guÍa didÁutica n´asturianu

1

GUÍA DIDÁUTICA:GUÍA DIDÁUTICA:GUÍA DIDÁUTICA:GUÍA DIDÁUTICA: XORNAES CULTURA XORNAES CULTURA XORNAES CULTURA XORNAES CULTURA RURAL RURAL RURAL RURAL

ASTURIANAASTURIANAASTURIANAASTURIANA

ENTAMU

El 29 de payares de 1811 muerre’l renomáu escritor y eruditu xixonés Baltasar Melchor Gaspar María de Xovellanos y Ramírez con 66 años. Esti colexu lleva’l so nome pa nun escaecer enxamás lo muncho que fizo por esta ciudá, y por eso dizse que Xixón débe-y la mar a Dios y lo demás a él.

Nestos 200 años qu’hai que finó, camudaron milenta coses qu’a Xovellanos, de xuru, prestaría-y ver, como’l “Diccionariu de la llingua asturiana” nel que tanto s’enfotó pero que, por desgracia, nun foi a velu espublizáu. Foi una figura cimera nel desendolcu económicu, cultural y urbanísticu de la ciudá onde nació y vivió. Nesti sen, tenemos que da-y les gracies por bien de coses que punxo en funcionamientu como, por exemplu, el so interés na reforma de la enseñanza y la educación. Agora tenemos la oportunidá de que tea arguyosu de nós faciéndo-y un homenaxe col remocique d’esti colexu nel que diba esfrutar viendo lo guapo que ta too y cómo lo moderno pue convivir cola tradición. Una forma perguapa d’estrenar estes instalaciones ye viendo una esposición sobre la cultura asturiana: cómo yeren les coses enantes que llegara la industrialización y cómo la perda de munches de les señes d’identidá camudó la forma de vivir de la ciudá. Pa qu’esta esposición seya más prestosa, vamos intentar facer un percorríu con actividaes al rodiu de lo que Xovellanos pudo ver y atropar nes sos espediciones per Asturies. Al tiempu vamos trabayar sobre la casería asturiana.

OXETIVOS

• Conocer la importancia de Xovellanos na política nacional del sieglu XVIII.

2

• Destacar y valorar la so rellación ya interés por Asturies, nes estayes como la educación, la minería, la pesca, l’agricultura y el tresporte.

• Conocer l’arquitectura rural asturiana, la casa, l’horru-panera y el molín.

• Conocer la economía tradicional: agricultura, ganadería, y valorar y da-y apreciu a los sos productos.

• Conocer los oficios y l’artesanía, que se facíen nes aldees. • Identificar y definir oxetos, preseos y ferramientes que s’usaben na

casería. • Envalorar los oxetos tradicionales del mundu rural ya interesase por

recuperalos y remocicalos. • Decatase de la decadencia y tamién la estinción de la vida rural. • Reclamar a los muérganos públicos y privaos iniciatives pa sofitar y

recuperar la vida rural.

CONTENÍOS Bloques: 1.- L’Arquiteutura de la Casería.- a/ L’Horru, la Panera. b/ La Casa Rural Asturiana. c/ Importancia de la Cocina na Casa Rural Asturiana. 2.- Preseso que s’usen na Casa Rural. a/ Na Cocina: cazos, potes, concos, chocolateres, morteros, escudielles, cuyares, zapiques, cafeteres, moliniellos de café, peroles, ferrada, canxilón. b/ Nel Llar: trébedes, calamiyeres, potes, calderos de cobre, sartén, tostador de café, asador de castañes, fuelle, tiñaces. c/Otros preseos de la Casa: les planches, planches macices, planches vacíes con chimenea o rexes de ventilación, de gasoil, elléctriques. Espo. 3.- La Casería, unidá d’economía. a/ L’Agricultura: la güerta, los praos, les finques, la viesca. b/ La Esfoyaza c/ La Ganadería: les vaques, el burru, les oveyes, el gochu, les pites. 4.- Preseos agrícoles. El carru, l’aráu, la gradia, gadaña, cabruñu, el gaxapu, la traenta, el garabatu, la fesoria, xugos de pareya ya individual, collar de vaques, llueques, esquiles. Espo. 5.- La defensa de la collecha. Preseos escontra los depredadores: ratoneres, toperes, garduñes. Animales depredadores: páxaros, mures, topos, fuines, el raposu. Espo. 6.- L’artesanía na Casería. a/ Oficios artesanos.

3

b/ Aperios artesanos. Zueles, cepiyu carpinteru, garlopes, serruchu, cepiyu de moldures y marcos, formones, martiellos rebaxadores,llesna. c/ Productos artesanos: Arques, bagules, arquetes, madreñes, paxos y goxes. Esposición 7.- Preseos de pesu y midida

Romanes de ganchu, dinamómetros. Balances de platos Copín, 93 llits,maquila 0,584, día gües, 1.250m, fanega 55,55 llit. 6.439m, cántaru 42,5 l. llibra 460 gramos.

8.- Ferraxes. a/ El so usu, ellaboración (ferreros) b/ Piesllos, picaportes, pastielles. c/ Llaves. 9.- Moblame de la casa asturiana Arques, arquetes, masera, escañu, vasar, espeteres, bagúl, cames, trubiecos, palancaneros. Espo 10.- Preseos de lluz. a/ D’aceite: Candiles, candilexos, velones b/ De cera: Candileros, palmatories, faroles. c/ Otros combustibles. El carburu, llámpares de mina. Espo. 11.- La Casería, unidá de convivencia. a/ Convivencia familiar: composición de la familia Repartu de xeres, responsabilidaes b/ Convivencia social, vecinal. Instituciones sociales vecinales Testu L’Andecha, la Sestaferia, la Esfoyaza. 12.- Decadencia, estinción de la vida rural. a/ De la vivienda b/ De los oficios artesanos, de l’actividá agrícola, panadera

DOCUMENTACIÓN - Los testos de la guía. - Testos esplicativos de los grupos d’oxetos espuestos. - Semeyes: casa mariñana, casa corredor, dalgunos oxetos (araos, moblame, arques, bagules, ….) que nun se puen esponer.

4

INFORMACIÓN

ARQUITEUTURA

LA CASA

Xovellanos nació nuna casa grande y con munches comodidaes pero naquella dómina nun yera lo más normal. Les más de les persones vivíen en cases asitiaes n’aldees rurales que nun tienen nada que ver coles d’anguaño, porque amás de valir pa vivienda teníen l’horru y los almacenes. La casa normalmente ta cercada constituyendo’l solar o quintana. Al rodiu tien l’antoxana que ye la qu’acueye les construcciones dependientes cabo’l güertu. Solía tener la planta rectangular y una superficie d’ente cincuenta y setenta metros cuadraos, que se repartíen nestos güecos: un estragal, una cocina, un cuartu y una corte. Les cases altes yeren mayores y teníen cocina, despensa y corte nel pisu d’abaxo, y sala y dellos cuartos nel pisu d’enriba; na parte d’enriba avezaben tener un corredor o galería asitiada na fachada principal.

LA CASA MARIÑANA

La casa mariñana llámase asina porque ye la más típica de zones de mariña o costeres. Tien planta rectangular y ta techada con teya a doble vertiente. Fecha con mampostería, caliza o arenisca, ta orientada al sur. La estructura ye simétrica: un portalón central con dos ventanes. Esti portalón ye onde se fai la vida: siéntense a facer los trabayos artesanales y de la casa, y onde se faen los conceyos. Dende esti portal pue entrase a la corte o a la cocina. Encima la corte taba la tenada. A caún de los llaos del portal taben les bodegues o cuartinos d’afuera, que servíen la mayoría de les veces como cuartos pa dormir.

LA CASA DE CORREDOR

Estes cases conócense con esti nome por tener un corredor nel pisu d’enriba. Esti corredor valía pa facer más grande la sala, que yera d’usu común, y que taba orientada a sitios soleyeros. Usábase como salina, pero tamién pa secar dellos productos de la casería. Ye típica de zones urbanes. Tien planta rectangular mui allargada y la fachada principal ta normalmente nun de los llaos curtios.

