arrigorriagako hiri antolamendurako plan orokorra … · o klima aldaketara egokitzeko eta...

ARRIGORRIAGAKO HIRI ANTOLAMENDURAKO PLAN OROKORRA IDAZTEKO OINARRIA IZANGO DIREN IRIZPIDEAK ETA HELBURUAK EGUNERATZEA ETA BIRFORMULATZEA

2018ko azaroa

ARRIGORRIAGAKO HIRI ANTOLAMENDURAKO PLAN OROKORRA IDAZTEKO OINARRIA IZANGO DIREN IRIZPIDEAK ETA HELBURUAK

EGUNERATZEA ETA BIRFORMULATZEA

2. orrialdea

AURKIBIDE OROKORRA

0. Aurrekariak ........................................................................................................................................................... 3

0.1. HERRITARREN PARTAIDETZAREN ONDOREN “HAPO-REN IRIZPIDEAK, HELBURUAK ETA ALTERNATIBAK” DOKUMENTUAREN GAINEAN DOKUMENTU HONETAN JASOTAKO ALDAKETAK. ................. 3

1. SARRERA................................................................................................................................................................ 5

1.1. PLAN OROKORRAREN IDAZTEKO PREMIA ETA JUSTIFIKAZIOA ....................................................... 5 1.2. PLAN OROKORRAREN DOKUMENTU BERRIAREN HELBURUA .......................................................... 5 1.3. PLAN OROKORRAREN IZAPIDEKETA ALDI BATEAN ETETEA ........................................................... 6 1.4. PLAN ORORRAREN IZAPIDEEI BERRIRO HELTZEA........................................................................... 6

2. 2010EKO AURRERAPENAREN DOKUMENTUAREN ONDOREN ONARTU DIREN ETA

PLANEAMENDUARI LOTUTA DAUDEN ARAUEN DOKUMENTUAK ETA LEGEAK ............................ 7

3. IRIZPIDE ETA HELBURU OROKORRAK ....................................................................................................... 9

3.1. AURRERAKINAREN IRIZPIDE ETA HELBURU OROKORRAK BERRESTEA ............................................. 9 3.2. IRISGARRITASUNA ETA MUGIKORTASUNA .................................................................................. 10 3.3. GENEROA .................................................................................................................................. 11 3.4. OSASUNA .................................................................................................................................. 11 3.5. KLIMA ALDAKETA ...................................................................................................................... 13 3.6. KUDEAKETA ETA KONTROL URBANISTIKOA ............................................................................... 13

4. IRIZPIDEAK ETA HELBURUAK LURZORU URBANIZAEZINEAN ....................................................... 15

4.1. PLAN BEREZIAK ETA BABESTEKO BESTE FIGURA BATZUK ............................................................ 15 4.2. LANDAGUNEEN ORDENAMENDUA .............................................................................................. 16 4.3. HAINBAT GIDALERROREN IRAULKETARI ETA ERAGINEI BURUZKO GOGOETAK ............................. 16

5. SISTEMA SARE OROKORREN IRIZPIDEAK ETA HELBURUAK .......................................................... 18

5.1. BIDE SAREA ............................................................................................................................... 18 5.2. TRENBIDE SAREA ....................................................................................................................... 20 5.3. BIZIKLETA ETA OINEZKOEN SAREA ............................................................................................. 21 5.4. AZPIEGITUREN BESTE SARE BATZUK ........................................................................................... 22

6. BIZITEGI LURZORUETARAKO IRIZPIDEAK ETA HELBURUAK ......................................................... 23

6.1. LEHENDIK DAGOEN BIZITEGITARAKO HIRI LURZORUA BIRDENTSIFIKATZEA ................................ 23 6.1.1 Arau Subsidiarioetan planifikatutako eremuak .................................................................................. 24 6.1.2 Aukerako lurzoru berrietako eremuak ................................................................................................. 24

6.2. BIZITEGI LURZORU URBANIZAGARRIA BIRDENTSIFIKATZEA ......................................................... 25 6.3. ETXEBIZITZA BEHARRARI BURUZKO GOGOETAK ......................................................................... 26 6.4. AUZOAK BERRITZEA ETA ZAHARBERRITZEA ............................................................................... 26

7. JARDUERA EKONOMIKOETARAKO LURZORUAREN IRIZPIDEAK ETA HELBURUAK ................ 27

7.1. HIRI LURZORUAN DAGOEN LURZORU INDUSTRIALA FINKATZEA ETA OPTIMIZATZEA .................. 27 7.2. BENTAKOERREKAKO LURZORU INDUSTRIALEN EGOERA URBANISTIKOA BERRAZTERTZEA ........... 28 7.3. INDUSTRIALDEETAKO KOMUNIKAZIOAK ETA SARBIDEAK HOBETZEA .......................................... 30 7.4. ZERBITZUEN SEKTOREA ............................................................................................................. 30 7.5. LEHEN SEKTOREA ...................................................................................................................... 30

8. EKIPAMENDUETARAKO ETA ESPAZIO LIBREETARAKO IRIZPIDEAK ETA HELBURUAK ........ 32

8.1. KIROL EKIPAMENDUA ................................................................................................................ 32 8.2. HEZKUNTZA EKIPAMENDUA ....................................................................................................... 33 8.3. OSASUN EKIPAMENDUA ............................................................................................................. 33 8.4. EKIPAMENDU KOMUNITARIOA ................................................................................................... 33 8.5. HILERRIA ................................................................................................................................... 34 8.6. APARKALEKUAK ........................................................................................................................ 34



2. orrialdea

8.7. ESPAZIO LIBREAK ....................................................................................................................... 35

9. AZTERGUNEAK ETA ALTERNATIBAK ......................................................................................................... 36

9.1. PLAN OROKORRAREN AURRERAPENAREN PROPOSAMENEKIN BAT ETORRITA ONARTUTAKO ALTERNATIBAK ........................................................................................................................................ 37 9.2. ARRIGORRIAKO HIRI ANTOLAMENDURAKO PLAN OROKORRA IDAZTEKO OINARRIA IZANGO DIREN IRIZPIDEAK ETA HELBURUAK EGUNERATZEAREN ETA BIRFORMULATZEAREN ARABERA HARTUTAKO ALTERNATIBAK ........................................................................................................................................ 38

1.ERANSKINA_ 2011an ONARTUTAKO IRIZPIDEEN ETA HELBURUEN KONPARAZIOZKO

KOADROA ETA DOKUMENTU HONETAN EGIN ZAIEN EGUNERATZEA. ......................................... 40

2. ERANSKINA_ARRIGORRIAGAKO BIZITEGI ESKAINTZAREN ZENBAKETA

EGUNERATZEA. .................................................................................................................................................. 47

3. ERANSKINA. INGURUMEN INPAKTUARI BURUZKO AURRETIKO TXOSTENA. 2010. .................. 53



2. orrialdea

0. Aurrekariak

2018ko ekainetik urrira bitartean Hiri Antolamendurako Plan Orokorraren Irizpide, Helburu eta Alternatiben eguneraketari buruzko dokumentua lantzeko herritarren partaidetzarako prozesua egin da, hala azaltzen baita “Herritarren Partaidetza” txostenean, zeina “Iradokizunen Ebaluazioa eta Tratamendua" izeneko dokumentuari atxikita baitoa “Arrigorriako Hiri Antolamenduaren Plan Orokorra idazteko oinarriak izango diren Irizpideak eta Helburuak Eguneratzea eta Birformulatzea" izeneko dokumentuarekin batera.

Partaidetzari buruzko txostenaren barruan dago herritarren partaidetzarako programa osoaren azalpena eta programa jendaurrean egon zen denboran jaso ziren iradokizunen laburpen bat, zeinak azaldutako dokumentua birformulatzeko balio izan duen.

0.1. HERRITARREN PARTAIDETZAREN ONDOREN “HAPO-REN IRIZPIDEAK, HELBURUAK ETA ALTERNATIBAK” DOKUMENTUAREN GAINEAN DOKUMENTU HONETAN JASOTAKO ALDAKETAK.

“Hiri Antolamendurako Plan Orokorraren Irizpide, Helburu eta Alternatiben eguneraketa” dokumentuak, 2018ko ekainekoak eta aurreko ataletan azaldutako herritarren partaidetza prozesuan landu denak, hainbat irizpide eta helburu ezartzen ditu honela antolatuta:

o Irizpide eta helburu orokorrak

o Lurzoru urbanizaezineko irizpideak eta helburu orokorrak

o Sistema sare orokorren irizpideak eta helburuak

o Bizitegi lurzoruetarako irizpideak eta helburuak

o Jarduera ekonomikoetarako lurzoruaren irizpideak eta helburuak

o Ekipamenduetarako eta espazio libreetarako irizpideak eta helburuak

Irizpideak eta helburuak ez ezik, antolamendurako alternatiba batzuk ere ezartzen ziren dokumentuaren eranskinean garatzen ziren 3 aztergunetarako.

Aztertzeko proposatutako antolamendurako alternatibei dagokienez, dokumentu honetan aztergun hauetarako egokienak direla uste diren alternatibak sartzen dira, udalaren zerbitzu teknikoarekin eta HAPOren zuzendaritza politikoarekin kontrastatu ondoren.

Dokumentu honek oso aldaketa gutxi ditu herritarren partaidetzan landu den dokumentuaren gainean. HAPOren irizpideak eta helburu orokorrak bat datoz erabat jasotako iradokizunekin, eta beraz berdin mantentzen dira. Gauza bera gertatzen da lurzoru urbanizaezineko eta sistema sare orrokorretako irizpide eta helburu orokorrekin.

Bizitegi lurzoruetrako irizpide eta helburuei dagokienez, oso aldaketa txikiak sartu dira, iradokizunak planteatu diren irizpide eta helburuekin bat datozelako. Halere, Sta Isabel-Olatxu aldea auzotzat hartzeko egin den eskaera onartzen da birgaitze eta lehengoratze esku hartze posiblerako, zeina zehatzago aztertu beharko baita HAPOren hasierako onarpenerako dokumentuan. Bestalde, Martiartuko Frontoiaren alderako proposatutako alternatibak aztertu



2. orrialdea

ondoren, lurzoru horiek bizitegietarako lurzorutzat kalifikatzeko proposamena sartu da, eremuan bizitegi kolektiboak garatzeko aukerarekin.

Jarduera ekonomikoetarako lurzoruaren irizpideen eta helburuen barruan, “Cartisa-Palets del Valle”-n hiri lurzoru finkatugabeko eremu bat antolatzeko proposamena sartu da eta Bentakoerrekako goiko aldean lurzoru urbanizagarri sektorizatugabeko eremu bat, 2011n onartutako Izipide eta Helburuekin bat etorrita udalerrian industriarako lurzoruaren erreserba bat aurreikusteko aukerari erantzuteko.

Ekipamenduetarako eta espazio libreetarako irizpideen eta helburuen artean, kirolak frontoia ekipamendu pribatu gisa berrerabiltzeko aukera kendu da, eta Abusu EU-3ko lurzoruen zati bat Ollarganen bizi direnentzako aparkalekuak egiteko erabiltzeko proposamena sartu da.



2. orrialdea

1. SARRERA

1.1. PLAN OROKORRAREN IDAZTEKO PREMIA ETA JUSTIFIKAZIOA

1999ko otsailaren 8an behin betiko onartu ziren Planeamenduko Arau Subsidiarioen (b mota) Lehen Berrikuspena da egun indarrean dagoen planteamendua.

Dokumentu hau indarrean sartu zenetik, hainbat aldaketa zehatz egin zaizkie Arau Subsidiarioei eta bizitegietarako eta industriarako lurzoru urbanizagarriak garatu dira, bai eta Exekuzio Unitateen garapen garrantzitsuak ere herriko erdigunean eta Abusu-La Peñan. Jardukera Asistematikoak ere egin dira Hiri Lurzoruan.

2006an Euskal Herriko Lurzoruari eta Hirigintzari buruzko 2/2006 Legea onartu zen, eta lege hori da erreferentziako arau esparru berria udalaren hirigintza planteamendurako.

Horrez gain, Arau Subsidiarioak onartu zirenetik EAEn garatutako udalaz gaindiko antolamendu tresnek (lurraldekoak zein sektorialak) xedatutako zehaztapen berrietara egokitu behar da udal planteamendua.

2010. urtean, arau subsidiarioak onartu eta hamar urteren buruan, zeintzuetan arau subsidiarioetan aurreikusitako jardun gehienak garatu diren, eta antolamendu tresna berriak eta legedi berria onartu ondoren, Arrigorriagako Udaleko Hirigintza Arloko politikari eta teknikari arduradunek egokitzat jo zuten udalerriko erreferentziazko hirigintza esparrua goitik behera eguneratzea. Gainera, erabat beharrezkoa zen hori; izan ere, 2/2006 Legeak, Euskal Herriko Lurzoruari eta Hirigintzari buruzkoak, xedatu zuen ezinbestekoa zela Plan Orokor eta Arau Subsidiario guztiak Lege horren zehaztapenetara egokitzea, zortzi urtean (epe hori, gerora, luzatu egin zen: beste zazpi urte gehiago).

1.2. PLAN OROKORRAREN DOKUMENTU BERRIAREN HELBURUA

Plan Orokorraren berrikuspenaren helburu nagusia zen udalerriari planeamendurako tresna eguneratu eta baliagarri bat ematea, zeina egun dauden hirigintza izaerako arazo guztietarako egokia izango zena eta indarreko legedira eta erregimen jurdiko aplikagarrira egokituta egongo zena, baina prozesu berri honetan guztian hiri eredu finkatua eta aurreko Arau Subsidiarioen aplikazioan lortutako esperientzia abiapuntutzat hartuta.

Berrikuspen prozesu berria Lurzoruari eta Hirigintzari buruzko ekainaren 30eko 2/2006 Legeak eta EAEko Ingurumena Babesteko Lege Orokorrak (3/1998 Legea) eta hori garatzen zuten dekretuek definitutako markoan garatuko litzateke, hasieratik baloratuz planteatu beharreko jarduketen ingurumen inpaktua.

Horrenbestez:

2010eko otsailean “Indarreko plangintzaren garapenari buruzko azterketa NNSS-1999)”, udalbatzan aztertu eta eztabaidatzeko.

2010eko uztailean “Arrigorria Hiria Antolatzeko Plan Orokorraren Aurrerapena” izeneko dokumentua aurkeztu zen.



2. orrialdea

2010eko urrian, Alkatetzaren Dekretuz erabaki zen “HAPOaren Aurrerapena” argitaratzea eta erabaki hori hartu eta hurrengo bi hilabeteetan jendaurrean jartzea, legean aurreikusitakoari jarraituta. (Aurrerapena herritarren partaidetza prozesu zabal baten menpe jarri zen, eta prozesu horren ondoren, azkenean, HAPOa idazteko oinarriak izango diren irizpideak eta helburuak adostu ziren)

2011ko martxoan “Plan Orokorraren Irizpideak, Helburuak eta Alternatibak” izeneko dokumentua onartu zen. Dokumentua idazteko, berriz, kontuan hartu ziren jendaurrean jartzeko denbora tartean planteatutako iradokizunak, erakunde eta organismo publikoek egindako txostenetan planteatutako gaiak, eta udal teknikariek eta politikariek egindako gogoetak eta gomendioak.

1.3. PLAN OROKORRAREN IZAPIDEKETA ALDI BATEAN ETETEA

2011ko ekainean udalaren gobernu taldeak erabaki zuen hasitako lanak aldi baterako etetea, batez ere une horretan, aurrerapenak bertan esku hartzea proposatuta zuelako, garatzen ari ziren eta aurrerapenean proposatuta bi sektore urbanizagarrietan (AR-R2 Lanbarketa eta Bentakoerrekako industri sektorea) eragina zuten bi prozesu judizialengatik.

Plan Orokorraren idazketan eta izapideketan hartu beharreko erabakietan juridikoki segurtasunik ez zegoenez zuhurtziaz jokatzea eskatzen zuen eta horrek aldi berean gomendagarri egin zuen hasitako prozesua etetea adierazitako eremuen egoera argitu bitartean.

