ipurtargia
TRANSCRIPT
Barre egiten zioten animalia guztiek ipurtargiari. Tximeletak, barraskiloak eta kilkerrak egiten zioten barre ipurtargiari.
Tximeletak esaten zion:-Ja, ja! Ja, ja! Ikusi al duzue inoiz
begiak ipurdian dituen animaliarik?
Barraskiloak esaten zion:- Je, je! Je, je! Ikusi al duzue inoiz
ipurdia linterna daraman animaliarik?
Kikerrak esaten zion:- Ji, ji! Ji, ji! Ikusi al duzue inoiz ipurdian
bonbila daukan animaliarik?
Baina behin, tximeleta lorez lore gustura zebilen batean, konturatu baino lehen ilundu zen eguna eta gaua iritsi. Tximeletak ez zuen etxerako bidea aurkitzen.
Eta tximeleta negarrez hasi zen:- Galdu egin naiz eta orain enarek
jango naute!
Orduan, ipurtargiak bere ipurdiko argia piztu zuen eta tximeletak bere etxeko bidea aurkitu zuen.
Beste behin, azaz aza gustura zebilen batean, gaua iritsi zitzaion konturatu gabe barraskiloari eta negar bizian hasi zen:
- Gaua da, ez dakit non dagoen nire etxea eta erbiek zapaldu egingo naute!
Orduan ipurtargiak ipurdiko argia piztu zuen eta barraskiloak etxeko bidea aurkitu zuten.
Eta beste behin, zuloz zulo gustura zebilen batean, gaua iritsi zitzaion konturatu gabe kilkerrari eta negar bizian hasi zen:
- Gau da, ez dakit non dagoen nire etxea eta zatorrek beldurtu egiten naute!
Orduan ipurtargiak bere ipurdiko argia piztu zuen eta kilkerrak etxeko bidea aurkitu zuen.
Eta harrezkero, tximeletak esaten dio ipurtargiari:
- Mila esker, ipurtargi, oso ederra zara ipurdiko argi eta guzti.
Eta barrazkiloak esaten dio:- Esker mila, ipurtargi, oso polita zara
ipurdiko linterna eta guzti.
Eta kilkerrak esaten dio:- Eskerrak bihotzez, ipurtargi, oso
liraina zara ipurdiko bonbila eta guzti.