hizkuntza proiektua jatorrizkoa

Elbira Zipitria ikastetxea-Hizkuntza Proiektua 2011-2012 ikasturtea

HIZKUNTZA PROIEKTUA

AURKIBIDEA

1. HIZKUNTZA PROIEKTUA.

2. IKASTETXEKO EZAUGARRIAK.

3. HELBURUAK.

4. HIZKUNTZEN FUNTZIOAK, EZAGUTZA MAILA eta PRESENTZIA.

5. HIZKUNTZEN ERABILERA ESPARRUKA.

6. HIZKUNTZEN ERABILERA ELKARREKINTZAN.

7. IKASTETXEKO TALDEAK ETA HIZKUNTZAK.

8. HIZKUNTZEN IKASKUNTZARAKO METODOLOGIA.

9. HIZKUNTZEN EBALUAZIOA.

10. HIZKUNTZA PROIEKTUAREN JARRAIPENA.


1. HIZKUNTZA PROIEKTUA

1.1. Zer da Hizkuntza Proiektua?

Hizkuntza Proiektua honela defini dezakegu: eskolako hizkuntza-tratamendu orokorrari dagozkion printzipioak, eta ikastetxeko irakaskuntza eta hizkuntzen erabilpenaren inguruko elementuak biltzen dituen dokumentua da.

Beraz, gure ikastetxeko hizkuntza errealitatetik abiatuta, eta errealitate horren hausnarketaren ondorio bezala, hizkuntzen irakaskuntza eta erabilerari dagozkien alderdiak zehaztu nahi ditugu dokumentu honetan.

1.2. Ikastetxeko Hizkuntza Proiektua eta Hezkuntza Proiektua

Bi elementu hauek guztiz erlazionaturik daude, banatu ezin daitezken proiektuak baitira. Ikastetxeko Hezkuntza Proiektuaren barnean dauden elementuen artean hizkuntza dago, beraz, Hezkuntza Proiektuaren inguruan Hizkuntza Proiektua dago, baina beti ere aurrekoari lotuta.

Elbira Zipitria ikastetxean, zentroaren bizitza zuzentzen duen Hezkuntza Proiektua egin ondoren, Hizkuntza Proiektua egiten hasteko beharrean sentitzen gara. Oinarri orokorrak finkaturik daudenez, hezkuntzaren plangintzan txertatu behar ditugu hizkuntza-planifikazioa, ikasketen hizkuntza eta hizkuntzen ikasketari dagozkien atalak.

1.3. Zer jasoko du Hizkuntza Proiektuak?

1. Gure ikastetxea kokatuta dagoen komunitatean euskararen normalizazio prozesuan eragile izanik, EUSKARA eremu desberdinetan erabiltzeko eta harekiko jarrera baikorra sustatzeko beharrezkoak diren erabakiak hartuko dira:

- Komunikatzeko tresna eragingarria izan dadin.

- Harremanetarako hizkuntza nagusia izan dadin.

- Edozein arlotan ikasketak egiteko hizkuntza garrantzitsuena izan dadin.

- Herri baten kultur hedatzailea izan dadin.

2. BESTE HIZKUNTZEN irakas-ikaskuntza prozesuaren irizpide orokorrak ere zehaztuko ditugu.

- Gaztelaniaren irakas-ikaskuntza prozesua eta horren trataera.


- Atzerriko beste hizkuntzen irakas-ikaskuntza prozesua eta horien trataera:

ingelesa eta frantsesa.

Horrek guztiak eskatuko du:

- Ikastetxean erabili eta lantzen diren HIZKUNTZEN TRATAERA orokorra zehaztea, hizkuntza bakoitzaren lehentasuna, identitatea, funtzioa eta esparruak bereiziz.

- Ikastetxean lantzen diren hizkuntzak era koherentean garatuko dituen HIZKUNTZA CURRICULUMAK sortzen jarraitzea, metodologia, ebaluazioa eta estrategia komunak bilatuz.

- Etapa ezberdinetako hizkuntza-irakasleen arteko KOORDINAZIOA egotea estrategi metodologikoak eta ebaluazio irizpideak zehazteko. Hori dela eta, urtero ikasturte hasieran, LMHko ziklo bakoitzeko irakasle bat eta DBH-DBHOko Euskara, Gaztelania eta Ingeleseko bi mintegikide elkartuko dira.

- Euskararen normalizazioan eragiteko guztion inplikazioa, Normalizazio Proiektuan era aktiboan parte hartuz.


Elbira Zipitria ikastetxea 1973. urtean sortu zen, eta Foru Aldundiaren menpean zegoen, harik eta 1985. urtean Eusko Jaurlaritzako Hezkuntza Sailari transferitu zitzaion arte, beste ikastetxe batzuekin batera. Hezkuntza Proiektuak dioen bezala “Gure ikastexea euskal ikastetxea da, publikoa, integrala eta ez-konfesionala”.

Ikastetxea Obaba herri txikian dago kokatuta.

Gure ikastetxea integrala denez, 4 hezkuntza etapa eskaintzen ditu:

Haur Hezkuntza (2-6 urte).

Lehen Hezkuntza (6-12)

Derrigorrezko Bigarren Hezkuntza (12-16)

Derrigorrezko Bigarren Hezkuntza Ondokoa (16-18)

Egun, 1117 ikasle ditugu, horietatik 212+54 (2 urteko gelan) Haur Hezkuntzan eta 444 Lehen Hezkuntzan maila bakoitzean 3 linea daudelarik. Derrigorrezko Bigarren Hezkuntzan 341 ikasle ditugu (4 linea eta Aniztasun Curricularreko talde bat) eta Batxilergoan 120 ikasle 2-3 taldetan banandurik.

Etapa guztiak “D” hizkuntza eredukoak dira. Haur Hezkuntzako 3 urteko gelatik Lehen Hezkuntzako 2. mailara arte Mantendu eredua eskaintzen zaie euskara ama hizkuntza duten ikasleei. 2009-2010 ikasturtean bildutako datuen arabera, ikasleen %26,56ren jatorrizko hizkuntza euskara da.