5

LA CASA DE TECHU DE PAYA

Estes cases tienen planta circular y como’l so nome “techu de paya”. Son típiques de dalgunes brañes vaqueires y tán mui venceyaes a les actividaes pastoriles. Construyíes davezu en terrenos pindios, tienen una muria que la partía en dos, abellugando na parte más baxa al ganáu (aprovechando la pendiente pa que drenaren les refugayes de los animales), na otra parte facíase la vida de diario. Estes cases nun solíen tener ventanes siendo la puerta l’únicu furacu válidu pa ventilar y dar lluz a la casa.

LA IMPORTANCIA DE LA COCINA

Nel so camín per Asturies, Xovellanos descubrió que’l cuartu principal de la casa ye la cocina. Nella facíase la vida, de mou especial, nos meses más fríos, porque’l restu l’añu l’actividá de la familia yera fuera casa, nos praos, nes tierres, en monte o na braña. Na cocina, amás de cocinar y comer, colaben la ropa, amasaben y cocíen el pan, preparaben la carne y l’embutíu de la matanza, contaben cuentos ya histories, dormíen pela nueche, etc. El sitiu central yera’l llar o piedra na que se priende’l fueu, que tenía too alredor un escañu (con un tableru suxetu a los brazos qu’al baxalu facía de mesa); tamién taben les calamiyeres, gamayeres o pregancies, cadena de metal con ganchos que colgada penriba’l llar p’enferronar los cacíos que se poníen al fueu, y s’enganchaben nel tórzanu o guindaste, armazón con dos maderos o dos barres de fierro que voltiaben sobre’l llar. Les potes y los cazos apoyábense nes trébedes pa ponelos al fueu. Enriba’l llar, pero colingando del techu, colocábase un texíu de vara onde poner a curar les castañes y los chorizos. Al ser mui poques les cases que teníen chimenea, el fumu aporretaba tola cocina, lo que yera perimportante pa curar la matanza, matar les mosques y los mosquitos que veníen de la cuadra y pa que los inseutos nun estrozaren la madera. La cacía (platos, vasos, cazos y cuyares) guardábase n’espeteres zarraes y empotraes nes parés y en vasales o escudelleros. Al pie del llar taba’l fornu pa cocer el pan y la masera onde s’amasaba y se guardaben les fogaces. Nes cases amasábase cada quince o venti díes. Otru elementu común a este cocines yera’l coladoriu, onde se facía la colada de la ropa con ceniza de madera (sobre too, de carbayu, faya o fresnu) y agua caliente, que facía de llexía. Amás del moblame y de los oxetos mentaos, l’equipu de cocina completábase colos cacharros pa cocinar y la vasa pa comer. Pa cocinar usaben preseos metálicos y de barru.

6

L’HORRU /LA PANERA

Xovellanos yá sabía que como la casa yera normalmente pequeña, l’horru yera onde los alimentos, ropa y distintos aperios guardábense col envís de salvalos de la humedá y de los ratos. Suelen facese de madera de castañu o carbayu y les partes más importantes del horru son:

� Los pilpayos: piedres planes que se ponen nel suelu p’aisllar l’horru de la humedá

� Los pegollos: una mena de columnes qu’eleven l’horru del suelu p’aisllalu y van enriba los pilpayos. Puen ser de piedra o de madera. L’altor de los pegollos suel ser de metru y mediu a dos metros, magar qu’a veces cuando se llevanta sobre otru edificiu, puen ser muncho más curtios.

� Les mueles: son piedres planes que torguen que los ratos pasen pal horru.

� Les trabes: son les vigues que formen la base del horru. � Les colondres: son les parés del horru que, xeneralmente tán

formaes por tables de madera enxertaes unes n’otres y nes trabes. � Los lliños: Son los que sofiten el teyáu como los trabes, tán

enxertaos nes colondres, pela parte d’enriba. � El teyáu: ta formáu por teyes, na mayor parte d’Asturies. Na zona

occidental úsase la pizarra y en Somiedu, Degaña y L.leitariegos la paya.

� La xubidoria: escalera de piedra que nunca nun llega al altor de la puerta pa torgar que xuban los mures.

Pa construyir un horru s’usen namás que les sos propies pieces, nun hai clavos nin otros elementos de fierro. Los horros y les paneres tienen talles de madera y munches veces inscripciones curioses con feches, los nomes de de los dueños, frases o retayos dedicaos a Dios y la Virxe.

UNIDÁ DE PRODUCCIÓN

LA GANADERÍA

El ganáu yera perimportante na cultura tradicional asturiana. Yera una fonte contina d’alimentos y amás podía vendese de necesitar perres con urxencia. Pa organizar la xubida de la reciella (oveyes y cabres) al monte y

7

curialo facíense veceres. Con esti sistema, cada día, un vecín, polo xeneral un neñu o un vieyu, garraba la reciella de tol pueblu y xubía con ello pal monte llendándolo nel terrén acotao pa ello. Los animales que más se criaben yeren cabres y oveyes que nun necesiten casi curiaos y comíen rastroxos y guaños que les vaques nun son a comer. Los cabritos matábense pa les celebraciones y vendíense vivos el restu l’añu. De les vaques sacábase lleche y carne. La lleche yera un alimentu fundamental na época y amás de bebelo fresco facíase mantega y quesu. La mantega yera’l deriváu de la lleche más importante n’Asturies porque xunto col untu del gochu, yera la grasa que s’usaba pa cocinar, teniendo un papel mui asemeyáu al del aceite d’oliva. El gochu yera un animal básicu pa que la familia pudiere tener carne con qu’ameyorar la dieta. La foma más normal de comer la carne yera n’embutíu o salándolo. El samartín yera un momentu importante na casa que se facía ente payares y xineru y la muyer yera la que s’encargaba de tol procesu, que duraba dellos díes ayudando parientes y vecinos. El miel foi hasta lo cabero del sieglu XIX la única sustancia pa endulzar que podíen usar los llabradores, yera un productu escasu y mui apreciáu pol so valor melecinal. Estes dos razones ficieron que se convirtiera nun alimentu de prestixu, como los güevos, el xamón y la mantega, y que se regalare como seña d’amistá, bona vecindá o agradecimientu. Los caxellos o truébanos taben fechos con un tueru vacíu de castañu o de cerezal.

L’ARTESANÍA

N’Asturies había oficios itinerantes y otros asentaos. Ente los itinerantes, los de más sonadía foron los de teyeros, zapateros, canteros, cesteros, blimeros, goxeros, conqueiros y madreñeros. Los teyeros yeren casi toos del conceyu de Llanes y ficiéronse famosos más que pol so oficiu, pola xerga que falaben pa que nun los entendiere la demás xente: la xíriga, de la que güei tovía se caltién casi tol pallabreru. Otru oficiu perconocíu yera’l de zapateru, afitaos en Noreña y Pimiangu. Surden p’aprovechar les pelleyes de les vaques y otros animales. Los canteros trabayaben cola piedra y pa ello usaben ferramientes como la maceta, el pincel, el martiellu, caún d’un tamañu y d’una forma dixebrada de los otros, paleta, plomada, regla, compás, tiñaces y nivel.

8

La madera dio puxu a bien d’oficios: blimeros, goxeros, conqueiros, madreñeros… Los blimeros facíen los sos trabayos cola madera de la salgar. La blima, que se sacaba en tires, había que moyalo pa poder doblalo ensin francer. Los goxeros facíen los mesmo que los blimeros pero con distinta madera, porque trabayaben con ablanal y con castañal. Facíen macones, maniegues, goxos y tamién costureros y nases pa la pesca. Los conqueiros trabayaben la madera de fresnu, castañal y pláganu pa facer concos. L’oficiu de madreñeru tuvo mui espardíu per toa Asturies. La meyor madera pa facer madreñes ye la de faya d’al llau’l raigón.

LA GÜERTALA GÜERTALA GÜERTALA GÜERTA Como yá dexó escrito Xovellanos nel so Informe sobre la ley agraria, l’agricultura yera un pegollu pa sofitar la economía asturiana. Davezu, la güerta trabayábase de mou familiar, anque normalmente yeren les muyeres les encargaes de curiala. Los homes avezaben trabayar na güerta n’acabando la xera nes tierres y colos animales. La güerta semábase a lo llargo tol añu. Pa ello facía falta cuchu y un pozu o ríu cerca pa poder regar. El sistema d’agricultura de la tierra facíase con téuniques agrícoles tradicionales. Nun echaben químicu, insecticida, reguladores del crecimientu nin añadíos, y sofitábase na alternancia, l’usu d’abonu verde, la fertilización orgánico con cuchu y les igües naturales.

