Mieres

La to guía pa un bon día.

Situación

El conceyu de Mieres ta allugáu na metá sur de la zona central d'Asturies y pertenez a “La Montaña Central”.La so estensión ye de 146,03 km2 y la so población ye de 45000 habitantes aprosimao. La so mayor altitú atópase a 1160m y la más baxa a 160 sobre'l nivel del mar.

Carauterístiques

Parte colos conceyos d'Ayer y L.lena ( al sur), Riosa y Morcín (al oeste), Ribera de riba y Uviéu (al norte),Llangreu, y San Martín de Rey Aurelio (al oeste).

Mieres ye una de les villes meyor comunicaes con Asturies y col restu de la Meseta

Tien el ríu Caudal, que ta formáu pelos ríos Ayer y L.lena. N’el desagüen el San Xuan y el Miñera

Dividiu’n dos zones

norte

sur

El conceyu Mieres foi creáu nel añu 1836 y comenzó la so esistencia oficial un añu dempués nel 1837.

Clima

El clima de Mieres ye más fríu que’l del restu deles ciudáes asturianes ( Oviéu, Xixón,Avilés…). Nel branu predomina una situación de bochornu mentantu que nel iviernu Mieres ye una villa abondo fría. Nun suel nevar y la media de díes nevosos ye de 15. Durante l’ iviernu tamién son corrientes les xelaes nes noites escampláes.

Flora

Les especies d’arbóreas predominantes son pinos, fresnos,fayes, nozales, ablanares, y castañales.

Fiestes

En Mieres celébrense varies fiestes y estes son:

L’antroxu

Ye una fiesta pública que tien llugar enantes de la cuaresma, dende finales de Xineru hasta principios de Marzu, que combina elementos comu mazcaritos y música. La xente sal a ver el desfile y la comida típica d’esta fiesta ye’l frixuelu.

Los Mártires de Valdecuna

Celébrase nel valle de Cuna y Cenera.Los mártires celebrense’l día 27 de setiembre. Esta fiesta entama con una peregrinación hasta la ermita de los mártires San Cosme y San Damián. Muncha xente xube de rodielles o descalza por promeses feches a los santos. Tres les mises, celébrase la romería, na que se suel comer nel prau, con sidra abondo. Tamién suelen dir grupos de música p'allegrar l'ambiente. Foi declarada d'Interés Turísticu Nacional nel añu 1969.

La folixa na primavera:

Celébrase nos díes 16,17 y 18 de Abril.Esta folixa,nun ye mui antigua, ya que celebrase dende va poco(dende 1996). Organizase nel parque Xovellanos,y abrense les pipes de sidra xunto con una espicha.La fiesta ye mui peculiar, ya que tu compres el vasu y bebes tola sidra que quieras. Amás, celebrense xuegos y espectáculos pela tarde y conciertos de música folk, música tradicional y tonaes pela nueche. Tamién hai actuaciones na casa cultura.L’última nueche, quémase una botella de sidra nel parque,dando-y fin a la fiesta.

San Xuan

San Xuan ye la fiesta más importante de Mieres, ya qu’ésti ye'l patrón del conceyu. Celébrase na víspera del 24 de xunu,con una fogera situá na plaza del Ayuntamientu, na que se bailla alredor mientres se canta al unísonu la Danza Prima. Ye tradición tirar papeles con deseos a la fogera pa que San Xuan los quémen. Estes folixes duren alredor d'una selmana y rematen col día del bollu (el 24 de xunu).L’Ayuntamientu la nueche San Xuan.

Mieres ye una ciudá cuadrá. Cabe destacar les sos importantes cais:

Manuel Llaneza: Antiguamente llamábase Marqués de Camposagrado y en 1931 pasó a denominase Manuel Llaneza

Cais:

Teodoro Cuesta: Dende’l sieglu venti conocíase ya col nome Teodoro Cuesta. Tres la proclamación de la Segunda República algamo ‘l nome de Pi i Margall y en 1937 vuelven tornai el nome Teodoro Cuesta

Jerónimo Ibrán: dende’l añu 1909 esta cai vien conociéndose por esti nome.

Carreño Miranda: Dende principios del sieglu veinti foi conocía pol nome Martínez de Vega.

Oñón: En 1931 esta cai denominose Catorce d’Abril pa pasar nel 1937 a llamase Onésimo Redondo. Foi nel añu 1982 cuandu’l Ayuntamientu decidió llamala pol nome tradicional del barriu que recorre.

Numa Guilhou: Dende principios de sieglu mantiense con esi nome y nun se producirán tresformaciones calentiendo’l nome hasta angüañu.

Ramón y Cajal : l’ antigua carretera d’Adanero a Xixón pasó en 1931 a denominase Ramón y Cajal.

Barrios más importantes.

San pedro

Ye unu de los barrios mas antiguos, que foi coyendo importancia a lo llargo de los años, ye unu de los mas poblaos.

Santa marina.

Esti barriu ye mas nuevu, ye unu de los más crecios. N’el atopense les escuelines, que actualmente la única escuela pa mayores.

La Pasera.

Esta barriada encuentrase al llau de Requexo. Anguaño fue un barriu bastante grande pero con el tiempo fue perdiendo importancia quedándose güei con un hermosu parque col monumento a Teodoro Cuesta (un escritor asturianu per importante).

Requexu

Antaño yera la plaza del mercáu de ganao, sobre too porcino. Anguaño ye una plaza con sidreries a la que acuden munchos turistes. Nella atópense ‘l monumento al sidreru.

Oñon.

Esti barriu aseméyase a la Pasera, teniendo antaño munchos habitantes y siendo agora un barriu con poca espectación. N’el atópase‘l polideportivu d’Oñon.

Tocote.

Ye ún de los barrio actualmente mas poblaos. El nome vien de que los pisos tras construirlos vendianse a sorteo ente los trabayadores mineros, y tol mundu pegruntaba :”¿tocote?”.

Cenera, Baiña, Figaredo, Ujo, Valdecuna, son d’algunes de les barriades pertenecientes a la Villa de Mieres del Camín.

Ente los llugares sociales se encuentra:

El parque Xovellanos

La bolera

Requexo, iglesia de San Xuan,parque de la Pasera…

¡Puxa Mieres!