Buki di informacion

Aña escolar 2017-2018

Colegio Conrado Coronel Scol publico pa enseñansa primario. Morgenster 56 D/E Tel seccion preparatorio: 588-5699 Tel. seccion basico: 583-5558 Fax.: 588-4457 Email: colegioconradocoronel@gmail.com Bank: C.M.B. # 25859110

2

Contenido

Introduccion 3 Personal di C.C.C. 4 Orario di scol 6 Contribucion di mayor 7 Huiswerk 8 Carta di aviso 8 Cuido di scol 9 Anochi di mayor 9 Entrega di rapport 10 Coco cushina 11 Cocobieb 12 Falta scol 13 Conducta 13 Participacion di mayor 14 Uniform 14 Prome Santa Comunion 15 Reglanan di scol 15-17 Dia liber 18 Jingle C.C.C. Mision y Vision 19

3

Augustus 2017 Apreciabel mayor, alumno y colega di Colegio Conrado Coronel, Pa cuminsa nos kier a desea Juf Vivecca Franken, Juf Shaendeeh Dijkhoff-Croes y Juf Suhail Copra exito den nan reto nobo. Nos ta desea nos coleganan nobo esta juf Mary-Ann Christiaans (klas 1B) juf Celienne Tromp (klas 3A) y men Jeremy Lanooij (klas6A) hopi sabiduria, perseverancia y pasenshi cu e alumnonan. Bon bini cerca e famia di Colegio Conrado Coronel! Pone bon atencion cu enseñansa obligatorio ( leerplicht) ta na vigor y nos mester manda tur informacion pa dicho departamento. No por biaha ora tin scol ( tin vakantie di october, december, april y vakantie grandi pa por biaha) E aña aki e proyecto piloto, Proyecto Scol Multilingual ( S.M.L.) ta drenta klas 6. Manera boso sa Scol Multiingual ta para pa un enseñansa rico na idioma pa asina boso yiu tin mas posibilidad den bida.Den klas 6 idioma di instruction ta Hulandes, Papiamento ta como materia. Ban nos tur haci nos maximo esfuerso pa e aña escolar aki ta uno exitoso. Juffrouw Lourdes Vries Cabesante Colegio Conrado Coronel An investment in KNOWLEDGE always pays the best INTEREST Ben Franklin

“Pa compronde e curason y mente di un mucha, no

worry kico ya e la haci. Check kico e ta aspira di logra”

Skirbi door di Sr. Gerardo Figaroa

4

Team di Colegio Conrado Coronel juf Lourdes Vries cabesante

men. Frank Dirksen cabesante suplente

juf Sheila Croes-Figaroai invaller di seccion preparatorio

juf Ineke Lopez guia interno (i.b’er) klas 3- 6

juf Marjorie Imperator guia interno ( i.b’er) seccion prep. y klas 1+ 2

juf Emeli Janga maestra di Prisma

juf Annemarie Pronk maestra di Prisma

juf Gislaine Christiaans maestra di guia special

juf Rujina Comenencia grupo 1 (berde)

juf Kimberly Vijsma-Arends grupo 2 (blauw)

jufJoanne Tromp grupo 3 (peach)

juf Noémi Lacle-Rasmijn grupo 4 ( geel)