1.4. PLAN ORORRAREN IZAPIDEEI BERRIRO HELTZEA

Plan Orokorraren izapideak eten zirenetik, auzitegiek hainbat epai irmo eman dituzte auzian dauden bi sektore urbanizagarrien gainean, beraz, desblokeatu egin dira garantiak dituen Plan Orokor berri baterako bideak.

Hala, Plan Orokorra idazteko lanei ekin zaie berriro Arrigorriagako Hiri Antolamendurako Plan Orokorrerako oinarriak izango diren Irizpideak eta Helburuak izeneko dokumentua eguneratzeko.

Aurrerapenaren dokumentua herritarren partaidetza prozesu zabal baten menpe jarri ondoren 2011n onartu ziren Arrigorriako Plan Orokorraren Irizpideak eta Helburuak berresten dituen dokumentua da. Hau da, onartutako dokumentua ontzat ematen da baina hainbat irizpide, helburu eta alternatiba berrikusi eta doitzen dira, arrazoi hauengatik:

Lanbarketako eta Bentakoerrekako lurzoru urbanizagarriei buruzko epai judizialetara egokitzeko.

Plangintza errealitate fisikora egokitzeko aldaketak egiteko.

2011ko onarpenetik EAEn garatutako udalaz gaindiko antolamendu tresnek (lurraldekoak zein sektorialak) xedatutako zehaztapen berrietara egokitzeko.

Dokumentu honen egitura aurreko dokumentuarena bera da, hau da, 2011ko “Plan Orokorraren Irizpideak, Helburuak eta Alternatibak” dokumentuarena. Horrek esan nahi du kapitulu batean irizpide eta helburu orokorrak daudela garatuta, eta beste bost kapitulutan eremu espezifiko hauetarako irizpideak eta helburuak:lurzoru urbanizaezina, sistema sare orokorrak, jarduera



2. orrialdea

ekonomikoetarako lurzorua, eta ekipamenduak eta espazio libreak. Gainera, irizpide orokorren barruan gai transbertsaletako irizpide eta helburu berriak sartzen dira.

Kapitulu bakoitzaren barruan irizpide eta helburu bakoitza egokitzeko edo aldatzeko arrazoia azaltzen da.

Dokumentuaren bukaera eranskin hauek sartzen dira:

-1. Eranskina: 2011an onartutako Irizpideen eta Helburuen konparaziozko koadroa eta dokumentu honetan egin zaien eguneratzea.

-2. Eranskina. Arrigorriagako bizitegi eskaintzaren zenbaketa eguneratzea.

-3. Eranskina. Ingurumen Inpaktuari buruzko Aurretiko Txostena, 2010ekoa.

2. 2010EKO AURRERAPENAREN DOKUMENTUAREN ONDOREN ONARTU DIREN ETA PLANEAMENDUARI LOTUTA DAUDEN ARAUEN DOKUMENTUAK ETA LEGEAK

2010eko Aurrerapenaren dokumentua idaztean kontuan hartu ziren 1998an Arau Subsidiarioak idatzi zirenetik onartutako legeak, planak eta programak. Halere, HAPOren Aurrrapena onartu zenetik hirigintzaren, lurralde antolamenduaren eta antolamendu sektorialaren, ingurumenaren, paisaiaren eta beste hainbat eremuren gaineko legegintza oso zabala izan da. Arrigorriagako HAPOren Irizpide eta Helburuen Berrikuspenaren gaineko dokumentu hau gaur arte onartu diren arau eta legeak kontuan hartuz formulatu da. Hona hemen arau eta lege horiek:

- Estatuko legeak:

o 7/2015 Legegintzako Errege Dekretua, urriaren 30ekoa, Lurzoruaren eta Hiri Birgaitzearen Legearen testu bategina onartzen duena.

- Lege autonomikoak:

o Klima aldaketara egokitzeko eta klima-aldaketa arintzeko Lege Proiektua, Gobernu Kontseiluak 2011ko maiatzaren 24an onartua.

o 123/2012 Dekretua, uztailaren 3koa, hirigintzako estandarrei buruzkoa.

o 8/2013 Legea, ekainaren 26koa, Hiri Birgaikuntza, Leheneratze eta Berriztatzearena.

o 2/2014 Legea, urriaren 2koa, Lurzoruaren eta Hirigintzaren 2/2006 Legea aldatzen duena.

o Eusko Jaurlaritzaren 3/2015 Legea, ekainaren 18koa, Etxebizitzarena.

- Landaguneen Inbentarioa

o Bizkaiko Foru Aldundiaren Gobernu Kontseiluaren 13. akordioa, 2016ko otsailaren 9koa, Bizkaiko Lurralde Historikoan dauden landaguneen inbentarioa onartzen duena.



2. orrialdea

- Lurralde antolamenduari buruzko legeak:

o 90/2014 Dekretua, ekainaren 3koa, Euskal Autonomia Erkidegoko lurralde antolamenduan paisaia babestu, kudeatu eta antolatzearen gainekoa.

o 4/2016 Dekretua, urtarrilaren 19koa, bizitegi zenbaketarekin lotuta Euskal Autonomia Erkidegoko Lurraldea Antolatzeko Gidalerroak behin betiko onartzen dituen Dekretua aldatzen duena.

- Lurralde plangintza sektoriala:

o 231/2012 Dekretua, urriaren 30ekoa, Euskal Autonomia Erkidegoko Hezeguneen Lurraldearen Arloko Plana behin betiko onartzeko Dekretua aldatzen duena.

o 449/2013 Dekretua, azaroaren 19koa, EAEko Kantauriko eta Mediterraneoko isurialdeko Ibaiak eta Errekak Antolatzeko Lurraldearen Arloko Planaren aldaketa behin betiko onartzen duena.

o 177/2014 Dekretua, irailaren 16koa, Euskal Autonomia Erkidegoko Nekazaritza eta Basozaintzako Lurralde Plan Sektoriala behin betiko onartzen duena.

- Ingurumenari buruzko legeak:

o 213/2012 Dekretua, urriaren 16koa, Euskal Autonomia Erkidegoko kutsadura akustikoari buruzkoa.

o 21/2013 Legea, abenduaren 9koa, ingurumen ebaluazioari buruzkoa.

o 1/2014 Legegintzako Dekretua, apirilaren 15ekoa, Euskal Autonomia Erkidegoko Natura Kontserbatzeko Legearen testu bategina onartzen duena.

o 4/2015 Legea, ekainaren 25ekoa, lurzoruaren kutsadura prebenitzeko eta zuzentzeko.



2. orrialdea

3. IRIZPIDE ETA HELBURU OROKORRAK

Irizpide, Helburu eta Alternatiben 2011ko dokumentuan ezarritako irizpideak eta helburuak berresten dira. Halere, denbora igaro denez beharrezkoa da dokumentua eguneratzea eta hirigintzak kontzeptu batzuetan, hala nola irisgarritasunean, mugikortasunean, genero ikuspegian, osasunean edo klima aldaketetan eduki duen bilakaerarekin bat datozen irizpide berriak sartzea.

Planeamenduak gai horiek kontuan eduki behar ditu herritaren bizi kalitatea eta ingurumenaren babesa hobetzeko, maila sozialean, ekonomikoan eta ingurumenekoan eragina baitute.

3.1. AURRERAKINAREN IRIZPIDE ETA HELBURU OROKORRAK BERRESTEA

- GARAPEN IRAUNKORRA

Etorkizuneko belaunaldiek beren premiak asetzeko izango duten ahalmena arriskuan jarri gabe oraingo premiei erantzuteko gai den garapen eredua.

- GARAPEN OREKATUA

Lurralde Plan Partzialean ezarritakoaren arabera, lurraldearen oreka hartu da erreferentziako esparrutzat sektore ekonomiko guztien garapenerako beharrezkoak diren guneak aurreikusten dituen sistema edo hiri eredu bat ezartzeko.

Udalaren garapena ikusita, irizpide hori betetzea erraztuko da egoerak posible egiten duen heinean.

- PLANEAMENDUAREN ILDO OROKORRAK IRAUNKORTASUN ETA OREKA IRIZPIDEEI DAGOKIENEZ

Lurzoruaren erabilera arrazoikoa eta intentsiboa, eraikinek antolamendu eremuen guztirako azalerarekiko eduki beharreko eraikigarritasun minimo bat eta okupazio minimo bat adierazita, “familia bakarreko etxebizitzen eta etxebizitza atxikien kultura” eta hazkunde barreiatuak ekiditeko, lurralde kantitate handia kontsumitzeaz gain hiri eredu batere funtzionalak eta, beraz, batere iraunkorrak ere eragiten baitituzte.

Helburu hauekin garatuko da:

o Dagoen hiri lurzorua ahalik eta gehien aprobetxatzeko.

o Gauzatu gabeko lurzoru urbanizagarriak birdentsifikatzeko (lagapenerako eta urbanizaziorako legez bete beharrekoak bete ez dituztenak).

o Hiri lurzorua zabaltzea ekiditeko eta, horren ondorioz, lur naturala kentzea ere ekiditeko.



2. orrialdea

o Ekipamenduak bizitegien guneen ondoan mantentzeko, energia aurrezteko eta kutsadura gutxitzeko.

o Oinezkoen barruko mugikortasuna bultzatzea, oinezkoentzako eta bizikletentzako sareak ezarriz, gune publikoak bizitegi guneekin lotuta eta bizitegi gune horiek jarduera ekonomikoetarako lurzoruarekin.

- PLANEAMENDUAREN AURRERAPENAREN KALKULUAK ETA AURREIKUSPENAK EGUNERATZEA

2010ean, Arrigorriagako HAPOren Aurrerapenak bizitegi lurzoru berriaren eskaintzaren zenbaketa gauzatu zuen, Lurraldea Antolatzeko Gidalerroen (LAG) ─otsailaren 11ko 28/1997 Dekretuak onartu zituen behin betiko─ eta Bilbo Metropolitarreko Lurralde Plan Partzialaren (LPP) lurralde ereduarekin bat etorrita. Azken Plan hori behin betiko onartu zuen irailaren 26ko 179/2006 Dekretuak, eta ordezkatu egin zuen LAGen zenbaketa formula. Kalkulua egiteko, bestalde, hainbat datu erabili ziren: biztanleria, etxebizitza kopurua, familien batez besteko tamaina eta etxebizitza hutsen kopurua, guztiak 2009ko udal erroldatik lortutakoak (2010eko HAPOren Aurrerapen Memoriako 5.1. eta 5.2. atalak).

Harrezkero, 7 urte igaro dira, eta erroldako datuak zaharkituta geratzeaz gainera, 2016ko urtarrilaren 19an 4/2016 Dekretua onartu zen, bizitegi zenbaketarekin lotuta Euskal Autonomia Erkidegoko Lurraldea Antolatzeko Gidalerroak behin betiko onartzen dituen Dekretua aldatzen duena.

LAGen aldaketa zehatzak bere 7. artikulu berrian (Bizitegien zenbaketa) jasotzen duen bezala, aldaketa zehatz honetan xedatutako metodologia aplikagarria da udal hirigintza plangintzak berrikustean eta aldatzean; eta, beraz, aplikagarria da Arrigorriagako plangintza orokorraren berrikuspen dokumentu honetan ere. Horrenbestez, dokumentu honetan, metodologia berri honen arabera egin da 2010eko Aurrerapenean jasotako bizitegi eskaintzaren zenbaketaren eguneratzea.

Arrigorriagako bizitegi eskaintzaren zenbaketan –dokumentu honen 2. Eranskinean jasotzen da– 584 eta 727 etxebizitza arteko urkila bat ezartzen da Arrigorriagako bizitegi edukieran.

Kalkulu hori HAPOren Hasierako Onarpenerako dokumentua idazten denean berrikusiko da.

3.2. IRISGARRITASUNA ETA MUGIKORTASUNA

Aukeratutako hiri ereduak berrikuspen bat behar du, elementu egituratzaileen –bideak eta ekipamendu komunitarioak, esaterako– irisgarritasun eta mugikortasun baldintzetan.

Berrikuspen hori garapen iraunkor eta orekatuko helburuetan oinarrituko da, honetarako:

- MUGIKORTASUNA ETA IRISGARRITASUNA HOBETZEA BIDE SISTEMA OROKORREAN.



2. orrialdea

Oinezkoentzako eta bizikletentzako bide sare bat sustatzea, bizitegi guneak ekipamendu komunitarioekin eta jarduera ekonomikoen garapenerako guneekin lotzeko.

- MUGIKORTASUNA ETA IRISGARRITASUNA HOBETZEA EKIPAMENDU ETA SISTEMA LOKALETAN

o Espazio publikoetako eta hornidura ekipamenduetako oOztopo arkitektonikoak ezabatzea.

o Oinezkoentzako guneak eta aparkalekuak berrikustea.

o Aurreko Arau Subsidiarioetan aurreikusi ziren eta gauzatu ez diren Hirigintza Proiektuen birdefinizioa, bai eta esku hartze berrien definizioa ere.

3.3. GENEROA

Hirigintzan genero ikuspegia aintzat hartzeak are zailagoa egiten du erabakiak hartzeko prozesua, izan ere, horrekin biztanleria osoaren premiak eta nahiak bildu ditzakeen hiri eredu bat ezarri nahi da, kontuan izanda desberdintasuneko ardatz guztiak hiriaren erabilerari dagokionez, generoa bera ez ezik adina, klase soziala, etnia-jatorria-kultura edo aniztasun funtzionala ere hartzen baititu bere baitan.

Hauek dira Arrigorriagan genero ikuspegiaren esparruan aurretiaz egin diren hiri lanak:

-Hiri diagnostikoa genero ikuspegitik, 2008ko abenduan

-Udalerriaren irisgarritasun plan berria, 2017ko azarokoa, non genero ikuspegiaren beste ikuspuntu bat aurreikusten den.

Aurretiazko lan horietan oinarrituta, hauek dira generoaren alorrean HAPOrako irizpideak eta helburuak:

- DENBORA HOBETO KUDEATZEA

Esaterako, hurbileko hornidurak eskainita (hurbileko ekipamenduak, espazio libreak eta berdeguneak), edo erabilerak nahastuta bai hiri eremuetan bai eraikinetan bertan eta mugikortasuna hobetuta (garraio publikoko geltokietatik gero eta hurbilago egotea edo oinez edo bizikletan mugitzea erraztea...)

- ESPAZIO PUBLIKOEN SEGURTASUNA

Esaterako, urbanizazioak eta eraikin berriak diseinatzen direnean espazioak begiz kontrolatzeko bideak ezarrita, eguneko ordu desberdinetako pertsonen fluxuak bermatuta (eraikin dentsitate optimoak ezarriz, erabileren nahastuta jarduera eta funtzioak areagotuz, etab.).

3.4. OSASUNA



2. orrialdea

Gaur egun, komunitate zientifikoak, eta geroz eta gehiago esfera politikoak, onartu du gizarte baldintzek neurri handi batean baldintzatzen dutela pertsonen osasuna. Eta hori ez da soil-soilik pertsona bakoitzaren ezaugarrien araberakoa, baizik eta bizi diren testuinguruarekin zerikusia duten faktore sorta zabalaren araberakoa; besteak beste, enplegua, etxebizitza, airearen kalitatea, oinarrizko ondasun eta zerbitzuetarako sarbidea, eta pertsonen baldintza sozioekonomikoak.

Horrenbestez, bada lotura bat hiri plangintzaren eta osasunaren artean, gutxi-asko honako hauei eragiten dieten elementuekin: bizi estiloak (dieta eta nutrizioa, jarduera fisikoa, langabezia, estresa...), berdintasuna (diskriminazioa, aukera berdintasuna, gizarte taldeen arteko harremana...), ingurune fisikoa (ingurumen kalitatea, lan baldintzak, istripuak, segurtasuna...) eta zerbitzuetarako irisgarritasuna.

Horrenbestez, hauek lirateke osasunarekin lotuta HAPO honetarako irizpide eta helburuak:

- INGURUMENA HOBETZEA

Hainbat ekintzaren bitartez; tartean, airearen eta uraren kalitatea hobetzea (horien eskaera murriztuz), zaratarekin, usainekin eta argiztapenarekin lotutako eragozpenak minimizatzea, jatorri naturaleko edo antropogenikoko arriskuetatik eratortzen diren arriskuak murriztea, etab.

