“BERBALAGUN”

Helduen euskalduntze-alfabetatzea suspertu eta euskararen erabilera

bultzatzeko egitasmoa - 2014 -------------O---------------

BALANTZEA ETA JUSTIFIKAZIOA

AURKIBIDEA: 1.- SARRERA 2.- HELBURUAK 3.- OINARRI NAGUSIAK:

3.1.- EKINTZA NAGUSIAK ETA AZPIEKINTZAK 3.2.- KRONOGRAMA 3.3.- ERAGILEAK ETA BALIABIDEAK 3.4.- ORGANIGRAMA

4.- BALORAZIO KUALITATIBOA ETA KUANTITATIBOA 5.- AURRERA BEGIRAKO PROPOSAMENA 6.- GASTUAK, DIRU-SARRERAK ETA DEFIZITA ERANSKINAK I. ERANSKINA: Berbalagun kanpainako koordinatzailearen

txostena. II. ERANSKINA: Zabalkunderako euskarriak eta argaziak

1.-SARRERA

2004an abian jarri zenetik mantendu egin den egitasmoa dugu eta,

iraun dezan ez ezik, aberasteko ahaleginean gabiltza. Aurreko urteetan izandako balantze positiboa eta emaitza ezin hobeak azpimarratzekoak izanik, 2014an egokipenak egin eta hobetzeko oinarriak finkatu dira.

2.- HELBURUAK

“BERBALAGUN” proiektu honekin lortu gura izan diren

helburuak:

• Euskaltegietako mundua bistaratzea eta nabarmentzea. • Euskara ikasleen motibazioa lantzea. • Euskara ikasleengan suspertzea. • Euskara ikasleen integrazioa bultzatzea. • Euskara gaitasuna hobetzea. • Euskaldunak erdaldunen integrazio prozesuan inplikatzea. • Gernika-Lumoko berbakera ezagutzera ematea.

Eta hori guztia, 2014an moldatu eta onartu dugun ESEP (Euskara Sustatzeko Ekintza Plana) eta horren ildotik eratu den 2014ko Kudeaketa Planaren arbera. Hona hemen bertan aintzat hartutako neurriak eta ekintzak:

Helburua estrategikoa: ondorengoetaratzea. Esparrua eta helburua:

Neurria

Ekintza:

Azpiekintzak:

- Berbalagun proiektua Gernika-Lumon, mintzapraktirako aukerak eskaini eta euskararen erabilera kalean indartzekoa. - Herritarren artean euskara ikastearen garrantziaz sentsibilizatzeko eta herrian euskara ikasteko dauden aukeren berri ematea - Atalase-maila (5. eta 6. mailak) gaindituta daukatenentzako eskaintza egokitua - Udaleko aisialdi-ekintzak modu koordinatuan garatu - Jolasaren ildoko ekintzak euskaraz antolatu - Tailer-ikastaroak euskaraz antolatu - Euskal kultura eta tradizioari lotutako ekintzak bultzatu (hitzaldiak)

3- OINARRI NAGUSIAK

Zutabea dugu Gernika-Lumoko Udala eta Gernikako AEKren artean 2004an sinaturiko hitzarmena (I. eranskina), urtero luzatu izan dena, egin beharreko egokipenak bitarteko. Arestian esan bezala, helduen EUSKALDUNTZE-ALFABETATZEA suspertu (ondorengoetaratzeko helburu estrategikoa) eta euskararen erabilera areagotzea du helburu nagusitzat. 3.1.- EKINTZA NAGUSIAK ETA AZPIEKINTZAK

- Eginbehar nagusiak.- Aurreko urteetan finkatutako hobekuntzei eutsi behar zaie 2014an, egitasmoa gauzatu ahal izateko lanen sistematizazioa lortze aldera:

- Talde eragilearen koordinazio-bileren aldikotasuna bermatu.

- Kanpainan partaide diren mintzakideentzat zein hauen lagun hurkoentzat hileko programazio berezia eratu.

- Kanpainarako mintzakideak erakartzearren, zabalkundea urtero egiteko sistema zehaztu.

- Hileko Berbalagun-eko programazioaren berri emateko komunikazio-plantxoa eratu.