juf Analia Rosel –Naar asistente di maestro

juf Lucelina Blanco-Wever asistente di maestro

juf Angela Waterham asistente di maestro

Juf Giselle Fingal asistente di maestro

Juf Jaira Croes asistente di maestro

Juf Sharon Tromp-de Kort klas 1A

juf Mary-Ann Christiaans klas 1B

juf Angelique de Sousa klas 2A

juf ClariceBufalini-Ras klas 2B

juf Celienne Tromp klas 3A

juf Stephanie Angela klas 3B

jufMirela Werleman klas 4A

juf Ann-Jillian de Haseth klas 4B

5

juf Maribel Silva de Andrade klas 5A

juf Jade Padron klas 5B

men Jeremy Lanooij klas 6A

juf Jelly Wong klas 6B

Juf Juliska Kelly invaller

Juf Gislaine Coffie juf di les di spaño

juf Marina Haynes juf di les di ingles

men. Shannon Rollock men. di movecion y salud

men. Rodrigo Ramirez men. di gym pa klas 4-6

men Walter van der Biezen trahado administrativo

juf Miriel Croes Trahador social di scol Vivian Arends “werkster” Mirtha Arends “werkster” Soraida Lacle “werkster” Astrid Laurence “werkster” Loritsa Wernet “werkster” Jacqueline van Dinter “werkster”

6

ORARIO DI SCOL

Seccion preparatorio Seccion basico

07.45—12.30 07.45—10.00

10.00—10.15 ( prome pauze)

10.15—11.45

11.45 – 12.00 (di dos pauze)

12.00—13.03

SUPLICA!!!

Nos ta pidi Mayornan pa percura pa e yiu(nan) bin scol na

ora; esaki kiermen no mas laat cu 7.40 a.m.

Si bo yiu ta laat, e mester pasa busca un carchi na administracion pa e por drenta klas y e ta keda registra.

Pero si Bo yiu yega despues di 8.15 or, Mayor mester yama

scol of manda e yiu cu un carta, sino e no por drenta klas.

Yegamento laat no ta na fabor di e imagen di un persona.

P’esey ta consehabel pa, for di chikito, duna bo yiu un bon

formacion den esaki.

No lubida di bin busk’e na tempo tambe. Ta iresponsabel pa

laga bo yiu warda te laat.

Tin supervision tur dia te cu 13.30 or.

7

CONTRIBUCION DI MAYOR E aña aki e contribucion ta : Seccion preparatorio……….. Afl. 175,- Seccion basico……………… Afl. 175,- E contribucion aki ta pa entre otro:

Seguro di scol publico (colectivo) Cocobieb Mantencion di airco Actividad / excursion / bishita

Contribucion di mayor mester ta paga na banco prome cu fin di september 2017 CMB # 25859110 Por fabor menciona: Nomber y klas di Bo yiu y Bo adres y trece un copia di e pago scol!!! Atencion Nos kier suplica mayor pa no para boso auto riba acera of bou di mata di kwihi!!! Tin suficiente lugar di para!! Ora di uza e “invoegstrook”, no keda para warda, djis baha bo yiu y sigui core!! Tene cuenta cu otro. Esaki ta pa percura cu e trafico por sigui ý pa evita stress cerca e mayornan cu ta pega tras di e auto cu ta keda para.

8

LESAMENTO TA UN INSTRUMENTO HOPI IMPORTANTE DEN DESAROYO DI SIÑAMENTO!!! BAN STIMULA NOS MUCHANAN PA NAN LESA!!!

HUISWERK Lo ta bon si tur dia boso como mayor controla si boso yiu tin huiswerk. Percura pa bo yiu tin un luga trankil y comodo pa e por traha y siña. Mester bira un custumber p’e, cu entre tal ora y tal ora e ta haci su huiswerk tur dia.

Si pa un motibo of otro Boso yiu no por a haci su tarea, por fabor notifica scol. CARTA DI AVISO Nos tin na scol un sistema pa informa mayornan na tempo di cualkier incidente, e asina yama carta di: “AVISO PA MAYOR”. Por fabor, ta necesario pa mayornan firma e aviso y mand’e scol bek.Mas importante ta pa boso actua riba e aviso aki. Por ehempel si boso a ricibi un aviso bisando cu boso yiu a keda sin haci su huiswerk, por fabor papia cu boso yiu riba esaki y sigui controla boso yiu tambe. E aviso su meta ta pa spierta mayornan. Por fabor tuma e avisonan aki na serio! CUIDO DI SCOL Scol ta duna tur mucha na comienso di tur aña escolar tur locual e tin mester den klas pa su uzo ( buki y schrift). Pero cada mucha mester siña cuida e materialnan aki. . Si mancha, susha, kibra of skirbi den e bukinan, mester paga pa e daño haci. Tambe nos mester cuida nos edificio y tene e tereno di scol limpi. No tira sushi abou, no skirbi riba muraya, ni rasca e bankinan. Laga nos cuida locual ta di nos!