Guztira, 118 irakasle gara, 52 Haur eta Lehen Hezkuntzan eta 66 DBH eta DBHOn. Irakasle guztiok PL2 profila dugu. Ikasle eta irakasleez gain, 45 administrazio eta zerbitzuetako langile daude: jangelako 31 begirale, 9 sukaldari, 4 atezain eta administratibo bat, lau sukaldari izan ezik, denak euskaradunak.

Ikastetxeak dituen beste zerbitzuen artean erabiltzaile- kopuruaren arabera honako hauek aipamen berezia merezi dute:

Jantokia: 2010-2011 ikasturtetik aurrera Administrazioaren kudeaketa zuzenaren menpe dagoen zerbitzua da. Azken urteotan jantokia erabiltzen duten ikasle kopuruak gorakada handia izan du, 2011-2012 ikasturtean ikasleen % 75era ailegatuz. Bere zereginak eta funtzioak aurrera eramateko berariaz liberatutako ikastetxeko irakasle baten laguntza dugu. Eskola garraioa: Administrazioa arduratzen da garraioaz eta hortaz, berak hartzen du bere gain kudeaketa zuzendariarekin batera, azken hori antolatzeaz arduratzen delarik. Batxilergoan garraioa ez da doakoa, hezkuntza etapa hori derrigorrezkoa ez baita.

2. IKASTETXEKO EZAUGARRIAK


3. HELBURUAK

Hezkuntza eta Hizkuntza Proiektuaren ardatza euskara izanik ere, Elbira Zipitria ikastetxeak pertsona eleanitzak hezi nahi ditu, beste hizkuntzen beharrezko ezagutza eta erabilera bideratuz.

Elbira Zipitria ikastetxeak bere hezkuntza komunitatearen barnean eta mota guztietako harremanetan bizitza euskaraz gauzatu nahi du, euskararen eta euskal kulturaren transmisioa, garapena eta zabalkundea ziurtatuz.

Elbira Zipitria ikastetxeak txertatuta dagoen komunitatean euskararen normalizazio prozesuan eragile izan nahi du eta horretarako, bestelako gizarte eragile zein askotariko elkarteekin lankidetzan jarduteko borondatea du.

Eleaniztasunegitasmoa zehaztu eta garatu ahal izateko egin beharreko moldaketak aurreikusi eta bultzatu

Konpetentziak kontuan hartuz, hizkuntzen curriculumak sortu

Euskaraz eta gaztelaniaz ahozko zein idatzizko mezuak autonomiaz eta sormenez ulertu eta ekoiztu

Ingelesari dagokionez, oinarrizko komunikazio esparruetan gertatzen diren ohiko egoerak eta ahozko

Ikasleen arteko harremanak euskaraz izan daitezen ahalegindu

Ikastetxeko giroa euskalduna izateko neurri egokiak hartu

Ikastetxeko gobernu eta funtzionamendu organoetan gauzatzen diren harremanetan euskararen nagusitasuna indartu eta bideratu

Ikastetxeko dokumentazioan erabilitako euskara gaurkotu, eta egoki eta zuzen idazten saiatu

Euskaldunak ez diren familietan euskararekiko zaletasuna eta errespetua landu eta aldi berean familia euskaldunetan harremanak euskaraz

Euskal Herriko hizkuntza propioa ahalik eta eremu gehienetan erabiltzeko konpromisoa azaldu eta gure kultur ondarea ezagutu, estimatu eta hori defenditzen, kontserbatzen eta hobetzen lagundu

Euskal ekimen kulturalak sortu edo zabaldu, eta beste erakunde sozialek proposaturikoetan parte hartu

Euskararen normalizazioaren alde ari diren erakundeekin elkarlanerako harremanak mantendu

Administrazioko erakundeekin izaten diren harremanetan ahalik eta euskara


zein idatzizko diskurtsoak ulertu eta ekoiztu

izan ditzaten bultzatu gehien erabili

Hizkuntza eta kultur aniztasuna herriaren eta norbanakoen eskubidetzat eduki eta onartu, eta eskubide horretaz baliatzerakoan errespetuzko eta konpromisozko jokabidea agertu, sor litekeen edozein diskriminazio arbuiatu eta ekiditen ahaleginduz.

4. HIZKUNTZEN FUNTZIOAK, EZAGUTZA MAILA eta PRESENTZIA

4.1. Hizkuntza bakoitzaren esparruak eta funtzioak

Euskara. Ikastetxeko hizkuntza nagusia euskara izango da eta ahal izanez gero, egoera guztietan erabiliko da.

Gaztelania. Arlo bezala lantzeaz gain, hainbat egoeretan (euskara ez dakitenekin) komunikazio tresna moduan ere erabiliko da.

Ingelesa. Arlo bezala landuko da; hala ere, hurrengo ikasturteetan DBHn arloren bat ingelesaz emateko aukera aztertuko da.

Frantsesa. DBH 3-4 eta DBHO 1-2 mailetan aukeragai bezala urtero eskaintzen jarraituko dugu.

4.2. Hizkuntza bakoitzaren EZAGUTZA maila

Euskal Autonomia Erkidegoko Oinarrizko Hezkuntzaren curriculuma arautzen duen 2007ko urriaren 16ko dekretuan aipatzen den bezala, derrigorrezko eskolatzearen amaieran gure ikasleek honako hizkuntza maila hauetara lortu beharko dute:

4.2.1.- Euskaran eta gaztelanian gure ikastetxeko ikasleak, erabiltzaile independente aurreratuaren maila (B2),lortu beharko dute. Maila horren arabera, bi hizkuntzak egoki eta taxuz erabiliko dira hainbat egoera komunikatibotan, edonolako testuingurutan, gero eta gradu formalagoan eta konplexuagoan:

Erabiltzaile independientea B2 (maila aurreratua)

“ Gai da gai zehatzei nahiz abstraktuei buruz diharduten testu konplexuetako ideia nagusiak ulertzeko, baita testu teknikoenak ere, beti ere bere espezialitatearen arlokoak badira. Jatorrizko hiztunekin mintza daiteke, jariotasunez eta naturaltasunez, halako eran non ez solaskide batek ez besteak ez duten ahaleginik egin behar elkar ulertzeko. Testu argiak eta


xeheak sor ditzake gai askori buruz, eta gai da, orobat, gai orokorrei buruzko ikuspegi jakin bat aldezteko, aukera bakoitzaren aldeko eta kontrakoargudioak emanez.” (1)

(1) Europako Erreferentzia Marko Bateratua.

