IKASTAROA NON EGINGO DEN:

LAKUA II-ko 5. aretoa

EUSKO JAURLARITZAREN EGOITZA. VITORIA-GASTEIZ

C/ Donostia-San Sebastian kalea 1

EGUNAK:

Abenduaren 1a, 2a, 9a eta 10a, goizeko 8:30etik 14:00etara eta

14:30etik 16:30era.

PARTE HARTU NAHI BADUZU, JASO INFORMAZIOA ETA EMAN

IZENA:

TELEFONO-ZENBAKIA: 945015637

HELBIDE ELEKTRONIKOA: aperea@ej-gv.es

EDO DEITU ZUZENEAN IKASTAROAREN ARDURADUNARI,

INFORMAZIO ESKATZEKO: 902 36 73 78

IKASTAROA:

EMAKUME ETORKINEN

OSASUNA

HELBURUAK

HELBURU OROKORRAK

1. Parte-hartzaileak sentsibilizatzea ikuspegi psikosozial eta genero-ikuspegiaren arloan,

genero-ikuspegia kontuan hartuko duen jardun profesionalari buruzko hausnarketa-

prozesua bultzatzeko.

2. Osasunaren eremuko eta emakumeen osasunean esku hartzen duten sektoreetako

profesionalei beren jardueretan genero-ikuspegia sartzea ahalbidetuko dien prestakuntza

metodologikoa ematea.

HELBURU ESPEZIFIKOAK

1. Osasun-arloko profesionalek emakume etorkinei eskaintzen dien arretan genero-ikuspegia

sartzea.

2. Emakume etorkinek izaten dituzten arazoetan sakontzea, azterketa eta analisien bidez.

3. Heldu beharreko gaien inguruko edukiak eta tresna metodologikoak eskura jartzea, langile

soziosanitarioek eta osasun-arloan esku hartzen duten sektoreetakoek beren eguneroko

jardun profesionalean erabil ditzaten.

HARTZAILEAK

Ikastaroa, batez ere, lehen mailako arretako (medikuak, erizainak, gizarte langileak) eta arreta

espezializatuko langileei, barruko mediku egoiliarrei (BAME) eta emakumearen unitateetakoei

dago zuzenduta.

METODOLOGIA

Teorikoa eta praktikoa izango da ikastaroan erabiliko den metodologia. Suposizio praktikoak

azalduko dira parte-hartzaileek jardun profesionalean genero-ikuspegia kontuan hartzen ikas

dezaten, eta azalpen teorikoak ere emango dira.

Oinarrizko dokumentazioa izango da, eta proposatzen diren gaien arabera, zabaldu egingo da

dokumentazio hori.

IRAUPENA

Aurrez aurreko 30 ordu.

EDUKIAK

1. Generoa eta emakume-nortasuna.

1.1. Emakume-nortasuna eraikitzea.

1.2. Immigrazioaren gizarte-irudia.

1.3. Emakume etorkinen ezinegon psikosoziala.

1.4. Harreman afektiboak eta bikote-harremanak.

2. Emakume etorkinak osasun-sistemara iristea eta arreta eskaintzea.

2.1. Osasunaren irudipenak eta bizipenak.

2.2. Osasun-arloko langileen eta emakume etorkinen arteko harremanetan izaten den

kultura-artekotasuna.

2.3. Osasun-profesionalaren rola, eta kontsultako beharrei erantzutea.

2.4. Erabiltzailearen eta profesionalaren arteko komunikazioa.

3. Gorputz-bizipena.

3.1. Estereotipoak eta genero-rolak.

3.2. Emakume etorkinen sexu- eta ugalketako osasuna.

4. Emakume etorkinen aurkako genero-indarkeria atzematea eta esku hartzea.

4.1. Zaurgarritasun-faktoreak.

4.2. Emakumeen kontrako bikote-indarkeriak iraun dezan ahalbidetzen duten faktoreak.

4.3. Emakumeen kontrako indarkeriak osasunean dituen ondorioak.

4.4. Tratu txarrak garaiz atzematea. Kontsultan jardutea.

4.5. Jarduera soziosanitariorako funtsezko faktoreak.

4.6. Profesionalek duten garrantzia genero-indarkeriari aurre egiteko.