- Dinamizaziorako ekintzak:

- Mintzalagun taldeak eratu (euskaldun zahar bat eta beste

lau berbalagun trebagai; guztira 16 talde). - Tailerrak antolatu (berbalagunkideek lehentasuna izan

arren, zabalik daude tailerrok edonorentzat). - Irteerak antolatu (hilean pare bat irteera, ekologia, historia,

ohitura edo abarrak lantzekoak).

- “Ezetz jakin” lehiaketa antolatu. Hogei bat galderen erantzunak asmatzen dituztenen artean zozketa egiten da eta saridun bat aukeratzen da hilero. Saria udalerriko jatetxe, denda edo erakunderen batek doan emandakoa da. Lehiaketa honetan bataz besteko partaideen kopurua 80 batekoa izan da.

- Bloga: www.gernikaberba.blogspot.com. Garatzen diren

ekintzetako komentarioak eta argazkiak azaltzen dira.

- Azpiekintza bereziak:

- 2007an Berbalagun egitasmoarekin lotu zen ikastolen jaialdietara (Ibilaldia, Kilometroak, Araba Euskaraz, Nafarroa Oinez, Herri Urrats) joateko bidaien antolakuntza, guztira 5 jaialdi. Udalak berak zuzenean antolatu ditu.

- 2014ko Mintzaeguna: irteera berezia, Euskal Herriko

“berbalagun” taldeak biltzeko jaialdia.

- Idazleen hitzaldiak (bi).

- 11 orduko irakurraldia abenduaren 3an.

3.2.- KRONOGRAMA Ikusi I. Eranskinean koordinatzaileak mintza taldeen eraketari buruz eta egitasmoaren dinamizazioaz egindako txostena.

Jarduerak Urt Ots. Martx.

Apir. Maia. Ekain. Uztail. Abuz. Irail.

Urria Aza Abend

Ekintzak planifikatzea

Boluntarioak biltzea

Mintzasaioak antolatu

2014ko zabalkundea

Eskolaratzea bideratzea

Hitzaldiak

Irteerak

Jaialdi bereziak

II. Mihiluze txap. antolatu eta burutu

Jatorduetako taldeak

Mintzataldeen saioak eta tailerrak antolatu

Talde eragilea (batz.)

Datu baseak osatzea

“Ezetz jakin” lehiaketa

3.3.- ERAGILEAK ETA BALIABIDEAK Eragileak:

• Euskara Zerbitzua, egitasmoa diruz eta azpiegituraz hornitzeko.

• Gernikako AEK (egitasmoaren koordinazioa). • Euskaltegiak (AEK euskaltegia eta AITA VILLASANTE Udal

Euskaltegia): datu baseak sortu zabalkunderako eta eskolaratzea bideratu.

• Busturialdean Euskaraz Bizi: egitasmoaren zabalkundea egin

eta partaideak eta bolondresak bilatu. • Euskara Batzordea (egitasmoaren bultzatzailea eta babeslea). • Udaleko Hezkuntza Saila (ikastoletako jaialdi berezietarako

bidaiak antolatzea). Baliabideak:

• Diruzkoak eta azpiegiturarakoak Udaleko Euskara Zerbitzuak jarri ditu, 2014ko Kudeaketa Plana garatzeko aurreikusitako partidetatik eta azpiegitura aldetik Udalarenak erabiliz (Kultur Etxeko gelak, ……).

• Giza baliabideak:

- Euskara Teknikaria I (Euskara Zerbitzua) - AEK-ko teknikaria - Mintzasaioetarako eta jardueretarako bolondresak (15/20). - Euskaltegietako zuzendariak (Talde Eragilean partaide).

3.4.- ORGANIGRAMA Egitasmoaren funtzionamendurako eta jarraipenerako eratutako egitura hauxe da:

TALDE ERAGILEA

BUSTURIALDEAN EUSKARAZ BIZI ELK.

AEK EUSKALTEGIAZUZENDARIA

UDAL EUSKALTEGIA ZUZENDARIA

EUSKARA ZERBITZUA EUSK. TEKN.

