novelas ambientadas nas democracias … · unicamente se denuncia a seu pai poderá continuar cos...
TRANSCRIPT
NOVELAS AMBIENTADAS NAS DEMOCRACIAS POPULARES
URSS – RUSIA
Archipiélago Gulag (Alexandr Soljenitsin). Relato con carácter
autobiográfico sobre os campos de castigo soviéticos durante a
época stalinista no que reconstrúe con detalle e crueza a vida
penitenciaria nos tempos da Unión Soviética.
Asesinato en el Kremlin (Alejandro Gallo). Personaxes reais
mestúranse con outros de ficción partindo do feito real do asasinato,
en 1934, do dirixente comunista e colaborador de Stalin, Serguéi
Kirov. Na investigación para esclarecer o feito aparecen demasiadas
sombras.
El hombre que amaba a los perros (Leonardo Padura). Novela
organizada arredor dun acontecemento histórico que tivo lugar en
México en 1940: o asasinato de Trotsky pero unha historia ficticia, a
dun escritor cubano que coñece por casualidade a Ramón Mercader,
o asasino, xa vello e enfermo.
El primer círculo (Aleksandr Solschenitzin). En 1949, un
funcionario do ministerio de Asuntos Exteriores soviético fai unha
chamada á embaixada norteamericana para comunicarlle a
existencia dun proxecto atómico dirixido contra EE UU. A chamada
queda rexistrada e cómpre descubrir o culpable.
La alternativa del Diablo (Frederick Forsyth). As malas colleitas de
cereais en Ucraína provocan protestas nacionalistas que poden
provocar un enfrontamento entre as grandes potencias que dominan
o mundo durante a Guerra Fría.
La casa Rusia (John le Carré). Relato ambientado na época da
perestroika, entre espías e contraespías, operacións de alto risco e
historias de amor.
Laberinto (Larry Collins). O islamismo ameaza a unha Unión
Soviética próxima a súa desmembración, pero un ambicioso coronel
da KGB ten un plan para cambiar o obxectivo e que sexa o
presidente de Estados Unidos, todo elo contando coa axuda unha
brillante neurocirurxiana e porá en marcha un plan tan incrible como
inquietante.
Pabellón de cáncer (Aleksandr Solzhenitsyn). Historia centrada en
dous personaxes moi diferentes –unha vítima da represión stalinista,
trasunto do propio autor, e un funcionario membro do partido
comunista e delator de disidentes- reflexionan sobre cuestión vitais
unidos por unha mesma circunstancia, a proximidade da morte.
Vida de un desconocido (Andreï Makine) Un escritor ruso exiliado en
París decide volver á súa Rusia natal en busca da propia identidade
tras un fracaso amoroso. En San Petersburgo, quedara o amor da súa
xuventude agora transformada nunha frívola nova rica, un modelo
da nova Rusia poscomunista.
DEMOCRACIAS POPULARES EUROPEAS
Cita en Berlín (Isolde Heyne). Novela xuvenil que relata a
evolución de pensamento de Inka, unha rapaza de 14 anos que
realiza unha viaxe a Berlín leste por primeira vez desde que, con
catro anos, tivo que abandonar o lugar onde nacera.
La promesa de Kamil Modracek (Jiri Kratochvil). Praga, anos 50,
en pleno dominio do réxime comunista, historia de crimes con
transfundo político.. Unha pintora é asasinada logo dun
interrogatorio da policía secreta e seu irmá, un arquitecto, xura
vingarse, pero a situación se lle escapa das mans.
El espíritu de Praga (Ivan Klima). Recompilación de textos
centrados no escenario da cidade de Praga obra dun autor que viviu
intensamente a historia do seu país desde a ocupación nazi á
revolución do veludo de 1989 e a repartición de Checoslovaquia en
1993.
CHINA MAOÍSTA E POSMAOÍSTA
Adiós a mi concubina (Lilian Lee). Durante catro décadas, dous
actores da ópera chinesa gozan de fama e boa posición, pero coa
chegada de Mao e a prohibición deste xénero, os actores sobreviven
como poden actuando en obras de propaganda ata que son acusados
de tramar a morte do líder. Desde o desterro a que son sometidos
logran fuxir a Hong Kong, onde poderán retomar a súa actividade.
