2015 – b zikloa- 6 - bibliatik begiratu sarrera oso bizkor bizi gara. alde batetik bestera gabilz,...

GARIZUMA - PAZKOA

2015 – B zikloa

CUARESMA - PASCUA

Errealidadeari begiratu Bibliatik begiratu Otoitzak-hausnarketak

Hitzaren Mahaia Erantzun-salmoak

Obispado de Bilbao Delegación de Liturgia Bilboko Gotzaitegia Liturgiarako Ordezkaritza

- 2 -

ERREALIDADEARI BEGIRATU BOTOA EMON?

2015ean hainbat hauteskunde-hitzordu izango da: udal eta foru hauteskundeak (maiatzaren 24an), autonomikoak, erkidego batzuetan (Katalunia, Galizia eta Euskadi) izan ezik eta seguruenik baita hauteskunde orokorrak be (azaroa?). Gizartea desengainatuta heltzen da hauteskundeotara krisi ekonomiko eta sozial luzearen ondorioen eraginez. Ekonomiak hobera egin badau be, hobekuntza horren eraginak ez dira milioika langabetu eta familietara heldu. Eta lana aurkitu dabenetako batzuek kalidade eskaseko lan-kontratuak dabez.

Ustelkeriaren eskandaluek be eragin dabe desengainu hori. Politikoen ospea sekula baino maila makurragoetan dago eta ospe-galtze hori banku eta enpresa garrantzitsuetako nagusiengana be hedatzen da, makina bat ustelkeria kasutan sartuta dagoalako bat baino gehiago.

Egitura asanblearioa dauan alderdi barriaren sorrera da barrikuntza; alderdi honek desengainu soziala batzen dau. Analisten arabera, aukera barri honi bota emongo deutsala dinoan askok, orain arteko alderdien jokaera etsigarria dala-eta egingo dau. Alderti barri honek gaur egungo mapa politikoa apurtuko dauala be badinoe. Bere iraupenaren inguruan sortzen da zalantza gehien. Analista batzuen ustez, jazoera puntuala da, gehiengoek ibilpide luzea izan daikela uste daben bitartean.

Botoa nori emon zehazteko erespideei jagokenez, lehenengo eta behin alderdiei sakratutasuna kendu egin behar jake eta buruzagiak desmitifikatu egin behar dira; dan-danak. Alderdi beteranoen kasuan, aurreko hauteskundeetan zenbateraino bete dabezan euren agintzariak galdetu beharko dogu, zenbateraino dagozan ustelkeria kasuetan sartuta eta zelan erantzun daben horreen aurrean.

NORI BOTOA EMON?

Lagun bakotxak ondo hausnartu eta kontrastatu ondoren hartu behar dauan erabagi pertsonala da. Hasiera batean, alderdi bakar batek be ez ditu egokitasun-baldintza guztiak eskaintzen. Orientazino erara, erespide honeek emon deikegue, besteak beste, argibideren bat: zein arduratzen dan gehien egoera txarretan dagozanez –langabetuak, baztertuak-; zeinek eskeintzen dauan guztiontzako kalidadezko hezkuntza eta osasuna. Zeinek ez dituan etorkinak baztertzen. Zeinek eskaintzen dauan familiari zuzendutako politika serioa eta, batez be, zeinek laguntzen deutsen egoera gatxean dagozan familiei. Zeinek dauan Hirugarren Munduko herrialdeei laguntzeko konromisoa…

Hauteskundeak gai garrantzitsua dira; denporea eskaini behar jake datuak alderatzeko, hausnartzeko eta kontzientzian jokatzeko. Ezin dana da alperkerian edo ohikerian jaustea. Edo hauteskundeak serio ez hartzea.

GURE ANAI-ARREBA MUSULMANAK

Gure artean be, jarduera yihadista desbardinek, tartean Pariseko atentatuek, era guztietako erantzunak eragin dabez. Batzuek gogor hartzen eta epaitzen dabez musulmanak talde erradikalen jarduerak dirala-eta. Indarkeria darabilen talde batzuen ekintza terroristak musulman guztiei, salbuespen barik, leporatzen deutsez eta ikuskera okerra da. Jarrera honek, orain dala gitxi, “euskaldun guztiak ETA zirala” inoenen hareena dakarsku gogora. Holako baieztapenak egiten dituanak ez dau inongo argumenturik, egoskorkeria, ardurabakotasuna eta errakuntza dira bere ezaugarriak.

Persona zentzundunagoek ondo bereizten dabez militante yihadistak eta gainerako mundu islamiarra. Jakin badakie gure artean bizi eta lan egiten daben musulman gehienak persona baketsuak dirana. Halanda be, nahiago dabe kontu honen inguruko solasaldietan ez sartu, “iskanbilarik ez izateko”.

- 3 -

Zorionez, persona positiboagoak dagoz eta, solasaldietan gai hau azaltzen danean, yihadisten jarduera terroristak gainerako musulmanen jardueretatik bereizten dabez. Argumentu eta arrazoienbidez defendatzen dabe beste herrialde batzuetakoek, tartean musulmanek, gure artean bizitzeko eta lan egiteko daben eskubidea. Eta behar badabe, eta lege baldintzak beteten badabez, gizarte laguntzetan parte hartzeko daben eskubidea, hemengo edo kanpoko edonork, bere jaioterria, azalaren kolorea edo erlijinoa kontuan hartu barik, jadetsi daikezalako aitatutako laguntzok.

Etorkinen onarpena edo ukapena beti izan da gai eztabaidagarria, batez be krisialdietan. Orain eztabaida hori sutsuagoa da gutxiengo batzuen, besteak beste musulmanen, presentzia dala eta ez dala.

Ebanjelioa begi garbiez, aurreretxi barik eta bihotz zabalaz irakurten badogu, danok Aita beraren seme eta alaba eta familia unibertsaleko kide garala ikusiko dogu eta danok daukaguzala eskubide bardinak. Batzuetan gauzarik xume eta gizatiarrenak ahazten doguz, beharbada egoismoak, bildurrak, aurreretxiek eta arrazakerikak geuk uste baino eragin handiagoa dabelako gugan. Baita geure burua kristinau autortzen dogunon artean be.

ATZOKO ZORITXARRAK, GAURKO ZORITXARRAK

Auschwitzeko (Polonia) kontzentrazino-esparruaren askapenaren 70. urteurrenaren barri emon dabe oraintsu hainbat komunikabidetan. Leku horretan sarraskietarako hainbat esparru eben naziek eta milioi bat judutar eta 190.000 ijito akabatu ebezan bertan. Gas-ganbaretan hilten ziran eta, ondoren, euren gorpuak errausketa-labetan erreten ebezan. Zirrara eta ikara sortzen dabe gaur be persona hareek jasandakoa: atxiloketa bidebakoak; ganadu-bagoietan garraiatzearen ondorio ziran baldintza negargarriak, jasan eben tratu iraingarri eta laidogarria, euren heriotza iraingarriak…

Sarraski-esparruen geografia oso zabala izan zan. Auschiwitzegaz batera, zoritxarrez ezagun egin ziran, besteak beste, Mauthausen, Dachau, Buchenwald, Bergen Belse, Treblinka… Bizi-baldintzak anker eta jasanezinak ziran. Esparru batzuek eskulana emon eutsen enpresa alemanei. Beste batzuetan, naziek esperimentuak egin ebezan, gizonezkoak, emakumezkoak eta umeak giza akuri lez erabiliz..

Autore batzuen arabera, Holokaustoaren emaitza hamabi milioi lagunen heriotza izan zan, gitxi gora-behera erdiak judutarrak eta gainerakoak beste gizatalde batzuetakoak: ijitoak, preso arruntak, homosexualak, minusbaliatuak, disidente politikoak, katolikuak…

1945ean, II. Mundu-gerra amaitzean, nazien porrotaren eta Nurembergeko prozesuen ostean, nazinoetako buruzagiek bizikidetasun baketsuan aurrera egiteko bideak zabalduko ebezala pentsatu eben batzuek. Baina ez zan holan izan. Munduak zoritxar barriak bizi izan ebazan: deskolonizazio gerrak Asian eta Afrikan; gerra hotza potentzia handien artean; kontzentrazino-esparru sobietarrak; eskumakoen eta ezkerrekoen diktadurak Hego Amerikan; gerrak Europan: Kroazia, Serbia, Bosnia…; petrolioaren kontrolerako gerrak Ekialde Ertainean. Gaur egun, gatazka barriak Iraken, Sirian, Nigerian…

Gerra-eszenatoki honeen parean, munduak batez be gizarteetako gizatalderik xumeenetan eta Hirugarren Munduko herrialdeetan jasan izan dabezan krisi ekonomiko eta sozialak eta goseteak ezagutu ditu.

Europa zibilizatu, aurreratu eta ikasian, joan dan mendeko berrogeiko hamarkadan, zelan gertatu eitekean genozidio judutarra galdetzen dau jenteak gaur be. Galdera bera egin daikegu orain be, askotan sustrai ekonomikoak eta nagusitasun estrategikoari lotutakoak dituan eta milioika biktima errugabe eragiten dauan hainbeste gatazkaren aurrean.

Kristinaua ezin da bere etxean edo herrian itxita geratu, ezin ditu begiak itxi eta hainbeste bidebakokeriaren aurrean sorgor geratu. Munduko oinaze eta beharrizanetara zabaldu behar dogu.

- 4 -

Lehenengo urratsa, ondo informatzea da, inork manipulatu ez gaizan. Eta, beste batzukaz batera, bidebakokeriak salatu eta sufritzen dagozanei alkartasuna erakutsi. Gure gizartean hartzen doguzan konpromisoak bat datoz injustiziak, gerrak eta oinaze asko dagoan munduko beste leku batzuen alde hartzen doguzanakaz.

GURE KURUTZILTZATUAK

2015eko Garizuma aldian errealidadera begiratu eta gaur egungo kurutziltzatuengan arreta jartea jagoku. Bizimodu gogorra daroe danek be eta, batzuetan, bakartadean dagoz eta ulertezintasunez inguratuta bizi dira. Gure kurutziltzatuek samariar onak behar dabez.

Langabetuak. Zoritxar handia da milioika lagunentzat. Lanik ez eukiteak zuzenean eragiten dau euren bizi-baldintzetan eta duintasunean. Baita euren familietan be. Alkartasuna eta zuzentasun handiagoa lortzeko konpromisoa dira erantzun bakarrak.

Gaixoaldi luzea daroen gaixoak, gaixo kronikoak, gaixo terminalak… Egoera latzak bizi dabez, muturrekoak. Ezinbestekoa dabe gure maitasuna, gure ulermena, gure konpainia, gure prestasuna…

Etorkinak. Norbere jaioterria ez dan lekuan lan egitea gatxa da. Arazoa larriagoa da etorkinak beste arraza edoerlijino batekoak badira eta euren gainean beste aurreretxi batzuk badagoz. Etorkinek zuzentasunez, duintasunez eta errespetuz, baita gizatasunez eta hurkotasunez be, hartzen doguzala sentitu behar dabe.

