cando petan na porta pola noite
DESCRIPTION
Paula GestalTRANSCRIPT
CANDO PETAN NA
PORTA POLA NOITE
AUTOR: Xabier P. Docampo
EDITORIAL: Edicións Xerais de Galicia
XÉNERO: Narrativo
NÚMERO DE PÁXINAS: 81
BIOGRAFÍA DO AUTOR: Francisco Xabier Ponte Docampo, coñecido
como Xabier P. Docampo naceu o 5 de abril en Rábade no ano 1946.
Estudou a carreira de Maxisterio. Percorreu case toda Galicia como actor
de teatro e posteriormente incorporouse como colaborador á Radio Nacional
de España en Galicia, emisora para a que escribiu e dirixiu diversos
programas. Con Cando petan na porta pola noite recibiu o Premio Rañolas
1994 ó mellor libro galego editado nese ano.
Xoves, 3 de xaneiro de 2013
“Axexei polo poxigo e souben por fin cal era o lume causante de
tanta luz: a forza dun ferreiro.
Amarrei a besta na argola e, co pau que levaba, petei con forza na porta ó
tempo que berraba: Laus Deo.”
Empecei a ler o libro e ó principio non entendía moitas das palabras
que aparecían, pero seguín lendo e funme interesando máis. O que sigo sen
entender é porque o protagonista deste capítulo para saudar di esas
palabras que para min non teñen sentido ningún.
Xoves, 3 de xaneiro de 2013
“Pouco a pouco fun perdendo o reparo que me producira comprobar a
semellanza que entre nós os dous había.”
Se realmente a min me pasara o mesmo que ó protagonista desta
historia sentiríame moi incómoda, xa que é como se estivese a ver a miña
cara seguido nun espello.
Xoves, 3 de xaneiro de 2013
“Estiven un bo anaco sentado nunha pedra ollando de cada pouco o meu
rostro no aparello. Unha e outra vez vin o rostro do ferreiro. O meu
corazón íase enchendo de xenreira. ¡Aquilo non fora un accidente! ¡Todo
fora feito adrede!”
Gustoume esta historia, pareceume
interesante aínda que ó principio non pensaba
que me ía gustar tanto, xa que non entendía
moitas das palabras que aparecían.
Xoves, 3 de xaneiro de 2013
“Pon e compón, pensaron que a mellor maneira de poñer á vella no
seu sitio era arrimarlle unha boa somanta sen lle dar
máis explicacións que os paus que levase.”
Cando lin esta frase pensei que o de pegarlle a
unha vella por andar meténdose na vida dos demais e
inventando cousas era demasiado grave. Entendo que ás
persoas desta historia lles pareza mal todo o que ela
inventa, pero non por iso lle habería que pegar, o mellor sería pasar de
todo xa que todo o mundo sabía que ela era así. Se isto pasara na vida real
pareceríame unha parvada o de pegarlle.
Xoves, 3 de xaneiro de 2013
“Efectivamente, pegou o lume na vella e as lapas viraron a facer
cores azuis e verdes. O cheiro da carne queimada non é precisamente un
perfume, pero eles permanecían alí, diante do portelo ollando o
espectáculo.”
De momento esta historia é a que máis me gusta. É moi entretida e
hai anacos que hasta me dan medo. Gustaríame que esta historia fose máis
longa e que dela se fixese unha película.
Xoves, 3 de xaneiro de 2013
“Seguiu achegándose e cando estivo ó pé da cama estricou o brazo
cara a min, pousoume a man –ósos esburgados con anacos de carne que
fumegaban a pendurar dalgúns dedos-, no ventre, e penetrou dentro de min
coma un coitelo quente nunha pela de manteiga.”
Foi ler estra frase e pensar nunha das miñas películas preferidas:
Insidious. Nesa película pasaba algo parecido ao que, segundo o Fornadas,
lle fixera a vella a el.
Venres, 4 de xaneiro de 2013
“– Boa a teña vostede, que en de por si non é. Prenda aí e pase, que
a noite non é boa para estar fóra. –respondeu a silueta arredándose para
lle deixar o paso franco.”
Sendo sincera, ao empezar a ler esta historia recordoume moito á
primeira que lera, xa que as dúas empezan de similar forma: cun home
camiñando co seu animal, con mal tempo e sen sitio en onde pasar a noite.
Venres, 4 de xaneiro de 2013
“- ¿E logo a vostede, que xa estivo varias veces na Reborica, nunca
lle contaron a historia da Isaura?”
Esta muller recórdame moito a forma de falar da xente maior.
Recórdame aos meus avós e cando algunha vez me contaban algunha das
historias de cando eles eran máis novos.
Venres, 4 de xaneiro de 2013
“O becho saltou uns chantos e meteuse na aira dunha casa,
atravesouna e foise agochar nunha palleira de herba
seca. Chegaron os das escopetas e o home da casa
indicoulles onde se metera. Foran cara a alí pero, cando
aínda lles faltaban dez ou quince pasos para chegar, a
loba chantouse na porta facéndolles fronte.”
Quizás esta historia sexa a que menos me guste, pero aínda así está
ben. O que menos me gustou dela é que para o meu punto de vista bota
demasiado tempo falando da vida do Silvestre e non se centra tanto no que
realmente importa, pero o final si que me gustou moito, foi moi entretido.
Venres, 4 de xaneiro de 2013
“Todo comezara un día que chegou á casa e retirou da caixa do correo
un sobre que xa lle resultou estraño, traíalle lembranzas da infancia, tanto
porque era dos de loito, coma pola súa propia textura; era dos que se
chamaban de tea, que tiñan efectivamente un tacto coma dun tecido fino.”
Supoño que o que un pensa cando lle chega un de eses sobres á casa
e que algo malo ocorreu e que algún familiar ou amigo que estaba enfermo
puido falecer, pero neste caso o protagonista abre o sobre con toda
normalidade.
Venres, 4 de xaneiro de 2013
“Viña atado cunha fita na que estaban pegadas unhas letras nas que se podía
ler: NON TE ESQUEZO. Aquilo xa comezaba a pasar de broma, porque
de seguro que se trataba dunha broma.”
Esta historia cada vez estase a pór máis interesante, cada vez
gústame máis. Engánchate dunha maneira que parece que non podes deixar de
lela.
Venres, 4 de xaneiro de 2013
“No inferior, debaixo dunha cruz viña o seu nome a imprenta seguido
da data fatídica na que sempre recibía as cartas do seu cumpremortes; pero
o ano non era o que corría, nin o seguinte, senón outro máis, e debaixo, as
letras D.E.P.”
Ao final esa data chega e o home non morre, pero sigo sen entender
como a muller puido adiviñar a data da suposta morte do home. Quizás foi
porque ela xa non era real, segundo di ela non foi capaz de cambiar o seu
destino e por iso a data do seu cumpremortes si ocorreu. Un final confuso,
pero sen dúbida a miña historia preferida.
Paula Gestal Rodríguez 1ºB