nº 0.0 pazo das musas.sumario1 -...
TRANSCRIPT
Revista oral
O PAZO DAS MUSAS
Lista de índices
Edita: Museo Provincial de Lugo e Excma. Deputación Provincial de Lugo
Lugar: Refectorio do Museo Provincial de Lugo.
Coordina: Antonio Reigosa
nº 0 23 de decembro de 2004
Revista oral de periodicidade trimestral
Edita: Museo Provincial de Lugo e Excma. Deputación Provincial de Lugo
Hora: 19 horas.
Lugar: Refectorio do Museo Provincial de Lugo.
Duración aprox.: 1,30 h.
Coordina: Antonio Reigosa
A revista oral O pazo das musas nace co obxectivo de ser un foro de actualidade, de
opinión e de debate no que poderán participar todos os protagonistas e axentes
involucrados na creación, difusión e exposición de bens de interese cultural. Darase
acollida a todas as artes, correntes e tendencias, cunha ollada crítica ao presente, ao
pasado e ao futuro.
O Pazo das musas aspira a ser o espazo onde conflúan os camiños polos que transita
a inspiración dos creadores de hoxe en día, un punto de encontro e de reflexión
arredor da cultura e da xestión cultural, e pretende, ao mesmo tempo, ser voceiro da
sociedade que asume, como ben de interés xeral, o sostemento das institucións
comprometidas en preservar e divulgar a nosa cultura.
SUMARIO Portada musical
Vals nº 2 (Jazz-Suite nº 2). D. Shostacovich.
Intérprete: Vazdin Yuknevich (3’)
Prólogo Presentación da revista O pazo das musas por Encarna Lago (5’)
Música Exspesión nº 1 (V. Jukhnevich)
Intérprete: Vazdin Yuknevich (2’)
Entrevista Francisco Nieto entrevista ao artista Ignacio López (15’)
Música Val-bostón (A. Rosenbaum)
Intérprete: Vazdin Yuknevich (2’)
Poesía Flores de mentira por Isidro Novo (3’)
Música Musset- Cielo de París (M. Legrand)
Intérprete: Vazdin Yuknevich (2’)
En profundidade Rosario barroco de prata e acibeche por Mª del Rosario Fernández (10’)
Música (Pachelbel) Preludio en mi menor.
Intérprete: Vazdin Yuknevich (2’)
Teatro Entremés de O xuíz dos divorcios de Miguel de Cervantes. Traducción de Tareixa
Campo.
Intérpretes: Cadro de actores do Grupo de Teatro Achádego (15’)
O Xuíz: Alberto Pérez
O vello: Antón Sampaio
Mariana: Esther Pedrouzo
O Escribán: Camilo Santos
O Soldado: Suso Meilán
Dona Guiomar: Tareixa Campo
O Cirurxián: Jose Blázquez
Aldonza de Minxaca: Marga Portomeñe
O Ganapán: Andrés Castelo
Músicos: Beatriz Meilán
Mercedes Acevedo
Música Por una cabeza (C. Gardel)
Intérprete: Vazdin Yuknevich (2’)
Memoria viva Los Urogallos por Juan Puchades Quilis (10’)
Música Exspesión nº 2 (V. Jukhnevich)
Intérprete: Vazdin Yuknevich (2’)
Poesía Moto por Isidro Novo (3’)
Música Adagio (A. Kachutuvián)
Intérprete: Vazdin Yuknevich (2’)
Para ver Os guerreiros de Shian, por Gonzalo Henrique Rodríguez Amorín.
Iconos: A mellor fotografía e cine da George Eastman House, por Javier
Huerga García (5’)
Música Exspesión nº 3 (V. Jukhnevich)
Intérprete: Vazdin Yuknevich (2’)
Opinión Intervención libre do público asistente (5’)
Epílogo Por Antonio Reigosa (5’)
Contraportada musical Jazz-estandart (All of me)
Intérprete: Vazdin Yuknevich (3’)
COLABORAN NESTE NÚMERO: Achádego
Foi polo mes de outubro do ano 1988 cando recibimos o encargo de facer
unha montaxe coa que celebrar o cuadraxésimo aniversario da Declaración
Universal dos Dereitos Humanos. A obra escollida foi A dobre historia do doutor
Valmy de Buero Vallejo, unha peza que pola súa temática achegaba ó público,
dun xeito descarnado, á terrible experiencia da tortura. Este proxecto fixo que
nos xuntaramos un grupo de persoas interesados no teatro.
Nestes dezaseis anos de vida, pasaron por Achádego máis de corenta
actores/ actrices, e todos eles deixaron a súa pegada no grupo. Achádego
sempre foi e segue a ser un grupo aberto a todas aquelas persoas que coma
nós sintan paixón polo teatro e desexen traballar pola cultura e o lecer.
Máis de seiscentas representacións por toda a xeografía galega con públicos
dispares e montaxes ben diferentes configuran a historia do grupo.Teatro de
rúa como Os Pelúdez entre nós, montaxes con textos poéticos de autores
galegos, parodias nas semanas de cine de Lugo (Achádego foi o derradeiro
grupo de teatro que actuou no Gran Teatro); experiencias en vídeo e
televisión... textos de Alonso de Santos, Terencio, Guelderode, Sastre, Plauto,
Shakespeare, Macchiavelli, Manuel María, Fole...
No mes de Setembro estreamos Confusión de María Balteira escrita a petición
do grupo por Marica Campo, unha montaxe que ten como valores destacados o
carácter poético do texto e a reivindicación da condición feminina.
Fernández González, Mª del Rosario Nacida en Lugo en 1968, é licenciada en Xeografía e Historia, especialidade de
Museoloxía pola Universisdade de Santiago de Compostela. Desde hai nove
anos ocupa praza de responsable da Sección de Artes Decorativas e
Etnografía no Museo Provincial de Lugo. Foi comisaria de varias exposicións
etnográficas en Italia e Polonia, así como no propio centro de traballo.
Huerga García, Javier Nacín na cidade da Couña en 1974. Son licenciado en Belas Artes,
especialidade de pintura, pola Facultade de Pontevedra, e Máster en Creación
e Comunicación Dixital pola Universidade da Coruña. Teño participado en
mostras colectivas de pintura e gravado. Profesionalmente nos últimos anos
estou dedicado a campos coma o deseño gráfico e a animación dixital.
Lago González, Encarna Nacida en Barcelona, instálase definitivamente en Pedrafita do Cebreiro en
1970. Despois de diversas ocupacións comeza a traballar na área de didáctica
do Museo Provincial de Lugo en 1991. Desde 1999 ocupa o cargo de Xerente
deste museo, tendo como obxectivo e lema da súa xestión un museo para
todos.
López, Ignacio Nace en Grolos, Guntín (Lugo) en 1959. Realiza estudos no Instituto Masculino
de Lugo onde se manifesta a súa inquietude pola pintura e xa participa
nalgunha exposición. Duns dez anos para acó retoma o interese pola pintura e
asiste a clases con Juan Prada, gradúase na Escola de Artes Aplicadas Ramón
Falcón de Lugo nas especialidades de gravado e estampanción. Na
actualidade realiza estudos universitarios na Facultade de Belas Artes de
Pontevedra.
Forma parte da exposición colectiva de artistas lucenses Ars Moenia, participa
na Trienal Latina de Le Puy (Francia) con obra na galería Cabrera de La
Habana. Foi seleccionado para o Premio de Pintura BMW e actualmente expón
na Sala de Exposición da Excma. Deputación Provincial de Lugo.
Nieto Rodríguez, Francisco Nace en 1954. Aos dezaseis anos comeza a traballar en Radio Popular ata
1995. Formou parte da primeira agrupación de Fuxan os ventos. Escribiu
artigos e entrevistas en diversos sornáis. É membro do Colexio Oficial de
Xornalistas de Galicia. Impartiu charlas e conferencias sobre música galega.
Desde hai catro anos dirixe e presenta o programa Esto me suena en Radio
Lugo da Cadnea Ser.
Novo, Isidro Fillo de mariñáns, Isidro Novo naceu en Lugo un día de San Froilán de
mediados do século pasado. Di sentirse máis poeta ca narrador, malia que ata
o momento na súa producción editada predomina a prosa sobre o verso,
disciplina na que ten publicado o libro Dende unha nada núa. De relatos son
Carne de can e Antollos de Eimarmena, mentres que novela son títulos seus
Teaza de brétema, Por unha presa de machacantes, Súa de si e a
recentemente saída do prelo Rosa lenta.
Puchades Quilis, Juan Nace en Valencia, onde realizaou os seus estudos na Escola Superior de BB:
AA.de San Carlos. Tras aprobar unha oposición vén a Mondoñedo en 1960
para tomar posesión da praza de profesor de debuxo no Instituto San Rosendo.
