2018KO JARDUEREN MEMORIA

2018KO JARDUEREN MEMORIA

AURKEZPENA 4

PROGRAMAZIO ARTISTIKOA 6

ESKURATZEAK 12

ARTELAN MAILEGUAK 14

HEZKUNTZA 16

BISITARIAK 25

COMMUNITY 27

KIDE KORPORATIBOAK 30

IRISMENA 33

NEURKETA DIGITALAK 36

DENDA-LIBURUDENDA 37

ARGITALPENAK 38

KUDEAKETA-EREDUA 39

ERAGINA 40

PLAN ESTRATEGIKOA 41

SARIAK ETA APAIMENAK 43

BISITAK 44

GUGGENHEIM BILBAO MUSEOAREN FUNDAZIOA 46

3

Com

ité A

seso

r Miem

bros

de H

onor

- Fe

brer

o 20

19

2

AURKEZPENA

Dudarik gabe, 2018koa oso ekitaldi positiboa izan da Guggenheim Bilbao Museoarentzat. Etorri den jendeari dagokionez, azken urteotako gorako joera sendotu da; izan ere, 1.265.756 bisitari hurreratu zaizkigu, Museoaren historiako hirugarren emaitzarik onena. Bisitari kopuru hori birritan baino ez dugu gainditu: 1998an (Museoak urtebeteko jarduna bete zuenean) eta 2017an (erakundearen XX. urteurrenean).

Bisitarien jatorri geografikoa aztertuz gero antzeman dezakegu ohi bezala atzerritarrek suposatzen dutela portzentaje handiena —guztizkoaren %71— eta, batik bat, Frantziatik, Britainia Handitik, Alemaniatik, AEBtik eta Italiatik. Euskal Autonomia Erkidegotik etorritakoak %9a suposatu zuten eta Estatuko gainontzekoak, berriz, %20a; azpimarratzekoa da, aurreko urteetan bezala, Madriletik eta Bartzelonatik etorritako bisitarien kopurua. Bisitarien kopuruaren igoera bat dator eremu digitalean izandako gorakadarekin, bai webguneak dituen bisitari kopuruan bai sare sozialetan egon den elkarrekintzan eta lotura mailan. Kopuru hauek berretsi egiten dute Museoak erakarpen-ahalmen handia mantentzen duela zeina, hein handi batean, erakusketa-programa askotariko eta kalitatekoari sor zaion.

Adibidez, gure historiako hirugarren erakusketa bisitatuena izan da Joana Vasconcelos. Zure ispilua naiz eguneko batezbesteko bisitari-kopuruari begiratuz gero. Artistak lankidetza estua izan zuen Museoarekin erakusketa hau antolatzeko eta 2019an ibilbidea hasi du beste erakundeetara, Oportoko Museu Serralves-era aurrenekoz eta ondoren Herbeheretara joango da, Rotterdam-era. Museoak erakusketa monografikoak eskaini zizkien 2018an ondoko artistei: Henri Michaux, Esther Ferrer, Marc Chagall eta Alberto Giacometti; beste bi erakusketa antolatu ziren,

bata Txinako arte garaikideak 1989ko jazokizunen ondotik izan duen garapenari buruzkoa eta bestea arkitekturaren, artearen eta narratibak sortzearen arteko harremanak aztertzen zituena, Architecture Effects. Bestetik, Solomon R. Guggenheim Museum-etik etorritako Thannhauser bildumako maisulan zoragarrien aukeraketa bat egon zen ikusgai eta mugimendudun irudiari eskainitako Film & Video aretoan publikoak hainbat artisten (Michael Snow, Javier Téllez eta Diana Thater) bideo-sorkuntzak ezagutzeko aukera izan zuen. Programazioaren arrakasta, bestalde, The Art Newspaper-ek argitaratutako datuek egiaztatzen dute. Horien arabera, munduan arte garaikideari buruzko lau erakusketa bisitatuenetatik hiru Guggenheim Bilbao Museoan ikusi ahal izan ziren; arte modernoari eskainitakoen artean, berriz, hemen ikusitako bi hamar bisitatuenen artean egon ziren; tartean, denetan bisitari gehien jaso zituena, Chagall. Urte erabakigarriak, 1911–1919 .

Museoak askotariko hezkuntza-programak taxutu ditu, parte-hartze presentziala eskatzen duten jarduerak nahiz online egitekoak, bai eta 2017an XX. Urteurrenerako hasiera eman zitzaion TopARTE ekimeneko 2018ko jarraipenaren barrukoak. Diziplina anitz hartu zituen programazio honek —musika, zinema, dantza, performancea, antzerkia eta gastronomia— Museoaren arte-egitaraua osatu du eta gure hiriko kultura-arloa aberasten lagundu du.

Community Museoak sortutako artea eta kultura maite dutenen komunitate berria da. 2018ko ekitaldiaren amaieran Community-n 45.000 pertsonatik gora hartu zuten parte, Kide Korporatiboak, Banakakoak, Jarraitzaileak eta Erdu ekimenean parte hartzen dutenak barne. Community proiektua 2017an jarri zen abian indarrean dagoen Plan Estrategikoaren testuinguruan; gorakada nabarmena egin

du Museoak banakako kideengandik eta enpresengandik jasotzen duen parte-hartze eta babesean.

Plan Estrategikoan jasotako beste ekimenetako bat bisitarientzako orientazio-gunea den Zero Espazioak dituen misioa eta helburuak berraztertzean zetzan. Honela 2018an zehar espazioa goitik behera eraldatu dugu publikoaren gaurko lehentasunetara egokitzeko, teknologia berriak erabiliz. Bisitariak Museoarekin lehenengo kontaktua izan dezan prestatutako aretoaren berrikuntzari esker bisitariak Museora, haren historiara, Bildumara eta inguruko historiara zentzumenen bidez hurbiltzeko aukera izango du, esperientzia inguratzaile bat tarteko.

Estrategiarekin lotuta berebat, urte amaieran Artitz ekimena aurkeztu zen; euskaraz artearen inguruan Museoan sortutako edukiak biltzen dituen dokumentazio-plataforma. Proiektuaren xedea Museoak haren ibilbidean garatutako erakusketa-programazioari buruz landu diren euskarazko testuak bildu eta publikoaren esku uztea izan zen hasieratik. Horrela, tresna argi eta erabilerraz honi esker, Museoak

euskaraz sortu duen ondarea balioetsi eta arte moderno eta garaikideari buruzko diskurtsoa euskaraz sortzen lagundu nahi zuen. Xede hori web-plataforma batean gauzatu zen, Museoaren webgunearen barruan dagoena eta etengabe aberastu eta eguneratzen dena.

Azkenik, Museoak urtero neurtzen du haren presentziak inguruko ekonomia-jardueran duen eragina. 2018ko emaitzak, txosten honetan aurki daitezkeenak, aurreko ekitaldikoak baino hobeak dira eta autofinantzaketa-maila %70koa da; Europako kultura-erakundeen artean lidergoko postuetan kokatzen dute zifra horiek Guggenheim Bilbao Museoa.