AEKko TEKNIKARIA KOORDINATZAILEA

GERNIKA-LUMOKO EUSKARA BATZORDEA

GERNIKA-LUMOKO EBPN

4.- BALORAZIO KUANTITATIBOA ETA KUALITATIBOA Balorazio kuantitatiboa: Eragin gura den unibertsoa 3.900 biztanlekoa izanik, xede taldea zehatz-mehatz 1.200ekoa da (euskara ikasten ari direnak gehi ikasle ohiak), gutxi gora-behera. Ekintza guztietako partaideak zenbatuta (tailerrak, irteerak,…), 200 bat dira eta mintza taldeetan zuzenean parte hartzen dutenak 80 (16 taldetan banatuta). Xede taldearen %16,66 ingurukoa da parte hartzen dutenen kopurua. Kontuan hartuta egitasmoak urteetan zehar izan duen bilakaera, oso positiboak dira datuak. Balorazio kualitatiboa: 1991 urtea 2001 urtea 2006 urtea

KOP % KOP % Euskaldun zaharrak 8720 56,63 8180 56,33 Jatorrizko elebidunak 793 5,15 743 5,11

Euskaldunak

Euskaldun berriak 692 4,49 1173 8,08

10.552 67,87

Partzialki euskaldun berriak 1297 8,42 1458 10,04 Ia euskaldunak Partzialki erdaldunduak 625 4,06 462 3,18

2.779 17,87

Guztiz erdaldunduak 227 1,47 159 1,09 Erdaldunak Erdaldun zaharrak 3043 19,76 2344 16,14

2.216 14,25

15397 100 14519 100 15547

Goiko koadroan jasotako datuetatik (ez dugu besterik), hurrengo

hauek azpimarratu behar dira egitasmo honen xede taldeari dagokionean: - 2006ko erroldako datuetan ez zen desberdintzen euskaldunen

jatorria (zahar, jatorrizko elebidun edo euskaldun berri). Kopuru absolutuak gora-beherak izan ditu: 1991n 10.205, 2001ean 10.096 eta 2006an 10.552. Portzentajeak, berdin: 1991n %66,30, 2001ean %69,30 eta 2006an %67,87. Hargatik, une honetan euskaldunen portzentajea mantendu egiten da.

- Ia euskaldunen kopuruak dauka goranzko biderik nabarmenena:

1991n 1922, 2001ean 1920 eta 2006an 2779. Dirudienez, ia-euskaldunen atalak gora egiten du erdaldunen pentsura. Hauxe litzateke koadro horretatik atera genezakeen ondoriorik garrantzitsuena. Beraz, hementxe sendo ekitea dagokigu aurrerantzean Berbalagun egitasmoarekin. Horrek eragingo du euskaldunen portzentajeak ere gora egitea.

- Guztiz erdaldundu eta erdaldun zaharren kopuruak gutxitu egin

dira eta portzentajean ere behera jo dute, nahiz eta biztanleriak azken urte hauetan gora egin duen etorkinen eraginez (une honetan 1.579 etorkin daude erroldatuta Gernika-Lumon, %10a gutxi gora-behera, eta 582 ziren 2004an).

5.- AURRERA BEGIRAKO PROPOSAMENA Kanpainaren oinarriak ondo errotuta daudela uste dugu, esparruko

eragileen inplikazioa zuzena delako (udal euskaltegia, Gernikako AEK, dinamizaziorako hainbat elkarteren partaidetza –Goizale mendi taldea, Elai-Alai dantza taldea,…-). Beraz, eskema nagusia mantenduko da, Berbalaguneko Talde Eragilearen hausnarketa eta erabakiak aparte.

Bidean hainbat berriztapen izan dira (ezetz jakin lehiaketa egonkortu

egin da, blog-ak gero eta eragin gehiago dauka,…) eta horietatik emaitza onak izan dituztenak ondo errotzeko ekin behar zaio.

Aurrera begira daukagun erronka nagusia GURASOLAGUN adarra

txertatzea dugu. Horretarako lehenengo pausuak eman dira, ikastetxeetako guraso elkarteekin batera.

