quen son eu? (i)

Novas tecnoloxías aplicadas á educaciónDto. Didáctica e organización escolarProf. D. Eulogio Pernas Morado

Quen son eu?Antía González Ben

Segundo de Mestre, Educación Musical

Quen son eu?Primeira actividade: auto-

presentaciónMarzo de 2008

[Contén música de fondo]




Son Antía González Ben




Como son?

Nacín en Burela, pobo de pescadores emprazado na Mariña Lucense.

Teño dez e nove anos e son filla única. Meu pai é mariño mercante, miña nai traballa na casa.

Os que me coñecen, din que son botada para diante, despistada e perfeccionista.

Fisicamente, teño os ollos grandes, o nariz, recachado, e os pés, planos. Penso que é isto o que máis me caracteriza.




Que me preocupa? (I) As actitudes intransixentes que se obstinan en negar a

riqueza do pluriculturalismo. Os conflitos intra e internacionais, fronte aos que se

debe fomentar unha convivencia baseada en relacións pacíficas, comprensivas e solidarias.

Todas aquelas accións que camiñan na dirección oposta a un desenvolvemento humano e sostíbel, agravando a fenda entre unha pequena elite que monopoliza os recursos e o resto das xentes, cada vez máis empobrecidas.

A conservación e o respecto polo medio ambiente para, cando menos, frear a contaminación e o deterioro do noso medio natural.

Todos aqueles problemas de saúde que nos afastan dun «statu quo» de óptimo benestar físico, mental e social, e que se ven agravados nas zonas deprimidas dos países desenvolvidos e, en xeral, nos máis pobres.




Que me preocupa? (e II) A extensión efectiva dos dereitos humanos

fundamentais á infancia de todo o mundo, ás minorías discriminadas, ás persoas con algunha minusvalía, á terceira idade e, como non, a esa metade da humanidade que conformamos as mulleres.

E, para rematar, a necesidade minimizar o risco de desigualdades derivadas da actual sociedade da información a través da capacitación de tódalas persoas para unha asimilación construtiva do coñecemento científico e tecnolóxico grazas á utilización eficaz dos instrumentos que permiten o acceso a el. E, á par, a obriga de asegurar o seu uso só para o fomento do progreso humano, económico e social.

(Rosales López, 2007).




Que me gusta? (I)

A música, como ben se pode deducir. Ademais, son estudante de violín (vaia sorpresa, non si?).

As viaxes: outros lugares, outras xentes, outras culturas. De feito, a fotografía non é casual: París é a cidade que máis me gusta das que coñecín até o de agora. E sospeito que non é preciso comentar o fotoxénica que son…

A literatura, a través da cal coñezo asemade outras formas de vida e outras perspectivas sobre o mundo.




Que me gusta? (e II)

A natureza, con cuxa cadencia me gusta empatizar para distanciarme dos apuros e as preocupacións que rexen o meu día a día. En consecuencia, fáiseme difícil pasar moitos días en Compostela sen poder quedarme ensimismada mirando para o mar, ulíndoo, escoitándoo, sentíndoo, como tanto me gusta facer desde o meu cuarto. Non obstante, recoñezo que esta cidade tamén está chea de ancanto.

A educación, a través da cal agardo canalizar as miñas inquedanzas sociais. Hai moito aínda por facer!




Cales son as miñas expectativas?

En primeiro lugar, rematar este curso o mellor que poida.

Logo, rematar a miña carreira, a nosa carreira. Despois, seguramente seguir formándome

(Pedagoxía, quizabes?). Máis tarde, traballar. En que? Se podo, en algo

relacionado con aquilo para o que me formei. Se non, no que atope. Iso coma todos, imaxino.

E vai ser mellor parar, que construír semellante castelo no aire non é demasiado fiábel.




Cales son as miñas experiencias previas

coas Novas Tecnoloxías? Xamais recibín unha clase de

informática. O que sei neste eido deriva de ir facendo probas, enganándome e tamén acertando. Polo tanto, tratouse dunha aprendizaxe intuitiva e non sistematizada que, de seguro, está chea de lagoas que debería emendar se quero dar un bo exemplo na miña «futura labor docente».

Agora é un bo momento para facelo.




Que agardo desta materia?

Moito. As TIC son hogano unha aprendizaxe instrumental imprescindíbel para calquera docente. E, do que vexo a cotío nas nosas escolas a o que vín en Ariño, Teruel, aínda nos queda un longo treito por percorrer.

Aínda que, doutra banda, son consciente das tremendas limitacións temporais coas que conta toda materia cuadrimestral.

http://www.youtube.com/watch?v=NfP0H_WlbiE




Adeus…

Logo de ter contado un pouco quen son, como son, que é o que me gusta e cales son as miñas expectativas de futuro, logo de ter falado sobre que coñecementos previos teño sobre Novas Tecnoloxías e cales agardo adquirir con esta materia, estimo que vai sendo hora de pasar a escoitar o que vós me contades.

Escoitar, bonita verba, non si?




Cita: ROSALES LÓPEZ, C. (2006). A cooperación entre familia e escola como factor decisivo na calidade educativa. En FERNÁNDEZ TILVE, M.D. (Coord.). Familia e escola: encontro vs desencontro (53-69). Santiago de Compostela: Tórculo.

Música: TCHAIKOVSKY, P.I. Trepak (Danza rusa) e Danza do mirlitón. En O Crebanoces. Dispoñíbel en: http://www.archive.org/download/TrepakdanzaRusaEDanzaDoMirlitn/Antia1.mp3 [Consulta: 28 de marzo de 2008].

Fondo: GERASIMOV, V. Violin. Dispoñíbel en: http://www.vladstudio.com/wallpaper/?542 [Consulta: 2 de marzo de 2008].

http://www.archive.org/download/TrepakdanzaRusaEDanzaDoMirlitn/Antia1.mp3

http://www.archive.org/download/TrepakdanzaRusaEDanzaDoMirlitn/Antia1.mp3

http://www.vladstudio.com/wallpaper/?542

http://www.vladstudio.com/wallpaper/?542

quen son eu? (i)

Education