Juan Ignacio Vidarte Zuzendari Nagusia Guggenheim Bilbao Museoa

54

Titulua: Henri Michaux: beste aldeaDatak: 2018ko otsailak 2 – maiatzak 13Aretoak: 305, 306 eta 307Komisarioa: Manuel CirauquiObra kopurua: 230Bisitari kopurua: 281.618

GAUR EGUNGO ARTEAREN OINARRIAK

Titulua: Chagall. Urte erabakigarriak, 1911–1919Datak: 2018ko ekainak 1 – irailak 2Aretoak: 305, 306 eta 307Komisarioa: Lucía AgirreObra kopurua: 86Bisitari kopurua: 453.182

Titulua: Van Goghetik Picassora. Thannhauser legatua Datak: 2018ko irailak 21 – 2019ko martxoak 24Aretoak: 305, 306 eta 307Komisarioa: Megan FontanellaObra kopurua: 47Bisitari kopurua: 347.786 (2018ko abenduaren 31n)

PROGRAMAZIO ARTISTIKOA

7

Titulua: Alberto Giacometti. Atzera begirakoaDatak: 2018ko irailak 19 – 2019ko otsailak 4Aretoak: bigarren solairuaKomisarioak: Catherine Grenier eta Petra JoosObra kopurua: 203Bisitari kopurua: 234.338(2018ko abenduaren 31n)

ALDI BATERAKOERAKUSKETAK

Titulua: Artea eta Txina 1989 ondoren: Munduaren antzerkia Datak: 2018ko maiatzak 11 – irailak 23Aretoak: bigarren solairuaKomisarioak: Alexandra Munroe, Philip Tinari eta Hou HanruObra kopurua: 126Bisitari kopurua: 619.411

Titulua: Esther Ferrer. Elkarri lotutako guneak Datak: 2018ko martxoak 16 – ekainak 10Aretoa: 105Komisarioa: Petra JoosObra kopurua: 9Bisitari kopurua: 303.535

Titulua: Joana Vasconcelos. Zure ispilua naizDatak: 2018ko ekainak 29 – azaroak 11Aretoa: 105, Atrioa eta kanpoaldeaKomisarioak: Petra Joos eta Enrique JuncosaObra kopurua: 42Bisitari kopurua: 649.082

GAUR EGUNGO ARTEARENZERTZELADAK

Titulua: Architecture EffectsDatak: 2018ko abenduak 5 – 2019ko apiriliak 28Aretoa: 105Komisarioa: Manuel CirauquiObra kopurua: 19Bisitari kopurua: 77.595 (2018ko abenduaren 31n)

98

Titulua: Michael Snow: Zirkuitu itxiaDatak: 2018ko martxoak 23 – uztailak 1Aretoa: 103Komisarioa: Manuel CirauquiObra kopurua: 4Bisitari kopurua: 365.503

GAUR EGUNGO ARTEARENZERTZELADAK: FILM & VIDEO

Titulua: Javier Téllez: Itzal-antzerkiaDatak: 2018ko uztailak 12 – azaroak 18Aretoa: 103Komisarioa: Manuel CirauquiObra kopurua: 2Bisitari kopurua: 612.189

Titulua: Diana Thater: Mundu bat iheseanDatak: 2018ko azaroak 29 – 2019ko martxoak 18Aretoa: 103Komisarioa: Manuel CirauquiObra kopurua: 3Bisitari kopurua: 89.386 (2018ko abenduaren 31n)

10

ESKURATZEAK

Alyson Shotz Gogoeta-objektua (Object for Reflection), 2017Aluminio zulatua eta altzairu herdoilgaitzezko uztaiak 309,9 x 368,3 x 144,8 cmGuggenheim Bilbao Museoa

2018ko ekitaldian, Guggenheim Bilbao Museoaren Bildumaren funtsak zabaldu egin ziren, Alyson Shotz eta Esther Ferrer artisten artelanak eskuratzearekin batera.

Alyson Shotzek askotariko materialak erabiltzen ditu bere obran (sintetikoak, ehunezkoak eta metalezkoak), eta, haien bidez, hauek aztertzen ditu: espazioa hautemateko ditugun moduak, esperientziaren mugak eta oinarrizko fenomeno fisikoak (besteak beste, grabitatea, tentsioa eta mugimendua). Duela gutxi, honela aritu zen artista: “Nire lanaren zati handi batek espazio huts hori ikusarazi nahi du, eta grabitatea eta argia irudikatu. Nire ustez, naturako indar horiek eskultore batek balia ditzakeen material nagusiak dira”. Gogoeta-objektua (Object for Reflection, 2007) altzairuzko uztaien bidez kateatutako aluminio zulatuko pieza txiki ugariz osatuta dago; pieza txiki horiei argiak ematen dienean, pantaila bateko pixelak bezalakoak dira, eta dar-dara etengabe eta sotila egiten dute. Dirdira metalikoenak dira atzeko itzalak; atzealdean, iluntasunak metalaren gainean uzten dituen askotariko xehetasunak ikus daitezke. Gogoeta-objektua tamaina handiko eskultura gisa sortu zen, eta haren bertikaltasuna, nola arkitektonikoa hala ehunezkoa, elkarrizketa batean murgiltzen da Guggenheim Bilbao Museoaren arkitektura ikonikoarekin. Era berean, obrak bizitasunez

erantzuten die argi-testuinguruari eta haren inguruan dabiltzan ikusleen mugimenduari. Hori lortzeko, Alyson Shotzek, bolumen solidoa erabili ordez, material malgu baten toles apetatsu batzuk erabiltzen ditu; pisuaren ordez, grabitaterik eza; gogortasunaren ordez, malgutasuna; eta, opakutasunaren ordez, erdigardentasun aldakorra. Artistak berak erakusketa ikusgai zegoela adierazi bezala, obrak eskultura monumental modernista hartzen du abiapuntu gisa, material metalikoekin egina, haren rol tradizionala eta haren balioa birformulatzeko. Pisuaren agintea txikitu ahala, haren konplexutasuna izugarri handitzen da.

Esther Ferrer performance artearen aitzindaria da Espainian, eta genero horren ordezkari nagusietako bat. 1960ko hamarkadaren amaieran bere ibilbideari ekin zionetik, pentsamendu-ildo desberdinak landu ditu, era guztietako formak eta materialak erabilita. Munduko barreak (Las risas del mundo, 1999/2018) obra Elkarri lotutako guneak erakusketarako egin zen. Instalazioaren bitartez, artistaren funtsezko helburua da ikusleak, barre egiteaz gain, munduko barreak entzutea: herrialde eta kultura desberdinetako haur, zahar eta helduen barrea, kultura eta hizkuntza bakoitzak desberdin modelatzen baitu barrea; zenbait adituren arabera, barrea hizkuntzaren jatorria da.

Esther Ferrer Munduko barreak (Las risas del mundo), 1999/2018

Ikus-entzunezko 37 pantaila, metalezko egiturak eta binil materiala, 4 x 12,70 x 6 m

Guggenheim Bilbao Museoa

1312

Jean-Michel Basquiat Moises eta egiptoarrak, 1982Akrilikoa eta olio-barra mihise gainean 185,9 x 137 x 4 cm

Erakunde eskatzailea: The National Gallery of Victoria, MelbourneErakusketa: Keith Haring/Jean-Michel Basquiat: Crossing Lines Datak: 2019ko azaroak 29–2020ko apirilak 14

ARTELAN MAILEGUAK

Erlea Maneros-Zabala Euskal grafia; tipografia eta apaingintza: 1961–1967, 2013Kobre-xafla gaineko grabatua , 39 xafla, 42 x 30 cm bakoitza

Erakunde eskatzailea: Bilboko Arte Ederretako MuseoaErakusketa: 68aren ostean. Artea eta praktika artistikoak Euskal Herrian 1968–2018 Datak: 2018ko azaroak 7–2019ko apirilak 28

1514

Hezkuntza-programa presentzialak, askotariko partaideentzat. Ekintza bereziak antolatu ditugu (besteak beste, Baby Art, Artea ikasbide eta Books Alive!), baita zeharkako eta gaikako ikuspegia duten jarduera osagarriak ere (adibidez, Let’s go to the movies!, hitzaldiak, tailerrak, mahai-inguruak eta oro har arte eszenikoei loturiko hainbat ekintza). 2018an, izaera sozial nabarmena duten programekin jarraitu genuen; besteak beste, Gurutzeta eta Basurtoko ospitaleetako Sortu eta sendatu

programa, boluntarioen programa, adinekoentzako eta gizarteak baztertzeko arriskuan dauden kolektiboentzako bisitaldiak, eta desgaitasunak eta/edo premia bereziak dituzten pertsonentzako bisitaldiak. Nabarmentzekoa da nahasmendu psikiatrikoak dituzten haur eta nerabeei zuzendutako terapia integralak eskaintzen dituzten erakundeekin egindako elkarlanak; Izarra Etxea buru-osasuneko komunitate terapeutiko integralarekin eta Ortuellako eguneko terapia- eta hezkuntza zentroarekin.