Nagusiak. Bakartadea, gauza ez sentitzea, osasun-arazoak, gizarte ospea galtzea… holako sentsazinoak dabez askotan persona nagusiek. Arretak, ulermena eta konpainia behar dabez… Eta erantzuna, lehenengo eta behin, euren senide eta adiskideek daukie. Baina baita gizarteak be.

Kartzelan dagozanak. Gizartean, estimu gitxien daukan gizataldekoak dira. Edozein izanda be egindako delitua, barriro be gizartean txertatzeko bidea egiteko eskubidea dabe. Aurreretxiak, gorrotoa, mendekua… gainditu egin behar doguz.

Tratu txarrak jasaten dabezan emakumezkoak. Gero eta sarriago izaten dogu tratu txarren barri. Zorionez, “beste aldera begiratzetik” salaketara eta laguntzara igaro gara. Baina oraindik konpromiso eta inplikazino gehiago behar da gizartearen aldetik.

Prostitutak. Gizarte mailarik baxuenetakoan dagoz. Gehienak immigrazino klandestinotik datoz. Gizartearen aldetik kondena gitxiago eta laguntza gehiago behar dabe jasaten diharduen zapalketatik aterateko eta lan duina jadesteko aukerak izateko.

Gizartetik baztertuak, drogazaleak… Milaka lagun dago gizartearen kanpoaldeetan. Ezinbestekoak dabez laguntza, ulermena, konpromisoa, kanpoalde horreetatik atera eta barriro be gizartean txertatzeko. Caritaseko eta egitasmo solidarioak garatzen dabezan beste erakunde batzuetako boluntarioak, laguntza ekonomikoa… dira kurutziltzatu honeen aldeko jardunean laguntzeko beste bide batzuk.

AITA SANTUAREN “ZALEAK”? JESUSEN JARRAITZAILEAK

Frantzisko Aita Santuak Filipinetara egin eban bidaiak aurreikuspen guztiak gainditu ebazan. Kazetari batzuek arrakasta honen inguruan emon ebezan azalpenak aurreko bidaien ingurukoakaz bat datoz: bakuntasuna eta sakontasuna bere mezuetan; hurkotasunezko jarrerea bertaratutakoakaz, protokoloak eta segurtasun-neurriak gaindituz, agurtu gura daben gizon eta emakumeagandik hurbilago egoteko; benetakotasun ebanjelikoa, hitzetatik harago doana eta txikiakazko, makalakazko, sufritzen dagozanakazko gertutasunezko zeinuetan islatzen dana, bisitatzen dituan leku desbardinetako kultura tradizionalen errespetua.

Zalantza barik, Aita Santua da, gaur egun, sinpatia eta miresmen gehien batzen dauan persona ospetsuetako bat mundu guztian, esparru katolikutik harago. Halanda be, kristinau alkarteentzat,

- 5 -

jarrera hau ez da nahikoa giza miresmen hutsean geratzen bada eta bakarkako edo alkarteko inongo inplikazino eta erantzunik ez badakar.

Historiako une batzuetan, kristinau talde batzuen akatsa Aita Santuaganako sinpatia eta miresmena muturrera eroatea eta, zelanbait esatearren, aita santua “sasi-jainko” bihurtzea izan zan; jarrera hori, azken batean, umekeria da eta ez deutso mesederik egiten ez Aita Santuari ezta Eleizari berari be.

Zorionez, ez Frantzisko Aita Santuaren nortasunak, ez bere teologiak, ez bere gertuko laguntzaileek be, ez dabe korronte horren sorrera ahalbideratzen.

Aita Santua, anaia nagusia dogu fedean eta Pedroren bikarioa lurrean. Bere hitzaz eta lekukotasunaz suspertu eta lagun egiten deutse kristinau alkarteei Jesusen jarraipenean. Gabeziak nabarmentzen ditu, arriskuak azpimarratu, behin betiko itxita egozala emoten eban eztabaidak zabaldu ditu, bide barriak erakutsi… Eta dei egiten deutse kristinauei konpromiso zorrotzagoak hartu daiezan behartsuen, baztertuen, gehien sufritzen dabenen, bide ertzeetan dagozanen alde, gure fedearen adierazpenik berariazkoena dalako.

Frantzisko Aita Santua azaldu da Garizuma aldian agiri baten bidez (“Sendotu bihotzak”; axolagabekeriaren globalizazinoaren inguruan hausnarketa egiten dau). Bertan, miseriaz jantzitako egoeren aurka egin daigula eskatzen deusku. Eta “bihotz errukitsua, jagolea eta prestua izan daigula, bere baitan itxiko ez dan eta axolagabekeriaren bertigoan jausiko ez dan bihotza”.

---o0o---

- 6 -

BIBLIATIK BEGIRATU

SARRERA

Oso bizkor bizi gara. Alde batetik bestera gabilz, noraezean, norabait goazan seguru jakin barik. Holantxe pasatzen jaku denporea, ez bat eta ez bi, zentzun barik. Horregaitik, geldialdia egin behar dogu bidean, gure bihotzaren taupadez jaubetzeko, eskuartean zer dogun ikusteko, gizalegez bizitzeko. Gure bizitza ordenan ipinteko, kristinauok urtero hartzen dogu berrogei eguneko aldia (Garizuma aldia), Jaungoikoagaz, besteakaz, geure buruagaz, errealidadeagaz, izadiagaz bat egiteko bide lez. Denporaldi atsegina da, aukera ezin hobea. Ibilpide honek, hain zuzen be, gure fedearen gailurra eta bihotza dan, Jesukristoren heriotza eta berbizkundean gauzatzen dan gertaerara garoaz. Hortik, dana argitzen da. Begirada sinestedunak gure bizitza antolatzen laguntzen deusku. Ez daigun aukera alperrik galdu.

HAUSTERRE EGUNA (2015.eko Otsailaren 18a)

JARRERAK

Bihozbarritu zaitez. Sinistu Barri Ona

Zure baietza, baietz izan daitela eta zure ezetza, ezetz Garan lez agertu Geldialdia bidean

Ebanjelioa (Mt 6,1-6.16-18) Mendiko berbaldia

“Zuen egite onak ez egin, gero, gizonen aurrean, honeek ikusi zaiezan!; bestela, zeruko zuen Aitaren saririk ez dozue izango. “Beraz, limosna egin daizuenean, ez atera zure aurretik turuta-hotsik, azalutsek sinagogetan eta kaleetan egiten dabenez, gizonak goratu daiezan; benetan dinotsuet: hartu eben euren saria. Zuk, barriz, limosna egin daizunean, ez daiala zure eskerrak jakin zure eskumeak egiten dauana: holan, zure limosnea isilean geratuko da; eta isilean ikusten dauan zure Aitak ordaina emongo deutsu. “Eta otoitz egin daizuenean, ez zaiteze azalutsak lakoak izan; holakoen atsegina, sinagogetan eta kale-buruetan zutik otoitz egitea da, gizonek ikusi daiezan; benetan dinotsuet: hartu eben euren saria. Zu, barriz, otoitz egin daizunean, sartu zaitez zure gelan eta, atea itxita gero, otoitz eiozu han isilean dagoan zure Aitari; eta isilean ikusten dauan zure Aitak ordaina emongo deutsu. “Barau egin daizuenean, ez jarri arpegi ilunik, azalutsek lez: honeek, gizonei barau zale agertzeko, euren arpegia aldatu egiten dabe-eta; benetan dinotsuet: hartu ebn euren saria. Zuk, barriz, barau egin daizunean, usaingozotu eizu zeure burua eta garbitu arpegia: barau egiten dozunik gizonek ikusi ez daien, han isilean dagoan zure Aitak baino; eta isilean ikusten dauan zure Aitak saria emongo deutsu”.

AZALPENAK

Hausterre egunean, geldialdia egiten dogu gure kristinau bizitza baloratzeko. Abagune, aukera ona da, gure bizitza osoa ordenan jarteko. Gure bizitza, Jainkoagazko (otoitza), besteakazko (limosna) eta norbere buruagazko (baraua) harreman pertsonal anitzez osatuta dago. Hartu-emon horreen bitartez, gizatasunean irabazi egin daikegu edo gizatasuna galdu, onuragarriak izan daitezke edo alperrekoak, kaltegarriak. Horretan dago jokoan gure bizitzen zentzuna. Gaurko ebanjelioak adi jarten gaitu gure bizitzetan maiz agertzen dan harrokeriaren aurrean. “Zuen egite onak ez egin, gero, gizonen aurrean, honeek ikusi zaiezan!; bestela, zeruko zuen Aitaren saririk ez dozue izango” (Mt 6, 1).

- 7 -

Hain zuzen be, kristinauok barru, itxurakeriatan ibilteko arriskua dogu, gure errealidadeagaz bat ez datorren irudia emon gura izateko joera.

Hausnartu daiguzan beste behin be Jaungoikoagaz doguzan hartu-emonak. Badagoz gizon eta emakume jainkozaleak, otoitzean Jaungoikoagaz benetan bat egiten dabenak eta, parean, beste batzuek debozino itxurako jarrerea, jarrera faltsua, azalekoa erakusteko joerea dabe. Beste alde batetik, euren burua kristinau lez autortzen daben eta otoitz egiten ez dabenak be badagoz. Otoitza, funtsean, barru-barruko alkartzea da, Jaungoikoagazko alkarrizketa pertsonala, buruz burukoa, zuzenekoa. Amaren erraiak dituan Jaungoiko Aitagaz bat egiten dogu. Horixe da funtsezkoa. Gero, otoitzaren inguruabarrak, bigarren mailako kontuak dira.

Ebanjelioko pasarte honek argibideak emoten deuskuz gure hartu-emon pertsonaletan. Kristinauok badakigu anai-arreba garala gure artean, Jaungoikoa guztion Aita dalako. Horrek benetako senidetasunean islatu beharko leuke. Limosna eginez, kontua ez da ondo geratzea, eskuzabalaren irudia emonez; limosna egiten dogunean, duintasunez errespetatu behar doguz guztiak, euren beharrizan guztiak kontuan hartuz. Limosnaren (erruki izatearen) xedea, legaltasunen gainetik dago, zuzentasunetik harago doa, gure ondasunak eta gaitasunak gure anai eta arrebarik makalenen alde erabilteko eskatzen deusku, senide maitasunez, persona bakotxagan Jesukristoren irudia antzemanez (ik. Mt 25, 35-46).