4.2.2.- Atzerriko hizkuntzan, ingelesean, gure ikastetxeko ikasleak, derrigorrezko eskolatzearen amaieran, atalase mailara (B1) iritsi beharko dira.

Erabiltzaile independientea B1 (atalase maila)

“Gai da argi eta hizkuntza estandarrean idatzitako testuen puntu nagusiak ulertzeko, gai ezagunei buruzkoak badira, lanaren esparruan, ikasketenesparruan eta aisialdian. Badaki hizkuntza hori erabiltzen den lurraldeetan bidaiatzean sor daitezkeen egoera gehienetan moldatzen. Gai ezagun edo interes pertsonalekoei buruzko testu soilak eta koherenteak osa ditzake. Esperientzien, gertaeren, nahien eta asmoen berri emateko gai da, eta gai da,orobat, bere iritziak labur-labur arrazoitzeko edo bere asmoak azaltzeko”.(1)

Hori guztia dela eta, derrigorrezko eskolaldiaren amaieran hizkuntzarako gaitasuna behar bezala eskuratua izateko, ikasleek ahozko eta idatzizko hizkuntza menderatu behar dute era bateko eta besteko testuinguruetan, eta atzerriko, gutxienez, hizkuntza baten erabilera funtzionala izan behar dute.

4.3. Hizkuntzen presentzia eskola-orduetan

Aipatutako hizkuntzen ezagutza maila ezberdinak lortu nahian Elbira Zipitria ikastetxeak honako saio banaketa proposatzen du.Ehunekotan:


(1) Europako Erreferentzia Marko Bateratua


Saio-banaketa:

ETAPA ADINA EUSKARAZ EUSKARA CASTELLANO ENGLISH FRANÇAIS

HH 3 (25 saio) 4 5

3-44-55-6

25 saio 22 saio 22 saio

3 saio* 3 saio*

1 LMH 2

(25 saio) 3 4 5 6

6-77-88-9

9-1010-1111- 12

23 saio (19 + 4)21 saio (17 + 4)19 saio (15 + 4)19 saio (15 + 4)19 saio (15 + 4)19 saio (15 + 4)

4 saio4 saio

4 saio + 4 saio + 4 saio 4 saio

2 saio3 saio3 saio3 saio3 saio

2 saio2 saio

3 saio + 3 saio + 3 saio + 3 saio +

1 DBH 2 (30 saio) 3

4

12-1313-1414-1515-16

22 saio (19 + 3) 23 saio (19 + 4) 24 saio (22 + 4) 24 saio (21 + 3)

3 saio 4 saio 4 saio** 3 saio**

4 saio4 saio3 saio

3 saio**

4 saio3 saio3 saio

3 saio**2 saio***3 saio***

DBHO 1 (32 saio) 2

16-1717-18

26 saio (23/ 19 + 3) 27 saio (24/ 20 + 3)

3 saio3 saio

3 saio3 saio

3 saio3 saio

4 saio***4 saio***

HIZKUNTZEN %

% 81,70 (% 70,97 +

% 10,73) % 8,30 % 10 % 0,32***

* 30 ´ minututako saioak dira (HH) + Astean behin taldea bikoiztu egiten da. (LMH) ** Talde eta saio guztietan ikasleak multzo txikiagotan daude (DBH) *** Aukeragaia denez, ikasle batzuek besterik ez dute ikasten


5. HIZKUNTZEN ERABILERA ESPARRUKA

5.1. Ordezkaritza Organo Gorena

OOGren bileretan hasierako agurrak eta bukaerakoak beti euskaraz egingo dira.

OOGren partaide gehienek (Zuzendaritza + irakasleak + ikasleak + guraso batzuk) euskara dakitenez, bileretan euskaraz parte hartzearen aldeko apustua egingo da.

Euskaraz esaten dena OOGren partaide guztiek uler dezaten, bilera bakoitzaren hasieran itzultzailearen papera beteko duena aukeratuko da, pertsona horrek esandakoaren laburpena eginez.

OOG bileren aktak elebidunak izango dira: lehenengo laburpena beti euskaraz

eta bigarrena gaztelaniaz.

5.2. Funtzionamendu organoak

Ikastetxeko bilera guztiak euskaraz egiten jarraituko dugu.

Formazio saioak euskaraz egingo dira eta aurkeztutako materiala euskaraz egon dadila saiatuko gara.

Gaia interesgarria denean eta euskaraz egitea ezinezkoa denean, formazio saioak gaztelaniaz burutuko dira. Beste aukerarik ez balego, erabilitako materiala ere gaztelaniaz egon daiteke

5.3. Dokumentazioa

Barruko dokumentazioa, klaustroak erabiltzen duena, ia beti, euskaraz izango da; beraz, sortzen diren ikastetxeko dokumentuak euskaraz sortuko dira.

Gurasoek parte hartzen duten batzordeetan aurkeztu behar diren dokumentuak gaztelaniara itzuliko ditugu, ikastetxean egiten diren dokumentu guztiak euskaraz sortuak baitira.

DBH eta DBHOko “Lengua y Literatura Castellana” mintegiko programazioak eta aktak gaztelaniaz egiten jarraituko dugu.

Ikastetxe osoan ingeles-programazioak ingelesez egiten jarraituko dugu.

Gurasoei zuzendutako dokumentuak elebidunak izango dira, baina beti ere euskarari lehentasuna emango zaio ezkerrean edo goialdean kokatu jarriz.

5.4. Hizkuntzaren kalitatea

Denbora luzean erabilera izango duten testu berrietan (ziurtagiriak, bilera orokorretarako deialdiak…) hizkuntzaren kalitatea bermatzeko, bi arduradun


izendatuko dira, bata euskarako bertsioa berrikusteko eta bestea gaztelaniazkoa.

Eginda ditugun testu eta idatziak berriz aztertuko ditugu euskararen eta gaztelaniaren kalitateari erreparatuz. Irakasleok hizkuntza ereduak garela kontuan hartuz, hizkuntzen kalitatea eta aberastasuna zaintzen eta hobetzen jarraituko dugu.

