gizarte konpromisoari buruzko memoria 2018 · 2. 2018.urtea ampon, begiratu batean 3. misioa,...

2 0 1 8G i z a r t e k o n p r o m i s o a r i b u r u z k o m e m o r i a

Commitment made of steel

AURKIBIDEA

1. SARRERA: Presidentea eta Zuzendariaren gutunak

2. 2018.URTEA AMPON, BEGIRATU BATEAN

3. MISIOA, BISIOA ETA BALIOAK

4. AMPOREN KONPROMISOAK:

4.1. Pertsonekiko Konpromisoa

4.2. Bezeroekiko Konpromisoa

4.3. Gizartearekiko Konpromisoa

4.4. Ingurumenarekiko Konpromisoa

4.5. Gure kolaboratzaileekiko Konpromisoa

5. 2018ko MUGARRI NAGUSIAK

2

4

5

6

18

26

30

38

44

2 SARRERA · AMPO

Jon Gorrotxategi, AMPOko Presidentearen gutuna

2016-2018 aldia nahiko konplexua izan da munduan gure sektorean, ezegonkortasun handiko garaia izan delarik gas- eta petrolio-industrian, eta kontuan izanik AMPOk bere salmenten % 80 bideratzen duela gutxi gorabehera horietara. Hala ere, AMPO lantaldea osatzen dugun pertsona guztien egokitzapen-gaitasun, ahalegin eta konpromisoari esker, aurrerapausoak ematen jarraitu dugu urte hauetan, eta etorkizuneko erronketarako prestatzen. Horregatik, 2017an, 13 milioi euro inbertitu genituen Indian balbulak fabrikatzeko planta berri bat martxan jartzeko, eta beste 22 milioi euro 2018an mekanizazio planta berri baten martxan jartzean Idiazabalen, zein urrian inauguratu genuen. Inbertsio berri honek Idiazabalgo jarduera sendotzea ahalbideratuko digu, gure produkzio ahalmena areagotuz, mekanizazioko plantako lanpostu kopurua %20 haziz eta gure fundizioko bezeroei balio erantsi altuagoko eta geometria konplexuagoko produktuak eskaintzeko aukera emanez, soluzioak eta zerbitzua hobetzeaz gain. Nabe berria eraikuntza jasangarriko LEED ziurtapen-sistemari lotuz diseinatu eta eraiki da eta, proiektu horren bidez, LEED Gold Ziurtapena lortu dugu. Ondorioz, proiektu honen bidez, sendotu egingo dugu AMPOk pertsonekin, gizartearekin eta ingurumenarekin duen konpromisoa.

2018ko gizarte-konpromisoko memoria honetan, AMPOren urteko mugarri nagusiak aurkituko dituzu, tartean direla aipagarri: Idiazabalgo mekanizazio- planta berriaren inaugurazioa, KOSMOS digitalizazio-proiektuaren garapena, dibertsifikazioko gure estrategiak sendotzea, hala fundizioan nola balbuletan, etab.

Dena den, memoria edo txosten honetan, gure pertsona, gure bezero, oro har gizarte, ingurumen eta kolaboratzaileekin ditugun konpromiso guztiak bildu ditugu batez ere. Konpromiso sendoak dira, bidezko giza garapen jasangarrian erreferente izaten jarraitzeko, gure misioak ondo adierazten duen bezala.

2019an, AMPO proiektua era jasangarrian sendotzen jarraituko dugu, hazkunde- eta garapen-aurreikuspen positibo bat baitugu kooperatibarako. Gure helburua da gure historiako 54 urteei urteak gehitzen jarraitzea, ekonomia, gizarte eta ingurumenari buruzko etorkizun jasangarri bat sortuz.

Ni buru naizen Kontseilu Errektorearen izenean, AMPOko lantalde osoak hartutako konpromisoa eta egindako ahalegina eskertu nahi ditugu, eta deitu nahi dizuegu ilusioz betetako gizarte- eta enpresa-proiektu hau sendotzen laguntzen jarrai dezazuen.

JON GORROTXATEGIPresidentea

1. SARRERA

IBON IMAZKoordinatzaile Orokorra

Ibon Imaz, AMPOko Koordinatzaile Orokorraren gutuna

Merkatuko ziurgabetasuna handia izanik ere, 2018an AMPOk ezaugarri izan ditu energiaren industriaren testuinguru berrira egokitzeko gaitasuna eta etorkizunaren aldeko apustu sendoa. Apustu horretan, 2017aren aldean, % 30eko hazkunde-uzta bildu dugu urtea amaitzean. Gainera, 2016-2018 aldian, 35 milioi euroko balioa duen inbertsio-plan zorrotz bat exekutatu dugu, eta plan horrek gure nazioarteko posizioa eta Idiazabalgo gure industria-jarduera sendotu ditu, baita gure kooperatibaren oinarriak finkatu ere, etorkizunera begira.

Industria aldatu ahala, AMPO ere aldatu behar izan da merkatuaren errealitate berrira egokitzeko; ondorioz, gure dibertsifikazio-estrategia sendotu behar izan dugu, hala fundizioan nola balbuletan. Historikoki balbula-fabrikako gure salmenten % 90 inguru gas naturalera bideratzen genuen; aldiz, 2018an, ehuneko hori % 46ra jaitsi da, eta sendotu egin da gure fintze-, petrokimika- eta energia-merkatuko posizioa, upstreamerako produktu-eskaintza zabala garatzeaz gain. Fundizioan ere, bestalde, gure dibertsifikazio-estrategia sendotu dugu, ponpetarako, itsas sektorerako, dekantagailuetarako eta abarretarako balio erantsi altuko osagaiak garatuz, nahiz eta historikoki batez ere balbuletarako osagaien fabrikazioan aritu garen. Mekanizazio planta berria inauguratzea, gainera, ezinbestekoa izan da estrategia hori garatzeko; izan ere, merkatuko 4.0 mekanizazio-zentro adimentsuenak edukitzeaz gain, zerbitzu integratuak eskaini ahal izango dizkiegu gure bezeroei gaurdanik, adibidez, soldadura bidezko estaldurak, eta abar.

2018an, 2017-2020 aldirako zehaztu genuen Plan Estrategikoan aurrera pausoak ematen jarraitu dugu. Hartara, merkatu globalean soluzio globalak eskainiko ditugu aurrerantzean ere, gure bezeroen beharrizanei erantzuteko. Eta etorkizuneko erronka guztiei heltzeko, ezin bestekoa izango da AMPOko pertsona guztiak aldean izatea, baita gure hornitzaileek eta beste

kolaboratzaileek laguntza ematea ere, adibidez, teknologia-zentroek, start-upek, unibertsitateek, elkarteek, erakunde publikoek eta abarrek, alegia.

Gure etorkizuneko konpromisoa sendoa da aurrerantzean ere: gure bezeroekin, pertsonekin, gizartearekin eta ingurumenarekin; hartara, erreferente izaten jarraitu ahal izango dugu, bertan zein nazioartean.

4 2018. URTEA AMPON · Begiratu batean

%46

%3

%43

%3%5

Elektrizitatea20 MkWh

Hornitzaile kopurua: 500 baino gehiago

400.000 €, 113 proiektu sozialetara bideratuta

PROIEKTU SOZIALAK:

KONTSUMOAK:

100 Km-ko erradioan erositako €-ak: 50.000.000 €

LANTALDEA• Idiazabal: 452 pertsona • India: 255 pertsona

• FAKTURAZIOA: 131.153.000 €• EKITALDIKO INBERTSIOA: 8.542.000 €• SALMENTAK:

FUNDIZIOA: 4.883 Tona

Esportazioak: %92

BALBULAK sektoreka:

Produktu garapen eta ikerketa lerroen kopurua: 25

62 herrialdeetan gaude

Berrikuntzaren intentsitatea: %2tik gora

Gas Naturala 62 MkWh

Ura29.647 m3

Plantillaren % 12 emakumeak dira. Bataz besteko adina: 41 urteKooperatibistak: % 87

Plantillaren % 3 emakumeak dira. Bataz besteko adina: 30 urte

GNL

Finketa, petrokimika eta energia Meatzaritza

Upstream

Gainerakoa

AMPO SERVICE:

60 Asistentzia

2. 2018. URTEA AMPON, BEGIRATU BATEAN:

MISIOA, BISIOA ETA BALIOAK 5

AMPO pertsonetan oinarritutako proiektu bat da, non taldean lan eginez eta komunikazioan oinarrituz, pertsona, bezero eta kanpo laguntzaileen asebetetzea helburu duena eta honez gain, mozkinak lortuz printzipio kooperatiboen marko baten pean, pertsonen garapena eta bidezko garapen iraunkorra bilatzen duena.

Fundizioa, balbulagintza eta beste jarduera batzuk merkatu globalean eskaintzea, bezeroen beharrak asetzeko soluzioak emanez.

MISIOA BISIOA

BALIOAK ETA KONPROMISOAK

• Bezeroen astebetetzea, etorkizuneko bermea izanik, lehentasun nagusia da.

• Pertsonen konpetentzia profesional mailarik altuena lortu, sormena ahalbideratu eta sustatuz eta etengabe berritzailea den proiektu bateko protagonistak bihurtuz.

• Talde lana, zeinaren oinarrian askatasuna, erantzukizuna eta lidergotza integratzen diren eta kantitate zein kalitatearekin betetzeko konpromisoan oinarrituta, efizientzia lortuz elkarbizitzan diharduten.

• Komunikazioa, informazioa eta gardentasuna, ezagutzak, esperientziak eta trebetasunak elkarbanatzeko, bai eta ardurak onartu eta gauzatu eta hauei lotuta egon daitezkeen arriskuak nork bere gain hartzeko.

• Hornitzaile, bezero eta gizartearekin gure proiektua elkarbanatzea, ilusioz beteriko eta oparoa den etorkizun bisio batekin.

• Kalitate, zerbitzu, koste eta segurtasun eta lan osasunarekin konpromisoa, honako hauek aktibitatearen giltzarri nagusi bezala ulertuz. Guzti hau bikaintasuna lortzeko helburuarekin.

Balore hauek AMPOk parte hartzen duen proiektu edota aktibitate oro konprometitzen ditu.

3. MISIOA, BISIOA, BALIOAK ETA KONPROMISOAK:

6 AMPOREN KONPROMISOAK · Pertsonekiko Konpromisoa

Pertsonak dira gure misio, gure balio, gure estrategia eta gure kudeaketaren ardatza eta, horregatik, pertsonetan oinarritutako proiektu kontsideratzen dugu AMPO. Ondorioz, pertsonen ongizatea, gogobetetzea eta garapen profesionala dira gure lehentasun nagusienak.

4.1. PERTSONEKIKO KONPROMISOA

4. AMPOREN KONPROMISOAK

AMPOREN KONPROMISOAK · Pertsonekiko Konpromisoa 7

Gure lantalde guztiek auto kudeatuta egiten dute lana, eta ondo ezagutu eta bere egiten dituzte AMPOren helburuak eta estrategia. Helburu horiek kooperatibaren Batzar Orokorrean hitzartzen dira.

AMPO lantaldea 700 pertsona inguruk osatzen dugu egun, kontuan hartuz Idiazabalgo zein Indiako gure langileak, baita gure komertzial-sare zabala ere. Bezeroa gogobetetzea pertsona guztien lehentasun gorena da, etorkizun-bermea baita. Beraz, kalitate, zerbitzu, kostu eta segurtasun eta lan-osasunarekin konprometituta daude, bikaintasunera bidean. Aldi berean, AMPO guztiz konprometituta dago bere pertsonen konpetentzia profesional gorena lortzen, haien sormena onartuz eta sustatuz, eta pertsonak etengabe berritzailea den proiektu baten protagonista eginez. AMPOk bere proiektua partekatu nahi du, komunikazioa, informazioa, gardentasuna, eta abar sustatuz.

Horren erakusgarri, gure antolakuntza-eredu, gure enplegu- eta pertsonen kudeaketa-politika, komunikazio-eredu, prestakuntza-eredu eta abarri lotutako askotariko alderdiak aurkituko dituzue jarraian.

ENPLEGUAREN BILAKAERA

Sektorearen hainbat urtetako ezegonkortasunean, eutsi egin genien lanpostu guztiei; 2018an, berriz, proiektu garrantzitsu batzuk aktibatzen hasi ziren eta hau dela eta, gure Idiazabalgo zein Indiako langile kopurua handitu ahal izan genuen.

AMPOko lantaldea 707 pertsonak osatu zuten guztira 2018ko ekitaldian: 452 Idiazabalen eta mundu osoan banatutako askotariko ordezkaritza komertzialetan, eta

255 pertsona AMPO INDIAko plantan.

AMPOko Idiazabalgo lantaldearen profilari dagokionez, datu hauexek nabarmenduko ditugu:

Gure produktu eta prozesuek goi-mailako teknologia baliatzen dute eta, beraz, taldeko pertsonen % 38k honako zerbitzu hauetan lan egiten dute, besteak beste: ingeniaritza, berrikuntza, prozesuak, salmentak, erosketak, etab.

• Gure langile-zerrenda, adinaren arabera, honako hau da:

• 30 urtez beherakoak % 8 dira.• Adin-talde handiena 30 eta 50 urte bitarteko

pertsonek osatzen dute: % 79.• 50 urtez gorakoak % 13 dira langile-zerrendan.

2018. ekitaldian, 35 pertsona sartu ziren AMPOra, kontratazio-tasa % 7,73 izan zelarik.


ENPLEGUAREN KALITATEA

2018ren amaieran, Idiazabalgo langile-zerrendaren % 87 bazkide kooperatibistak ziren, eta gainerako % 13a, berriz, bazkidegai izateko prozesuan kontratatutakoak. Datu honek AMPOk pertsonekiko duen konpromisoa erakusten du, kontratazioak ez baitira egiten produkzio kargen arabera, baizik eta etorkizunean kontsolidatzea

aurreikusten diren lanpostuak beteko dituzten pertsonak soilik kontratatuz.

Pertsonen errotazioari dagokionez, nabarmendu behar da txandakatze-tasak oso apalak direla AMPOn: Espainiako zein Indiako batez bestekoaren azpitik. Hain zuzen, datu hori gure pertsonen gogobetetzearen erakusgarria da.

AMPO INDIAri dagokionez, nabarmendu behar da, gainera, Coimbatoreko gure langileek beren ingurunean baino lan-baldintza hobeak dituztela eta, beraz, enpleguaren kalitatea oso altua dela.

ANTOLAKUNTZA ETA KULTURA EREDUA

2003.urteaz geroztik Pertsonengan eta kudeaketa horizontalean oinarrituriko antolakuntza eredu bat dauka AMPOk. Lidergoa eta talde-lana sendotzeko helburuan oinarrituz, AMPOko antolakuntzaren kultura eta pertsonen lidergo eredua diseinatu eta sortzeko prozesuan lehen pausoak eman ziren 2017an. Proiektu horri “Aldaketa lantzen” deitu zitzaion, eta ondorengo helburua zehaztu zen: Kooperatibaren helburuak lortzea ahalbideratuko digun eredu baterantz eta bikaintasunean oinarrituriko kultura baterantz aurrerapausoak emango ditugunaren bermearekin, organizazio garapeneko prozesu bat sortzea.

Egoeraren lehen diagnostiko bat egin eta kultura-eredu berri baterako oinarriak ezarri ondoren, 2017an eta 2018an beharrezko konpetentzietan trebatu eta horiek ezarri ziren lankidetza-prozesuen bitartez, motibaziotzat hartuz ikasketari buruzko jarrera aktiboagoa, talde-lana, lidergoa, autokudeaketa, partaidetza, komunikazioa eta aurrerabidea.

Trebakuntza horiek tailer eta taldekako zein banakako coaching-saioen bidez egin ziren.

Antolaketa eredu berriaren definizio eta diseinuarekin organizazio bikain batean bilakatzea dugu xede, parte izatearen sentimendua eta gure pertsonen gogobetetzea areagotuz.


FORMAKUNTZA

Formakuntza benetan garrantzitsua da erakundearen etengabeko hobekuntzarako eta gure produktu eta zerbitzuen kalitaterako, baita erakundeak urtero diseinatzen dituen erronketara egokitzeko eta pertsonen balio-aniztasun maila areagotu eta, hartara, malguagoak izateko. Horretarako, AMPOk ahalegin handia egiten du pertsonen prestakuntza-ekintzetan.

Horretarako, bi urteko prestakuntza-plan bat du egun, ezagutza, gaitasun eta jarreren garapenarekin zerikusia duen guztia kontuan hartzen duena.

Ondorioz, 2018an, prestakuntza-plan bat zehaztu genuen 2018-2019 aldirako, eta antolakuntza-erronketara egokitu genuen, gogoan hartuz gure soluzioak gero eta konplexuagoak direla eta gure bezeroak gero eta zorrotzagoak direla beren eskakizunetan, hala komertzial arloan, nola ingeniaritzan.