Bide beretik, klima aldaketa arintzen laguntzea, hainbat ekintzaren bitartez; esaterako, garraio publikoko zerbitzuak eta mugikortasun aktiboko hainbat modu bultzatzea (oinez edo bizikletan ibiltzea), etxebizitzetan, ekipamenduetan eta hirugarren sektoreko erabilerako eraikinetan bizikletentzako aparkalekuak jartzea, nahiko trinkoak eta erabilera mistokoak diren hiri eremuen diseinua sustatzea, etab.

- AUZO ETA HIRI OSASUNGARRIAGOAK ERATZEA

Horretarako, hainbat ekintza gauzatu beharko dira; adibidez: aisia aktiborako baliagarriak diren espazio publikoetarako sarbidea sustatzea; espazio irisgarri, erakargarri eta seguruak prestatzea; hezkuntzarekin, osasunarekin, kirolarekin edota kulturarekin zerikusia duten oinarrizko ekipamenduak ematea; etxebizitza osasungarriak eta eraginkorrak sustatzea; etab.

- BERDINTASUNEZ JOKATZEA, DESOREKA SOZIALAK MURRIZTEKO

Etxebizitza aniztasuna bultzatzeak berarekin dakar komunitate kohesionatu eta askotarikoagoa edukitzea, bai eta etxebizitza eskuragarriagoak sustatzea ere; batez ere, premia handieneko taldeentzat.

- ELIKADURA OSASUNGARRIA SUSTATZEA

Hainbat ekintzaren bitartez; esate baterako: nekazaritza erabilerara bideratutako lursailak leheneratzea, tokiko elikagaien ekoizpena bultzatzea, edo auzoetan txikizkarien saltokiak sustatzea.



2. orrialdea

3.5. KLIMA ALDAKETA

Gaur egun, klima aldaketa da gizakiak begien aurrean daukan erronka orokor handietako bat. Erronka horri aurre egiteko, alde batetik, beharrezkoa da arintze lan bat egitea (hots, berotegi efektuko gasen isurpenak murriztea), eta, bestetik, klima aldaketara egokitzea (klima aldaketaren inpaktu negatiboa murrizteko neurriak).

Toki-tokian klima aldaketara egokitzea garrantzitsua da; izan ere, jarduteko emaitzek eta onurek zuzeneko eragina dute lurraldean, gogorragoa bihurtzen baitute, eta kontrako egoerei aurrea hartzen laguntzen baitiote.

Horrenbestez, hauek lirateke klima aldaketarekin lotuta HAPO honetarako irizpide eta helburuak:

- KLIMA ALDAKETARI ERANTZUTEKO EKINTZAK PLANTEATZEA

Ekintza horiek erantzuna eman beharko diote nola arintzeari, hala klima aldaketara egokitzeari.

Arintzea bultzatzeko ekintzak:

o Garraio publikoa eta bizikletentzako zein oinezkoentzako ibilbideak sustatzea.

o Eraikinak errehabilitatzean, energia eraginkortasun irizpideak bultzatzea.

o Karbono hobiak ugaltzea, berdeguneak ugalduz eta lurzoru naturala babestuz.

- Egokitzea bultzatzeko ekintzak:

o Bero Irla efektua murrizten laguntzea, urbanizazioaren eta eraikuntzaren diseinuaren bitartez (berdeguneak ugaldu, kaleetan zuhaiztiak jarri, akaberak, materialen erabilera egokia egin, aireztapena, etab.).

o Uholdeen aurkako prebentzioa (hobekuntza hidraulikoak, ekaitz andelak, etab.), urbanizazioetarako eta eraikuntzetarako naturan oinarritutako irtenbideak (estaldura berdeak, lurzoru iragazkorrak, etab.).

3.6. KUDEAKETA ETA KONTROL URBANISTIKOA

- JARDUERA URBANISTIKOETAN EKIMEN PUBLIKOA LEHENESTEN DA, BATEZ ERE UDAL EKIMENAREN BITARTEZ

o Hirigintza kudeaketa eta egikaritze lanetarako tresnen eraginkortasunaren bitartez, eta espazioa antolatzeko kontzeptuari zehaztapenak betetzeko denborak eta epeak gehituz.

o Plangintzaren epeak egikaritzea ondasun publikotzat hartzen da, eta interes pribatuaren monopolioak amore ematen du antolamenduaren garapenerako



2. orrialdea

interes publikoaren aurrean, moduari eta epeari dagokienez; hala, jabeak ez baditu betetzen urbanizazio, eraikuntza eta errehabilitazioaren arloko hirigintza betebeharrak, Administrazioa, hirugarren pertsonak edo entitate pribatuak sartu ahal izango dira, hura ordezkatzeko.

o Administrazio publikoak lurzoruaren merkatuan edo higiezinen merkatuan esku hartzeko mekanismo berriak, Lurzoruaren Legean xedatutakoak, txertatzea.

Horren ondorioz, Lurzoruaren Legeak administrazio publikoei jarduera integratuak osatzeko ematen dien erantzukizuna onartu behar da.

- HERRITARREK PARTE HARTZEKO DUTEN ESKUBIDEA BERMATZEA, ANTOLAMENDU ESTRUKTURALERAKO ETA KONTSEILU AHOLKULARIAREN PLANETAN DERRIGORREZKOAK DIREN HERRITARREN PARTAIDETZARAKO PROGRAMEN BITARTEZ

Herritarren Partaidetzako programak premia ekidinezina da, Eusko Legebiltzarraren 2/2006 Legeak Lurzoruari eta Hirigintzari buruzkoak, 108. artikuluan xedatzen duenak, hala exijitzen duelako.

- ORDENANTZEN KUDEAKETA INDEPENDENTEA

Lurzoruari buruzko Legeak ezartzen duen aukeraren arabera Udal ordenantzak Plan Orokorraren edukien zati izan daitezke edo ez, eta aukera horrek ere dokumentu bi horiek bereizten ere uzten du.

Bereizketa horrek hirigintza jarduera arinago kontrolatzen eta kudeatzen uzten du, ordenantzak modu independenteak aldatu baitaitezke.

- ONDARE HISTORIKOA, ARTISTIKOA ETA KULTURALA

Lurzoruari buruzko Legeak ezartzen duen aukeraren arabera Ondare Babestuen Katalogoa Plan Orokorraren edukien zati izan daiteke edo ez, eta aukera horrek ere dokumentu bi horiek bereizten ere uzten du.

Ondare historiko, artistiko eta kulturalaren inbentarioa eguneratuko da, eta ondare immaterialarena ere, aurreko planteamenduan izaera horrekin katalogatutako elementuetan oinarrituta.



2. orrialdea

4. IRIZPIDEAK ETA HELBURUAK LURZORU URBANIZAEZINEAN

Orokorrean, Irizpide, Helburu eta Alternatiben 2011ko dokumentuan onartutako irizpideak eta helburuak berresten dira, kontuan hartu beharreko alderdi hauek izan ezik:

- Mendikosolobarrena eta Mintegi Parkearen Plan Bereziaren aipamena ezabatzen da, izan ere, Planaren izapidetzea etenda geratu da, eta ez da komenigarritzat jotzen izapidetzen jarraitzea.

- Brisketakoa landagune bakartzat definitzen da; izan ere, Euskal Herriko Lurzoru Urbanizagarriari buruzko 2/2006 Legeak, ekainaren 26koak, 29.7 artikuluan jasotako agindua betez Bizkaiko Foru Aldundiak 2015eko otsailaren 9ko bileran onartu zuen “Bizkaiko Lurralde Historikoan dauden landaguneen inbentarioan” hala definituta dagoen bakarra da.

- Lurzoru urbanizaezinaren kategorizazioa sartzen da, zeina Bilbo Metropolitanoaren LPPan lotesletzat ezartzen baita, bai eta Nekazaritza eta basoko LPSan ezarritako kategoria eta baldintza gainjarriak ere. Lurgaineko uren babesguneen mugapena ezartzen da ibai eta erreken LPSaren arabera.

4.1. PLAN BEREZIAK ETA BABESTEKO BESTE FIGURA BATZUK

Plan Orokorrean txertatuko dira lege babesa duten hainbat espazioren babeserako Planetatik eta beste Figura batzuetatik eratorritako erabakitasun eta zehaztapen lotesleak, bateraturik, Plan Orokorraren araudiaren eta zehaztapen horien artean kontraesanik izan ez dadin.

- MONTEFUERTE PARKEAREN KUDEAKETA PUBLIKO INTEGRATUA

Jabetza pribatukoa den Montefuerte Parkean dauden lursailak erostea, lurzoru horiek parkearen kudeaketa eta ingurumena hobetzeko jardueretara bideratzeko (gaur egun administrazio publikoak gauzatzen ditu jarduera horiek).

- AZALEKO URAK BABESTEKO AREAK GRAFIKOKI MUGATZEA

Lurzoru urbanizaezinaren kategoria hau osatzen dute, hain zuzen, udal barrutian dauden ur ibilgu guztiek; esaterako: Nerbioi ibaiaren bideak, Mendikosolobarrena eta Mintegiko ur lamina, Montefuerteko hezeguneak eta urak horietara isurtzen dituzten erreka guztiak (Dimutio, Benkaoerreka, Arene, Goikiri‐Kubo, Lanbarketa, Bolintxu‐Illunbe, etab.).

Urertzak babesteko eremuari eta babes araudiari dagokiona mugatzeko, aplikagarriak izango dira Ibaiak eta Errekak Antolatzeko Lurraldearen Arloko Planaren zonifikazioak eta araudiak xedatutako irizpideak.



2. orrialdea

- VENTA ALTA ARAZTEGIKO UR HORNIDURAKO HODITERIA BABESTEKO ESPAZIOEN ERRESERBAK ESPAZIO LIBREEN SARERAKO BERRESKURATZEA

Espazio Libreen Sistema Orokorra lehengoratzea proposatzen da

- LANDAGUNEETAN ETA DIMUTION LANDA BABESEKO ARLOAK MUGATZEA

Gerora araudiaren araberako tratamendua emateko, bereziki landaketa autoktonoetara bideratutako baso eremuak bereizi dira (gaur egun intsinis pinuena eta eukaliptoena), bai eta nekazaritza eta abeltzaintzako eremuak eta landazabalekoak ere; tartean, nekazaritza eta abeltzaintza erabilerarako ahalmen handiagoa duten lurzoruak.

4.2. LANDAGUNEEN ORDENAMENDUA

- LANDAGUNEEN BERRIKUSPENA LURZORUARI ETA HIRIGINTZARI BURUZKO 2/2006 LEGEAREN ARABERA.

Brisketakoa landagune bakartzat definitzen da, Bizkaiko Lurralde Historikoko Landaguneen Inbentarioa betez. Lurzoruari eta Hirigintzari buruzko 2/2006 Legearen 29. artikuluarekin bat etorrita, azalera eta lehendik dauden etxebizitzen kopurua gehienez ere %50 ugaldu ahal izango da.

Inbentarioak definitzen duenez landagunean dauden 10 baserri daude, zabalguneak dituen bide baten inguruan, eta horiek osatzen dute espazio publikoa. Horrenbestez, gehienez ere bost etxebizitza berri egin ahal izango dira.

4.3. HAINBAT GIDALERROREN IRAULKETARI ETA ERAGINEI BURUZKO GOGOETAK

- LURZORU URBANIZAEZINAREN KATEGORIZAZIOA BILBO METROPOLITARREKO LPP-K, NEKAZARITZA ETA BASOKO LPS-K ETA IBAIEI ETA ERREKEN LPS-K EZARRITAKO JARRAIBIDEETARA EGOKITZEA

Lurzoru urbanizaezinaren baitan, hainbat lurzoru kategoria bereizi dira, edukiaren, izaeraren eta proposatutako lurralde egituraren eskemaren baitan gauzatu beharreko funtzioaren edo planeamenduaren helburu orokorrekin bat etorrita bertan xedatu beharreko babes motaren arabera, erreferentziatzat hartuta ingurune fisikoa antolatzeko LAGetan xedatutako irizpideak, Bilbo Metropolitarreko LPPn zehaztutako babes bereziaren kategoria, Nekazaritza eta Basoko LPSn xedatutako kategorizazioa eta Ibai eta Erreken LPSn azaleko uren babesa.

Horrenbestez, hauek dira lurzoru urbanizaezinean bildutako lurzoru kategoriak:

o Babes berezia

o Nekazaritza-abeltzaintza eta landazabala. Balio estrategiko handia

o Nekazaritza-abeltzaintza eta landazabala. Trantsizioko landa paisaia



2. orrialdea

o Basokoa, mendi bakana

o Ingurumena hobetzea

o Azaleko uren babesa

- EUSKO JAURLARITZAKO INGURUMEN SAILAREN 2010eko URRIAREN 7ko TXOSTENAREN ONDORIOEI BURUZKO GOGOETAK

Planaren formulazioan, kontuan hartu beharko dira txosten honetako 4. atalean zehaztutako ingurumen iraunkortasunerako irizpideak, biodibertsitatean eragina dutenak. (Dokumentuari erantsi diogu, 3. eranskinean)

o Lurzoru urbanizaezina antolatzeko proposatutako kategoriak berrikusi beharko lirateke.

o Proposatzen da HAPOk Itsasertzaren LPSk xedatutako zonifikazioa eta LPS horren eraginpeko azalerak aurreikustea, eta horrek ezarritako babes erregimena errespetatzea.

o Proposatzen da HAPOk honako kokaleku hauek jasotzea bere antolamendu kategorietako baldintzatzaile gainjarri gisa:

EAEko Espazio Natural Garrantzitsuen Katalogo Irekia.

Landare interesgarrien eta flora bereziko edota mehatxupeko espezieen banaketa.

EAEko Korridore Ekologikoen Sarea osatzen duten eremuak.

Era berean, eskatzen da eremu horietan jarduteko zeinahi baimen edo lizentzia aldez aurretiko azterketa batera egokitzeko, zeinak zehaztuko duen horrengan eragiteko ahalmena, eta, horrenbestez, muga, eta baita jarduera gauzatzeko baldintzak ere.

o Gomendatzen da HAPOk bere babes kategorietakoren batean jasotzea EAEko Hezeguneen Lurralde Plan Sektorialaren III. taldean bildutako hezeguneak, horien balioak gordetzeko helburuarekin.

o Hirigintza garapen berriei, harrobiaren azalera leheneratzeari eta aurreikusitako komunikazio linealeko azpiegiturei dagokienez, 6.2. atalean nabarmendutako neurriak hartuko dira aintzat, landare formazioei eragin lekizkiekeenak minimizatzeko.

o Azkenik, gomendatzen da hirigintza araudiak harrobiaren azaleraren mugen barneko azaleraren leheneratzea eta landareztatzea arautzea.



2. orrialdea

5. SISTEMA SARE OROKORREN IRIZPIDEAK ETA HELBURUAK

Proposatutako helburuak gauzatzeko irizpide orokorrak berresten dira; hauek, hain zuzen:

o udalari eragiten dioten udalaz gaindiko azpiegituren inpaktua murriztea, eskualdean duen kokapen estrategikoaren arabera.

o Azpiegitura egituratzaileak optimizatzea, eraginkortasun eta iraunkortasun irizpideak baliatuz.

o Oinezkoen eta bizikletentzako sare bat sustatzea, bizitegi eremuak ekipamendu komunitarioekin eta jarduera ekonomikoak garatzeko eremuekin lotzeko.

Bide sarean egiten ziren irizpide eta helburuei dagokienez, BI-625etik Martiartuko frontoiaren lursailera eta Txakoko guneko hegoaldeko industri ardatzeko poligonoetara sartzeko bideen hobekuntzari buruzkoak baino ez dira zehazten.

5.1. BIDE SAREA

- KOMUNIKAZIOEN SISTEMA OROKOR MODUAN GEHITZEA PLANEAMENDUAN HEGOALDEKO SAIHESBIDE METROPOLITARRAK (SUPERSUR) VENTA ALTAKO TUNELAREN AHOAN DUEN TRAZADURA

Lurzoru okupagarriak ezarriko dira eta babestu beharrekoak eta hurbileko ingurunekoak, populatutako guneak eta ingurumeneko inpaktutik babestu beharreko gune urbanizaezinak.