Euskara batzordekideek Euskaltzaindiaren azken erabakiak jaso eta irakasleen eskura jarriko dituzte.

Hizkuntzei buruzko ikastaroen informazioa (Irale, Garatu…) zabalduko da.

Irakasleen artean Euskal Herriko eskualde bakoitzak duen hizkuntza aberastasuna transmititzen ahaleginduko gara.

5.5. Ikastetxeko Paisaia Linguistikoa

SarreretanSarrera nagusiko kortxoan Euskara Batzordeak daukan tokia beharrezkoa denez, mantenduko da.

Irakasleen geletan Irakasle geletan euskara nagusitzen bada ere, bertan ipiniko den informazioa edozein hizkuntzatan egon daiteke.Euskara Batzordeek dauzkaten tokiak (LMHko armairua eta DBHko kortxoa eta apala) beharrezkoak dira.

Ikasgeletan Haur eta Lehen Hezkuntzan

Gelako hormetan euskararen presentzia nagusi izango da.

LMHn gaztelaniak bere txokoa izango du geletan. Gaztelania ematen duten irakasleek ikasleekin egindako lanak gelako toki zehatz batean kokatuko dituzte.

HHn eta LMHko hainbat geletan ingelesak txoko bat izango du. eta Ingeles-gelan ingelesa nagusia izango da.

Tutoreek eta espezialistek gelako paisaia erabakien arabera osatuta dagoela bermatuko dute.

Bigarren Hezkuntzan eta Bigarren Hezkuntza Ondokoan

Zuzendaritzak ikasleei pasatu behar dien informazio guztia (ikastetxekoa,

udalak antolatutakoa…) euskaraz izango da.

Gelako hormetan euskararen presentzia nagusi izango da. Euskara edo

euskaraz eskola ematen duten irakasleek ziurtatuko dute ikasleekin egindako lanak euskaraz egongo direla.


Gaztelania ematen duten irakasleek ikasleekin egindako lanak gelako toki zehatz batean kokatuko dituzte.

Ingelesa ematen duten irakasleek ikasleekin egindako lanak gelako toki zehatz batean kokatuko dituzte.

Frantsesa ematen duten irakasleek ikasleekin egindako lanak gelako toki zehatz batean kokatuko dituzte.

Tutoreek eta gaztelania, ingelesa eta frantsesa irakasleek gelako paisaia erabakien arabera osatuta dagoela bermatuko dute.

Pasilloetan

HH eta LMHko pasilloetako txartel gehienak euskaraz egongo dira. Halaber, proiektuen arabera sorturiko lanak gaztelaniaz eta ingelesez ere agertuko dira.

DBH eta DBHOko pasilloetan dagoen informazio gehiena euskaraz egongo da eta euskaraz egin daitezkeen ekintzen berri emateko bi horma berezi erabiliko dira ondorengo leloarekin: “TAUSKARAZ ZER?”

Normalizazio batzordeak pasilloetako informazioa euskaraz nagusi dela begiratuko du eta kortxoetako informazioa hilero edo berriztuko du.

5.6. Baliabideak: liburutegia, multimedia, software…

Ikastetxean 3 liburutegi daude: HHn, LHn eta Bigarren Hezkuntzan. Liburutegietako liburu gehienak gaztelaniaz eta euskaraz egon arren, ingelesez ere badaude, baina kopuru txikiagoan. Hori dela eta, ingeleseko liburu kopurua handitzeko eta pixkanaka- pixkanaka berrizteko ahaleginduko gara.

Orokorrean, software eta multimedia programa gutxi daude, bereziki euskaraz. Gure irakaskuntzarako baliabide eraginkorrak direnez, liburuak, software, multimedia… erosteko diru prebisioan euskarazkoek lehentasuna izango dute, beti ere materialen kalitatea kontuan izanez. Horrez gain, ikasleen informatika gela guztietan sistema eragileak euskaraz jarriko dira.

Bigarren Hezkuntzako gela guztietan euskara, gaztelania eta ingelesa hiztegi bana egoteko ahaleginak egingo ditugu, euskara hiztegiarekin hasita. Gela guztietara ordenadoreak ailegatzen diren heinean, hiztegi digitalen (EUSKALBAR…) erabilera bultzatuko dugu.


6. HIZKUNTZEN ERABILERA ELKARREKINTZAN

6. 1. Ikastetxeak izango dituen kanpo harremanak

Idatziak direnean, Euskal Herrian bertara bidaltzen diren idatziak elebidunak edo euskaraz bidaliko dira hartzailearen arabera.

Euskal Herriko instituzio publiko ezberdinetara bidaltzen diren idatziak euskaraz bidaliko dira.

Euskal Herritik kanpora bidaltzen diren idazkiak hartzailearen hizkuntza errespetatzen saiatzeaz gain, euskaraz ere bidaliko dira.

Ahozkoak direnean, telefono deiak euskaraz jasotzen jarraituko dugu eta hartzailearen arabera ulergarria den hizkuntzan arituko gara.

6. 2. Irakasleen arteko elkarrekintza

Irakasleen arteko elkarrekintza euskaraz izango da.

DBH eta DBHOko irakasleok ingeleseko elkarrizketetarako laguntzailearen presentzia aprobetxatuko dugu berarekin ingelesez mintzatzeko.

6. 3. Ikasleen arteko elkarrekintza

Ikasleen arteko elkarrekintza euskaraz izango da.

Gure testuinguruan nagusitzen den hizkuntza gaztelania dela jakinda, ikastetxean indartu behar den hizkuntza euskara izango da. Horretarako Euskara batzordeko urteko planak ikasleen arteko erabilera bultzatzeko ekintzak jasoko ditu.

Gaztelaniak ikasleen artean erabilera handia duela kontuan harturik, ez du indartze neurri berezirik behar izango. Inoiz gaztelania erabili behar badute, erarik egokienean erabiltzen saiatu araziko ditugu.

6. 4. Irakasleok ikasleekin gelatik kanpo.

Irakasleok ikasleekin gelatik kanpo hitz egiten dugunean euskaraz arituko gara.


Haur Hezkuntzan irakasleen eta ikasleen arteko elkarrekintza euskaraz izango da.