6.- GASTUAK, DIRU-SARRERAK ETA DEFIZITA Gastuak Egitasmoaren dinamizazioa –teknikaria-, bulego gastuak. (AEK, hitzarmena)

14.000,00

Dinamizazioa:antolaketa, tailerrak, irteerak,.. 3.528,Gastuak guztira 17.528

Diru-sarrerak Bizkaiko Foru Aldundiaren dirulaguntza 2.254,79Eusko Jaurlaritzaren dirulaguntza 3.581,00Sarrerak guztira 5.835,79 Defizita Gastuak 17.528Sarrerak 5.835,79Defizita guztira 11.692,21

Gernika-Lumon, 2014ko abenduan Esperanza Uriarte Erdaide Bittor Zarrabeitia Bengoa

Euskara Arloko Zinegotzia Hizkuntza Normalizaziorako Tek.

1. ERANSKINA

G

“AEK EUSKARAZ KOOP. ELKARTEA” ETA GERNIKA-LUMOKO UDALAREN

ARTEKO HITZARMENA, “BERBALAGUNA” EGITASMOA 2004

URTEAN GARATZEKO

Gernika-Lumoko Udaletxean, bi mila eta lauko apirilaren .......-(e)an eta Udal Idazkaria naizen Imanol Bilbao Eizagirre Jaunaren aurrean.

BILDUTA Batetik, Mertxe Mujika Balanzategi Andrea, adinekoa eta NAN zbk.

78.864.768, AEK Euskaraz Koop. Elkartearen izenean arituz (IFK: F- 95222816).

Bestetik, MIGUEL ANGEL ARANAZ IBARRA Jauna, adinekoa,

Gernika-Lumoko Udaleko udal-batzarburua, 7/1985 Legearen 21.1.B) artikuluak ezarritakoaren arabera udalaren izenean jarduten duelarik.

ADIERAZTEN DUTE

I Gernika-Lumoko Udalak, Euskara Biziberritzeko Plan Estrategikoa

2003ko apirilaren 30ean onartu zuen, 2003ko Kudekaeta Planarekin batera, eta horren bitartez hiru helburu estrategiko landuko dira:

- 1. Helburu estrategikoa: euskara ondorengoetaratzea. - 2. Helburu estrategikoa: euskararen erabilpena. - 3. Helburu estrategikoa: euskara elikatzea.

II

Plan Estrategiko hori eratzerakoan, faseetako bat Euskara

Batzordekideen ekarpenak jasotzea izan zen. Gernikako AEK Euskaraz Koop. Elkarteak (aurrerantzean “Gernikako AEK Elkartea) berea aurkeztu zuen, "Berbabarri” deitura zuena eta gerora “Berbalagun” izena hartu duena. Egitasmoaren aurreproiektua tajutzeari ekin dio Gernikako AEK Elkarteak 2003ko azken bi hilabeteetan, Euskara Arlotik emandako dirulaguntza bitarteko.

III Aipatu aurreproiektuan1 zehatz-mehatz adierazten da hauxe: “Gernika-

Lumon euskararen normalizazio ahaleginean lehentasuna euskararen erabilerak baldin badauka ere, ezin dugu inolaz ere ahaztu helduen EUSKALDUNTZE-ALFABETATZEA eta berau suspertzeko asmoarekin idatzita dago proiektu hau. “

IV

Arestikoak kontuan hartuta, Gernikako AEK Elkarteak eta Gernika-

Lumoko Udalak bat egiten dute helburuetan, “Berbalaguna” egitasmoaren bitartez 1. Helburu estrategikoa landu eta 2. eta 3. Helburu estrategikoetarako ekintzak garatzeko aukera izanik.

V

Beraz, Gernika-Lumoko Udalak eta Gernikako AEK Elkarteak,

elkarlanerako honako HITZARMENA sinatzen dute. Horretarako, finkatu egiten dituzte hurrengo

KLAUSULAK Lehena.- Gernikako AEK Elkarteak konpromisoa hartu du

“Berbalaguna” aurreproiektua gauzatzeko eman behar diren pausuak burutzeko. Horien artean, hurrengoak dira azpimarratzekoak:

1.- Teknikari lanak betetzeko persona bat liberatuko du 20 ordu astean, hitzarmena indarrean dagoen bitartean.