Amor el espino blanco (Ai Mi). Historia de amor durante a
revolución cultural china dos anos 70. As diferenzas sociais e
ideolóxicas das familias dos namorados non impiden que o romance
continúe e unicamente a morte os separará.
Azalea roja (Anchee Min). Biografía da autora durante a súa vida en
China antes de trasladarse a EE UU en 1984, aínda que os datos
corresponden a etapa comprendida entre a súa infancia en Shanghai
ata a morte de Mao en 1976. Seguidora de Mao inicialmente, varios
conflitos no seu contorno fan que se vaia distanciando desta
ideoloxía e acabe por marchar de China.
Balzac y la joven costurera china (Dai Sijie). Durante a revolución
cultural maoísta, dous mozos son levados a unha aldea para
reeducalos; alí coñecen a outros mozos que leen novelas prohibidas
publicadas en occidente e a súa lectura lles presenta dúbidas e
reflexións.
Cisnes salvajes (Jung Chang). Relato sobre a vida de tres mulleres
que resume a problemática das vicisitudes de China ao longo do
século XX.
El Club de la Buena Estrella (Amy Tan). O autor, desde a distancia
que lle permite vivir en Estados Unidos, relata as vidas dun grupo de
mulleres coas que compón un mosaico da historia de China e de
Estados Unidos durante máis de cincuenta nos.
El teatro de los lirios (LuluWang). A familia de Lian é trasladada a
un campo de reeducación durante a revolución cultural de Mao. Para
evadirse do ambiente opresivo, trata de escaparse á natureza, onde
fala cos animais e as flores da súa propia vida. O lirismo das pasaxes
contrasta coa dureza das situacións reais.
El verano de la traición (Hong Ying) Relato baseado nos tráxicos
sucesos da Praza de Tiananmen de 1989.
En el estanque (Ha Jin). Unha pequena fábula revolucionaria ambientada nos anos posteriores á norte de Mao que discorre entre as miserias e os anhelos duns personaxes comúns que se esforzan por apoderarse das faragullas de riqueza que se lles poñen ao seu alcance.
Haz el favor de no llamarme humano (Wang Shuo). Con humor e
un argumento un tanto esperpéntico o autor aborda a desquiciada
realidade china durante a época de Deng Xiaoping. Tras o fracaso de
China nos Xogos Olímpicos, o Comité Nacional pola Mobilización
Popular debe restituír o honor da patria buscando a persoa que
converterán no novo superheroe chinés.
La chica del pañuelo rojo (Jili Jiang). Con 12 anos cando se inicia a
revolución cultural de Mao, a protagonista séntese solidaria e
orgullosa de participar nela, pero os problemas se inician cando a súa
familia comeza a ser acosada por ter avós que foron terratenentes:
unicamente se denuncia a seu pai poderá continuar cos seus estudos.
La espera (Ha Jin). Relato ambientado nos anos 60 que centra a súa
crítica na burocracia comunista a través da historia dun médico que
se ve obrigado a ocultar os seus auténticos sentimentos para non ser
considerado un burgués reaccionario.
La esposa del Dios del Fuego (Amy Tan). Longa historia persoal
sobre o fondo histórico de China desde os anos veinte ata os inicios
do mandato de Mao a través da convulsa historia da guerra civil.
La hija del curandero (Amy Tan). Narración sobre a vida dunha
muller nacida en China a comezos do século XX e que emigra a
Estados Unidos tras o triunfo de Mao. A segunda parte da historia é a
que relata a súa filla desde San Francisco.
La puerta de la paz celeste (Shan Sa). Sinxela narración da loita por
conseguir unha vida máis libre e xusta tratando de liberarse da
maquinaria opresora do réxime comunista.
Las tres hijas de Madame Liang (Pearl S. Buck). En plena
revolución cultural madame Liang rexenta en Shanghai un
restaurante de distinguida clientela e sofisticado menú, a pesar das
consignas oficiais de austeridade, o que mostra a duplicidade do país.