- MARTIARTUN AP-68N ETA MARTIARTU II ETA REZOLAKO INDUSTRIALDEETAN SARTZEKO BIRIBILGUNEEN TRAZAKETA TXERTATZEA PLANGINTZAN

Planeamenduan txertatuko da AP-68ra eta alboko hiri guneetara sartzeko biribilguneen trazadura, eragindako lurzoruak Komunikazioen sistema orokorrean sartzea ezarrita.

- A-8 ETA AP-68 AUTOBIDEAK LOTZEN DIREN ZATIAN BI-625A BITAN BANATZEKO LANETAN ESKU HARTZEA

Helburu hori dagoeneko aurreikusita zegoen gaur egungo arau subsidiarioetan. Ingurumen, ikusmen eta soinu inpaktua murrizteari berebiziko arreta eskaini zaio eta berretsi egin da.

Zentzu honetan, Plan Orokorretik proposatuko da faltsu tunelaren sistema hartzea inpaktu bisuala eta akustikoa minimizatzeko helburua betetzeko, kutsadura kontrolatzeko eta bide segurtasuna bermatzeko konponbide egokitzat.

Lehentasunezkotzat joko da, halaber, errekaren zati horretako eskuin urertzeko oinezkoentzako bidea lehengoratzea.



2. orrialdea

- BI-625EN TRATAMENDUA MARTIARTU INGURUAN A-8 ETA AP-68 LOTURAN ETA FRONTOIKO PARTZELAN

Nahiz eta AP-1 eraiki ondoren BI-625 errepideko eguneko batez besteko intentsitatea murriztu, eta nahiz eta pentsa litekeen Bizkaiko Foru Aldundiak bide zati horretarako planifikatutako bitan banatzea dagoeneko ez dela beharrezkoa, BFArentzat indarrean egoten jarraitzen du.

Hala, 2013an, Arrigorriagako Udalak eskaera egin zion BFAri, BI-625 errepidean biribilgune moduko bidegurutze bat jartzeko aukera azter zezan, Martiartu II Industrialde parean. Hori ikusita, Bide Azpiegituren Zuzendaritzak kontrako txostena idatzi zuen, ondorioztatuz toki horretan biribilgune bat jartzeak ez lukeela beteko Errepideetarako LPSn indarrean dagoen araudia, eta, gainera, biribilgunea ez jartzea gomendatzen duten eta kontuan hartzekoak diren beste hainbat alderdi daudela gaineratu zuen.

Udalak, baina, eutsi egin zion ideiari, eta gerora, biribilgune bat jartzea zeinen bideragarria den erakusten duen txosten bat aurkeztu zuen. Bertan, ingeniaritza espezializatu batek egiaztatzen zuen posible zela BFAk eskatutakoa baino tamaina txikiagoko biribilgune bat eraikitzea, zeinek erantzuna emango liekeen proposatutako eskakizun guztiei (errepidea bitan banatzea eta Martiartuko bi aldeetarako sarbideak, ostalaritza erabilerako eraikinari eragin gabe). Alabaina, BFAk berriz esan zion Udalari aukera hori ez zela bideragarria.

Aurrekari horiekin, plangintzak xedatutako irizpideak hauxe izan behar du: BFArekin koordinazioan, Komunikazio-Bideetako Sistema Orokor moduan kalifikatzea BI-625 errepidea bitan banatzeko beharrezkoak diren lurzoruak, eta BFArekin koordinatzea, gutxienez, Martiartuko gune jendetsuenerako gaur egungo sarbidea hobetzeko irtenbidea, oraintxe eskuinerako mugimenduak baino ez baititu.

Lehentasunezkotzat joko da, halaber, errekaren zati horretako eskuin urertzeko oinezkoentzako bidea lehengoratzea.

- BIDE ZIRKULAZIOA ETA INDUSTRIALDEETAKO SARBIDEA HOBETZEA HEGOALDEKO ARDATZ INDUSTRIALEAN

BFAk proposatu du oraingo BI-625 errepideari saihesbide bat eraikitzea, Bentakorrekako biribilgunearen eta Usila auzoaren artean, Ugaon, tunel baten bitartez. Era horretan, oraingo errepidea hirikoagoa izango da, eta horrek erraztu egingo ditu Txakoko poligonoetarako sarbideak (nola, ekialdeko eremuan, hala mendebaldekoan).

Bestalde, Arrigorriagako Udalak, BI-625 errepidearen zati horretan eguneko batez besteko intentsitatea jaisteko aurreikuspena dagoela ikusita, tunelaren alternatibatzat jotzen du hiru biribilgune ezartzea, bidegurutzeetako zirkulazioa eta ezkerretarako biratzeak errazteko: lehenengo biribilgunea Bentakorrekako bidegurutzean egongo litzateke; bigarrena, beste muturrean (dagoeneko Ugaon), eta, hirugarrena, Txakoko poligonoetarako sarbidearen erdian.

Horrenbestez, beharrezkotzat jotzen da BFArekin eta Ugaoko Udalarekin adostea eta koordinatzea zati horretako bideko zirkulazioa hobetzeko irtenbiderik onena.



2. orrialdea

- UDALAZ GAINDIKO BIDE AZPIEGITURAREN BIDEZAINTZA GEHITZEA UDAL ESPARRUAN

Administrazio jardulearekin lankidetza, “Supersur”, Ekialdeko saihesbidea komunikazio trazatua udal lurraldearen egiturara egokitzeko, nahiz eta ez igaro udalerriko lurretatik, baina bai ingurumen inpaktua murrizteari berebiziko arreta eskaintzeko moduko hurbiltasunarekin, nola zaratari zein kutsadurari dagokienez, hala segurtasun baldintzei dagokienez.

- HIRIGUNEEN ETA POPULATUTAKO GUNEEN ARTEKO KONEXIO ERRODATUAK HOBETZEA, GARRAIO PUBLIKOEKIN ETA INDUSTRIALDEEKIN KONEKTATZEKO

Lehendik dauden autobus lineez gainera, Abusu Bilbobus sarearen trazaduran txertatzea sustatzea.

Era berean, trenbide konexioak ere hobetu egin beharko lirateke; bereziki, aldiriko lineak, sarearen mugakideak diren industrialdeei zerbitzua emango dien geraleku bat ezarriz.

Bizikleta Plana garatzen jarraitzea, industrialdeak eta Arrigorriagako eta Ugaoko hiriguneak lotuko dituen oinezkoentzako eta bizikletentzako bideak ezartzeko.

5.2. TRENBIDE SAREA

Atal honetako irizpide nagusia izango da, hain zuzen, hiri sarearen iragazkortasuna lortzea, udalerriko bi hiriguneetan trenbide trazadurak eten duena.

Horretarako, honako helburu hauek proposatzen dira:

- HIRUGARREN ALTERNATIBA BAT PROPOSATZEA, HEGOALDEKO TREN SAIHESBIDEA ETA RENFEREN BILBO-ORDUÑA LINEA LOTZEKO TRAZADURARI BURUZKOA

Dauden bi alternatibek Basauritik hurbil dauden eta Arrigorriagako hirigunetik salgaien zirkulazioa mantentzen duten bi puntutan lotura jartzea proposatzen dute.

Proposatutako hirugarren alternatibak, bere garaian Basauri, Arrigorriaga eta Ugaoko udalen eta beste auzo elkarte eta elkarte ekologista batzuen alegazioa jaso zuenak, proposatzen du sarearen trazadura bermatzeko sarerako konexioa udalerri horietako hiri lurzoruetatik kanpo egitea.

Aurrerapenean jasotako trazadura orientagarriek, irizpide horrekin, hainbat konexio gune ezartzea proposatzen dute. Trazadura berriak definitu beharko dira ADIFekin eta zerikusia duten alboko udalerriekin.

- UDALAZ GAINDIKO TRENBIDE EGITURA LURRALDEAN INTEGRATZEA

Hirugarren alternatiba honen helburua da, hain justu, oraingo trazadura hirigunetik igarotzen denean, salgaien zirkulazioa arintzea, eta oraingo trazadura metro arin edo tranbia gisa ezartzea, hiri trazadurarekin bat datorrena.



2. orrialdea

Aukera honi esker, trenbide trazadurak hirian ezartzen duen oztopoa desagerrarazteaz gainera, trenbide egiturekin lotutako espazioen erabilera publikoa birmoldatuko da.

Jardun honen bidez, trenbide erabileraren menpeko lurzoruak berreskuratuko dira, zuzkidura erabileretarako eta espazio libreetarako.

- INGURUMENAREN BABESA ETA OZTOPO AKUSTIKOAK

Nola hiriguneak zeharkatzen dituen trazadurak, hala horietatik hurbil geratzen den abiadura handiko trazadurak beharrezko oztopo akustikoak izan beharko dituzte populatutako eremuekiko. Zarata murrizteko abiadura mugatuko da, eta eraikin berriak altxatzean, bibrazioak eta kutsadura akustikoa minimizatzeko moduko irtenbideak baliatuko dira.

- TRENBIDE SAREKO GELTOKIETAKO IRISGARRITASUNA

Helburu horren baitan, modu aktiboan lan egingo da erakundeekin eta enpresa emakidunarekin, geltokirako, nasetarako eta bagoietarako sarbideetan barrera arkitektonikoak kentzeko.

- INDUSTRIALDEETAN GERALEKU BERRIAK SORTZEA AHALBIDETZEA

Lehendik dauden autobus lineez gainera, trenbide mailan ere konexioak hobetu beharko lirateke. Horretarako, geraleku bat sortu beharko litzateke, zerbitzua emateko Agirre, Txako eta Bentakoerrekako industrialdeei.

5.3. BIZIKLETA ETA OINEZKOEN SAREA

- BIZIKLETA SAREA, BIZKAIKO BIZIKLETA PLANA GARATUZ

Bizikletentzako pasealekuen sare alternatibo bat (bidegorria) garatuko da, “Bizikletentzako Udalerriko Oinarrizko Sarearen” bitartez, “Bizkaiko Bizikleta Planaren” baitan (Bizkaiko Foru Aldundia).

Sare honek bi trazadura bereizi ditu Arrigorriagan.

Lehenengo trazadura Nerbioi ibaiarekiko paraleloan doa, eta Basauritik datorren zatiarekin bat egiten du, Lonboren ipar eremuan, ibaiaren ezkerreko aldean; ondoren, hirigunea zeharkatzen du ibaiertzetik, Aixarte etorbidearen amaierara arte, non pasabide berri baten bitartez ibaia zeharkatzen duen, eta beste urbazterretik Ugaorekiko mugaraino doan.

Bigarren trazadura, berriz, hirigunea Abusurekin lotzen duen errepidetik (BI‐3723) doa, Arandian eta Abusuranzko norabideko ezkerreko aldean dauden errepidearen beraren zatiak aprobetxatuz.

Trazadura horri jarraipena emateko, bi zatiak lotzea proposatzen da. Horretarako, pasabide bat jarri beharko da AP‐68 gainean, Aranditik Mendikosolo parkeraino, eta lotura, parkerako sarbidean.

Beteluritik Abusurako lotura, berriz, Montefuerte parkearen beheko aldean, Bolintxu‐Illunbe errekaren alboan, Bilboko udal lursailetan egingo da.



2. orrialdea

Aurrerapenean aurkeztutako bi alternatibak onartzea proposatu da:

o 2. alternatiba justifikagarria da, hain zuzen, ibaiak eskuineko urbazterrean duen malda handiagatik; batez ere, autopistako trazaduraren inguruan. Gainera, ezkerreko urbazterreko trazadurak bat egingo luke Agirreko eta Txakoko industri eremuekin, bai eta Bentakoerrekakoarekin ere (haran horretako baso eremua barne), eta Ugao udalerriko kirol eremuan amaituko litzateke.

o Trazadura berriak bat egingo du Bizikleta Planarekin Martiartu I-eko industrialderako sarbide zubian. Hortik aurrera, trazadura berriro joango da ibaiaren ezkerreko aldetik, harik eta Ugaorekiko mugara iristen den arten, non bat egingo duen udalerri horretako sarearekin. Bentakoerrekako biribilgune berrian, oraingo trenbidearen azpiko pasabidea aprobetxatuz, bidea bitan adarkatuko da, eta bide adar hori Bentakoerrekako errekan gora joango da.

o 3. alternatibak oraingo BI‐3723 trazadurak dituen zailtasunei erantzungo die; izan ere, Buiatik igarotzean, estua da, eta nekez egokitu ahal izango da oinezkoentzako eta bizikletentzako bideetara, segurtasun baldintzetan. Beteluriko zubitik ez igarotzea proposatzen da, baizik eta autopistarekiko paraleloan, Buiara arte joatea, eta handik, errepideko trazadurarekin bat egitea. Bide adar honek erraztu egingo du Buiako erdigunearekiko lotura, eta errepidea arinduko luke, gaur egun nahiko estua eta malda handikoa baita.

- ESPAZIO PUBLIKOETAN ETA HORNIDURAKO EKIPAMENDUETAN OINEZKO ETA TXIRRINGA KONEXIOAK HOBETZEA

Ibilgailuen eta bizikleten erabilerak bateragarriak ez diren urbanizazio proiektu guztietan, oinezkoentzako eta bizikletentzako ibilbideak ezarriko dira, hiri lurzoruetako komunikazioa errazteko, hiri mugikortasun iraunkorrerako eta astialdiko espaziorako alternatiba gisa.

5.4. AZPIEGITUREN BESTE SARE BATZUK

UR HORNIDURA BILBO HANDIRA

Hoditeriak lurraldean txertatzea, Venta Altako plantarako ur hornidurarako sarea lurperatuz, hoditeriak lurraldearen jarraikitasuna eteten duen edo inpaktu bisual nabarmena eragiten duen tokietan.



2. orrialdea

6. BIZITEGI LURZORUETARAKO IRIZPIDEAK ETA HELBURUAK

2011ko Irizpideak, Helburuak eta Alternatibak izeneko dokumentuan xedatutako irizpideak eta helburuak berretsi dira: lehendik dagoen hiri lurzoruan eta lurzoru urbanizagarrian egin beharreko jarduketa, birdentsifikatzeko irizpideekin eta “hiri kirurgia” moduko aldian behingo eragiketekin, lehendik dagoen hiri lurzorua optimizatzeko asmoz, lurzoru berria bizitegi erabilerarako okupatzeari uko eginez; betiere, oraingo bizitegi lurzoruaren dentsitatea eta okupagarritasuna aztertu eta zenbatu ondoren, horiek bermatzen baitute aukeratutako hiri ereduaren aurreikuspenek finkatutako eskaera.

Atal honetako berrikuntzak bi arlori dagozkie:

-Martiartuko Kirolak frontoi zaharraren partzela jarduketa pribatuko bizitegi lurzoru gisa birkalifikatzeko aukera aztertzea proposatu da.

-Lanbarketako AR-R2 sektorea birdentsifikatzeko proposamena baztertu da. Hala egin da, hain zuzen, epai judizial baten ondoren, Sektorea Birpartzelatzeko Proiektua behin betiko onartu zelako, 2012ko ekainaren 20ko Alkatetza Dekretuaren bitartez. Urbanizazio proiektua ere behin betiko onartuta dago, eta, horrenbestez, hirigintza garapenaren izapideak dagoeneko amaituta daude.

Bestalde, dokumentu honek irizpide berritzat dakar espazio urbanoa, lehendik dauden azpiegiturak, mugikortasuna, irisgarritasuna eta energia eraginkortasuna hobetzeko premia duten auzoetan esku hartzeko modua sustatzea.

Etxebizitza hutsetan esku hartzeari buruzkoa ere aldatu da, Etxebizitzari buruzko Eusko Jaurlaritzaren 3/2015 legean xedatutakoei erantzunez, bai eta Lurraldea Antolatzeko Gidalerroen aldaketari erantzunez ere, bizitegien zenbaketarako, jarraian azalduko dugun moduan.