Azkenean, ebanjelioko kontakizunak, barauaren gaiaren bidez, geure buruarekin aurrez aurre jarten gaitu. Gure erantzukizunaren aurrean kokatzen gaitu. Zintzoak, zuzenak, benetakoak izatera bultzatzen gaitu, gure kontzientzia eratzera eta, gero, azkeneraino horren arabera jokatzera. Galdera egiten deusku denporaren, gure gaitasunen, gure ondasunen… erabileraz.

Otoitzak, limosnak eta barauak osatzen daben testuinguru honek probarako bidean jarten gaitu, Garizumari ekiteko.

GARIZUMA ALDIKO 1. DOMEKEA (2015.eko Otsailaren 22a)

JARRERAK

Tentazinoa: on itxurako txarkeria Gaitzesten dodana egiten dot

Ez gu tentaldira eroan Atera gaizuz gatxetik

Ebanjelioa – Mk 1,12-15 –Tentazinoak

“Horren ondoren, Espiritu Santuak basamortura egiten deutso bultza, eta basamortuan berrogei egunean egon zan, Satanasek zirikatzen ebala. Basoko abereen artean egoan, eta aingeruak eukazan morroitzat. Joan giltzapean sartuta gero, Jesus Galileara joan zan; eta Jaungoikoaren Barri Ona iragarten eban: Bete da aldia, eta Jaungoikoaren Erreinua hur dago; garbatu zaiteze, eta sinistu eizue Barri ona”.

AZALPENAK

Tentazinoa, gizakiak berezkoa dauan zerbait da. Txarkeria, on-itxuraz agertzen jaku. Jesus gizona izan zan. Horregaitik, tentazinoa jasan eban. Jaungoikoaren Semea izateak, Mesiasen misinoa beteteko ardurea izateak ez eban giza bizitzako berezko proba eta sufrimentuetatik libre itzi.

Markosek basamortuan aurkezten ditu Jesusek izan ebazan tentazinoak, agindutako lurrerako bidean basamortutik igaro zanean Jaungoikoaren herria tentatua izan zan lekuan hain zuzen be. Holan nabarmentzen da Israel herriaren erantzun desleialaren eta tentazinoak gainditu izan ebazan

- 8 -

Jesusen erantzunaren arteko aldea. Era berean, Jesusen antzera jokatuz, tentazinoan ez jausteko esaten jaku: “ez gu tentaldira eroan”.

Hemen ez jakuz tentazino horreek zehazten. Ebanjelioan zehar agertuko dira, norbaitek edo zerbaitek Jesus Aitak berari egotzitako Mesias zerbitzari, apal, zintzoaren misinotik aldentzen dauanean. Tentazinoa sokatira kirolagaz konparatu daikegu: talde bi ari dira sokatik tiraka; batak alde batera eta besteak bestera tira egiten dau, aurkaria bere aldera erakarri guran. Gutako bakotxagan kontrako norabide bitara gugandik tira egiten daben indar bi dagoz. Gure barruan borroka nabaritzen da eta Espirituak eta aingeruek (Jaungoikoaren agerpena) lagun egiten deuskue Satanasen eta piztien indarrari aurre egiteko.

Tentazinoak gaindituta, Nazareteko Jesusek bizitza publikoari ekiten deutso. Mesias lez jagokon misinoaren barruan bere egitekoa zintzo beteko dau eta agertzen jakozan tentazino guztiak gainditu egingo ditu.

Jesusi gertatu jakon lez, geuk be makina bat tentazino jasaten dogu bizitzan. San Paulok ederto azaltzen dauan lehia gertatzen da: “Egiten dodana be ez dot ulertzen, nahi dodan ona ez dot egiten eta; higuingarri jatana, ostera, horixe egiten dot…Badakit ez dana nigan edo nire haragian onik: ona nahi izatea neugan dago, bai; ona egitea ostera ez. Izan be, nahi dodan ona ez dot egiten, nahi ez dodan txarra baino” (ik. Erm 7, 15-19). Jesusek tentazinoa jasan eban, baina ez zan tentazinoan jausi. Horregaitik, Jaungoiko Aitari laguntza eske otoitz egiteko dinosku: “Ez gu tentaldira eroan, gatxetik atera baino” (Mt 6, 13).

GARIZUMA ALDIKO 2. DOMEKEA (2015.eko Martxoaren 1a)

JARRERAK

Itun Barria, Zaharraren betetasuna Jesus, benetako gizona, benetako Jaungoikoa

Mendira igon. Atazara jaitsi Esperientzia mistikoa

Ebanjelioa – Mk 9,2-10– Itxuraldaketa

Sei egun geroago, Jesusek Pedro, Santiago eta Joan beragaz hartu eta, eurak soilik, mendi goi batera daroaz; eta irudiz aldatu egin zan hareen aurrean; eta Haren jantziak distiratsu eta zuri-zuri bihurtu ziran, lurreko zuritzailek ezin zuritu leikeazan eraz. Moises eta Elias agertu jakezan, eta Jesusegaz berbetan ziharduen. Pedrok berba-lagun sartuta, Jesusi hauxe dinotso: -Rabbi (Irakasle), ederto gagoz hemen ba! Egin daiguzan hiru txabola: bat zeuretzat, beste bat Moisesentzat, eta beste bat Eliasentzat. Ez ekian zer inoan be, ikaratuta egozan eta. Orduan, laino batek, etorrita, beregerizpean batu ebazan; eta lainotik berbots hau etorri zan: -Hau neure Seme maitea da: entzun eiozue. Eta bat-batean, ingurura begiratu eta ez eben eurakaz Jesus baino ikusi. Menditik jaisten zirala, Gizasemea hilen artetik biztu arte, ikusi izan ebena inori ez esateko agindu eutsen Jesusek. Hareek ondo bete eben esan hori; eta hilen artetik biztute hori zer ete eitekean alkarregaz eztabaidan ziharduen.

AZALPENAK

Informatikaren munduan hitz berezi batzuk erabilten doguz, esate baterako: konfiguratu, formateatu. Egitarau desberdinei itxura edo forma emotean datza, ze erabilera emon gura deutsegun kontuan hartuta. Gaur, Ebanjelioan, Jesusek irudi bat, bere buruaren azalekotik harago doan itxura hartu ebala esaten jaku. “Jaunaren itxuraldatzea” deitzen deutsagu kontakizun honi. Ikusten doguna gainditu egiten dauan irudia hartzen dau. Itxuraz aldatzen da, beraz, horixe

- 9 -

adierazoten deusku hitz konposatu honek, Nazareteko Jesusen alderdi biak, jainkozkoa eta gizatiarra, nabarmenduz.

Jesusen alderdi haraindikoa azpimarratzen da hemen. Ikasleek Jesusengan antzeman eben eta guri transmititu euskuen esperientzia mistikoa da. Eszenatokia Tabor mendia da. Leku honek beste gauza bat gogoratzen deusku: Israel Jaungoikoaren herriak Sinain bizi izan eban esperientzia mistikoa ituna egin ebanean. Itun Zaharrean hainbestetan errepikatzen dan esaldi batek laburbatzen dau itun hori: “Ni zuen Jaungoikoa izango naz; zuok nire herria zarie”.

Garizuma honetan, itxuraldaketaren kontakizuna be bidean geldialdia egiteko abagunea da, gaur be gizakia, hurkoa, adiskidea eta, aldi berean, jainkotiarra, haraindikoa dan Jesusegaz bat egiteko, gure bizitzan laguntza ederra izan daiteke-eta.

Eszenatoki menditsu honek, igoera, bidean gelditzea, ikuspegia… dakarskuz gogora. Mendizaleak haranari beste ikuspuntu batetik begiratzen deutsan lez, errealidadeari ere kristinau ikuspuntu sinistedunetik begiratzeko esaten jaku. Esperientzia honen ondorioz, beste ikuspuntu batetik begiratzen deutsagu gure bizitzari eta horrek gure bihotz-barritzean, bizitzako bidean pentsarazoten deusku. Geldialdia da, bidea, zentzun sakona aurkitzeko.

Jesus, hurrenez hurren legea eta profetak irudikatzen dabezan Moises eta Eliasegaz agertzen da. Nazareteko Jesusek bere egin eta gainditu egiten dau Itun Zaharra. Azkenean, Moises eta Elias desagertuta, bakarrik geratzen da. Ikuspuntu horretatik irakurri behar dogu Itun Zaharra. Jesus ez da Legea eta profetak deuseztatzera etorri, osotzera baino. “Ez uste izan Legea eta Profetak kentzara etorri nazanik; ez naz kentzera etorri, betetera baino” (Mt 5, 17).

Kontakizun honi amaierea emoteko, Jaungoiko Aitaren hots egitea edo adierazpen-agerpena dago Jesusi buruz: “Hau neure Seme maitea da: entzun eiozue”. Eta horri Markos ebanjelariak zera gehitzen deutso: berbizkundearen ostera arte inori esperientzia hori ez kontatzeko agintzen deutse ikasleei. Izan be, mendian, lainoetan geratzeko arriskua dago, oinak lurrean jarri barik. Mesias zerbitzari, apal eta zintzoari ez ezik, Mesias triunfalistari jarraitzearen arriskua da.


JARRERAK

Iragarpena eta salaketa Jaungoikoari Jaungoikoarena dana

Ezin da Jaungoikoaren eta diruaren zerbitzari izan Ordena honetan: Jaungoikoa, gizakiak eta gauzak

Ebanjelioa – Jn 2,13-25 – Tenplutik kanporatzea

Judutarren Pazko-eguna laster zan, eta Jesus Jerusalenera igo zan. Eta Jaunaren Etxean idi, ardi eta uso-saltzaileak eta diru-aldatzaileak aurkitu ebazan euren jarlekuetan. Lokarriaz zarta bat eginik, guztiak Jaunaren Etxetik kanpora jaurti ebazan, ardi eta idiakaz; diru-aldatzaileen txanponak lurrean zehar jaurti eta mahaiak itzuli egin ebazan; eta usoak saltzen ziharduenei hauxe esan eutsen: -Kendu hau hemendik. Ez egin nire Aitaren Etxea merkatu-etxe. Haren ikasleak, idatzita egoan hau ekarri eben gogora: “Zure etxeaganako zaletasunak iruntsi egingo nau”. Orduan, judutarrak erantzun eta hauxe itaundu eutsen: -Ze ezaugarri erakusten deuskuzu, ba, holan egiteko? Jesusek hauxe erantzun eutsen: -Hondatu eizue Etxe Santu hau, eta hiru egunean jasoko dot. Berrogeta sei urte igaro dira Etxe Santu hau egiteko –erantzun eutsen judutarrek- eta zuk hiru egunean jaso? Jesusek, barriz, bere gorputzaren Etxe santuaz egiten eban berba. Hilen artetik biztu zanean ekarri eben gogora Haren ikasleek, horixe zala Jesusek esan gura ebana, baita sinistu be Liburu Santuetakoa eta Jesusek esandakoa. Pazko-egunean Jesus Jerusalenen

- 10 -

egoan artean, askok sinistu eban Jesusen izenean, Harek egiten ebazan mirariak ikustean. Baina Jesus bera ez jaken bete-betean zabaltzen, guzti-guztiak ezagutzen ebazan-eta; ez eban, gainera, inoren beharrik gizonen barri jakiteko, gizonagan egoana ondotxo ezagutzen eban-eta Berak”.