Outro contrapunto é o que poñen as tres fillas que estudan en EE UU.
Madame Mao (Anchee Min). Biografía novelada dunha das mulleres
máis temidas e admiradas da historia chinesa, rebelde, actriz,
ambiciosa, tirana que gobernou China á morte do seu marido Mao.
Nacer mujer en China (Xinran Xue). En 1989, nun momento de
certa apertura do réxime, unha periodista iniciou un espazo
radiofónico no que invitaba ás mulleres a falar da súas experiencias e
o libro recolle parte deses testemuños.
Pies vendados y traje occidental (Pang-Mei). A principal
protagonista é a avoa da autora que conta á súa neta os cambios
orixinados en China coa chegada do réxime comunista de Mao, con
tantas costumes que tivo de esquecer e outras novas que
obrigatoriamente tivo que aceptar.
Sombras del pasado (Ha Jin). Novela ambientada na China de 1989,
pouco antes da revolta estudantil da praza de Tiananmen centrada na
vida dun universitario e as súas reflexións mentres coida, nun
hospital, dun profesor que acaba de sufrir un ataque cerebral.
Vientos amargos( Harry Wu). Narración das propias experiencias
vividas durante máis de vinte anos en campos de trabajo chineses aos
que eran enviados os acusados de ser inimigos do réxime comunista
e nos que eran sometidos a reeducación.
CUBA
Bacardí Cuba ( Tom Gjeten). Historia da familia Bacardí de Cuba,
posuidora dunha destilería coñecida en todo o mundo. Historia
dunha familia, un negocio e unha nación ao longo de 150 anos de
paixón, ambición e poder.
Cuba libre (Yoani Sánchez). Esta bloguera cubana ofrece unha
incisiva mirada sobre os problemas e desexos actuais do seu país.
El rey de La Habana (Pedro Juan Gutiérrez). Historia baseada en
feitos reais, narra a vida dun rapaz nas rúas da Habana nos anos
noventa, cunha linguaxe dura similar á da vida do protagonista.
La providencia (Emilio A. Foureaux). Narración sobre a propia
experiencia vivida polo seu autor (Miliki) durante a revolución
cubana, personalizado na figura dos exiliados políticos daquela
época. Coa chegada de Castro ao poder, o protagonista, que loita
pola revolución, vese obrigado a abandonar a illa, enfrontándose a
un futuro incerto.
Sangra por la herida (Mirta Yáñez). A narrativa actual cubana trata
de plasmar nas letras a verdade sen temor á censura, rescatando a
memoria histórica dunha xeración que viviu con forza os convulsos
anos 60, mostrando as marcas que esa etapa deixou nas súas vidas.
NOVELAS AMBIENTADAS EN PAÍSES DESCOLONIZADOS
INDIA
Donde las piedras son dioeses (Norman Lewis). Convencido de que
na India existían moitas zonas que se afastaban dos itinerarios
tradicionais, o autor emprendeu unha viaxe polas rexións de Bihar y
Orissa, extensas zonas nas que aínda persiste unha enorme pobreza e
subsisten tribus aborixes que manteñen as súas propias tradicións.
El buen nombre (Jhumpa Lahiri). Unha novela de xeracións, do
exilio dunha familia que emigra desde Calcuta a Estados Unidos,
das vivencias contrastadas entre a sociedade que se deixa atrás e a
que hai que adaptarse.
El chico de la playa (Vakil Ardashir). India segue sendo un mundo
de contrastes de moitos tipos, como os que vive o protagonista nos
anos 70. Fillo dunha acomodada e occidentalizada familia de
Bombai, ante a falta de atención dos seus pais refúxiase na casa dos
veciños, unha ordenada familia comunista e outras personaxes do
barrio.
El cielo de Bombay (Thrity Umrigar). Historia cargada de
sensibilidade e emoción sobre os prexuízos de casta no Bombai
actual a través da relación de dúas mulleres, ama e criada, unidas
polo afecto pero separadas polas diferenzas sociais.