O tempo que lle queda libre dedícao á escultura, utilizando diferentes materiais
como a pedra, madeira, bronce, terracota, pero donde máis satisfacción atopa
é traballando o ferro, o aceiro-cortén ou combinando aceiro inoxidable e aceiro-
cortén; isto permítelle que a partir dunha idea á hora de executala con estes
materiais vaian aparecendo formas cheas e espazos baleiros cos que se
consegue unha plasticidade que con outros materiais non se logran. Mereceu
primeiros premios nos certames Mestre Mateo (1971), Castellón (1974),
Concurso Exposición Bimilenario de Lugo (1976) e III Bienal de Escultura
Sarria (1977).
Reigosa, Antonio Nace en Mondoñedo e traballa no Museo Provincial de Lugo desde 1982. É
membro de Chaira, xunto a X. Cuba, M. Salvador e O. Carnero, grupo de
investigación etnográfica dedicado a traballos de recompilación, investigación e
divulgación de literatura oral coma o recentemente publicado Da fala dos
brañegos. Literatura oral do concello de Abadín. O outro tempo dedícallo a
escribir libros, uns en colaboración con Xoán R. Cuba e Xosé Miranda coma o
Diccionario dos seres míticos galegos, Contos colorados. Narracións eróticas
da tradición oral ou a colección de contos Cabalo buligán, e outros en solitario
tal que Memorias dun raposo, Resalgario e Bacoriño.
Rodríguez Amorín, Gonzalo Henrique Nacín o 24 de xullo de 1975 en Gondomar, no Lugar do Ripote. Alí estiven até
os 22 anos cando rematei Maxisterio. Funme para Santiago onde me licenciei
en Historia coas especialidades de Prehistoria e Arqueoloxía. Comecei o
doutoramento pero deixeino ao segundo ano; había que traballar. E traballei en
múltiples escavacións e en diferentes oficios até que acabei cun traballo «ora et
labora» aquí no Museo Provincial de Lugo.
Yuknevich, Vazdin Naceu en Minsk (Belarus) en 1978. Formouse como músico na súa cidade
natal, na Escola de Música Primaria e no Conservatorio Superior, obtendo o
título de profesor de acordeón. Mereceu diversos premios como
recoñecemento ao seu virtuosismo xa nos seus anos mozos. Profesionalmente
foi membro do grupo de folk Shurbalka-Burbalka, da orquestra de instrumentos
nacionais da Universidade de Belarus, profesor de acordeón e director de
orquestras infantís. Actualmente traballa como profesor na Escola de Música
Cantarela, do colexio Galén de Lugo, no Conservatorio Adagio de Monforte e
no colexio Mercedarios de Sarria.
nº 1 31 de marzo de 2005
Revista oral de periodicidade trimestral, editada polo Museo Provincial de Lugo
dependente da Excma. Deputación Provincial de Lugo. Hora: 20 horas. Lugar:
Refectorio do Museo Provincial de Lugo.Duración aprox.: 1,30 h. Deseño gráfico e
animación dixital: Javier Huerga García. Coordina: Antonio Reigosa.
Este segundo numero da revista oral O pazo das musas quere continuar a andaina
iniciada no nº 0 e ser tamén encrucillada onde conflúan os camiños polos que transita
a inspiración dos creadores de hoxe en día, un punto de encontro e de reflexión
arredor da cultura e da xestión cultural.
«Una revista oral de contenido variado transforma el refectorio en un escenario de
actividades diversas, con estilos, tendencias y expresiones mezcladas. Una dosis de
poesía, otras de arte, una parte de teatro y música, generosas cantidades de música,
que actúa como transición de unas partes a otras... Si se mantuviesen las
proporciones y se cambiase el nombre de los ingredientes, podría tratarse de un
cóctel para paladares exquisitos»
Xosé María Palacios, La Voz de Galicia, 24 de decembro de 2004.
SUMARIO
Portada musical
Di si felice inesto (Gioacchino Rosinni)
Intérpretes: Laura Mª Alonso / Víctor M. González (3’)
Prólogo In memoriam Carlos Casanova
Carlos Casanova ía ser o encargado
de facer a presentación deste número 1
da revista O pazo das musas.
O seu pasamento deixounos orfos dun
intelectual irrepetible. Na súa memoria,
as musas recitan versos do seu libro
Rostros en un lienzo, Tris Tram, Lugo,
2001.
Poema: Retrato de niño balbuciendo.
Música: Where are old days (anónimo)
Intérpretes: Laura Mª Alonso / Víctor M. González (3’)
Documental
A arte que se pisa. Jesús Amor
Vázquez, artífice do pavimento do
claustro de San Francisco.
Coproducción da Fundación TIC e o Museo Provincial de Lugo (10’)
Música
Variación Golberg nº 7 (J. S. Bach)
Intérpretes: Laura Mª Alonso / Víctor M. González (2’)
Narración oral O imitador, por Fátima Fernández (8’)
Música
Miniatura para clarinete (J. Coba
Garrote)
Intérpretes: Laura Mª Alonso / Víctor M. González (2’)
Poesía A tecelá en outono, por Marica Campo
(3’)
Música
Invención nº 6 (Lennie Niehaus)
Intérpretes: Laura Mª Alonso / Víctor M. González (2’)
En profundidade Presentación da colección de lucernas
Varela Dafonte, por Enrique Alcorta Irastorza (10’)
Música
Triplets in lydian mode (Béla Bartók)
Intérpretes: Laura Mª Alonso / Víctor M. González (1’)
Memoria viva Axóuxere, primeiro suplemento de
literatura infantil e xuvenil en Galicia,
por Paco Martín (10’)
Música
Listen to my voice (canción israelí)
Intérpretes: Laura Mª Alonso / Víctor M. González (2’)
Narración oral A espera, por Fátima Fernández (8’)
Música
Minuetto duo concertante nº 1 (Haydn)
Intérpretes: Laura Mª Alonso / Víctor M. González (2’)
Poesía
Confeso que estou tola, por Marica Campo (3’)
Música
Dúo para dous clarinetes (Mozart)
Intérpretes: Laura Mª Alonso / Víctor M. González (1’)
Para ver O imperio azteca, Museo
Guggenheim de Bilbao, por
Marta Coria Blanco.
Die Brücke. O nacemento do
expresionismo alemán, por Mª Noelia Ramos Marful (5’)
Música
Sonata nº 1 (Lefevre)
Intérpretes: Laura Mª Alonso / Víctor M. González (2’)
Opinión Intervención libre do público
asistente (5’)
Epílogo Por Antonio Reigosa (3’)
Contraportada musical O pico do grelo (muiñeira tradicional)
Intérpretes: Laura Mª Alonso / Víctor M. González, coa colaboración á
pandeireta de Ángeles Pascual (2’)
COLABORAN NESTE NÚMERO:
Alcorta Irastorza, Enrique
Cursou a carreira de Filosofía e Letras na Universidade de Deusto (Bilbao),
licenciándose en 1982. A súa actividade arqueolóxica comeza en 1975, con
escavacións en Ampuries (Girona), Forua (Guernica), xacemento de La Hoya,
Laguardia (Álava), e Aquis Querquennis en Portoquintela (Ourense). Desde 1986 vén
escavando en Lugo, tanto no sochán como na muralla. É autor de numerosas
publicacións.
Alonso Gandoy, Laura María
Naceu en Lugo o ano 1971. Con 11 anos entra na Escola de Música que daquela tiña
a Banda Municipal e comeza así os seus estudos dentro do campo da música; estudos
que continuará no Conservatorio Superior de Música da Coruña e no de Santiago de
Compostela. O ano 1987 entra a formar parte da Banda Municipal de Música de Lugo
como clarinetista, sendo a primeira muller que entrou a formar parte desta formación
na que continúa na actualidade.
Campo, Marica
Nacín no Val do Mao, O Incio en 1948, estudei Teoloxía e Filosofía e Letras, son
licenciada en Maxisterio e en Galego pola Escola de Idiomas, e traballo como
profesora de Galego no IES de Guitiriz. Publiquei relatos e poemas soltos en diversas
revistas, colaboro en iniciativas docentes e socioculturais dirixidas á dignificación da
literatura e a lingua do país, escribín letras para grupos musicais galegos desde o
albor da Nova Música Galega, para “Fuxan os Ventos”, “A Quenlla” e outros, obras de
teatro, pregoei eventos culturais e festivos, prologuei libros... Da miña obra publicada
gusto de salientar as obras teatrais O premexentes non pode cos paxaros rebezos,
Cadernos da Escola Dramática Galega, Confusión de María Balteira, representada
polo grupo “Achádego” e de próxima publicación polo Arquivo “Francisco Pillado” da
Universidade da Coruña. Obras poéticas como Tras as portas do rostro, Baía
Edicións, A Coruña, 1992, Pedinche luz prestada, I Premio de Poesía “Fiz Vergara
Vilariño” (2000), editado por Espiral Maior, A Coruña, 2001. En narrativa Confusión e
morte de María Balteira, Baía Edicións, A Coruña, 1996 (Finalista no premio da
Crítica), Memoria para Xoana, Premio de narrativa do Concello de Vilalba no 2001 e
Premio da Asociación de Escritores en Lingua Galega 2002, editado por Espiral Maior
no 2002, Crispín do Mao, Crispín do mar, no volume “Contos”, publicado pola
Dirección Xeral de Política Lingüística, 2004, A voda, en “Narradoras” de Xerais, Vigo,
2000, e colaborei en Poemas e contos da muralla, edición do concello de Lugo
Coria Blanco, Marta
Nacín en Lugo en 1981, onde cursei os estudos de bacharelato. Son licenciada en
Historia da Arte pola Univesidade de Santiago de Compostela, coas especialidades de
Arte Moderna, Arte Contemporánea e Patrimonio Artístico. Actualmente traballo na
organización e guía de exposicións no Museo Provincial de Lugo.