AZALPENAK

Jaungoikoari ezin deutso inork iseka egiten. Jaungoikoak seriotasunez jokatzen dau txarkeria salatzeari eta zuzentasuna ezartzeari jagokonez: “… Ni, Jaun hau, zure Jaungoiko hau, neurekoia naz; gorroto deustenean, gurasoen gaiztakeria semeakan zigortzen dot, hirugarren eta laugarren gizaldiraino” (Ur 20,5). Israelgo profeten jarduerari jarraipena emonez, Jesusek gaiztakeria salatu egiten dau eta horren kontra borrokatu. Ezin da isildu, batez ere besteen eskubideak urratzen diranean. Kasu honetan, Jaungoikoaren eskubideak. Israelen, tronutik bota dabe Jaungoikoa eta negozioak, diruak hartu dau bere lekua. “Ugazaba biren morroi ezin izan daiteke inor; izan be, edo batari gorroto izango deutso eta bestea maite izango dau; edota, batari lotu egingo jako eta bestea ez dau ontzat hartuko. Jaungoikoaren eta diruaren morroi, ezin izan zaitekeze” (Mt 6, 24).

Halanda be, Jaungoiko zuzen eta arduratsu horrek beti eskaintzen dau aukera barria: “Baina errukia deutst, milagarren gizaldiraino, Ni maite nabenei eta nire aginduak beteten dabezanei” (Ur 20, 6). Jaungoikoaren errukiak “pisu” askoz handia du, zuzentasuna ziurtatu ondoren.

Jesusek dino: “Nire jatekoa, bialdu nauanaren gogoa egitea eta bere lana burutzea da” (Jn 4, 34). Geuk ere, sinistedun dogun helburua, Jaungoikoa gure bizitzen bihotzean jartea da. Gero, gainerako guztia (personak eta gauzak) buztartzen da. Gauza bakotxa bere lekuan. Bestela, gauzak jainko bihurtzen doguz eta erlatiboa dana (dirua, ospea, indarra, sexua, indarkeria, erosotasuna, aberria…) Jesukristoren Jaungoikoaren lekua hartzen daben sasi-jainko bihurtzen dogu gizakiarentzat. Hauxe da tenplutik kanporatzearen kontakizunean jokoan dagoana.

18… Ze ezaugarri erakusten deuskuzu, ba, holan egiteko? 19 Hondatu eizue Etxe Santu hau, eta hiru egunean jasoko dot (Jn 2,18-19). Judutarrek kontuak eskatzen deutsez Jesusi tenpluan erakusten dauan jarrera asaldatzaileagaitik eta berak bere burua defentatzen dau. Mesias lez, Jaungoikoak bialdutako lez aurkezten dau bere burua, Jaungoiko Aitagazko seme-alaben maitasunez eta seinale miraritsuez inguratuta. Jesus Jaungoikoaren bialdu lez agertzen da. Judutarrek tenpluko azokaz ordezkatu eben Jaungoikoa. Felipek hauxe dinotso: «Jauna, erakutsi eiguzu Aita eta nahikoa dogu». Eta Jesusek hari: «honen luzaro zeuekaz egon, eta ez nozu ezagutzen, Felipe? Ni ikusi nauanak, Aita ikusi dau» (Jn 14, 8-9). Beraz, Jesusen aurrean dogun jarrerea erabagigarria da Jaungoikoagan sinisteko. Jesusek bere Aita Jaungoikoa erakusten deusku.


JARRERAK

Sinistu, fedea Jesusengan Aukeraketa arduratsua

Onartutako edo baztertutako argia Betiereko bizia: bizi betea

Jaungoikoak bere Semea emon euskun Argi egiten dauan egia

Ebanjelioa – Jn 3,14-21 – Jesus Nikodemogaz

Jesusek Nikodemori esan eutsan: Moisesek basamortuan sugea gora jaso eban lez, beharrezkoa da Gizasemea be jasoa izatea, sinistu daian edonork betiko bizia izan daian. Izan be, Jaungoikoak mundua, bere Seme bakarra emoteraino maite izan du: sinistea Beronengan jarri daian inortxo be galdu ez daiten,

- 11 -

betiko bizia izan daian baino. Izan be, Jaungoikoak bere Semea mundura ez dau mundua epaitzeko bialdu, beronen bidez mundua salbatu daiten baino. Beroni sinisten deutsana, ez da galtzen; sinisten ez deutsana, ostera, galduta dago, Jaungoikoaren Seme bakarraren izenean ez dau sinistu eta. Auzi-gaia, barriz, hauxe da: mundura argia etorri zala, eta gizonek argia baino iluna maiteago izan ebela, hareen eginak okerrak ziran-eta. Izan be, gaiztakeria egiten dauan edonork, argiari gorroto deutso, eta honelakoa ez doa argitara, beronen egitadak txartzat hartuak izan ez daitezan. Egia egiten dauana, ostera, argitara doa, bere egitadak Jaungoikoak agintzen dauzanez eginak dirala agertu daiten.

AZALPENAK

Gure Jaungoikoak haragizko bihotza dauka eta ez harrizkoa. “Zure Jaungoiko Jauna errukitsua da; ez zaitu bertan behera itziko, ez ezereztuko; ez da zuen gurasoei zin eginez eskaini eutsen alkartasunaz ahaztuko” (Dt 4, 31). Maitasunaren gailurrean, bere Semea gure eskuetan izten dau. Gero, bere Semea, munduari emonda, kurutzean josia izango da, azkenean berbiztuko bada be. Ez dago eskuzabaltasun handiagorik.

Gainera, bere lankide izanda, bere atzetik joanda, beragan konfiantza jarrita, gure salbatzaile izateko eskaini euskun Jaungoiko Aitak Jesukristo, bere Semea. Salbatzea, norbaitek atera gura badau be, asko ahalegindu arren, atera ezin dauan arriskutik libratzea da. Egoera horretan, laguntza eskatzen dau eta norbaitek, hurkoak, gura eta ahal dauanak, eskua luzatu eta arrisku horretatik askatu egiten dau.

Guk, gizakiok, salbazinoa behar dogu. Hain zuzen be, gure arriskua existentziala da. Kosta ahala kosta zorion betea jadetsi gura dogu, baina ahaleginak ahalegin, ez dogu lortzen. Orduan, eskua luzatzen deutsagu lagungarri izan dakikegun norbaiti edo zerbaiti. Egoera honen aurrean, sinistedunok gure ametsik erradikalena, hau da, betiereko bizia, osotasun betea, zoriontasun perfektua, egia bihurtzeko Jaungoikoak berak bialdutako lez aurtortzen dogu Jesus.

Guzti hau ebanjelioetan aurkezten da, batez be Joanenean, Jesus betiereko bizia, argi egiten dauan argia, salbatu egiten dauan egia dala dinosku-eta. Dana dala, Jesusek era guztietako eretxiak sortzen ditu. Alde batetik, askok sinistu eban bere izenean, sinistedunen aldeko jarrerea islatuz: “Pazko-egunean Jesus Jerusalenen egoan artean, askok sinistu eban Jesusen izenean, Harek egiten ebazan mirariak ikustean” (Jn 2, 23). Bestetik, “bere etxera etorri zan, eta bereek ez eben ondo hartu” (Jn 1, 11) esaldiak Nazareteko Jesus gaitzetsi ebenen jarrerea laburbiltzen dau. Behin eta barriro ikusten da hau historian zehar gaur egunera arte. Jesusengan sinisteak edo Jesus gaitzesteak biziki interpelatzen gaitu gaur gutako bakotxa. Zein da gure aukeraketa?


JARRERAK

Egiak aske egingo zaitue Fedea: konfiantza betea Jaungoikoagan

Argia: gure bidean argi egiten dau Ikusi gura zaitugu, Jauna, ikusi zaizadala

Ebanjelioa – Jn 12,20-33 – Jesus ikusi gura dogu

Jai haretan gur egitera joan ziranen artean, greko batzuk ziran. Honeek, Galileako Betsaidakoa zan Felipegana hurreratuta, erregu hau egin eutsen: -Jauna, Jesus ikusi gura dogu. Felipe, Andresi esatera joan zan; eta Andres eta Felipe Jesusi esatera joan ziran. Jesusek hauxe erantzun eutsen: -Heldu da Gizasemea goratua izateko ordua. Bene-benetan dinotsuet: galgaraua lurrera jausi eta hilten ez bada, bera bakarrik geratzen da; hilten bada, barriz, frutua ugari dakar. Bere bizia maite dauanak, galdu egiten dau; mundu

- 12 -

honetan bere bizia higuintzen dauanak, betiko bizitzarako gordeko dau. Zerbitzari izan dakidanak, jarraitu deidala, eta neu egon naiten lekuan egongo da nire zerbitzaria be. Nire zerbitzari izan daitena, Aitak halakoa goratu egingo dau. Orain nire arimea larri dago. Eta, zer esango dot? Aita, atera naizu ordu honetatik? Baina, honetarakoxe etorri naz-eta ordu honetara! Aita, goratu eizu zure Izena. Orduan berbots hau etorri zan zerutik: -Lehen be goratu dot, eta barriro be goratu egingo dot. Han egoan laguntaldeak berbots hori entzunda, trumoia izan zala inoan. Beste batzuek, ‘aingeru batek berba egin deutso’, inoen. Jesusek hauxe erantzun eban: -Berbots hori ez da nigaitik etorri, zuekaitik baino. Oraintxe da mundu honen auzia; mundu honetako nagusia orain kanpora jaurtia izango da. Ni lurretik gora jasoa izan naitenean, neugana ekarriko dodaz guztiak. Zelako heriotzaz hilgo zan adierazoteko inoan hori.

AZALPENAK

Pazko-jaia da eta leku guztietako jentea (judutarrak eta grekoak, besteak beste) iristen dira Jerusalenera. Ba, atzerritar greko batzuk dira Jesusi buruzko jakin-minik handiena erakusten dabenak. Joanen ebanjelioa idazten danerako –I. gizaldiaren azkenaldia- kristinau alkarteetan jentil asko dago. Jesusek, batez be, judutarrakaz eban hartu-emona, baina dana dala, behin baino gehiagotan hurreratu zan pagano edo jentilengana. Adibidez: emakume kananear bat Jesusengana joaten da laguntza eske, deabruak hartuta egoan bere alaba sendatzeko. Bere egitekoa Israelen eta judutarren artean burutzekoa zala esaten deutso Jesusek. Emakumeak, ekin eta ekin jarraitzen dau, Jesusek jaramon egingo deutsalakoan (ik. Mt 15, 21-28). Jesusen misinoa unibersal mailara zabalduta egoan. Israel bitartekoa baino ez zan.