EL MAÍZEL MAÍZEL MAÍZEL MAÍZ El maíz aportó a Asturies nel sieglu XVII y tresformó l’agricultura asturiana dafechu. En metiéndose nel campu asturianu, fueron desaniciándose otros cereales de branu, como’l miyu y el panizu, que tuvieron abonda importancia en tiempos pasaos. Trunfó como cereal pa la panificación, asina que la boroña (borona) llegó a ser fundamental na dieta de munchos asturianos. Tamién valió pa facer el

9

tortu que podía tresnase na mesma chapa de la cocina, con una capa delgadina de masa de fariña de maíz y comíase más bien peles mañanes, porque al facese sobre la marcha, cocinábase primero que la boroña. Tamién la fariña de maíz valía pa les fariñes (farrapes, h.arrapes, pulientes, papes, puches) que se facíen per toa Asturies como un alimentu mui importante y que se comía con lleche. Tamién el maíz valió pa l’alimentación animal; la fariña de maíz val como piensu pa los animales de casa, anque a les pites dáse-yos en granu y tamién les fueyes valen pa forrax. Anguaño úsase tola planta del maíz, el taracu y la panoya, pa echar a los animales, anque pa ello hai que cortar la planta en cachos.

LA ESFOYAZALA ESFOYAZALA ESFOYAZALA ESFOYAZA Cuando yá tán les panoyes en casa pue entamase la esfoyaza (esfoyón, esfueya, esfuecha, esbilla, espanochar, esh.ueya). Pa facela axúntense les persones d’unes cuantes cases p’ayudar a una de les families a esfoyar les panoyes y enrestrales. La esfoyaza ta enllena de costumes y xuegos mui carauterísticos. Ente les diversiones propies de la mocedá taba perespardida la costume de que cuando apaecía una panoya prieta, a la que se llamaba rei, el mozu tenía derechu a da-y un abrazu a la moza. Tamién yera una costume que’l mozu na esfoyaza escoyera la moza a la que diba apurrir les panoyes. Les panoyes que nun tienen fueyes o les que nun valen, déxense en paxos o cestos pa dempués poneles toes nun montón, el rabiqueru. Cuando toles panoyes tán enrestraes hai que llevales pal corredor del horru y ellí poneles a la bocana pa que sequen, porque si nun tán bien curaes, el molín nun va ser a moler bien los granos del maíz. Les fueyes que dexa la esfoyaza aprovechábense pal ganáu o pa facer xergones. Y pal ganáu van los tabuyos, que son les panoyes que casi nun tienen granos. La téunica más usada pa esgranar ye frotar una panoya con otra o con un tarucu.

CONVIVENCIA FAMILIAR La familia asturiana ye una pieza insustituible del mecanismu económicu. Nel mundu campesín asturianu, en xeneral, funciona como una unidá, como una entidá con iniciatives, derechos y deberes propios, ensin dixebrar a los

10

sos integrantes. Un rasgu prácticamente universal que val pa definir la conducta de la familia ye’l fondu nivel de solidaridá qu’alita dientro de la estructura familiar que se traduz nun sólidu funcionamientu como unidá de producción y consumu. Esta familia tradicional dedica muncha parte de la so producción al autoconsumu. El ganáu críase y les colleches de la tierra van en gran parte a les boques de la casa. Y, per otru llau, toles persones de la casa trabayen pa la producción familiar, por supuestu, ensin recibir nengún salariu. Facer el pan y la borona yera llabor namás de muyeres, como otros trabayos típicos de la casa (preparar la tierra, semar, arrendar la collecha, mayar y moler), poro, enantes d’enfornar el pan facíense invocaciones a Dios, la Virxe y los santos pa bendecilo.

CONVIVENCIA VECINALCONVIVENCIA VECINALCONVIVENCIA VECINALCONVIVENCIA VECINAL L’andecha consiste na collaboración voluntaria y de baldre ente vecinos pa facer llabores que, polo costoso que son, perpasen la capacidá de trabayu d’una unidá familiar. Suelen facese n’andecha llabores como: coyer y mayar la escanda, cuchar la tierra, construyir cases, recoyer la collecha, segar, secar y atropar la herba. La palabra andecha suel acutase pa la cooperación que se fai al coyer el granu, xeneralmente d’escanda. Los otros llabores, anque se faigan n’andecha, tienen los sos nomes:

Esfoyaza: enrestráu del maíz Segueta: en Mieres, segar la yerba ente dellos vecinos Acarretu, carretu: tresporte de piedres Aterrar: xubida de la tierra que la erosión va dexar al pie del monte, pa que’l suelu nun quede aprobetayáu. De la que los vecinos anden d’andecha, suelen cantar. Les más de les veces acaba en convite y baille. Ente la bayura d’exemplos que presenta la vida agrícola y ganadera n’Asturies, puen mentase, por exemplu, la compra que faen les families vecines de carne de les vaques que muerren ensin querelo los amos: la compra faise como un seguru, porque significa que si a una casa-y pasa eso, recibirá tamién la solidaridá de les otres families comprando la carne del animal muertu. La lóxica de la reciprocidá lleva tamién a que les families tresfieran fuercia de trabayu a otres cases y a les necesidaes xenerales que tien el pueblu o la

11

parroquia onde se vive. La institución asturiana pa collaborar nel bon aquel de los bienes d’usu común ye la sestaferia (estaferia). Xeneralmente, estos llabores facíense los vienres y d’ehí vien el nome. Les sestaferies yeren obligatories y la norma yera que cada casa mandara un representante a trabayar, hasta’l puntu de que podía haber dalguna sanción pa la familia que nun mandara a naide. Delles obres podíen necesitar la continuidá del trabayu dellos díes. Davezu, este obres en collaboración vecinal centrábense en víes públiques, porque ye fundamental que los caminos tuvieren en condiciones pa les xeres agrícoles y ganaderes. Tamién yeren oxetos de cuidáu y atención el bon mantenimientu de les fontes, les pontes y la igua de los estrozos de los argayos.

DECADENCIA. ESTINCIÓN

Los años cincuenta y sesenta fueron tiempos de grandes cambeos económicos y sociales. Acabó la fame de la Guerra Civil y la postguerra. Dende 1959, el réxime de Franco entama la industrialización del estáu. N’Asturies, la iniciativa estatal favorez les industries minera y siderúrxica creando en 1951 la Empresa Nacional Siderúrxica (ENSIDESA), n’Avilés. Entama l’abandonu del campu. Los habitantes de la zona rural emigren a les ciudaes españoles y a Bélxica, Suiza o Alemania, faciendo de mano d’obra barato. Les ciudaes asturianes enanchen de mou bultable colos emigrantes. Al llau d’esta nueva masa de trabayadores, apaez una clase media de profesionales, pequeños empresarios y funcionarios. El país y les viviendes entamen tener elletricidá al llantase centrales hidroelléctriques.

LA VIVIENDA

La Guerra Civil dexara les ciudaes enllenes de cases esbarrumbaes. Los bien d’emigrantes que veníen de los pueblos a la ciudá atopaben pilancos pa tener una vivienda lo qu’obligó al Estáu a entamar la construcción de cases barates de “proteición oficial” nes redolaes de les ciudaes. Les empreses mineres y les nueves industries tamién ficieron promociones y llantaron barriaes enteres pa los sos trabayadores. Yeren cases con bañu y agua corriente, una auténtica novedá nes viviendes obreres. Con too y con ello la vivienda siguía siendo escaso y a munchos emigrantes nun-yos quedó otra que vivir en barriaes de chaboles. La clase media vivía les más de les veces nel centru les ciudaes o n’edificios construyíos pa ella. Yeren bloques altos, con calefacción central, ascensor y cuartos pal serviciu.

12

La cocina de la clase media alta tien munches novedaes: parés alicataes hasta’l techu, suelos de lloses o “sintasol”, mesetes de mármol y armarios de “formica” o madera pintao de blanco nos que se guarden tolos preseos de la cocina. Les cocines son de gas nes ciudaes y de butanu nes villes. Pa cocinar usábense potes d’aluminiu. Los ellectrodomésticos y la pota “exprés” entamen ser normales. Apaecen les neveres ellétriques que faen esapaecer les de xelu. Esta novedá va trayer cambeos fundamentales na manera d’alimentase de los asturianos. Les tarteres de plásticu o d’alumniu son la manera típica de guardar la comida.