Partaideak Programak 2018Ikasleak 7 34.060Hezitzaileak 3 3.168Familiak 10 5.350Gizarte-ekintza eta irisgarritasuna 8 2.563Museoaren Lagunak eta publiko orokorra 8 94.463**TopARTE: programan 15.752 pertsonak hartu zuten parte

JARDUERA DIDAKTIKOAK ETA KULTURALAK

Bestelako arte garaikideko museoek ez bezala, bisita osatzeko hainbat jarduera taxutzen ditu Museoak, hona etorri aurretik nahiz ostean arte-programazioa ikuspegi anitzetatik aberasteko. Helburu hori betetzeko erakusketa ulertzeko lagungarri diren espazio osagarriak diseinatzen dira —2018. urtean bederatzi erakusketa aberastu ziren honela— Artez busti hezkuntza-programaren barruan.

Nazioarteko prestakuntza-ekimen eta -ekintza bereziak; adibidez: New Yorkeko Solomon R. Guggenheim Museum-en euskal artista eta ikasleek egonaldiak egiteko programak eta bekak, Deusto Business School eta New York University-k antolatzen duten International Leadership Program in Visual Arts Management (ILPVAM) ikastaroan parte-hartzeko Akordioaren berritzeari esker.

Onuradunak 2018Zero Espazioa 38.872Hezkuntza guneak 938.879

Onuradunak 2018Artisten egoitzak 2Euskal ikasleentzako bekak 4Hilla Rebay beka 1ILPVAM 15

DIDAKTIKA

PRESTAKUNTZA-PROGRAMAK

HEZKUNTZA

1716

Hezitzaile, familia eta, oro har, jendearentzako online jarduera eta material didaktikoak; esaterako, hezitzaileentzako sareko gida didaktikoak eta iTunes U plataformako ikastaroak eta bildumak, haurrentzako bisita birtuala eta erakusketei buruzko webguneetako Ba al zenekien…? atal didaktikoa. Baliabide horiek guztiek arte-programazioari loturiko ikaskuntza- eta irakaskuntza-prozesuak errazten dituzte, museo-barrutiaz harago. iTunes U plataformarako 60 ikastaro berri argitaratu ziren 2018an Guggenheim Bilbao Museoaren Bildumako 10 artelanei buruzkoak; guztira 120 ikastaro daude ikusgai.

Bisitariek, halaber, Museoa beren kasa ikusteko tresna, euskarri eta materialak dituzte; baliabide horiek, gainera, erakusketetako obrak eta eraikinaren arkitektura hobeto ulertzeko eta haietaz gozatzeko balio dute.

Onuradunak 2018Guggenheim Bilbao aldizkaria 412.179Entzuteko gidak 688.938Bisitaldi laburrak 3.511Denboraren materia artearen txokoa 772Familientzako gida didaktikoa 2.920

Onuradunak 2018Gida didaktikoak eta iTunes U 71.476Artea ikasbide bilatzailea 11.281Haurrentzako bisita birtuala 4.453Ba al zenekien…? Didaktika 17.586

SAREKO TRESNAK

BESTE BALIABIDE BATZUK

Artea ikasbide hezkuntza-programa Lehen Hezkuntzako curriculuma indartzera bideratuta dago, artea tresna gisa erabilita. Arteari buruz solasean aritu eta sorkuntza prozesuan parte hartzeko proposamenak aukera ematen die ikasleei curriculumeko gaiei irudimenarekin eta modu pertsonalean heltzeko: ikusten dutenari buruzko galderak egitea, artearen betaurrekoak ipini eta muntatutakoa desmuntatzea, itsatsitakoa apurtzea, antolatutakoa desordenatzea…, eta bere erara berreraikitzea, modu orijinal eta pertsonalean, argazkigintza, pintura, eskultura edo performancea bezalako baliabideen bidez. Horrela, aurkikuntza- eta esplorazio-tresna bihurtzen da artea, arretaz begiratzea, hausnartzea, sortzea, komunikatzea eta kolaboratzea ezinbesteko dituen bidaia batean. Irakasleek lortu nahi dituzten helburuak eta finkatu nahi dituzten jarrerak eta trebetasunak zehazten dituztenean, Museoko artista eta hezitzaileek hainbat proposamen eta jarduera ireki diseinatzen dituzte, unitate didaktiko desberdinak osatzeko. Hezkuntza-programari amaiera emateko urtero ikasleek egindako artelanen hautaketa bat hartzen duen erakusketa egiten da.

.

ARTEA IKASBIDE

Programaren urteroko erakusketaDatak: 2018ko ekainak 12 – irailak 16Aretoa: Hezkuntza guneaParte-hartzaileak: 6–12 urte arteko 140 ikasle, 2017–18 ikasturteanIkastetxeak: Lehen Hezkuntzako ikastetxe publikoak: La Arboleda eta Markonzaga, Bizkaian; Ondarreta eta Amaña, Gipuzkoan; Judimendi eta Aranbizkarra, ArabanArtistak: Elssie Ansareo, Naia del Castillo, Iñaki Gracenea, Maider López, Manu Muniategiandikoetxea eta Jorge RubioBisitari kopurua: 478.210

1918

• Urtarrilak 1-7: Gabonak familiarekin (pista-jokoa eta tailerrak)

• Ikasturtean zeharreko larunbatak: Arkitekturaren hastapenak eta sorkuntza plastikoko tailerrak haurrentzat.

• Urtarrilak 16 eta 18, apirilak 10 eta 12, maiatzak 15 eta 17, urriak 9 eta 11, azaroak 6 eta 8: Hezkuntzako hezitzaileentzako orientazio-saioak erakusketa hauei buruz: David Hockney, Esther Ferrer, Artea eta Txina 1989 ondoren , Van Gogh-etik Picassora. Thannhauser legatua; eta Alberto Giacometti. Atzera begirakoa.

• Urtarrilak 23 eta 25, apirilak 23 eta 25, maiatzak 22 eta 24, urriak 16 eta 18, azaroak 13 eta 15: Hezitzaile horiek eta UPV/EHUko Arte Ederren Fakultateko irakasleek erakusketa horiek doan ikusteko sarbidea.

• Urtarrilak 27 eta 28: Zinema espazialean murgiltzeko arratsaldeak Espazioaz pantaila handian gozatzeko honako filmak ikusita: 2001: Space Odyssey eta Space Is the Place.

• Otsaila–maiatza: Artea ezagutzen. Arte modernoari eta garaikideari buruzko hastapen-ikastaroa II. eta III. Moduloak. Irakaslea 2017–18 ikasturtean: Juan Bosco Díaz Urmeneta, arte-kritikaria eta erakusketen komisarioa .

• Otsailak 14 eta 21, apirilak 11 eta 18, maiatzak 11 eta 23, ekainak 6 eta 20, irailak 19 eta 26, irailak 21 eta urriak 3, eta urriak 24 eta 31: Arte arduradunen ikuspegia eta Funtsezko kontzeptuak bisitaldiak, Partekatutako hausnarketak programaren barruan, honako erakusketen osagarri gisa: Henri Michaux; Esther Ferrer; Artea eta Txina 1989 ondoren; Chagall. Urte erabakigarriak, 1911–1919; Joana Vasconcelos. Zure ispilua naiz; Van Gogh-etik Picassora. Thannhauser legatua; eta Alberto Giacometti. Atzera begirakoa. Era berean, ekainak 13an, Artea ikasbide erakusketari eskainitako Funtsezko kontzeptuak saioa egin zen.

• Otsailak 22: Hitzaldia: Julián de Ajuriaguerra eta Henri Michaux. Joseba Mikel Aguirre Oar-ek emandako hitzaldia Michaux-i buruzko erakusketa zela-eta.

JARDUERA AIPAGARRIAK

• Otsailak 28, martxoak 28, apirilak 25, maiatzak 30, ekainak 27, urriak 31, azaroak 28: Let’s go to the movies! programa British Council-ekin elkarlanean.

• Martxoak 14: Solasaldia Esther Ferrer artistarekin eta Petra Joos-ekin, Esther Ferrer. Elkarri lotutako guneak erakusketaren komisarioa.