2018an, 250.000 € inbertitu genituen hura ezartzeko, eta 5.839 prestakuntza-ordu eman ziren 75 prestakuntza-ekintzatan banatuta.

Jarraian Prestakuntza Planaren alderdi batzuen azken hiru urteko bilakaera ikusi ahal izango duzue, eta epealdi honetan AMPOren etorkizunerako prestakuntza-proiektu

oso garrantzitsuak landu ditugula aipatu nahiko genuke. Adibidez, antolakuntza-eredu berria eta lidergoa, LEAN Manufacturing kultura, mekanizazio-prozesuen ezagutza praktikoa, etab.

2017.urtearekin alderatuz, jasotako prestakuntza-orduak % 25 murriztu ziren 2018an (baina ez prestakuntza-ekintzak, ezta prestakuntza jaso duten pertsonen kopurua ere), LEAN Manufacturing kulturari buruzko Prestakuntza Plan berezia itxi delako batez ere, 2016 eta 2017an hainbat produkzio-lerrotan ezarri genuena. Izan ere, 2018an kultura hori osoki sendotuta baitzegoen eta honenbestez ez zuen behar iada prestakuntza plan berezirik.

Bestetik, nabarmendu behar da guztira 203 pertsona trebatu zirela askotariko prestakuntza-ekintzetan (414 bertaratu ziren), ia 2017ko kopuru berbera. 203 dira prestakuntza jaso duten pertsonen kopurua, eta bigarren guztizkoa, 414, bertaratu direnen kopurua, pertsona bat bera hainbat ikastarotara joan baitaiteke.

2016 2017 2018

Inbertsioa 264.900 € 292.800 € 250.000 €

Prestakuntza-orduak 8050 8083 5839

Prestakuntza-ekintzak 92 74 75

Pertsona prestatuak 226 202 203


Emandako prestakuntza-saioak behean zerrendatzen dira:

à Hizkuntza-ikastaroak: ingelesa, portugesa, frantsesa, italiera, euskara, alemana

à Antolakuntzaren kultura-eredu berria garatzeko tailerrak eta coaching-saioak

à DBLO arau berriari eta marketin programatikoari buruzko ikastaroak

à Pneumatika eta hidraulikari buruzko prestakuntza teknikoa

à Komunikazio-gaitasunei buruzko ikastaroa à Ekipamenduen segurtasun eta mantentze-lanari buruzko ikastaroak

à Ingurumen-larrialdi kasuetan jokatzeko moduari buruzko ikastaroa

à Ihes-saiakuntzei buruzko ikastaroa, 2. maila à Linkedini buruzko ikastaroa

à Altzairu herdoilgaitzei buruzko ikastaroa à Estensometriari buruzko ikastaroa à Espektrometriari buruzko ikastaroa à Neurketa eta neurketa aurreratuei buruzko ikastaroa HBMrekin

à Fintze-industriako korrosio-kontrolari buruzko ikastaroa

à Artezkaritza Kontseiluko eta Zaintza Batzordeko kide berrientzako oinarrizko programa

à Ansys Designxplorer-i buruzko ikastaroa à Ansys prestakuntzari buruzko oinarrizko ikastaroa à Excel to SW ikastaroa à Segurtasun hidraulikoari buruzko ikastaroa à Erradioaktibitate-portaleei buruzko ikastaroa à Zamak kudeatu eta jarrera behartuei buruzko ikastaroa

à Bizkar-gerrietako arriskuen prebentziorako ikastaroa

à Prebentzioa integratzeari buruzko sarrera-ikastaroa

à Lehen laguntzen ikastaroa à TIG soldaduari buruzko ikastaroa à Mekanizazio-zentro berriak kudeatzeari buruzko ikastaroa

Nabarmendu behar da, halaber, Idiazabal eta Indiako instalazioen artean joan-etorri etengabea dagoela askotariko gaietan lankideei prestakuntza emateko, adibidez, balbula-muntaketa, kalitatea, pintura, espedizioak, ingeniaritza, etab.

2018an, nabarmendu behar da, gainera, AMPO INDIAko langile-zerrendako 9 pertsona Idiazabalen bizi izan zirela zazpi hilabetez askotariko arloetan trebatzeko: diseinua, plangintza, muntaketa, probak, pintura, etab.

KOMUNIKAZIOA ETA KUDEAKETAN PARTE HARTZEA

Komunikazioa faktore estrategikoa da AMPOrentzat, ezin besteko bitartekoa baita estrategia korporatiboari buruzko informazio osoa AMPOko pertsonekin eta beste interes-alde batzuekin definitu eta partekatzeko, adibidez: bezeroak, hornitzaileak, gizarte, kolaboratzaileak, etab.

Ondorioz, bi talde ditugu egun: alde batetik, barne-komunikazioko lantalde bat eta, bestetik, kanpo-komunikazioko lantalde bat.

Kanpo-komunikazioko lantaldearen helburu nagusia da estrategia bat eta urteko komunikazio-plan bat zehaztea, helburua duena AMPO marka nabarmenaraztea,


hala merkatuan nola gizartean, gure egungo posizioa mantenduz eta bikaintasuna zein konpromisoa bezalako balioak transmitituz.

Aldiz, barne-komunikazioko lantaldearen helburua desberdina da, haren hartzaile objektiboa AMPOko pertsonak baitira. Lantalde hori osatzen dute zuzendari nagusiak, presidenteak, pertsonal-taldeak eta kooperatibako komunikazio-arduradunak.

Barne Komunikazioko Planaren barruan, badira hainbat topagune, kanal eta ekimen:

KOMUNIKAZIORAKO TOPAGUNEAK:

à Batzar nagusia:

Enpresaren helburua nabarmen agertzen den organo gorena da. Kooperatibako bazkide langileek ordezkatzen dute, eta AMPOren Estatutu Sozialen bidez arautzen

da. Bazkide guztiek eskubide eta betebehar berdinak dituzte (pertsona bat boto bat), eta haien konpetentziako gaietan hartzen dituzte erabakiak, adibidez: Kontseilu Errektore, Zaintza Batzorde eta Kontseilu Sozialeko kideak izendatzea; kontuak eta balantzeak onartzea, soberakinak banatzea, gizarte-kudeaketa, Barne Erregimeneko Arautegian eta Estatutu sozialetan aldaketak egitea, etab.

Ohiko Batzar Nagusia maiatzean egiten da, eta bertan aurkeztu eta onartzen dira Urteko Kontuak. Abenduan, berriz, beste Ezohiko Batzar bat egiten da, bertan hurrengo urterako Ideia eta Helburuak aurkeztu eta onartzeko. Alegia, Kudeaketa Plana.

Bestetik, Batzar Nagusiak baino egun batzuk lehenago, langile guztiei irekitako informazio-bilkurak antolatzen dira, Batzarretako edukiak xehetasunez azaltzeko eta, hartara, taldeko guztien iruzkinak jasotzeko.

àHileko bilkurak:

Koordinazio Lantaldeak (Zuzendaritza Batzordeak) eta Kontseilu Errektoreak egiten dituen ekintzak, erabakiak eta abar talde guztira heltzeko, organoak hilero biltzen dira aste horretan bertan. Bilkura horietan, hileko emaitzen kontuak eta urteko “Ideia eta Helburuen” (Kudeaketa Planaren) aldean izandako bilakaera aztertzen dira, eta beharrezko inbertsioak baloratzen dira, ekintza berriak jartzen dira martxan eta abar, besteak beste.

Kontseilu Errektorearen bilkuraren ondoren, arratsalde horretan bertan Kontseilu Sozialak ere bilkura egin ohi du. Bertan azaltzen dituzte Koordinatzaile Nagusiak eta Kontseilu Errektoreko presidenteak hilabete horretan hartutako erabakiak, gauzatutako ekintzak, hileko emaitza-kontua, etab. Kontseilu Sozialak Kontseilu Errektorearen, Koordinazioaren eta bazkideen arteko zubi-lana egiten du bazkide langileen lanari lotutako gaien gainean, informazio, aholkularitza, kontsulta eta iradokizunen bitartez. Kontseilu Soziala kooperatibako askotariko arloetako ordezkariek osatzen dute eta, beraz, kooperatibista-talde osoa dago bertan ordezkatuta.

Kontseilu Sozialean aztertutako gaiak pertsona guztiei helarazten zaizkie “Kontseilutxoen” bitartez, arlo edo lantalde bakoitzean egiten direnak. Lantalde bakoitzak bere gizarte-ordezkariak aukeratzen ditu eta, haien bitartez, Gizarte Kontseiluan landutako gaien berri jasotzen dute. Beraz, ordezkariek Kontseilutxoetako kezkak eta iradokizunak Kontseilu Sozialera helarazten dituzte, hark aztertu eta eztabaida ditzan. Bilkuratxoak topagune benetan garrantzitsuak dira erakunde- eta enpresa-testuingurutik informazioa eman eta jasotzeko.


àAsteroko “Jarraipen taldeak”:

Astero, lantalde guztietako liderrak biltzen dira hurrengo asteko produkzioaren plangintza egiteko eta helburu batzuekin bat egiteko. Bilkura horietan tratatutako informazioa lantaldeko lider guztiek beren lantaldeko kideei helarazten diete. Hilean behin ere hilabeteko jardueraren balorazioa egiten da bilkura horretan.

à Lantalde bilerak:

Lantalde gehienek egunero, astero eta abar egiten dituzte bilkurak, beharrizanen arabera.

KOMUNIKAZIORAKO KANALAK:

à Jakintzazu:

Astean behin publikatzen den barne buletin bat da, hiru hizkuntzatan idatzia (euskaraz, gazteleraz eta ingelesez) eta zortzi bat orrialde izaten ditu. Buletin hori 2010ean hasi zen argitaratzen, eta kooperatibako pertsona guztiei helarazi ohi zaie astero, dela posta elektronikoz, dela paper-formatuan. Aldizkari horretan AMPOren gaurkotasuneko artikuluak eta berriak argitaratzen dira. Bertan idazten dute koordinatzaile orokorrak, Kontseilu Errektoreak eta kooperatibako lantalde guztiek (talde komertziala, ingeniaritza, kalitatea, India, AMPO Service, komunikazioa, berrikuntza, produkzioa, erosketak, informatika, prebentzioa eta ingurumena, pertsonal-taldea,etab.). Asteko bisita agenda eta urtebetetzeak ere argitaratzen ditu.

à Iragarki-taulak eta pantailak:

Askotariko abisuak argitaratzeko, iragarki-taulak erabiltzen dira, baita enpresako askotariko puntuetan jarritako pantailak ere. Horietan, presazko komunikazioak, askotariko informazio-oharrak, bisitak, pertsonal-lantaldearen idazkiak, egutegia, enpresako askotariko zerbitzuen ordutegiak eta abar jartzen dira.

à Posta elektronikoak eta telefonoak:

Egun, AMPOko langile-zerrenda ia osoak du bere edo lantaldeko posta elektronikorako sarbidea eta telefonoa AMPOn.

BESTE EKIMEN BATZUK:

Tendentzia berrienei buruz eguneratuta egon eta, hartara, AMPO proiektua garatzen jarrai genezan, hainbat konferentzia antolatu genituen 2018an “Kanpoko Haizeak” programaren baitan. Ondorioz, konferentzia hauexek egin genituen, guztiak ere AMPOko pertsona guztiei irekiak:


• Porrotaren alde: Alberto Iñurrategi, mendizalea.

• Porque queremos que el cliente vuelva: Fernando Soto Hotel Zeniteko zuzendaria, Sonia Santos Hotel Zeniteko zuzendari komertziala, eta Raquel Casado Hotel Zeniteko harrera-burua.

• De local a global: Ignacio Martin San Vicente, Gamesako presidente eta kontseilari delegatua 2012tik 2017ra.

• Glocalidad. ¿Cómo ha conseguido la película HANDIA, una historia local y en euskara, el éxito internacional? Aitor Arregi filmaren zuzendaria, eta Iñaki Gomez filmaren produktorea.

• El papel de la universidad: educación y formación, en colaboración con las empresas. Vicente Atxa, Mondragon Unibertsitateko errektorea.

BERDINTASUNA ETA DIBERTSITATEA

AMPOk “Emakumeen eta Gizonen Berdintasunerako Lankidetza Erakunde” izatearen aitortza du, Emakunderena; izan ere, Berdintasun Komite bat du, baita Berdintasun Plan bat ere indarrean. Komite hau 13 pertsonak osatzen duten egun: 8 emakume eta 5 gizonek guztira.

Plan horren helburua da berdintasun-printzipioa babestea, eta kooperatiban hura aplikatzea, langile berriak kontratatzean aukera-berdintasunaren printzipioa bermatzea, pertsona guztiei ekonomia eta garapen profesionaleko aukera berberak bermatzea, hala ahozkoan nola idatzizkoan, adierazpen-formak berdintasunez erabiltzea sustatzea, familia-kontziliazioa sustatzea, eta sexu-jazarpen eta –diskriminazio kasuak konpontzea.

Aurrerapenen artean, 2018an Kontseilu Errektoreko kideei gai honen inguruko prestakuntza eman zitzaiela nabarmendu behar da. Prestakuntza horretan, hainbat saiotan, Berdintasun Planari lotutako gaiak eta horien kudeaketa landu ziren, baita Emakunderen emakumeen eta gizonen berdintasunerako lankidetza erakundea izateak zer esan nahi duen ere, etab.

Horretaz guztiaz gain, AMPOk Gipuzkoako Foru Aldundiaren “Berdintasuna, Kontziliazioa eta Ardurakidetza” programari lotuta jarraitu zuen 2018an, helburutzat duena familia-bizitza kontziliatzeko formula berriak martxan jartzea, ardurakidetza sustatzea, eta lan-arloan genero-desparekotasuna kentzea.

Bestetik, gizarte-eginkizun bat ere badugu desgaitasuna duten pertsonen enplegua sortu eta mantentzeko eta, horregatik, lan-enklabe bat dugu Katealegaiarekin eta, gainera, Gureak enpresak zerbitzuak ematen dizkigu.

AMPOrentzat, aukera-berdintasuna, diskriminazio-eza eta dibertsitatearen errespetua ezin besteko kontzeptuak dira.


LANEKO ARRISKUEN PREBENTZIOA

AMPOn konpromiso sendoa dugu laneko arriskuen prebentzioarekin, zeina prebentzioaren kudeaketa-sistemaren bitartez garatzen dugun.

Segurtasuna eta Lan Osasuna erakundearen kudeaketa-sistema orokorrean sartuta edukitzeko, hala haren jardueren multzoan nola haren maila guztietan, segurtasun integratuaren kontzeptuan oinarritutako antolakuntza-sistema hartu da. Bada, haren ezaugarri nagusia da prebentzioa arduraren bitartez hartzen dela erakundeko arlo guztietan.

Prebentzio-zerbitzuaren egiturari dagokionez, Prebentzio Zerbitzu Mankomunatuaren modalitatea hartu genuen.

Istripuak eragozteko helburuaz, ekintza-prozedurak egiten dira, arriskuen ebaluazioan oinarrituta eta lan-baldintza seguruetan lan egiteko neurriak ezarriz. Prozedurak etengabe aplikatzen dira, eta etengabe jakinarazten dira arrisku potentzialak eta jazotako gorabeherak, baita istripuak ere; era horretan, helburua lortzera bideratutako ekintzei hel dakieke.

Ezbehar-tasaren inguruko datuei dagokienez, joera gutxitzekoa izan da eta, beheko taulan, 2018. urteari dagozkion datuen laburpena ematen da:

Horretaz gain, 2018an, hala fundizioan nola balbuletan garatutako LEAN proiektu guztietan sartu zen segurtasuna (KAIZEN dinamikak aplikatzea, 5S-ak ezartzea, etab.).

Mekanizaziorako pabilioi berriaren proiektua diseinatu eta exekutatzean eta balbulen layout berria diseinatzean, prebentzioko alderdiak aplikatu ziren ere. Alderdi horietan, nabarmentzekoak dira pasabideak zein barandak instalatzea, orga kopurua murriztea eta abar. Horretaz gain, instalazio kritikoen (adibidez, likido

EZBEHAR-TASAREN DATUAK, 2018

Intzidentzia Tasa 25,49

Maiztasun Tasa 14,49

Larritasun Tasa 0,60


sarkorrak errebelatzeko kabinaren) segurtasunerako azterketak egin ziren, baita presio-probak egiteko aurreikusitako inbertsioen azterketak ere, etab.

Industria-higieneak ere kezkatu egiten gaitu. Ondorioz, arrisku kimikoa kontrolatzeko aplikazio berri bat garatu genuen 2018an, UNE EN 689 arauaren arabera eta, bestetik, plan bat garatu genuen fundizioan silizearen eraginpean gutxiago egoteko.