LMH, DBH eta DBHOko ikasleekin mantentzen ditugun harremanetan irakasleok euskara erabiliko dugu. Beraz, ez dugu malgutasunez jokatuko eta elkarrizketa elebidunik ez dugu onartuko.

6. 5. Irakasleok ikasleekin gela barruan

Irakasleok ikasleekin gela barruan eskola ematen dugunean, euskaraz, gaztelaniaz edota ingelesez arituko gara arloen arabera. HH, LMH, DBH eta DBHOko ikasleekin arlo guztietan euskara erabiliko dugu, gaztelania, ingelesa eta frantsesa arloetan izan ezik. Hau da, HH, LMH, DBH eta DBHOn irakasleok gaztelania arloan gaztelania erabiliko dugu, ingelesa arloan ingelesa eta frantsesean frantsesa.

6. 6. Ikasleek irakasleekin gelatik kanpo

Gelatik kanpo ikasleek irakasleekin hitz egiten dutenean euskaraz arituko dira. Haur Hezkuntzan ikasleak irakasleengana euskaraz zuzentzeko bideak jorratuko ditugu. LMH, DBH eta DBHOko ikasleekin mantentzen ditugun harremanetan irakasleok ez dugu malgutasunez jokatuko eta ikaslearen gaztelaniazko erantzunik ez dugu onartuko.

6. 7. Ikasleek irakasleekin gela barruan

Gela barruan ikasleek irakasleekin hitz egiten dutenean euskaraz arituko dira. Haur Hezkuntzan ikasleak irakasleengana euskaraz zuzentzeko bideak landuko ditugu. LMH, DBH eta DBHOko ikasleek arlo guztietan, gaztelania, ingelesa eta frantsesa izan ezik, euskara erabiliko dute. LMH, DBH eta DBHOn ikasleek gaztelania arloan gaztelania erabiliko dute, ingeleseko arloan ingelesa eta frantsesean frantsesa.

6. 8. Langile ez irakasle

Langile ez irakasle gehienek (idazkariek, atezainek, jantokiko begiraleek…) euskara dakitenez, elkarrekintzan erabiliko duten hizkuntza euskara izango da. Autobusetako zaindari guztiak euskaldunak izan daitezen beharrezko urratsak emango dira.


6.9. Guraso- bilerak

Banakako bilerak Irakasleak gurasoekin biltzen direnean, gurasoek aukera izango dute

gaztelaniaz zein euskaraz jarduteko tutore edo irakasleekin.Ikasturtearen hasieran tutoreak ikasle berrien familian zein hizkuntza

erabiltzen den galdetuko du. Horrez gain, euskaran (eta kanpotik datozenei gaztelanian) zein ezagupen maila duten jasoko du.

Euskara edo gaztelania ez dakiten gurasoei antolatzen diren ikastaroen berri emango zaie bi hizkuntza hauek ikasi ahal izateko.

Kurtso hasierako bilerak

HH 3-4-5, eta LH 1-2 mailetan

Kurtso hasierako bilerak bi fasetan egingo ditugu:A.- Mailako bilerak bi hizkuntzetan eskaini nahian, tutoreek bi bilera aldi berean egingo dituzte: bata euskaraz eta bestea gaztelaniaz, bietan mailako edo ikastetxeko aspektu orokorrak jorratzeko. Gurasoen esku geldituko da horietako zeinetara joan.B.- Aurreko bilera amaitu ondoren, familia bakoitza dagokion gelara joango da tutorearekin, eta gelako hainbat gai aztertuko dute: ordutegia, irakasle- taldea… Euskaradun taldean Bilera EUSKARAZ burutuko da eta guraso erdaldunik balego, beraiei gaztelaniaz laburpentxo bat egingo zaie. Horrez gain, bilera bukatu ondoren, tutorearekin zerbait argitu nahi duenari aukera eskainiko zaio.

Euskaradun ez diren taldeetan Bilera, gehienbat, GAZTELANIAZ burutuko da, baina aurkezpena, agurrak, dokumentazioa… bi hizkuntzetan izango dira. Gelako bilera horietan gurasoek galderak euskaraz eginez gero, tutoreak itzuliko lituzke bai galderak, baita erantzunak ere.

LMH 3-4-5-6, DBH 1-2-3-4, DBHO 1-2 mailetan

Kurtso hasierako bilerak bi fasetan egingo ditugu:

A.- Mailako bilerak bi hizkuntzetan eskaini nahian, tutoreek bi bilera aldi berean egingo dituzte: bata euskaraz eta bestea gaztelaniaz, bietan mailako edo ikastetxeko


aspektu orokorrak jorratzeko. Gurasoen esku geldituko da horietako zeinetara joan.B.- Aurreko bilera amaitu ondoren, familia bakoitza dagokion gelara joango da tutorearekin, eta gelako hainbat gai aztertuko dute: ordutegia, irakasleak, gelako osaketa… Bilera, gehienbat, GAZTELANIAZ burutuko da, baina aurkezpena, agurrak, dokumentazioa… bi hizkuntzetan izango dira. Gelako bilera horietan gurasoek galderak euskaraz eginez gero, tutoreak itzuliko lituzke bai galderak, baita erantzunak ere.

Orientazio-bilerak

LMH 6, DBH 3-4 eta DBHO 1. mailetan gurasoekin egiten diren orientazio- bilerak bi hizkuntzetan eskainiko ditugu. Horretarako bi bilera jarraian egingo ditugu, bata euskaraz eta bestea gaztelaniaz. Gurasoen esku geldituko da horietako zeinetara joan.

6.10 . Jolastokia.

Ikasleen hizkuntza jolastokian euskara izango da.

Egoera hori bideratzeko, HH eta LMHn Euskara Batzordeko urteko planak patioetan euskararen erabilera bultzatzeko ekintzak jasoko ditu: jolasak antolatuz, patioko hiztegia jorratzeko estrategiak jarriz...

LH, DBH eta DBHOn irakasleok beti euskaraz arituko gara ikasleekin. Ikasleen artean gaztelaniaz aritzen direla entzunez gero, euskaraz hitz egiteko gonbitea egingo diegu.