Fernández, Fátima
Nacín en Foz pero ata os nove anos vivín en Asturias, a esa idade regresei a Foz para
convivir cos meus avós; foi o meu avó o que me introduciu no mundo da fantasía
popular. Deixoume en herdanza unha caixa dentro de min coas súas historias, caixa
que de vez en cando abro e da que xurden entrecruzadas a realidade coa fantasía, as
historias cos contos, o que foi co que debería ter sido... Fun estudar Maxisterio a
Ourense e alí comezou unha nova etapa da miña vida; naceu o meu fillo Daniel froito
da miña relación co meu compañeiro Xesús, e con el tamén naceu a necesidade de
contarlle as cousas que a min me contaron. Na actualidade vivo desde hai sete anos
en Lugo, onde traballo como Coordinadora do Centro de Día “Antonio Gandoy” e
realizo actividades de animación á lectura e contacontos.
González Díaz, Víctor Manuel
Nace en Lugo un 30 de outubro do ano 1971. Comeza os seus estudos musicais na
Escola da Banda Municipal de Lugo o ano 1979 da man do mestre Fernández Groba,
para continuar a formación no Conservatorio Superior de Música da Coruña, e máis
tarde no de Santiago onde obtén o título de Profesor Superior de Clarinete. Na
actualidade desenvolve a súa actividade profesional na Banda Municipal de Lugo e
traballa como profesor de Música no colexio “San Xosé” de Lugo.
Huerga García, Javier
Nacín na cidade da Couña en 1974. Son licenciado en Belas Artes, especialidade de
pintura, pola Facultade de Pontevedra, e Máster en Creación e Comunicación Dixital
pola Universidade da Coruña. Teño participado en mostras colectivas de pintura e
gravado. Profesionalmente nos últimos anos estou dedicado a campos coma o deseño
gráfico e a animación dixital.
Martín, Paco
Recatelo, Lugo, 1940. Un día Xurxo Lobato quixo fotografarme contra o fondo de
nenas e nenos da Escola da Doloriñas e conseguiu que eu aparecese case formando
parte da pintura. Agora, cando miro a fotografía comprendo porque estou tan
identificado con ela: a verdade é que andei case toda a miña vida en circunstancias
moi semellantes ás que a foto deixa ver. Primeiro entre os demais cativos do barrio de
Lugo no que, hai xa moitos anos, fun medrando mentres corría atrás dunha pelota feita
de farrapos, nadaba nas augas do Miño, andaba ás mazás polas hortas de Fingoi,
acudía á escola de don Domingo e tiña oportunidade de escoitar ós maiores cando
contaban historias de lobos feros e ouveadores nas noites sen lúa, de pantasmas que
procuraban xustiza e vinganza desde outros mundos tenebrosos, de arriscadas
aventuras de emigrantes en afastados países e milleiros de contos máis que me
viñeron acompañando ata que tamén eu cheguei a me facer mestre como a Doloriñas
do cadro de Julia Minguilllón e seguir así, rodeado de cativos, ata o día de hoxe.
Nunca quixen esquecer aqueles relatos que encheron a miña infancia nin a felicidade
que a todos nos proporcionaban. Supoño que esa foi a razón principal de que, andado
o tempo, a min me dese por escribir historias que outros puidesen ler e así vivir
noutras vidas, camiñar canda outras xentes, inventar outros pasados e outros futuros,
soñar outros soños e mesmo sentir outros sentimentos. E aquí me tedes.
Ramos Marful, Mª Noelia
Nacín en Santiago de Compostela hai trinta anos. Aos cinco anos trasladeime coa
miña familia a Foz onde trasncorre a miña adolescencia. Desde hai dez anos resido en
Lugo, onde me diplomei en Maxisterio e posteriormente licencieime en Humanidades.
Na actualidade traballo no Museo Provincial de Lugo onde colaboro cos distintos
departamentos na organización de exposicións e guía de actividades didácticas.
nº 2 30 de xuño de 2005
Revista oral de periodicidade trimestral, editada polo Museo Provincial de Lugo
dependente da Excma. Deputación Provincial de Lugo. Hora: 20 horas. Lugar:
Refectorio do Museo Provincial de Lugo.Duración aprox.: 1,30 h. Deseño gráfico e
animación dixital: Javier Huerga García. Coordina: Antonio Reigosa.
Ei, Musa, desperta, ruliña graciosa.
Pasaron as neves, Abril xa chegou.
Na beira do río pulsémola lira,
as maias xa bailan; xa o merlo cantou.
Fragmento de A escola da primaveira. Imitación de Ovidio, de Xosé Mª
Chao Ledo (Vilalba 1844-1894).
SUMARIO
Portada musical
Sós (Manuel Antonio)
Intérprete: Pilocha (3’)
Presentación por Benxamín Casal (5’)
Música
O tuturutú (Xosé Neira Vilas)
Intérprete: Pilocha (2’)
Entrevista
Evi Nogueira entrevista a Paco Pestana (15’)
Música
Ai, amiga (E. Guerra da Cal)
Intérprete: Pilocha (2’)
O cabaleiro da Trabe de Ouro. Darío de Saor na Academia Felicitación ao escritor Darío Xohán Cabana pola súa recente elección como membro da
Real Academia Galega, por Xoán Ramiro Cuba Rodríguez (5’)
Música
Cholo peruán (Farruco Sesto)
Intérprete: Pilocha (2’)
Poesía Fragmentos de O idioma de Eva, por J. Luís Calvo (3’)
Música
Romance de dona Eusenda (Anónimo)
Intérprete: Pilocha (2’)
En profundidade A arte do retrato en miniatura no Museo Provincial de Lugo, por María Quiroga Figueroa (10’)
Música
Menina (Popular)
Intérprete: Pilocha (2’)
Maxia, a arte da ilusión Xogos máxico-poéticos inspirados en poemas do libro Una duda de Alicia de Ramón
Mayrata, polo Mago Antón (10’)
Música
Limiar (Celso Emilio Ferreiro)
Intérprete: Pilocha (2’)
Poesía
Fragmentos de O idioma de Eva, por J. Luís Calvo (3’)
Música
Non te quero (Mónica Góñez)
Intérprete: Pilocha (2’)
Para ver
Aqua romana. Técnica humana e forza divina, por Gonzalo Henrique Rodríguez Amorín.
The size of it de Richard Deacon, por Javier Huerga García (5’)
Música
Opiniâo (Celia Barbosa)
Intérprete: Pilocha (2’)
Opinión Intervención libre do público asistente (5’)
Epílogo Por Antonio Reigosa (3’)
COLABORAN NESTE NÚMERO
Calvo Vidal, J. Luís Oviedo, 1973. Licenciado en Filoloxía Hispánica pola Universidade de Santiago
de Compostela. Creador e director de Evohé, Revista cultural do Campus de
Lugo (1996-1998), autor de La hija imperfecta (2000), Definitivo territorio (2004)
e Lorenzo Varela na Escola. Vida e morte do exilio galego (2005).
Casal, Benxamín Lugo, 1935. Doutor Enxeñeiro Agrónomo e Economista. Estudou o bacharelato
en Lugo, no hoxe Instituto Lucus Augusti, e nas Universidades de Madrid e
Santiago de Compostela. Fixo viaxes de estudos por Francia, Holanda e Reino
Unido. Exerceu profesionalmente desde 1963 en Guadalajara, Baleares e
Lugo. Foi docente na Escola Enxeñería Técnica Agrícola e na Técnica Superior
de Enxeñeiros Agrónomos, dirixiu Cursos de Doutoramento e Posgrao da
universidade compostelán. Presidiu o Clube Cultural Valle Inclán e o Círculo
das Artes, pronunciou conferencias dentro e fóra de Galicia. Foi Consellerio de
Enerxía, Industria e Comercio da Xunta de Galicia, Deputado no Parlamento de
Galicia, Xefe Provincial do SENPA, Xerente do Catastro e Director Provincial
do Ministerio de Pesca e Alimentación. Actualmente dirixe a Gran Enciclopedia
Galega Silverio-Cañada, forma parte do Consello Social da Universidade de
Santiago, do Padroado da Fundación Penzol, é secretario da Fundación Otero
Pedrayo e Vicepresidente da Editorial Galaxia. É autor de numerosos artigos e
de, entre outros, os libros A incidencia en Galicia do Plano Enerxético Nacional,
Achegamento á minería galega, A Terra Chá luguesa, A Galicia campesiña, e
traducíu ao galego a monumental obra La Galice do gran xeógrafo francés Abel
Bouhier.