6.1. LEHENDIK DAGOEN BIZITEGITARAKO HIRI LURZORUA BIRDENTSIFIKATZEA

Eraikigarritasun edo erabilera intentsitate txikiko eremuetan ─eta, horrenbestez, kokaleku eskaerari erantzun ezin dioten edo lurzoru baliabidearen erabilera optimizatzen ez duten eremuetan─, “birdentsifikatzea” da esku hartzeko aukeratutako modua.

Hiri lurzoruko birdentsifikatzea, hain zuzen, “hiri kirurgia” moduko aldian behingo eragiketekin egin behar da, aurreko plangintzan gauzatu gabeko Exekuzio Unitateak eta Jarduketa Asistematikoak ahal izanez gero zuzenduz, eta hiri lurzoruan unitate berriak txertatuz.



2. orrialdea

Horrenbestez, bi jarduketa eremu finkatzen dira: Arau Subsidiarioetan planifikatutako eremuak eta aukerako lurzoru berrietako eremuak.

6.1.1 Arau Subsidiarioetan planifikatutako eremuak

Indarreko arau subsidiarioek etxebizitza berriak egitea proposatutako eremuak dira, baina oraingoz eraiki ez direnak edo hein batean baino eraiki ez direnak. Aurreragoko fase batean, HAPO berriak berriz aztertuko ditu eremu hauek, gaur egungo lege eta gizarte egoerara egokitzeko.

Hauek dira, hain zuzen, eremu horietako irizpideak eta helburuak:

- EXEKUZIO UNITATEEN APROBETXAMENDUEN BIRDENTSIFIKAZIOA ETA OPTIMIZAZIOA ETA GARATU GABEKO JARDUKETA ASISTEMATIKOAK

Gauzatu gabeko jarduketak berrikustea, honako irizpide hauen arabera:

“EZ GAUZATZEKO” arrazoiak aztertzea, euren jarraitutasuna eta garatze bidean edo/eta garatu gabe dauden jarduketetako eraikitze dentsitateen eta lurzoruaren okupazioaren optimizazioa bilatzeko aldaketak baloratuz.

Gauzatzeko epeak finkatzea, lurzoruaren jabetzak bere epeetan eraikitzeko duen derrigortasuna arautuz, eta administrazioaren esku-hartzea bultzatuz, horrekin lotuta Lurzoruaren 2/2006 Legeak xedatutakoarekin bat etorrita.

- HEIN BATEAN GARATUTAKO LARRASKOKO HIRI LURZORUAREN BIRDENTSIFIKAZIOA

Plan Orokorraren Aurrerapenaren 2. alternatiba proposatzen da. Proposamen honek handitu egiten du eraikitako partzelen eraikigarritasuna, eta etxebizitzak ere handitu litezke: ahal izanez gero, familia bakarreko etxebizitza izatetik bi familiakoak izatera. Era berean, garatu gabeko eremuetan etxebizitza kolektiboa txertatzea proposatu da; alegia, sotoa, beheko solairua, lehenengo solairua eta atikoa dituena. Betiere, gaur egungo inguruaren bolumena hautsi gabe, eta birdentsifikazio irizpideak aplika daitezkeela.

6.1.2 Aukerako lurzoru berrietako eremuak

Erabilera zaharkituek (ekipamenduak, industri erabilerak, trenbide erabilerak…) okupatutako eremuak dira, edo eraikinik gabekoak. Horiek eraldatzea aukera ona da inguruko komunikazioak, espazio libreak eta ekipamenduak hobetzeko.

Hauek dira, hain zuzen, eremu horietako irizpideak eta helburuak:

- UDALERRIKO SARE URBANOAREN BARRUAN ORAINDIK ERABILGARRI DAUDEN PARTZELEN APROBETXAMENDUA HOBETZEA

Zaharkituta dauden eta goitik beherako birgaitzea edo ordezkapenen bat eskatzen duten eraikinak aztertuko dira, euren aprobetxamendua hobetzeko, eta, era horretan, Aurrerapenaren birdentsifikazio irizpideak betetzen laguntzeko.



2. orrialdea

- MARTIARTUKO KIROLAK FRONTOI ZAHARREKO PARTZELA BIRKALIFIKATZEA ETA BIZITEGIETARAKO BIHURTZEA (2. ALTERNATIBA)

Martiartuko Kirolak Frontoi zaharraren partzelarako proposatzen da bizitegi lurzoru gisa birkalifikatzea, jarduketa pribatuaren esparruan.

- OLLARGANGO PARTZELAREN ERABILERA AREAGOTZEA (HEZKUNTZA EKIPAMENDUAREN ALBOAN)

Ollargango aparkalekuko eraikinarekin alboko lursailek Kirol Ekipamenduen Sistema Orokor kalifikazioa dute. Lurzoru horietan egin ziren arau subsidiarioaren 10. aldaketaren izapideak (2016ko maiatzean behin betiko onartua), bere erabilera aldatu eta bizitegietarako prestatzeko (babespeko apartamentuak). Alabaina, aldaketa hori ez zen indarrean jarri.

Horregatik, 2010eko Aurrerapenak partzela horretan bizitegi erabilera berriak gauzatzeko egindako proposamena mantendu egin da irizpideen eta helburuen birformulazio honetan, eta babes publikoko etxebizitzen bizitegi garapen bat proposatzen da.

- OSASUN ZENTRO, FRONTOI ETA RENFEREN AZPIESTAZIO ELEKTRIKOAREN INGURUNEAN EXEKUZIO UNITATE BAT EZARTZEA

RENFEren azpiestazio elektrikoa kentzea da helburu nagusia, eta, era horretan, osasun eta kirol ekipamendu berria ezartzea oraingoaren ordez. Tartean, bizitegi erabilera eta aparkalekuak, unitatea gauzatu ahal izateko, plangintzaren irizpide orokorrak mantenduz.

6.2. BIZITEGI LURZORU URBANIZAGARRIA BIRDENTSIFIKATZEA

- AR-R1-TORRONTEGI II SEKTOREKO 2. EXEKUZIO UNITATEAREN BIRDENTSIFIKAZIOA

Aurrerapenean proposatutako bi aukerak partzialki onartzea proposatu da.

Alde batetik, Exekuzio Unitate honen Xehetasun Azterketan onartutako hirigintza balioak mantendu dira; baina bestalde, Unitatearen hego-mendebaldeko mugan ─Torrontegi II sektorearen aurreko unitatean libre dauden espazioekin mugan─ aurreikusitako familia bakarreko etxebizitzak baztertzea proposatzen da.

Partzela horietan, beraz, etxebizitza kolektiboak bultzatzea proposatzen da, unitate bereko eremu mugakideko eraikuntza baldintza berberetan, eta, hala, taldearen homogeneotasuna mantentzea, dentsitatea hobetzeko asmoz, baina betiere, aprobetxamendua mantenduz.

Erabaki hau, hain zuzen, sektore honen sustatzaileek legean xedatutako betebehar guztiak betetzen dituztela egiaztatzean dago oinarrituta, sistema orokorren atxikitzeari dagokionez, tokiko bide eta ekipamendu sistemak sortzeari dagokionez, eta baita babes publikoko erregimenean etxebizitza estandarrak hirigintza legeek xedatutako moduan betetzeko derrigortasunari dagokionez ere. Hori guztia sektore osoarentzat, eta berori garatu aurreko faseetan erabat gauzatuta.



2. orrialdea

6.3. ETXEBIZITZA BEHARRARI BURUZKO GOGOETAK

- HUTSIK DAUDEN ETXEBIZITZETAN ESKU HARTZEA, INBENTARIO ZEHATZA EGINEZ ETA AZTERTUZ, HUTSIK DAUDEN ETXEBIZITZAK ALOKAIRUAREN EDO SALEROSKETEN MERKATUAN SARTZEKO

Etxebizitzari buruzko Eusko Jaurlaritzaren 3/2015 Legearekin bat etorrita, hutsik dagoen etxebizitzaren aitorpena dagokion udalarekin hitzartu ahal izango da, edo, horrelakorik ezean, etxebizitza gaietan eskumena daukan Eusko Jaurlaritzako sailarekin, aurretik dagokion udalaren audientzia eginda.

Une jakin batean egon daitezkeen etxebizitza hutsen kopuruari dagokionez, Plan Orokorrak bigarren etxebizitzen eta etxebizitza hutsen eskaera faktoreak hartuko ditu aintzat, “bizitegien zenbaketari dagokionez Lurraldea Antolatzeko Gidalerroak behin betiko onartzen dituen dekretuaren aldaketan” xedatutako bizitegien zenbaketarako kalkulu metodoan jasota dagoen bezala.

Beraz, udalak udalerriko etxebizitzen egoerari buruzko inbentario bat egingo du, gai horretan eskumena duten administrazio publikoek esku har dezaten.

- BABES ERREGIMENEN BATEKIN ETXEBIZITZA BERRIAK ERAIKITZEKO AURREIKUSPENA

Indarreko legedia betez lurzoru urbanizagarrian derrigorrez gauzatu beharreko babes ofizialeko etxebizitzez gainera, Plan Orokor berrian berrantolatzen diren hiri lurzoruetan ere horiek gauzatzen ahalegindu behar da.

Premia handiena duten gizarte taldeentzat (familia gurasobakarrak, tratu txarrak jaso dituzten emakumeak, etxez aldarazitakoak…) eta gazteentzat txandakako alokairuko etxebizitzak bultzatu behar dira.

6.4. AUZOAK BERRITZEA ETA ZAHARBERRITZEA

- AUZOAK BERRITZEA ETA ZAHARBERRITZEA BULTZATZEA

Lehentasunezko jarduketakoak diren etxebizitza taldeak edo/eta eremuak finkatzea da asmoa, bai urbanizazioan gabeziak daudelako, bai eraikuntzaren kontserbazio egoera eta oinarrizko baldintzekin, etxebizitzetarako sarbidearekin, eraikinaren baldintza termikoekin edo eremuko gizarte zaurgarritasunarekin lotutako irizpideek hala eskatzen dutelako.

Hauek dira identifikatutako eremuak:

Osasuna eta Higienea etxebizitza taldea Ollargan herri berria Pedro Muro Kubo auzoa Zubiondo taldea Paper fabrika eta ‘Obra sindical del Hogar’ Sta Isabel-Olatxu



2. orrialdea

7. JARDUERA EKONOMIKOETARAKO LURZORUAREN IRIZPIDEAK ETA HELBURUAK

2011n jarduera ekonomiarekin lotuta onartutako irizpideak eta helburuak, hain zuzen, Bilbo Metropolitarreko LPPk Nerbioi Behereko udalerrietarako (Eremu Funtzionalaren premiei erreparatuz) ezarritako gomendioan oinarritzen ziren. Gomendio horrek zioen industrial gisa kalifikatutako lurzorua mantendu egin behar dela, nahiz eta gaur egun hutsik edo zaharkiturik egon, eta ez direla bizitegi erabileretarako birkalifikazioak egin behar.

Irizpide eta helburu horiek ontzat jotzen zuten Bentakoerreka eremuko arau subsidiarioen 9. aldaketa zehatzean egindako hirigintza planteamendua, 2009. urtean onartutakoa. Arau subsidiarioen aldaketa zehatz horrek hiri lurzoru finkatugabetzat sailkatzen zuen CARTISA, eta bi lurzoru industrial berri sortzen zituen: S.I.2 sektorea, egurraren lehen eraldaketarako jardueretarako – Maderas Orue (Palets del Valle SL), eta S.I.1 sektorea, Jarduera Logistikoetara bideratutakoa. Era berean, izaera logistikoko lurzoru industrialak handitzea ere aurreikusten zuten, SI 1 EROSKI sektorekoei jarraipena emanez.

Alabaina, 2011ko eta 2014ko epai judizialek baliogabetzat jo zuten Arrigorriagako Udalaren 2009ko maiatzaren 22ko erabakia, arau subsidiarioen 9. aldaketa zehatza behin betiko onartu zuena. Era berean, baliogabetzat jo zuten erabaki horretan onartutako plangintzaren aldaketa, eta, beraz, beharrezkoa izan da Bentakoerrekako lurzoru industrialei buruzko guztia berriro aztertzea.

Laburbilduz, 2011. urtean jarduera ekonomikoetarako lurzoruentzat onartutako irizpide eta helburuak mantenduko dira, Bentakoerrekako lurzoru industrialei erreferentzia egiten zietenak izan ezik. Izan ere, horiek berriro aztertu behar izan dira, epai judizialak 2009an onartutako arau subsidiarioen aldaketa zehatza baliogabetu ondoren. Eremu honetarako irizpide eta helburu berriak 7.2. eta 7.3. ataletan aztertuko ditugu.

Hiri lurzoruan lehendik dagoen lurzoru industriala finkatzeari eta optimizatzeari dagokionez, 2011n onartutako dokumentuko irizpideak eta helburuak berresten dira, eta “industri sarea optimizatzea” irizpidearen baitan, Atxukarroko industrialdearen mendebaldeko muturrean kokatuta dauden lurzoruak hiri lurzoru industrial finkatu gisa txertatzea proposatzen da.

7.1. HIRI LURZORUAN DAGOEN LURZORU INDUSTRIALA FINKATZEA ETA OPTIMIZATZEA

- GARATU GABEKO EXEKUZIO UNITATEEN APROBETXAMENDUEN BIRDENTSIFIKAZIOA ETA OPTIMIZAZIOA

Agirre eta Txakoko eremu industrial hutsak mantenduko dira, euren muga bideko errealitatera egokituz eta euren aprobetxamendua hobetuz.



2. orrialdea

Gauzatu gabeko jarduketak berrikusiko dira, honako irizpide hauen arabera:

o Txako eremuan irisgarritasuna hobetzea, eta geralekua jartzeko aukera.

o Jarduera berriak ezartzeko modua erraztea.

o Gauzatzeko epeak ezartzea, lurzoruaren jabetzak eraikitzeko duen betebeharra eta administrazioak plangintza gauzatzeko egin beharreko esku-hartzea arautuz, Lurzoruari buruzko 2/2006 Legearen arabera.

- INDUSTRIA SARE FINKATUA OPTIMIZATZEA

Bi jarduketa mota proposatzen dira lurzoruaren eta industri sare finkatuaren erabilera optimizatzeko:

o Gaur egungo hiri sare industriala modu eraginkorragoan aprobetxatzeko aukera aztertuko da, aprobetxamenduak handituz, eta, hala, espazio gabeziagatik enpresek alde egitea saihestuz.

o Atxukarro industrialdearen amaierako lanak. Atxukarro industrialdearen luzakin bat, AP-68 autopistarekiko mugan, hiri lurzoru industrial finkatugabe gisa sailkatzea proposatzen da; gaur egun, lurzoru urbanizaezina da.

Erabat antropizatuta dago, eta bertan bi plataforma sortu dira, kota desberdinetan. Hainbat material pilatzeko erabiltzen dira.

Plan Orokorrak zehaztasun osoz antola dezake Zuzkidura Jarduketa bitartez, edo Plan Berezi baten bidez eremu bat finka dezake, zehaztasunez antolatzeko.

7.2. BENTAKOERREKAKO LURZORU INDUSTRIALEN EGOERA URBANISTIKOA BERRAZTERTZEA

2011ko eta 2014ko epai judizialen ostean, Bentakoerrekako eremuaren hirigintza antolamendua 1999an onartutako eta oraindik ere indarrean dagoen plangintza da; alegia, CARTISA lurzoru urbanizagarri gisa, eta PALETS DEL VALLE, lurzoru urbanizaezin gisa. Orain artean, baina, ez da izan behar besteko aurrerapenik garapen eta gauzatze urbanistikoan.

Beraz, Bentakoerrekako lurzoru industrialen egoera urbanistikoa berraztertu behar da, eta horretarako, antolamenduko hiru alternatiba proposatzen dira:

Hiri lurzoru finkatugabeko eremu baten garapena (“CARTISA-PALETS DEL VALLE”)

Bere helburu nagusia da, hain zuzen, eremuan dagoen egoera irregular bakarra legezkotzea; zehazki, Cartisarena. 1990ean lortu zuen lizentzia lurzoru urbanizagarrian, baina antolamendu xehaturik izan gabe.



