petición ao concello para o monumento a rosalía
DESCRIPTION
Solicitude presentada no Concello para que se levante un grande monumento de homenaxe e honra á poeta galega, vinculada á cidade con seu marido Manuel Murguía ao editor Manuel Soto Freire.TRANSCRIPT
Ilmo. Sr.:
Lois Diéguez Vázquez, con DNI Nº 34233746V e enderezo a efectos de notificación en
R/ Acacia, Nº 6-5ºB, Lugo, e como representante da Asociación LugoPatrimonio;
Mª Antonina Gay Parga con DNI Nº 06478898M e enderezo en Lugo, Avda. de Ramón
Ferreiro, 37-5º-B, 27002 Lugo e en representación do Clube Cultural Valle-Inclán;
José Manuel Núñez Blázquez, con DNI Nº 33.842.434-G e enderezo en rúa Serra dos
Ancares, 81, 1º, 27003 Lugo e en representación da asociación cultural Ágora Lugo ;
Mª Teresa Campo Domínguez con DNI Nº 33786485-Z e enderezo na Rúa Doutor
Gasalla, 30. 1º- D- 27004- Lugo; e en representación da asociación Achádego Teatro;
Isidoro Rodríguez Pérez con DNI Nº 33838300 x e enderezo en Aviación española,5 de
Lugo e en representación da asociación María Castaña;
EXPOÑEN:
sabemos que tanto o concello de Lugo como os seus veciños e veciñas foron sempre
sensíbeis coa obra da poeta galega Rosalía de Castro. Os seus poemas, nalgún caso,
foron musicados e cantados por artistas lugueses de sona. Hai centros escolares
dedicados a ela e mesmo o noso Parque máis antigo leva o seu nome. Coñecida é tamén
a relación que Rosalía de Castro e mesmo o seu esposo, Manuel Murguía, mantiveron
con Lugo a través dun dos nosos grandes editores, Manuel Soto y Freire mediante a
publicación de traballos periodísticos e obras de ensaio e creación literaria.
O parque Rosalía de Castro é hoxe por hoxe un dos grandes monumentos naturais e
históricos que fai biografía ao pé de cada veciño e veciña, e no seu momento
embeleceuse tamén cun pequeno busto da nosa poeta. Os tempos foron mudando e
outras obras adornaron e ampliaron a zona. Consideramos que é o momento apropiado
para dar un paso máis e deixar constancia do cariño e amor a esa inmensa obra creada
por Rosalía de Castro mediante un grande monumento de homenaxe e honra que estea á
altura da mesma no plano artístico e escultórico e estea tamén nese fermoso Parque
acompañando outros como a Fonte do corazón, obra do noso insigne escultor Francisco
Asorey.
Por iso facemos petición de que o concello, como representante dos veciños e veciñas
de Lugo, realice este grande monumento que indubidabelmente será punto de referencia
tamén a par dos outros levantados por todo o país.
Facemos esta petición en Lugo, a 4 de abril do 2011 con motivo dunhas xornadas que
desde hai meses se veñen celebrando sobre a nosa escritora.
Lugo, 4 abril 2011
Asdo: Lois Diéguez Asdo: Mª Antonia Gay P.
Asdo.: José M. Núñez B. Asdo.: Mª Teresa Campo D.
Asdo.: Isidoro Rodíguez Pérez
ILMO. SR. PRESIDENTE DO EXCMO. CONCELLO DE LUGO