Cuba Rodríguez, Xoán Ramiro Lugo, 1958. Traballa no Museo Provincial desde 1982, actualmente como
Auxiliar de Biblioteca. Escritor e investigador da tradición oral de Galicia. Creou
con Ofelia Carnero, Mercedes Salvador e Antonio Reigosa o Equipo de
Investigación Chaira. Participou en tódolos proxectos, traballos de campo, de
arquivos e publicacións realizadas por este equipo dende 1992. Cos seus
compañeiros do Equipo Chaira, con Xosé Miranda e Antonio Reigosa, e en
solitario, é autor de vinte libros (entre outros, Polavila na Pontenova,
Diccionario dos seres míticos galegos, Contos colorados e dez volumes da
colección Cabalo Buligán) e de varias ducias de traballos que viron a luz en
xornais e publicacións especializadas. O seu libro para primeiros lectores, O
caracol Remoldiño, obtivo neste ano 2005 o Premio Lecturas da Asociación
Gálix.
Huerga García, Javier Nacín na cidade da Couña en 1974. Son licenciado en Belas Artes,
especialidade de pintura, pola Facultade de Pontevedra, e Máster en Creación
e Comunicación Dixital pola Universidade da Coruña. Teño participado en
mostras colectivas de pintura e gravado. Profesionalmente nos últimos anos
estou dedicado a campos coma o deseño gráfico e a animación dixital.
López Rivas, Antón (Mago Antón) Castroverde, 1956. Iniciou a súa actividade escénica co grupo Valle Inclán de
Lugo para despois dedicarse por completo aos espectáculos de maxia. En
1977 creou o personaxe de Facundo, unha marioneta á que lle pon voz. En
1985 constituíu a empresa Produccións Máxicas, coa que producíu o
espectáculo Merlín e familia, ao que seguiron outras propostas como o
espectáculo multimedia Vía Láctea (1993), Insólito por Antonomaxia (1995),
Fugas e soños (1996), En clave de maxia (1998), en colaboración coa
Orquestra Sinfónica de Galicia e 2001 ilusións (2001). En 1989 foi nomeado
Lucense do ano e en 2003 foi nomeado Galego Egrexio nos Premios da Crítica
de Galica. Percorreu Galicia e varios países do mundo cos seus espectáculos.
Martínez Conde, Mª Pilar (Pilocha) Nacín en Vigo e cursei estudos en Santiago de Psicoloxía. Vivín en Almería
e agora en Lugo. Teño varios traballos discográficos publicados (Pilocha,
Calamidá Sentimental ...) e colaboracións en moitos outros de artistas galegos.
Adoro a poesía e fago uso dela no meu traballo. Na actualidade curso estudos
de canto lírico e preparo unha nova gravación.
Nogueira, Evi A súa vida profesional transcorre entre Santiago de Compostela e Lugo.
Iníciase no xornalismo como locutora e redactora de radio na Cadena COPE,
en Santiago de Compostela. Posteriormente, trasládase a vivir a Lugo, e
incorpórase á plantilla de Ondas Galicia de onde pasa á Cadena COPE.
Abandona a radio para incorporarse como redactora ao gabinete de prensa da
Presidencia da Xunta de Galicia, en Compostela. Regresa de novo a Lugo,
onde ocupa o cargo de Xefe de prensa da Subdelegación do Goberno en Lugo.
Na actualidade traballa como redactora e presentadora de programas de
televisión producidos pola Fundación para o Desenvolvemento das Tecnoloxías
da Información e da Comunicación.
Pestana, Paco Nacín en Castroverde, Lugo, en 1949. Artista multidisciplinar, realicei máis de
120 exposicións de escultura e estiven presente nas bienais de escultura de
Zamora, Oviedo, Pontevedra, Tárrega, e en simposios en Santander, Wismark,
Portugal, ... As miñas últimas exposicións tiveron lugar na Fundación Granell,
na Casa da Parra en Santiago de Compostela, Museo de Lugo, Fundación
Torrente Ballester de Ferrol, Museo de la Pasión de Valladolid, Museo de Lalín
(Pontevedra), Auditorio de Galicia en Santiago e Museo de Ourense. Colaboro
en revistas e nos xornais escribindo sobre arte e humor. Publiquei poesía e
colaborei en radio e en montaxes teatrais.
Quiroga Figueroa, María Lugo, 1969. Licenciada en Xeografía e Historia, Sección de Arte,
Especialidade de Museoloxía, pola Universidade de Santiago de Compostela.
Desde 1992 traballo no Museo Provincial de Lugo como Técnico de Actividades
Socioculturais, desenvolvendo labores de inventariado e catalogación na
Sección de Belas Artes do museo.
Rodríguez Amorín, Gonzalo Henrique Nacín o 24 de xullo de 1975 en Gondomar, no Lugar do Ripote. Alí estiven até
os 22 anos cando rematei Maxisterio. Funme para Santiago onde me licenciei
en Historia coas especialidades de Prehistoria e Arqueoloxía. Comecei o
doutoramento pero deixeino ao segundo ano; había que traballar. E traballei en
múltiples escavacións e en diferentes oficios até que acabei cun traballo «ora et
labora» aquí no Museo Provincial de Lugo.
nº 3 29 de setembro de 2005
Revista oral de periodicidade trimestral, editada polo Museo Provincial de Lugo
dependente da Excma. Deputación Provincial de Lugo. Hora: 20 horas. Lugar:
Refectorio do Museo Provincial de Lugo.Duración aprox.: 1,30 h. Deseño gráfico e
animación dixital: Javier Huerga García. Coordina: Antonio Reigosa.
Este número especial da revista oral O pazo das musas pretende divulgar e apoiar a
Candidatura para o recoñecemento por parte da UNESCO da Tradición Oral Galego-Portuguesa como Obra Mestra do Patrimonio Oral e Intanxible da
Humanidade.
A vontade das persoas e agrupacións que interveñen neste monográfico súmase á de
moitas institucións, asociacións e entidades que colaboran con este proxecto para
acadar a anceiada declaración co obxectivo de que este patrimonio se difunda, se
poña en valor e se salvagarde para o futuro.
SUMARIO
Música
Xota lucense, á trompa por Emilio do
Pando”. (2’)
Vídeo promocional da Candidatura
As Tradicións Orais Galego-
Portuguesas. (10’)
Presentación Folclore e folclorismo, por Xosé Manuel González Reboredo. (10’)
Cancioneiro
Adelaida, romance recollido o ano 2004
por Cantar das eiras a Josefa Viña Castelo, de Recelle, Portomarín
(Lugo).
Intérpretes: Cantar das eiras. (2’)
A Candidatura: Alicerces
Patrimonio Inmaterial: Cultura sen
fronteiras, por Xabier Prado. (5’)
A Candidatura: Ponte nas Ondas
Ponte Nas Ondas: Comunicação sem
fronteiras, por Mª de Lourdes Carita.
(5’)
A tradición oral vive Tres casamentos nun día, romance de
cego recollido de boca da recitadora
polo Equipo Chaira o ano 1992 en
Labrada, Abadín (Lugo), por Elva Requeijo. (3’)
A tradición oral recreada A princesa que non ría, conto da
tradición oral publicado na colección
Cabalo Buligán, nº 6, de Edicións
Xerais, por Antonio Reigosa. (7’)
Cancioneiro
Canto de Sega, recollido o ano 2001
por Cantar das eiras a Dolores López Vázquez, de S. Mamede de Belaz,
Portomarín (Lugo). Intérpretes: Cantar das eiras. (3’)
A Candidatura: Características
Características da Candidatura
presentada á UNESCO, por Xabier Prado. (5’)
A Candidatura: Obra Mestra da
Humanidade
Vantagens da proclamação como Obra
Mestra da Humanidade pela UNESCO,
por Mª de Lourdes Carita. (5’)
A tradición oral pervive Xerineldo, romance cabaleiresco
recollido de boca da recitadora polo
Equipo Chaira o ano 1992 en Labrada,
Abadín (Lugo), por Elva Requeijo. (3’)
Música
Xota roubada, á trompa por Emilio do
Pando”. (2’)
A tradición oral por descubrir As zapatillas gastadas, conto
tradicional recollido a Enrique Díaz, de
Vilarpiñol, A Fonsagrada (Lugo),
adscrito a un tipo non rexistrado ata o
de agora en Galicia, por Xoán R. Cuba do Equipo Chaira. (5’)
Cancioneiro
Jota, recollida o ano 2004 por Cantar
das eiras a Josefa Viña Castelo, de
Recelle, Portomarín. (Lugo).