2.- Teknikari horrek hurrengo funtzioak beteko ditu nagusiki: - Aurreproiektuan aintzat hartu den Talde Eragilearen

dinamizazioa. - Talde Eragilea eta Euskara Batzordearen arteko zubi lanak

betetzea.

1 Eranskina: “Berbalaguna” egitasmoa

- Talde Eragilearen ebatziak gauza daitezen gestioak burutu, azpiegitura beharko den kasuetan Udaleko Euskara Zerbitzuarekin elkarlanean arituz.

Bigarrena.- Gernikako AEK Elkarteak, lehenengo klausularen

arabera burutuko dituen lan guztiekiko txosten bat aurkeztuko dio Gernika-Lumoko Udalari hiru hilabeterik behin, aldez aurretik txosten horren berri Euskara Batzordeari emanda, berau izango baita proiektuaren jarraipena eta zaintzaren ardura izango duena.

Hirugarrena.- Gernika-Lumoko Udalak, “Berbalagun”

proiektuarekiko hurrengo konpromisoak hartu ditu: 1.- Talde Eragilean parte hartzea, Euskara Zerbitzuko Teknikari bat

horretarako izendatuz. 2.- Proiektua gauzatzeko beharko liratekeen azpiegitura eta

gainerako baliabideak eskaintzea. 3.- 2004ko aurrekontuan 25.576 euro burutzea egitasmo honetarako,

hurrengo era honetara banatuta: A).- Gernikako AEK Elkarteari ematekoa, 11.579 euro (teknikariaren ordainsaria 9.679 € eta bestelako gastuetarako 1.900 € –ordenagailua, telefonoa, posta gastuak, gutun azalak,...-). B).- Talde Eragilearen ardurapean, Gernika-Lumoko Udaleko aurrekontutik kudeatuko diren partidak: - Sentsibilizazio kanpainarako 3.000 € -karteleria, diptikoa,

hedabideak-. - Ikastaroetarako 3.000€ (irakasleak, materiala). - Euskarazko kultur ekintzak…….. 8.000,00 € Laugarrena.- Gernikako AEK Elkarteari eman beharreko

dirulaguntza, hurrengo ere honetara ordainduko da:

- Dirulaguntza orokorraren %50a, 5.789,5 euro, hitzarmena sinatzen den unean.

- 2004ko irailean gainerako %50a, beste 5.789,50 euro. Bosgarrena.- Elkarlanerako Hitzarmen hau sinatu eta indarrean

izango da urte beteko epean eta, behin epe hori igaro ezkero, sinatzaile biek adostuko dute akordioa luzatu ala egoera berriari egokitu beharra.

Eta adostasunaren seinale, honako agiria sinatu dute ekitaldiko

partaide guztiek, idazburuan aipatutako leku eta datan.

ALKATEA, GERNIKAKO AEK,

Miguel Angel Aranaz Ibarra Mertxe Mujika Balanzategi

EUSKARA IDAZKARIA, ARLOKO ZINEGOTZIA Imanol Zubizarreta Iza Jon Goikoetxea Etxebarria

GERNIKA-LUMOKO

BERBALAGUN

Memoria

2013-2014 ikasturtea

Edukien aurkibidea Sarrera................................................................................ Koordinazioa...................................................................... Parte-hartzaileak................................................................ Publizitatea eta informazioa.............................................. Ekintza osagarriak............................................................. Aurrera begira...................................................................

1.- Sarrera

BERBALAGUN martxan jarri genuenean helburu nagusia herrian euskararen erabilera indartzea eta euskaldunon sarea zabaltzea eta trinkotzea izan zen, baita euskara ikasten zebiltzanei bidea erraztea eta herrian bertan bidelagunak jartzea eta euskal komunitatean parte hartzeko aukera ematea ere, eta gaur egun ere asmo hori du. Inguruko taldeetan harrera ona izan du eta du gure proiektu honek, kontuan hartzen gaituzte eta euren inguruko bidea erraz zabaltzen digute, elkarri laguntzeko sarea polita sortu dugu gure artean.