• Martxoak 17, 18, 24 eta 25; azaroak 17, 18, 24 eta 25: Louise Bourgeoisen Ama obrari buruzko tailerrak Museoaren Lagunen seme-alabentzat.

• Martxoak 22: Michael Snow artistaren hitzaldia Film & Video aretoan, Zirkuitu itxia haren obraren aurkezpena zela-eta.

• Apirilak 26: Henri Michaux-en testuak poesia-emanaldia Poetalia elkarteko rapsoden eskutik.

• Maiatzak 9: Artea eta Txina 1989 ondoren erakusketari buruzko mahai-ingurua hainbat artistekin —Zhang Peili, Huang Yong Ping, Shen Yuan eta Xu Bing— eta arte-arduradunen taldeko kideekin —haien buru Alexandra Munroe-rekin eta Philip Tinari, Hou Hanru eta Xiaorui Zhu-Nowell—.

• Maiatzak 19: Esther Ferrer eta munduko barreak kontzertu-ekintza; artistak zuzendua Esther Ferrer. Elkarri lotutako guneak erakusketaren barruan.

• Maiatzak 19, 20, 26 eta 27; urriak 20, 21, 27 eta 28: Jeff Koonsen Puppy lanari buruzko tailerrak Lagunen seme-alabentzat.

• Ekainak 1–3: Dokumentalen zikloa: Ai Wiewei artista eta zinemagileak egindako lanen hautaketa.

• Ekainak 12: Topaketa: Adierazpenaren eta sormen artistikoaren askatasunaren inguruko eztabaida; Pilar Urbano kazetaria, Borja Cobeaga zinemagile eta gidoilaria, Antonio Lucas poeta eta Manuel Cirauqui arte arduraduna eztabaidan aritu ziren eta Komunikazio Zuzenbidean aditu Borja Adsuara moderatzaile lanetan.

2120

• Ekainak 12–irailak 16: Artea ikasbide hezkuntza-programaren urteroko erakusketa 6–12 urte arteko 140 ikaslek egindako lanen hautaketarekin 2017–18 ikasturtean.

• Ekainak 18: Bilbon ospatu zen The World’s 50 Best Restaurants sari banaketaren 2018ko ekitaldien barruan mahai ingurua antolatu zen Museoan Food Meets Art izenburuarekin. Parte-hartzaileak: Alain Passard eta Massimo Bottura chef-ak, Giulio Cappelini arkitekto/ diseinatzailea, Joana Vasconcelos artista portugaldarra eta Marta Arzak, Guggenheim Bilbao Museoaren Hezkuntza eta Interpretazio Zuzendariordea moderatzaile lanetan.

• Ekainak 22: Kontzertu-proiekzioa: Gerra Handia: pianorako elegia emanaldia Chagall. Urte erabakigarriak, 1911–1919 erakusketa laguntzeko.

• Ekainak 25–uztailak 20: Udako diziplina anitzeko tailerrak, Museoaren Lagunen seme-alabentzat eta udan ere ikastetxeen bisitak jasotzea.

• Ekainak 27: Solasaldia Joana Vasconcelos artistarekin eta Joana Vasconcelos. Zure ispilua naiz erakusketaren komisarioekin, Enrique Juncosa eta Petra Joos.

• Ekainak 30: Sormen-saioa/Tailerra: Maskararen atzean, Vasconcelosen erakusketarekin lotuta, Alain Grouette terapeuta eta naturopatak Fausta Rendallekin batera zuzendutakoa.

• Uztailak 5 eta 6: Manifesto fillmaren proiekzioa. Alemaniako Julian Rosefeldt bideoartistak eta zinegileak zuzenduriko filma.

• Uztailak 7: Opera zuzenean Teatro Real antzokitik. Gaetano Donizetti-ren Lucia di Lammermoor opera eskaini zen, antzokiaren berrehun urteak eta berriz ireki zeneko hogeigarren urteurrena ospatzeko ekintzen barruan.

• Uztailak 9–13: Summer for Teens, tailer eta sortze-jarduerak ingelesez 12 eta 16 urte arteko gazteentzat.

• Uztailak 12: Javier Téllez artista, Itzal-antzerkia obraren egilea, eta Manuel Cirauqui, aurkezpenaren arte-arduraduna lan horri buruz mintzatuko dira.

• Abuztuak 22: New Yorkeko City Ballet taldeko dantzari nagusiak sortutako BalletCollective taldearen dantza-pieza Works & Process at the Guggenheim programaren eskutik.

• Irailak 19: Hitzaldia: Megan Fontanella, Van Goghetik Picassora. Thannhauser legatua erakusketako komisario eta Solomon R. Guggenheim Museum-eko arte arduraduna, Bilduma horretako artelanez mintzatuko da.

• Urriak 17: Hitzaldia: Catherine Grenier, Fondation Giacometti-ko Zuzendari eta Alberto Giacometti. Atzera begirakoa erakusketako komisarioa.

• Urriak 25: Artea ezagutzen II. Gaur egungo arterantz haren sortzaileen bitartez ikastaroaren hasiera. Irakasleak: Juan Bosco Díaz Urmeneta, hamabost egunean behin 2028–19 ikasturtean.

• Urriak 28: Guggenheim marrazten: New York, Venezia, Bilbo II. nazioarteko topaketa, munduan Guggenheim Museoa hartzen duten hiru hirietan.

• Urriak 30: Victor Stoichita historialari eta arte-kritikaria “itzala”ren gaiari buruz eta Javier Téllezen Itzal-antzerkia obraz mintzatu zen.

• Urriak 31: Artea ikasbide hezkuntza-programaren hasiera, 2018–19 ikasturtea. Aurtengoan artista hauek parte hartu dute: Iñaki Gracenea, Zaloa Ipiña, Nerea Lekuona, Karlos Martínez Bordoy, Manu Muniategiandikoetxea, Jorge Rubio, Ixone Sádaba, Ibon Sáenz de Olazagoitia eta Manu Uranga. Parte hartu duten Lehen Hezkuntzako ikastetxe publikoak: Deusto, Munoa, F. Juan-Zorroza eta Ángeles Custodios Bizkaian, Sasoeta-Zumaburu eta San José Gipuzkoan eta San Ignacio, Sansomendi eta Paula Montal Araban.

• Azaroak 3 eta 10: Sormen-saioa/Tailerra: Giacomettiren materialak, modelaketa-tailerra Alberto Giacometti. Atzera begirakoa erakusketaren lagungarri.

• Azaroak 6: Hitzaldia: Richard Demarcok, Eskoziako arte garaikidea eta arte eszenikoak gehien babestu dituen pertsonetako batek, Joseph Beuys-ekin barre eginez Eskozian, 1970-86 izenburua duen hitzaldia eman zuen.

• Azaroak 9: Ikuskizun irisgarria: Antzerkiaren itzalak, ARYMUX konpainiak sortutakoa, Javier Téllezen Itzal-antzerkia obra inspirazio iturritzat hartuta.

2322

• Azaroak 9: Gisela João fado abeslariak eman zion amaiera Joana Vasconcelos. Zure ispilua naiz erakusketari Guggenheim Bilbao Museoan.

• Azaroak 17 eta 24: Sormen-saioa/Tailerra: musika-tailerra Van Gogh-etik Picassora. Thannhauser legatua erakusketa laguntzeko.

• Azaroak 29: Topaketa artistekin: Diana Thater; bisita esklusiboa artistarekin, Mundu bat ihesean (2017) obra ezagutzeko.

• Azaroak 30: Mahai-ingurua: Artistak, arkitektoak eta Bilbo Efektua, Architecture Effects erakusketa dela-eta.

• Abenduak 15 eta 16: Puzzling dantza-piezaren estreinaldia, Blanca Arrietak, Mai Ishiwatak eta Robert Jacksonek sortua eta interpretatua, Mabi Rebueltaren zuzendaritza artistikoarekin.

• Abenduak 22–urtarrilak 6: Gabonetako programazioa: Zientzia artean, artistek Museoaren Lagunen seme-alabentzat prestatutako tailerrak, familientzako ikuskizuna Danza Akari eta pista-jolasa.