El dios de las pequeñas cosas (Arundhati Roy). Narración sobre
diferentes aspectos de India ao longo das décadas dos anos 70 e 80 a
través dunha familia que vive ao sur de India e na que se mesturan
numerosos personaxes coas súas propias vidas.
El olor de la India (Pier Paolo Pasolini). O libro foi escrito ao
regreso da viaxe do autor pola India en 1961 e é a crónica do
impacto que ese país exerceu sobre o director de cine italiano, pola
beleza dos templos de Benarés, as noites de Bombay, o Ganxes, os
olores… O libro complétase cunha entrevista a Alberto Moravia que
acompañou ao autor na viaxe.
El perfecto equilibrio (Rohinton Mistry). Unha cidade india xunto
ao mar, 1975. O goberno acaba de declarar o estado de emerxencia e
a escaseza de vivendas obriga a compartir os espazos. As catro
persoas nas que se centra a acción acabarán mesturando as súas
vidas nun clima de afecto e humor.
El sari rojo (Javier Moro). Novela de amor, traizón e familia no
corazón da India protagonizada por Sonia Gandi, unha italiana de
familia humilde que, a raíz do seu matrimonio con Rajiv Gandhi,
viviu un conto de fadas ao pasar a formar parte da emblemática saga
dos Nehru-Gandhi.
El vagón de las mujeres (Anita Nair). Unha muller madura e
solteira da que sempre dependeu a súa familia sente a necesidade de
fuxir de todo e toma un tren no que se atopa con outras mulleres
coas que comparte confidencias.
El vendedor de saris (Rupa Bajwa). A través da vida dun humilde
vendedor de saris aparecen as grandes diferenzas económicas e
sociais da India: as ricas clientas preocupadas pola imaxe e o
mantemento das relación sociais interesadas, os compañeiros de
traballo, os vecinos, o xefe, os amaños das vodas…
Era medianoche en Bopal (Dominique Lapierre e Javier Moro).
Relato novelado do escape dunha nube de gas tóxico producida por
unha fábrica norteamericana construída en Bopal que causou trinta
mil mortes e cincocentos mil feridos.
Esperando al Mahatma (R.K. Narayan). Novela ambientada nos
anos anteriores á independencia de India. O portagonista é un mozo
de familia acomodada pero solitario que se namora dunha seguidora
de Ghandi, polo que tamén el se suma ao movemento. O relato
remata coa morte do líder da non violencia.
Esta noche la libertad (Dominique Lapierre e Larry Collins). Obra
clásica sobre a caída do imperio británico na India e o nacemento de
India e Paquistán. No relato aparecen protagonistas básicos do
proceso, destacando a figura de Ghandi rematando libro co seu
asasinato.
Gora: una juventud en la India (Rabindranath Tagore). Aínda que
escrita con anterioridade á independencia, presenta un magnífico
retrato da sociedade bengalí a través da epopeia do seu protagonista
no marco da enorme diversidade de razas, culturas e relixións que
caracterizan a India.
Hijos de la medianoche (Salman Rushdie). O autor sérvese do
protagonista para recrear os momentos finais da India como colonia
británica, da súa indepencia e do nacementos de dous novos países,
India e Paquistán, combinando estes feitos reais con outros de
ficción.
India (V. S. Naipaul). A modo un libro de viaxes, o autor, na súa
dobre condición de hindú e europeo, describe con amenidade e
exactitude mil aspectos da India actual.
India, vagón 14-24 (Ignacio Carrión). Relato da experiencia vivida
polo autor cando, a finais dos anos 70., realiza unha viaxe
percorrendo India nun vagón enganchado aos trens que conectaban
as principais ciudades. A ocasión permitiu ao periodista coñecer
lugares e persoas, algunas tan interesantes como Tareixa de Calcuta
e a primeira ministra Indira Gandhi, á que entrevista no derradeiro
capítulo.