13

ACTIVIDAES

� Saber cómo yeren les cases d’enantes pue ayudanos a comprender meyor cómo yera la vida nes aldees antiguamente. Ayuda a Xovellanos a asitiar nesti dibuxu les partes de la casa asturiana.

PORTIELLA, FUMU, TEYES, VENTANES, CAMÍN, GÜERTU, PUERTA, CANALONES, TEYÁU, CONTRAVENTANES, FACHADA

14

� Xovellanos fizo milenta espediciones per Asturies, ¿cómo nomaba a estes cases? Completa con vocales:

15

� Con tolo que caleyó per Asturies, Xovellanos decatóse de que los horros son les construcciones más típiques y tien bastante claro cómo se llamen les sos partes, ¿sabes tu los nomes?

� Pa construyir un horru, fáise igual qu’una casa: primero entámase peles muries y acábase pel teyáu. Nesta actividá ye muncho más cenciello: namás hai que garrar les pieces y encaxales como si fuere un ruempecabeces xigante. ¡Pim, pam! ¡horru fechu!. Mira ver si pues poner n’orde les pieces d’esi horru que Xovellanos quería enseñar a los sos collacios foriatos.

trabes, pegollos, pilpayos, colondres, teyáu, lliños, xubidoria

� Magar que Xovellanos yera mui llistu, ¿podríes facéi dos dibuxos pa esplicá-y les diferencies qu’hai ente un horru y una panera?

16

� Esta panera ta un poco sosa porque nun tienen colores nin dibuxinos nin inscripciones guapes. Decórala como más te preste pa que Xovellanos sepa que tu nun yes a escribir como él pero que yes un/a artista col dibuxu.

� Xovellanos, lo mesmo que vosotros y vosotres, tolos díes almorzaba, xintaba y cenaba bien de coses riques pero munches veces nun sabía d’ónde veníen. ¿Sabríes dicir de qué animal salen estos alimentos?

Chorizos Mantega Miel Güevos Lleche

17

Soluciones: chorizos (gochos), mantega (vaques), miel (abeyes), güevos (pites), lleche (vaques)

� A Xovellanos prestába-y usar la llingua pa escribir coses guapes y

conocía milenta refranes d’Asturies. Mira ver si yes a completar les pallabres que falten nestos.

A tou gochín-y llega’l so………………. La……….. que tira al monte, nun hai cabreru que la llinde. …………..que berra, bocáu que pierde. Al tenor del……….., l’albarda. Lléva-y más el ……….. que’l butiellu. Al platu vendrás……….., sinon ye de mozu será de vieyu. Nun se fexo’l ……… pa la boca’l gochu.

Soluciones: Samartín, cabra, oveya, burru, güeyu, arbeyu, miel

� Xovellanos venía d’una familia numberosa. Aldovina a quién

buscamos nestes cosadielles sobre la so familia.

a. ¿Qué parentescu tendrá cola fía d’una moza que ta casada col padre? b. Nietu del so bisgüelu, padre de los sos hermanos, de los sos primos

ye’l tíu y de los sos tíos hermanu c. Son fíos de los sos güelos, de los sos padres hermanos son. Los sos

hermanos colos sos fíos tendrán esa rellación d. El fíu tien otru fíu, y esi otru fíu soi yo. Busca bien el mio parentescu

cola persona anterior e. Paezse a mio madre pero ye más mayor, tien otros fíos que los mios

tíos son f. Nesti armariu hai un padre y un fíu, el padre llámase Xuan y el fíu, yá

te lo dixi

Soluciones: a ) la hermana b) el padre c) los tíos c) el nietu d) la güela e) Mariu

� Saber d’ónde venimos y cuántes persones formen la nuestra familia ye dalgo enguedeyoso si tienes munchos/es parientes. Pa Xovellanos yera difícil facer el so árbol xenealóxicu porque tenía 11 hermanos (cuántos cuadrinos tendría que poner!!). ¿Seríes a facer el tuyu?(Pues entrugar en casa pa conocer el nome de los parientes más alloñaos)

18

� Antiguamente nun había consoles nin videoxuegos pa pasar el tiempu

asina que baillaben y cantaben, que yera una forma cenciella y de baldre pa entretenese, pero ¿sabríes dicir si son homes o muyeres los que toquen estos instrumentos?

1) Panderetes 2) Panderos 3) Gaita 4) Tambor

Soluciones: Panderetes (muyer) Panderos (muyer)Gaita (home) Tambor (home)

� De xuru, que tienes alma d’artista y Xovellanos va date les gracies si yes a canta-y dalgún cantar típicu asturianu pa poder axuntalu con tola información qu’atopó de la cultura asturiana.

� Vamos ayudar a Xovellanos a iguar esti crucigrama coles pallabres que salen de les siguientes definiciones.

• fiesta popular por escelencia n’Asturies que se celebrea pel branu y que ta asociada a la figura d’un santu del pueblu y tien calter sobre manera relixosu, anque amiesta elementos de fiesta y estéticos profanos.

• esposición y venta de productos que nun son de diariu, lo que marca que la frecuencia d’unos y otres seya diferente. Tienen una zona amplia d’influyencia, y atraen a xente de sitios distintos.

• yera la xera qu’un vecín facía pa otru nun momentu d’apuru: segar, sallar, esfoyar o cualesquier otru llabor, o lo que ye lo mesmo, ayudase unos a otros.

• institución asturiana pa collaborar nel bon aquel de los bienes d’usu común.

• xuntanza de persones pa esfoyar maíz (quitá-y la fueya) y enrestralo (entetexer les panoyes en riestres).

• llabor que facíen ente tolos vecinos y yera trabayu repartío pa pastoriar oveyes, cabres o gochos que se llevaben pa los praos o montes del común.

• xuntanza tradicional de persones, en tiempu les castañes, p’asales y comeles. Esta celebración social tien un aspeutu lúdicu y festivu.

19

7

A MA G Ü E 4

S T U

E

S

T 6

V 3

A N D E C H A

E F C 5ES F O Y A Z A

E 2F R

1R O M E R I A

A R A

I

A

20

� ¿Podríes empareyar la pallabra cola so definición pa que Xovellanos deprenda un poquiñín más sobre les coses que nun conocía?

Antroxu pan fecho con fariña de

maíz, agua y sal. Cuando se-y mete dientro carne, chorizu llámase “preñada”

Boroñatueru afuracáu d’un árbol onde viven y trabayen les abeyes

Cuchu fiesta na que la xente se

mazcara

Duernu sustancia formao con cagaes d’animales y materia vexetal, que s’usa como abonu

Escudiella recipiente de madera, polo xeneral allargáu, que mengua hacia’l fondu pelos cuatro llaos, que s’emplega pa recoyer la

21

sidra que pinga en llagar de la que se ta prensando

Maquila

cacíu fondu y semiesféricu que s’emplega normalmente pa echar nél la sopa y el caldu

Tr ca

22

uébanu

ntidá de granu, de fariña o d’aceite que se-y da al molineru por moler

Soluciones:

Antroxu: fiesta na que la xente se mazcara

Boroña: pan fecho con fariña de maíz, agua y sal. Cuando se-y mete dientro carne, chorizu llámase “preñada”.

Cuchu: sustancia formao con cagaes d’animales y materia vexetal, que s’usa como abonu

Duernu: recipiente de madera, polo xeneral allargáu, que mengua hacia’l fondu pelos cuatro llaos, que s’emplega pa recoyer la sidra que pinga en llagar de la que se ta prensando Escudiella: cacíu fondu y semiesféricu que s’emplega normalmente pa echar nél la sopa y el caldu

23

Maquila: cantidá de granu, de fariña o d’aceite que se-y da al molineru por moler Truébanu: tueru afuracáu d’un árbol onde viven y trabayen les abeyes

� Sabemos que les matemátiques nun engañen a naide pero

Xovellanos, que yera un home de lletres, tuvo problemes pa saber de qué-y falaben con estes midíes. ¿Podríes tu empareyar les correspondencies?

