lle estaba arrancando era plástico
cuberto de salsa de tomate. A película trataba dunha persoa, que sen
sabelo resultaba ser antropófaga, ou sexa que comía carne humana.
Pero el, era un rapaz de 16 anos, non o sabía, descubrirao un día que
fora ao cemiterio, e un espíritu posuírao, e empezou a matar aos seus
compañeiros, e a continuación devorábaos. En fin, aos rapaces
pareceulles unha película do máis aburrida e sobretodo surrealista.
Cando acabaron de ver a película aínda lles quedaba media hora así
que puxéronse a facer a equipaxe que estaba composta por unha lona
de plástico, para sentarse no chan, lanternas, o taboleiro e o vaso e
bastantes chucherías. Mentres Ángel e Jennifer facían isto o resto
empezarou a xogar as cartas. O tempo non daba pasado, pero
finalmente decidiron marchar, pois xa eran as once e vinte cinco, e
levaríalles un anaco chegar. Colleron as cousas e marcharon. Non
tiveron o típico problema cos pais, de poñer excusas para xustificar a
onde pensaban ir a esas horas da noite, porque os pais de Rubén non
estaban na casa, foran visitar aos avós. El en cambio dixéralles que se
encontraba mal, que prefería quedar na casa, vendo a televisión ou
durmindo. O resto da pandilla dixéralles aos seus pais que ían durmir a
casa de Rubén, todos menos as rapazas, que preferiran decirlles que ían
a casa de Carmen. Os rapaces non comprendían porque María e
Jennifer se levaban ben con ela, porque era mala persoa, ou polo menos
cos rapaces. Pero ás rapazas non había quen as entendera, e eles
preferían non meterse no seu mundo, que xa eran bastante complicadas
de entender, sen que se meteran nos seus líos. Marcos pensaba que iso
mesmo habían de dicir elas, que sempre dicían que os rapaces non había
quen os entendera. En fin.
Cando chegaron ao cemiterio, preferiron saltar o valado, en vez de
romper a cadea. Non querían facer mal, só divertirse un pouco. Os
rapaces saltaron sen problemas e cando Rubén lle ofreceu as rapazas a
súa axuda todas o miraron con mala cara. Todas menos María, que era a
súa moza dende o verán. Carmen e Jenifer saltaron sen axuda, non lles
ía aquel rollo machista de “Son unha damisela en apuros”... Empezaron a
andar polo cemiterio, internándose nos corredores, para asegurarse de
que non había ninguén máis. Cando acabaron de inspeccionalo
reuníronse todos no corredor máis amplo. Estenderon unha gran lona de
plástico na herba, para non mollarse, e sentaronse en círculo. Seguía
facendo moito frío, e Marcos volveu a pensar na súa nai, pero tamén no
ben que podía estar na cama, quentiño, falando polo móvil ou
chateando co seu portátil. Non lle gustaba ese sitio, dáballe mala espiña,
pero estivo calado. José quitou as lanternas e púxoas de tal maneira que
se viran ben uns aos outros. Mentres el colocaba as lanternas Angel
quitou o taboleiro nos que escribira os números e as letras
correspondentes, e tamén quitou da mochila o vaso. Jennifer collera a
libreta e un boli que collera a última hora, aínda que non lles dixera ós
outros para que a ía necesitar. Na libreta tiña apuntadas todas as
preguntas que se lle ocorreran que podía preguntarlle aos espíritos, se é
que os había ou se tiñan gañas de contestarlles. Marcos viu de reollo
que debaixo de cada pregunta, Jennifer deixara un oco baleiro, onde
máis tarde ía escribir as respostas, se é que se producían. Pero ela era
moi supersticiosa e cría firmemente que os espíritos de Cerceda tiñan
algo que contarlles aos seus habitantes, e que eles serían os mensaxeiros
daquela noticia. Que parvadas, pensou Marcos. Os mortos non
falaban... E María colleu da súa mochila unha chaqueta, que máis ben
parecía un felpudo, pero que polas pintas debía de abrigar abondo.
Marcos tivo envexa dela, porque o estaba pasando moi mal, non lle
batían os dentes porque os tiña fortemente apretados. Ás doce en
punto, cando o reloxo da igrexa comezou a dar as badaladas, os rapaces
puxéronse moi atentos e Jenifer comezou a recitar en voz alta:
-Oooooohhhhh.... Espíritos de Cerceeeeeedaaaaa.... Se hai algo
que queireaaaaades comunicarnos agoraaaaaaaaaaaaaaa chegou a
hooooooooraaaaaa da verdadeeeeeeee. Por favoooooooor rogámosvos
que se estaaaaaaaaaaaaaades en condicións, nos digaaaaaaaaaaaaaaades
o que teeeeeeeeeeeeeeeeeeedes que dicir...
