O meu Advento 2011
Que sexa un tempo ilusionante,
un canto marabilloso
de esperanza.
Que saiba consolar os que choran e dar
esperanza aos tristes.
Que estea atento ás
chamadas do Espírito.
Que aprenda a ser persoa de paz.
Que creza un pouquiño o meu amor e solidaridade
cos máis próximos.
Fai de min un pan de amores
partido e comido polos
que teñen fame.
Ven, Señor, rompe as miñas cadeas e faime libre.
Ven, Señor, ilumina as miñas tebras e aumenta
a miña fe.
“Que o Deus da esperanza nos ateigue de todo gozo e paz na
nosa fe ata desbordar de esperanza pola forza do Espírito
Santo” (Rom 15, 13).
Feliz e proveitoso Advento
2011
ALFREDO