1 llegua de llonxitú

5.572 metros

1 cántara de sidra

12.5 llitros

1 fanega de tierra

64.395 metros

1 día de gües 1257,728 metros cuadraos 1 pulgada 0.023200 metros 1 copín 9,35 llitros 1 maquila 0,584 llitros

� Xovellanos diz nun de los sos llibros: “se hacen a la verdad en Asturias muy ricos y regalados quesos….” (Xovellanos, “Carta VII: Industries d’Asturies”, Tomu 2). Comer quesu préstanos a toos y a toes pero la so ellaboración nun ye cenciella. Ordena los pasos qu’hai que siguir.

24

a) Cuayar b) Moldiar c) Formentar d) Iguar la lleche e) Secar

Soluciones: 1 d 2 a 3 e 4 b 5 c

� ¿Podríes distinguir los tipos de cereales qu’había n’Asturies na dómina

de Xovellanos?

escanda, centén, trigu, maíz, cebada

� Na dómina na que Xovellanos vivió había munchos oficios

artesanales qu’anguaño yá desapaecieron por mor del desendolque industrial y social. ¿Qué ye lo que facía esta xente artesano?

1. Teyeru ……………………. 2. Zapateru…………………… 3. Canteru …………………….. 4. Blimeru………………………. 5. Goxeru……………………….. 6. Conqueiru………………………… 7. Madreñeru…………………………

Soluciones: 1 facer teyes 2 iguar zapatos 3 trabayaben la piedra 4 facer cestinos, sielles, trubiecos, paxinos y preseos pa la casa 5 facíen los mesmo que los blimeros pero con madera d’ablanal y castañal 6 trabayar la madera de fresnu, castañal y pláganu pa facer concos 7 facer madreñes

� Agora que yá sabes qué ye lo que facía caún, mira ver si yes a poner

un anunciu nel periódicu pidiendo una persona especializada nun d’estos oficios. Alcuérdate que tien de ser claru y curtiu (¡nel periódicu pagues acordies col númberu de pallabres escrites!)

� Xovellanos sabía que toles persones que vivíen n’Asturies teníen unos

derechos y unos deberes pa la xente que vivía nel mesmu sitiu. Axunta en dos grupos les pallabres qu’apaecen a continuación

25

n’obligaciones y trabayos en beneficiu de la comunidá y completa caún d’ellos amestando pallabres nueves:

derrota, pía o gandaya, poznera, xancies, monteríes, matafuéu,

facería, sestaferia

Soluciones:

Derechos

Facería Derrota Poznera Pía o gandaya (vecera) Trabayos en beneficiu de la comunidá

Sestaferia Xancies Monteríes Matafuéu (andecha)

� Mira ver si la información qu’apuntó Xovellanos nos sos cuadernos ye verdadero o falso.

1. Na dómina de Xovellanos había neveres pa conservar los alimentos. L’horru y la panera yera onde s’almacenaben los más de los alimentos L’únicu cubiertu pa comer yera la cuyar de madera

2. Los llabriegos comíen en platos y escudielles de madera o barru o directamente del pote o calderu

3. L’alimentación de los asturianos nesa dómina yera mui variao y rico 4. El pan facíase con farina d’escanda, centén y trigu, y formientu y

cocíase nos fornos que toles cases teníen 5. El llabor de facer el pan yera de los homes 6. Enantes d’enfornar el pan facíense invocaciones a Dios, la Virxe y los

santos pa bendecilo

Soluciones: 1f 2v 3v 4v 5f 6v 7f 8v

� Busca nesta sopa de lletres 8 nomes rellacionaos cola cocina.

llar (piedra de la cocina onde se prendía’l fue)

26

escañu (asientu de piedra) calamiyeres (preséu de cocina pa colgar concos, cazos…) cacía (conxuntu de platos, vasos…) pota fornu masera coladoriu

b k l m p r f e s f q x z a i

r g j o u w q t c o v h s o d

ñ q b p b s l l a r c z y m w

y f p c i r g a c n o f j l u

u c o l a d o r i u m b x p t

l a t g o j q w a v c k t g l

k l a r h k l b m ñ s g o e h

c a ñ y x j v q p c z f n k u

f m a s e r a s l k g j v b d

s i s k a v c x m e r u q l z

u y g r w b e v b i p y c ñ p

p e m c v z o ñ q y s l t u d

u r v r s j n k w c d p h y o

k e t l z q b s t z a v c l b

e s c a ñ u h l q m y b x n r

27

� Esti colexu lleva’l nome de Xovellanos pa qu’enxamás escaezamos lo muncho que fizo por Xixón, pero nun ye’l únicu sitiu na ciudá que fai alcordanza d’él. ¿Seríes a sacar dellos? Solución: - Casa natal de Xovellanos en Cimavilla - Teatru Xovellanos - Cai Xovellanos - Antigua Escuela Universitaria Xovellanos - IES Xovellanos - Biblioteca Pública Xovellanos - Plaza Xovellanos - Travesía Xovellanos - Centru de Seguridá Marítima Integral Xovellanos - Estación de tren Xovellanos - Monumetu Xovellanos (Plaza Seis d’Agostu) - Radio-taxi Villa de Xovellanos - Asociación de Vecinos Xovellanos

� Xovellanos escribó munches cartes demientres el so cautiveriu nel Castiellu de Bellver en Mallorca. Agora escríbi-y tu una carta na que-y cuentes cómo camudó la ciudá de Xixón dende qu’él morrió.

� Agora vamos ver qué ye lo que deprendisti al rodiu de los trabayos artesanos. Dividíi la clase en grupos de teyeros, zapateros, canteros, blimeros, goxeros, conqueiros y madreñeros (4 ó 5 persones caún) y atopái tolos preseos qu’hai na esposición que tengan que ver col vuestru trabayu, desplicándo-y a Xovellanos y al restu la clase cómo furrulaben.

� De tolos oxetos o dibuxos señala los que podríes atopar nuna cocina

tradicional asturiana.

Llavadora Nevera Llar Calamiyeres Pota

Masera Trébedes Microondes Batidora

Olla exprés

Guía didáutica Página 28

� Tenemos el vezu de dir a les tiendes pa mercar regalos a los nuestros amigos pa un día especial, pero nun nos decatamos que los más cenciello suel ser lo más apreciao. Nesta ocasión vamos regala-y a Xovellanos dalgo guapo: como lleía tanto y pasaba munches hores pela nueche na cama con un llibru enantes d’echase a dormir, de xuru que-y diba prestar que-y ficieres un marcapáxines col dibuxu que más te preste que-y recuerde a Asturies o Xixón. ¡Cuánto más orixinal más s’acordará de ti!

� Xovellanos entrugaba a la xente p’atopar tola información que

necesitaba. Vamos agora a entrevistalu a él. ¿Qué te prestaría que te contara de les sos esperiencies per Asturies? (saca polo menos 4 entrugues)

� Rellaciona estos llabores col animal o l’alimentu que-y correspuenda:

Matanza Esfoyaza Amagüestu

� Escribi darréu 10 preseos de los que se puen atopar na esposición del colexu y depués describi dos d’ellos:

1. 2. 3. 4. 5. 6. 7. 8. 9. 10.


Nome del preséu……… Sirve pa….……….. Quién lu usaba………… Esiste güei…………. sí non

Nome del preséu……… Sirve pa….……….. Quién lu usaba………… Esiste güei…………. sí non

� Siempre ye prestoso viaxar y conocer sitios nuevos. Pon les sílabes

n’orde pa sacar los nomes de dellos sitios nos que tuvo Xovellanos. YA SE RI BE PO LA LA VA NA ROS

MU

NES

LLA

LLA

MA VI CI

� Frases de Jovellanos: Yá dixera Xovellanos: “La verdadera riqueza d’un país consiste principalmente na cantidá y nel valir de les sos producciones. Esti valir pue atalantase de dos formes o por meyor dicir, en dos tiempos. Lo primero como valir natural, y esti ye’l que tienen los frutos de la tierra enantes que la industria los tenga ameyoraos; lo segundo, como valir artificial, y esti ye’l que tienen les producciones naturales ameyoraes pola industria”


Nel “Informe de la ley agraria” escribe: “Como verdá innegable que la virtú y el talentu nun tán venceyaos nin al nacimientu nin a les clases”. “Ye preciso confesar que’l derechu de tresmitir la propiedá privada na muerte nun ta incluíu nin nos designios nin nes lleis de la naturaleza”. “Trabayar muncho, comer poco y vistir mal ye un estáu de violencia que nun pue caltenese”. Xovellanos propón: “Como gran solución la creación de puestos de trabayu na industria; entamaráse, pa ello, por una industria derivada de los productos del campu y acabaráse con una industria siderúrxica, que se mandará de los productos de la rexón”. Cuando Xovellanos foi nomáu embaxador de Rusia: “Per fuera too gayola..en mi, dolimientu polo que m’espera, polo que pierdo n’abandonar un pueblu que me quier y una residencia dulce, que tantísimo me presta…” Cuando foi nomáu ministru de gracia y xusticia: ”Más contentos tán otros que yo de ser ministru, pero nun tengo falla-yos. Asina que me voi dedicar dafechu al mio cargu, como siempre”

GUÍA SUXERENCIA D’OTRES

ACTIVIDAES

� Exercicios de midir superficies de les supuestes finques de la casería.