Euskara Batzordetik hainbat ekintza programatuko dira jolas-garaietan DBHko ikasleek euskara erabill dezaten.

6.11. Jantokia.

Jantokiko hizkuntza euskara izango da.

Jantokiko koordinatzaileak ikasturte hasieran begirale guztiei ikastetxeko hizkuntza proiektuaren berri emango die.

Jantokiko begiraleek ikasleei beti euskaraz hitz egingo diete. HHko ikasleekin hasieratik begiraleek euskaraz egiteko ahaleginak egingo dituzte. LMH eta DBHko ikasleekin berriz, ez dute malgutasunez jokatuko eta elkarrizketa elebidunik ez dute onartuko.


Jantokiko begiraleek HH eta LMHko ikasleen etxera bidaltzen den fitxatxoan, euskararen erabilerari erreferentzia egingo diote.

6.12. Ekintza osagarriak.

Elbira Zipitria ikastetxeko ekintza osagarri gehienak euskaraz egiten dira. HH eta LMHn ekintzaren bat ingelesez burutzen da. DBH eta DBHOn hainbat ekintza gaztelaniaz, ingelesez eta frantsesez burutzen dira. Gure testuingurua kontuan izanik, ekintza osagarri gehienak euskaraz izan daitezen ahaleginak egingo ditugu. DBH eta DBHOn urtero ekintza osagarriren bat gaztelaniaz antolatuko da eta LMH, DBH eta DBHOn ingelesez gutxienez ekintza osagarri bat antolatuko da. Hizkuntza bakoitzaren erabilera baloratu ahal izateko urteko planean zehaztuko da zein hizkuntzatan izango diren ekintza osagarri guztiak.

6.13. Eskolaz kanpoko jarduerak.

Iturribarri Guraso Elkarteak antolatzen ditu halako jarduerak eta ikastetxeko baliabideak erabiltzen ditu. Jarduerak eskola-ordutik kanpo egiten dira: eguerdian, arratsaldean edo asteburuetan. Iturribarri Guraso Elkarteak ekintza gehienak euskaraz eskaintzeko duen konpromisoa mantenduko du.

7. IKASTETXEKO TALDEAK ETA HIZKUNTZAK

7.1. Ikasleen etxeko hizkuntzaren araberako taldekatze irizpideak

Haur Hezkuntzako 3 urteko taldeak antolatzerakoan, kontuan hartzen ditugu hainbat irizpide: neska eta mutikoen kopurua, anaia-arreben banaketa… Dena den, irizpide nagusia ama hizkuntza da. Modu horretan hasieratik bi motatako talde hauek ditugu: MURGILTZE eta MANTENDU taldeak, hain zuzen ere. Matrikulazio garaian familia guztiek taldekatze horren berri izango dute.

Sailkatze mota honek pedagogiari eta guztion harremanei begira, ondoren aipatuko ditugun abantailak ditu:

1. MANTENDU eredua (ikasleen ama hizkuntza euskara denean)

▪ Hizkuntza gutxituen hiztunen autoestimua garatzen da.

▪ Hizkuntza-konpetentzia hobetzen da.

▪ Hizkuntza ezagutzeak ikasketa-prozesua errazten du.

▪ Euskara ohiko komunikazio-hizkuntza izatea lortzen da.


▪ Euskaradunei bere hizkuntzan eskolaratzeko eskubidea bermatzen da.

2. MURGILTZE eredua (ikasleen ama hizkuntza gaztelania edo beste hizkuntza bat

denean)

▪ Hizkuntza-konpetentzia maila eskuratzeko abiapuntua antzekoa izaten da.

▪ Hizkuntzaren trataera eta ikasketa-prozesua konpetentzia maila orri egokitzen zaizkio: edukiak, ebaluazio irizpideak…

▪ Metodologia ere egokitu egiten da bigarren hizkuntzaren barneratzeko lana erraztuz.

▪ Komunikazioari begira lehen egunetatik emozioak, sentimenduak, bizipenak… ama hizkuntzan adierazteko aukera dago. Hala ere, ikastetxean, eskolaratze hasieran bereziki, irakasle guztiok euskaraz baino ez diegu umeei hitz egin behar, euskara-eskolarekin identifikatzeko eta irakasleak- euskararekin lotu ahal izateko.

Beraz, goian emandako arrazoiengatik, ikasleak lehenengo urteetan ama hizkuntzaren arabera sailkatzea oso garrantzitsua iruditzen zaigu.

NOIZ ARTE BI EREDUAK?

2009-10 ikasturte arte MANTENDU eta MURGILTZE ereduen bereizketa hau LEHEN HEZKUNTZA OSOAN zehar mantentzen zen, baina azken urteotan jasotako esperientzia dela eta, ereduen nahasketari ekitea erabaki zen.

Bi ereduak LEHEN HEZKUNTZAN nahastearen aldeko irizpideak hauexek izan ziren:

1.- Ikasturteak aurrera egin ahala, bi ereduen arteko hasierako berezitasunek pisua galtzen dute, bi ereduetan erabiltzen dugun euskararekiko metodologia berdintzeko joera baitago.

2.- Bi ereduen nahasketak hizkuntza konpetentzia hobetzen du: Ume erdaldunak ez ditugu ondo euskalduntzen edo behintzat ez dugu euskalduntze hori errazten, eredu onik ez badute, hau da, ume euskaldunen presentziarik gabe. (Uri Ruiz Bikandi)

3.- Hizkuntza bera garatzeko ikasle guztiek hiztun naturalekin harremanetan egon behar dute.


4.- Euskal kulturari begira, ume euskaradunen eragina ezinbestekoa da bi gizarte ezberdin sor ez daitezen: euskaradunena eta erdaldunena.

5.- Guraso euskaradunek euskararekiko motibazioa lantzen lagundu dezakete kurtso hasierako bileretan, eta gelakideen artean izan behar dituzten kanpo harremanetan.

6.- Ikasleek euskara maitatzeko, maitatzen ikasi duten ereduak behar dituzte.

7.- Espezializazio taldekatze motak taldeen arteko desberdintasunak handitzen ditu.

8.- Umeen arteko harremanei erreparatuz, hasierako taldeak mantenduz gero, talde barruko interakzio-gatazkak areagotu egin daitezke. Umeak nahasten badira, berriz, aukera izango genuke taldeak orekatu ahal izateko.