2. orrialdea

Horrez gain, Palets del Valle enpresa zinez garrantzitsua bihurtu den errealitatea da, eta badirudi ez dela oso arrazoizkoa bere garapena lurzoru urbanizaezinean kokatuta egotea. Urbanizaezin gisa sailkatutako lurzoruan egoteak asko mugatzen ditu bere enpresa aukerak, eta, gainera, urbanizazioaren baldintzak ez datoz bat jardueraren tamaina eta garapenarekin.

Horregatik, eta, betiere, Palets del Valle kokatuta dagoen lurzoruak lege baldintza guztiak betetzen dituen bitartean, bigarren aukera honetan enpresa honi 1. alternatiban Cartisari emandakoaren antzeko trataera urbanistikoa ematea proposatzen da; alegia, hiri lurzoru finkatugabe gisa sailkatzea, eta hiri lurzoru finkatugabe bateratu baten eremu bat mugatzea (“Cartisa- Palets del Valle”), sinergiak lortzeko, eta eremu horretako baldintzak hobetzeko, bi enpresa horien jardueretara egokituz.

Beste lurzoru urbanizagarri sektorizatugabe bat sortzea Bentakoerrekaren goiko eremuan

Proposamen honek udalerrian lurzoru industriala gordetzeko aukera aurreikusten du, 2011n onartutako Irizpideekin eta Helburuekin bat etorrita. Izan ere, irizpide eta helburu horiek premia berbera hauteman zuten. Eta, gainera, bat dator lurralde eremu honetarako Jarduera Ekonomiko eta Merkataritza Ekipamenduetarako Lurzoruaren Sorkuntza Publikoko LPSn gomendatutakoarekin.

Bizkaiko Foru Aldundiak, Errepideetako LPSn, Bentakoerrekako biribilgunea eta Usila lotuko dituen tunel baten bitartez Ugaorako sarbideak hobetzea aurreikusten jarraitzen duenez (betiere, komunikazio azpiegitura erakunde honetatik sustatzen bada), Bentakoerrekako goiko eremua, arau subsidiarioen huts egindako 9. aldaketa zehatzak dagoeneko halaxe sailkatu zuena, erabilgarria izan liteke lurzoru industrialerako gordetzeko.

Hori bai, jarduketa eremuaren ezaugarriak direla tarteko ─batez ere, bere topografia berezia─, bai eta eremu horretan gorde beharreko ingurumen balioak direla tarteko ere, logikoa dirudi pentsatzea sektore horren birsailkapena eta bere egitura zehatzen definizioa egin aurretik horien bideragarritasun tekniko eta ekonomikoa aztertu beharko litzatekeela.

Proposatzen da, beraz, lurzorua urbanizagarri sektorizatugabe gisa sailkatzea. Hala, sektore honen garapena beti izango da dagokion Sektorizazio Plana aurkeztu eta onartzearen araberakoa. Bertan egongo da jasota, hain justu, EAEko Lurzoruari eta Hirigintzari buruzko 2/2006 Legearen 66. artikuluan bildutako dokumentazioa. Dokumentazio horren baitan, “Azterlan bat” aurkeztu beharko da “non justifikatuko den lurraldearen erabilera ereduaren iraunkortasuna eta onartutako hiri garapena, bai eta bere bideragarritasuna ere, ekimen eta kudeaketa gaitasunen arabera, eta baliabide ekonomiko eta finantza baliabide publiko zein pribatuen arabera”.



2. orrialdea

7.3. INDUSTRIALDEETAKO KOMUNIKAZIOAK ETA SARBIDEAK HOBETZEA

Lantokietarako eta lurzoru emankorreko okupazio berrietarako mugikortasuna erraztea proposatzen da, lehendik dagoen garraio publikoa hurbilduz eta egokituz.

7.4. ZERBITZUEN SEKTOREA

- MERKATARITZA ERABILERAK ANTOLATZEA, BIZITEGIKO ESPAZIO URBANOAREN BARRUAN

Hiri lurzoruaren garapen orekatuari esker, bereziki bizitegi erabilerarekin bateragarria den jarduera ekonomikoa zinez garrantzitsua da. Plangintzatik bertatik jarduera horiek, euren ezaugarriak eta kokaguneak arautzen dira.

Oro har, hauek dira jarduerak: hurbileko merkataritza edo txikizkako merkataritza, jarduera profesionalak eta ostalaritza. Plangintzatik bultzada eman behar zaio sektore horri, “lo hiri” izaeratik ihes eginez, horrek mugatu egiten baitu jarduera horien garapena.

- ZERBITZU ETA MERKATARITZAKO JARDUERAK ETA BIZITEGIKO ERABILERAK BATERATZEA

Bestalde, beheko solairuetan erabilerarik ez duten lokal ugari daudenez, eskaera asko ari dira egiten erabilera aldatu, eta “beheko solairuko etxebizitza” gisa erabili ahal izateko.

Plan Orokorrak proposatzen du erabilera berri hori ordenantza espezifikoen bitartez arautzea.

Dena den, berez, beheko solairuetako hiri lurzoruaren eremu hau batez ere merkataritza erabileretarako dago pentsatuta, eta baztertuta geratuko da beheko solairuan etxebizitzak egiteko aukera. Gainerako hiri lurzoruan, ordea, ordenantza berriek eta Plan Orokorrak eraikin jakin batzuentzat xedatutako zehaztapenak jasoko dira.

7.5. LEHEN SEKTOREA

- ORAINGO EGITURA MANTENTZEN DA

Lurraldea Antolatzeko Gidalerroetan eta Nekazaritza eta Basogintzako Lurralde Plan Sektorialean xedatutako izendapenak egokitu egingo dira.

- LEHEN SEKTOREA BABESTEA, LURZORU URBANIZAEZINA, NEKAZARITZAKOA ETA BASOGINTZAKOA MANTENDUZ

Nekazaritza eta abeltzaintza jarduerari dagokionez, lehendik dauden jarduerak mantenduko dira; eta mantendu egingo dira, halaber, landa nukleoen inguruneetan zehazki erabilera horietara bideratutako eremuak.



2. orrialdea

- FYM-EN (REZOLA) JARDUERA ERAUZLERAKO HARROBIAREN AZALERA ARAUTU ETA MUGATUKO DA

Jarduera erauzlerako muga bat jarriko da, dena delako baldintzetan oinarrituta, behin ustiapen lana amaitutakoan, harrobiaren azaleraren ingurumena lehengoratzeko eta hobetzeko.



2. orrialdea

8. EKIPAMENDUETARAKO ETA ESPAZIO LIBREETARAKO IRIZPIDEAK ETA HELBURUAK

2011ko Irizpideak, Helburuak eta Alternatibak izeneko dokumentuan xedatutako irizpideak eta helburuak berretsi dira:

Gaur egun, Osasun Etxeko instalazioek baino ez dute eskatzen goitik beherako zaharberritze lana. Beraz, Barua parkeak, Urgoiti pasealekua 12ko etxebizitzek eta trenbideak mugatutako eremuan esku hartzea proposatzen da, eremuan osasun ekipamendu modernoa edukitzeko; bai eta RENFEren azpiestazio elektrikora bideratutako lurzorua berreskuratzea ere, hiri sarean txertatzeko.

Esku hartzearen bideragarritasuna bermatzeko, ekipamendu hori eta bizitegi aprobetxamendua bateragarriak izatea lortu beharko da.

Era berean, plangintzak lurzorua gordeko du etorkizunean irakaskuntza eta gizarte ekipamenduetan jarduketak egiteko.

Atal honetako berrikuntzek honako proposamen hauei egiten die erreferentzia:

- ABUSU EU-3 gaur egungo eremuan indarreko arau subsidiarioek bizitegietara bideratutako lursailetan aparkaleku berriak egitea aztertu da, orduko proposamena bideragarria ez dela ikusita.

- Helburutzat hartu da ibai pasealekuen alboan espazio libreak bultzatzea (“Ibaiak” proposamena), bizikletentzako eta oinezkoentzako bide sareak finkatutako helburuekin lotutako proposamen gisa.

8.1. KIROL EKIPAMENDUA

- KIROL EKIPAMENDUAN DAGOEN EGITURA MANTENTZEA

Gaur egun dauden kirol instalazioak nahikotzat jo dira oraingo ordenamendu mailarentzat eta Aurrerapenean xedatutako hazkunde aurreikuspenentzat.

Hirigunean, San Kristo kirol instalazioak eta udal kiroldegia ditugu.

Abusun, berriz, Montefuerte kirol instalazioak ditugu, oraindik ere gara daitezkeenak. Eta kirol jarduerei dagokienez, behar adina instalazio daude Bilbotik hurbil.



2. orrialdea

8.2. HEZKUNTZA EKIPAMENDUA

- HEZKUNTZA ERABILERARAKO LURZORUAREN ESKAINTZA MANTENTZEA BIGARREN HEZKUNTZAKO INSTITUTUAREN INGURUNEAN

IKEIk idatzitako txostenean ondorioztatzen denez, gaur egungo instalazioek berme handiarekin asetzen dute dagoen eskaera, bai eta datozen urteetarako aurreikusitakoa ere.

IKEIren txosteneko aurreikuspenek ez dute adierazten inolako ahaleginik egin beharko denik udalerriko hezkuntza zuzkidurak handitzeko, udalerriko haurren eskaera zein den aintzat hartuz.

Dena den, eskaera kuantitatiborik ez egonagatik, 0-2 urte arteko (lehen zikloko 1. maila) haur hezkuntzako premiak ase ondoren, gabezia sumatzen da Lanbide Heziketako eta erdi eta goi mailako zikloetako ikasketetan.

Beraz, horretarako lurzorua egon badagoenez, Lanbide Heziketako erdi eta goi mailako zikloko ildoak garatzea susta liteke; zehazki, uraren teknologiaren ingurukoak, udalerrian Beteluriko araztegia ezarri dela-eta (Ur Partzuergoa).

Ziklo horien eskaera eskualdeko ikuspuntutik aztertu behar da, baina badirudi Arrigorriagan kokatzea izango dela egokiena, horixe baita eskola barrutian biztanle gehieneko udalerria.

Gaur egungo Bigarren Hezkuntzako Institutuaren ingurunean dauden kokalekuak egokiak eta nahikoak dira azalerari eta kokaguneari dagokienez; beraz, plangintza berrian ez da proposatu hezkuntza erabilerarako lurzorua handitzea.

8.3. OSASUN EKIPAMENDUA

- OSASUN ZENTRO, FRONTOI ETA RENFEREN AZPIESTAZIO ELEKTRIKOAREN INGURUNEAN EXEKUZIO UNITATE BAT DEFINITZEA

Hiriguneko osasun zentroa, hain zuzen, funtzionaltasun, aprobetxamendu eta eraginkortasun baldintzak betetzen ez dituen eraikin batean dago kokatuta.

Osasun zentroaren ingurunean exekuzio unitate berri bat proposatzen da, lehendik dauden erabilerek baldintza hobeak izan ditzaten; tartean, bizitegi erabilera eta aparkalekua, jarduketaren finantzaketa eta bideragarritasun ekonomikoa bermatze aldera.

Proposamenak ez dakar azalera nabarmen handitzea, eta osasun agintaritzek xedatutakoari egokituko zaio. Dena den, instalazioak modernoagoak izatea, espazioak optimizatzea eta zerbitzua hobetzea ekarriko du.

8.4. EKIPAMENDU KOMUNITARIOA



2. orrialdea

- EKIPAMENDU KOMUNITARIO PUBLIKOAN LEHENDIK DAGOEN EGITURA MANTENTZEA

Nola administrazio zerbitzuei dagokienez, hala gizarte eta kultura zuzkiduretan eta gizarte zerbitzuetan, gaur egungo ekipamenduak ─oraingo arau subsidiarioetan aurreikusitakoak eta azken urteotan garatutakoak─ egokiak eta neurrizkoak dira udalerriaren tamainari erreparatuta.

Udaletxe berria eraikita, arlo honetako premiak aseta daude; izan ere, kontuan hartu behar dugu gaur egungo eraikinei zuzkidura erabilera berriak eman ahal izango zaizkiela.

Lonbo, Gaztegune eta Abusuko Zentro Soziokulturaleko ekipamenduen garapenak, kultur etxearekin eta Barua parkeko tailerrekin batera, eskaintza egokiak dira udalerriko hiri garapenerako.

Kristo zeharkaleko hirugarren adinekoentzako egoitza berria ─Eguneko Zentro eta guzti─, hiriguneko eta Abusuko erretiratuen etxeekin batera, ekipamendu egokia da, udalerriko premiekin bat datorrena.

8.5. HILERRIA

- LEHENDIK DAGOEN EGITURA MANTENTZEA

Landaederragako hilerri parke berriaren proiektua garatu eta gauzatu da, eta dagoeneko aseta daude oraingo zein etorkizuneko premiak.

Hilerri berriak eguneratu eta modernoago egiten ditu gaur egungo premiak.

8.6. APARKALEKUAK

Udalerrian aparkalekuarekin dagoen arazoari Lurzoruari buruzko Legean xedatutako iraunkortasun irizpideetatik heldu behar zaio, nukleo barnean ibilgailuen zirkulazioa murrizteko. Horretarako, beharrezkoak dira aparkatzeko tokiak, bereziki txandakakoak, zuzkidura, administrazio, astialdi… eta bestelako zerbitzuekin lotura izango dutenak.

Aparkalekuek eremu bakoitzeko premiei erantzun beharko diete, eta sustatuko da horiek garraiobideetako geralekuen eta hiri nukleoetarako sarbideen alboan jartzea; hala, bizitegi eremuetan ibilgailuen zirkulazioa minimizatuko da.

Horregatik guztiagatik, hauek dira proposamenak:

- HERRIKO SARBIDEETAN APARKATZEKO SISTEMAK EGITEA, BERRIAK EGINEZ EDO LEHENDIK DAUDENAK ZABALDUZ

Aurrerapenean iraunkortasunarekin eta orekarekin lotuta xedatutako irizpideak lortzeko asmoz modu aktiboan jarduteko, udalerriko sarbideen alboan aparkaleku sistemak egitea proposatzen da; izan ibilgailuena, izan lehendik dauden garraio azpiegituren bitartez (trenbidea, autobusak, etab.).



2. orrialdea

Proposamen honen azken helburua da, hain justu, hirigunean ibilgailuen zirkulazioa murriztea, eta bide horiek oinezkoentzako bide bihurtzea. Neurri horiekin batera, informazio eta sentsibilizazio kanpainak egin, eta behar bezalako seinaleak jarriko dira.

- APARKALEKURAKO LURZORUA JARTZEA, BEREZIKI BERTAKO BIZTANLEENTZAT

Bertako biztanleentzat aparkaleku berriak sortzea proposatzen da gaur egun horren gabezia duten eremuetan; berebiziko arreta eskainiko zaie Lanbarketa eta Santa Isabel-Olatxu inguruneei.

Bestalde, ABUSU EU-3 eremuan, proposatzen da aparkaleku berri bat jartzea indarreko arau subsidiarioek bizitegietara bideratutako lursailetan. Aukera hura ez zen azkenean gauzatu, erabilera horretarako baldintza geoteknikoak ez zirelako egokiak, baina egindako azken azterlanen ondoren egingarria ikusi da lurzoru horien zati batean aparkalekuak egitea eta beste zatian espazio libreen hornidurarako erabili daiteke.

Proposamen honekin hobetu egingo dira aparkaleku aukerak, non eta oraintxe zentzu horretan arazoak dituen auzo batean. Era berean, berdegune bat lortuko da auzorako.

- HIRIGUNEAN TXANDAKAKO APARKALEKUAK EGITEA PROPOSATZEA

Administrazio, gizarte eta kultura, merkataritza eta aisialdi jarduera handieneko eremuetan txandakako aparkalekuak jartzea proposatzea.

8.7. ESPAZIO LIBREAK

-TRESNA URBANISTIKOAK MANTENDU ETA GARATU BEHAR DIRA, GARAPEN IRAUNKORRERAKO

Arrigorriaga udalerriko espazio libreen gaur egungo egoera ─“Indarreko plangintzaren Garapen Azterketa” izeneko aurretiko dokumentutik ondoriozta daitekeenez─, Lurzoruari buruzko Legean xedatutakoa baino askoz ere egoera hobean dago, zentzu guztietan.