� Problemes sobre mediciones de la superficie del planu de la casa.

� Calcular la producción total en kilos de maíz, pataques, dando los metros de cultivu y producción por metru.

� Calcular la producción total de lleche suponiendo un númberu de vaques y producción por vaca.

� Ganancia en pesetes y/o euros suponiendo una producción y preciu por llitru nel mercáu.


� Convertir midides de capacidá y de pesu en múltiplos y submúltiplos.

� Facer vocabularios con pallabres de la vida rural tradicional. Ex: sayar, catar, rozar, semar, etc.

� Facer fiches con preseos del mundu rural tradicional. Da-yos a caún la so función.

� Facer entrevistes a los pas, mas, güeles y güelos sobre la so historia y esperiencies nel mundu rural. Escribir entrugues y rempuestes.

� Facer en clase una encuesta sobre l’orixe rural (llugar de nacencia) de los güelos, güeles, madres, padres y del alumnáu. Comparar los resultaos nel tablón de la clase.

� Numberar productos agrícoles y ganaderos de la casería y desplicar el destín que se-yos daba: venta/consumu propiu.

� Facer encuesta al alumnáu de clase sobre la so conocencia de les cases tradicionales, ferramientes-preseos, animales. Dibuxar les gráfiques.

� Rellacionar con fleches animales domésticos: sí/non

� Rellacionar con fleches animales xabaces: sí/non

� Alderiques: les persones que viven na casería ¿puen cazar a los animales xabaces pa protexer la so collecha? Un grupu tien que defender les persones que cacen y l’otru’l derechu de los animales a comer y vivir. Redactar les conclusiones.

� ¿Hai animales bonos, los domésticos, y malos, los xabaces? Razonar caúna de les postures en dos grupos enfrentaos.

� Redaiciones imaxinaries sobre animales:

- El topu que pasa la vida nes galeríes soterránees ensin ver el cielu, los árboles…

- El raposu dientro la viesca pel día que sal a l’aldea a cazar pites pela nueche.

� Dibuxar oxetos, árboles, animales, edificios de la casería pa facer llámines o pa ilustrar otres actividaes.

� Encuesta de clase, con gráfica, sacando datos del númberu de alumnos y alumnes que van a l’aldea: munches veces, poques veces, nenguna.

� Desplicar qué ye lo que te presta de l’aldea.


� Pidir a les families facer una escursión a l’aldea en caúna de les estaciones del añu (iviernu, primavera, branu y seronda). Mirar y describir cómo ye la naturaleza n’Asturies a partir d’eses escursiones.

� Nes mesmes escursiones, buscar cases tradicionales d’Asturies (mariñanes, de corredor, de galería…) retratales, mirar cómo tán conservaes.

� Entrugar a la familia por qué munches d’elles tán abandonaes y bien d’elles en ruines.

� ¿Podríes facer una historia d’una guapa casa de corredor que tien 200 años, que tuvo en ruines y agora remocicáronla de forma prestosa?

� ¿Seríes quien a redactar un diálogu ente’l carru, l’aráu, la fesoria y la gadaña, razonando quién ye más importante na casería?


DOCUMENTACIÓN

CONTENÍOS VENCEYAOS A LA ESPOSICIÓN, POR BLOQUES

PRESEOS NA CASERÍA (Bloque 2)

A. NA COCINA. Los Cazos.- Abondaben nes cases rurales y tienen una parte semiesférica de llatón o de cobre y un mangu llargu de fierro. Nellos calecíense alimentos llíquidos como la lleche. Poníense a calentar enriba les trébedes, cuando nun s’usaben colgábense del vasar. Les Potes.- Como los cazos, usábense pa cocer y calentar la comida. Podíen ser de fierro fundío, de porcelana y de barru. Tamién se poníen al fueu nes trébedes. Les Chocolateres.- Preseos pa facer chocolate. Habíales de cobre y fierro fundío, forraes con porcelana blanca per dientro. Les de fierro facíense na “Industria Laviada” de Xixón pel añu 1900 y numberábense dependiendo del tamañu. Los Morteros.- Nellos mayábense los ayos, el perexil y otres especies, los más normales yeren de madera, lo mesmo el cuencu que’l mazu. Habíalos tamién de piedra y cerámica. Los Morteros de bronce.-Usábense igual que los morteros de madera pero diferenciábense pola calidá superior del material. Yeren de bronce y dalgunos llevaben adornos de relieve na parte de fuera como conches y cares. Anguaño los morteros de bronce son oxetos mui decorativos nes cases modernes. Pola demanda que tienen tán saliendo al mercáu bien de reproducciones que se vienden nes tiendes d’antigüedaes y nel rastru como si fueren orixinales. Los Moliniellos de Café.- El modelu más común yera’l de caxón de madera o de chapa, de la marca ELMA. Tenía un recipiente onde s’echaben los granos de café, unos rodiellos que los molíen y debaxo’l caxón, pa recoyer lo molío. Ye’l modelu espuestu. El Canxilón. –Preséu paecíu al cazu. El concu y el mangu son de bronce.


Usábase pa sacar agua de la ferrada pa beber. Siempre taba colgáu de la ferrada. Les Potes.- Concos de barru con dos ases. Nelles guardábase y conservábase tolo de la matanza como chorizos, llombu, costielles de gochu. Les Escudielles.- Cacíu fondu y semiesféricu. Usábense pa comer alimentos llíquidos como sopes. B. NEL LLAR.- El llar yera’l sitiu onde se ponía llume na cocina. Ellí cocinábase y la familia sentada al fueu, pasaba munches hores del iviernu faciendo pequeñes xeres artesanes o charrando. Pal llar había dellos preseos, como: Les Calamiyeres.- Yeren unes cadenes pendientes del cañón de la chimenea, con ganchos y anielles pa colgar la cadena de cobre, el pote de fierro, les potes, etc. Con estos ganchos podía graduase l’altor de la caldera. Les Trébedes.-Preseos de fierro con un aru, tres pates y un mangu llargu. Nelles apoyábense los cacíos pa cocinar: los cazos, sartenes, potes, etc. Yeren redondes y triangulares. El fueu estropiábales muncho polo que teníen que reponeles davezu. La Caldera de Cobre.- Cacíu grande y redondu, con un asa de fierro pa colgales de les calamiyeres. Sirvíen pa cocer alimentos u otros productos, como los potes. Habíales de tolos tamaños. El Pote.- El pote sirvía pa lo mesmo que la caldera. Yera de fierro fundío y tenía tres pates. Al ponelu al fueu nun necesitaba trébedes porque tenía pates. Asador de Castañes.- Farol vacíu de chapa con furacos. Tien asa pa colgalu de les calamiyeres y un mangu-exe col que facémoslu xirar. El fueu estropiábalos pronto porque la chapa yera mui blandio. Tostador de Café.- Preséu col mesmu esquema y material que l’asador pero muncho más pequeñu. El sartén, el fuelle y tenaces son preseos conocíos pola forma y la función que teníen. C. OTROS PRESEOS, LES PLANCHES Planches macices.- Son bloques macizos de fierro que tienen forma de nave con un asa na parte d’arriba pa remanales. Calentábense na chapa de la cocina. Taben numberaes per pesos y tamañu. Habíales de 4-5 kilos. En delles el cantu de la base yera redondeáu pa planchaos especiales. Planches elléctriques.- Empecipiaron a usase cola ellectricidá. Pronto aportaron a les aldees y camudáronse ensiguida poles macices de fierro y les de fueu qu’entamaron a vese pelos rastros. Les de fueu fueron más valoraes poles persones que les teníen, y con razón, usándoles como


recuerdu familiar, pa decorar la casa de la ciudá munches veces estrozándoles al pintar los llaos o forrándoles con fieltru granate o verde.