Intérpretes: Cantar das eiras. (2,5’)
A tradición oral anovada Remoldiño, recreación en verso de
Xoán R. Cuba dun conto recollido a
Manuel López Díaz en Candelos, A
Fonsagrada (Lugo) polo Equipo Chaira en 1999, por Clara Reigosa Lombao. (2’)
O carro e o home (1940)
Filme do cineasta ourensán Antonio Román, con guión de Xaquín Lorenzo. Narra o proceso de
construción dun carro do país na aldea
de Facós, concello de Lobeira
(Ourense). (10’)
Opinión Intervención libre do público
asistente. (5’)
Manifesto Manifesto do Museo Prov. de
Lugo, por Encarna Lago. (3’)
Música
Muiñeira dos Pontinos, á trompa por
Emilio do Pando”. (2’)
COLABORAN NESTE NÚMERO
Cantar das Eiras Grupo de cantadeiras formado en Lugo o ano 2004 por Violeta Núñez, Lucía Pereira, Sara Pérez, Sabela Quijada e Vanessa Tella, todas con experiencia
previa noutros grupos folklóricos. O seu repertorio é amplo, procedente de recolla
propia ou doutros grupos, e abrangue desde o romanceiro e o cancioneiro
tradicionais, de temáticas moi variadas, jotas, pasodobres, muiñeiras, cantos de
festa, de labor, de amor e do ciclo do Maio, de Nadal ou Reis. Ás veces
acompáñanse con instrumentos de percusión como as pandeiretas, latas,
pandeiros, cunchas... e poñen en escea vestimentas respetuosas coas formas
tradicionais, axeitadas aos temas que interpretan. Grupo de recente formación que
aporta ao mundo da música tradicional de Galicia a necesaria renovación para que
a tradición se manteña viva.
Carita, Mª de Lourdes. Marvão, Portalegre, 1946. Coordenadora da Candidatura a Património Oral e
Imaterial da Humanidade das “Tradições Orais Galego-Portuguesas. Licenciada em
Filologia Românica pela Universidade Clássica de Lisboa e professora na Escola
Secundária de Valença..Em 1987 assumiu o cargo de Leitora de Português na
Universidade de Santiago de Compostela e logo na da Corunha. Obteve a
qualificação de Formadora de Professores (1998) e tem ministrado cursos para
Professores no Centro de Formação do Alto Minho, Monção. Sob o patrocínio do
Instituto Camões publicou na Editora Laiovento de Santiago em 1996, o manuscrito
inédito (que, entretanto, descobriu na Torre do Tombo) da Viagem que Fialho de
Almeida fez à Galiza em 1905, livro reeditado pelo semanário “O Independente”, de
Lisboa (2001). Com o apoio do Instituto de Inovação Educacional publicou Falsos
Amigos Entre o Português e o Espanhol e colaborou com artigos sobre escritores
portugueses na publicação da Histoire de la Littérature Européenne, editada pela
Hachette, Paris (1992).
Cuba, Xoán Ramiro Lugo, 1958. Traballa no Museo Provincial desde 1984. Escritor e investigador da
tradición oral de Galicia. Creou con O. Carnero, M. Salvador e A. Reigosa o Equipo
Chaira. Participou en tódolos proxectos, traballos de campo, de arquivos e
publicacións realizadas por este equipo dende 1992. Co Equipo Chaira, con X.
Miranda e A. Reigosa, e en solitario, é autor de vinte libros (Polavila na Pontenova,
Diccionario dos seres míticos galegos, Contos colorados e dez volumes da
colección Cabalo Buligán), de varias ducias de traballos que viron a luz en xornais e
publicacións especializadas. O seu libro O caracol Remoldiño, obtivo neste ano
2005 o Premio Lecturas da Asociación Gálix.
Emilio do Pando Emilio Pérez Álvarez, Emilio do Pando, carteiro xubilado da Fonsagrada (Lugo), é
referente indiscutible para todo aquel que queira coñecer a música daquela
comarca. Gaiteiro ilustre, tocador de trompa (trompa galega, birimbao, arpa de
boca, guimbarda, arpa xudea...), foi quen introducíu a músicos e grupos de música
tradicional como Milladoiro ou Luar na Lubre no saber e nas músicas da súa zona.
Imparte cursos e participa en recitais en Galicia, España e Portugal.
González Reboredo, X. Manuel Lugo, 1946. Catedrático de Xeografía e Historia no Instituto "Rosalía de Castro" de
Santiago de Compostela. Pertence a institucións como o Museo do Pobo Galego, a
Sección de Antropoloxía Cultural do Consello da Cultura Galega, o Consello de
Cultura da Excma. Deputación Provincial de Lugo, o Consello Editorial do Proxecto
Galicia (Hércules de Edicións), o Consello Consultivo da Gran Enciclopedia Galega,
e á Academia Galega no grado de correspondente. Na súa actividade como
etnógrafo fixo traballo de campo en diversas comarcas de Galicia e na zona
occidental de León. Publicou varios libros e máis dun cento de artigos, participou en
simposios e congresos de Galicia, España e Portugal. Na provincia de Lugo
coordinou estudos sobre a cultura rural de Navia de Suarna, recolleu datos sobre o
Entroido da Ribeira Sacra e Pobra do Brollón, así como lendas e outros datos
etnográficos no Incio, Guitiriz, etc. É asesor etnográfico da Candidatura do
Patrimonio Inmaterial Galego-Portugués para súa proclamación como Obra Mestra
da Humanidade pola UNESCO.
Lago González, Encarna
Nacida en Barcelona, instálase definitivamente en Pedrafita do Cebreiro en 1970.
Despois de diversas ocupacións comeza a traballar na área de didáctica do Museo
Provincial de Lugo en 1991. Desde 1999 ocupa o cargo de Xerente deste museo,
tendo como obxectivo e lema da súa xestión un museo para todos.
Prado Orbán, Xabier Ourense, 1956. Profesor de Física e Química dende 1983, agora no IES “Pedra da
Auga” de Ponteareas. Coordenou o Programa SÓCRATES “A Prensa: Medio de
Comunicación entre Escolares” no Curso 97/98 entre centros de España, Francia e
Alemania, así como o traballo “Educación Intercultural no Ensino Secundario”,
premio á Innovación Educativa na Educación para a Paz (1998). É autor da
Unidade Didáctica para a Educación Intercultural “Interlinguas”, nos Encontros
Intern. de Educación para a Paz, Santiago (1994); Vermont(1995); Graz (1996);
París (1997), da Unidade Didáctica Interdisciplinar “A Relatividade”, seleccionada
para a Semana Europea de Ciencia e Tecnología “Physics On Stage” organizada
pola Axencia Espacial Europea (ESA) no CERN de Ginebra (2000), autor e Coord.
Internacional do Proxecto “YoGoTe” para a Comunicación Internacional con Signos
Universais (www.yogote.org) ante a Comisión de Educación do Parlamento
Latinoamericano, A Habana (2002), e na Conferencia Interparlamentaria
Latinoamericana de Cultura, Sao Paulo (2004). Vicepresidente da As. Cultural e
Pedagóxica “Ponte… Nas Ondas!”
Reigosa, Antonio Mondoñedo, 1958. É membro de Chaira, xunto a X. Cuba, M. Salvador e O.
Carnero, grupo dedicado a traballos de recompilación, investigación e divulgación
de literatura oral coma o recentemente publicado Da fala dos brañegos. Literatura
oral do concello de Abadín. Autor ou coautor de libros coma o Diccionario dos
seres míticos galegos, Contos colorados, Pequena mitoloxía de Galicia ou a
colección Cabalo buligán, Memorias dun raposo, Resalgario e Bacoriño.
Reigosa Lombao, Clara Lugo, 1996. Comezo 4º de E. Primario estes días. Gústame ler e, de vez en cando,
escribo algún conto. Cando sexa grande quero ser profesora ou... xa veremos!
Aínda queda moito!
Requeijo, Elva Reside no barrio das Basilias, Labrada, Abadín (Lugo). Dedícase aos labores
agrícolas e domésticos, e sempre gustou, desde moi nova, de aprender e recitar
todo canto lía ou chegada aos seus oídos. Lembra con especial agarimo as
“historias”, follas impresas que se vendían na feira de Gontán. Cando ela non as
conseguía, pedíaas prestadas, e no que pasa unha tarde alindando as vacas
memorízabaas e xa non as esquecía. Foi unhas das principais informantes do
Equipo Chaira como se pode comprobar en Da fala dos brañegos. Literatura oral do
concello de Abadín. Dela dise nesta publicación “A achega a esta colección de Elva
Requeijo é altamente significativa, cuantitativa e cualitativamente... A ela e á súa
extraordinaria memoria debemos varias longas composicións...”.
