argazkiaren azterketa
TRANSCRIPT
AZKEN ARGAZKIA
Honako argazki hau aukeratu dut Prakticumeko azken
bilerarako. Izan ere argazki honetan 6.mailako ikasleak
agertzen dira laguntza gelan. Bertan Pakistandarra,
Marokoarra, Maliarra eta Azpeitiar petoak diren ikasleak
ikus daitezke. Argazki honekin adierazi nahi izan dudana
honakoa izan da, Familia edo nolabaiteko familia giroa.
Praktika aldi honetan hainbat ordu sartu ditut laguntza
gela honetan eta ikasketetan laguntzeaz gain, ikasleekin
hizketan eta beraiei entzuten jardun naiz. Inklusioaz edo
gelako harremanez hitz egiterakoan ikasle hauek laguntza
gelan askoz erosoago egoten direla konturatu naiz eta
honekin hainbat galdera egin nizkion neure buruari.
Zergatik nahiago zuten bertan egotea? Zergatik zeuden
bertan eroso? Hobeto edo okerrago doaz beraien ikasketak
gelatik ateratzean?...?
Beraien ikuspuntutik laguntza gela zen beraien
benetako gela, izan ere bertan eroso sentitzen dira eta
ez dute inoren iritzi despektiborik edo hobeto esanda ez
dira inor baino gutxiago sentitzen beraien hizkuntza maila,
ikasketa maila edo besteekiko duten harremanagatik.
Esate baterako beraien maila akademikoa eta maila soziala
gela honetan eskola txiki batekoa bezalakoa dela esango
nuke, guztiak berdinak dira eta elkarrekin eroso bai daude.
Nire praktikum taldeko gainontzeko ikasleek argazki hau
ikustea eginiko kritika edo emandako iritziari helduz gero,
gelan zentratzen dira. Gela hau nabaria da laguntza gela
bat dela, izan ere, gela txiki bat da ikasle gutxi daudena.
Beti ere laguntza gelak erabiltzen ez diren gelak direla
azpimarratu dute eta bertako mobiliarioa gela
ezberdinetan sobratu diren mahai eta aulkiek osatzen
dute. Ez da oso gela erakargarria txikia eta hotza delako.
Beraien esperientzien arabera ere, izan dituzten
praktiketako eskoletan ere antzerakoa gertatzen omen da.
Laguntza gelak azkenak erabiltzen gelak bai dira.