Hasieratik, hainbat pausu eman ditugu eta makina bat, irteera, ikastaro, hitzaldi, afari, bazkari, erromeri, Mintza Egun, txapelketa, lehiaketa antolatu dugu. Eta zenbat albiste, kartel eta komunikabideetako orri eta telebista saio bete ditugu? Eta zenbat sari banatu ditugu? Asko izan dira.

2012-2013 ikasturtean 86 lagun izan ditugu, 14 taldetan banatuta. Iaz baino talde bat gehiago izan dugu. Jendeak ikasturte osoan eman dezake izena, ez dago izena emateko epe mugarik, esate baterako, urtarriletik maiatzera 6 lagunek eman dute izena, bostek bidelari izateko eta batek bidelagun izateko. Foruko barnetegiko ikasleek ere ondo aprobetxatu dute aukera, batez ere, iluntzeko talde baten ondo moldatu dira eta hemen egon diren denboran (hila bat, bi, hiru, ...) talde horretan aritu izan dira. Beste urte batzuetan moduan, albo herrietakoek ere, berton daudelako lanean, ikasten edo Gernikarako joera dutelako geuregana jotzen dute, esatebaterako izan ditugu Elantxobekoak, Arteagakoak, Forukoak, Muxikakoak, Ajangizekoak, Ibarrangelukoak, Kortezubikoak, Zornotzakoa,... eta, jakina, guk denak esku zabalik hartu ditugu.

Gure inguruan proiektuarekin bat egin arren, batzuek momentu puntualetan baino ez dute parte hartzen, ikastaroetan, mendi irteeretan, Mintza Egunetan eta horrelakoetarako deitzeko esaten dute, baina asteroko konpromisorik ez dute hartzen, lanez gainezka dabiltzalako.

BERBALAGUNen laguntzaile edo bidelagun aritzearren unibertsitaterako kredituak lor daitezkeen arren (hiru gehien), azkeneko hiru urtetan ez dugu horren eskaririk izan, beharbada, parte hartzen dutenen adinak ere zerikusia izango du horretan. Gehienek unibertsitateko ikasketak albo batera utzita dauzkate.

Koordinazioa

Jarraipen batzordea Hiruhilerik behin elkartuko ginela jarri genuen arren ez dugu hori modu horretara bete, kurtsoaren hasieran plangintzaren kronograma egin eta onespena emateko elkartu ginen baita prentsaurrea emateko ere. “Ezetz Jakin” lehiaketa bideratzeko, zuzentzeko eta saria emateko talde eragilea hilero elkartuko ginela jarri genuen eta hori modu horretara bete dugu. Ekintza handiak bideratzeko (handi bat baino ez dugu egin): abenduaren 3ko , “Hamaika orduko irakurraldia” bideratzeko eta aurrera ateratzeko behar den beste bider elkartuko ginela jarri genuen eta hori ere horrela bete genuen. Antolatutako ekintza osagarrietan parte hartzeko izena eman behar izan denetan hartu-emana izan dugu eragileok.

Herriko beste eragileekin harremana Momentu puntual batzuetan, inguruko eragileekin ere harremana izan dugu: Elai Alai dantza taldearekin dantza ikastaroa egiteko edo erromeria antolatzeko. Segundo Olaeta Musika Eskolakoekin erromerian musika jotzeko, Bakearen Doinuak kontzertuan irrintziak botatzeko eta “Gernika Sutan” kale antzerkian irrintziak botatzeko. Turismo Bulegokoekin bisita gidatuetan jendea ziurtatzeko, euren Facebooken gure argazki edo ekintza agertzeko. Liburutegikoekin “Hamaika orduko irakurraldian” izenak hartzeko eta irakurri beharreko orriak banatzeko. Kultur Etxekoekin .... Mendi taldekoekin... Astrakoekin Gabonetan tabernan txanda egiteko.