Nº 4 Xoves, 29 de decembro de 2005
Revista oral de periodicidade trimestral, editada polo Museo Provincial de Lugo e a
Excma. Deputación Provincial de Lugo. Hora: 20 horas. Lugar: Refectorio do Museo Provincial de Lugo. Duración aprox.: 1,30 h. Deseño gráfico e animación dixital:
Javier Huerga García. Coordina: Antonio Reigosa.
“Creo nas musas e entendo que representan a inspiración ou o impulso para
escribir algo. As ideas ou as ocurrencias que teño atribúollas sempre a unha
musa máis que a un esforzo. Tomo a escritura como un regalo”
Augusto Monterroso (Tegucigalpa, 1921- México D. F., 2003)
SUMARIO
Portada musical
The Duellist (Nigel Eaton) Copsa Mica.
Intérprete: Pablo Cid (3’)
Presentación Poesía occitana en galego, por Darío Xohán Cabana (5’)
Música
Soño de Ainhoa (creación propia)
Intérprete: Pablo Cid (3’)
Poesía Fragmentos de Capitán dos teus ollos,
por Xosé Miranda (3’)
Música
Caravan (Duke Ellington)
Intérprete: Pablo Cid (3’)
En profundidade ¿Para que serve a arqueoloxía?
Campañas de escavacións no castro
de Zoñán, por Abel Vigo (15’)
Música
Un ir e vir (creación propia)
Intérprete: Pablo Cid (3’)
Ciencia e tradición Prognóstico do tempo para o ano 2006
segundo o método “Cabañuelas”, por
José Alberto González González (12’)
Música
Danza do entrenzado (tradicional)
Intérprete: Pablo Cid (3’)
Poesía
Fragmentos de Capitán dos teus ollos,
por Xosé Miranda (3’)
Música
O medio paso. De Mostade a Millares
(tradicionais)
Intérprete: Pablo Cid (3’)
Memoria viva Atlántico Express, a revista de
avangarda dos anos oitenta en Lugo,
por Xaime da Pena (10’)
Debuxos premiados no Concurso
Infantil convocado con motivo do “V
Aniversario da Declaración da Muralla
Romana de Lugo pola UNESCO como
Patrimonio da Humanidade”. (4’)
Música
En desacordo (creación propia)
Intérprete: Pablo Cid (3’)
Opinión Intervención libre do público asistente
(5’)
Epílogo Por Encarna Lago (3’)
Contraportada musical Horokahan (Stéphane Durand)
Intérprete: Pablo Cid (3’)
COLABORAN NESTE NÚMERO
Gañadores do Concurso de Debuxo “V Aniversario da Declaración da Muralla Romana de Lugo pola UNESCO como Patrimonio da Humanidade”
1º Premio: Diana Katherine Arango Ardila (C.E.I.P. de Paradai, Lugo). 2º Premio: Mª Victoria Fernández Bettinelli (C.E.I.P. de Paradai, Lugo). 3º Premio: María Mateos Seirul (C.P.R. PP. Franciscanos, Lugo). Accésits: Javier Montoya Bolaños, Andrea Rodríguez López, Cristina Paz Pérez (C. P. R. PP. Franciscanos, Lugo). Lorena Gómez López, Lucía Mato López (C.E.I.P. “Antonio Fernández López”, Oural,
Sarria). Andrea Sinde González (C.E.I.P. de Muimenta, Cospeito). Fouad El Ghani (C.E.I.P. de Paradai, Lugo).
Atlántico Express Revista de avangarda editada en Lugo o ano 1984 da que só viron a luz 4 números.
Os artífices foron Xaime da Pena, Honorio, Xermán Refojo e X. Carlos Fernández, e
colaboraron, entre outros, Juan Soto, Bordell, Fernando del Valle, Camilo López, J.
Antonio Coira, Paco Espinar, Paco Pestana, Lomarti, Antón Grande, Pedro L.
Cabanillas, Miguel Anxo Murado, X. A. López Dobao, Pimitivo Marcos, Julio Carballo,
Alvez, Roxo, P. Barro, Manuel Curiel, Antón Castro, M. C. Matalobos, Fidel Fernán,
Pedro Revaldería, Antonio Murado, X. L. Seixo e José de Cora.
Cabana, Darío Xohán Roás (Terra Chá de Lugo), 1952. Os seus grandes mestres foron e son Xosé Mª
Álvarez Blázquez, Manuel María e Méndez Ferrín. Durante moitos anos publicou case
exclusivamente poesía. A partir de 1984 adicouse intensamente á tradución de poetas
italianos —traducións en verso que respectan rigorosamente a métrica e a rima dos
orixinais—. Pola de A Divina Comedia foi galardoado co Premio Otero Pedrayo en
Galicia; e o Concello de Florencia outorgoulle a súa Medalla de Ouro, considerando a
súa tradución como «la più pregevole della dantesca Commedia finora isponibile in
area galego-portoghese-brasiliana». A tradución da Vida nova recibiu o premio Ramón
Cabanillas. Recentemente publicou Antoloxía do Dolce Stil Novo, e proximamente verá
a luz unha antoloxía dos trovadores occitanos. Ocasionalmente ten traducido poemas
franceses e cataláns, e publicou unha versión de Os Tres Mosqueteiros. A partir de
1989 publicou principalmente narrativa, entre elas obras de éxito como Galván en
Saor, O cervo na torre e Morte de rei. En próximas datas vai tomar posesión como
membro da Real Academia Galega.
Cid Peiteado, Pablo Vigo, 1980. Cando tiña tres anos, meus pais mudáronse á aldea luguesa de San
Miguel de Senande, onde vivo dende entón. Xa de cativo enredaba facendo pequenos
traballos coa madeira ou calquera tipo de actividade manual. Isto foi o que me levou,
máis tarde, a comezar estudos de ebanistaría nun centro educativo de Vigo. De xeito
paralelo, e xa que sempre sentira unha fonda paixón pola música, comecei a toca-la
gaita galega. Daquela espertou en min a idea de conxuga-las dúas artes mediante a
construcción de instrumentos musicais de madeira. Coa fin de amplia-los
coñecementos, participei en cursos de acabados tradicionais na madeira, restauración
de órganos e mobles antigos, así como de luthería antiga en Xixón da man do mestre
francés Benoît Gervais e do asistente galego Antonio Franco. No que atinxe aos
instrumentos musicais, até agora lévome centrado na construcción de zanfonas.
Asemade, arranxo instrumentos de corda. Fai catro anos escomencei estudos
musicais da man de Óscar Fernández Sanjurjo na Asociación do Conservatorio de
Música Tradicional e Folque ...de Lalín.
González González, José Alberto Oficial industrial na rama de electricidade e electrodomésticos, e con coñecementos de
enerxía solar. A miña afección desde neno foi o estudo da natureza, e en especial a
meteoroloxía. Pertenzo á Asociación Española de Cabañuelas y Astrometeorología.
Presentei ponencias en distintos congresos que a asociación organizou para
intercambiar coñecementos e experiencias.
Lago González, Encarna Nacida en Barcelona, instálase definitivamente en Pedrafita do Cebreiro en 1970.
Despois de diversas ocupacións comeza a traballar na área de didáctica do Museo
Provincial de Lugo en 1991. Desde 1999 ocupa o cargo de Xerente deste museo,
tendo como obxectivo e lema da súa xestión Un museo para todos.
Miranda Ruíz, Xosé
Lugo,1955. Poeta, narrador e ensaísta, licenciado en Bioloxía e catedrático de Bioloxía
e Xeoloxía no Instituto Xoán Montes de Lugo. Entre a súa obra narrativa destacan,
entre outros moitos títulos, Historia dun paraugas azul (1990), A biblioteca da iguana
(1994), O demo á orella (1996) Morning Star (1998), Ariadna (2002), Pel de lobo
(2002). É coautor do Diccionario dos seres míticos galegos (1999), Pequena mitoloxía
de Galicia (2001) Cando os animais falaban (2003), Contos colorados (2001) Arrepíos
e outros medos (2004) e da colección Cabalo buligán. Como poeta é autor de cinco
libros reunidos en As cidades mergulladas. Poesía reunida (2003) e deste Capitán dos
teus ollos (2005). Foi galardonado cos premios Esquío, Eusebio Lorenzo Baleirón, M.
García Barros, Xerais e Merlín.
Vigo García, Abel Mondoñedo, 1978. Licenciado en Historia pola Universidade de Santiago de
Compostela no ano 2000 e actualmente doutorando do Departamento de Historia I da
USC. Traballa como arqueólogo municipal de Mondoñedo dende o ano 2001 e, dende
o 2002 é o director dos traballos arqueolóxicos no Castro de Zoñán (Mondoñedo,
Lugo). Conta con varios artigos publicados sobre o Castro de Zoñán e a prehistoria
mindoniense en diversas revistas e xornais e dirixe as Xornadas Mindonienses de
Arqueoloxía dedicadas á divulagación de temas de carácter arqueolóxico e que veñen
de celebrar a súa quinta edición.