Bestetik, nabarmendu behar da hainbat prestakuntza-ikastaro egin zirela prebentzio-gaietan, hala nola:

• Zerbitzu Teknologikoetako prebentzioko oinarrizko ikastaroak

• Garabi eta eskorgen gaineko prestakuntza

• Formaldehidoaren eraginpeko pertsonentzako prestakuntza

• Silizearen eraginpeko pertsonentzako prestakuntza

• MMC eta jarrera behartuei buruzko prestakuntza bizkar-gerrietako lesioen prebentziorako

• Gune itxietarako prestakuntza

• Proba Banku, AOD eta LTZrako (laguntza teknikoko zerbitzu) prebentzio-bitartekoei buruzko prestakuntza

• Plataforma jasotzaileen kudeaketari buruzko prestakuntza

• Labeetako segurtasun-neurriei buruzko prestakuntza-saioak

• Interbentzio- eta ebakuazio-lantaldeentzako suteak amatatzeko prestakuntza

• Lehen laguntzetako prestakuntza

• Etab.

LAN OSASUNA

Gaur egun AMPOk baditu zerbitzu mediko bat eta fisioterapia zerbitzu bat, kooperatibako langile guztien eskura daudenak.

Osasun Zerbitzuak langile guztien Osasunaren Zaintza egiten du, pertsonen eta haien lan-baldintzen arteko elkarrekintza aztertu eta analizatzeko eta, hartara, osasunari eragin diezaioketen gaitzak goiz detektatzeko; era horretan, lan-zereginetan aritzeko zer-nolako mugak dituzten argitu ahal izango da. Hori guztia hasierako eta aldizkako osasun-azterketen bidez egingo da, aldez aurretik zehaztutako protokoloen eta proba espezifikoen bidez.

Gainera, nabarmendu behar da 2018an osasuna sustatzeko hainbat programa egin zirela, tartean hauexek aipagarri:

1. FRUTA TXOKOAK:

Gero eta gehiago dira langileen elikaduragatik kezkatzen diren enpresak, eta gogora ekarri behar da badirela urteak AMPO gaiaz jabetzen dela. Duela urte batzuk, barazki ekologikodun 10 saski oparitzen zitzaizkien astero langileei, eta 2016an fruta txokoak hasi ziren jartzen enpresako hainbat gunetan, langileek frutaz dohainik goza zezaten. Egun, gutxi gorabehera bi fruta-ale eskaintzen zaizkie egunero langileei.

Adituen arabera, frutaren bitamina- eta ur-ekarpena dira gorputza eta burua aktibatzeko biderik onena.

2. TABAKOAREN KONTRAKO BORROKA-KANPAINA:

Osasun-zerbitzuak tabako-ohitura uzteko jardunaldi bat antolatu zuen 2018an, AMPOko erretzaile guztiei zuzendua, eta haren helburua zen pertsonei erretzeari laster uzten laguntzea, albait arrakasta-tasa handiena bilatuz, medikamenturik edo nikotina-ordezkorik gabe eta sakrifizio-zentzurik gabe.

3. NEGUAN GRIPEAREN KONTRAKO TXERTATZE-KANPAINA:

Urrian, osasun-zerbitzuak kanpaina aske eta doakoa antolatu zuen gripearen kontrako txertoa jartzeko.

4. TALDEAREN ETA NORBANAKOEN OSASUN-EGOERAREN NEURKETA:

AMPOko osasun-zerbitzuak etengabe aztertu eta monitorizatzen du pertsona-taldearen eta norbanakoen osasun-egoera.


5. BORONDATEZKO ODOL EMATEAN PARTE-HARTZE KOLEKTIBOA:

Gipuzkoan, 140 odol-dohaintza behar dira egunero lurraldeko hemoterapia-beharrizanei aurre egiteko. Pertsona guztiek dute eskubidea transfusio bat jasotzeko behar dutenean, baina ezin bestekoa da norbanakoren eskubide horri elkartasun komunitarioko keinuen bidez eustea. Ondorioz, AMPOk odola emateko bi jardunaldi antolatzen ditu urtero bere lantokian, eta bertan pertsona boluntarioek parte hartu ohi dute. 2018an, dohaintza horiek martxoan eta azaroan egin ziren.

6. OSASUNARI BURUZKO PRESTAKUNTZAKO LANKIDETZA:

Lehen sorospenei buruzko ikastaro nagusiki praktikoak egin dira, gai hauek landuz: istripuko kaltetuen hasierako balorazioa eta Oinarrizko Bizi Euskarria (OBE, edo SVB), Bihotz Biriketako Bizkortzea (BBB) eta Kanpo Desfibrilazio Automatikoa (KDA, edo DEA), traumatismoei lotutako lesioen tratamendua, eta Larrialdi Plana.

Bukatzeko, nabarmentzekoa da, halaber, AMPOn integratuta dagoen fisioterapia zerbitzua, dagoeneko sendotuta dagoena eta egunean 8 orduko zerbitzua ematen diona kolektiboari bere instalazioetan bertan. Hala, zerbitzuak terapia eskaintzen du gaitz ugariren sintomak arintzeko, jarduera terapeutikoaren bidez, beroaren, hotzaren eta argiaren bidez, eskuzko tekniken bidez, etab.

GOBERNU ONAREKIKO KONPROMISOA ETA ETIKA

USTELKERIA ETA EROSKERIAREN KONTRAKO BORROKA:

Ustelkeria eta eroskeriaren kontrako borroka gure Barne Araudian biltzen da, eta lehentasunezko helburu bat da AMPOren gobernu onaren zein Gizarte Erantzukizun Korporatiboaren gaietan.

AMPOk besteak beste behean adierazten diren arriskuak eragotzi eta ez gertatzeko jokabide-arauak, bitarteko eta neurriak ezartzen ditu bere Barne Araudian:

• Maula, funts-desbideratzea, bidegabeko erabilera, bidegabeko jabetzea eta delitu edo hutsegite baliokideak; zerbitzuari lotutako dokumentuak eta datuak faltsutu, bahitu edo bidegabe haietaz jabetzea; iruzurra, esleitutako kudeaketetako desleialtasuna edo konfiantza-abusua; lankideei, kooperatibari edo edozein pertsonari ebatsi edo lapurtzea, dela kooperatibaren lokaletan, dela zernahi tokitako zerbitzu-ekintzetan.

• Kooperatibako bezero edo hornitzaileengandik edo, oro har, hirugarrenengandik, ordainsariak, promesak, abantailak edo edozein motatako prerrogatibak zuzenean edo zeharka kudeatu edo onartzea, kooperatibaren zerbitzu bat betetzearren edo bete izatearren.

AMPOko pertsona guztiek Barne Araudia dute eskueran. Bertan zehaztu eta azaltzen dira goian aipatutako gai guztiak.


GIZA ESKUBIDEEN ERRESPETUAREKIKO

KONPROMISOA

AMPOk aitortu egiten ditu Giza Eskubideen Adierazpen Unibertsalaren oinarrizko printzipioak, 1948ko Nazio Batuen definizioaren arabera, eta gure jokatzeko eraren erreferentziazko esparrua dira.

Erakundearen Estatutu Sozialetako 1. artikuluan, definitzen da “AMPO, S. COOP. pertsonetan oinarritutako proiektua” dela, bilatzen duena lantaldearen lanaren eta komunikazioaren indarrez pertsonak berak, bezeroak eta kanpo-kolaboratzaileak gogobetetzea, haiek hazi eta garatzea, eta enplegu berria sortzea balioko duten irabaziak lortzea, guztia ere kooperatiben eta lankidetzaren, elkartasunaren, berdintasunaren eta justizia eta partaidetzaren printzipioen arabera, baita gizarte-ingurune, ingurumen eta giza garapen jasangarriaren arabera ere.

AMPOren araudian agertzen diren elementu guztiak herrialde bakoitzean indarrean diren araudi eta legediak errespetatuz ezarri dira, eta Lanaren Nazioarteko Erakundearen hitzarmenak sustatuz eta betez: lanerako gutxienezko adina, elkartzeko askatasuna, negoziazio kolektiborako eskubidea, diskriminazio-eza, etab.

18 AMPOREN KONPROMISOAK · Bezeroekiko Konpromisoa

AMPOren lehentasuna da bezeroak fidelizatzea, etengabe euren beharretara egokituz eta balio erantsi altuagoko produktu, zerbitzu eta soluzioak eskainiz. Beti ere, fidagarritasuna, segurtasuna, zerbitzua, kalitate, berrikuntza eta jasangarritasuna bermatuz.

4.2. BEZEROEKIKO KONPROMISOA


AMPOREN KONPROMISOAK · Bezeroekiko Konpromisoa 19

SEGURTASUNA ETA FIDAGARRITASUNA

AMPOn seriotasun handiarekin hartzen dugu gure soluzioen segurtasun eta fidagarritasunarekiko gure konpromisoa, mundu mailako ingurumenari buruzko araudiak eta segurtasun publikoaren gaineko erregulazioak xeheki konplituz.

Milioika balbula eta fundizioko osagai hamarkadetan zehar jardunean izanik 5 kontinenteetako ehunka plantetan, AMPOko soluzioak erabat fidagarriak direla esan dezakegu. Horretarako berrikuntzan eta garapen teknologikoan oinarrituriko etengabeko inbertsioak burutzen ditugu, soluzioen segurtasun eta jasangarritasun mailan etengabeko hobekuntzak inplantatuz.


Monitorizazio teknologia berriak, gure balbulak merkatuko kanpo-emisio maila zorrotzetara egokitzeko soluzio berriak eta plantetako hoditeria babesteko estaldura berrien aplikazioak dira AMPOk eskaintzen dituen soluzioetako batzuk. AMPO POYAM VALVESentzat, produktuen fidagarritasuna lehentasuna da, eta hura gure proiektu guztien garapen-prozesuei lotuta dago.

Goi-presioetarako eta goi-tenperaturako zikloetarako diseinatu eta produzitzen ditugun balbulek, gainera, Segurtasun Osotasun Mailako (SIL) arauak betetzen dituzte; arau horrek sistemetan instalatu behar diren segurtasun-funtzioen osotasun-betekizunak zehazten ditu.

Balbula horiek, gainera, diseinu sendoa dute, teknologia aurreratuak aplikatuz, hala ingeniaritzaren nola materialen aldetik:

• Ingeniaritza: Fluidodinamikako saiakuntzak, kalkulu sismikoak, analisi mekanikoak, termografia-simulazioak, P & ID analisia, elementu finituen analisia, pare errealen probak, enpaketaduren inguruko ikerketak, etab.

• Materialak: AMPOk bere fundizio propioa du, eta zerbitzu bikaina eta kalitate goreneko osagaiak eskaintzen dizkie hala bere balbulen dibisioari nola beste balbulagile eta industriei, fabrikazio-prozesuan integraltasunez lan eginez. Horretaz gain, nabarmendu behar da berrikuntza-arloa etengabe ari dela lanean estaldura berriak garatzen, kontaktuan dauden gainazalek elkar marruska ez dezaten, baita abangoardiako diseinuak lantzen ere, higadurak eragozteko. AMPOn, oso argi dugu produktu onenek korrosioa, abrasioa, eranspena eta higadura eragotz ditzaketela eta, era horretan, balbulen balio-bizitza luzatu.

Eta AMPOren soluzio fidagarriek segurtasun gorena bermatu behar dute bezeroen instalakuntzetan. Horregatik, AMPOren AMPO SERVICE dibisioak laguntza teknikoa albait denbora laburrenean bermatzen du munduko edozein bazterretan eta proiektuaren edozein fasetan, horretarako profesional-lantalde zabala baitu, eskarmentu handikoa.

Horretarako, balbulen erosketan, instalazioan, funtzionamenduan eta mantentze-lanean inplikatutako lantalde guztiekin lan egiten dugu lankidetza estuan. Balbulei buruzko gure ezagutza helarazi nahi dugu eta, ondorioz, gure ekipamenduen segurtasuna, errendimendua eta mantentze-lana bermatu.

AMPO SERVICEk gainera mantenimendu prebentibo eta prediktibo integrala eskaintzen du, balbulen errendimendu eta funtzionamendu egokia bermatzeko helburuarekin. Mantentze lan prebentiboen barnean, sistema berritzaile bat garatu du, instalatutako balbulak munduko edozein tokitan monitorizatzeko. Sistema horrek plantetan instalaturiko balbuletan ager daitezkeen etorkizuneko akatsak detektatzen ditu, eta eragotzi egiten ditu ezusteko etenaldiak. Lehen monitorizazio sistema 2018an instalatu zen Espainiako planta batean. Sistema honen bidez balbulak etengabe daude konektatuta eta honenbestez, balbulen egoeraren monitorizazioa eta azterketa eskaintzen dugu.


ZERBITZUA

AMPOren zerbitzu filosofia gure soluzioen diseinua, ekoizpena eta mantenimendua baino haratago doa. Bezeroen behar guztiei erantzun integral bat ematean datza gure konpromisoak.

Eta badakigu, jakin, gure bezeroen beharrizan garrantzitsuenetako bat entrega epeak murriztea dela. Hori dela eta, 2017an LEAN eraldaketa-proiektua jarri genuen abian, helburutzat duena gure bezeroei eskaintzen dizkiegun entrega epeak murriztea eta era berean balio erantsi altuagoa eskaintzea. Proiektu horrek indarrean jarraitu zuen 2018an; kudeaketa aurreratuan espezialistak diren pertsonen laguntzarekin proiektua garatzen jarraitu genuelarik. Besteak beste, proiektu

hauexek landu ziren: balbulen dibisioaren layouta birdiseinatzea, produkzio-lerroetarako etengabeko hobekuntza dinamikak inplantatzea, etab.

Gaur egun balbula eta balbula osagaien ordezkatze zerbitzuak eskaintzen ditugu gainera, presazko kasuetan “Fast track” zerbitzu bat ere eskainiz.

AMPO zerbitzuak, halaber, bere gaitasun teknologikoari esker, neurrira guztiz moldatutako soluzioak eskuratzeko balio dio bezeroari, aplikazioko baldintza muturrenekoetan ere. Ondorioz, AMPOko espezialistak edozein proiektutan murgilduko dira, bezeroaren eskutik helduta, zein betekizun behar dituzten argitzeko. Ematen dugun arreta, gainera, hurbilekoa eta pertsonalizatua da: gure iritziz, gure erreferentziazko balioa eta bereizgarria.

Arreta hori eskaera bat egin aurretik hasten da, betekizun guztiak zorroztasunez aztertuz eta beti soluzio onena proposatuz. Balbulak produzitzeko prozesuan, bestalde,

komunikazioa etengabea da bezeroekin, haiei balbulak entregatu arte bidelaguntza eta zerbitzu integrala eskainiz.

— Horretarako, lantalde bat dugu, Project Manager direlakoek osatua, eta horiek bermatzen dute, hain zuzen, produkzio-planak betetzen direla.

— Bestetik, QR kode-sistema bat ere badugu produkzioan, balbulen guztizko trazabilitatea denbora errealean bermatzeko. Ondorioz, balbula bakoitzari buruzko informazio guztia kode horien bidez gordetzen da sisteman: egiten zaizkien askotariko probak, balbula bakoitzaren osagai eta materialei buruzko informazioa, produkzio-prozesuaren trazabilitatea, etab. Era horretan, produktu bakoitza historia batez hornitu dezakegu, hura pertsona guztien eskueran jarriz, klik bakar batez.

Hala ere, zerbitzua ez da amaitzen bezeroari balbulak entregatuz; izan ere, balbulak emandakoan, instalaziorako, martxan jartzeko eta abarretarako aholkularitza ematen dugu; gainera, ad hoc zerbitzuak ematen ditugu, adibidez, mantentze-lan zerbitzuak, prestakuntza, osagaiak ordezkatzea, etab.


KALITATEA

AMPOrentzat, kalitatea lehentasuna da eta, beraz, gure produkzio-prozesuak kalitatea bermatzeko sistema bat aplikatuz ezarri eta kontrolatzen dira. Prozesu horiek 1991tik daude homologatuta, arau hauexen bitartez: ISO 9001, API espec Q1 eta 6D eta SIL 3. Gainera, merkatuko kanpo-erakunde garrantzitsuenek egiaztatu dituzte, adibidez, Lloyd’s Register, Bureau Veritas (BV), Det Norske Veritas (DNV) eta American Bureau (ABS). AMPOk, bestalde, aktiboki parte hartzen du nazioarteko biltzarretan, adibidez, APIk antolatutakoan; bertan, API estandarrak garatzen dituzte ingeniaritza-konpainiek, erabiltzaile finalek eta oil and gas sektoreko ekipamenduen fabrikatzaileek.

