1 orrialdetako agiria 1. orrialdea

GAIA

Sasi guztien gainetik euskaldun eta burujabe lemapean EHE-k otsailaren 12rako deituriko manifestazioarekin bat egiten du BAI EUSKAL HERRIARI ekimenak

PRENTSA OHARRA Euskal Herria nazio ukatua da, beren naziotasuna izan eta agertzeko nahiz beren etorkizuna erabakitzeko eskubidea ukatzen zaigu 3.000.000 euskal herritarroi. Euskal Herria Euskararen herria da, zazpi lurraldeek osatzen duten 21.000 km²-ko lur eremuan kokatzen den nazioa. Euskal Herriak sufritzen duen asimilazio estrategia gero eta bortitzagoa bihurtzen ari da. Horren adierazle dira: EITBren eguraldi mapa, Espainiako futbol selekzioko partaideei Gasteizko parlamentuan harrera egin izana, Espainiarren erregearen diskurtsoa ETBk eman izana, Espainiako itzulia 30 urteren ondoren Euskal Herritik pasa nahi izatea edo Patxi Lopezen Euskakren inguruan azken aldian eginiko adierazpenak, … Euskaldunak burujabe izanaz lortuko dugu Euskarak bizi irautea, Euskal Herria burujabe izanaz lortuko dugu gure lurrean Euskaraz bizitzea. Horregatik, BAI EUSKAL HERRIARI herri ekimenak bat egiten du, Euskal Herrian Euskaraz taldeak otsailaren 12rako Donostian antolatu duen manifestazioarekin eta dei egiten dio euskal jendarteari arratsaldeko 17:00etan abiatuko den manifestazioan parte har dezan.

Euskal Herrian, 2011ko otsailaren 2an