Nº 5 Xoves, 30 de marzo de 2006
Revista oral de periodicidade trimestral, editada polo Museo Provincial de Lugo e a
Excma. Deputación Provincial de Lugo. Hora: 20 horas. Lugar: Refectorio do Museo Provincial de Lugo. Duración aprox.: 1,30 h. Deseño gráfico e animación dixital:
Javier Huerga García. Coordina: Antonio Reigosa.
A memoria é fráxil e transparente como cristal. Dedicamos este número á memoria
dos inocentes, ás máis cativas víctimas de tempos de aceiro e ferro.
“Celébrase de cando en vez no Museo Provincial, nos amplos refectorios, unha
especie de perfomance, ... un espectáculo interdisciplinar: o pazo das musas.
Poesía, música, lecturas,... Trátase dun concepto interdisciplinar e belísimo.
Postas en escea de poemas, música..., charlas, breves. Estamos diante dunha
iniciativa curiosa e preciosista.”
Manuel Xosé Neira, La Voz de Galicia, sábado, 21 de xaneiro de 2006
SUMARIO
Portada musical
Estudo simple XVII (Leo Brower)
Intérprete (guitarra): Eloy Tomé (3’)
Fantasía
Vídeo: Fantasía de area (4’)
Presentación Xulia Minguillón na memoria, por D. Francisco Fernández Del Riego (6’)
Música
Estudo nº 1 ( Mateo Carcassi)
Intérprete (guitarra): Eloy Tomé (3’)
Entrevista Aqueles nenos da escola de Doloriñas,
entrevistados por Tonina Gay (1ª
parte) (10’)
Música
Estudo nº 2 ( Mateo Carcassi)
Intérprete (guitarra): Eloy Tomé (3’)
Entrevista Aqueles nenos da escola de Doloriñas,
entrevistados por Tonina Gay (2ª
parte) (10’)
Música
Estudo nº 3 ( Mateo Carcassi)
Intérprete (guitarra): Eloy Tomé (3’)
Lectura O botón encarnado, de Marilar Aleixandre (1ª parte) (6’)
Música
Estudo nº 2 (Fernando Sor)
Intérprete (guitarra): Eloy Tomé (3’)
Entrevista Aqueles nenos da escola de Doloriñas,
entrevistados por Tonina Gay (3ª
parte) (10’)
Música
Estudo nº 8 (Fernando Sor)
Intérprete (guitarra): Eloy Tomé (3’)
Lectura
O botón encarnado, de Marilar
Aleixandre (2ª parte) (6’)
Música
Estudo nº 11 (Fernando Sor)
Intérprete (guitarra): Eloy Tomé (3’)
Memoria de cristal Historia dun mantón inacabado, por Mª del Carmen Pérez González (5’)
Para ver Exposición “Xulia Minguillón” no Museo
prov. de Lugo, por Encarna Lago. (3’)
Opinión Intervención libre do público asistente
(3’)
Epílogo Por Encarna Lago (3’)
Contraportada musical Fantasía X (Alonso Mudarra)
Intérprete (guitarra): Eloy Tomé (3’)
COLABORAN NESTE NÚMERO Aleixandre, Marilar Nacín en Madrid (1947) nuns anos en que aínda había máis persoas que coches, ao
revés que agora. Porén as miñas primeiras lembranzas son de Ceuta e de Doña
Mencía, unha vila cordobesa onde naceu meu pai. En Ceuta vivía nunha casa con
xardín, horta e unha tartaruga, así que foi un gran cambio ir para Madrid. Aos oito anos
era a máis vella de seis irmáns e sobrevivira a nove mudanzas. En Madrid estudei
Bioloxía e participei na resistencia clandestina contra o franquismo, afeccioneime aos
tebeos, á música de rock e a andar en moto. Despois fixen autostop por Europa para
asistir a concertos, escoitando a Jimi Hendrix ou The Who. Viñen para Galicia en
1973, son profesora na Universidade de Santiago de Compostela e escribo novelas
para idades diversas, poesía ou guións de comic. Algúns dos meus libros para
rapazas e rapaces son A expedición do Pacífico (1994), premios Merlín e da Crítica, A
Banda sen Futuro (1999), premio Lazarillo, A Vaca de Fisterra (2003) e O Monstro da
Chuvia (2003). Tamén escribín artigos sobre a aprendizaxe das ciencias, como sete
sobre a marea negra do Prestige nas escolas galegas.
Aqueles nenos da Escola de Doloriñas
Este ano 2006 cúmprense cen anos do nacemento da pintora lucense Julia Minguillón
e sesenta e cinco da súa obra emblemática: A escola de Doloriñas. Nos primeiros
meses de 1941 Julia Minguillón descansa en Lourenzá tras unha delicada operación
cirúrxica á que fora sometida en Madrid no mes de decembro e na que perdera un fillo.
Para amoblar a súa vivenda de Lugo busca polas aldeas de Lourenzá un bargueño e a
casualidade quixo que fose dar coa escola de Dolores Chaves Vizoso, en O Campo,
Vilapol, parroquia de Sta. Mª de Lourenzá. Doloriñas, a mestra que entón disque
cobraba unha peseta (0,006 euros) ao mes por cada neno, acepta a proposta da
pintora para pintar a súa escola e aos seus alumnos. Os que nos visitan hoxe son
algúns daqueles nenos e nenas para contarnos o que lembran, a memoria daqueles
días nos que a pintora os inmortalizou: Dictina Cabaleiro Maseda, Carmen Cabaleiro
Maseda, José Luís Cabaleiro Díaz, Hilda Ron Moscoso, Casimiro Rodríguez Eztúa e
Holanda González Sanmartín. Outros non poden estar por viviren en Asturias ou
Cataluña, e hai algún que xa non está entre nós, ou, se cadra, si; no cadro “A escola
de Doloriñas” de Julia Minguillón, no Museo Provincial de Lugo.
Fernández del Riego, Francisco Vilanova de Lourenzá (Lugo) 1913. Avogado e figura destacada do ensaio e a crítica
literaria galega, comezou a militar no galeguismo durante a República, intervindo en
proxectos do grupo Nós e o Seminario de Estudos Galegos. Con Ramón Piñeiro e
Xaime Illa Couto fundou a Editorial Galaxia en 1950 e posteriormente a revista Grial.
Autor dunha extensa obra, cultivou o ensaio sobre a cultura e a literatura galegas (Cos
ollos do noso esprito, 1949-; Historia da literatura galega, 1951; Galicia no espello,
1954; Diccionario de escritores en lingua galega, 1990; A xeración Galaxia, 1996) e
estranxeiras (Letras do noso tempo, 1974; Escritores de Portugal e do Brasil, 1984), a
narrativa (O cego de Pumardedón, 1992; Mondoñedo, 1992) e a literatura de viaxes
(As peregrinacións xacobeas, 1983; O camiño de Santiago, 1992; Galicia, 1994).
Redixiu varias biografías (Ánxel Casal e o libro galego, 1983; Antolín Faraldo, o gran
soñador, 1998), dúas antoloxías poéticas (Do dezanove ós continuadores, 1976; Do
posmodernismo ós novos, 1980), editou varios vocabularios galego-castelán e
innúmerables artigos xornalísticos. Publicou un libro de memorias, O río do tempo
(1991). Foi presidente da Real Academia Galega e recoñecido con galardóns tan
prestixiosos como o Premio Trasalba, Premio Pedrón de Ouro, Medalla de Ouro da
Cidade de Vigo, Premio de creación Cultural da Xunta de Galicia, Premio Celanova, a
casa dos Poetas, etc. Así mesmo, foi nomeado Doutor Honoris Causa pola
Universidade de Vigo e Galego Egrexio pola Fundación dos Premios da Crítica.
Gay, Tonina A xornalista Mª Antonina Gay Parga naceu en Barcelona. Dirixiu o curso de lingua
galega “A palabra herdada” (libro e 6 CDs). É a autora de catro audiolibros. En 1993
recibiu o premio Galicia de Comunicación para medios radiofónicos. Desde 1948
residiu en Ávila. Cursou a carreira de Maxisterio na Escola Normal Santa Teresa.
Estudiou Xornalismo na Escola Oficial de Xornalismo de Madrid e é diplomada en
galego pola Escola Oficial de Idiomas da Coruña. Pertence ó cadro de persoal de
RADIO LUGO desde 1962. Do equipo “Galicia sempre”, fixo o primeiro programa
integramente en lingua galega a principios dos anos 70. Creou o magazine “Mexunxe”
en 1985.Durante tres anos consecutivos presentou na Cadena SER de Galicia
programas dedicados ás letras galegas. Crea e presenta o programa “Club de opinión”
desde 1991. Promove a revista de radio alternativa “O Badulaque” en lingua galega
que por primeira vez se emite na radio de Lugo vía Internet. Creou e presentou o
programa semanal “Libros, música y otras hierbas”. De 1994 a 1995 presentou o
programa “Lucenses”, unha serie de entrevistas para TV Lugo.