Greko hareek Jesusen mezuaren funtsezko alderdiaz asmatu egin eben: Jesus bera. “Jesus ikusi gura dogu”. Haren ondoan egon gura dabe. Felipe eta Andres, lehen Joan Bateatzailea lez, bitarteko hutsak dira. Gaur egun be, gure misinoa jenteari argibideak emotea da, Jesusegaz hartu-emonean jarri daitezan. Ez dogu geure buruaren predikurik egin behar. Helmuga, muina, Jesus da. Nahi ala ez, eredu gara besteentzat, onerako ala txarrerako. Zezenketako konparazino bat erabiliz, kristinauok Jesus lantzean ipinten dogu besten aurrean.

Jesusegaz alkartzea, urrezko aukera, aukera erabagigarria da danontzat. Batez be Joanen ebanjelioak “heldu da ordua” dalakoaz esan gura deuskuna da (Mt 26, 45; Jn 2, 4; 7, 30; 8, 20; 12, 23. 27; 13, 1; 16, 21; 17, 1). Garizuma aldi honetan, Jesusek gugaz nahita topo egingo dau bidean eta Beragan sinisteko, Bere atzetik joateko dei egingo deusku. Bere misinoa geurea be bada. Berak Jaungoikoaren Erreinuaren barri ona hots egiten eban eta txarkeriaren aurka burrukatzen (deabruak bota) eta on eginez bizi (gaixoak sendatu). Kristinauok aurrez aurre dogu bidea: Galileako Jesusena.

Jesus bera eta bere mezua, deia dira guretzat: Beragan konfiantza osoa jarteko, besteen aldeko zerbitzuzko, apaltasunezko eta eskaintzazko bizimodua eroateko. “Galgaraua lurrera jausi eta hilten ez bada, bera bakarrik geratzen da; hilten bada, barriz, frutua ugari dakar”. Bizimodu egoista galbidea da. Maitatzea beti da asmakizuna. Bizitzaren azkenean maitasunagaitik epaituko gaitue. Galdera bakarreko azterketa bakarra ipiniko deuskue: zer egin dozu zure anaiaz? Besteei eskainitako bizitzagaz danok irabazten dogu (loriatzen gara): Aita Jaungoikoa eta bere Seme Jesus eta gu, bere seme-alabok, gure artean anai-arreba garanok.

ERRAMU DOMEKEA (2015.eko Martxoaren 29a)

JARRERAK

Herri xumea eta agintari harroputzak Alde ala aurka

Harrera eta uko egitea Arrakasta eta porrota

- 13 -

Ebanjelioa – Mk 11,1-11 – Erramu-domekea

Jerusalenera hurreratzean, Oriomendi-barreneko Betfaje eta Betaniara heldu ziranean, Jesusek bere ikasleetariko bi bialdu ebazan, hauxe inotsela: -Zoaze zuen aurrean dagoan herritxo horretara; eta bertan sartuaz batera, oraindino gizonik gainean jarri ez jakon astakume bat aurkituko dozue lotuta; askatu eta ekarri eizue. Eta norbaitek ‘zergaitik egiten dozue hori?’, badinotsue, hauxe erantzun: ‘Jaunak behar dau, eta berehala bihurtuko dau hona’. Joan ziran, ba, eta astakume bat aurkitu eben ate ondoan lotuta, kanpoan, kalean; eta askatu egin eben. Han egozanetariko batzuek hauxe esan eutsen: -Zertan diharduzue hor astakumea askatzen? Ikasleek Jesusek esan izan eutsenez erantzun eutsen. Astakumea Jesusengana daroe, eta astakumeari euren soingainekoak ezarririk, Jesus gainean jesarri zan. Askok euren soingainekoak zabaldu ebezan bidean zehar; beste batzuek landetan ebagitako abarrak. Aurretik eta atzetik joiazanak, deadarka inoen: -Hosanna! Bedeinkatua Jaunareni zenean datorrena! Bedeinkatua gure aita Dabidengandik datorren erreinua! Hosanna zeru-goienetan! Eta Jesus Jerusalenera sartu zan, Jaunaren Etxean; eta inguru guztia begiratuta gero, harrezkero berandu zala, Hamabiakaz Btaniarantz urten zan.

AZALPENAK

Deigarria da zelan hasten dan Jesus Jerusalenen sartu zanekoaren barri emoten deuskun kontakizun hau. Ondoren datorrenerako prestaketa da. Interes bako istorioa dau abiapuntu. Jesusentzat eta aukera jakin baterako astakumea eskatuz, ebanjelariak mesianismo zuzen eta garaile eta, aldi beran, apal eta xaloaren esangura sakon eta estilo berezia ulertzeko prestatzen gaitu.

Hain zuen be, Itun Zaharrean kontakizun honi zentzuna emon deikeon aipua agertzen da. “Poztu zaitez, Siongo alaba hori; jo zantzoak, Jerusalengo alaba horrek! Hor datorkizu zure Erregea, zuzen eta salbatzaile; apalik, asto gainean, astakumearen gainean jesarrita” (Zak 9, 9). Paradoxa gertatzen da: garaipena baina asto gainean. Aintzina, enperadore garaileak zaldi ederraren gainean sartzen ziran urira, baina Jesusek garraiobide askoz apalagoa aukeratzen dau.

Irakaspen handia da. Astakumea da ikasleek bilatu eta Jesusi eroan behar deutsena; auzotarrakaz alkarrizketan jarduten dabe… ebanjelariak argi itzi gura deuskuna zer da: Jesusek asto gainean sartu behar ebala urian, hori aurretik iragarrita egoala, holan jasota egoala gidoian. Alde batetik, Jesus Mesias zuzen eta garaile lez agertzen da: herri xumearen gorespenen erdian sartzen da. Baina, bestetik, asto gainean egiten dau sarrera eta horrek zera adierazoten dau: Mesias apala dala. Zuzentasuna eta garaipena, estilo xehe eta xumean.

Itun Zaharreko beste pasarte batean ere, Balaanen astoarenean (Zen 22), Jaungoikoaren zaletasuna erakusten dau: munduan adimen gitxien dauana aukeratzen dau jakintsuak nahastatzeko. Hain zuzen be, astemeak bere nagusiak baino hobeto ulertzen ditu sasoien zantzuak eta Jaungoikoaren presentzia. Jaungoikoak txikia eta apala maite dau.

Joera bera aitatzen dau Pauloren txatal honek: Gizarteko zoroak aukertu ditu Jaungoikoak, jakitunak lotsarazoteko; eta gizarteko makalak aukeratu ditu Jaungoikoak, indartsuak lotsaz izteko; eta gizarteko zabor, hondar, ezer ez dana aukertu dau Jaungoikoak, zerbait dana hondatzeko, Jaungoikoaren aurrean inor harrotu ez daiten (1 Kor 1, 27-28).

Gaurko liturgiak Aste Santuan zehar bizi izango dogun panorama eta eszenatokia jarten deusku aurrez aurre: barreak eta negarrak, heriotza eta bizia, kurutzea eta berbizkundea. Kurutzeko beheramendutik aintzaren gorespeneraino.

- 14 -

PAZKO EGUNA (2015.eko Apirilaren 5a)

JARRERAK

Ekaitzaren ostean, barealdia Kurutziltzatua, Berbiztua

Zorion betea Gora bizia!

Ebanjelioa – Jn 20,1-9 – Pazko eguna

Astearen lehenengo egunean, goizean goiz, artean ilun egoala, Maria Madalena hilobira doa, eta harria hilobitik kenduta egoala ikusten dau. Arineketan hasi eta Simon Pedrorengana eta Jesusek maite eban beste ikasleagana etorrita, hauxe dinotse: «Jauna hilobitik eroan egin dabe, eta ez dakigu non ipini daben.» Pedro eta beste ikaslea urten eta hilobira joan ziran. Biak batera joiazan arineketan; baina, beste ikaslea arinago joian, eta lehenago heldu zan hilobira. Makurturik, zapiak, bai, ikusi ebazan, baina ez zan bera sartu. Heltzen da Simon Pedro haren atzetik, hilobian sartzen da eta honek be zapiak ikusten ditu, eta Jesusen burua estaldu eban miesa be bai, zapien ondoan ez baina, beste bazter batean tolestuta baino. Orduan hilobira lehenen heldu izan zan beste ikasle ha be sartu egin zan; ikusi eta sinistu egin eban: Liburu Santuak inoanez, Jesus hilen artetik biztu beharra zanik eze ben ordura arte ulertu izan eta.

AZALPENAK

Kristo hil egin zan. Bere jarraitzaileetako batek be ezin izan eban hori ukatu. Itxura batean, azkenera heldu gara. Jesusen bizimoduak arerioak eta aurkakotasunak eragin eutsazan eta heriotza ekarri. Bera hil egin zan, hobeto esanda, hil egin eben. Itxura batean, dana porrotean amaitu zan. Txarkeriaren botereak garaile atera zirala emoten dau. Horrela balitz, Jesus bera eta Jaungoikoaren Erreinuaren mezua pikutara joango litzatekez. Non da Nazareteko Jesusek hainbestetan hots egin eban Jaungoiko Aita? Zertan geratzen dira Erreinuko balioak: parkatu, alkarbanatu, zerbitzatu, maitatu…? Ze zentzun dauka bizitza honek? Ba ete dago ezer heriotzaren ostean?...

Baina ez zan dana hor amaitu. Berbizkunde-esperientziak gertatu ziran. Jesusek iragarri eban heriotzaren osteko bere berbizkundea. “Eta irakasten hasi jaken: Gizasemeak oinaze handiak eroan behar ebazala, eta Lege-batzarrekoek, abadeek eta idazlariek baztertu egingo ebela, heriotzara galduko ebela, eta hirugarren egunean barriro biztu egingo zala” (Mk 8, 31).

Jesusen jarraitzaile askok hilobirako sarrerako harria kenduta aurkitu eben; hilobia hutsik eta bere gorpua batu eben zapi eta miesa aurkitzen dabez. Lehenengo ahoskatu ebena hauxe izan zan: “Eroan egin dabe Jauna”.