• Books Alive! programa larunbata eta igandeetan burutu da jarduerak ingelesez antolatzeko eskaerari erantzuna emateko. Baby Art programa, berriz, igande goizetan egiteaz gain, hilabetean bitan igande arratsaldez ere egin da proba egiteko, eskari handiagatik.

• DIDAKTIKA proiektuaren barruan, espazioak egokitu dira tresna eta baliabide berriekin aldi baterako erakusketak eta Bilduma Iraunkorraren aurkezpenak ezagutzeko bisitaldia hobetzeko asmoz. Zero Espazioko edukiak ere eguneratu egin dira arte-programazio horri lotutako edukiekin.

• Artez busti programaren bitartez, Museoa ikusteko askotariko aukera eta moduak eskaintzen jarraitu genuen: bisitaldi gidatuak, entzuteko gidak, gune didaktikoak, etab.

• Artea eta Txina 1989 ondoren: Munduaren antzerkia eta Alberto Giacometti. Atzera begirakoa erakusketei lotutako familientzako jarduera-gidak argitaratu ziren publiko horrek eskura zituen baliabideak zabaltzeko.

• Museoko hezkuntza-programazioaren gizarte-helmenari dagokionez, iaz ere kanpo-hitzaldi boluntarioak eman genituen elkarte batzuetan (adinekoenak, emakumeenak, aisialdikoak eta toxikomaniak tratatzekoak), eta Gurutzetan

eta Basurton ospitaleratuta dauden haurrentzako Sortu eta sendatu programarekin jarraitu genuen. Halaber, tailerrak egin genituen Ortuellako eguneko terapia- eta hezkuntza-zentroan, nahasmendu psikiatriko larriak dituzten 6 eta 16 urte arteko 14 haur eta nerabeentzat, baita Izarra Etxea buru-osasuneko komunitate terapeutiko integralean ere, buru- nahasmendu larriak dituzten 18 urtetik gorako helduentzat.

• TopARTE programa XX. urteurrenaren markoan sortu zen diziplina desberdinetan lan egiten duten EAEko kultura-eragileekin batera —musika, zinema, bideoa, dantza, performancea, antzerkia nahiz gastronomia arlokoak— ekimenak gauzatzeko; 2018an programari jarraipena eman zaio arrakasta handiz eta parte hartze altuarekin.

1.265.756 dira 2018an Museora gerturatu diren bisitariak, aurreikusitakoaren %30 gehiago. Aurreko urteko kopuruekin konparatuz gero %4 bisitari gutxiago izan dugu, baina kontuan izan behar da 2017ko urrian Bizkaiko Foru Aldundiak “Lurraldeari zabalik” ekimena sustatu zuela urteurrena ospatzeko eta, horren ondorioz, 114.000 bizkaitar etorri zirela Museora. Azken kopuru hori kontuan hartuko ez bagenu, bisitari kopurua 2018ko abenduaren 31rako 2017ko

bisitari-kopurua baino %5 handiagoa zatekeen. Bestetik, bisitarien bilakaera aurreko urteetakoarekin konparatuta, oso antzekoa da; Aste Santuan eta udan gorakada handiak egoten dira. Izan ere, aurtengo uda Museoaren historiako onena izan da eta marka guztiak hautsi ditugu ekaina, uztaila eta abuztuan. Zifra hauek erakusten dute azken lau urteotako gorako joera sendotu egin dela.

2017 2018

Urta

rrila

Aza

roa

Abe

ndua

Urri

a

Iraila

Abu

ztua

Uzt

aila

Ekain

a

Maia

tza

Api

rila

Mar

txoa

Otsa

ila

0

1.400.000

1.200.000

1.000.000

800.000

600.000

400.000

200.000

2017 2018

70.000

0

10.000

20.000

30.000

40.000

50.000

60.000

1. 3. 5. 7. 9. 11. 13.

15. 17. 19.

21.

23.

25.

27.

29.

31.

33.

35.

37.

39.

41.

43.

45.

47.

49.

51.

BILAKAERA

BISITARIAK: 1.265.756

2524

Jatorri geografikoa kontutan hartuz gero, nabarmentzekoa da atzerritarren portzentajearen 9 puntuko igoera. Bizkaiko bisitarien gorakada izugarria aurretik aipatutako “Lurraldeari zabalik” ekimenaren ondorioa izan zen 2017ko urrian.

20172018

20172018

BISITARIEN JATORRI GEOGRAFIKOA ATZERRIKO BISITARIEN JATORRI GEOGRAFIKOA

0

5%

15%

25%

10%

20%

30%

Erre

sum

a Ba

tua

Fran

tzia

Alem

ania

Italia

Portu

gal

AEB

Japo

nia

Gain

ontz

ekoa

k

6%5% 5%

4%

2%1%

6%5%

1%1%

24%

23%

9%7%

18%

16%

0

10%

30%

50%

70%

20%

40%

60%

80%

Bizk

aia

Ara

ba

Gip

uzko

a

Mad

ril

Kata

lunia

Gain

ontz

ekoa

k

Atz

errit

arra

k

7%19

%

5%4% 4%4%

11%

9%

71%

62%

1%1% 1%1%

Kategoriak Kideak 2018-12-31n

Ikaslea 2.767Erretiratua 4.863Banakoa 5.168Familiakoa 6.808Nazioarteko Kideak 130Ohorezko Kideak 26

GUZTIRA LAGUNAK 19.762

Erdu 1.672Jarraitzaileak 23.958

COMMUNITY GUZTIRA 45.392

Community Museoak 2017an artearen eta kulturaren inguruan sortutako komunitate berria da eta Museoaren Lagunek eta Jarraitzaileek, ERDU progrmako onuradunek baita Kide Korporatiboek ere osatzen dute. Etengabe zabalduz joan da erkidego hau 2018an 45.400 kidera iritsi arte.

Azpimarratzekoa da ere programaren kide diren 19.762 Lagunak, Museoa inauguratu zenetik kopuru handiena.

COMMUNITY

2726

• Online edukiak: gune pribatua hobetu da aurten webgunean. “Nire datuak” atala (txartela birtuala, datu pertsonalak, nire zaletasunak, etab) osatzeko “Berriak”, “Bideoak” eta “Erakusketen entzuteko gidak” atal berriak sortu dira; bai eta “Ibilbideak” norberaren lehentasunen eta bisitaren baldintzen arabera.

• Informazioa: hilabetero eNews buletina bidaltzen dugu jardueren eta erakusketen berri emateko eta bestelako proposamenak azaltzen dituzten bideoekin.

• Aurresalmenta: eskaera handia duten jarduerentzat sarrerak aurretik erosteko aukera; horrek Museoari jardueren aukera eta kudeaketa hobeto diseinatzen laguntzen dio.

• Txartel digitala: doako sarrera duten egunetan Jarraitzaileek euren txartel digitalarekin sar daitezke ilaran egon gabe eta txartela fisikoa eskuratu gabe.

• Zozketak: Jarraitzaileek sarrerak doan eskuratzeko edo bestelako onurak lortzeko zozketetan parte har dezakete.

• Inkesta: talde honi beren-beregi zuzendutako inkesta egin da Museoarekiko lotura maila eta Communityko onurekiko asebetetasuna neurtzeko.

JARRAITZAILEEI BURUZKO COMMUNITY BERRIAK

LAGUNEI BURUZKO COMMUNITY BERRIAK

• Lagunen kopuru errekorra 2018an: 19.762 Lagun, aurreko urtean baino %18,7 gehiago.

• Hitzarmena EAEko zenbait unibertsitaterekin, horri esker matrikulatutako ikasleek Lagun txartela 5 euroko prezio sinbollikoan eskura dezakete. 2.500 ikasle egin dira kide modu horretan.

• Online esperientzia hobetzea, izena emateko eta kidetasuna berriztatzeko aukera emanez.

• Erakusketak inauguratzen direnean doako bisitaldi gidatuak eskaintzen dira eta bataz beste 15 talde betetzen dira erakusketa bakoitzeko, 300 bat lagun.

• Lagunartean: bisitaldi gidatuak Lagunentzat; ondoren, bazkaria edo afaria egiten da, eta, bertan, ikusitako erakusketari buruz hitz egiten da.