FERRAMIENTES AGRÍCOLES. (Bloque 4) El Carru.- Yera’l rei de les ferramientes agrícoles. Guardábense nel horru. Sirvíen pa tresportar la yerba, les colleches de maíz, la madera de la viesca, y piedres pa edificar, etc. Taben tiraos por pareyes de vaques o gües. Nos más vieyos, la rueda lleva namás un radiu que cruciaba la exa de madera, fita nes ruedes y que xiraba con elles. L’aru de les ruedes diba reforciáu y forráu con plaques de fierro atornillaes a la madera. Estos carros casi nun se ven nes aldees, fueron esguazaos y les sos ruedes, pieces fuertes y valioses, abonden pelos rastros y decoren restaurantes de carreteres. Triste recuerdu de l’Asturies rural decadente. L’Aráu.- Xunto col carru, yera la ferramienta más importante na casería. Primero, los araos yeren de madera, modelu romanu, con una pequeña rexa de fierro. Teníen namás una manera. Depués, nos años cuarenta, apaecieron los araos de fierro, nomaos “brabanes” que yeren mui fuertes coles rexes vertederes y s’usaben pa trabayar la tierra y afondar la fesoria. Facíense en Vitoria en “Ajuria S.A” . Yeren pieces resistentes y de diseñu prestosu, que quedaron convertíos n’oxetos d’adornu nos xardinos de nuevos xalés, xera alloñada pa la que fueron construyíos. La Gadaña.- Ye la ferramienta manual más usada na casería y la más conocida n’Asturies. Entá sigue usándose. Na casa había delles, seis son les que tán colgaes nel portalón Calisto d’Arroes- hai semeyes na esposición-, mangaes pa usales. Fierros de Cabruñar.- Son la xuncla de fierro que se llantaba en suelu y el martiellu. Cabruñar la gadaña yera un verdaderu trabayu y yera una xera diaria. El Gadañu.- Gadaña cola cuchiella ancha y curtia, más fuerte que la de la gadaña. Usábase pa rozar y segar matos. La Foz.- Ferramienta de cuchiella mui curva y mangu curtiu de madera cola que se segaba la yerba y otres plantes que se garraben cola manzorga.


El Gaxapu o Zapicu.- Cacíu rectangular estrechu con un ganchu p’amarralu al cintu, enllenábase d’agua pa moyar la piedra d’afilar. El segador lleválu encima p’afilar cuando lo necesitaba. La Triente (Forca).- Usábase pa cargar la yerba nel carru, echalo a les vaques na corte etc. Tien un mangu llargu de madera rematáu con tres pinchos (triente) o más, de fierro. El Rastriellu. Cenciella ferramienta de madera con un mangu llargu que se mete nun fierru con dientes. Usábase p’atropar la yerba. La Fesoria- Ye un preséu que tien un llámina rectangular de fierro, afilada nun llau y nel otru un furacu pa encaxar el mangu de madera, que s’usaba pa semar la tierra, sayar, etc. La gadaña, la triente y la fesoria yeren ferramientes d’usu diariu na casería, los aldeanos curiábenles con procuru y poníen-yos los mangos fechos por ellos mesmos con cañes de fresnu o de castañu. El Xugu.- Otru preséu fundamental na Casería.Con él xuncíense les vaques pa tirar del carru o del aráu. El xugu habitual yera de pareya, pero había otru individual nomáu “camella” pa una vaca namás. Usábase en xeres poco pesaes y onde nun cabía la pareya de vaques. Collar.- Aru de madera col que s’ataben les vaques na corte y d’él colgaben les lloqueres y les llueques. Llueques, lloqueros.- El so soníu valía pa identificar al ganáu propio y asitiar ónde taba nel monte. Poníense-yos a les vaques cabezaleres como referencia pal restu la reciella. La Firidoria- Cacíu pa sacar la mantega a la lleche. Tenía forma de cilindru de cinc o de madera con una boca pa enllenales de lleche. Habíales con una paleta interior que se movía con una palanca. La paleta batía la lleche que fería hasta sacar la mantega. Otru tipu de firidories colgábense al pescuezu con una correa y movíense coles dos manes garrándoles peles ases que llevaben a los llaos.


LA PROTEICIÓN DE LES COLLECHES. (Bloque 5)

Na aldea había siempre un problema, protexer les colleches de los animales depredadores qu’entraben nes finques y güertes. Podíen metese hasta nes dependencies. Los mures.-Abellugábense embaxo’l moblame, nes llurigues de les cortes. Comíen el maíz, el trigu y hasta los productos de la matanza (chorizu), el quesu, el pan… El Raposu.- Vivía na viesca y salía a cazar pela nueche. El so oxetivu preferíu yeren les aves de corral: pites, coríos, etc. Saltaben al corral, entraben nel piteru y armaben una llaceria. La fuina.- Ye un mamíferu carniceru. Mide unos 30 cm. Tien la cabeza pequeña, el pescuezu llargu y pates curties. Les sos carauterístiques anatómiques, la so ellasticidá, ye lo que fai que seya a metese por furacos y furaquinos. Ye nuecherniega y mui dañible. Nes aldees teníen-y medrana, los sos habitantes tienen que revisar de contino’l zarru de les estancies de la casería pa protexese d’ella. El xabaril.- Atacaba les plantaciones de maíz con ganes. Nuna nueche, una familia de xabariles estrozaba una plantación familiar. Tamién estrozaben los praos. Focen y acaben col prau pa buscar tubérculos de delles plantes. El Topu.- Nun ye un animal carniceru. Come merucos y llarves d’inseutos que caza dientro de los túneles qu’él mesmu fai colos fuertes brazos y coles manes que tienen cinco uñes. El topu estroza les güertes porque llevanta les plantes de raíz y tapa los praos de topineres soterránees peles que sal l’agua de regar. Los Páxaros.- Delles especies de páxaros son dañibles pa les plantaciones ente ellos: los gurriones qu’ataquen les plantaciones. Los glayos son dañibles pa los frutales. Los esguiles.- En dos díes puen aprovechar los frutos d’ablanos adultos. Na aldea facíase por protexer les colleches d’estos competidores con dellos preseos, que yeren: l’horru, les rateres, les toperes, la garduñera, el llazu. (ver exemplares na esposición)


FERRAMIENTES ARTESANES, CARPINTERÍA. (Bloque 6)

Zuela.- Ferramienta de carpinteru, formada por una plancha de fierro acerao y cortante enganchada a un mangu curtiu de madera. La curvadura de la zuela yera distinta según les xeres pa les que s’usaba. Había zueles más abiertes o zarraes. Toles zueles sirvíen pa moldiar la madera. Yeren ferramientas imprescindibles na casería porque yeran munchos los trabayos de carpintería. Cepiyu Carpinteru.- Ye un prisma de madera mui duro, davezu encina, que lleva dientro una cuchiella de fierro acerao cortante. Con él allisábase la madera (tables, cuartones, etc) y había munchos cepiyos: pa facer moldures, rebaxes de marcos. Garlopa y Garlopín.- Son cepiyos col prisma de madera mui llargos, hasta de 50 cm. Con ellos allisábense superficies amplies. Rebaxadora.- Cuchiella con dos ases, una a cada llau. Valía sobre manera pa sacar llámines d’una caña de castañu coles que se facíen los paxos. Llegra.- Tien una cuchiella pequeña con curva, enganchada a un mangu llargu. Con ella facíase’l güecu de les madreñes. Formones.- Cuchiella rectangular llarga, mui afilada. Con ellas facíense rebaxes na madera golpiando’l so mangu cola maza. Maza.- Bloque rectangular de madera duro con un mangu curtiu. Usábase pa golpiar oxetos de madera como cuñes, mangos de ferramienta (el formón)