Gero agerpenen esperientziak etorriko ziran. “Jauna agertu da”. Juan apostoluaren inguruan, zera dino ebanjelioko kontakizunak: “ikusi eta sinistu egin eban”. Ha goitik behera aldatu zan. Bere jarraitzaileek berbizkundearen argitik ulertu eben Jesusen bizitza. Hortik sortuz iran bizi testigantza eta leku eta sasoi guztietan iragarteko misinoa.

Nazareteko Jesusen berbizkundaren mezuak ez deutsez begiak ixten gure munduan hain hedatuta dagozan txarkeriari, oinazeari, sufrimentuari, heriotzari. Hala ere, negatiboak ez dau azken hitza, ez da behin betikoa. Bizia garaile ateraten da heriotzaren gainetik. Azken balantzea positiboa da, baina berbizkundera heltzeko heriotzatik igaro behar da. Jesus garaile atera da. Horitik da sinisgarria Jesus eta bere mezua. Kurutziltzatua biztu egin da.

---o0o---

- 15 -

GARIZUMA ETA PAZKO ALDIRAKO OTOITZAK (bakarka edo domekako batzarrean jaunartzearen ostean otoiz egiteko)

HAUSTERRE EGUNA (2015.eko Otsailaren 18a)

Jauna, beste behin be, bidean geldialdia egin eta gure bizitza baloratzeko eta gure jokaerari buruz gogoeta egiteko aukera emoten deuskuzu. Zintzo eta zuzen jokatu gura dogu zeugaz eta geure buruagaz.

Aita, zeruetan zarana, Zugan sinisten dogula dinogu, baina ez zaitugu beti aintzakotzat hartzen. Zutaz ahazten gara. Seme-alaben hartu-emona izan daigula zugaz, Zuk onartu eta maitatu egiten gaituzula sentitu daigula. Maitasunez erantzun gura deutsagu zure maitasunari. Luzatzen deuskuzun eskua oratu gura dogu.

Batzuetan, besteakaz doguzan hartu-emonak hotzak dira, ez dira bape atsegin eta anaikorrak. Aita eta Ama zaitugula eta gu zure seme eta alaba garala eta gure artean anai-arreba lez bizi behar dogula konturatu gaitezala.

Mundu hau oparitu deuskuzu, gure pisua, bertan bizi gaitezan. Dana danontzat ipini dozu. Jauna, alkarbanatu daigula txirotuakaz; inori ez dakiola duintasunez bizitzeko behar dauana falta, anai-arreba lez erdibanatzeko ausardia dogulako.

(laburtua jaunartzearen ostean otoiz egiteko)

Jauna, eskerrik asko Garizuma aldiagaitik; nire bizitza ordenan ipinteko beste aukera bat da. Zeruko Aita, zure seme eta alaba sentitu gaitezala, zure onarpena eta maitasuna sentitu daiguzala. Amaren bihotza dauan Jaungoiko Aita, anai-arreba lez bizikide izan gaitezala zure seme eta alabok. Mundu hau eta bertan dagoan guztia guztiontzat ipini dozu; alkarbanatzen jakin daigula.

GARIZUMA ALDIKO 1. DOMEKEA – Tentazinoak (2015.eko Otsailaren 22a)

Ez dakit zer gertatzen jatan, Jauna. Gura ez dodan txarra egiten dot eta ez gura dodan ona. Nire barruan bakotxak bere aldera tira egiten dauan indar bi dagoz. Eta egundoko burruka da, eten bakoa, gogorra. Zaldi zoro bik nire bizitzaren gurdiari bultza eta saka diharduela emoten dau. Eta ni… hain makal sentitzen naz!

Egun batzuetan, leku eta ordu guztietan aurkitzen zaitut. Eguzki distiratsuko egunak dira… Baina, beste batzuetan, laino baltzak azaltzen dira eta eguzkia inondik inora bez. Orduan, tentazinoa izaten dot eta zutaz zalantza egiten. Parkatu, baina holantxe da.

Besteakazko hartu-emonak dirala-eta, zer esatea gura dozu, ba? Ezin naz besteak barik bizi. Izan be, gizabanako sozial egin gaituzu. Ez gara irlak. Besteak behar doguz. Besteakazko adiskidetasuna lantzen dot, baina… sarritan, lagun oso desbardinak aurkitzen dodaz eta jasanezina egiten jat eurakaz egotea.

Doe asko emon deustazu. Denporea daukat, ondasunak, gaitasunak. Baina, besteen aldeko zerbitzuan erabili ordez, neuretzat bakarrik darabildaz neurri handi batean. Ez naitela norberekeriaren tentazinoan jausi, eskuzabalago izan naitela. Lagundu eidazu, tentazinoak gainditu zenduzan Jesus Jauna!

- 16 -


Jauna, denporea daukat, ondasunak, gaitasunak. Eskuzabala izan naitela eta ez neurekoia. Ez dakit zer gertatzen jatan, Jauna. Gura ez dodan txarra egiten dot eta ez gura dodan ona. Jaungoiko Aita, egun batzuetan ez zaitut aurkitzen. Atera laino artetik eta distiratu eguzkiaren pare. Ezin naz besteak barik bizi. Baina nekeza egiten jat batzuk maitatzea. Danok anai-arreba izan gaitezala.

GARIZUMA ALDIKO 2. DOMEKEA – Itxuraldaketa (2015.eko Martxoaren 1a)

Jesus Jauna, igoteko eta jaisteko konbitea egiten deuskuzu. Bizimodu txepel honetatik maila altuagoko, koherentzia handiagoko bizimodura igoteko dinostazu. Helburu handiagoak jarten deustazuz. Horretarako, itxuraldatu egin behar dot, jokamoldez aldatu. Eskerrak lagun zaitudana igoera neketsu horretan. Gainera, esku ona daukazu bihotz-barritzen laguntzeko. Itxuraldatu zinen horrek lagunduko deustazu neure irudia, burua, bihotza aldatzen.

Baina ez dozu gure ni goian, lainoetan geratzerik gura. Behean gura nozu, atazan, eguneroko bizitzan. Zure estiloa ez da triunfalista, hurkoa baino, ez da paternalista, arduratsua baino. Xume eta apalak maite dozuz. Zeu be gugaz jaisten zara oinak lurrean ipintera, konpromisoa hartzera eta ardurakide izateko dei egitera. Jauna, gorantz begiratzen jakin daidala, hemen behean oinak lurrean sendo jarriz.

Itxuraldatu naizu zugaz ditudan harremanetan, Jauna. Hurko sentitu zaidazala eta, zugandik, ondoan dodazanen balioa eta zure maitasun handia antzemateko gauza izan naitela. Bihurtu naizu besteengana. Beste guztiengan, batez be behartuenengan, nire anai-arrebak ikusi daidazala. Aldatu naizu barrutik, Jauna, nire sentimentuak ebanjelioko balioakaz bat etorri daitezala.


Jesus Jauna, itxuraldatu naizu nire bizimodu txepela aldatzeko. Lankide izango nozu. Eskerrak, Jauna, lagun zaitudala eskaintzazko bizitza honetarako igoeran. Jauna, erakutsi zu aintzakotzat hartzen, otoitz eginez, eta oinak lurrean jarten, lan eginez. Bihurtu naizu besteengana. Nire anai-arrebak ikusi daidazala danengan, batez be, behartsuengan.

GARIZUMA ALDIKO 3. DOMEKEA – Tenplutik jaurtitzea (2015.eko Martxoaren 8a)

Samurtasunez eta errukiz betetako Jaungoikoa, zaran lez onartu eta errespetatu gura zaitut. Zeu izaten itzi deizudala. Ez dot zutaz aprobetxatu eta baliatu gura. Batzuetan, ia konturatu barik, manipulatu egiten zaitut, neurea aurrera aterateko. Zerbitzatu ez ezik otzandu egin gura zaitut, poltsikoan sartu. Inork baino hobeto dakizu zer komeni jatan.

Zure Seme Jesusek bere janaria Jaungoiko bere Aitaren borondatea betetea zala esan euskun. Neuk be, neure bizitzaren bihotz bihurtu gura zaitut Amaren bihotza dauan Jaungoiko Aita hori. Nire bizitzaren bultzatzaile eta zentzuna izango ahal zara noiznahi eta nonahi.

Jesus Jauna, tenpluko azoka eta negozioa salatu zenduzan; kendu nigandik Jaungoikoaren lekua hartzen daben eta esklabo bihurtzen gaituen sasi-jainko kutsuko guztiak. Ez diruak, ez indarkeriak, ez ospeak, ez aberriak, ez arrazak, ezta alderdiek be… ez daiela sekula Jaungoikoaren lekua hartu.

- 17 -

Jesus, profetek lez, Jaungoikoak bere herriagaz egindako ituna iragarten zenduan eta itun horren kontrako guztia salatzen; jakin daidala sendotzen dauan Ebanjelioa iragarten eta morrontza dakarren txarkeria kondenatzen. Zeu eta zure mezua pozez onartzeko gauza izan naitela.


Ene Jaungoikoa, Zeu izaten itzi deizudala. Ez dot zutaz aprobetxatu eta baliatu gura. Aita, zeure borondatea bete gura dot. Zeu bihurtu gura zaitut nire bizitzaren bihotz. Jauna, kendu nigandik Jaungoikoaren lekua hartzen eta morroi bihurtzen gaituen sasi-jainkoak. Jauna, pozez eta maitasunez onartu zaidazala eta Ebanjelioaren Barri Ona iragarri daidala.

GARIZUMA ALDIKO 4. DOMEKEA – Jesus Nikodemogaz (2015.eko Martxoaren 15a)

Aita Jaungoikoa, eskerrik asko zure Semea bialdu eta gure eskuetan jartean egin deuskuzun opariagaitik. Zenbat maite gaituzun, zure Seme bakarra emoteko! On eginez bizi izan zan; zerbitzatua izatera ez ezik zerbitzatzera etorri zan. Nire lagun hurkoaren, behar nauanaren zerbitzuan jardun daidala. Nire egoismoa, neure baitan itxita egotea gainditzeko gauza izan naitela.

Nazareteko Jesus, zu zeu eta zure mezua gure zorionari begira zagoze. Jaungoiko Aitak ez zinduzan mundu honetara epaitzera eta kondenatzera bialdu, salbatzera baino. Besteen bertuteak eta neure akatsak ikusten hasi naitela. Gero agertuko dira nire bertuteak eta euren akatsak.

Jauna, batzuetan ez dot nire bidea asmatzen; ez dot argi ikusten zein karta aukeratu; dana lausotu egiten jat. Hainbeste dago erabagitzeko, hainbeste arazo konpontzeko! Hainbeste estutasunen artean, argi egingo deustan argia bilatzen dot, gauean, ekaitzean bidea erakutsiko deustan argia. Nire bihotzeko atea zabaltzen deutsut, nigan sartu zaitezan eta, holan, zure argitasunak nire izate guztian argi egin daian.