• Nazioarteko eta Ohorezko kideentzako ireki aurreko bisitaldiak erakusketa bakoitzeko komisarioak gidatuta; erakusketa bakotzean bi bisitaldi.

• Kultur-bidaiak: Sevillara (martxoak 16–18), Bartolomé Esteban Murillo jaio zeneko IV. mendeurrena ospatzeko; Lisboara (maiatzak 14–17), ARCO Lisboa ezagutzeko eta Joana Vasconcelos artistaren estudioa ezagutzeko; eta Txinara (azaroak 1–11), WestBund, Art021 Shanghai eta Shanghaiko Bienala arte-azokak bisitatzeko.

• Ohorezko Kideen Batzarraren bilerak: otsailaren 21ean, Madrilgo ARCO azoka dela-eta; eta irailaren 22an, Van Gogh-etik Picassora. Thannhauser legatua erakusketa inauguratu eta Urteko Afaria egin zen une berean.

• Beherapenak Bilbao Orkestra Sinfonikoaren (BOS) eta Arriaga Antzokiaren ikuskizunetan (opera, antzerkia eta dantza), Museoak lankidetza-hitzarmenak baitauzka erakunde horiekin.

• Abenduaren 17an, Lagunentzako irekiera esklusiboa. Hainbat jarduera izan ziren: Museo barruko bisitaldiak, erakusketen prestaketa eta antolaketari buruzko azalpenak jasoz, antzerki-dantza ikuskizunak, musika eta zozketak bertaratutakoen artean.

2928

Erakusketa / Proiektua / Jarduera Babesleak KolaboratzaileakEsther Ferrer. Elkarri lotutako guneak Bodegas de los Herederos del Marqués de Riscal

Chagall. Urte erabakigarriak, 1911–1919 Fundación BBVA

Joana Vasconcelos. Zure ispilua naiz Seguros Bilbao

Van Gogh-etik Picassora. Thannhauser legatua Fundación BBVA

Alberto Giacometti. Atzera begirakoa Iberdrola

Architecture Effects Heineken, Stoll, Valle salado de Añana

Artez busti programa: entzuteko gidak, bisitaldi gidatuak eta erakusketen gune didaktikoak

BBK

Gizarte-programak: kolektiboen bisitaldiak eta ospitalee-tako jarduerak

BBK

ModernizArte BBK eta Guggenheim Bilbaorekin BBK

Partekatutako hausnarketak programa Fundación Vizcaína Aguirre

Enpresa-zineforuma APD Guggenheim Bilbao Adecco Ferrovial Servicios

Ysios (Pernod Ricard Bodegas),Deusto Alumni

Bisitarientzako zerbitzuak Prosegur

La conservación de obras de arte con componentes tecnológicos UPV/EHU Guggenheim Bilbao Museoa udako ikastaroa

Giroa-Veolia

Performance Works & Process: Ballet Collective Hotel Barceló Bilbao Nervión

BBK Jazz Guggenheim Gauak BBK

Urteko Afaria IXO grupo Perrier Jouët (Pernod Ricard Bodegas), Bodegas de los Herederos del Marqués de Riscal,

Coca-Cola European Partners

Hitzaldia: Alberto Giacometti Suitzako enbaxada Espainia eta Andorrarako

Fin de semana gratuito Iberdrola

Jornada de Puertas Abiertas para los Amigos Illycaffé, Coca-Cola European Partners, Suitzako enbaxada Espainia eta Andorrarako, SWISS

ERAKUSKETEN ETA JARDUEREN BABESLEAK

KIDE KORPORATIBOAK

Kide Korporatiboen Programaren bitartez, Guggenheim Bilbao Museoaren bereizgarri eta balioekin bat egiten duten enpresa, korporazio eta erakundeen partaidetza kudeatzen dugu. 2018. urtean programaren egonkortasuna baieztatu zen 124 kiderekin, kategoria hauetan banatuta parte-hartzearen arabera: Babesle Estrategikoak, Babesleak, Enpresa Ongileak, Hedabide Kolaboratzaileak eta Enpresa Elkartuak. Esan genezake parte-hartze maila horrekin Museoaren ibilbidearekin bat egin duten enpresek jarraipen bat emango diotela lotura horri.

Enpresek Museoko erakusketa eta jardueren programazioa babesten jarraitu zuten, nagusiki hiru Babesle Estrategiko hauek: BBK, BBVA Fundazioa eta Iberdrola. Bestetik, Seguros Bilbaok —Babesle gisa parte hartzen du kide korporatiboen programan— aurten ekin dio erakusketak babesteari, enpresaren mendeurrenarekin batera. Babes horiez gain, jarduera eta zerbitzuetan ere laguntza jasotzen dugu eta, laguntza horri esker, programazioa dinamikoa izan dadin lortzen dugu.

.

Ekitaldiak2018. urtean hainbat ekitaldi berezi antolatu ziren Museoan. Izan ere, hirian oihartzun handia izan zuten ekitaldien antolatzaileek Museoa aukeratu zuten behin baino gehiagotan ekintzaren baten egoitza izateko. Guztira, Museoak ehun ekitalditik gora hartu zituen eta horien artean aipagarrienak hauek dira: 50Best munduko 50 jatetxe onenak iragartzeko jardunaldia hartu zuen eta EMA MTV 2018 sariak emateko jaialdirako MTV telebistak antolatutakoa.

3130

Nazioartean Estatuan GUZTIRA

Agerraldiak prentsan 946 4.547 5.493Agerraldiak irrati eta telebistan 5 1.284 1.289Agerraldiak Interneten 3.341 7.810 11.151Museora etorri diren hedabideak 292 663 955

Erakusketa Nazioartean Estatuan GUZTIRA

Michael Snow 13 149 162Javier Téllez 14 175 189Esther Ferrer 31 403 434Joana Vasconcelos 588 826 1.414Artea eta espazioa 41 123 164Artea eta Txina 1989 ondoren 84 764 848Alberto Giacometti 104 493 597Henri Michaux 76 403 479Chagall. Urte erabakigarriak, 1911-1919 97 581 678Thannhauser legatua 105 549 654Bildumako maisu lanak 2 86 88

ARTE-PROGRAMAZIOAREN AGERRALDIA HEDABIDEETAN

IRISMENA

3332

MARKETIN-EKINTZAK

• Artea eta Txina 1989 ondoren: Munduaren antzerkia. Erakusketa honen inguruko hedabideetarako planak honakoak barne hartu zituen: 54 iragarki prentsan, iragarkiaren 42 agerraldi ETBn eta kanpaina digital bat kulturarekin zerikusia duten webguneetan eta agerraldiak Museoaren publikoaren zaletasunekin zerikusia dutenetan. Kanpoko kanpainarako banderolak ezarri ziren Bilboko kale nagusietan hiru astez, biniloak tranbian, eta bideo-horma bat eta muppiak “Iritsierak” gunean Bilboko aireportuan.

• Chagall. Urte erabakigarriak, 1911–1919. 44 agerraldi prentsan eta aldizkari espezializatuetan eta 500 iragarki labur baino gehiago tokiko, Madrilgo eta Bartzelonako irratietan. Kanpoko kanpainarako biniloak jarri ziren tranbian, banderolak ezarri ziren Bilboko kale nagusietan, 7 muppi Bilboko aireportuan eta ateetan biniloak ezarri ziren Santanderreko aireportuko “Iritsierak” gunean. Kanpaina digitala egiteko, berriz, display, Facebook eta adwords erabili ziren eta 3 milioi pertsonei baino gehiagori iritsi zitzaien; 26.000 klik-etik gora egon ziren eta %0,82ko CTRa lortu zen.