Todos os rapaces menos Marcos, demasiado despistado para
decatarse, empezaron a rirse polo baixo. Jennifer non facía caso e
seguía en postura de meditación, facendo o típico ruidito:
Oooooommmmmmmm, Oooooooooommmmmmmm....e tiña os ollos
cerrados. Marcos mirou para ela. Parecía realmente concentrada. De
repente, Jennifer cambiou totalmente de expresión. Abriu rapidamente
os ollos, e a boca torciuselle nunha sorisa, que máis ben parecía unha
mueca malvada. Parou de facer os ruidos e comezou a rirse, unha risa
fantasmal e malévola. Todos comezaron a rirse máis forte aínda, e
algúns ata se retorcían ou choraban de risa. Facía graza ver a Jennifer
así. Pero Marcos non se riu. Coñecía perfectamente a Jennifer, e sabía
que ela non gastaba ese tipo de bromas, porque as consideraba pesadas
e de moi mal gusto. Jennifer parecía como posuída. Comezou a falar,
cunha voz totalmente distinta da súa, era a voz dunha muller anciá,
destas voces que parecen máis graznidos de aves que a voz dunha
persoa. Tiña os ollos moi estraños: en vez de ser os seus ollos castaños
eran de cor amarela, mesturado con vermello e parecía que botaban
chispas. Dixo, con esa voz horrorosa, e abrindo moito os ollos:
-Vida! Volvín a vida! Que glorioso momento, tan ansiado... A
cacería dase por empezada- e empezou a rirse de tal maneira que doía
nos oídos, e parecía unha risa dunha tola. Os rapaces pararon de rirse e
miraron fixamente a súa amiga. Carmen díxolle, con cara seria:
-Vale Jennifer, xa chegou a túa pequena broma, isto xa non fai
graza.
Jennifer mirouna coa cara ladeada. E dixo:
-Ti eres a máis apetecible, creo que tes unha carne moi sabrosa, xa
o podo ulir dende aquí
-Que xa vale, Jennifer! Para xa!- Carmen comezou a poñerse
nerviosa. Non lle gustaba que Jennifer estivera así. María dixo:
-Vamos Jennifer, necesitas relaxarte, ven comigo.
E colleuna e foron a parte máis recóndita do cemiterio, e internáronse
nun corredor.
-Fixo que a fai volver a razón- dixo José, tranquilizando a Carmen.
-Pero por que se puxo como unha posuída, a berrar de tal maneira
e esas barbaridades?- preguntou Rubén.
-Non o sei, pero xa veras como lle pasa. – contestou Ángel.
Estiveron esperando e Marco mirou o reloxo. Xa había moito tempo que
estaban esperando a volta de María e Jennifer.
-Que raro que aínda non viñeran, verdade?- comentou Marcos- Xa
deberían estar aquí hai tempo...
-E se lles pasou algo?- dixo Carmen con medo.
-Que lles vai pasar nun cemiterio, muller... Que se levante un
morto e lles proteste porque lle pisaron o cespede que hai diante do
nicho? Vamos oh! Non digas parvadas...- dixo José.
-Se cadra perdéronse, hahaha- dixo Rubén.
-Rapaces! Parade! Creo que é mellor ir ver se están ben. Quen vén
comigo?- dixo Carmen, porque ela mesma tiña medo, aunque non o
quixera recoñecer porque era demasiado orgullosa, e moito máis diante
de seus amigos.
Xusto nese momento, cando Carmen acabou de falar algo estraño
sucedeu: oíuse un grito moi agudo. Era un grito de dor e de pánico, e
parecía a voz de María. Carmen quedou petrificada e todos os rapaces
se miraron entre si. Que pasara para que María gritase de tal maneira?
Todos tiveron medo, aunque non o dixeron en voz alta.
-Imos ver que pasa?- preguntou Marcos.
-Vale. Pero é mellor que non vaiamos todos, que queden aquí
Carmen e José. Ti, Rubén e eu imos ir, vale?- dixo Ángel.
Carmen puxo mala cara, ao igual que José, pero os dous por razóns
distintas: Carmen tiña moito medo e a José fastidiáballe ter que ser o
que coidara dela, e por encima eran os que peor se levaban. Pero non
protestou e limitouse a dicirlles:
-Se vos fai falta axuda chamádeme, vale?
-Vale, pero non creo que faga falta. Seguro que viron unha
píntega e se asustaron, nada máis- dixo Ángel.
Carmen frunciu o cello e protestou:
-María non se asusta cunha píntega, e ese berro non parecía ser
soamente dun susto. Tívolles que pasar algo... aínda que estráñame que
Jennifer non berrara tamén, ela adoita ser bastante miedica.
-Vale, o que ti digas. Vamos rapaces- contestoulle Ángel.
Os tres rapaces empezaron a andar. Metéronse polo corredor por onde
viran desaparecer había tempo as dúas rapazas. Rubén, que era o que ía
máis adiantado parou aos seus amigos coa man e díxolles en voz moi
baixa:
-Non escoitades ese ruído estraño? Que será? Parece provir dun
animal, ou vós que credes?