Gure produkzio-arlo guztietan, bitarteko eta amaierako ikuskapenak egiten dira. Ikuskapen horiek dagozkion txostenetan eta ziurtagirietan dokumentatzen dira, lantalde efiziente eta bereziki kualifikatu batek koordinatzen ditu zuzenean, eta beti egiten dira barneko zein kanpoko berme-prozedurei eta –arauei lotuz. Fase guztiak, erosteko agindua jasotzen denetik eta proba ez-suntsitzaileak (NDT) egin, mekanizatu, muntatu, probak egin, pintatu eta paketatzeraino, Kalitatea Bermatzeko Eskuliburuetan zehaztutako araudien arabera egiten dira.

Instalazioei dagokienez, instalazio modernoenak ditugu askotariko saiakuntzak egiteko, adibidez: X izpiak, likido sarkorrak, ultrasoinuak, partikula magnetikoen saiakuntzak, PMIak (Materialen Identifikazio Positiboa), talka-saiakuntzak, ikusizko ikuskapenak, saiakuntza

hidrostatikoak, saiakuntza pneumatikoak, saiakuntza kriogenikoak edo behe-tenperaturakoak, goi-presioko

probak, etab. Saiakuntza horiek guztiak goi-kualifikazioko Barne Kalitatearen Kontrolerako pertsonek egiten dituzte.


BERRIKUNTZA

Berrikuntzaren aldeko apustua etengabeko jarrera bat da eta etorkizuneko erronkei aurre egiteko modu bakarra dela uste dugu.

2018a upstream-erako balbulen, muturreko goi-presioetarako balbulen, needle erretentzio balbula kriogenikoen eta abarren garapenerako urtea izan da. Gainera, urte honetan, balbulak optimizatu dira, gure bezeroei soluzio lehiakorragoak eskaintzeko.

Fundizioan, bestalde, patternless-prozesuak sendotu dira, adibidez, alderantzizko ingeniaritza eta poliestirenoa

mekanizatzeko teknologiak landuz, hare bidezko moldeaketa eta moldeaketa zeramiko bitartez tamaina handiko osagaiak produzitzeko. Hori osagai unitarioak edo serie motzak produzitzeko era oso errentagarria da, eta irabazi hauexek dakartza: entrega-denbora murrizten du, integraltasun maila handia eskaintzen du eta neurri-zehaztasun handiko osagaiak lortzea ahalbidetzen du,


gainazal-akabera egokiak eskaintzeaz gain. Hori guztia modeloetan eta ar-kaxetan inbertitzeko beharrik gabe.

Horretarako guztirako, hala fundizioan nola balbulen dibisioan, ingeniaritza-lantalde handi bat dugu, produktu, teknologia eta sistema berriak garatzera buru-belarri

sartuta, eta etengabe aritzen da nazioarteko ikerketa-zentro eta itzal handiko unibertsitateekin lankidetzan.

2018an, produktu-garapen eta ikerketarako 25 lerro izan genituen irekita, eta berrikuntzaren intentsitatea % 2koa izan zen.


JASANGARRITASUNA

Konpromiso sendoa dugu ingurumenarekin eta, ondorioz, teknologia-soluzio berriak inplantatu ditugu gure produktuetan. Honez gain, gure instalazioak eraiki eta mantentzean, jasangarritasun-irizpideak kontuan izan ditugu.

Balbulen dibisioan, oso gogor ari gara lanean balbulen errendimendua hobetu eta, hartara, «igorpenik gabeko» balbulak lortzeko; bestalde, ekodiseinu-prozesuan oinarritzen ditugu gure produktu guztiak, eta era horretan ingurumen-eragin txikiko soluzioak garatzen ditugu.

Gainera, produktu guztiak ISO 14001 arauarekin bat etorriz fabrikatzen dira.

2018an, AMPOk, gainera, mekanizazio-instalazio berria inauguratu zuen eta, haren bidez, LEED Gold ziurtagiria lortu du (Leadership in Energy and Environmental Design, alegia), eraikin jasangarrien ziurtapen bat. Eraikinean, egonlekuak hobetu, ura aurreztu eta energia aurrezteko neurriak hartu dira, material eta bitarteko jasangarriagoak erabili, baita barne-ingurumeneko kalitate hobea gehitu ere.

Horretaz gain, produkzioari eragiten dioten prozesu guztiak etengabe ikuskatzen ditugu, eta instalazio berrien garapenean energia-iturri berriztagarriak sartzen. Ekimen hauen helburua da sor daitekeen edozein ingurumen-eragin kontrolatzeko eta albait gehien txikitzeko kudeaketa-ideiak eta -sistemak garatu eta aplikatzea.

26 AMPOREN KONPROMISOAK · Gizartearekiko Konpromisoa

Bidezkoa eta jasangarria den giza garapena ahalbideratzea. Hauxe da AMPOk bere jarduera eremuetan gizartearekiko duen konpromiso nagusienetariko bat.


4.3. GIZARTEAREKIKO KONPROMISOA

AMPOREN KONPROMISOAK · Gizartearekiko Konpromisoa 27

Komunitate baten parte gara eta guretzako ezinbestekoa da gure inguruarekin gertuko eta etengabeko harremanak mantentzeaz gain, gure komunitate honetan eragile aktibo eta dinamiko bat izatea.

Ondorioz, eta gizartearen beharrizanen bilakaerarekin bat etorriz, kooperatibak bere baliabide ekonomikoen eta pertsonen dedikazioaren zati nabarmen bat gordetzen du kokatzen garen inguruneko gizarte- eta ekonomia-arloko hobekuntzan laguntzeko.

2018an, 113 ekimen bultzatu dira guztira, eta horietara 400.000 € bideratu ditugu gutxi gorabehera.

Beste proiektu batzuen artean, AMPOk gizarte-ekonomia eta kooperatibismoa sustatu eta babesten ditu, baita era guztietako kultura-, hezkuntza-, kirol- eta izaera sozialeko ekintzak eta ekimenak ere; horiek guztiak berdintasuna kontuan hartuz.

KULTURA-EKIMENAK ETA JARDUERAK

AMPOk ingurune hurbilenaren kultura eta tradiziozko jarduerak babestu eta sustatzen ditu.

2018an, berriz ere nabarmendu behar da babesa eman zaiola “Gerriko Ikerlan Beka” lehiaketari, helburutzat hartuz Goierri eskualdeari eta biztanleei buruzko lanak bildu eta argitaratzea. Lehiaketara aurkezten diren ikerlanak Goierrirekin erlazioa duen edozein arlo edo zientziari lotuta daude: antropologia, toponimia, literatura, osasuna, industria, nekazaritza, biologia, historia, ekonomia, medikuntza, ingeniaritza, zuzenbidea, pedagogia, psikologia, filosofia, informatika, etab. 2018ko lehiaketan, ikerlan irabazlea estatu frankistaren Goierriko eraikuntzari buruzkoa izan zen.

Ekimen honen bidez AMPOren helburua haraneko ikerlan zientifikoak argitaratzea da.

Baina honez gain, tokiko beste ekimen batzuei ere laguntzen die, bertan nabarmenduz lankidetza hauexek:

• Tokiko eta eskualdeko kultura-zentroak

• Dantza-taldeak

• Musika eta kantua sustatzen duten eskolak eta taldeak

• Bertsolari-elkarteak

• Elikadura ekologikoa sustatzen duten elkarteak

• Euskal mitologia sustatzen duten elkarteak

• Tokiko aldizkariak, adibidez, Goierrikaria eta Aldaize

• Idiazabal gazta eta eskualdeko beste elikagai batzuk sustatzen dituzten elkarteak

• Askotariko tokiko ekimenak dinamizatzen dituzten taldeak

• Etab.

AMPOren helburua da, gainera, euskararen erabilera areagotzea eta haren normalizazioa; horretarako, ekimenak eta elkarteak babesten ditu, adibidez:

• Goierriko Kultura Elkartea, helburutzat duena euskarari lotutako kultura-ekimenak sustatzea .

• Lanbide-heziketa sustatu eta hobetzeko elkartea, euskarazko material didaktikoak garatuz, askotariko heziketa-zikloetan erabil daitezen.

• Eskualdeko biztanleen artean, ikastaroak, tertuliak, irrati-programak, lehiaketak eta abar antolatuz, euskararen erabilera sustatzen duten tokiko elkarteak.

• Tokiko aldizkari eta irratietako argitalpenak.

• Etab.

28 AMPOREN KONPROMISOAK · Gizartearekiko Konpromisoa

HEZIKETA-EKIMENAK ETA JARDUERAK

Hezkuntza da gure ustez pertsonen eta gizarteen garapenean eragin handiena duen faktoreetako bat, eta horrenbestez, lankidetzan aritzen gara inguruneko ikastetxeekin eta beste erakundeekin. Jakintzak hornitzeaz gain, kultura, balore eta pertsona bezala bereizten gaituzten aspektu ugari aberasten ditu hezkuntzak.

Ondorioz, 2018an dohaintzak egin genizkien eskualdeko ikastetxeei.

Garrantzizkoa da, gainera, aipatzea AMPOk historikoki beti sustatu duela ikastetxe, unibertsitate eta teknologia-zentroak sortzea, adibidez, Goierri Eskola, LORTEK Teknologia Zentroa, etab.

KIROL-EKIMENAK ETA JARDUERAK

AMPOn, gainera, ingurunean proiekzio zabala duten taldeak babesten ditugu, adibidez:

— AMPO ORDIZIA RUGBY: AMPOk AMPO ORDIZIA errugbi-taldea babesten du duela urte batzuetatik hona. Elkartea 1973an sortu zen eta, era horretan, gazte kopuru handi batek izan du errugbia bizitzeko modua. Egun, talde bat du estatuko lehen kategorian, baina baita oinarrizko hainbat talde ere. AMPO ORDIZIAren balioak, gainera, kooperatibaren mamiaren isla peto-petotzat ditugu: talde-lana, ahalegina, saiakuntza, inplikazioa, etab.

— GOIERRI TXIRRINDULARITZA TALDEA: AMPOk gainera, Goierri eskualdeko txirrindulari-taldea babesten du eta, era horretan, txirrindularitza sustatzen du maila desberdinetan. Besteak beste, eskola-txirrindularitza, kadete- eta gazte-kategoria, Elite Sub-23 kategoria eta amateurren kategoria. Talde horren bitartez, haraneko txirrindulariei bizikletaz gozatzeko aukera ematen zaie eta, gainera, behar prestakuntza jasotzen dute profesional-kategoriara jauzi egiteko.

Gainera, tokiko beste kirol-komunitate batzuei laguntzen diegu, hala nola:

• Futbol, saskibaloi, eskubaloi, atletismo, herri-kirol, boxing, tenis eta abarreko taldeak.

• Mendi-elkarteak.

• Txirrindularitza klasikak eta probak, baita zikloturista-martxak ere.

• Pilota- eta pala-elkarteak.

• Etab.

AMPOREN KONPROMISOAK · Gizartearekiko Konpromisoa 29

IZAERA SOZIALEKO EKIMENAK ETA JARDUERAK

Bukatzeko, lankidetzan ari gara irabazi asmorik gabeko askotariko elkarteekin ere:

• NAGUSILAN, zahartze aktiboa bultzatzen duen elkarte bat. Nagusilanez gain, zuzenean lan egiten dugu gure inguruneko askotariko jubilatu eta nagusien elkarteekin.

• AECC, Minbiziaren Kontrako Espainiako Elkartea.

• ASGICER, Gipuzkoa Minbiziaren Aurkako Elkartea.

• Gipuzkoako Elikagai Bankua, Elikagai Bilketa Handian boluntario lanetan parte hartuz.

• Aspanogi, Gipuzkoako Haur Onkologikoen Gurasoen Elkartea, helburutzat duena minbiziak jotako haurren eta familien kalitatea hobetzea eta haien beharrizanei arreta ematea, gaitza diagnostikatzen den une beretik.

• Etab.

Horretaz gain, Keralako uholde larriei eta Tamil Naduko Gaja zikloiaren ondorioei aurre egiten laguntzeko jardueretan parte hartu genuen Indian.

30 AMPOREN KONPROMISOAK · Ingurumenarekiko Konpromisoa

AMPOn guztiz jabetzen gara ezinezkoa dela ingurunea errespetatzen ez duen produkzio-eredu bati lotzea eta, beraz, ezin bestekoa da edozein garapen jasangarri izatea.

4.4. INGURUMENAREKIKO KONPROMISOA


AMPOREN KONPROMISOAK · Ingurumenarekiko Konpromisoa 31

Printzipio horrekin bat eginez, sendoa da AMPOren Ingurumenarekiko konpromisoa, eta albait gehien gutxitzen ditu bere jarduerak ingurumenean dituen eraginak. Konpromiso hori gauzatzeko bitarteko gisa, badugu ingurumen-kudeaketarako sistema bat eta indarrean den legedia errespetatzeko balio duen ziurtagiri bat, ISO 14001:2015 araudiarekin bat datorrena. Gainera

ingurumen-arloko jardueraren etengabeko hobekuntza-helburuetan urrunago joatea bilatzen du.

Sistema horrek ingurumen-politika bat du, bere webgunetik eskura daitekeena; kudeaketa-eskuliburu horretan, sistemaren funtzionamendu-printzipioak eta egin beharreko jarduerak azaltzen dituen lotutako prozedurak zehazten dira.

Urtero, AMPOren estrategia globalari buruzko gogoetan kokatuta, ingurumen-arriskuen eta –aukeren azterketa bat egiten da kanpoko zein barneko faktoreetan oinarrituz; bada, askotariko sarrera-elementuak ditu, eta hobekuntza-helburuak identifikatzeko balio du. Identifikazioaren ondoren, ezarri beharreko helburuak lehenesten dira.

Helburu horien jarraipena egiteko, AMPOk Komite bat du, bertan koordinazioak parte hartzen duelarik. Bertan, ingurumen-arloko jardueraren jarraipena egiten da, eta beharrezko ekintzak koordinatu eta bultzatzen dira.

Gogoeta horien fruitu, AMPOk ingurumena eraldatzeko prozesu bat eraman du aurrera, fundizio-instalazioetan hasi zena, horrek baitu ingurumenean eragin handiena,

eta gerora mekanizazio-instalazioan izan du jarraipena, nabe-zabalpenaren proiektua probestuz. Horretarako, ingurumen-aldaera integratu zen eraikina bera diseinatu zen fasetik bertatik. Prozesu horrek LEED GOLD ziurtapena eskuratzeko modua eman zuen 2018ko irailean.

Lan-ildo horrekin jarraituz, balbuletako plantan ekingo zaio politika horri 2019an; era horretan, balbula-instalazioaren lay-out berriaren diseinu-fasetik bertatik integratzen da ingurumen-arloa.

Gainera, nabarmendu behar da AMPOk ingurumen-erantzukizuneko poliza bat duela.

KLIMA-ALDAKETA ETA ATMOSFERA-KUTSADURA

Industria-jardueren ingurumen-alderdi nagusietako bat atmosferara isuritako emisioak dira. AMPOn, emisio horiek albait gehien gutxitzea lehenetsi dugu eta, horren fruitu, inbertsio handiak egin dira iragazketa-teknologietan, bereziki fundizioan; era horretan emisio-mugak bete ahal izango dira eta, are, sobera bete ere. Horri esker, AMPOren atmosfera-emisioak izugarri gutxitu dira.

Gainera, azken urtean, mekanizazio planta berria martxan jartzearekin bat, ebaketa-likidoko lurrunen xurgapen- eta iragazketa-sare berri bat instalatu da, bertan 8 iragazketa-ekipamendu integratuz.

Egun, AMPOk 32 partikula-iragazkiz eta olio-lurrunak iragazteko 10 ekipamenduz osatutako ekipamendu-multzoa du.


URAREN ERABILERA JASANGARRIA

Ura behar bezala kudeatzea ezin bestekoa da AMPOren jardueran. Horregatik, ur-kontsumoak eta –isurketak albait gehien txikitzeko, hiru lan-ildo nagusitan lan egin dugu:

• Isurketa-parametroak zorrozki kontrolatu. ondorioz, ibairako isurketa-parametro guztiak baimendutako mugez behera daude.

Fundizioko ur kontsumo totala (m3/tn prod)

Fundizioaren ibaiko isurketak (m3)

3.500

3.000

2.500

2.000

1.500

1.000

500

0

2015

3.088

2016

808

2017

1.162

2018

939

• Kontsumo- eta isurketa-kantitate osoa albait gehien gutxitu. Horretarako, azken urteotan, askotariko jardunak egin dira eta, horiei esker, ibairako isurketak nabarmen murriztu dira, hainbat instalaziotan ur-zirkuitu itxiak instalatuz (tratamendu termikoa, likido sarkorrak, bola-hoztea, etab.) eta, era horretan, baliabide hori

etengabe berrerabiliz. Gainera, AMPOk lurruntze-sistemak ditu: horien bidez, ibairako isurketak are gehiago murriztu dira eta, halaber, gero, ur hori prozesurako berrerabil daiteke. Horregatik, jardun horiek eragin onuragarri bikoitza dute ingurumenean: ur-kontsumoa eta ibairako isurketak murrizten dituzte.