PRESEOS DE PESU Y MIDIDA. (Bloque 7)

Nes caseríes vendíense ya intercambiaben milenta productos sólidos y llíquidos. Pa estes operaciones necesitaben preseos de pesu y midida. La Romana.- Preséu de pesu que tien una palanca de dos brazos, unu curtiu del que cuelguen los oxetos y otru llagu graduáu. El fiel que s’atopa sobre’l puntu d’apoyu, equilibrábase moviéndo’l pilón sobre’l brazu llargu nel que ta marcada la escala del pesu. Había romanes de ganchos nes que se colgaben los oxetos que se pesaben y romanes de platu pa pesar llegumes. La Balanza de platos.- Tien dos platos de llatón y nún poníense los oxetos que se diben pesar y nel otru les peses necesaries pa equilibrar el fiel que va nel centru. Les peses de fierro o de bronce llevaben marcáu’l númberu de kilos ¼, ½, 1, 2, 3, etc. La Balanza ensin platos.- Ye mui rústica y primitiva. Tien una palanca de brazos iguales con ganchos nos llaos. Los oxetos que van pesar cuélguense de los ganchos hasta equilibrar el pesu col fiel asitiáu nel centru. Al nun llevar peses, nin pilón, nin escales de midir, too amuesa que s’usaba pal trueque d’oxetos. Balanza dinamómetru.- Ye un arcu de fierro que s’abre cola fuercia del pesu, lleva dos escales que miden pesos distintos según el ganchu que s’use. Midíes de capacidá.- Davezu na aldea nun se pesaben los productos que s’intercambiaben, midíense con preseos de capacidá. El Copín.- Yera ún d’ellos. Usábase pa midir maíz, fabes, etc. Equivalía a 5,5 llitros. Ye un preséu de madera que facíen los aldeanos. La Maquila.- Equivalía a 0,584 litros mui conocida porque yera la unidá de capacidá que se cobraba nel molín por moler el granu (maíz, trigu) que-yos llevaben. El Llitru.- preséu de cinc de forma cilíndrica col asa nun costazu, usábase


pa midir la lleche, l’aceite y otros llíquidos. El Cántaru.- Pa cantidaes mayores usábase’l cántaru, qu’equival a 12,5 llitros. La esposición recueye bien d’instrumentos de pesu y midida tradicionales.

LOS FERRAXES (Bloque 8)

Úsense pa les puertes de la casa y de los horros, nes arques y otru moblame. Facíalos el ferreu na fragua. Teníen un fin estéticu (adornar) y tamién reforciar los ángulos del moblame y les boques de los furacos pa les llaves. Los piesllos.- Habíalos mui curioses nos sos perfiles y calaos. El ferrreru ponía enfotu nestos oxetos. La esposición amuesa una guapa coleición d’elles. Los Pestiellos.- Acompañaben a los piesllos nes puertes, con ellos abríense y zarrabense les puertes con un preséu cenciellu. Los Picaportes.- llamadores, yeren el tercer ferraxe d’una puerta, sirvía pa picar nes cases. Les llaves.- Yeren los preseos pa zarrar la casa. Teníen un tamañu bultable polo que nun se llevaben en bolsu. Solíen tar puestes na puerta. Namás cuando la familia marchaba lloñe pa tiempu, poníase un sitiu conocíu pola familia. Habíales de cañón güecu y de cañón macizu, que yeren les más frecuentes.


MOBLAME NA CASA RURAL. (Bloque 9) Na casa rural el moblema yera’l imprescindible pa les necesidaes básiques. Na cocina nun podíen faltar: L’escañu pa comer, el vasar onde se colgaba o ponía la cacía de cocina, l’alacena con dos puertes, la d’arriba con cristal pa meter dellos oxetos. Davezu l’alacena diba empotrada nes muries o nes esquines. La masera na se facía’l pan y depués se guardaben les fogaces. Nel restu de los cuartos de la casa poníense les arques, que les había fines y tallaes pa la ropa y pa meter documentos importantes, polo que teníen piesllos con llave, les mas bastes y fuertes poníense na corte o na antoxana. Nelles metíase’l maíz, el trigu, la fariña pa echar a los animales. El bagul yera un mueble paecíu a les arques. Diferenciábense por tener tapa curva o poligonal. Forrábense con papel o tela. Tampoco podíen faltar les cames, que podíen ser de madera de castañu o de fierro.Ente les de fierro había unes mui rústiques nomaes de “tisoria” porque se doblaben pela mitá del somier. El testeru adornábase con un medayón de fierro en relieve o de cerámica con figures humanes. Y cabo la cama de los mayores, les camines de los neños y neñes, nomaes “trubiecos” n’Asturies mui necesaries nunes families con abonda natalidá. Pa llavase taben los palancaneros de madera y de fierro.


PRESEOS DE LLUZ. (Bloque 10)

Enantes de qu’aportara la ellectricidá y del so espardimientu pel mundu rural, nes aldees allumábase con preseos d’aceite, cera, etc. Ente esos preseos taben: Los Candiles.-Imprescindible na casa. Colgábense de les vigues o de les parés. Teníen una especie de pequeña potina pela que salía la mecha moyada n’aceite que tenía dientro. Yeren corrientes los candiles de doble recipiente pa enanchar la lluz con dos llames. El material más frecuente yera’l fierro magar que los había de bronce o llatón. La Candilexa.- Variante del candil ensin asa o mangu mui baxu. Poníase encima los muebles. Los Velones.- Rescamplaben pola elegancia y calidá del material. Nun se poníen na cocina sinon en cuartos principales como la sala. Usábense nes xuntes familiares, nes nueches d’iviernu pa xugar, texer, filar, etc. Teníen una base con forma de platu, recipiente pal aceite con dos, tres y hasta cuatro salíes de mecha (cuatro llames). El recipiente d’aceite y les llames podíen movese d’arriba abaxo, como se quixere, a lo llargo d’un mangu llargu rematáu nun escudo-agarraderu. Pieces de bronce o llatón, rares nel mundu rural. Teníenles les families acomodaes. Los Candeleros.- Preseos de lluz pa veles de cera. Amás d’allumar, usábense como llámpares votives con un envís maxico-relixosu. La vela del candeleru prendíase siempre en díes de nube, en situaciones familiares esceicionales. Esta virtú máxica vien del día de Xueves Santu. Cuando se ponía’l monumentu na ilesia, caúna de les persones de l’aldea llevaben el so candeleru cola vela al santísimu. Enantes que s’escosara del too, quitábenla y llevábenla pa en casa como defensa escontra los malos espíritus y too tipu de peligros. Los candeleros son pieces de bronce o llatón que teníen tres partes: base, fuste y capitel (como les columnes), el diseñu y la forma del conxuntu d’estos elementos amuesen la dómina y l’estilu d’un candeleru. Amuésase una coleición interesante d’estos candeleros que percuerre dellos sieglos XVI, XVII, XVIII, XIX, dómines gótica, barroca ya isabelina. Les Palmatories.- Preséu paecíu al candeleru. Nun lleva fuste, namás base con forma de platu y el capitel, y caracterizábense pol mangu llargu pa


garrales. El Farol.-Llámpara de cristal; magar que los hai circulares, les más de les veces son cuadraos. Na parte d’arriba lleven un asa pa garrales. Usábense pa dir a la corte, a la despensa, a l’antoxana, hasta pa dir de visita a les cases más cercanes; la vela prendida, protexida con cristales, nun s’apagaba col aire nin tenía peligru de que prendiera fueu. Yeren como un allumáu ambulante. El Carburu.- El so combustible yeren les piedres de carburu qu’al moyase soltaben gases.

NOTA PAL PROFESORÁU Durante la visita a la esposicón, el tutor o tutora va desplicar los preseos que tán espuestos: faciendo que furrulen aquellos que seya necesario (la ratonera, el tostador de café, etc), amosando’l so interior (planches de fueu), faciendo entrugues y retrucando, contando histories y esperiencies personales. Nel trabayu de clase sobre la unidá didáutica programada, les actividaes puen usase nes distintes estayes curriculares. El tutor o tutora va adautar la formulación y la dificultá de les actividaes al nivel del so alumnáu. Axúntense unos cenciellos documentos escritos y gráficos como sofitu al trabayu de clas.

guÍa didÁutica n´asturianu

Documents