La ciudad de la alegría (Dominique Lapierre). Best-seller mundial
que describe as miserables condicións nas que vivían os
desherdados na India, especialmente os dun barrio de chabolas de
Calcuta, onde as desgrazas se suceden provocadas pola chuvia, as
enfermidades, as tradicións ou os políticos. En medio dun inmenso
caos, un médico norteamericano trata de aliviar a situación
ofrecendo a súa axuda.
La India que yo amo (Ramiro Calle). Relatos deste orientalista
español extraídos das súas viaxes a través de curiosidades,
entrevistas e tradicións de todos os puntos dese enorme e variado
subcontinente.
La nieta de la Maharaní (Maha Akhtar). A través de case un século
da historia da India e de catro xeracións de mulleres, a autora
describe vivencias, espazos e acontecementos que se inician e
rematan en España coa historia de Anita Delgado.
Una mujer casada (Manju Kapur). Astha es un ama de casa
tradicional, pero cando coñece a un atractivo profesor de Historia
recupera un dos seus desexos: pintar. Será compatible esta vocación
co seu papel de esposa e nai?
Vicente Ferrer. La revolución silenciosa (Alberto Oliveras). Non é
historia de India, pero si dunha persoa que dedicou a súa vida a
mellorar a condición dos menos favorecidos daquel país e que
deixou unha fonda pegada en xentes, paisaxes e actitudes.
NOVELAS AMBIENTADAS EN AMÉRICA LATINA
PAÍS INDETERMINADO
El otoño del patriarca (Gabriel García Márquez). A novela é como
unha fábula sobre o poder e a soidade dos poderosos, presentado a
un ditador nun ficticio país do Caribe que exerce un poder ditatorial
prototipo deste tipo de réximes que se instalaron en numerosos
países de América latina na segunda metade do século XX.
Jaque a la deuda (Carlos Fiances). Novela xuvenil que aborda a
cuestión das dificultades económicas que sofren moitos dos países de
América Latina á hora de ter que devolver os préstamos do FMI. Un
economista alemán presenta un plan: axudar aos países coa
condición de que se unan politicamente a algún país europeo. A
experiencia faríase con España e a República Dominicana que
pasaría a ser como unha especie de nova Comunidade Autónoma.
Historia de Ana. (Urs M. Fieechtner). Novela xuvenil que aborda a
temática das ditaduras latinoamericanas. Ana, universitaria dun país
suramericano sen identificar, vive alegre e confiada coa súa nai, pero
pola relación con amigos acaba comprometida coa loita política
contra a ditadura que aterroriza o seu país. Pero un día é detida e
pasa a formar parte dos desaparecidos; sufre todo tipo de vexacións,
da a luz un neno que lle arrebatan…pero non perde a esperanza nin a
fe no triunfo final.
COLOMBIA
Cien años de soledad (Gabriel García Márquez). A novela está
ambientada no ficticio pobo de Macondo nun amplo espazo
temporal da historia de Colombia entre mediados do século XIX e
mediados do XX, época recoñecible polas guerras civís que
enfrontaron a liberais e conservadores, a federais con centralistas,
´poca de construción do ferrocarril e da explotación bananeira, pero
sobre todo é unha novela fundadora do denominado realismo
máxico.
No hay silencio que no termine (Ingrid Betancourt). Relato
autobiográfico da candidata á presidencia de Colombia foi
secuestrada polas FARC, que a mantivo en cautividade durante seis
anos. Este é o relato da súa vida durante ese tempo, das penalidades
sufridas nas duras condicións da selva, mantida unicamente coa
esperanza da liberación
Noticia de un secuestro (Gabriel García Márquez). Narración
baseada nun feito real, o secuestro de varias personalidades
colombianas, a comezos dos 90, a partir dos relatos dos propios
secuestrados.
CUBA
Memorias del desarrollo (Edmundo Desnoes). Ideas, reflexións e
representación do proceso revolucionario a través da voz dun
narrador pertencente á orde burguesa en descomposición. Pero a
ironía e ambigüidade da novela permiten que se poida ler como
crítica á burguesía ou como crítica aos elementos opresivos da
revolución.