• Kontsumoak monitorizatu: AMPOk ur-kontagailu partzialak ditu instalatuta, kontsumoen jarraipena egin ahal izateko eta gerta daitezkeen desbiderapenak analizatzeko.

20

15

10

5

0

2011 2012 2013 2014 2015 2016 2017 2018

15,5 15,2

7,2 7,16,0

3,9

8,4

5,2

UR-KONTSUMOA 2018

Ur-kontsumoa (m3) 29.647


EKONOMIA ZIRKULARRA ETA HONDAKINEN KUDEAKETA

EKONOMIA ZIRKULARRA:

Ekonomia zirkularreko printzipioekin bat etorriz, AMPOk moldekatzeko hareak berreskuratzeko lerro bat du fundizioan, bertan dituelarik 20 tn/h-ko ahalmena duen hare berreskuragailu mekaniko bat, 3 tn/h-ko

hare berreskuragailu termiko bat, eta 5 tn/h-ko kromita hare berreskuragailu bat. Ekipamendu horien bitartez, moldekatzean baliatutako harearen zati handi bat berreskuratzen da eta, horri esker, hare hori prozesuan sar daiteke berriz, helburu hirukoitz batez: materialen kontsumoa murriztea, albait hondakin kopuru txikiena sortzea, eta ondoriozko garraioak murriztea.

Horrekin paraleloan, lanean gabiltza beste fundizio batzuekin Ihobek gidatzen duen ekonomia zirkularreko proiektu batean, berreskuratu ezin diren hareetarako askotariko irtenbideak bilatzeko. Hartara, tratatutako harea beste sektore batzuetan baliatu ahal izango da lehengai gisa, zabortegira eraman beharrean.

Gainera, fundizioaren produkzio-prozesuak modua ematen du itzulkin kantitate handiak, hala nola isurbideetako soberakinak, ebaketa-prozesuetakoak, eta meta-opilak, berrerabiltzeko, berriz funditu baitaitezke gure instalazioetan, eta era horretan lotutako hondakinak, kontsumoak eta garraioa eragotzi.

Bestetik, mekanizazioko plantan txirbila tratatzeko lerro bat du AMPOk eta, haren bitartez, hondakin gisa sortutako txirbila txikitu, garbitu eta briketatu daiteke. Era horretan, gure fundizioko labeetan berriz funditu daitezke eta, hartara, hondakin gutxiago sortuko dira, eta lehengai-kontsumoa murriztu, baita ondoriozko garraioak ere.

HONDAKINEN KUDEAKETA:

Sortutako hondakinak barnealdean berrerabili ezin direnean, AMPOk kudeatzaile baimendu bidezko balorizazio-aukerak lehenesten ditu.


ENERGIAREN ERABILERA JASANGARRIA

AMPOk kogenerazioko instalazio bat du. Haren bitartez, beroa eta energia oso efizienteki sor daitezke; izan ere, berokuntza behar duten prozesuetan baliatzen da gas naturalaren erreketan sortutako beroa.

Energia aurrezteko filosofia horrekin bat etorriz, energia-efizientzia garrantzi berezia egozten diogun faktore bat da gure proiektuetan. Gauzak honela, ondorengo neurriak inplantatu ditugu mekanizazio planta berriaren proiektuan:

• Fatxadan eta estalkian transluzidoak instalatzea, argi naturala albait gehien sartzen uzteko eta argiztapenerako energia elektrikoaren kontsumoa murrizteko.

• Led argiztapena jartzea.

• Estalki berdea, fabrikaren ikusizko eragina gutxitzeaz gain, askotariko pabilioietan isolamendu termiko hobea egon dadin.

• Plaka fotovoltaikoak instalatzea.

Jasangarritasun-estrategia horien eta beste batzuen konbinazioari esker, AMPOk LEED GOLD ziurtagiria eskuratu du, instalazio horren eraikuntza jasangarria aitortzen duena.

Gainera, AMPOk energia ikuskaritzak egiten ditu maiztasunez eta, hartara, Energia Efizientziarako Ekintza Plan bat dauka, ekinbiderako foku nagusiak zehazteko eta martxan jarri beharreko askotariko ekintzak lehenesteko. Lan horretan laguntzeko, kontagailu partzialak ditugu, kontsumoen jarraipena egiteko eta gerta daitezkeen desbiderapenak analizatzeko.

ENERGIA-KONTSUMOA 2018

Energia elektrikoa (kwh)

19.756.984

Gas naturala (kwh)

61.821.618

Gasoila (L)

36.978


ENERGIA BERRIZTAGARRIAK

AMPOk energia berriztagarrien alde egin du apustu, eta instalazio hauek ditugu egun:

Fundizioa-Mekanizazioa:

• 120 modulu fotovoltaikoko instalazio fotovoltaiko bat, guztizko 36 kW-ko potentziaz eta 37.743,21 kWh/urteko sorkuntza-ahalmenaz.

Balbuletako dibisioa:

• Sorkuntzaren Etxerako berotzeko instalazio geotermiko bat.

• 2 moduluko instalazio fotovoltaiko bat.

Fundizioko elektrizitatearen kontsumoa (kwh/kg prod)

4,0

3,5

3,0

2,5

2,0

1,5

1,0

0,5

0,02013

2,9

2014

3,1

2015

3,1

2016

3,9

2017

3,4

2018

3,6

Fundizioko gas naturalaren kontsumoa (kwh/kg prod)

20

15

10

5

02013

17,7

2014

11,1

2015

9,7

2016

12,7

2017

11,8

2018

12,4


ZARATA

Zarata AMPOren ingurumeneko arlo lehenetsietako bat da. Hura albait isilena izan dadin, ekintza-plan bat dugu, jardun-ildo nagusi hauexek dituena:

• Isilgailuak xurgapen-tximinia nagusietan (indukzioko labeak, replicast labeak, granailatzeko makina, harearen berreskuragailu termikoa, desmoldekagailua, etab.). Egun, 12 isilgailu ditugu.

• Xurgapen-motor nagusien isolamendu akustikoa (indukzioko labeak, replicast labeak, granailatzeko makina, harearen berreskuragailu termikoa, desmoldekagailua, etab.).

• Zarata-iturburu jakin batzuen orientazioa aldatzea.

• Inbertsio berrietako erosketa-pleguan, zaratari buruzko ingurumen-irizpideak sartzea.

LURZORUAK

AMPOk produktu kimikoak, hondakinak, txatarrak eta abar biltegiratzeko diseinatutako instalazioak ditu eta, hartara, ingurumenari eragiten ez dion biltegiratze segurua bermatzen du. Horretarako, dagozkion biltegiratze estaliak, iragazgaizpenak, kubetoak, etab. dauzka.

38 AMPOREN KONPROMISOAK · Gure kolaboratzaileekiko Konpromisoa

AMPO komunitate baten parte da eta ondorioz, kooperatibarentzat funtsezkoa da komunitate honekin etengabeko harremanean egotea eta eragile aktiboa izatea komunitate barruan. Hori guztia, hazteko helburuarekin, baita gizarteari hazten laguntzeko ere.

4.5. GURE KOLABORATZAILEEKIKO KONPROMISOA


AMPOREN KONPROMISOAK · Gure kolaboratzaileekiko Konpromisoa 39

Horretarako, gure hornitzaileak ditugu lagun (izan ere, gure balio-kateko zati garrantzitsutzat ditugu haiek), aktiboki aritzen gara unibertsitate, teknologia-zentro eta start-upekin lankidetzan, partzuergoetan parte hartzen dugu, askotariko elkarteetako kide aktiboak gara, eta harreman estuak ditugu erakunde publikoekin.

GURE HORNITZAILEAK, GURE BALIO KATEAREN ZATI

AMPOn jabetzen gara gure proiektuaren jasangarritasuna ez dagoela gure jardunaren mende bakarrik, baizik eta

gure balio-kate osoarenean. Ondorioz, ezin bestekotzat jotzen dugu gure hornitzaile eta kolaboratzaileekiko harremana. Oinarri horretatik abiatuz, epe luzeko harremanak sustatzen ditugu merkatuko posizioa hobetzen lagunduko diguten produktuak eta zerbitzuak eskaintzen dituzten kolaboratzaileekin.

Gure hornikuntza-kateko kudeaketa-politikaren oinarrizko beste helburu bat bertako enpresa-sareari eutsi eta babesten laguntzea da, gure ingurunean balioa sortuz. Bada, politika horretan oinarrituz, 2018an, 100 kilometroko erradioan, 50 milioi euro erosi genituen gutxi gorabehera. Nabarmendu behar da, gainera, garapen- eta berrikuntza-proiektuetan, baita salmenta osteko zerbitzuetarako soluzioetan ere, beti lan egiten dugula

bertako hornitzaileen eskutik, kalitate onena eta zerbitzu bikaina bermatzen digutenak.

Homologazioei dagokienez, AMPOk 250 hornitzaile homologatu baino gehiago ditu egun. Hornitzaileen homologazio-prozesuek babesten duten lan-ereduak jokaera etikoak sustatzen ditu eta gure estrategiarekin lerrokatzen da, finantza-, funtzionamendu- eta lege-arriskuak gutxitzen ditu, zerbitzu maila gorenak bermatzen ditu, eta kontratatzen diren zerbitzuen eta materialen kostua hoberentzen du.

Horretaz gain, gure hornitzaileen integrazio handiena bilatzen dugu; izan ere, etengabeko lankidetzak haien prozesuak hobetzen laguntzen digu, eta gure proiektuari balio erantsi handiagoa gehitzen.


UNIBERTSITATEEKIN ELKARLANA

Kooperatibak inguruko unibertsitateekin kolaboratzen du; horien artean, MONDRAGON UNIBERTSITATEA, TECNUN, DEUSTO eta EHU-rekin. Kolaborazioa politika eta egitasmo hauen bidez gauzatzen da:

• Praktikak eta karrera amaierako proiektuak eskaintzen ditugu unibertsitateko espezialitate desberdinetarako. MONDRAGON UNIBERTSITATEAren kasuan, eskola eta lan jarduera uztartzen dituen ALECOP kooperatibaren laguntza daukagu. Oinarri soziala duen planteamendu baten bidez, enpresekin benetako

kontaktua izatea eskaintzen zaie ikasleei, eta aldi berean, egoki prestatutako pertsonak lanean izateko aukera ematen zaie enpresei.

• Enplegu Foroetan parte hartzen dugu, ikasleen formakuntzan eta ikasleak lan merkatuan txertatzen lagunduz.

• AMPOra bisitak eta konferentziak antolatzen ditugu, ikasleek lehenengo eskutik industriaren errealitatea ezagutu dezaten.

• Unibertsitateetako ingeniaritza-sailekin lankidetzan, berrikuntza eta ingeniaritza-proiektuak elkarrekin garatzen ditugu. Hori da MONDRAGON UNIBERTSITATEAren Goierriko campusaren kasua. Haiekin gabiltza lankidetzan hainbat proiektutan:

materialak, karakterizazioak eta diseinuen optimizazioa, produktu berritzaileen garapena, eta abar. Proiektu horietan, zuzenean parte hartzen dute hala unibertsitate-ikasketetako azken urteko ikasleek nola askotariko gaietan eskarmentua duten irakasleek. Esperientzia horiek bi abantaila dakartzate: alde batetik, campuseko ikasleek aukera ederra dute zuzenean eskualdeko enpresen beharrizanei laguntza emango dieten ikerketa-proiektuetan parte hartzeko eta, bestetik, enpresek gai zehatzetan trebatzen diren gazte ingeniariak eskuratzen dituzte, era horretan eskualdeko industria-sarerako harrobia elikatuz.


TEKNOLOGIA-ZENTRO, START-UP ETA PARTZUERGOEKIKO

LANKIDETZA

AMPOk lankidetzan dihardu tokiko eta nazioarteko teknologia-zentroekin etengabe. Gure ezagutzen osagarri, Lortek, Ikerlan, CIET, Tekniker, CEIT, Azterlan, CTI eta abar aipatuko ditugu.

Bestetik, nabarmendu behar da 2016an hasi ginela teknologia-oinarri espezializatuak eta negozio-eredu berritzaileak zituzten hainbat start-upekin lankidetzan, eta horiek soluzio espezifikoak ematen dizkiete gure beharrizanei.

Aldi berean, askotariko partzuergoetan parte hartzen dugu, lehen mailako enpresekin lankidetzan arituz; tartean nabarmendu ditugu:

– HAZITEK FUNCIONA4 PARTZUERGOA: Partzuergo honen helburua da funtzio pertsonalizatua duten gainazal-akabera berriak garatzea eta, era horretan, produktuei korrosio, gainazal-degradazio eta foulingaren kontrako erresistentzia gehiago ematea; balio estetikoa ere areagotuz. Proiektu honetan, gurekin batera parte hartu dute Orbea, Maier, ABB Niessen, Cikautxo, Mugape, Irurena enpresak, baita I+G erakundeak ere, adibidez, IK4-Cidetec, Maier Technology Center, IK4-Tekniker, Cikatek R&D Innovation Centre eta Mondragon Goi Eskola Politeknikoak.

– CONAN PARTZUERGOA: AMPO da partzuergo honen liderra, eta haren helburua da ikuskapen-sistema adimentsu bat garatzea, “ZERO AKATS” fabrikazioan aurrera egiteko. Proiektu honetan, gurekin batera parte hartzen dute IK4 Ideko teknologia-zentroak eta Laulagun, Ulma Forja, Engine Power Components, Matz-Erreka, Danobat Group eta Savvy Data Systems enpresek.

ZENBAIT ELKARTEETAKO KIDE AKTIBOAK

AMPOk aktiboki parte hartzen du ondorengo elkarteetan. Elkarteon helburuak jarraian zehazten dira:

– GOIERRI VALLEY: Aliantza hau eskualdeko 33 enpresen artean sortu zen 2017ko ekainean. Haren misioa da Goierriko industria-eraldaketaren motore izatea, enpresa kideen lankidetza aktiboaren bitartez, ezagutza partekatuz eta berrituz, gure ingurunearen industria-lehia eta etorkizunerako jasangarritasuna bermatzeko. Aliantzak eskualdeko enpresa nagusiak (CAF, Irizar, AMPO, Indar, Orkli, Jaso, GH) eta ETEak biltzen ditu, azken horiek, gehienean, lehenengoen hornitzaileak.


– GOILAN: Goilanek eskualdeko kooperatiben hazkundea sustatzen du, eta hori da, hain zuzen, bere helburu nagusia. Alegia, eskualdearen kooperatibismoa garatzea bilatzen du, teknologia-, giza eta gizarte-heziketa eta prestakuntza sustatuz eta, hartara, pixkanaka gizarte- eta ekonomia-eraldaketa sortuz.

– GOIERRI FUNDAZIOA: Sozietatearen helburua da Goierri eskualdeari teknika-, ekonomia- eta gizarte-prestakuntza eta -garapena ematea.

– FLUIDEX: Fluidoak manipulatzeko ekipamenduen esportatzaileen Espainiako elkartea da, irabazi asmorik gabeko elkartea eta, sorreratik, nazioarterako joera handia izan duena. Elkarteak ikerketa-, garapen- eta berrikuntza-estrategien garapena sustatzen duten programak eta lantaldeak koordinatzen ditu, merkatuetan posizio hobea izatera heltzeko. Egun, AMPOk du elkartearen lehendakaritza.

– FUNDIGEX: Espainiako fundizioko esportatzaileen elkartea da, irabazi asmorik gabeko elkartea, eta bere helburu nagusia da fundizioaren sektoreko enpresen esportazioa eta nazioartekotzea sustatzea.

ERAKUNDE PUBLIKOEKIN HARREMANA

AMPOn sinesten dugu gizarteak eta enpresa-erakundeek aurrera egiteko, ezin bestekoa dela etengabeko lankidetza publiko-pribatua eta, horregatik, erakunde-harreman sendoak ditugu eragile publikoekin, adibidez, Eusko Jaurlaritza, Gipuzkoako Foru Aldundia, Idiazabalgo Udala, Goieki Goierri Eskualdeko Garapen Agentziarekin, etab.

Horren erakusgarri, Eusko Jaurlaritzako eta Gipuzkoako Foru Aldundiko ordezkariek parte hartu zuten urrian ospatu genuen Idiazabalgo mekanizazio-instalazio berriaren inaugurazio-ekitaldian. Hara bertaratu ziren instalazio berriak lehen eskutik ezagutzeko Iñigo Urkullu lehendakari jauna, Markel Olano Gipuzkoako Diputatu Nagusia, Ioritz Imaz Idiazabalgo alkatea, Arantxa Tapia Ekonomia Garapeneko eta Azpiegituretako sailburua, Iñaki Arriola Ingurumen, Lurralde Plangintza eta Etxebizitzako sailburua, Ainhoa Aizpuru Ekonomia Sustapeneko foru-diputatua eta foru-erakundeko beste arduradun batzuk, baita Goierri Valley, Goieki, Goierri


bultzatzaileen arteko lankidetza sustatzea begiz jota.