-IBAIAK

Ibai pasealekuen inguruetan espazio libre berriak bultzatzea. Helburu horrek lotura izango luke bizikletentzako eta oinezkoentzako bide sarearentzat xedatutako irizpide eta helburuekin.



2. orrialdea

9. AZTERGUNEAK ETA ALTERNATIBAK

Irizpideak, Helburuak eta Alternatibak izeneko 2011ko dokumentuak Plan Orokorraren aurrerapenean proposatutako alternatibak aztertu zituen, eta herritarren partaidetza prozesuaren ostean egokienentzat jotakoak aukeratu zituen. Hauek ziren dokumentuan jasotako alternatibak:

1. Bizikleta sarea, Bizkaiko Bizikleta Plana garatuz

2. Larraskoko hiri lurzoruaren birdentsifikazioa

3. AR-R1-Torrontegi II sektoreko 2. exekuzio unitatearen birdentsifikazioa

4. AR-R2 Lanbarketa sektorearen birdentsifikazioa

5. Lurzorua zabaltzea, izaera logistikoko jarduera ekonomikoetarako

Alternatiba horiek dokumentu honetan bildu eta aztertu dira, 4. alternatiba izan ezik, ez baita aztergunetzat proposatu. Hala egin da, hain zuzen, epai judizialaren ondoren, Sektorea Birpartzelatzeko Proiektua behin betiko onartu zelako, 2012ko ekainaren 20ko Alkatetza Dekretuaren bitartez. Urbanizazio proiektua ere behin betiko onartuta dago, eta, horrenbestez, hirigintza garapenaren izapideak dagoeneko amaituta daude.

5. alternatiba ere ez da jaso, arau subsidiarioen 9. aldaketaren jarduera ekonomikoetarako lurzoruak zabaltzeari erreferentzia egiten ziolako, eta aldaketa hori baliogabetuta geratu zen, lehenengo, EAEko Justizia Auzitegi Nagusiak (2011ko ekainaren 2an), eta gero, Justizia Auzitegi Nagusiko Administrazioarekiko Auzien Salaren 5. atalak (2014ko martxoaren 20an) emandako epai bidez.

Irizpideak eta helburuak eguneratzeko dokumentuak, zeina 2018ko uztailetik urrira bitartean jarri baitzen jendearentzat ikusgai, berresten zituen 2011n onartutako “Irizpideak, Helburuak eta Alternatibak” izeneko dokumentuko hiru alternatibak, arestian hizpide izan ditugunak, eta beste eremu batzuk aztertzen zituen, berrantolatu ahal izateko:

Azterguneak. Antolatu beharreko eremuak:

1. Bentakoerreka

2. Ollargan

3. Martiartu

Irizpideen eta Helburuen Eguneraketa eta Birformulazioari buruzko dokumentu honen barruan sartu dira aztergune hauetarako egokienak direla uste diren alternatibak, udalaren zerbitzu teknikoarekin eta HAPOren zuzendaritza politikoarekin kontrastatu ondoren.

Ondoren laburtuta datoz dokumentu honek aurreko dokumentuetan proposamenak/alternatibak zituzten eremuetarako hartu diren alternatibak.



2. orrialdea

9.1. PLAN OROKORRAREN AURRERAPENAREN PROPOSAMENEKIN BAT ETORRITA ONARTUTAKO ALTERNATIBAK

- BIZIKLETA SAREA, BIZKAIKO BIZIKLETA PLANA GARATUZ

Bizikletentzako pasealekuen sare alternatibo bat (bidegorria) garatuko da, “Bizikletentzako Udalerriko Oinarrizko Sarearen” bitartez, “Bizkaiko Bizikleta Planaren” baitan (Bizkaiko Foru Aldundia).

Sare honek bi trazadura bereizi ditu Arrigorriagan.

Lehenengo trazadura Nerbioi ibaiarekiko paraleloan doa, eta Basauritik datorren zatiarekin bat egiten du, Lonboren ipar eremuan, ibaiaren ezkerreko aldean; ondoren, hirigunea zeharkatzen du ibaiertzetik, Aixarte etorbidearen amaierara arte, non pasabide berri baten bitartez ibaia zeharkatzen duen, eta beste urbazterretik Ugaorekiko mugaraino doan.

Bigarren trazadura, berriz, hirigunea Abusurekin lotzen duen errepidetik (BI‐3723) doa, Arandian eta Abusuranzko norabideko ezkerreko aldean dauden errepidearen beraren zatiak aprobetxatuz.

Trazadura horri jarraipena emateko, bi zatiak lotzea proposatzen da. Horretarako, pasabide bat jarri beharko da AP‐68 gainean, Aranditik Mendikosolo parkeraino, eta lotura, parkerako sarbidean.

Beteluritik Abusurako lotura, berriz, Montefuerte parkearen beheko aldean, Bolintxu‐Illunbe errekaren alboan, Bilboko udal lursailetan egingo da.

Aurrerapenean aurkeztutako bi alternatibak onartzea proposatu da:

• 2. alternatiba justifikagarria da, hain zuzen, ibaiak eskuineko urbazterrean duen malda handiagatik; batez ere, autopistako trazaduraren inguruan. Gainera, ezkerreko urbazterreko trazadurak bat egingo luke Agirreko eta Txakoko industri eremuekin, bai eta Bentakoerrekakoarekin ere (haran horretako baso eremua barne), eta Ugao udalerriko kirol eremuan amaituko litzateke.

• Trazadura berriak bat egingo du Bizikleta Planarekin Martiartu I-eko industrialderako sarbide zubian. Hortik aurrera, trazadura berriro joango da ibaiaren ezkerreko aldetik, harik eta Ugaorekiko mugara iristen den arten, non bat egingo duen udalerri horretako sarearekin. Bentakoerrekako biribilgune berrian, oraingo trenbidearen azpiko pasabidea aprobetxatuz, bidea bitan adarkatuko da, eta bide adar hori Bentakoerrekako errekan gora joango da.

• 3. alternatibak oraingo BI‐3723 trazadurak dituen zailtasunei erantzungo die; izan ere, Buiatik igarotzean, estua da, eta nekez egokitu ahal izango da oinezkoentzako eta bizikletentzako bideetara, segurtasun baldintzetan. Beteluriko zubitik ez igarotzea proposatzen da, baizik eta autopistarekiko paraleloan, Buiara arte joatea, eta handik, errepideko trazadurarekin bat egitea. Bide adar honek erraztu egingo du Buiako erdigunearekiko lotura, eta errepidea arinduko luke, gaur egun nahiko estua eta malda handikoa baita.



2. orrialdea

- LARRASKOKO HIRI LURZORUAREN BIRDENTSIFIKAZIOA

Plan Orokorraren Aurrerapenaren 2. alternatiba proposatzen da. Proposamen honek handitu egiten du eraikitako lursailen eraikigarritasuna, eta etxebizitzak ere handitu litezke: ahal izanez gero, familia bakarreko etxebizitza izatetik bi familiakoak izatera. Era berean, garatu gabeko eremuetan etxebizitza kolektiboa txertatzea proposatu da; alegia, sotoa, beheko solairua, lehenengo solairua eta atikoa dituena. Betiere, gaur egungo inguruaren bolumena hautsi gabe, eta birdentsifikazio irizpideak aplika daitezkeela.

Eremuaren garapen mailari erreparatuta, dentsitatearen handitzea nahikoa da goi mailako plangintzan gomendatutako balioak lortzeko.

- AR-R1-TORRONTEGI II SEKTOREKO 2. EXEKUZIO UNITATEAREN BIRDENTSIFIKAZIOA

Aurrerapenean proposatutako bi aukerak partzialki onartzea proposatu da.

Alde batetik, Exekuzio Unitate honen Xehetasun Azterketan onartutako hirigintza balioak mantendu dira; baina bestalde, Unitatearen hego-mendebaldeko mugan ─Torrontegi II sektorearen aurreko unitatean libre dauden espazioekin mugan─ aurreikusitako familia bakarreko etxebizitzak baztertzea proposatzen da.

Partzela horietan, beraz, etxebizitza kolektiboak bultzatzea proposatzen da, unitate bereko eremu mugakideko eraikuntza baldintza berberetan, eta, hala, taldearen homogeneotasuna mantentzea, dentsitatea hobetzeko asmoz, baina betiere, aprobetxamendua mantenduz.

Erabaki hau, hain zuzen, sektore honen sustatzaileek legean xedatutako betebehar guztiak betetzen dituztela egiaztatzean dago oinarrituta, sistema orokorren atxikitzeari dagokionez, tokiko bide eta ekipamendu sistemak sortzeari dagokionez, eta baita babes publikoko erregimenean etxebizitza estandarrak hirigintza legeek xedatutako moduan betetzeko derrigortasunari dagokionez ere. Hori guztia sektore osoarentzat, eta berori garatu aurreko faseetan erabat gauzatuta.

9.2. ARRIGORRIAKO HIRI ANTOLAMENDURAKO PLAN OROKORRA IDAZTEKO OINARRIA IZANGO DIREN IRIZPIDEAK ETA HELBURUAK EGUNERATZEAREN ETA BIRFORMULATZEAREN ARABERA HARTUTAKO ALTERNATIBAK

- BENTAKOERREKAKO LURZORU INDUSTRIALEN EGOERA URBANISTIKOA BERRAZTERTZEA

Proposatzen da hiri lurzoru finkatugabeko eremu bateratu bat mugatzea “Cartisa-Palets del Valle” lurzoruetarako, sinergiak lortu ahal izateko eta eremu horren baldintzak hobetu ahal izateko, bi enpresen jardueraren arabera dimentsionatuta.

Horrez gain, proposamenak sektorizatu gabeko lurzoru urbanizagarriko sektore berri bat sortzea planteatzen du, Bentakoerrekako goiko aldean, udalerrian lurzoru industrialaren erreserba bat egon dadin, 2011n onartutako Irizpideekin eta Helburuekin bat etorrita. Izan ere, irizpide eta



2. orrialdea

helburu horiek premia berbera hauteman zuten. Eta, gainera, bat dator lurralde eremu honetarako Jarduera Ekonomiko eta Merkataritza Ekipamenduetarako Lurzoruaren Sorkuntza Publikoko LPSn gomendatutakoarekin.

Proposatzen da lurzorua urbanizagarri sektorizatugabe gisa sailkatzea. Hala, sektore honen garapena beti izango da dagokion Sektorizazio Plana aurkeztu eta onartzearen araberakoa. Bertan egongo da jasota, hain justu, EAEko Lurzoruari eta Hirigintzari buruzko 2/2006 Legearen 66. artikuluan bildutako dokumentazioa. Dokumentazio horren baitan, “Azterlan bat” aurkeztu beharko da “non justifikatuko den lurraldearen erabilera ereduaren iraunkortasuna eta onartutako hiri garapena, bai eta bere bideragarritasuna ere, ekimen eta kudeaketa gaitasunen arabera, eta baliabide ekonomiko eta finantza baliabide publiko zein pribatuen arabera”.

- OLLARGANEN BIZI DIRENENTZAKO APARKALEKUEN AZALERA HANDITZEA

Abusuko 3. EUren garapenak huts egin zuenez (lurzoruetan antzemandako arazoek ez dute bizitegiak kokatzen uzten ) eta kontuan hartuta Ollarganeko etxebizitza multzoak aparkaleku arazo larriak dituela, proposatzen da lursailetako batzuk (egonkortasun eta erresistentzia frogatua dutenak) gainazaleko aparkaleku publiko moduan erabiltzea, dagoen urbanizazioa mantenduta. Eremuaren gainerako Espazio Libreetarako eta Berdeguneetarako erreserbatuta geldituko litzateke.

- MARTIARTUKO KIROLAK FRONTOI ZAHARREKO PARTZELA BIRKALIFIKATZEA ETA BIZITEGIETARAKO BIHURTZEA (2. ALTERNATIBA)

Martiartuko Kirolak Frontoi zaharraren partzelarako proposatzen da bizitegi lurzoru gisa birkalifikatzea, jarduketa pribatuaren esparruan. Lurzorua Kirolak Frontoiaren eraikineko partzelan jarduketa integratu baten bidez garatuko da, etxebizitza kolektiboaren tipologiako bizitegi erabilerak antolatzeko.

Eremua hiru lurzoru finkatugabetzat sailkatuko litzateke, eta hirigintza estandarrei buruzzko 12372012 Dekretuan ezarritako bete beharko luke.

Proposamenaren barruan sartzen da, BFArekin koordinatuta, BI-625 errepidea bitan banatzeko beharrezkoak diren lurzoruak Bide Komunikazioen Sistema Orokor gisa kalifikatzea.

Aurrekoarekin lotuta, oinezkoentzako igarobidearen ekialdean kokatuta dagoen familia bakarreko etxebizitza ordenamendutik kanpo geratzen da, BI-625 errepidea bitan banatzeko trazaduraren eraginpean baitago, eta ezabatuko litzateke Arau Subsidiarioetan aurreikusitako zubia (Aizarteko zubia), BI-625 errepidearen eskuineko aldetik lursailerako sarbide berri bat ekin.

Gainera, proposamenak berreskuratu egiten du eremu horretan errekaren eskuineko urertzeko oinezkoentzako lotura lehengoratzea (“frontoiko lursailaren” eta familia bakarreko etxebizitzaren atzeko zatia), lurzoru horiek Espazio Libreen eta Berdeguneen Tokiko Sistema gisa kalifikatuz, garatu beharreko eremuaren baitan. Bertarako sarbidea hobetu egin beharko da lehendik dagoen oinezkoentzako pasabidetik, malda txikiko arrapala bat jarrita. Hala eginez gero, asko hobetuko da bere erabilera eta udalerriarekiko lotura eta integrazioa.



2. orrialdea

1.ERANSKINA_ 2011an ONARTUTAKO IRIZPIDEEN ETA HELBURUEN KONPARAZIOZKO KOADROA ETA DOKUMENTU HONETAN EGIN ZAIEN EGUNERATZEA.



2. orrialdea



2. orrialdea

2. ERANSKINA_ARRIGORRIAGAKO BIZITEGI ESKAINTZAREN ZENBAKETA EGUNERATZEA.

2010ean, Arrigorriagako HAPOren Aurrerapenak bizitegi lurzoru berriaren eskaintzaren zenbaketa gauzatu zuen, Lurraldea Antolatzeko Gidalerroen (LAG) ─otsailaren 11ko 28/1997 Dekretuak onartu zituen behin betiko─ eta Bilbo Metropolitarreko Lurralde Plan Partzialaren (LPP) lurralde ereduarekin bat etorrita. Azken Plan hori behin betiko onartu zuen irailaren 26ko 179/2006 Dekretuak, eta ordezkatu egin zuen LAGen zenbaketa formula. Kalkulua egiteko, bestalde, hainbat datu erabili ziren: biztanleria, etxebizitza kopurua, familien batez besteko tamaina eta etxebizitza hutsen kopurua, guztiak 2009ko udal erroldatik lortutakoak (2010eko HAPOren Aurrerapen Memoriako 5.1. eta 5.2. atalak).

Harrezkero, 7 urte igaro dira, eta erroldako datuak zaharkituta geratzeaz gainera, 2016ko urtarrilaren 19an 4/2016 Dekretua onartu zen, bizitegi zenbaketarekin lotuta Euskal Autonomia Erkidegoko Lurraldea Antolatzeko Gidalerroak behin betiko onartzen dituen Dekretua aldatzen duena.

LAGen aldaketa zehatzak bere 7. artikulu berrian (Bizitegien zenbaketa) jasotzen duen bezala, aldaketa zehatz honetan xedatutako metodologia aplikagarria da udal hirigintza plangintzak berrikustean eta aldatzean; eta, beraz, aplikagarria da Arrigorriagako plangintza orokorraren berrikuspen dokumentu honetan ere. Horrenbestez, dokumentu honetan, metodologia berri honen arabera egin da 2010eko Aurrerapenean jasotako bizitegi eskaintzaren zenbaketaren eguneratzea.