9.- Gure hezkuntza proiektuan Eskola Inklusiboa bultzatzen dugu.

NOIZ ELKARTU TALDEAK?

Hainbat hizkuntza-adituen ustez, taldeak nahastu baino lehen bi baldintza hauek bete behar dira:

Oinarrizko irakurketa eta idazketa garatuak izatea. Gutxienezko hizkuntza-konpetentzia (ahozkoa zein idatzizkoa)

bereganatua izatea.

Bi baldintza horiek Lehen Hezkuntzako 1. zikloaren amaieran betetzen direnez, 2. zikloaren hasieran (LH 3.mailan) ikasleak nahastu egingo dira. Hori dela eta, LMHko 2.mailan dauden ikasleen familiei 3. hiruhilekoan eskutitz bat bidaliko zaie taldeen nahasketa egingo dela gogoratuz.

NOLA ELKARTU TALDEAK?

Lehen Hezkuntzako hirugarren mailan TALDE HETEREOGENEOAK sortu nahi izanez gero, irizpide hauek erabil daitezke:

1. Talde bakoitzean euskara menperatzen eta erabiltzen duten gutxieneko ikasle

kopurua ziurtatu.2. Taldeak osatzerakoan, ikasleen jarrera edota izaeraren ezaugarriak

kontuan hartu.3. Sexua dela eta, neska eta mutilen arteko oreka bilatu.4. Bikiak eta hirukiak banatu. 5. Hezkuntza behar berezitako umeengan erreparatu.

7.2. Hezkuntza sisteman sartzen diren ikasle berriak.


HH eta LMHn hezkuntza sisteman sartu baino lehenago ikasleen gurasoekin bi bilera egiten ditugu. Lehenengoa zuzendaritzarekin eta bestea tutorearekin. Bilera hauetan saiatzen gara elkar ulertzeko baliagarria den hizkuntza erabiltzen: gaztelania, frantsesa, ingelesa... DBH eta DBHOn orain arte horrelako ikaslerik ez dugu izan baina egonez gero, berdin jokatuko genuke.

Sisteman sartzen diren ikasle berriekin euskara izango da gehien indartuko dugun hizkuntza. Horretarako, ahal den neurrian, laguntzak eskaintzen saiatuko gara.

HH, LMH eta DBHn kanpotik etorri berriak diren ikasleekin edo sisteman denbora motza eman dutenekin hizkuntza bakoitzeko gaitasun-maila aztertu ondoren, zein neurritan landu behar diren adostuko dugu.

7.3 Hezkuntza Premia Bereziak

7.3.1. Gelako curriculuma erreferentzia duten ikasleekin:

HHn Hezkuntza Premia Bereziak dituzten ikasleek laguntza beti euskaraz jasoko dute.

LMHn eta DBHn Premia Bereziak dituzten ikasleek laguntza, gehienbat, euskaraz jasoko dute. Gaztelania eta ingelesa arloak ere hainbat kasutan indartuko dira.

7.3.2. Norbanako curriculuma erreferentzia duten ikasleekin:

LMHn eta DBHn Norbanako Curriculum Egokitzapena duten ikasleek languntzak, euskaraz jasoko dituzte. Beraien programazioetan gaztelania edota ingelesa arloak egokitu behar direla erabakiz gero, laguntzetan hizkuntza horiek erabiliko dira.

8. HIZKUNTZEN IKASKUNTZARAKO METODOLOGIA

8.1. Komunikazio ikuspegia.

Komunikazio ikuspegia azken urte hauetan sortutako metodologia korronte bat da, komunikazioan bertan oinarritzen dena. Metodologia horren arabera hizkuntza elkarrekintzan erabiliz garatzen da. Hau da, hizkuntza bat arau sistema hutsa baino gehiago da, hizkuntza-esanahiak sortzeko tresnarik garrantzitsuena da, eta erabiliz ikasten da. Hizkuntzaren elementuak ez dira era abstraktuan jasotzen, baizik eta barneratuak izaten dira esanahia duten neurrian soilik.


Ikuspegi horren arabera, hitzezko komunikazioaren osagaiak diren ULERMENA ETA ADIERAZMENA, ahoz zein idatziz, derrigorrez garatu eta landu beharko ditugu, oinarrizko gaitasunak baitira. Beraz, benetako komunikazioa eta hizkuntzen jabetza lortzeko ez da nahikoa izango hizkuntza idatziari dagozkion konpetentziak adieraztea ,baizik eta AHOZKO hizkuntzarekin zerikusirik dutenak ere agertzea .

Bestalde, gogoratu behar da hizkuntza- konpetentzia lortu ahal izateko komunikazioa ezinbestekoa dela. Konbentziturik gaude komunikazioa garatzeko metodorik eraginkorrena, aipatutako komunikazio ikuspegia dela. Beraz, komunikazioa izango da irakaskuntza-ikaskuntzaren estrategia nagusia.

Baina komunikazio horrek, hizkuntzaren jabekuntzara ailegatzeko bide den neurrian, hainbat baldintza bete beharko ditu:

Komunikazio testuinguru aberatsa:

Gelaren barruko ingurua (edukinak, baliabideak, paisajea...) ahalik eta biziaren eremu guztietako esperientziak eskaini behar dira.

Hizkuntzaren erabilera esanguratsua:

Irakasleok proposatutako ekintzek ikasleen behar eta interesei lotuta egon behar dute, hizkuntzarekiko lotura afektiboa lortzeko eta hizkuntza bera hurbilago eta erabilgarriago sentitzeko.

Kalitateko interakzioa:

Ikasle eta irakasleen arteko elkarrekintzaren kalitateak garrantzi berezia du hizkuntzaren jabekuntza prozesuan. Gelako interakzioan, irakaslea izan ohi da protagonista eta hizkuntza erabiltzailerik garrantzitsuena, eta askotan bakarra. Hori guztia dela eta, komunikazioa kalitatekoa izateko eta komunikazioaren joan-etorria bermatzeko, aukeratu dugu honako planteamendu didaktiko hau.