MÉXICO
Itinerario de una Pasión. Los Amores de Mi General Villa (Rosa
Huella Villa). Novela escrita pola neta de José Doroteo Arango
Arámbula, Pancho Villa, un dos líderes da revolución mexicana
centrada na intensa vida amorosa do seu avó.
REPÚBLICA DOMINICANA
La fiesta del chivo (Mario Vargas Llosa). Novela centrada na época e
actividade do ditador da República Dominicana Rafael Leónidas
Trujillo, das consecuencias para a vida da illa, desde dous puntos de
vista separadas por unha xeración: a que viviu o seu asasinato en 1961
e a de 1992 cando unha das protagonistas volve á illa e reflexiona sobre
o pasado.
ARXENTINA
Cuarteles de invierno (Oswaldo Soriano). Historias ambientadas na
época da ditadura militar (1976-1983). Un cantor de tango e narrador e
un boxeador son contratados para as festas dun pobo; non queren máis
que facer o seu traballo e non involucrarse nas intencións do s
militares, pero non resulta sinxelo.
No habrá más penas ni olvido (Osvaldo Soriano) Na localidade
imaxinaria de Colonia Nueva desátase unha loita entre peronistas de
esquerda e de dereita que acabará con tráxicas e imprevistas
consecuencias.
Operación Masacre (Rodolfo Walsh). Novela baseada nos coñecidos
como fusilamentos de José León Suárez, unha matanza de militares e
civís que tivo lugar en xuño de 1956 durante o goberno do
autodenominado revolución libertadora. O relato dun dos superviventes
permitiu a redacción desta novela.
CHILE
El desierto (Carlos Franz). A historia transcorre nun pobo chileno
durante a ditadura de Pinochet, convertido xa nun ancián. A
protagonista é una xuíza que debe enfrontarse a un militar, situación
que serve para ilustrar unha interesante reflexión sobre os perversos
vínculos que se establecen liberdade e ditadura.
Insaciables (Mónica Echeverría e Patricia Lutz). Novela sobre o
ascenso e a caída e, sobre todo, a ambición sen límites da familia de
Augusto Pinochet a partir dunha ampla documentación investigada.
La burla del tiempo (Mauricio Electorat). A novela está estruturada
en dous relatos paralelos: o dun grupo de adolescentes que comeza a
militar na esquerda clandestina en Santiago a finais dos anos 70, e
un mozo captado pola ditadura e delator. No encontro de ambos
prodúcese o intercambio de confesións de que compartiu, desde
extremos opostos, o pasado dun país.
La casa de los espíritus (Isabel Allende). Historia da saga dunha
poderosa familia chilena de terratenentes a través de tres xeracións.
O despótico patriarca non consegue manter o imperio privado
debido ao paso do tempo a ao contorno social cada vez máis
explosivo.
La vida doble (Arturo Fontaine). Esta novela aborda a violencia do
réxime da ditadura de Pinochet desde unha perspectiva menos
habitual: a liberalización económica radical e as convulsiones que
orixinou o cambio radical dos patróns produtivos. A novela mostra o
rápido ascenso da plutocracia advenediza e o eclipse da vella orde: a
aristocracia latifundista ferida por Allende e rematada por Pinochet.
Las cien águilas (Germán Marín). Segunda parte da triloxía
Historia de una absolución familiar (Círculo vicioso, La ola
muerta), unha especie de axuste de contas co pasado e palabras do
autor. Esta entrega valeu o repudio dos seus compañeiros de
promoción da Escola Militar por utilizar símbolos castrenses. O
autor, colaborador de Allende, é un dos máis duros críticos da
ditadura chilena.
Miguel Littín clandestino en Chile (Gabriel García Márquez).
Reportaxe sobre a visita clandestina que o director de cine chileno
Miguel Littín realiza ao seu país natal lodo de 12 anos de exilio,
falsificando datos para poder entrar e filmar, pois figuraba na listaxe
negra de Pinochet que lle impedía regresar. A misión ten éxito e
consegue valiosos testemuños sobre as actuacións da ditadura.