• Joana Vasconcelos. Zure ispilua naiz. Erakusketari lotutako kanpo-baliabideei dagokienez, biniloak jarri ziren Bilboko tranbian eta eta banderolak Bilboko kaleetan. Prentsa-kanpainan 34 agerraldi izan ziren prentsan eta aldizkari espezializatuetan. Bilboko aireportuan iragarkiak jarri ziren: 4x3 m neurtzen zituen kanpo-panela eta bideo-horma bat “Iritsierak” gunean Bilboko aireportuan eta 4 muppi Santanderrekoan. Erakusketaren iragarkia ETBn agertu zen 49 aldiz eta bideo-kanpaina bat ere egin zen Facebook-en Erresuma Batuan, Frantzian eta Espainian eta horrek 16.000 bisita erakarri zituen mikrositera.

• Van Gogh-etik Picassora. Thannhauser legatua. Hedabideetarako planaren barruan 52 iragarki sartu ziren prentsan eta kanpo-baliabideei dagokienez, muppi digitalak jarri ziren Bilboko metroan, muppiak ere aireportuan, biniloak jarri ziren Bilboko tranbian eta banderolak kaleetan. Kanpaina digitala 2 milioi pertsonei baino gehiagori iritsi zitzaien; 4.000 klik-etik gora egon ziren eta erakusketari

buruzko mikrositean 11.000 pertsona baino gehiago sartu ziren.

• Alberto Giacometti. Atzera begirakoa. 65 agerraldi egon ziren prentsan eta aldizkari espezializatuetan. Irismen handiko kanpaina zabala egin zen tokiko irratietan, baita Madril eta Bartzelonan ere. Kanpainaren iragarkia ETBn eta sare sozialetan hedatu zen. Kanpoko ikusgaitasunari dagokionez, biniloak jarri ziren tranbian, banderolak kaleargietan, iragarkiak autobusen markesinetan eta hiri-tresneriako bestelako euskarrietan; kanpaina aireportuan ere egin zen hainbat muppi eta bideo-hormen bidez.

3534

Erabiltzaileak 2018/12/31n

Jarraitzaileak 366.000Gogokoenak 61.520Birtxioak 24.488Helmen potentziala 358.809.708

Erabiltzaileak 2018/12/31n

Jarraitzaileak 390.000Atsegin dut 1.649.943Iruzkinak 18.859

TWITTER

Erabiltzaileak 2018/12/31n

Bisitak Sakelekoa: 50,6% Ordenagailua: 40% Tablet: 9,4%

2.403.623

Ikusitako orrialdeak 8.781.831Bisitaren batazbesteko iraupena 3:21

Erabiltzaileak 2018/12/31n

Fanak 298.380Atsegin dut 912.026Iruzkinak 51.531Irismena 99.460.834

WEBGUNEA FACEBOOK

INSTAGRAM

NEURKETA DIGITALAK DENDA-LIBURUDENDA

Joan den ekitaldian zehar, programazio artistikoari lotuta plazaratutako produktuak izan ziren protagonista; zehazki, Marc Chagall, Joana Vasconcelos eta Thannhauser legatuari eskainitako erakusketekin harremana zutenak. Ikusgai zeuden artelanetan eta artista horien sormen-lan konkretuetan oinarrituta artikulu-sorta zabal eta anitza ekoizteak onarpen handia izan zuen Dendako bezeroen artean. Horri esker, diru-sarrerak handiagotu eta esklusibitate, diseinu eta kalitatezko irudia transmititzea lortu zen; 2018an Museoak jasotako bisitari-kopuru altuak ere izan du zerikusirik horretan. Halaber, espazio eta baliabideen kudeaketa egokiak eta katalogoa txandatzeak bezeroen

kopurua eta asebetetze-maila igo zitezen ahalbidetu zuten; beraz, urte bikaina izan zen emaitza, Museoaren historiako onenetako bat.

Bestalde, azken hilabeteetako ekintzen artean, inguruko bezeroak erakarri eta hiritarren artean Museoko Denda-Liburudendaren ikusgarritasuna hobetzeko marketin-kanpainak egon ziren.

3736

• Henri Michaux. Beste aldea erakusketaren katalogoa, jatorrizko edizioa, euskaraz eta gazteleraz, 184 orrialdekoa.

• Esther Ferrer. Elkarri lotutako guneak erakusketaren katalogoa, jatorrizko edizioa bi hizkuntzatan (euskaraz eta gazteleraz), 176 orrialdekoa, Museoan instalatutako artelanen irudi argitaragabeekin.

• Artea eta Txina 1989 ondoren: Munduaren antzerkia erakusketaren katalogoa, gaztelaniaz, 322 orrialdekoa, eta separata, euskaraz, 172 orrialdekoa.

• Chagall. Urte erabakigarriak, 1911–1919 erakusketaren katalogoa, gazteleraz, 274 orrialdekoa, eta separata, euskaraz, 134 orrialdekoa.

• Joana Vasconcelos. Zure ispilua naiz erakusketaren katalogoa, hiru hizkuntzatan (euskaraz, gazteleraz eta ingelesez), 240 orrialdekoa, Museoan instalatutako artelanen irudi argitaragabeekin.

• Van Goghetik Picassora. Thannhauser legatua erakusketaren katalogoa, gazteleraz, 332 orrialdekoa, eta separata, euskaraz, 176 orrialdekoa.

• Alberto Giacometti. Atzera begirakoa erakusketaren katalogoa, gazteleraz, 224 orrialdekoa, eta separata, euskaraz, 64 orrialdekoa.

• Guggenheim Bilbao Museoaren 2017ko jarduera-memoria webgune korporatiboan, euskaraz, gaztelaniaz eta ingelesez.

ARGITALPENAK KUDEAKETA-EREDUA

Kudeaketa-eredu jasangarria

Guggenheim Bilbao Museoa erreferentzia-erakunde bihurtzen duen alderdietako bat haren kudeaketa-eredu berezia da, publikoa eta pribatua baita. Funtzionamendu-eskema hori diru-sarreren iturriak eta autofinantzaketa-maila handia orekatuta daudelako da jasangarria; izan ere, bi hamarkada hauetan, % 70 ingurukoa izan da autofinantzaketa. Museoaren diru-sarrerek hiru iturri dituzte, portzentaje bertsuetan: lehenik, bisitariak (sarrerak, Denda-Liburudenda, ostalaritza, etab.); bigarrenik, Banakako Kideak, Kide Korporatiboak eta Babesleak; eta, hirugarrenik, erakundeen finantziazioa. 2018an, Museoari egindako ekarpen publikoa 9.080.000 eurokoa izan zen, Eusko Jaurlaritzaren, Bizkaiko Foru Aldundiaren eta Bilboko Udalaren aldetik. Bilboko Udalarekin hitzarmen bat sinatu genuen 2018ko otsailaren 15ean, aipatu diru-laguntza arautzeko.

Bizkaiko Foru Aldundia / Diputación Foral de Bizkaia 3.915.000Eusko Jaurlaritza / Gobierno Vasco 4.915.000Bilboko Udala / Ayuntamiento de Bilbao 250.000

393938

ERAGINA

Urtero bezala, Guggenheim Bilbao Museoko jardueraren eragin ekonomikoa aztertu dugu. Hona hemen ondorioak:

• Museoaren 2018ko jarduerak, guztira, 540 milioi euroko eskaria sortu .

• Bere jardueraren bidez, Museoak 472,5 milioi euroko BPGd sortu du.

• 73,2 milioi euroko diru-sarrera gehigarriak eragin ditu Euskal Ogasun Publikoetarako.

• Urtean, 10.113 lanpostu gorde ahal izango dira jarduera horiei esker.

Indarrean den Plan Estrategikoaren Ekimenen barruan, bisitarientzako orientazio-aretoaren bilakaera, eginkizun eta edukiaren berrikusketa dago jasota. Hala, areto hori ZERO bilakatu da: Guggenheim Bilbao Museoak joan den abenduaren 17tik eskaintzen duen esperientzia inguratzailea. Proiekzio bakarrean, Bilbo, Bizkaia eta EAEren gizarte- eta hiri-eraldaketaren prozesua jasotzen du ZEROk, eta ibilbidea egiten du eraikinaren arkitekturan eta hark hartzen duen Bilduman zehar. Ikusizko lengoaia eta eszenografia txundigarria baliatuz, bisitarien emozioak azaleratzen ditu aretoak ikuspegi kaleidoskopikoaren bitartez, Museoa, haren historia, identitatea eta funts artistikoa ardatz hartuta.