Anochi di Mayor Cada aña escolar nos ta tene oficialmente 4 anochi pa mayor. mayornan lo ricibi di antemano un carta di invitacion pa cada anochi di mayor. Nos ta purba pa duna mayor un cita, por sosode cu mayor mester warda un rato, nos ta conta riba comprecion di mayor. Seccion preparatorio Seccion basico ►Anochi informativo ►Anochi informativo

(den luna di september 2017)

9

►6 december 2017 ► 27 september 2017 (klas 2 - 6) ► 7 december 2015 ► 31 jananuari 2018 (klas 1-6) ► 3 februari 2016 ►18 mei 2017 (klas 1 t/m 5) ENTREGA DI RAPPORTENTREGA DI RAPPORT Seccion preparatorio Seccion basico (Ta duna e rapport na e alumno mes p’e hiba cas): ● 6 december 2017 ● 6 december 2017 ( klas 1-6) ● 16 april 2018 ● 27 maart 2018 ( klas 1-6) ● 2 juli 2018 ● 5 juli 2018

N.B.: Pa klas 1 tin un diferencia : Dia 4 di december nan lo ricibi nan prome “rapport di palabra”. Despues e rapportnan ta sigui mescos cu e otro klasnan di seccion basico.

Cada mayor mester mustra interes pa progreso di su yiu na scol.

Por fabor acudi na e anochinan aki. Boso presencia ta altamente aprecia.

Tambe por pasa personalmente cerca e juffrouw of meneer di klas of mainta tempran prome cu scol cuminsa of despues di scol. Lo ta miho si Bo manda avisa na tempo.

Despues cu les cuminsa no ta permiti pa interumpi e proceso den klas mas.Si tin algo pa e yiu (buki, huiswerk, cuminda), por fabor laga esaki cerca meneer Walter den oficina di administracion!!

10

SUPLICA! Nos ta pidi tur Mayor pano bin cu mucha riba e anochinan pa mayor. Ultimo tempo tin mucho desordo na scol y e maestronan no por papia den forma trankilo cu e mayornan. Si ta imposibel pa haya un hende pa tira bista un rato riba e yiu, nos ta pidi mayornan pa instrui e yiu cu e mester sinta keto warda y no trece rollerblades, step of otro cos pa e entretene su mes y asina stroba e reunionnan den e klasnan.

COCO CUSHINA Ta responsabilidad di cada mayor pa percura pa su yiu tin algo di come y bebe pa bin scol cu ne. Tin biaha esey no ta posibel pa un of otro motibo. E ora ey scol ta yuda dor di bende cos di come y cos di bebe den prome pauze. Tambe cada klas tin su awa friu. Laga bo yiu trece un beker scol si, pa su uzo personal. Nos di Conrado Coronel tambe ta preocupa pa e salud di nos alumnonan. P’esey nos a bini cu un menu mas balansa. Cushina di CoCoCo ta ofrece: Dia Pan Dialuna Pan cu hotdog Diamars Arepa Diaranson Hamburger Diahuebs Pan cu croquet Diabierna Pan cu sate Tur dia tin Fuse -Tea y Malta. Pan ta costa 2,50 y cos di bebe 2,00 Diabierna ta bende chips pa afl. 1,50