Nocturno de Chile (Roberto Bolaño). Historia dun sacerdote do
Opus Dei que relata catro episodios da súa vida: a visita á casa dun
destacado crítico literario nos anos 50, a viaxe a Europa nos 60, as
clases sobre o marxismo que realizou para Pinochet e so seus
colaboradores nos 70, e a asistencia aos faladoiros literarios, lugares
onde tamén se torturaba aos opositores ao réxime.
Relato en el frente chileno (Ilario Da. Bonnefoy).Relato sobre tres
xoves chilenos que se opuxeron activamente á ditadura.
Salvador Allende (Enrique Lafourcade). Novela escrita pouco
despois da morte do presidente chileno e o autor relata o que
imaxina que serían os seus pensamentos nos últimos momentos da
súa vida
Synco (Jorge Baradit). Obra de ciencia ficción de carácter político.
Salvador Allende non more e Chile é una nación modélica para o
mundo, onde a tecnoloxía alcanza cotas de gran desenvolvemento e
Santiago é unha gran capital en constante crecemento. A rede Synco
logra inventar un modelo socialista da man do pensamento
colectivo, os mitos mapuches, o esoterismo, a experimentación
xenética sen marcos legais e a deformación dos referentes culturais
soviéticos.
Tejas Verdes. Diario de un campo de concentración en Chile Hernán
Valdés). Relata as vivencias do autor despois do golpe militar
encabezado por Pinochet en 1973 contra o goberno socialista de
Salvador Allende, desde o momento que que foi secuestrado e
levado ao campo de concentración ata a súa liberación.
Tengo miedo torero (Pedro Lemebel). Santiago de Chile, 1986.
Barricadas nas rúas e protestas continuas contra a ditadura e no
medio deste panorama, unha serie de personaxes marxinais e a
preparación dun atentado contra Pinochet.
Una casa vacía (Carlos Cerda). Un acomodado empresario regala
unha casa á súa filla, unha casa supostamente abandonada durante a
ditadura de Pinochet. O día que se celebra o inicio da vida na casa,
entre os invitados están os antigos propietarios e outros personaxes
que van dando pistas para entender que a casa non estaba abandona
senón que foi utilizada polos militares como centro de detención
clandestino e de tortura.
PERU
El héroe discreto (Mario Vargas Llosa). Trama de dúas historias de
empresarios no Perú actual, as súas vidas familiares, os negocios, os
problemas cos fillos, as amantes, os intentos de extorsión esixindo o
pago dunha cota en papeis asinados cunha araña, o secuestro dunha
amante ou a morte finxida para poder casar a escondidas dos seus
fillos… múltiples historias habilmente entrelazadas.
Historia de Mayta (Mario Vargas Llosa). A obra preséntase como
unha investigación que intenta reconstruír a figura de Alejandro
Mayta, un troskista peruano que en 1958 iniciou un intento
revolucionaria que fracasou; posteriormente foi detido en varias
ocasións e a súa figura quedou esquecida.
Quién mató a Palomino Molero? (Mario Vargas Llosa). Relato de
carácter policíaco a partir da aparición do corpo, brutalmente
asasinado, do aviador Palomino Molero atopado preto dunha base
militar ao norte de Perú. Este feito é un pretexto para que o autor
examine a natureza humano no seu lado máis escuro, a corrupción
política e os prexuízos de clase no Perú dos anos 50.
OUTROS PAÍSES
El beso del Sahara (Gonzalo Moure Trenor). Novela xuvenil sobre
os campos de refuxiados saharauis. Durante a súa visita a un destes
campos, Marta recibe un bico de Nadira, unha rapaza refuxiada e a
partir dese momento as súas vidas se intercambian. Os soños e a
realidade confúndense coa vida das dúas protagonistas.
Las montañas de Buda (Javier Moro). Historia do Tibet, onde os
monxes budista presentan cara ás tropas chinesas en defensa dunha
fe, unha tradición e o espírito dun pobo, a forza do Dalai Lama
mantendo a chama da esperanza. A atención está centrada en dúas
mulleres que se unen a un grupo de refuxiados para cruzar, de noite,
as montañas máis altas do mundo.