E efectivamente, había algo moi estraño. Era o sonido de algo
succionando un líquido, e tamén se oía un goteo continuo: toc, toc,
toc... Tamén se distinguían lixeiros gruñidos. Todo apuntaba a que era
un animal, pero de todas formas inquietáronse. Seguiron avanzando,
máis lentamente conforme se ían achegando a onde proviña o son, xusto
a volta da esquina dunha ringleira de nichos. Pero antes de que deran a
volta a esquina o son cesou, e escoitáronse pasos sobre a herba húmida,
afastándose. Miráronse os uns aos outros. Rubén contou cos dedos,
indicándolles que a de tres miraban o que había ao outro lado. O
primeiro que o fixo foi Rubén que quedou mirando cos ollos coma
pratos a escena que vía. Marcos foi o último en velo, e sentiu que un
escalofrío lle percorría o lombo. O que vía era totalmente horroroso.
Enriba da escaleira dun nicho estaba tirada María, como se fora un
corpo inerte, morto. Tiña os ollos moi abertos, e neles reflectíase o
medo puro e unha angustia incríble. Pero o máis inquietante non era iso.
O máis inquietante era o feito de que tiña o pescozo totalmente
desgarrado, en carne viva. Tíñao roto e Marcos deuse conta de que a
súa cabeza estaba xirada cento oitenta grados, é dicir: o que eles vían
era a espalda, estaba tumbada boca abaixo, pero a cara seguíanlla vendo
igual. Marcos loitaba intensamente contra as náuseas. María estaba
morta. Alguén desgarráralle o pescozo e posteriormente.... succionáralle
todo o sangue.Rubén dixo, con voz entrecortada:
- A... María... mordérona... quixérona...- cerrou fortemente os
ollos. Estaba mareado. -... quixérona...comer...
E Jennifer onde se metera? Fora ela, diso Marcos estaba seguro. Cando
intentara comunicarse cos espíritos un deles posuíuna. Quixo decirlles
iso aos seus compañeiros pero dous berros interrompérono. Eran
Carmen e José. Marcos botou a correr. Jennifer tiña o espírito dunha
muller que fora antropófaga... quería alimentarse de... mellor non pensar
niso, díxose e correu como se lle fose a vida. Sentiu que Ángel e Rubén
o seguían. Cando chegaron ao centro do cemiterio xa era demasiado
tarde, e sóuboo antes de ver o que había alí, porque os gritos xa
cesaran. Non era posible... José e Carmen estaban tirados no chan,
tamén cos ollos abertos do medo e do pánico sentido había un
momento. Tiñan o pescozo igual que María: desgarrado e aberto,
completamente ensanguentado e roto, describindo unha volta de cento
oitenta graos. A parte diso a José faltáballe un brazo. Arrancáranllo sen
esforzo ningún... Marcos pensou en todos os seus amigos, que morreran
en cuestións de minutos. Pero tamén pensou nel e nos que seguían
vivos: tiñan que salir de alí. Agora mesmo. Empezou a correr cara ó
portal e sentiu que os outros dous facían o mesmo que el: correr.
Cando xa case estaba a altura do portal e se dispoñía a saltar oíu gritar
a Rubén. Xirouse para ver o que lle pasaba e aí estaba: Jennifer
clavando as súas longas uñas ensanguentadas no brazo de seu amigo,
arrancándollo con forza, de repente, e oíu o óso ao romper. Rubén
gritaba de dor. Ángel xa saltara o valado, pero Marcos quixo axudarlle
ao seu amigo, a pesar de que sabía que tiña a morte asegurada a mans
daquel monstro que estaba posuída. Jennifer abriu a boca, ensinando
uns dentes grandísimos, ensanguentados que se cravaron, case gozando
o momento, no pescozo de Rubén e o partían en dous. Marcos quixo
agarrar a Jennifer, para detela pero pegou tal salto que chegou ao lado
do outro valado, agarrou a Ángel e craváballe os dentes na perna, na
coxa e arrincáballe un gran cacho de carne. Marcos correu cara ó
valado para axudarlle a Ángel, pero sabía que non ía chegar a tempo. Xa
comprobara que Rubén morrera. Case mellor, pensou. Vivir con ese
sufrimento, sentir que che arrancaran o brazo debía de ser horroroso.
Cando chegou ao valado Ángel xa estaba morto, desplomado sobre a
gravilla sobre unha gran poza de sangue, e Marcos non puido facer nada
pola súa vida. Perdera a todos os seus amigos en... cinco minutos. Todo
isto sucedía en cuestión de segundos, Jennifer era incriblemente rápida
e... malévola. Dirirxiuse lentamente cara a el e sorriulle maliciosamente.
Viase que gozaba coa situación. Un calafrío recorreu todo o corpo do
rapaz. Estaba perdido....
- Agora ti... o mellor para o final.
Marcos non sentiu os dentes cerrarse sobre el. Tampouco a risa de
Jennifer. Só un golpe. E escuridade. Abriu os ollos e viu o seu portátil.
Mirou arredor. Estaba na súa habitación. Inspirou profundamente. Só
fora un inquietante soño. Mirou o calendario: 31 de outubro. Colleu o
móbil e empezou a chamar a Rubén. Ese día case mellor que non ía ir ao
cemiterio, só por se acaso. Ademais...pasáranlle as gañas...