Bukatzeko, nabarmendu behar da 2018an AMPOk erakunde publikoen laguntza ekonomikoa izan zuela, eta hainbat diru-laguntza jaso zituen askotariko I+G+i proiektuak garatzeko.

Fundazioa, ADEGI, Merkataritza Ganbera, Fluidex eta abarretako ordezkariak ere.

Bestalde, Gipuzkoako Foru Aldundiaren “ETORKIZUNA ERAIKIZ” programan parte hartzen ari gara eta, bertan, erakunde publikoekin bat egin dugu Gipuzkoaren erronkei aurre egiteko, Foru Aldundiak antolatutako proiektuetako bitan parte hartuz. Alde batetik, “Berdintasun, Kontziliazio eta Ardurakidetza”ri buruzko programan ari gara; haren helburua da familia-bizitza kontziliatu, familia-arloan ardurakidetza sustatu eta genero-desparekotasunak kentzea. Bestetik, “Gipuzkoa Talent” topagunean gabiltza, helburua duena lurraldeko

giza kapitala sustatu eta babestea, eta talentu hori behar duten enpresekin konektatzea, etorkizuneko erronkei aurre egin diezaioten. Ekimen honek, beraz, bilatzen du askotariko enpresa-arlotako goi-kualifikazioko pertsonak lurraldera erakarri, haiek berreskuratu eta atxikitzea. “Gipuzkoa Talent” topagunean ez ezik, AMPOk “Bizkaia Talent”en ere parte hartu zuen, Gipuzkoako programaren antzeko helburua duena.

Eskualdeari dagokionez, harreman estua dugu ere GOIEKI Goierriko Garapen Agentziarekin, eskualdea osatzen duten 18 udalek eratua, eta haiekin lankidetzan gabiltza industria- eta gizarte-arloko hainbat proiektutan.

2018 urte garrantzitsua izan zen eskualdeko lankidetzarako, GOIERRI VALLEYren aliantzak indarrean jarraituz. Eskualdeko 55 enpresak eratzen dute aliantza hori, eta tartean da AMPO. Bada, aliantzaren misioa da Goierriko industria-eraldaketaren bultza-indarra izatea, enpresa kideen lankidetza aktiboaren bitartez, ezagutza partekatuz eta berrituz eta, hartara, ingurunearen industria-lehia eta etorkizunerako jasangarritasuna bermatuz. Horretarako, taldeak 350.000 €-ko aurrekontua izan zuen 2018an.

GOIERRI VALLEYk hainbat talde bultzatzaile biltzen ditu, adibidez, CAF, Irizar, AMPO, Indar, Orkli, Jaso, GH,…. Gainera, ETEak daude, adibidez, Arri, Ederfil Becker, Eredu, GetSubsea, Goieki, Gune, Hine, Labe-lan, etab. Beste proiektu batzuen artean, WIN&WIN ekimena garatu zuten; haren helburua da ETEen etorkizuneko lehiakortasuna bideratzea. MUNDUAN proiektuaren helburua, berriz, nazioartekotzearen arloan, elkartearen estrategia zehaztea da, arreta Alemanian, Frantzian, Txilen eta Mexikon jarriz. ANTENA proiektuak teknologiaren zaintzari erreparatzen dio eta, bukatzeko, ELKAR EZAGUTZEN proiektua dago, eskualdeko enpresa

44 2018KO MUGARRI NAGUSIAK · Bezeroak eta proiektuak

BEZEROAK ETA PROIEKTUAK

BALBULAK:

UPSTREAMEKO ADITU BATEN KONTRATAZIOA:

AMPO POYAM VALVESek bere Upstream dibisioa sendotu du, offshore eta subsea aplikazioetan aditua den pertsona bat kontratatuz. Neurrira diseinatu eta produzitzen dituen balbula sorta zabal bat eskaintzen du egun era guztietako subsea eta offshore aplikazioetarako; eta horietan, fidagarritasuna eta segurtasuna dira gure lehentasun nagusienak.

2.000 BALBULATIK GORA KINGISEPP AMONIA PLANTARAKO, ERRUSIAN:

AMPO POYAM VALVESek teknologia maila altuko 2000 konporta, globo eta erretentzio balbula baino gehiago diseinatu eta ekoiztu ditu EUROCHEMen KINGISEPP

amonia plantarako. Planta hori Kingiseppen eraiki da, Errusian, KBR-ren lizentziaren pean, eta fosfato-ongarriketako instalazio batetik oso hurbil. Planta berriak eguneko 2.700 tonako diseinu-ahalmena du.

Beste soluzio batzuen artean, AMPOren ondorengo

balbulak instalatu ziren bertan: duplex, altzairu herdoilgaitz, aleazio baxu eta karbono altzairuetan ekoizturiko balbulak. Balbulen tamainak 2” eta 42” bitartekoak izan ziren eta presio maila 150 eta 2500 libera bitartekoa.

5. 2018KO MUGARRI NAGUSIAK

2018KO MUGARRI NAGUSIAK · Bezeroak eta proiektuak 45

BOTAS LNG PROIEKTURAKO FAST TRACK ZERBITZUA:

Turkiako Botas LNG terminalean ehunka AMPO POYAM balbula daude egun instalatuta 1999.urtetik. Aurreikusitako planta geldialdi baten ondorioz, bezeroak balbula bat berehala ordezkatzeko eskatu zuen eta berau hiru egunetan entregatu zuen kooperatibak. Hain zuzen ere, 12” eta 1500 lbs-ko Top Entry boladun balbula kriogeniko bat, zein bezeroaren eskakizunen arabera erabat pertsonalizatu zen.

Gauzak honela, Botas LNG eta Renaissance Heavy Industries EPC bezeroek beste behin ere AMPO POYAM VALVES-engan jarri zuten konfidantza proiektu honetarako.

50 FAST TRACK BALBULA KJO BEZEROARENTZAT:

Kuwait Gulf Oil Company (KGOC)-k eta Aramco Gulf Operations Company (AGOC)-k osatzen duten Al-Khafji joint-venture-ak, JGC ingeniaritzarekin batera, AMPOren balbuletako dibisioan jarri zuten konfidantza Split Body diseinuko 50 boladun balbula diseinatu eta ekoizteko. Balbula hauetako batzuk manualak izan ziren eta beste batzuk aldiz, eragingailu elektriko eta neumatikodunak. Balbulen tamainak 2” eta 36” bitartekoak izan ziren eta presioa aldiz, 150 libra eta 600 libra artekoa. Hau guztiaz gain aipatzekoa da horietako batzuk fundizioko osagai nagusiak zituztela eta beste batzuk aldiz, forjako osagai nagusiak.

AMPO POYAM VALVES-ek munduko lidergotza dauka boladun balbuletan, baina baita tenperatura altuetarako teknologia maila altuko balbuletan ere. Proiektu honetarako asentu eta junta bereziak dituzten tenperatura altuetarako boladun balbula ugari ekoiztu zituen AMPOk,

zeintzuk ondorengo aspektuak kontuan izanik diseinatu ziren: balbularen sendotasuna, materialak, operabilitatea, tenperaturaren transmisioa, etab.

Khafji-k, Kuwait eta Saudi Arabiaren arteko Gune Neutralean kokatzen denak, 610.000 bpd inguruko petrolio kapazitate bat dauka egun, eta aipatzekoa da

zifra hau 2030 urterako 700.000-900.000-ra igotzeko plan bat ere martxan dutela. Al-Khafji Joint Operations-en helburua zatikatutako gune honetako petrolio eta gas-arekin lotutako onshore eta offshore eragiketa guztiak garatzea da; esplorazioa, ustiaketa eta ekoizpena, hain zuzen.


EXXON MOBIL NIGERIARENTZAT NEURRIRA EGINDAKO BALBULAK, 10-12 ASTEETAN:

AMPO POYAM VALVES-ek Nigeriako OSO 57C Production Optimization proiektuarentzat neurrira egindako boladun balbula forjatuak eta erretentzioko balbulak diseinatu eta ekoiztu zituen. Berau Nigeriako kostaldean dago kokatuta, Akwa Iborn estatuan, Bonny deritzon badian, kostaldetik 12 miliatara gutxigora behera eta Qua Iboe Terminaletik (QIT) hegomendebalderuntz, 30 miliatara.

Proiektu honetarako 14” bitarteko 3 pieza forjadun boladun balbulak (trunnion diseinuarekin) eta erretentzioko beste hainbat balbula ekoiztu zituen AMPOk. Pieza hauen presioa 900 eta 2500 libera bitartekoa izan zelarik. Honez gain erretentzioko balbulen asentuak Stellite materialarekin estalduak joan ziren, balbula hauen errendimendua hobetzeko helburuarekin.

Produktu guzti hauek 10-12 asteetan entregatu zizkion AMPOk bezeroari, AMPO POYAM VALVES-ek eskaintzen dituen Fast Track zerbitzuak medio.

CORPUS CHRISTI LNG PROIEKTUAREN HIRUGARREN TRENERAKO BALBULAK:

AMPOren hamarmilaka balbula baino gehiago daude Estatu Batuetako likuefakzio planta garrantzitsuenetan instalatuta gaur egun eta Corpus Christi ez da salbuespena. Beste behin ere, AMPO POYAM VALVES-engan jarri zuten konfidantza Cheniere eta Bechtel bezeroek, Corpus Christi LNG plantaren hirugarren tren berri batean instalatuko diren 1750 balbula baino gehiago diseinatu eta produzitzeko. Bezeroek tren berri bat eraikitzeaz gain (aurretik bi gehiago dituzte eraikita), tanke berri bat eta bigarren atrakaleku bat eraikiko dituzte, proiektuaren zabalkunde hau medio. Hirugarren tren honekin likuefakzio terminalak bere LNG ekoizpen gaitasun nominala 13.5 mpta-raino areagotzea aurreikusten dute.

Hirugarren tren hau 2020.urtean martxan jartzea aurreikusten dute eta bertarako ondorengo balbulak hornitu ditu AMPOk: eskuzko boladun balbula kriogenikoak, globo eta erretentzioko balbula kriogenikoak, aktuaturiko boladun balbula kriogeniko eta ez-kriogenikoak eta metal-metal balbulak. Produktu hauek 42” bitartekoak izan ziren eta 150 eta 900 libra bitarteko presioa jasan behar izango dute. Aipatzekoa da top entry diseinuko tamaina handiko

boladun balbula kriogenikoek duten isolamendu ahalmen bikaina eta baita lineako presio galera murrizteko duten ahalmena, azken honek tamainu txikiagoko ekipoak erabiltzea ahalbideratzen duelarik.

2012.urtetik teknologia maila altuko 4000 balbula baino gehiago hornitu ditu AMPO POYAM VALVES-ek Chenieren Corpus Christi LNG proiektuaren lehen bi trenetarako, eta beste hainbat balbula ere Sabine Pass LNG likuefazio proiektuaren lehen bost trenetarako, zeintzuen bezeroak Cheniere eta Bechtel izan ziren ere. Horietako balbula batzuk 36” eta 42”-ko HIPPS balbulak izan ziren, zeintzuek 2 segundu baino gutxiagotan itxitura perfektu bat burutzen zuten. Eskari honen kasuan, boladun balbula kriogenikoak, ez kriogenikoak eta metal-metal balbulak hornitu zituen AMPOk.

Aipatzekoa da gainera proiektu zabalkunde honen kasuan ere salmenta osteko zerbitzuak eskainiko dituela kooperatibak, AMPO SERVICE-eko teknikoen eskutik, hirugarren trenaren eraikitze eta martxan jartzean lagunduz. AMPOn euren bezeroen ingeniaritza saileko pertsonekin elkarlanean lan egiten dute beti, proiektuen martxan jartze eta mantenimendu arrakastatsu bat bermatzeko helburuarekin.


PTT BEZEROARENTZAT, OLEFINAK BIRKONFIGURATZEKO PROIEKTU BATERAKO 4.000 BALBULA, TAILANDIAN:

SAMSUNG ENGINEERING bezeroak AMPO POYAM VALVES-engan jarri du konfidantza konporta eta globoko 4000 balbula inguru diseinatu eta ekoizteko. Balbula guzti hauek PTT Global Chemical-en Tailandiako olefinen birkonfigurazio proiektu batean instalatuko dira.

Planta hau, zeinaren exekuzioa Samsung Engineering-i esleitu zitzaion 2017. urte amaieran, Map Ta Phut-en kokaturik egongo da, Tailandiako Rayong probintzian.

Guztira 820 milioi dolar inbertituko ditu bezeroak eta berau 2021.urte hasieran martxan jartzea aurreikusten dute. Bertan urtean 500.000 etileno tona ekoiztuko dituzte (nafta cracker unitate handienarekin) eta baita urteko 250.000 tona propileno ere.

Balbula guzti hauen tamainak 2” eta 42” bitartekoak izango dira eta presioari dagokionez, 150 lbs eta 2500 lbs bitartekoak. Honako balbula hauek zerbitzu orokorrerako eta zerbitzu kriogenikorako erabiliko dira, baina horietako batzuk “pressure seal” diseinua ere izango dute.

Balbula askok gainera emisio iheskorren maila altua izango dute, A eta B mailakoa, hain zuzen.

72”, 48”, 30” ETA 24”-KO KONPORTA BALBULAK LIWA PLASTICS INDUSTRIES BEZEROARENTZAT:

Omango LIWA Industria Plastikoen konplexurako 72”, 48”, 30” eta 24”tako konporta balbulen kontratu bat esleitu zion CB&I ingeniaritzak AMPO POYAM VALVESi. Proiektu honen erabiltzaile finala Oman Oil Refineries and Petroleum Industries Co (ORBIC) da eta proiektu honekin petrokimika merkatuan bere posizionamendua hobetzen jarraituko du AMPOk.

Liwa Industria Plastikoen Konplexua (LPIC) produktuen nahasketa hobetuko duen transformazio-proiektu bat da, baita ORPICen negozio-eredua ere, eta honako honek Omango plastikoen downstream industria garatzea eta babestea ahalbideratuko du.


EGA, EMIRATES GLOBAL ALUMINIUM-EKIN ZERBITZU-AKORDIOA:

AMPO SERVICE-ek akordio bat sinatu zuen 2018.urte amaieran EGA bezeroarekin (Emirates Global Aluminium), Al Taweelah Alumina Refinery plantarako mantentze-lan zerbitzuetarako. Planta honetan 7.000 angelu balbula dauzka egun instalatuta AMPO POYAM VALVES-ek.

MANTENIMENDU LAN GARRANTZITSUAK GASONTZIETAN:

Urtero gasontzietako balbulen mantentze-lanak egiten ditugu, adibidez, NYK (Nippon Yusen Kaisha) bezero japoniarrarentzako. 2018an, adibidez, Alto Acrux eta Cignus Passage barkuetan izan ginen eta, bertan, AMPO SERVICE-eko gure lantaldeak mantentze-lan prebentiboen planean zehaztutako lanak egin zituen, bezeroarekin lankidetzan zehaztuta zeudenak.

ENPPI BEZEROARENTZAKO ETA HAREN KHUFF GAS PIPING PROIEKTUARENTZAKO SOLDADURAZ ESTALITAKO BALBULAK:

Egiptoko petrolio konpainia nazionala den ENPPIk (Engineering for Petroleum and Process Industries) AMPO POYAM VALVES-engan jarri du konfidantza Inkonel materialean estaldurak dituzten teknologia maila altuko balbulak hornitzeko. Balbula hauek Saudi Arabiako Al Khobar hirian instalatuko dira, Khuff Gas Piping deritzon gasbidean, hain zuzen ere.

Bertarako Inkonel materialean estaldurak dituzten globo eta konporta balbulak diseinatu eta produzituko ditu AMPOk, horretarako orain gutxi martxan jarritako mekanizatuko planta berrian instalatu dituzten estaldura teknologia berriak erabiliko dituztelarik. Lan hauek automatizazio maila altuarekin burutuko dira, horretarako robot eta zelual ezberdinak dituztelarik.

Balbula guztiak 2019.urtean entregatuko zaizkio bezeroari.

Khuff gasbideak Saudi Arabiako petrolio eta gas konpainia nazionalarenak dira, Saudi Aramcorenak, hain zuzen.


ere hornituko ditu AMPO POYAM VALVES-ek, Hamina LNG-ren eraikuntza eta martxan jartzean.

Terminal hau Finlandiako estatuaren plan batean kokatzen da. Haren bidez, eskala ertaineko terminal-sare bat ezarri nahi da, gas natural likidotua hornitzeko eta herrialdean gas-hornikuntza areagotzeko.