Pérez González, Mª del Carmen Lucense, filla da mestra Mª del Carmen González López e sobriña do poeta Ánxel
Xohán e do debuxante Antonio González López. Boa parte da súa vida viviuna
condicionada polos diferentes destinos profesionais da súa nai durante o réxime
franquista. Cando comezou a guerra civil en 1936 era unha nena. A súa nai afanábase
en confeccionarlle un mantón, mais non puido ser: a guerra e as circunstacias
familiares enchérona de tristeza e non foi quen de rematarllo.
Tomé González, Eloy Nace en 1986 en Lugo. Comeza os seus estudos musicais coa idade de sete anos no
conservatorio profesional de música desta cidade. Asiste a clases cos profesores
Alfonso Rey, Irene Añón e Fernando López finalizando os estudos de Grado Medio
coas máis altas calificacións neste centro no ano 2004. Asiste a cursos cos mestres
Ricardo Gallén, Alex Garrobé, Margarita Escarpa, Miguel Trápaga, Marco Socías...
Nestes momentos cursa o seu segundo ano de Grado Superior na Coruña con Rodolfo
García.
Nº 6 Xoves, 29 de xuño de 2006
Revista oral de periodicidade trimestral, editada polo Museo Provincial de Lugo e a
Excma. Deputación Provincial de Lugo. Hora: 20 horas. Lugar: Refectorio do Museo Provincial de Lugo. Duración aprox.: 1,30 h. Coordina: Antonio Reigosa.
Número conmemorativo do 75º aniversario da declaración do Convento de San
Francisco de Lugo como Monumento Nacional (hoxe denominado Ben de Interese
Cultural).
Ilustran a revista fotos pertencentes aos arquivos fotográficos do Museo Provincial de
Lugo e de Fernando Arribas Arias.
SUMARIO
Portada musical
Fábula de José y Andrés. Letra e
música: Norge Batista.
Intérprete: Norge Batista (3’)
Presentación Mendicantes franciscanos no Camiño
Primitivo de Santiago, por Ricardo Polín (10’)
Música
Los versos sencillos, nº XXXVII. Letra:
José Martí. Música: Norge Batista.
Intérprete: Norge Batista (3’)
Poesía Fragmentos de Libro da oración e da
pobreza, por Manuel Xosé Neira (3’)
Música
Ya casi va a nevar. Letra e música:
Norge Batista.
Intérprete: Norge Batista (3’)
Memoria
Os franciscanos en Lugo, por José A. Castiñeira Chouza, Superior da
Comunidade Franciscana de Lugo (10’)
Documental
A arte que se pisa. Jesús Amor
Vázquez, artífice do pavimento do
claustro de San Francisco.
Coproducción da Fundación TIC e o Museo Provincial de Lugo (10’)
Música Vuelve al canto y al sol. Letra e música:
Norge Batista.
Intérprete: Norge Batista (3’)
Conversa
Aqueles anos vividos no convento de
San Francisco, con Remedios López Pillado (10’)
Música
Cantiga de outono. Letra e música:
Norge Batista.
Intérprete: Norge Batista (3’)
Gaiola de Grilos Proxecto audiovisual, por Marta Prieto
(10’)
Coa colaboración de Gil Prieto
Poesía Fragmentos de Como aves que baixan
a beber, por Manuel Xosé Neira (3’)
Música Molinos. Letra e música: Norge Batista.
Intérprete: Norge Batista (3’)
Opinión Intervención libre do público asistente
(3’)
Epílogo Por Encarna Lago (3’)
Contraportada musical Búscame adentro. Letra e música:
Norge Batista.
Intérprete: Norge Batista (3’)
COLABORAN NESTE NÚMERO
Amor Vázquez, Jesús Traballou como canteiro e albanel no sector da construción toda a súa vida laboral, a
maior parte do tempo na empresa Contrucciones Varela Villamor S. A. Da súa
habilidade profesional, como deseñador e executor, unha das mellores mostras
constitúea o chan do claustro do convento de San Francisco, hoxe sé do Museo
Provincial de Lugo.
Batista Albuerne, Norge Naceu en Las Tunas, Cuba, o 30 de outubre de 1969. Desde os 13 anos está
vinculado ao mundo da música, especificamente á canción de autor dentro da Nueva
Trova Cubana. É membro da Unión Nacional de Escritores y Artistas de Cuba
U.N.E.A.C. Ten dous discos editados polo selo AYVA MÚSICA de Barcelona:
Búscame adentro (1997) e Algo crece (2001). Dúas cancións súas están recollidas no
IV volume da Antología de La Nueva Trova Cubana gravado no ano 1997 nos Estudios
Ojalá de Silvio Rodríguez en La Habana, Cuba. Para máis información sobre a súa
obra recomendamos visitar a web http://www.trovacub.net/norge/.
Castiñeira Chouza, José A. Naceu na Coruña en 1955. Pertence á Orde de Frades Menores (Franciscanos).
Estudou en Santiago de Compostela. Licenciado en Estudos Eclesiásticos. Ordenado
sacerdote en 1984. Exerceu a docencia no Seminario Franciscano de Herbón e no
Colexio PP. Franciscanos de Lugo. Na actualidade é o Superior da Comunidade
Franciscana de Lugo e presidente da Confederación de Relixiosos de Lugo.
Gómez Polín, Ricardo Doutor en Filoloxía. Especialista en literatura baixomedieval dos séculos XIV e XV.
Autor de numerosos estudos de historia da literatura, crítica textual e edición de textos
antigos. Entre os galardóns recibidos figuran o Premio extraordinario de doutorado, o
Premio da Crítica de Galicia, o Premio Ánxel Fole ou o Premio do Ministerio de Cultura
á edición. As súas investigacións foron pioneiras no coñecemento da primeira vía
medieval das peregrinacións a Compostela por Lugo, labor que está a ser recollido na
súa Guía histórica e cartográfica do Camiño Primitivo de Santiago, da que veñen de
ser publicados os tres primeiros volumes (Vigo, Ed. A Nosa Terra, 2006). O
achegamento ao pensamento franciscanista débese á súa análise da obra de
significados escritores galegos vinculados ao seminario mindoniense.
López Pillado, Remedios Funcionaria xubilada. Naceu en Mondoñedo e pasou boa parte da súa crianza no
hospicio ubicado no Convento de San Francisco, lugar onde logo, uns cantos anos
adiante, traballou como vixiante do Museo Provincial. Daqueles anos garda na
memoria vivencias que hoxe comparte connosco.
Neira López, Manuel Xosé Naceu en Meilán (Lugo) en 1964. Poeta que se deu a coñecer co libro O mar perdido
(1990), unha breve escolma da súa poesía inicial. Seguíu con Abandono da noite
(1993), XII Premio Esquío de Poesía. E a continuación no 2001 publicou Templo. A
súa poesía, en certa maneira, rupturista e meditativa caracterízase polo que nos libros
que anda a traballar, tanto O libro da oración e da pobreza ou Como aves que baixan
a beber, recolle a tradición do hilozoismo amadocarballista ás máis abertas rupturas
ou fírgoas, ou condicións da modernidade que parte da Galiza Ilustrada dos pazos. Do
que é boa amosa esta revista oral tamén denominada O pazo das musas. Na súa
poesía última traballa desde o que supuxo a vangarda galega (non exactamente
Cunqueiro), ou sexa Amado Carballo, ata as últimas conclusións tan difíciles de
precisar das tendencias da modernidade.
Prieto, Gil Funcionario xubilado. Criouse no actual edificio do Museo Provincial de Lugo e
traballou na Deputación Provincial. Da época da nenez e adolescencia entre os muros
do antigo convento de San Francisco lembra infinitas anécdotas, entre elas o cantar
dos grilos, o que deu orixe a unha proposta artística denominada “Gaiola de grilos”, da
que é autora a súa filla Marta Prieto.
Prieto, Marta Natural de Lugo, onde reside actualmente. Cursa estudos de deseño gráfico na Escola
de Artes e Oficios “Ramón Falcón” en Lugo tras dunha estancia de catro anos en
Barcelona onde entra en contacto coa cultura artística de principios dos noventa. A
súa primeira exposición data de 1995. Despois desenvolve unha continuada carreira
artística expondo en toda Galicia e en España. Paralelamente funda o Taller Artístico
Marta Prieto para nenos no que pretende achegalos á arte contemporánea. Mostras
deste traballo puidéronse ver baixo o título Arte Menudo na Sala Almirante de Lugo. A
súa obra artística, sempre desde un enfoque pictórico, desenvolve linguaxes tan
diversas como a instalación, a fotografía e o vídeo, campo no que se centran os sus
traballos na actualidade. O seu interese polo espazo levouna a fundar no ano 2003 o
estudo “unomasuno” de arquitectura, interiorismo e deseño.