Lagun hurkoaren, behar nauanaren zerbitzuan jardun daidala. Jesus, on eginez bizi izan zinan. Neure baitan ixtera naroan neurekoikeria gainditu daidala. Jauna, zerbitzatua izatera ez ezik zerbitzatzera etorri zinan; besteak zorioneko eginez jadetsi daidala nire zoriona. Batzuetan, laino baltzek inguratzen nabe. Hurreratu nigana, Jesus; izan zaitez nire eguzki distiratsu.

GARIZUMA ALDIKO 5. DOMEKEA – Galgaraua (2015.eko Martxoaren 25a)

Zugaz egon gura dogu, Jesus. Zugan aurkitzen dogu bizia, argia, salbamena, egia, parkamena, maitasuna. Eskua luzatzen deuskuzu. Hartu daigula. Bizitza benetan zentzuzkoa izan daiten, zelan bizi behar dan erakutsi deuskuzu. Galgaraua jarten deuskuzu adibidetzat. Lurrera sartuz, gastatuz, ahituz eta hilez baino ez dau fruturik emoten. Besteen alde eginahalak eginez jaubetzen gara bizitzaren zentzun sakonaz. Bere bizia maitatuz hutsitzen dauanak beteten dau zentzunez eta poztasunez.

Jauna, ez dot porrot egin gura bizitzan neure baitan itxiz. Asmatu egin gura dot, emonkor izan, mundu hau hobetu. Besteak zorioneko egitea norbere zoriona jadesteko biderik onena dala dinostazu. Emoidazu sinisteko eta praktikara eroateko ausardia.

- 18 -

Itxura batean, paradoxa handia da: zenbat eta gehiago emon, orduan eta gehiago jasoten dozula. Dana buruz behera jartea dala emoten dau. ‘Ganapierde’ karta-jokoan gertatzen dana da: hain zuzen be, galtzen dauanak irabazi egiten dauala. Jesus Jauna, zabaldu nire bihotza Zuganantz eta besteenganantz atera naiten. Holan leku gehiago izango dot Zuk eta besteek nire bihotz hau bete daizuen. Jaungoiko Aita, Jesus berbiztu zenduana, bizi-eztanda izan daitela nigan eta besteengan. Gora bizia!


Zugaz egon gura dogu, Jesus. Eskua luzatzen deuskuzu. Zugan aurkitzen dogu bizia. Besteen alde eginahalak eginez baino ez dogu bizitzaren zentzun sakona aurkitzen. Jesus, zugaz zorioneko izango garala dinostazu. Benetan sinisteko ausardia izan daidala. Jesus Jauna, nire bihotza hutsitu daidala. Holan lekua izango dot zuretzat, niretzat eta besteentzat.

ERRAMU DOMEKEA (2015.eko Martxoaren 29a)

Jesus Jauna, heldu zara bidearen azkenera. Jerusalenen zagoz. Bidaiak leku arriskutsura eroan zaitu, uriburura; hemen batzuk zure zain dagoz, zu goratzeko, onartzeko eta hartzeko prest; eta beste batzuk akabatzeko, erditik kentzeko prest. Bidean geratzeko edo buelta egiteko aukera be bazeunkan. Halanda be, leial iraun zenduan helmugara heldu arte, Jaungoiko Aitaren misinoa esanekotasunez betez.

Neuk be zalantzak izaten dodaz; dana bertan behera izteko, nire uste sendoak alde batera izteko, kaltetuenen aurrean beste aldera begiratzeko eta dana pikutara bialtzeko makina bat tentazino izaten dot.

Lagundu eidazu, Jauna, zure deiari baietz erantzuten, herritar xumeek Jerusalenen egin eben lez, bidean soingainekoak zabalduz eta adarrak astinduz, zuri eta zure mezuari harrera eginez. Bigundu nire harrizko bihotza. Beratzen ipini. Haragizko bihotz bihurtu. Ez zaizala baztertu, uriko agintariek egin eben lez.

Jarri naitela zugaz, Jesus, asto apal horretan. Ez daidala neure burua besteen gainetik ikusi, harrokeria eta handikeriaren garaipen-arkuaren azpitik igaroten dan zaldi eder eta galantaren gainean joango banintz lez. Besteakaz batera, zure bidelagun izan gura dot.


Jesus Jauna, bidearen azkenera heldu zara. Lagundu eidazu ez ahitzen. Jesus Jauna, dana pikutara bialdu gura dot; ez daidala tentazino hori izan. Jesus Jauna, bigundu nire harrizko bihotza. Harrera egin gura deutsut Jerusalengo herritarrek lez. Asto apal horren gainera igon gura dot zugaz, Jauna, zaldi ederra baino nahiago dot.

PAZKO EGUNA (2015.eko Apirilaren 5a)

Jesus Jaun Berbiztua, heriotza garaitu dozuna. Emoiguzu zure biziaren osotasuna. Topera, ilusinoz bizi gaitezala. Gora topera bizitako bizitza! Egia bihurtu daitela Jaungoikoaren eta gure ametsa: gizadi osoa Jaungoikoaren seme eta alaben familia handi bilakatu.

Zugaz bat eginda, Jauna, biziaren laguna, gure inguruan egoismo, harrokeria, axolabakokeria, mendeku, gorroto… erara agertzen dan heriotzari heriotza emon gura deutsagu. Batzuetan ez

- 19 -

daukagu ezetarako gogorik; gure inguruan egoera ezkorrak, pobrezia, desjaubetzeak, langabezia, era askotako indarkeria ikusi daitekez. Horrek etsipena dakarsku. Horregaitik, motibo gehiagogaz, zure eskuetan jarten gara.

Aita Jaungoikoa, Jesus berbiztu dozuna, bihurtu gaizuz osotasunezko, zerbitzuzko, parkamenezko, eskuzabaltasunezko, eskaintzazko, maitasunezko bizitzara. Gure zorion betearen egarria gizaki guztiengan egia bihurtu daigula.

Zuk ez deuskuzu huts egiten; arreta eta laguntza eskaintzen deuskuzuz beti. Eskerrik asko. Baina gu, askotan, hilda, gogo barik, adore barik, txepeltasunez bizi gara. Berbiztu gaizuz onean eta txarrean, zure heriotzan eta berbizkundean zure atzetik joan gaitezan. Aldatu gaizuz, zure deiari erantzun deiogun. Bihurtu gaizuz, zugan eta besteengan arreta jarri daigun. Zure biziak, bizi berbiztuak kutsatu gaizala.


Jauna, lagundu eiguzu topera, ilusinoz bizitzen. Bizi-eztanda izan daitela danentzat. Zugaz bat eginda, Jauna, biziaren laguna, heriotza emon gura deutsagu heriotza orori. Jaungoiko Aita, zabaldu gaizuz zerbitzuzko, parkamenezko, eskaintzazko eta maitasunezko bizitzara. Jesus, zure bizi berbiztuak kutsatu gaizala eta bizi hori kutsatu daigula.

---o0o---

- 20 -

KRISTINAU LITURGIA, BERBA, ZEINU ETA SINBOLOEN SAREA

HITZAREN MAHAIA

“Eleizak beti gurtu izan dau Idazteuna, Kristoren Gorputza gurtu izan dauan lez, hain zuzen, batez be, liturgia santuan sekula ez deutsalako Jaungoikoaren Hitzaren eta Kristoren Gorputzaren mahaiak eskaintzen dauan biziaren ogia hartzeari eta fededunei banatzeari itzi” (DV 21).

Hitzaren IRAKURKETA

Idazteuna Hitzetik dator eta Hitzera itzultzeko eginda dago. “Kristo bere hitzean azaltzen da, Eleizan Idazteuna irakurten danean Berak hitz egiten daualako” (SC 7).

Jaunak Domekea ospatzeko dei egiten deutsala autortzen dauan batzarrak, ENTZUTEAGAZ bat datozan jarrerak eta zeinuak puntu-puntuan jarri behar ditu. Hau da:

Batzarrean:

otoitzerako eta bere Hitza zuzentzen deuskun Jaungoikoaren misteriora zabaltzeko isiltasunezko giroa;

‘eseritako’ jarrera, hitz egiten deutsan norbaiti entzuten deutsanari jagokona;

liburu, orrialde, mobikor, ardura… eta enparau guztietatik erabat deskonektatu.

Irakurteko aukeratu dabezanengan:

testua ‘otoiz eginez’ prestatu; jentaurrean irakurteko ‘legeen’ gitxieneko ezagutza; dagoeneko bertan ez dagozan eta, batzuetan, berba arrotz edo ezezagunak darabilezan

eta entzuleek ezagutzen ez dabezan gertaerez diharduen beste batzuen ahotsa izatearen kontzientzia praktikoa.

Entzutea, bihotzaren barne-belarrian gertatzen da, baina gorputzaren kanpo-belarritik igaro behar dau nahitaez. Horregaitik, ez da bitarteko materialetan eta komunikazinorako tekniketan aurreztu behar.

1. Lehenengo irakurgaia: Fedean anai eta arreba nagusi doguzanen KRISTINAU

ESPERIENTZIATIK Kristo bera da hurreratzen jakuna

Uste sendo batek garoaz arretaz eta jakin-minez entzutera: fedean anai eta arreba nagusi doguzanen, herri judutarraren historia helarazoten jaku. Gure antzera, Jaungoikoa bilatu dauan eta Beragaz bat egiteko bideak jarri dituan herriarena. Benetan, geure historia santua da argitzeko aurkezten deuskuena.

Liturgiatik, fedearen Kristo da Idazteun osoaren interpretazinoaren burutzea eta hasiera. Horregaitik dinogu: ENTZUN! Kristo bera hurreratuko jatzu.

2. Salmoa erantzun lez: Jesusen garaikide egiten gaitu

Salmoek gizon eta emakumeek historian zehar bizi izandakoak kontatzen deuskuez hizkera poetikoan. Gizon eta emakumeen esperientzia argitsu eta ilunak, oinazeak eta konfiantzak landu eta hezitako esperientziek Jaungoikoagana joteko berbak emoten deuskuez.

- 21 -

Abestutako edo, gitxienez, tonu poetikoan errezitatutako olerkiak dira salmoak eta Jesusen garaikide egiten gaitue. Eurakaz, Jesusek bere Aitagaz eta gure Aitagaz hitz egiten eban. Batzarrean abestutako antifona lagun izan daikegu egun osoan zehar, bihotzean ‘hausnartutako’ berba lez.

Salmoakaz otoitz egiten hasi aurretik, ezinbestekoa da prestaketea.

3. Bigarren irakurgaia: Jesusen lehenengo kideen gutunak

Paulo, Pedro, Santiago, Joan, Lukas… edo izenik ez dakigun besteren bat dira fedea lehenengo jadetsi ebenak, Berbiztuagaz bat egitearen ondorioen lekuko bizidunak: bizitza aldatu egiten dau eta Jaungoikoaren Erreinuari begira jarri.