PERSIAR GOLKOAN KOKATURIK DAGOEN SAFANIYA PETROLIO HOBIKO 4 OFFSHORE PLATAFORMETARAKO PRESIO ALTUKO BALBULAK:

AMPOk aktuadore elektriko, hidrauliko eta neumatikodun 42” eta 1500 lbs bitarteko erretentzio eta boladun balbulak hornitu ditu Safaniyan kokaturik dauden 4 offshore plataformetarako, honako hauek inkonel materialean oinarritutako estaldurekin entregatu direlarik.

Saudi Aramco estatu-enpresa jabe den Safaniya eremua, munduko petrolio eremurik zabalena da eta Dhahran-etik 200 km iparraldera kokatzen da, Saudi Arabiako Persiar Golkoan. Honako hau Saudi Aramco berak ustiatzen du egun. Eremu honetan egunean 1 eta 1.5 milioi petrolio upel gordin produzitzen dira, eta produkzio ahalmen hau mantentzeko helburuarekin euren instalakuntzak zabaldu eta hobetzen dihardute egun, Saudi Aramco-k diseinaturiko Safaniyarako “Master Plan”-a medio.

60 ASISTENTZIA, MUNDU GUZTIKO BEZEROEI:

AMPO SERVICE-ek 60 asistentzia eman zizkien bezeroei 2018.urtean. Izan ere, plantetako teknikoei laguntza eman baizitzaien ekipamenduak instalatzean eta plantak martxan jartzean, bai eta balbulak mantentzeko lanetan ere.

AMPO SERVICE-ek beti bermatzen du 72 ordu baino gutxiagoan laguntza teknikoa ematea, munduko edozein tokitan eta proiektuaren edozein fasetan. Horretarako esperientzia zabaleko profesional talde handi bat dauka AMPOk. Gainera, lankidetza estuan lan egiten dute balbulen erosketa, instalazio, operazio eta mantentze lanetan parte hartzen duten lantalde guztiekin. Hori guztia balbulen inguruan dugun ezagutza transmititzeko, eta horren ondorioz, gure ekipamenduei plantan ahalik eta errendimendurik handiena aterako zaiela eta ahalik eta ondoen zainduko direla bermatuz.

GNL HAMINA TERMINALERAKO BALBULA KRIOGENIKO ETA EZ-KRIOGENIKOAK:

AMPOk 250 balbula kriogeniko eta ez-kriogeniko diseinatu eta produzitzeko eskaera eskuratu zuen 2018an Hamina LNG gas likidotua lurruntzeko terminalerako, zeina Kotkan kokaturik dagoen, Finlandian. Proiektu hori Wärtsilä ingeniaritza-konpainia garatzen ari da, eta AMPOri boladun balbula kriogeniko eta ez kriogenikoak eskatu zizkion bezero honek, baita tximeleta eta globo balbulak ere. Hau guztiz gain, salmenta osteko zerbitzuak


FUNDIZIOA:

ISRAELGO GATZ-GABETZE PLANTA BATERAKO “AFTER MARKET” BONBA GORPUTZ ZENTRIFUGATUA:

Bezero garrantzitsu batekin elkarlanean, “after market” soluzio bat garatu zuen AMPO galdategiak. Besteak beste, Israelgo gatz-gabetze planta handienarentzako mekanizaturiko bonba gorputz zentrifugatu bat, superduplex (A890 Gr5A) materialean.

Gatz-gabetze plantetarako osagai mota hauen garapenean benetan garrantzitsua izaten da korrosio eta urradura arazoak kontuan izatea. AMPOk material berezien inguruan duen jakintza eta esperientzia eta bestalde, bezeroak berak itsasoko uraren ponpaketan duen jakintza eta esperientzia, berebizikoak izan dira zerbitzu korrosibo eta abrasiboetarako bonba gorputz zentrifugatu hau garatzerako orduan. Zerbitzu honetarako soluziorik optimoena garatu dutelarik.

AMPOk produktu hau muntatzeko prest entregatu zion bezeroari. Bere teknologia eta hornitzaile global bat izanagatik jarri du bezeroak konfidantza AMPOrengan. Soluzio honen ekoizpenean hare bidezko moldeaketako instalakuntzarik berritzaileenak erabili zituen kooperatibak eta baita bere mekanizaziorako instalakuntza berriak ere. Honez gain, kalitate maila handiena bermatzeko, proba hidroestatikoak eta X-izpiak burutzeaz gain, propietate mekanikoen analisi sakona ere egin zuten.

Gaur egun Israelgo ur edangarriaren %70a gatz-gabetze plantetatik eratortzen da, “osmosis inversa” deritzon teknologia medio. Datozen urteetarako ur eskariaren hazkuntza nabarmena aurreikusten dute gainera herrialdean. Itsasoko ur hau eguneko 24 orduetan zehar

ponpatu ohi izaten da, eta hau dela eta, bonba hauek baldintza oso zorrotzak jasan behar izaten dituzte, Israelgo gunean dagoen gatz maila handia dela medio. Honen ondorioz, bonba gorputzak eta inpelerrak behin eta berriz ordezkatu behar izaten dira, honek bezeroarentzako kostu garrantzitsu bat suposatzen duelarik.

GUZTIZ MEKANIZATURIKO FORJA OSAGAIAK:

Zerbitzu zorrotzetarako boladun balbuletan lidergotza duen balbula ekoizle batek gure galdategian jarri zuen konfidantza guztiz mekanizaturiko 48 forja osagai multzo hornitzeko. Honako hauek Txinako planta petrokimiko baterako zirelarik.

Osagai guztiak goi-presiokoak ziren (2500 libera) eta tartean 12” eta 16” bitarteko gorputzak eta lateralak aurkitzen ziren. Pieza guztiak erabat mekanizatuta entregatu ziren, merkatuko mekanizazio teknologia puntakoenak erabiliz horretarako.


BONBA BERRI BATENTZAKO GEOMETRIA KONPLEXUKO OSAGAIEN GARAPENA:

AMPO galdategia, zein altzairu herdoilgaitzeko eta aleazio altuko osagaien ekoizpenean nazioarteko liderra den, bonba fabrikatzaile garrantzitsu batekin elkarlanean aritu da, torloju helikoidaleko bonba berri batentzako geometria konplexuko osagaiak garatzeko helburuarekin. Produktu berri hau kimika eta petrokimika sektoreetara bideratuta egongo da. Bonba berritzaile hau ACHEMA erakustazokan aurkeztu zuen bezeroak orain gutxi, eta produktu berri honek junta mekanikoak eta itxitura sistema konplexuak txertatzeko beharra ekiditen du. Honez gain, sustantzia arriskutsuak ingurumena kaltetu gabe manipulatzea ahalbideratzen die bezeroei. AMPO galdategiak balio erantsi altuko osagaiak ekoiztu ditu, torloju helikoidaleko bonba berritzaile honentzako.

BALBULA ERROTATIBOEN EKOIZLE BATEKIN, LANKIDETZA AKTIBOA:

Erresuma Batuko balbula errotatiboen ekoizle batekin elkarlanean aritu zen AMPO 2018.urtean. Ekoizle hau hautsak prozesatu eta balbula errotatiboak produzitzeko ekipamendu eta sistemetan dago espezializatuta, baita solidoak prozesatzeko gidari balbuletan eta desbideratzeko balbula eta detekzio sistemetan ere.

Aurten, bezero honentzako erabat mekanizatutako eta goi-mailako gainazal akabera duten osagaien hornitzaile nagusienetako batean bilakatu gara.

FADHILI PROIEKTURKO 30” TAMAINA BITARTEKO BALBULA GORPUTZAK:

AMPOk 30” bitarteko hainbat balbula-gorputz hornitu zituen Saudi Arabiako Fadhili Gas Project planta

zabaltzeko proiekturako. Proiektu honen erabiltzaile finala Saudi Aramco izan zen, Saudi Arabiako estatu enpresa. Osagai horiek guztiak hare bidezko moldeaketa teknologiaren bidez ekoiztu ziren eta altzairu

herdoilgaitzeko osagai ugari mekanizatuta entregatu ziren. Proiektu horrek ingeniaritza-lan oso zehatza eskatu zuen, bezeroaren baldintza zorrotzak zirela eta.


CU5MCUC MATERIALEAN GALDATUTAKO 20” –KO HAINBAT OSAGAI:

Material berezietako osagaietan dago AMPO espezializatuta eta hori dela eta, bola, konporta eta erretentzio balbuletarako 20”-ko hainbat osagai garatu zituen Cu5mcuc materialean. Hori garrantzia handiko mugarria izan zen kooperatibarentzat; izan ere, lehen aldiz fabrikatu baitziren hain tamaina handiko osagaiak teknikoki hain konplexua den material horretan. Emaitzak oso onak izan ziren, ingeniaritza, kalitate eta prozesuetako taldeek egindako lan bikainari esker.

ITSAS PROPULTSIOAREN SEKTORERAKO OSAGAI BERRIAK:

Denbora igaro da galdategiak itsas sektorean muturra sartu zuenetik eta pixkanaka bere prozesu eta bezeroak sendotzen joan da. Honen erakusgarri da sektore honetarako duen osagai eskaintza zabala. Konponente horietako gehienak guztiz mekanizatuta entregatzen dira eta AMPO hornitzaile bikaina da tankera honetako osagaietarako. Hori dela eta, waterjet-etarako inpultsoreak, karkasak, difusoreak,… garatzen ditu. Honenbestez, itsasontzi askok AMPOko osagaiak dituzte.

DEKANTADOREAK:

Dibertsifikazio-ildoarekin bat etorriz, AMPOk bereizketaren sektorerako osagaiak produzitzen jarraitu du, guztiz mekanizaturiko dekantadoreak hornituz eta, ondorioz, sektorean eta hainbat bezeroren artean, sendotuz. AMPO hornitzaile ezin hobea da bereizketaren sektoreko era horretako produktuentzat, bere zentrifugatuko instalazioak eta dauzkan mekanizazio-teknologia berritzaileak direla eta.

BONBA MERKATUAREN GARAPENA ERRESUMA BATUAN:

AMPO galdategiak eutsi egin zion 2018an Erresuma Batuko ponpen sektorean dibertsifikatzeari, eta hainbat eskaera jaso zituen industria horretarako, tartean nabarmenduz:

• Tian Ming Power Plant proiekturako difusore mekanizatuak, Txinan.

• Hassyan Clean Coal Power Plantetarako ponpa-osagaiak, Dubaien, UAEn (Arabiar Emirerri Batuak).

• Blackpoint Power Stationerako difusoreak, Bahametan.

• Shandong Uan Tai Ba Jiao Power Planterako impeller-ak, Txinan.

• Dinging Power Stationerako impeller-ak, Filipinar Uharteetan.

• Difusore sorta osoak, eta impeller-etarako hurrupaketa-hodiak, Yuxian Power Projecterako, Txinan.

• Bultzada-ganberak eta karkasak Ekofisk Natural Gas Platformerako, Ipar Itsasoan.

• Karkasa mekanizatuak Culzean Gas Fielderako, Ipar itsasoan ere.

• Askotariko proiektuetarako ponpen aftermarket-osagaiak.

2018KO MUGARRI NAGUSIAK · Inbertsioak 53

INBERTSIOAK

MEKANIZAZIO FABRIKA BERRIAREN INAUGURAZIOA, IDIAZABALEN:

AMPOk mekanizazio-instalazio berri bat inauguratu zuen urriaren 17an, Lehendakaria buru izandako ospakizunean.

Instalakuntza berri hauen diseinu, eraikitze eta martxan jartzeak 22 milioi euroko inbertsioa suposatu dio kooperatibari eta bezeroei balio erantsi altuagoko eta geometria konplexuagoko osagaiak eskaintzeaz gain, soluzioen kalitate maila eta zerbitzua hobetzea ahalbideratuko dio AMPOri.

Lehendakaria buru izan zuen bisita instituzionalarekin ireki zituen ofizialki ateak lantegi berriak. Lehendakariaz gain, Gipuzkoako Diputatu Nagusi den Markel Olano, Idiazabalgo alkate den Ioritz Imaz, Ekonomiaren Garapena eta Azpiegituretako sailburu den Arantxa Tapia, Ingurumen, Lurralde Plangintza eta Etxebizitzako sailburu den Iñaki Arriola, Ekonomia Sustapeneko, Landa Inguruneko eta Lurralde Orekako Diputatu den Ainhoa Aizpuru, Diputazioko hainbat zuzendari eta Goierri Valley, Goieki, Goierri Fundazioa, ADEGI, Merkatal Ganbera, Fluidex, LKS,… bezalako enpresa eta erakundeetako ordezkariak izan ziren bertan.

Fabrika berri hau Idiazabalen kokaturik dago, 12.500 metro karratu inguruko azalera du eta merkatuko 4.0 mekanizazio zentro adimentsuenak instalatu dira bertan. Baita bezeroei zerbitzu gama zabalago bat eskaintzeko ekipo berriak ere. Besteak beste, soldadura estaldurak burutzeko instalazioak, entsegu ez suntsitzaileak burutzeko guneak, etab.

Hau guztiaz gain, ingurugiroa errespetatzen ez duen produkzio eredu batentzako lekurik ez dagoela ulertzen du AMPOk. Hori dela eta, euren jardueraren ingurumen eraginak minimizatzera bideratutako apustu irmo eta ekonomikoki babestua egin du azken urteotan. Gauzak honela, planta berri honen diseinua eta eraikuntza, LEED ziurtagiriaren irizpideen arabera burutu da, LEED Gold ziurtagiria lortu duelarik AMPOk. Gipuzkoan egun hiru eraikinek soilik daukate ziurtagiri hau, eta horietako bat AMPO da. Ziurtagiri hau U.S Green Building Council-ek eskaintzen du, eraikinen jasangarritasun maila neurtuz.

Eraikin berri honetan guneak hobetzeko neurriak inplementatu dira, eta baita ura aurrezteko, energia aurrezteko, material eta baliabide jasangarriagoak erabiltzeko eta barneko giroa hobetzeko neurriak. Planta berri honetan, eraginkortasun energetikoa dela eta aplikatu diren bi elementu nagusi ondorengoak izan dira. Alde batetik, estalki berdea, zeinek fabrikaren inpaktu bisuala murrizteaz gain, isolamendu termiko hobea ahalbideratzen duen. Eta beste alde batetik, argiztapen naturala, argizuloak instalatu eta aerogel materialeko panelak erabili direlarik fatxadetan.

54 2018KO MUGARRI NAGUSIAK · Inbertsioak

ERALDAKETA DIGITALEKO PLANA ETA KOSMOS PROIEKTUA:

AMPOk Eraldaketa Digitalerako Plana du indarrean 2018-2022 aldirako. Plan horren helburua izango litzateke AMPOren balio-kateko eremu guztiak modu nabarmenean eta lehiakorrean digitalizatzea, argi eta garbi negozioaren helburuetara bideratuta.

Horretarako, teknologia berriak ezartzen ari gara lanean, bezeroei sarbide digitalerako eta eskaerak kudeatzeko aukera emanez, fabrika adimentsuaren eta plangintza integratuaren kontzeptuak landuz, datuetan oinarritutako logistika eta denbora errealeko inbentario-kudeaketa landuz, etab.

Bada, Plan horren barruan, proiektu garrantzitsuenetako bat KOSMOS izaten ari da; ERP berri bat eta beste sistema zein aplikazio batzuk garatu eta ezartzen ari dira bertan. Hartara, errazagoa izango da gure prozesuak etengabe eraldatzea, baita datuetan oinarritutako erabakiak hartzea ere. Kosmos, gainera, partekatzeko gune berri bat izango da eta bertan, AMPOren aplikazio guztiak sartuko dira. Kosmos izango da gure unibertso berria.

ANTOLAKUNTZA ETA LIDERGOAREN KULTURA EREDU BERRI BAT DISEINATU ETA EZARTZEA: “ALDAKETA LANTZEN”

AMPOk pertsonetan oinarritutako antolakuntza eta kudeaketa horizontaleko estiloa du 2003tik. AMPOn lidergoa eta talde-lana sendotzeko helburuan oinarrituz, 2017an lehen pausoak eman ziren AMPOko antolakuntzaren kultura eta pertsonen lidergo eredua diseinatu eta sortzeko prozesuan. Proiektu horri “Aldaketa lantzen” deitu zitzaion, eta helburutzat ezarri zen erakundearen garapen-prozesu bat sortzea, kooperatibaren helburuak eta bikaintasunaren kultura lortzeko aurrerabide-eredu bat bermatuko zuena.

Egoeraren lehen diagnostiko bat egin eta kultura-eredu berri baterako oinarriak ezarri ondoren, 2017an eta 2018an zehar konpetentzietan trebatu eta horiek ezarri ziren, lankidetza-prozesuen bitartez. Prozesu hauen bitartez ikaskuntza, talde lana, lidergotza, autokudeaketa, partehartzea, komunikazioa eta aurrerapenekiko jarrera aktiboago bat sustatu zen.