11

COCOBIEB Tur klas cu nan maestro ta haci uzo di e biblioteca di scol y nan ta na altura di e reglanan pa uzo di nos biblioteca. Pero toch tin algun punto y regla cu nos di Cocobieb ta desea di informa Boso di dje. Cada mucha ta haya un carchi cu ta keda scol. Cu e carchi aki un mucha por fia buki cada dos siman bou di guia di su maestro. Mas padilanti den e buki tin un stempel cu ta indica e fecha cu mester entrega e buki bek. Cada klas tin su dia fiho pa cambio di buki. Si un mucha lubida su buki of e ta malo, e ta haya dos siman mas acerca. E mucha no mag di busca otro buki. NO LUBIDA DI TRECE BO BUKI RIBA E FECHA INDICA. Si Bo kier keda mas tempo cu un buki, pasobra bo no a caba di les’e of bo tin mester di dje pa prepara un charla, “spreekbeurt”, ta posibel pa haya dos siman mas acerca. Si bo perde of destrui e buki por completo, bo mester paga e prijs completo di un nobo.. Nos tur mester coopera y cuida e bukinan hopi bon, pa asina tur mucha por haci bon uzo di nos biblioteca. Semper pone e buki den un saco of tas di plastic y despues hinc’e den bo tas di scol pa evita cu e ta susha. No ta permiti pa skirbi, rasca, kleur, ni dobla blachi den e buki. No susha e buki cu cuminda of bebida. No laga e buki benta unda cu ta. Pon’e semper na un luga fiho, caminda niun ruman chikito no por yega na dje. E no sa cuida buki ainda y e por kibr’e. Tambe nos ta haci un suplica na tur mayor: Si boso tin buki pa mucha na cas cu niun hende no ta lesa mas, por fabor, regala scol e bukinan ey pa nos Cocobieb. Nos muchanan por haci bon uzo di nan. SI TIN MAYOR CU TIN PREGUNTA AINDA OF CU TA DESEA DI PASA WAK E COCOBIEB, POR TUMA CONTACTO CU E SIGUIENTE PERSONA:

Sra . Jacqueline van der Linde Tel: 587-5934 / 565-7021

12

FALTA SCOL Por sosode cu Bo yiu mester falta scol, pasobra e ta malo of pa otro motibo. Riba e siguiente dia cu Bo yiu bin scol, e mester trece un carta firma pa tata of mama mencionando e motibo. Tambe ta posibel pa e mayor yama scol y duna e motibo na e cabesante. No ta acepta respondi cu e mucha mes!! Pero si bo yiu tin un di e siguiente malesanan, por fabor no mand’e scol pa e no pega e otro muchanan: wowitis (wowo malo) diarea bruela sarampi pieu etc….. Esaki pa evita epidemia na scol. Ta consehabel, ora bo yiu bira bon y e ta bin scol bek, pa trece un carta di dokter di cas. CONDUCTA Tur mucha cu ta na scol mester comporta nan mes decentemente. Esey ta nifica, comunica cu juffrouw, meneer y otro mucha na un bon manera. No ta permiti uzo di palabra mahos, ni falta di respet pa otro na scol.

Si un mucha no tene su mes na esaki, lo mantene e siguiente procedura.

Na e prome ocasion e mucha lo haya un aviso.

Si no tin cambio den su conducta, lo manda yama e mayornan pa papia tocante esaki.

Den caso cu e conducta aki persisti, scol ta hay’e obliga di tuma medida mas pisa. .Lo haci uzo di articulo 35 di “Regeling Schoolreglementen Openbaar Basis en Speciaal Onderwijs”.Por schors e mucha 3 dia for di scol.

Y den caso extremo por pidi pa kita e mucha for di scol.