Irakurketa egokia, beharrezkoa izan ezkero sarrera laburragaz, kristinau fedearen esperientzia jatorrizko eta eragile hagaz bat egiteko konbitea izan daiteke.

4. Barri Ona – Ebanjelioa: Kristoren bizitzaren misterioa argitzen deusku

Zutik entzungo dogu, hilen artetik Berbiztutako Kristoren jarrereagaz. Ebanjelioa HOTS EGITEN DA.

Ez da istorio ezezaguna ezagutzera emoten; GAUR eta HEMEN, ospakizun honetan, Jaun Berbiztuak deituta osatu dogun batzar honetan gertatzen dan jazoera hots egiten da, hain zuzen be.

Jesus ez da liburua, Barri On egindako Hitza baino. Hitz horretan, Kristoren bizitzaren MISTERIOA agertzera emoten jaku. “Beraz, iragartetik sinistea; eta iragartea, Kristoren berbatik” (Erm 10, 17). “Entzuteko belarririk euki daianak, entzun daiala!” (Mk 4, 23).

Hitza aldarrikatuko dogu:

zutik, gorputz osoa Hitzaren mahaiari begira jarrita, abestu egingo dogu: Aleluia! Kristo bizi da! kurutziltzatu-berbiztuaren kurutzearen seinalea egin liburuan, bekokian, ahoan eta

paparrean (Dt 30,14). erantzuna eta irakurgai-liburuan mun egin.

5. Homilia: “Gaur bete da oraintxe entzun dozuen idatzitako hau” (Lk 4, 21).

“Jaungoiko ikusiezina gizon eta emakumeengana zuzentzen da bere maitasun ezin ugariagoan, adiskideengana joko baleu lez, eurakaz entretenitzen da bere bizia konpartitzeko deia eginez eta horretarako bere ondoan onartuz” (DV 2). Homiliaren bidez entzuten dogun Hitzetik gure bizitzetan eragiten eta gauzatzen dauanera igaroten gara: “Nire ahoteik urtendako hitza ez da Nigana hutsik bihurtuko Neuk nahi hebana egin barik” (Is 55, 11).

Homiliak ez dau gai bat, irakaspen bat azaltzen; Norbait agertzera emoten dau, Jaungoikoak bere herriaren bizitzan, munduko gertaeretan eta gutako bakotxaren bizitzako istorioetan dauan jarduera misteriotsuaren estalkia altxatu egiten dau. Bere egitekoa ‘mistagogikoa’ da: misterioaren ‘ulerkuntzara’ zuzentzen dau; Emauseko ikasleen esperientzia errepikatzen dau: “Ez genduan, ba, sugarretan bihotza gure barruan, Harek bidean berba egiten euskunean eta Liburu Santuak azaltzen euskuzanean?” (Lk 24, 32).

Isiltasun laburrak, Haren presentziaz betetako isiltasunak, Ebanjelioa hots egin danetik, homilia amaitu dan arte, gure bihotzean durundi egin daben Hitzaren ‘oihartzunez’ jaubetzen lagunduko deusku.

- 22 -

6. Eleizaren sinismenaren sinboloa: atzo, gaur eta bihar hots egiten dau sinismena

Sinboloa, buztin egosiz egindako eta zati bitan apurtutako pieza da; familia bik edo uri bik bakotxak berea gordeten dabe eta, alkartzen diranean, egindako hitzarmen edo itunaren betetea adierazoten da.

Kredoa sinboloa da, batasun-ekintza dalako: autortzen dogun fedea ez dator gugandik eta ez da gugan bakarrik bizi. Beste fededun batzuenagaz alkartzeko ahalmena izan behar dau, sinbolo bat bere erdiari lotzen jakon lez.

7. Jaungokoaren herriaren otoitza: batzarraren eta Jaungoikoaren arteko

alkarrizketearen gailurra

Otoitz honetan, Jaungoikoaren herriak abade-egitekoa gauzatzen dau: erregua, eskaintza eta eskerrona, bateotik jadetsitako abadetza hori Eleizaren izenean eta gizadi osoaren zerbitzura eginez (OGMR 69<45>). Honan, Hitza:

Gaurkotu egiten da, Eleizaren otoitza orainaldian eta bere inguruabarretan kokatuz.

Iragarri egiten da, ezarrita dagoan lekuetan hazi daitela eta oraindik ez dagoan lekuetan ezarri daitela eskatuz.

Mundu osoan hedatzen da, alkartea bere baitatik aterarazoz eta eleiza unibersalera, agintari publikoengana, beharrizanean dagozan guztiengana zuzenduz (OGMR 70<46>.)

Egiteko hau gauzatzerakoan kontuan hartzeko oharrak

erreguak gizakien aldekoak dira, ez gauzen aldekoak; eskari laburrak dira beti egokienak; beharrizan zehatzak kontuan hartu, mundukoak eta bertokoak; Kristoren bitartez otoitz-eskaria egiteak, konprometitu egiten dau eskatzailea,

Kristoren eta alkartearen aurrean.

---o0o---

- 23 -

ERANTZUN–SALMOAK

Miércoles de Ceniza: Salmo 50

Domingo 1º de Cuaresma: Salmo 24

Tus sen-das, Se-ñor___, son mi-se-ri-cor-dia_y le-al - tad. Domingo 2º de Cuaresma: Salmo 115

Ca- mi- na- ré en pre-sen-cia del Se- ñor.


Se - ñor, tú tie - nes pa - la- bras de vi-da_e-ter - na. Domingo 4º de Cuaresma: Salmo 136

Que no me_o vi- de de ti, Se - ñor. San José: Salmo 88

Can-ta- ré e- ter-na- men- te las mi- se- ri- cor-dias del Se - ñor.


Oh Dios, crea_en mí un co-ra- zón pu___ -ro. Domingo de Ramos: Salmo 21

Dios mí-o, Dios mí-o, ¿por qué me_has a-ban-do - na___-do?

- 24 -

Jueves Santo: Salmo 115

El ca- liz que bende - ci- mos es la co-mu-

-nión de la san_-gre de Cris- to.

Viernes Santo: Salmo 30

Pa__- dre, a tus ma- nos en- co-

mien-do mi_es - pí - ri - tu.

Vigilia Pascual: Salmo 103

En- ví- a tu_Es- pí - ri - tu, Se - ñor, y re-

-nue- va la faz de la tie__- rra.


Pro- té- ge-me, Dios mí- o, que me re - fu-gio en ti.

Vigilia Pascual: Ex 15

Can-ta - ré___ al Se -ñor, su- bli-me_es su vic- to__- ria.


Te_en-sal- za - ré, Se - ñor, por-que me_has li- bra- do.

Domingo de Resurrección: Salmo 117

Es -te_es el dí-a_en que_ac-tu- ó el Se- ñor:

se - a nuestra_a- le- grí -a_y nuestro go - zo.

- 25 -

Domingo 2º de Pascua: Salmo 117

Dad gra-cias al Se - ñor por-que_es bue__-no,

por-que es e - ter- na su mi -se -ri - cor - dia.


Haz bri-llar so-bre no-so-tros el res-plan- dor de tu ros-tro.


Es el Se- ñor quien lo_ha he - cho.


El Se- ñor es mi_a-la- ban-za en la gran a-sam-ble__- a.


El Se- ñor re - ve- la_a las na - cio- nes

su sal- va- ción.

Ascensión del Señor: Salmo 46

A- cla-mad al Se- ñor, tierra_en-te- ra.

Pentecostés: Salmo 103

En- ví - a tu_Es- pí-ri - tu, Se - ñor, y re-

-pue - bla la faz de la tie___- rra.

- 26 -

Hauts Eguna: 50. Salmoa

Garizuma aldiko 1go. domekea: 24. Salmoa

Lei- a- la zara zin-tzo-e- kin. I- tu_-na gorde da-be-ne- kin.

Garizuma aldiko 2. domekea: 115. Salmoa

I - bi-li-ko naz zu-re aurrean, bizi di-re-nen lur za-ba-le-an.


Zu- re hi-tzak, Jau-na, es- pi- ri- tu e - ta bizi di - ra.

Jau-na-ren Hi-tza gure argi- a, gure bi-de- a, gu-re bizi- a.


Je-ru-sa-len, zu ez bes-te-rik, e-zin i-zan nik poz bide- rik.


Zuk e-mon, Jau-na, ar-nas ba-rri. Sor-tu_ ni-re-gan, bihotz gar- bi.

Erramu domekea: 21. Salmoa

Ni- re Jainko-a, nun za-goz Zu? Zergatik es-ku-tik i- tzi nozu.

Eguen Santua - 115. Salmoa

- 27 -

Bariku Santua - 30. Salmoa

Pazko Gaubela – 103. Salmoa

Zu-re ar-na- sa bial-du gu-ga- na, ta lur a- zala ba-rri- tu, Jau-na!


Zu- re ar- na- sa bi- dal gu- ga- na ta lur a- za-

-la ba - rri- tu, Jau- na. Zu- -rri-tu, Jau - na.


Zeu za - ra, Jau - na, ni - re on- da- re - a.

Pazko Gaubela – Ex 15

Lur o- so- a, e- gi- o- zu i - rrin- tzi Jain-ko-a- ri.


Es-ke-rrak Jau-na- ri, Ha-ren mai-ta-su- na beti-ko-a bai-ta.

Pazko Eguna - 117. Salmoa

Hau e__- gu -na hau, Jau- nak_ e- gi - na, gu-

-re__ po-za ta gu - re a- tse-gi - na.

- 28 -

Pazko aldiko 2. domekea: 117. Salmoa

Es–ke- rrak Jau-na-ri, Haren maita-su-na beti- ko-a bai-ta.


Jau-na- ri kan- ta___, o-na da - ta___, hain da haundi-

-a bere beti - ko___ e- rru- ki - a.


Kan- ta Jau- na- ri kan- tu barri, e-

-gin bait ditu hainbat ha- rri- ga- rri.


Be-dein-ka- tu- a Jau- na, gure Jain-ko- a.


I- ku- si dabe lur mu- ga da - nak

gu-re Jain-ko a___- gan-di- ko ga-rai- pe - na.

Jaunaren Igokundea: 46. Salmoa

Lur o- so- a, e- gi- o- zu i - rrin_-tzi Jain-ko-a- ri.

Mendekoste: 103. Salmoa

Zu- re ar- na- sa bi- dal gu-ga- na ta lur a- za-

-la barri-tu, Jau- na. Zu- -rri-tu, Jau - na.

2015 – b zikloa- 6 - bibliatik begiratu sarrera oso bizkor bizi gara. alde batetik bestera gabilz,...

Documents