Atondoan dago ZERO, eta bisitari guztiei harrera egiten die. Horiek aretoaren barruan ibili ahala, 300 graduko ikus-entzunezko narrazioaren protagonista bilakatzen dira,

lurraldearen jarduera komertzial eta industrialaren argazki historikoetan, eraikinaren dokumentazio arkitektonikoan, Bildumako artelanen argazkietan eta melodia tradizionalak musika-tonu epiko eta testura inguratzaileekin bateratzen dituen soinu-banda orijinalean barrena. Espazio berri honekin, Museoak berretsi egiten du eraldaketa digitalarekiko eta museogintza berritzailearekiko duen konpromisoa. Proiektua gauzatzeko, New Yorkeko Local Projects enpresaren laguntza izan du; izan ere, firma hori aditua da museoetan esperientzia interaktiboak sortzen, tresna fisiko, digital nahiz kognitiboak baliatuta, eta diziplina anitz menperatzen dituen lantaldea du, hainbat sari jasotakoa: hala nola, AEBko National Design Award edo Cannes-eko urrezko lehoi saria.

PLAN ESTRATEGIKOA

ZERO

4140

Sorreratik, Guggenheim Bilbao Museoak euskara bereziki zaindu du ekoitzi dituen material, euskarri, jarduera, komunikazio eta argitalpenetan, eta beste hizkuntzen aurrean lehentasuna eman dio. Zentzu horretan, Museoa aitzindaria izan da erakusketei lotutako material anitzak euskaraz sortzeko orduan.

Horrela, erakusketa guztien atzean dauden kontzeptuak eta arrazoibideak euskaraz partekatu ditu bisitariekin Museoak urteen zehar horiek ezagutarazteko sortu dituen testu eta hezkuntza materialetan, Museoan bertan nahiz webgunearen bidez.

2017an, XX. Urteurrenarekin bat eginez, erabaki zen euskarazko eduki guzti horiek biltzeko gordailu bat eratzea eta garatzea, webgunearen bitartez sarbidea izango duena: Artitz. Plataforma honen xedea da urte hauetan sortutako eduki esanguratsuenak biltzea: erakusketei buruzko katalogoak, entzuteko gidak, azalpen-testuak, hezkuntza-eduki osagarriak edo erakusketa bakoitzerako egiten den microsite edo webgunean landutako iruzkinak.

Euskaraz editatutako material horiek ondare garrantzitsua osatzen dute, eta Museoak eskuragarri ipini nahi du hori Artitzen bitartez, hizkuntza horren garapen linguistikoarekiko konpromisoa azaltze aldera, eta arte moderno eta garaikidearen inguruko diskurtsoa euskaraz garatu dadin errazteko ahaleginean.

ARTITZ

Guggenheim Bilbao Museoak hainbat sari eta golardoen jaso ditu 2018an, horien artean aipagarrienak:

• AMPEk emandako urrezko saria telebistarako iragarki onenari “Bilbokoa naiz” iragarkiagatik. 2018ko martxoa.

• ARS Magazinek emandako Premios Arte y Empresa 2018 saria. 2018ko maiatza.

• Bizkaired Bizkaia Sarean VIII. Edizioko sari berezia. 2018ko ekaina.

• Carreño arte-sariak. 2018ko urria.

SARIAK ETA APAIMENAK

4342

BISITAK

2018an, Guggenheim Bilbao Museoak hainbat arlotako pertsona ospetsu ugarriren bisitaldia jaso zuen; besteak beste, musikariak, enpresariak, kirolariak, zinemagileak eta politikariak.

Horien artean, honakoak nabarmentzen dira: Pau Gasol kirolaria; Dua Lipa abeslaria; Rasmus Lumi, Estoniako enbaxadorea; Vetusta Morla musika-taldea; Konstantin V. Zhigalov, Kazakhstango ordezkaria; Federico Ramón Puerta, Argentinako enbaxadorea; John Coetzee, Literaturako Nobel sariduna; Kathrine Switzer idazle eta atleta; Michel Lafleur, aldebiko aferetarako ministrordea Quebeceko Kanpo Harremanetarako eta Frankofoniarako Ministerioan; Muse rock talde britainiarra; Olivo Rodríguez Huertas, Dominikar Errepublikako enbaxadorea; Michael Fassbender eta Alicia Vikander aktoreak; eta Marianne Thyssen, Enplegu, Gizarte Gai, Gaitasun eta Lan Mugikortasuneko europar komisarioa .

44 45

GUGGENHEIM BILBAO MUSEOAREN FUNDAZIOA

BABESLE FUNDATZAILEAKEusko Jaurlaritza - Gobierno VascoBizkaiko Foru Aldundia - Diputación

Foral de BizkaiaThe Solomon R. Guggenheim

Foundation

BABESLE ESTRATEGIKOAKBBKIberdrolaFundación BBVA

BABESLEAKBilboko Udala - Ayuntamiento

de BilbaoFundación Vizcaína AguirreEl CorreoITP AeroEuskaltelFundación Vodafone EspañaPetronorDeia – Grupo NoticiasSeguros BilbaoBolsa de BilbaoFundación Bancaria “la Caixa”EITBEDPMetro BilbaoFerrovial ServiciosProsegur

ENPRESA ONGILEAKGrupo SPRICoca-Cola European PartnersIDOMillycaffèBahía de Bizkaia Gas / Bahía

de Bizkaia ElectricidadAthletic ClubBizkaia EnergíaAceros Inoxidables OlarraSURNE, Seguros & PensionesChristie’sCOMUNITACTelefónicaIberiaSotheby’s

HEDABIDE KOLABORATZAILEAKDeiaEl CorreoDiario ABCDiario VascoDiario MontañésDiario La RiojaNorte de CastillaExpansiónEl MundoCadena Sermasdearte.comGaraRonda Iberia - ExcelenteEstrategia EmpresarialLa Ría del OcioEmpresa XXI

Grupo COPEEl PaísSPEND IN MagazineSundance TVOdiseaFilm&ArtsberriaelEconomista

ENPRESA ELKARTUAKKereon PartnersViviendas de VizcayaProductos de Fundición, S.A.Cámara Comercio Bilbao - Bilboko Merkataritza GanberaCuatrecasasGiroa - VeoliaAutoridad Portuaria de BilbaoVelatiaHotel Barceló Bilbao NerviónParklexGrupo TamoinIXO grupoBNP Paribas EspañaBodegas de los Herederos del

Marqués de RiscalHotel AbandoHotel CarltonMercure Bilbao Jardines de AlbiaHotel MiróConsorcio de Transportes de BizkaiaPernod Ricard BodegasAccentureGran Hotel Domine

Lantegi BatuakRandstadGrupo ErhardtLópez de Heredia Viña TondoniaUniversidad de DeustoNH Collection Ría de BilbaoPQCGrupo ErakusHotel Conde Duque BilbaoSmurfit Kappa NerviónHeineken EspañaTubacexMahou San MiguelFundación Banco SabadellCredit SuisseHemobesaBanco Popular EspañolHUGO BOSSNaturgyDOMINIONIMQHotel Amara PlazaCOLASLIN3SMontblancVama FzcoFormicaSiemensDeloitteEstudios DureroeverisBodegas CampilloNovaltia S. Coop.Corporación MondragonHyundai Motor EspañaUría Menéndez

De Persgroep Nederland50 BestS.PellegrinoRed BullGreen GiraffeMTV España

OHOREZKO KIDEAKJosé Antonio ArdanzaPilar ArestiRafael OrbegozoPlácido ArangoAlicia KoplowitzEduardo BecerrilGuillermo Caballero de LujánMario FernándezMª de los Ángeles AristrainJosé Antonio IsusiJosé María JuncadellaAlejandro AznarJosu BergaraAlfonso BasagoitiGuillermo BarandiaránVictoria IbarraHeinrich WickeBartolomé FierroFernando RodésPatricia ZugazaGonzalo CorcósteguiJosé Ramón PrietoEmilio Ferré SoléEusebio Díaz-MoreraSantiago YbarraAlberto Delclaux