Praktika egitasmoak Herrialdeko koordinazioa telefonoz eta e-postaz izan dugu eta Mintza Egunean hainbat herritako berbalagun-mintzalagunekoekin ere hartu-emana izan genuen. Aurten, Getxoko Berbalagun egitasmokoekin harremana izan dugu telefonoz eta e-postaz euren herrian irrintzi ikastaroa antolatzeko, gure inguruko informazioa emateko eta gure ikastaroetako ziurtagirien berri emateko. Gure blogatik jaso omen zuten egiten ditugun ekintzen berri.

Parte-hartzaileak Ikasturte honetan, 86 lagun izan ditugu parte hartzen 14 taldetan. Horietatik bidelagunak edo laguntzaileak 19 izan dira eta bidailariak 67. Emakumezkoak gehiengoak, gizonezkoak %27a izan dira eta bataz bestekoen adina 49 urte (adin datua ez da ziur-ziurra ez dugulako fitxan hori jartzeko tarterik) Izan ditugun 4 bajak lana dela-eta izan dira, baina hurrengo baten hobeto dabiltzanean berriro itzultzeko asmoa agertu dute. Urte osoan zabalik ditugu taldeak, edonoiz has daitezke parte-hartzen taldeetan, horregatik, otsailetik aurrera 6 lagunek eman zuten izena. Mintzamen azterketa tarte horretan izateak bere garrantzia izan du. Ahoz ahoko propagandak ere funtzionatu du.

Taldeen deskribapena Taldeak partaideen ordutegiaren arabera antolatu ditugu eta talde bakoitzak erabaki du non elkartu, zer egin eta zenbat denbora eman, ordu bat gutxienez. Talde batzuk kulturalagoak izan dira eta erakusketak ikustera edo hitzalditxoak entzutera joan dira. Beste batzuk, ostera, taberna zuloetan zeozer hartzen edo bazkaltzen egon dira. Badira beste hiru talde oinez joan direnak, astearteetan 17:30ean eta 19:30ean eta asteazkenetan 21:15ean. Larunbatetan talde bi bata bestearen atzean elkartu dira, bata 11:00etan eta bestea 12:00etan, leku berean, eta gura izan duenak lehenagoko taldera ere joateko aukera izan du eta, batzuetan, horrela egin dute. Lanean txandaka aritzen direnek aukera izan dute lanaren arabera taldea aldatzeko, goizez edo arratsaldez. Lagun bi horrela aritu izan dira. Partaide batzuk euskera ikasten ari dira euskaltegietan, hauek gutxienekoak dira. Gehienak lehen ibilitakoak dira, baina momentu honetan ez. Titulua lortu dutelako edo hainbat urtetan klasean ibili eta gero atsedena hartzea erabaki dutenak. Orain euskera modu lasai batean, inongo presiorik gabe, erabili eta praktikatu nahi dutenak dira gehienak.

Partaideen balorazioa Gabonak aldera, partaideei bidalitako eskutitzean esaten genien taldean arazorik badaukate eta dena delakoagatik taldez aldatu nahi badute esateko, baina orain arte, behintzat, inork ez du horrelakorik eskatu. Parte-hartzaileak pozik agertzen dira euren taldeetan, gehienak lagun talde moduan funtzionatzen dute. Batez ere, jende gazteagoz osatuta dauden taldeetan whasapa erabiltzen dute elkarri informazioa emateko, elkartzeko lekua aldatzeko, ... Talde batzuetakoek “Ezetz Jakin” lehiaketaren balorazio ona egiten dute, hitz egiteko

bidea ematen duela eta informazioa trukatzeko oso baliogarria dela aipatzen dute. Datorren ikasturtean ere, hainbatek jarraitzeko gogoa agertu dute.

Publizitatea eta informazioa

Kanpainak Bandoa oso eraginkorra da, seriotasuna ematen dio proiektuari. Prentsaurrea. Izena emateko fitxak hainbat lekutan zabalduta. Matrikularekin batera fitxa ikasleen eskura. Kartelak herrian.

Komunikabideetan izandako agerpenak Oizmendi telebistan lehiaketarekin hilero eta ekintzak iragartzeko ere. HITZAn sarri Correon noizik behin DEIAn batzuetan BGBIZen ia hilero lehiaketarekin ALDABAn egindako ekintzen aipamena eta argazkiren batzuk Kultur etxeko egitarauan batzuetan.