13

PARTICIPACION DI MAYOR Ora no tin scol pa Boso yiu, nos ta avisa Mayornan: 1. Si nos sa di antemano, nos ta manda un carta. 2. Pa 07.15 or nos ta pone e anuncio riba un borchi grandi dilanti di scol 3. Den cierto caso nos ta yama cas. Durante ora di scol tin hopi actividad cu cual mayornan por yuda. Nos lo aprecia esaki masha hopi mes. Si abo ta desea di yuda cu cualkier actividad, Bo por acerca e juffrouw of meneer di klas di Bo yiu libremente. Nos ta desea yudansa di mayor pa lo siguiente: les di lesamento (“leesmoeders”), les di obra di man, asistencia den Cocobieb (“biebmoeders”), asistencia ora di excursion/actividad/bishita. Di antemano masha danki!!! UNIFORM Nos ta uza uniform na scol. Uniform di scol y uniform di deporte (pa durante les di gym so!) ta obligatorio! Laga nos tene nos mes na esaki tambe. Mayornan mester percura pa e yiu bin scol tur dia cu su uniform bisti. Por fabor, percura pa e uniform ta limpi y sin buraco, ni mancha! Nos tin un color so. ( poloshirt geel y rand kaki) y e carson ta jeans blou of carson kaki! Tur pedida ta bay via : Pa mas facil pa Mayor, por haci pedido henter aña! No ta permiti uniform cu ta imprimi na un otro imprenta. Danki pa e cooperacion aki!!

Impex N.V. Sividivi 1A Tel. 582-9310 / 963-0010

14

PROME SANTA COMUNION Scol mes no ta prepara mucha pa haci nan Prome Santa Comunion.E añ’aki scol no a ricibi formulario pa Prome Santa Comunion, informacion cu scol a ricibi cu cada mayor mester acudi na su parokia.

Por yama scol pa cualkier informacion.

REGLA DI SCOL 1. Riba gang nos ta cana 2. Nos vocabulario di C.C.C. no ta contene palabra mahos. 3. W.C. nos ta uza corectamente 4. Riba speelplaats nos por hunga y core pero no ta permiti wega brutu Manera lucha liber, yudo etc 5. Bicicleta nos ta pone padilanti di scol. 6. Pa un mucha bandona tereno di scol e mester permiso di e cabesante. 7. Ora e prome bel bati despues di pauze, tur mucha

ta bay para den rij. Na e di dos bel cada klas ta bay paden hunto cu su maestro. 8. Mucha cu ta bin scol cu pechi ta kita su pechi ora e yega scol, warde den su

tas y bistie bek ora e sali di cura di scol 9. Ta bende cos di come y cos di bebe solamente den

prome pauze. 10. Ta come solamente den klas. 11. Ora un mucha falta scol, e mester trece un carta di su mayornan e siguiente biaha cu e bin scol.

15

12. Ora un mucha yega laat of falta scol sin notificacion di un mayor, haya un mal punto pa un proefwerk, no traha su huiswerk of comporta su mes malo na scol, e Mayornan lo ricibi un carta di aviso cu mester bolbe scol, firma. Esaki ta pa informa mayornan na tempo. 13. Si un mucha comporta su mes continuamente malo, e lo mester presenta cerca e cabesante. Si no tin cam- bio den su conducta, lo manda yama e mayornan pa un combersacion. Si e conducta persisti, lo por suspende e mucha pa algun dia. Como ultimo recurso lo pidi pa kita e mucha for di scol. 14. Solamente maestra(o) ta uza “white out” na scol. 15. E alumno mester bincu keds of sapato cu mea bisti ( sapato cu hilchi of slof ta pa tempo liber) Solamente si e pia ta malo, por permiti slof. 16. Pa les di educacion fisico ta uza uniform di

deporte. 17. Na seccion basico solamente alumnonan cu ta haya les riba seguno piso

ta subi hunto cu nan maestra(o). Ningun otro momento ta permiti mucha riba segundo piso.

18. Scol no ta responsabel pa nada di balor cu un alumno perde of kibra. Laga nan

warda na cas mescos cu klapchi!! 19. Bals nos ta warda pa na cas. 20. Tur sorto di arma ta prohibi na scol 21. Na momento cue alumno yega scol celular ta wordo paga/pone na “silent mode”Si acaso haya un alumno mientras e ta uza su celular, e celular lo keda cerca e cabesante. E Mayor mester bin busc’e. 22. Rench’i orea ta permiti solamente pa mucha muher.

