EUSKADI

BARRUTIA ARRATZUN DAGO

Gure ikastetxea Barrutia deitzen da eta Arratzun dago.Ikastetxearen izena auzo baten izenetik dator, Barrutia hain zuzen ere, bertan kokatuta dagoelako.9 auzune daude: Barroeta, Barrutia, Eleizalde, Gorozika, Loiola, Monte, Uarka, Zabala-Belendiz eta Zubiate.

Arratzuko lurralde guztia Urdaibaiko Biosferan dago kokatuta.Arratzuk 10,34km2 ditu eta 353 biztanle inguru. Ezin daiteke jakin zehatz-mehatz izenaren jatorria zein den.Suposatzen da, Arratzu izena ¨Harri asko¨(harria, -tsu atzizkia) dagoen lekutik datorrela.Herri txikia izan arren, oso herri ederra da eta babes ofizialeko etxe batzuk egin dituzte.

Gola ibaia igaroten da bertatik. Ibai hori Oiz mendian jaio eta Oka ibaian isurtzen da.Uarka auzoan urtegia dago eta berari esker herriak XX. mendearen hasieran elektrizitatea eduki zuen.Bertatik ere Dona-Jakue bidea pasatzen da. Horregaitik erromes asko ikusten dira Gernikara heldu orduko. Munitibar eta Gernika lotzen dituen ibilbilbidearen erdian dago Arratzu.

Gastiburuko santutegia izen berbera duen mendizerran dago, Maruelezako oppidumaren (latinezkoa, pl. oppida, harresitutako eremua, gotorlekua) ondoan eta K.a. III. mendean eraikitako santutegia da.Bi arratzuar ezagunak ditugu: Joseba Lakarra, euskaltzain osoa dena, eta Manuel Leginetxe, kazetaria eta idazlea, gaur egun Brihuegan (Guadalajara) bizi dena.