Bloga eta sare sozialak Gernikako Berbalagun bloga sarri-sarri elikatzen dugu, ia astero zeozer sartzen dugu. Zenbat sarrera? Ikasturte honetan, orian arte (eta badaude oraindik ekintza batzuk sartzeko) 88 sarrera egin ditugu (Bloga (http://gernikaberba.blogspot.com) Facebooka geuk, orain arte, ez dugu erabili, baina ingurukoek (Turismo Bulegokoek, Berbalaguneko batzuek, ...) geure berriak, behin baino gehiagotan, sartu dituzte. Flickerren aspaldion ez dugu argazkirik sartu, ikasturte honetan oso gutxi (denbora ...). Horiez gain, beste mintzapraktika egitasmoen bilguneak diren www.praktikatu.blogspot.com eta www.mintzapraktika.org orrialdeetan gure berriak ere etengabe agertu eta agertzen dira.

Ekintza osagarriak -Hilero, “Ezetz Jakin” lehiaketa, ikasturte honetan 7. Zenbat partaide? Guztira 575 partaide izan dira. Hilez hile, modu honetara banatuta: azaroan 127, urtarrilean 67, otsailean 64, martxoan 87, apirilean 72, maiatzean 76, eta ekainean 82. Sari emaleak: Sakone jatetxea, Auzune jatetxea, Ipar taberna, Leihope, Ai Ene! Jatetxea, Anaiak taberna, eta Zimela Sari irabazleak: Antonio Polo, Irati Etxebarria, Josu Gorrino, Joseba Oar, Maite Idoiaga, Aurora Isla, Olatz Onaindia. -Hilero, mendi irteera, ikasturte honetan 9 irteera. Zenbat partaide? 352 partaide. Hilez hile, modu honetara banatuta: urrian 25 lagun, azaroan 38 lagun, abenduan 47 lagun, urtarrilean 29 lagun, otsailean 41 lagun, martxoan 45 lagun, apirilean 38 lagun, maiatzean 48 lagun eta ekainean 41 lagun. -Abenduaren 3an, “Hamaika orduko irakurraldia” Txomin Agirreren GAROA liburua. Zenbat partaide? 250-300 lagun. Aurten, kanpoan barik, Elai Alai aretoan egin dugu eta jendearentzat egokiagoa izan da. Hasiera eta amaiera polita izan zuen ekitaldiak. Hasieran irrintziak eta adarra, eta amaieran bertsoa eta talde argazkia. -Otsailean, Jon Maiak hitzaldia RIOMUNDO liburuaren gainean. Kultur etxeko erakusketa gela gainezka egon zen. -Dantza ikastaroa hile bitan, Elai Alaiko Ziratsek eta Leirek. Urtarrilean eta otsailean. 18 lagun. -Maiatzean, erromeria Pasialekuan Segundo Olaeta Musika Eskolakoekin, 50 lagun inguru. -Joste ikastaroa, di-da, abenduan. 15 lagun, Maider Uribek gidatuta. Ostean bere blogetik tutoriala eman zigun, hiru ataletan. Egun bateko joste saioa izan zenez, tutoretza izatea oso ondo baloratu zuen jendeak. -Mintza Eguna Elgoibarren ekainaren lehenengo zapatuan. Gernikatik 13 lagun, trenez. -Irrintzi ikastaroa, Amaia Garciak bideratuta. 15 lagun. -Aratuste domekan irrintziak kultur etxeko balkoitik, 9-10 lagun. -”Gernika Sutan” kale antzerkian irrintzilariak kultur etxeko balkoian. 10-12 lagun. -Jai Alai frontoian, Bakearen Doinuak ekitaldian irrintziak, 8 lagunek.

-Ibilaldiaren aurkezpenean, merkatu plazan, 10 lagunek irrintziak. -Ekainaren 29an, Betikoak txokoan, Ramon Bilbao ardoen dastaketa. Ana Larrañaga enologoak bideratuta. 30 lagun. -Abenduan, Astrako tabernan, eurek eskatuta, txanda bat. 8 lagun.

2. ERANSKINA: Zabalkundereako euskarriak eta argazkiak