Abiapuntuko datuak:

Zenbaketa eguneratzeko, HAPOren hasierako urtetzat 2017. urtea hartzen da, urte horri buruzko datu eguneratuak baitaude (biztanleria, etxebizitza kopurua, etxebizitza hutsen kopurua eta familien batez besteko tamaina); hauek dira, hain zuzen:

Biztanleria 12.309biztanle

Etxebizitza kopurua 5.328etxebizitza

Okupatutako etxebizitzak 4.787etxebizitza

Hutsik dauden etxebizitzak 541etxebizitza

2010eko Aurrerapen dokumentuak biztanleria aurreikuspen bat egin zuen plana amaitzen zen urterako (2010-2018), erreferentziatzat hartuta 2010eko biztanleria datuak eta aurreko hamarkadako hazkunde begetatiboaren eta migrazio mugimenduaren indizeak. Hala, hurrengo 8 urteetako hazkunde begetatiboarentzako hipotesiak finkatu ziren: lehenengo hipotesiak azken bosturtekoko jaiotza balioak mantendu zituen (milako 11n zegoen); bigarren hipotesiak, berriz, beheranzko joera mantendu zuen (milako 8tik hurbileko balioekin), bizitegi garapen handiko aurreko urteetan bezalaxe (2000-2004).



2. orrialdea

Hazkunde begetatibo horri heriotza indizea kendu behar zitzaion (batez bestean milako 6,7 inguruko balioa); era horretan, hazkunde begetatiboaren hipotesiak honela zeuden: lehenengo kasuan, milako 4,3ko hazkundea, eta bigarrenean, milako 1,3koa.

Gainera, migrazio mugimendua ere aztertu zen, eta 3 hipotesi finkatu ziren: beheranzko joera mantentzea (milako 2ko indizea), azken bosturtekoko balioak mantentzea (milako 5eko balioa), eta tartekako goranzko joera, etxebizitza berriak eraikitzeagatik (milako 8ko indizea).

2010eko egoera ekonomikoa aintzat hartuz, hazkunde hipotesi zuhurra onartu zen: milako 3,3koa (biztanleria hazkundea kalkulatuz, kontuan izanda milako 1,3ko hazkunde begetatiboa eta milako 2ko migrazio mugimendua zeudela). Metodologia honen arabera, 2018rako 12.726 biztanle izango zirela aurreikusi zen.

Biztanleria aurreikusteko kalkulu koadroa. Iturria: 2010eko Aurrerapena

Kalkulu horren arabera, 2017. urterako aurreikusita zegoen biztanleria kopurua, hain zuzen, 12.684 biztanlekoa zen. Alabaina, gaur egungo erroldak 12.309 biztanle daudela jasotzen du; beraz, ikus daiteke azken 7 urteetan milako 1 inguruko biztanleria beherakada izan dela.

Azken urteotako joerei eta aurreko hamarkadakoei erreparatuz gero, eta plangintzan aurreikusitako eta seguru asko datorren 8 urteetan gauzatuko diren bizitegi garapenak aintzat hartuta, milako 1eko biztanleria hazkundea aurreikusten da; abiaburuko datu gisa 2017. urte amaierako biztanleria hartuta, gainera, 2025erako 12.408 biztanle izango dira.

Hazkunde

hipotesia 2017 2018 2019 2020 2021 2022 2023 2024 2025

1 12309 12321 12333 12346 12358 12370 12383 12395 12408

Kalkulua, LAGen aldaketa zehatzaren arabera:

LAGen aldaketak bizitegien zenbaketarako metodo bat finkatzen du, bi pausotan egituratuta dagoena:

Bizitegi beharra (BB): Etxebizitzei begira beharrezkoa den handitzearen kalkulua (etxebizitza nagusien beharrak, bigarren etxebizitzen eskaera, eta aurreko biekin lotutako etxebizitza hutsen aurreikuspena)

Crecimiento vegetativo

Movimiento migratorio

Hipotesis de crecimiento 2010 (*) 2011 2012 2013 2014 2015 2016 2017 2018 2019 2020

4,30 2,00 6,30 12.395 12.473 12.552 12.631 12.711 12.791 12.872 12.953 13.035 13.117 13.200

4,30 5,00 9,30 12.395 12.510 12.626 12.743 12.862 12.982 13.103 13.225 13.348 13.472 13.597

4,30 8,00 12,30 12.395 12.547 12.701 12.857 13.015 13.175 13.337 13.501 13.667 13.835 14.005

1,30 2,00 3,30 12.395 12.436 12.477 12.518 12.559 12.600 12.642 12.684 12.726 12.768 12.810

1,30 5,00 6,30 12.395 12.473 12.552 12.631 12.711 12.791 12.872 12.953 13.035 13.117 13.200

1,30 8,00 9,30 12.395 12.510 12.626 12.743 12.862 12.982 13.103 13.225 13.348 13.472 13.597

* Se parte del dato de población a 1 de enero de 2010.



2. orrialdea

Bizitegi ahalmena (BA), plangintza epealdiaren hasierari egokitutakoa, harrotze faktorea aplikatuz

BIZITEGI BEHARRA KALKULATZEA:

Bizitegi beharren zenbaketan sei batugai hartzen dira aintzat. Horiek, lurralde ereduaren zuzenketen eraginarekin batera, ondoriozko emaitza osatzen dute.

BB = LEZ+A1+A2+B1+B2+C1

Honako hauek dira aintzat hartu beharreko sei osagaiak:

1.–LEZ. Indarreko lurralde ereduaren zuzenketak.

Udalerri bakoitzaren osagai espezifikoa da, eta dagokion eremu funtzionaleko Lurralde Plan Partzialean xedatutako lurraldearen orekarako estrategiekin du zerikusia. Osagai hori bat dator 1997ko LAGek azaldutako 1. osagaiarekin, hau da, “lurralde ereduaren inplikazioak” deiturikoarekin. Arrigorriagaren kasuan, honela: balioa=0 (hazkunde selektiboa, HS=0 + habitat alternatiboa HA=0 + bigarren etxebizitza BE=0).

2.– A1. Bertako biztanleriaren kopurua aldatzeak sortutako etxebizitza nagusien beharrak.

Bat dator aintzat hartutako lurralde eremuan bizi den biztanleriaren aldaketaren ondorioz (gorakada edo beherakada) sortutako etxebizitza nagusien beharrarekin.

Formula= (B(a) – B(h))/FBT(t)

B (a): Biztanleria, planaren azken urtean (2025) = Aurreikusten da 12.408 biztanle izango direla (2010eko Aurrerapeneko dokumentuaren eguneratzea)

B (h): Biztanleria, planaren hasierako urtean (2017) = 12.309 biztanle (2017ko urrian zegoen biztanleria erreala)

FBT (t): Familiaren batez besteko tamaina, t=2,31 -0,19 unean (FBTren eta LPPren bilakaeraren arabera) =2,12

A1= (12.408-12.309) /2,12 = 46,69

3.– A2. Familia tamaina aldatzeak sortutako etxebizitza nagusien beharrak.

Bat dator aintzat hartutako lurralde eremuko batez besteko familia tamaina aldatzearen ondorioz etxebizitza nagusien beharretan izandako aldaketarekin.

Formula= B(h) x (1 /FBT(t) – 1/ FBT(h))

FBT (h): Familiaren batez besteko tamaina, planaren hasierako urtean, t=2,31 (2017ko urriko datu errealen arabera)

A2= 12.309 x (1/2,12 – 1/ 2,31)= 12.309 x (0,4716-0,4329)= 476,36

4.– B1. Etxebizitza nagusien eskaria aldatzeak sortutako bigarren etxebizitzen eskaria.

Bat dator aintzat hartutako lurralde eremurako aurreikusitako etxebizitza nagusien kopuruaren (A1 eta A2 osagaiak) aldaketari lotutako bigarren etxebizitzen eskarian izandako aldaketarekin.

Formula= (A1+A2) x (BEK(t) – 1)



2. orrialdea

BEK (t)=Bigarren etxebizitzaren koefizientea t unean = etxeb. okupatuak / etxeb. nagusiak

LPPren arabera, Arrigorriagan ez da aurreikusi bigarren etxebizitzarik; beraz, ondorioztatuko dugu B1 osagaia 0 dela.

5.– B2. Bigarren etxebizitzen koefizientea aldatzeak sortutako bigarren etxebizitzen eskaria.

Bat dator aintzat hartutako lurralde eremuan bigarren etxebizitzen eta etxebizitza nagusien arteko proportzioan emandako aldaketak (BEK koefizientearen aldaketak, alegia) eragindako bigarren etxebizitza kopuruaren aldaketarekin (gorakada edo beherakada).

LPPren arabera, Arrigorriagan ez da aurreikusi bigarren etxebizitzarik; beraz, ondorioztatuko dugu B2 osagaia 0 dela.

6.– C1. Okupatutako etxebizitzen kopurua aldatzeak sortutako etxebizitza hutsen aurreikuspena.

Bat dator aintzat hartutako lurralde eremurako kontuan izandako epealdian zehar okupatutako etxebizitzetan emandako aldaketari (A1, A2, B1 eta B2 osagaiak) lotutako etxebizitza hutsen aurreikuspenarekin.

Formula= (A1 + A2 + B1 + B2) x (EHK (t) – 1)

EHK (t)= Etxebizitza hutsen koefizientea (t) unean= etxeb., guztira/ etxeb. okupatuak

EHK (t)= 5.328/4.787=1,113 (2017ko urriko datu errealen arabera)

C1= (46,69+ 476,36 + 0 + 0) x (1,113-1) =523,05 x 0,113= 59,10

BIZITEGI BEHARRA= LEZ+A1+A2+B1+B2+C1= 0+ 46,69 + 476,36 + 0 + 0 + 59,10= 582,15

BIZITEGI AHALMENA:

Behin-behineko onarpen datan udal plangintza nagusian aurreikusten den bizitegi ahalmen deritzo, hain zuzen, hiri lurzoru eta lurzoru urbanizagarri sektorizatu gisa sailkatutako bizitegi eremuetan eraikitzeko baimena ematen den bizitegi berrien guztizko kopuruari. Bizitegi ahalmena kalkulatzeko, harrotze faktore bat ezartzen da. Hala, bizitegi beharren zifra plangintzan kalifikatutako lurzoruen hartze ahalmen bihurtzen da.

Formula: BA = (BB x HF)-EH

HF= Harrotze faktorea. Arrigorriagari 2,4 dagokio, daukan biztanle kopurua dela tarteko (LAG)

EH= Etxebizitza hutsak.

Bizitegien gutxienez %2 EH dira =5328 x 0,02= 106,56

Txertatu beharreko baliotzat jo da etxebizitza huts guztien kopuruaren %50, mota horretako etxebizitzaren izaera teknikoko ehunekoa alde batera utzita (EHK= 1,05 Arrigorriagan, udalerriaren tamainaren arabera).



2. orrialdea

EH= (0,5 – (1,0439 2017. urtean – 1,05)) x 541 = 273,8

BA maximoa= (582,15 x 2,4)-273,8= 1.123,36

BA minimoa= 1.123,36 x 0,5= 561,68

LAGen 7. artikulu berriaren 7.a) atalarekin bat etorrita, Lurralde Plan Partzialak bizitegien zenbaketa horretara egokitu arte, udal plangintzak indarreko LPPtik eta aldaketa hau aplikatzetik eratorritako bi balio maximoetatik txikiena erabiliko du bizitegi ahalmen maximo gisa. Bizitegi ahalmen minimoa izango da, berriz, aplika daitekeen bizitegi ahalmen maximoaren tarteari dagokiona.

LPPren formula 2010eko Aurrerapen dokumentuan xedatuta dagoen bezala aplikatuz gero, eta C osagaia gaur egungo biztanle kopuruaren eta familien tamainaren arabera eguneratuz gero, hauxe da ondoriozko bizitegien zenbaketa: 727 min - 727 max.

Eskaintzaren zenbaketa ere udalerriaren arabera egiten da, B, C eta D osagaien baturaren bitartez; izan ere, A osagaia Proposamen esparruarena da esklusiboki. Koefiziente finkotzat jotzen dira, Planaren lurraldea berrorekatzeko eredutik eratorritakotzat, eta C osagaia osagai aldakortzat, Plan Orokorraren Berrikuspen urteari dagokion biztanleria eta familiaren batez besteko tamainaren araberakoa.

Horrenbestez, bizitegi ahalmen maximoa kalkulatzeko, LPPren metodologia aplikatu beharko da, bietan txikiena. Alegia, Bizitegi ahalmen maximoa=727

Bizitegi ahalmen minimoa, berriz, LAGen aldaketa kalkulatzean txikiena da; hots, 561.

Horrenbestez, Arrigorriagako bizitegi ahalmenaren tartea 561 eta 727 etxebizitza artekoa da.

Etxebizitza berriak egiteko aurreikuspena, HAPOren berrikuspenean:

2010eko HAPO dokumentuak indarreko plangintzaren garapenari buruzko analisi bat jasotzen zuen memorian. Harrezkero, jarduketa gutxi gauzatu dira, baina gaur egun, sumatzen da aldea.

Hona hemen laburpen taula bat, aurreko plangintzatik gauzatu gabe dauden jarduketak eta HAPOren berrikuspeneko lurzoruaren birdentsifikazio proposamenak biltzen dituena, Plan Orokorraren iraunaldian orotara eraikiko diren etxebizitzen kopurua zein izango den jakiteko:



2. orrialdea

Promoción BarrioNº

Viviendas existente

Nº Viviendas minimo

Nº Viviendas máximo

Vivienda protegida

incremento

UE 2 La Peña 0 20 20

AA 2 Centro 1 4 3

AA 3 Centro 4 4

AA 4 Centro 8 10 2

AA 5 Centro 1 6 5

AA 7 Centro 5 16 11

AA 8 Centro 7 11 4

AA 9 Centro 5 15 10

AA 10 Centro 15 14 -1

AA 11 Centro 2 4 2

AA 14 Centro 2 8 6

AA 15 Centro 4 8 4

AA 17 Centro 8 12 4

AA 18 Centro 0 2 2

AA Papelera

Centro 11 9 -2

EN TRAMITACI

ÓN

Lanbarketa AR R2

Centro 4 100 65 96 96

Brisketa NR 5

Centro Salud

Centro 45 20

UE 7 Larrasko

Centro 24 32 20

Torrontegi II

Centro 137 170 0

Ollargan La Peña 50 50

90

472

PREVISIÓN NUEVAS VIVIENDAS REVISIÓN PGOU

Estado TOTAL

NNSS

PREVISTAS EN EL

ACTUAL PLANEAMIE

NTO que mantenemos

74

PREVISTAS TOTALES

REVISIÓN PGOU

NUEVOS ÁMBITOS Y REDENSIFICACIÓN DE

ZONAS URBANAS

302 302

HAPOren berrikuspenean aurreikusitako etxebizitzak 472 dira, aurreko taulan ikus daitekeen bezala. Beraz, etxebizitzen aurreikuspena LAGen aldaketan xedatutako kalkuluaren ondoriozko bizitegi ahalmen minimoa baino txikiagoa da (89 etxebizitza gutxiago). Alabaina, etxebizitza kopuru horrek ez du gomendatzen lurzoru urbanizaezinean bizitegi lurzorua handitzerik, baizik eta gehiago gomendatzen du bizitegi lurzoruaren okupazioa hobetzea, etxebizitza hutsen okupazioa sustatzea, eta garatu gabeko eremuen dentsitatea handitzea, familia bakarreko eta biko etxebizitzak minimizatuz, Lurzoruaren Legean xedatutako iraunkortasun helburuak betetze aldera.

Bestalde, garrantzitsua da nabarmentzea 2017ko EuskalHiriko LAGen berrikuspenen aurkezpenean, Eusko Jaurlaritzak nabarmendu zuela behin LAGen berrikuspen testua onartzen denetik aurrera bizitegi ahalmen minimoa ez dela derrigorrezkoa izango.



2. orrialdea

3. ERANSKINA. INGURUMEN INPAKTUARI BURUZKO AURRETIKO TXOSTENA. 2010.



2. orrialdea

arrigorriagako hiri antolamendurako plan orokorra … · o klima aldaketara egokitzeko eta...

Documents