16

23. Scol ta cuminsa 7:45 a.m. Por fabo trece bo yiu prome cu 7.45 Si e ta yega laat e ta perde les y ademas e ta stroba les. Nos ta suplica cada mayor responsabel pa no keda

combersa cu Bo yiu of cu su juffrouw of meneer, despues cu Bo a hiba Bo yiu den klas! Esey ta stroba! Si ta desea pa combersa cu otro mayor por haci esey pafo di cura di scol. 26. Scol ta caba 12:30 p.m. (seccion preparatorio) y 13.03 p.m. (seccion basico) Por favor busca Bo yiu na ora!

Ningun muchata sali prome cu 12:30 p.m. (seccion prep.) y 13.03 p.m. (seccion basico).

Solamente den caso di urgencia esaki ta permiti cu permiso di : Cabesante juf Lourdes Vries 27. Na seccion preparatorio nos ta uza mainta e porta dilanti

y merdia e porta di patras, pa no stroba e 1ste klasnan.

27. Na seccion preparatorio ora di come ta 10:00 – 10:30 a.m. Por fabor, pone un serbete chikito den tas, pa e mucha pone su cuminda riba dje. Laga Bo yiu bin scol tur dia cu algo di come y bebe, p.e. juice, pan of un fruta. Evita likido cu gas (p.e. malta of refresco) den termo. Por fabor, percura pa Bo yiu come algo prome cu e bin scol mainta. 28. Nos lo avisa mayornan via un carta ora tin un actividad na scol of pafo di scol. 29 Si tin cambio di adres of telefon, por fabor avisa scol personalmente of pa medio di un carta. 30. Si mayornan ta desea di parti (“treat”) algo ora e yiu haci aña, por fabor ,tuma contacto cu e juf of meneer di klas. Por parti fruta of cup cake pero preferibel ni bolo henter ni donuts ( esaki ta hopi sucu) 31 Pa cualkier pregunta, sugerencia, reclamo of remarke relaciona cu nos scol, nos ta semper habri pa scucha. Haci un sita libre- mente cerca e cabesante di scol of e juf of meneer di klas

17

DIA LIBER

Vakantie di october

29 september te cu 6 october 2017

Vakantie di Pasco

18 december 2017 te cu 2 januari 2018

Carnaval

12 februari 2018

Dia di himno y bandera

19 maart 2018

Vakantie Pasco Grandi

29 maart te cu 6 april 2018

Dia di Rey 27 april 2018

Dia di labor

1 mei 2018

Vakantie

Vakantie grandi

9 juli te cu 15 di augustus 2018

Dia di ATV: 5 februari 2018, 30 april 2018

18

Himno C.C.C. Colegio Conrado Nos no por warda un rato } 2x Colegio Conrado, Conrado Coronel. Hisa man, bati man Duna aplauso na nos nomber }2x Hisa man, bati man Duna aplauso na nos scol. Colegio Conrado Nos tur kier honra bo }2x Colegio Conrado Conrado Coronel. Cu amor y respet Disciplina tur caminda }2x Cu amor y respet Disciplina semper bay

Vision C.C.C. mester ta un cas pa cada mucha, sin discrimina ningun, caminda un famia grandi ta siña otro y respeta otro. Cu na final di e tempo e mucha ta sali di e cas aki bon educa cu conocemento, smak pa sigui studia y sigur di su mes. Un persona cu a desaroya tur su posibilidadnan cu un base firme pa e por sigui bay dilanti.

Mision Colegio Conrado Coronel ta transmiti tur conocemento a base di norma, pa medio di e ehempel bibo di su maestronan, cu ta forma un team dinamico y critico, trahando duro pa educa nos alumnonan, riba tereno social, emocional y cognitivo cu cariño, respet y confiansa.