Trebakuntza horiek tailer eta taldekako zein banakako coaching-saioen bidez egin ziren.

Antolakuntzaren eta lidergoaren kultura-eredu berri hori definitzearen bidez, erakunde bikaina izatea dugu helburu eta era berean AMPOko pertsonen parte izatearen sentimendua eta gogobetetzea areagotzea.

2018KO MUGARRI NAGUSIAK · Inbertsioak 55

GARAPENA ETA BERRIKUNTZA

BALBULAK:

UPSTREAMERAKO BALBULEN GARAPENA:

AMPO POYAM VALVESeko berrikuntza taldea Upstream sektorerako balbula-sorta zabal bat garatzen ari da egun, horretarako industriako aditu baten laguntza duelarik. AMPO oso espezializatuta dago zerbitzu zorrotzerako balbuletan eta, beraz, upstream sektoreko eskakizun zorrotzek oso ondo bat egiten dute AMPOk eskaintzen dituen estandarrekin. Azken hilabeteotan, AMPOk balbula-sorta zabal bat garatu ahal izan du, hala offshorerako nola subsearako: jacket balbulak, calm buoy balbulak, fully welded STS boladun-balbulak, split body STS boladun-balbulak, top entry STS boladun-balbulak, through conduit double expanding gate balbulak, SPS boladun-balbulak, STS erretentzio-balbulak, etab.

NEEDLE GLOBO BALBULA KRIOGENIKOEN GARAPENA GNL-RAKO:

AMPO POYAM VALVESek needle globo balbula kriogenikoak diseinatu eta fabrikatu ditu lehen aldiz 2018an likidoturiko gas naturalaren sektorerako. Balbula horiek fluxua neurtzeko aplikazioetan erabiltzen dira batez ere, emari kalibratu, jarraiki eta txiki bat lortzeko. AMPO POYAM VALVES munduko liderra da balbula kriogenikoetan, eta bere produktu-sortetan beste aukera hori sartuz, nitxo horretako bere posizioa sendotu du.

MUTURREKO GOI-PRESIOETARAKO BALBULA BERRIEN GARAPENA:

Berrikuntza-arloko beste proiektu garrantzitsuetako bat muturreko goi-presioetarako balbulak garatzea izan da; top entry boladun balbulak, boladun balbula konpaktuak eta swing check erretentzio balbulak, zehazki. Produktu horiek 2019an merkaturatzeko aurreikuspena dago.

56 2018KO MUGARRI NAGUSIAK · Garapena eta berrikuntza

TOP ENTRY BOLADUN BALBULAREN DISEINUAREN OPTIMIZAZIOA:

AMPO POYAM VALVESek bere top entry boladun balbulen diseinua optimizatu du, horiek 1986an fabrikatzen hasi eta gero. Diseinu berriak, produktuaren fidagarritasuna areagotu ez ezik, hobekuntza handi bat gehitzen du lehiakortasunerako. Gure bezeroek etekina atera ahal izango diote lehiakortasun horri.

LEHEN BALBULA MONITORIZATUAREN INSTALAZIOA:

AMPO POYAM VALVESek sentsoredun lehen balbula instalatu zuen 2018an. Balbulak monitorizatzeko sistema horrek modua ematen du plantako ekipamenduetan etorkizunean gerta daitezkeen erroreak detektatzeko, eta balio du ere ezusteko etenaldiak aurreikusteko. Ondorioz, sistema honen bidez, balbulen egoeraren monitorizazioa eta azterketa eskaintzen dugu.

FUNDIZIOA:

TAMAINA HANDIKO OSAGAIAK HARE BIDEZKO MOLDEKATZEAREN BITARTEZ FABRIKATZEKO PATTERNLESS ZERBITZUAK:

AMPO galdategiak “Patternless” zerbitzu bat garatu du (eredurik gabea), tamaina handiko piezak produzitzeko hare bidezko moldekatze teknologia erabiliz.

Teknologia hori AMPOko Ingeniaritza taldeak garatu du Nazioarteko Teknologia Zentro batekin lankidetzan eta, gainera, bezero baten ezinbesteko ekarpena izan du; era horretan, “patternless” moldekatze-metodo ezin hobea lortu delarik.

Teknologia horren bidez, zurezko modeloen produkzioa ekiditen da eta osagai unitarioak edo serie motzak produzitzea lortzen da, modu errentagarrian. Hauexek dira honen abantailak: entrega-denbora murrizten da, fabrikazio-kostua gutxitzen da, integraltasun handia

eta neurri-zehaztasun handiko osagaiak lortzen dira, gainazal-akabera egokiak lortzen dira, etab.

Bestalde, AMPOren moldekatze zeramikoko produkzio linearen bidez ere “patternless” zerbitzuak eskaintzen ditu, tamaina erdi eta txikiko osagaien produkziorako.

2018KO MUGARRI NAGUSIAK · Ekitaldiak 57

EKITALDIAK

MEKANIZAZIO FABRIKA BERRIAREN INAUGURAZIOA, IDIAZABALEN:

AMPOk mekanizazio-instalazio berri bat inauguratu zuen urriaren 17an, Lehendakaria buru izandako ospakizunean.

Instalakuntza berri hauen diseinu, eraikitze eta martxan

jartzeak 22 milioi euroko inbertsioa suposatu dio kooperatibari eta bezeroei balio erantsi altuagoko eta geometria konplexuagoko osagaiak eskaintzeaz gain, soluzioen kalitate maila eta zerbitzua hobetzea ahalbideratuko dio AMPOri.

Lehendakaria buru izan zuen bisita instituzionalarekin ireki zituen ofizialki ateak lantegi berriak. Lehendakariaz gain, Gipuzkoako Diputatu Nagusi den Markel Olano, Idiazabalgo alkate den Ioritz Imaz, Ekonomiaren Garapena eta Azpiegituretako sailburu den Arantxa Tapia, Ingurumen, Lurralde Plangintza eta Etxebizitzako sailburu den Iñaki Arriola, Ekonomia Sustapeneko,

Landa Inguruneko eta Lurralde Orekako Diputatu den Ainhoa Aizpuru, Diputazioko hainbat zuzendari eta Goierri Valley, Goieki, Goierri Fundazioa, ADEGI, Merkatal Ganbera, Fluidex, LKS,… bezalako enpresa eta erakundeetako ordezkariak izan ziren bertan.

Fabrika berri hau Idiazabalen kokaturik dago, 12.500 metro karratu inguruko azalera du eta merkatuko 4.0 mekanizazio zentro adimentsuenak instalatu dira bertan. Baita bezeroei zerbitzu gama zabalago bat eskaintzeko ekipo berriak ere. Besteak beste, soldadura estaldurak burutzeko instalazioak, entsegu ez suntsitzaileak burutzeko guneak, etab.

58 2018KO MUGARRI NAGUSIAK · Ekitaldiak

VALVE WORLD ERAKUSTAZOKA:

AMPO POYAM VALVESek Düsseldorfeko VALVE WORLD azokan, Alemanian, erakusle gisa parte hartu zuen azaroaren 27tik 29ra. E93 postuan egon zen, Messe Düsseldorf erakusketa gunean. Industriako ekintza espezializatuenetako bat da eta, horregatik, berriz hara joatea erabaki genuen.

Erakusle gisa parte hartu ez ezik, AMPOko Berrikuntza eta Teknologien Garapeneko zuzendaria den Leire Colomo, konferentzia bateko hizlaria izan zen berriz ere. Azaroaren 27an hitzaldi interesgarri bat eman zuen zerbitzu zorrotzeko aplikazioei buruz. Bertan, higadura-saiakuntzez eta modelaketa numerikoaz jardun zuen, fidagarritasun handiko zerbitzu zorrotzetarako balbulak diseinatzeko.


REFCOMM GALVESTON ETA REFCOMM VALENCIA ERAKUSTAZOKAK:

2018an REFCOMM erakustazoketan parte hartzen hasi ginen; hain zuzen, horiek jotzen dira kokizazio atzeratu, isurkinen cracking katalitiko (FCC) eta sufre-berreskurapenari buruzko munduko topagune nagusitzat.

Lehen erakustazoka Refcomm Galveston izan zen, maiatzaren 7tik 11ra Galvestonen egindakoa (Texas, AEB); bigarrena, berriz, Refcomm Valencia egin zen, Valentzian, Espainian, urriaren 1etik 4ra. Fintzearen industriarako soluzio-eskaintza aurkeztu ez ezik, Valentzian, produktuaren garapeneko gure ingeniarietako batek, Lander Aranburuk, eta David Swensenek, Downstream Negozioaren Garapeneko zuzendariak, hitzaldi bat eman zuten kokizazio atzeratuko unitateetako balbula arren eta switchen jokabide eta errendimenduari buruz.

AMPO POYAM VALVESek finketa merkaturako produktu gamarik zabalenetako bat eskaintzen du egun:

• Balbula arrak

• Switch balbulak, kontroletarako

• Konporta balbulak

• Goi-tenperaturetarako boladun balbulak

• Pressure Seal diseinuko balbulak, goi-presioko lurrun-lineetarako

• Axial erretentzio balbulak


CTCIK ANTOLATUTAKO HORNITZAILEEN JARDUNALDIA, TAIWANEN:

AMPO POYAM VALVES CTCIren Hornitzaileen Egunera bertaratu zen martxoan, jardunaldia bezeroaren egoitza nagusian, Taiwanen, ospatu zelarik. CTCIk antolatutako topagune horren helburu nagusia zen bere Hornikuntza Kate Estrategia mundu osoko bere hornitzaile garrantzitsuenekin partekatzea.

CTCI da egun Taiwango hidrokarburoak prozesatzeko industrian ingeniaritza-konpainia liderra, eta AMPOk 15 urte daramatza bezero horrekin buruz buru lankidetzan. Bezeroaren betekizunak sakon ezagutu eta askotariko proiektuetan lortutako emaitzei esker, bezeroak eutsi egin dio gurekiko zuen konfidantzari.

Nabarmendu behar da, adibidez, DAHEJ LNG III. Faseko

proiektuan AMPOk izandako errendimendua. Bertarako 1.000 boladun, globo, konporta eta erretentzio balbula kriogeniko baino gehiago hornitu zituen 2017 eta 2018an. DAHEJ LNG gas likidotua lurruntzeko instalazio hau Gujarat estatuan kokatzen da (Indian) eta proiektu honen hirugarren faseari esker, planta horrek 10 mmtpa-tik 15 mmtopa-ra areagotuko du bere produkzio-ahalmena. Horretaz gain aipatzekoa da AMPOk 2005etik 2014ra bitartean 2.400 balbula kriogeniko baino gehiago ere hornitu zituela proiektuaren aurretiazko faseetarako.

JUBILATUEN EGUNA:

Urteroko legez, urriaren 4an AMPOko Jubilatuen Eguna ospatu genuen. Kasu honetan, Euskal Herriko kostaldean. Egun berezi honen helburu nagusia egungo bazkideen eta jubilatuen arteko loturari eustea da.

Goizean goiz autobusa hartu eta Hondarribira abiatu ziren ia 100 jubilatu eta AMPOko ordezkaritza zabal bat. Bertan kooperatibaren egungo egoeraren berri eta etorkizuneko proiektuen berri eman zieten Kontseilu Errektoreko Presidente den Jon Gorrotxategik eta AMPOko Koordinatzaile Orokorra den Pablo Mendizabalek. Besteak beste, sektorearen egoera azalduz, 2018ko hito nagusienak aipatuz eta etorkizunera begira lantzen ari diren proiektuak ere eurekin konpartituz.

Honen ostean, AMPOk partaidetza duen NER BREEN proiektua ezagutzeko parada izan zuten. Hain zuzen ere, arrain eta barazkien produkzio akuaponiko jasangarrira dedikatzen den enpresa berritzaile bat.

Azkenik Irungo Atalaia jatetxean bazkari eder batekin eman zitzaion egun zoragarri honi amaiera.


“ENPRESAREAN” TOPAKETA:

Urriaren 25ean Gipuzkoako Foru Aldundiak babestu eta Bai Euskararik antolaturiko “Enpresarean” azokaren laugarren edizioan parte hartu zuen AMPOk; pertsonak, digitalizazioa eta transformazioaren etorkizuneko erronken inguruko solasaldi interesgarri batean hizlari izan zelarik AMPOko Berrikuntza eta Garapen Teknologikoko Zuzendari den Leire Colomo. Tertulia honetan, Ikanos, Elay eta Ibarmiako beste hainbat ordezkarik ere parte hartu zuten, gaur egungo digitalizazioaren paradigmak aztertu, askotariko iritziak partekatu eta etorkizunera begira jarriz. Mahai inguru hau BERRIAko kazetari batek dinamizatu zuen.

Solasaldi hontaz gain, “Enpresarean” ekimenak beste hainbat hitzaldi eta solasaldi ere barnebildu zituen, pertsonak eta horien ongizatea izanik protagonistak, digitalizazioa eta transformazioaren etorkizuneko erronkaren aurrean.

“Enpresarean” ekimen honen helburua euskaraz lan egin nahi duten enpresen eta profesionalen arteko harremana eta elkarlana sustatzea da, etorkizuna ulertzeko modu ezberdina duten ekonomia eta teknologia arloko profesionalak batuz.

Gipuzkoako Foru Aldundiaz gain, ekitaldi hau SPRIk, Hernaniko udalak, Laboral Kutxak, Orona Fundazioak, EITBk,…-ek babestu zuten.

MATERIALEN ZIENTZIA ETA TEKNOLOGIAREN IV. KONGRESUA:

Uztailean Donostiako Ceit eta Tecnun-en egoitzan ospatu zen Materialen Zientzia eta Teknologiaren IV. Kongresuan parte hartu genuen. Kongresu hori euskaraz osoki egiten den topaketa bat da eta haren helburua Euskal Autonomia Erkidegoko produkzio zientifiko eta teknologiei buruz aritzea da.

Kongresuan 120 aditu inguruk parte hartu zuten. Uztailaren 3an, gainera, gure Berrikuntza eta Teknologia Garapeneko zuzendariak materialei eta produktuen teknologiari buruzko mahai-inguru batean parte hartu zuen Petronor Innovation, SPRI Taldea, Mondragon Componentes eta Vicinay Marine Innovationko kideekin batera.


SALMENTA ORDEZKARIEKIN KONBENTZIOAK:

AMPOk ordezkari eta agenteen sare zabal bat du egun, eta mundu guztiko 60 herrialde baino gehiagotan dago.

Urtearen joana aztertu eta batez ere, 2019. urterako estrategia komertziala diseinatzeko, salmenta ordezkarien batzar ospatu zen Idiazabalen urte amaieran eta hainbat herrialdetako ordezkariak izan ziren bertan: Txina, India, Estatu Batuak, Espainia, Australia, Tailandia, Errusia, etab.

Konbentzio honetan AMPOren azken nobedadeak eurekin konpartitzeaz gain, talde lana sendotzeko ere ekitaldi bat antolatu genuen; pintxo lehiaketa berezi bat, hain zuzen ere.

API KONBENTZIOETAN PARTE-HARTZEA:

API (American Petroleum Institute)-k Estatu Batuetan antolatzen dituen biltzarretan parte hartu zuen AMPOk 2018an. Bilera hauen helburua API estandarrak garatzea izaten da, networking-a sustatu eta oil&gas sektorearen inguruko eztabaidak sortuz.

Jardunaldi hauetan, produktu eta ekipoen ekoizleen ordezkariez gain, oil & gas sektoreko ingeniaritza eta bezero erabiltzaileek ere parte hartzen dute, eta ekipamendu ekoizleak askotariko lantaldeetan banatu ohi gaituzte, guk “Balbulak eta hodiak” deitutako lantaldean parte hartu ohi dugularik.

Honenbestez aipatzekoa da AMPOk aktiboki parte hartzen duela API araudien definizioan eta erraz aplikatzen dituela arau horiek balbulen garapenean.

URTEKO BATZARRAK:

Maiatzaren 18an kooperatibaren Ohiko Batzar Nagusia ospatu zen Idiazabalen, urteko kontuak aurkeztu eta onartu zirelarik bertan.

Bestalde, abenduaren 21ean Ezohiko Batzar Nagusia bildu zen. Batzar horretan 2019.urterako Kudeaketa Plana aurkeztu zen (kooperatiban “Ideiak eta Helburuak” izenez ezagutua). Batzar biei amaiera emateko, AMPOko pertsonek bazkaria izan zuten.

Commitment made of steel

AMPO HEADQUARTERS · 20213 IDIAZABAL · GIPUZKOA-SPAIN

www.ampo.com · [email protected]

gizarte konpromisoari buruzko memoria 2018 · 2. 2018.urtea ampon, begiratu batean 3. misioa,...

Documents