Hizkuntzaren gaineko hausnarketa:

Hizkuntzaren forma eta erregelen inguruko gogoeta egitea hizkuntzaren erabilera bera hobetzeko bide garrantzitsua da.

Beraz, lehen aipatu den moduan, benetako komunikazioa eta hizkuntzen jabetza lortzeko gogoratu ezinbestekoa dela AHOZKOTASUNA zein IDATZIZKO arloak neurri berean jorratzea.

HIZKUNTZAREN JABETZA

ahozko ulermena

ahozko adierazmena

idatzizko ulermena (IRAKURKETA)

idatzizko adierazmena

(IDAZMENA)

ahozko elkarrekintza

Komunikazio testuinguruaberatsa

Hizkuntzarenerabilera esanguratsua

Kalitateko interazioa

Hizkuntzarengaineko hausnarketa

KOMUNIKAZIOA


Goian aipaturiko metodologia komunikatiboa dela eta, euskaran, gaztelanian, ingelesan eta frantsesan, posible den neurrian, metodologia horretara gehien hurbiltzen diren testuliburuak aukeratuko ditugu.

8.2. Hizkuntza-komunikaziorako konpetentzia

Hizkuntza-komunikaziorako konpetentzia bloke handi batzuetan egituratzen da, DIMENTSIO deituak. Dimentsio horietako bakoitza AZPI-KONPETENTZIA batzuetan zehazten da, eta azpi-konpetentzia bakoitzak bere EBALUAZIO-ADIERAZLEAK izango ditu.

Hizkuntza-komunikaziorako konpetentzia honako DIMENTSIO hauetan egituratuta dago:

AHOZKOAREN ULERMENA IDATZIAREN ULERMENA MINTZAMENA IDAZMENA AHOZKO ELKARRREKINTZA

AHOZKOAREN ULERMENA dimentsioak Derrigorrezko Hezkuntza bukatzean ikasleen errealizazio pertsonal, akademiko, sozial eta profesionalerako beharrezkoak diren ahozko diskurtsoen zentzua berreraikitzeko trebetasun, ezagutza eta jarreren oinarrizko multzoa barne hartzen du. Dimentsio honek batez ere hizkuntzaren erabileraren bi arloekin du zerikusia: pertsonarteko harremanak eta komunikabideak.

IDATZIAREN ULERMENA dimentsioak Derrigorrezko Hezkuntza bukatzean ikasleen errealizazio pertsonal, akademiko, sozial eta profesionalerako beharrezkoak diren ahozko testuen zentzua berreraikitzeko trebetasun, ezagutza eta jarreren oinarrizko multzoa barne hartzen du. Dimentsio honek ezagutzaren gizartean funtsezkoak diren informazioaren tratamendu eta hautaketarako oinarrizko trebetasunak biltzen ditu.

MINTZAMENA dimentsioak Derrigorrezko Hezkuntza bukatzean ikasleen errealizazio pertsonal, akademiko, sozial eta profesionalerako


beharrezkoak diren ahozko diskurtsoak, batik bat norberak kudeatuak, ekoizteko trebetasun, ezagutza eta jarreren oinarrizko multzoa barne hartzen du. Dimentsio honen baitan, komunikazio-egoera ezberdinetara egokitutako ahozko diskurtsoen ekoizpena gobernatzen duten berariazko trebetasunak menderatu behar dira; diskurtso horiek beren edukiaren antolaeran koherenteak eta bateratuak izan beharko dute.

IDAZMENA dimentsioak Derrigorrezko Hezkuntza bukatzean ikasleen errealizazio pertsonal, akademiko, sozial eta profesionalerako beharrezkoak diren idatzizko testuak ekoizteko trebetasun, ezagutza eta jarreren oinarrizko multzoa barne hartzen du. Testuok askotarikoak eta ezberdinak izango dira, komunikazio-egoera anitzetara egokituak, edukiaren antolaeran koherenteak eta testualki bateratuak, eta alderdi formaletan zuzenak.

AHOZKO ELKARRREKINTZA dimentsioak Derrigorrezko Hezkuntza bukatzean ikasleen errealizazio pertsonal, akademiko, sozial eta profesionalari begira behar bezala garatu behar den pertsonarteko komunikazioa sustatzeko oinarrizko trebetasun, ezagutza eta jarreren multzoa barne hartzen du. Berariazko ezaugarriak dituen dimentsio bat da, batik bat esanahiaren negoziazio partekatuari eta arau soziokomunikatiboak errespetatzeari lotuak.

Al di berean, aipatutako hizkuntza-komunikaziorako konpetentziaren dimentsio bakoitza AZPI-KONPETENTZIA batzuetan zertzen da, jarraian doan taulan ageri direnak:


HIZKUNTZA KOMUNIKAZIOAREN KONPETENTZIA

IDATZIAREN ULERMENA

AHOZKOAREN ULERMENA

AHOZKOELKARREKINTZA

IDAZMENAMINTZAMENA

1. Ahozko testuen zentzu orokorra identifikatzea.

2. Ahozko testuenhelburua antzematea.

3. Ahozko testuetan,proposatutako helburuei begira garrantzia dutenínformazioak hautatzea.

4. Ahozko testuen edukia kritikoki interpretatzea.

5. Ahozko testu-motaezberdinak hobetoulertzeko estrategiak

6. Idatzizko testuen zentzu orokorra identifikatzea.

7. Idatzizko testuenhelburua antzematea.

8. Idatzizko testuetan,proposatutako helburuei begira garrantzia duten informazioak hautatzea.

9. Idatzizko testuen edukia kritikoki interpretatzea.

10. Idatzizko testu-motaezberdinak hobetoulertzeko

11. Komunikazio- egoeraren ezaugarriak aintzat hartzea.

12. Ekoizpen-prozesua planifikatzea.

13. Adierazi beharrekoa egoki eta zuzen adieraztea.

14. Kontroleko eta egokitzapeneko estrategiak erabiltzea.

15. Komunikazio- egoeraren ezaugarriak kontuan izatea.

16. Ekoizpen-prozesua planifikatzea.

17. Adierazi beharrekoa egoki eta zuzen adieraztea.

18. Kontroleko eta egokitzapeneko estrategiak erabiltzea.

19. Komunikazio- trukeetan modu aktibo eta egokian parte hartzea.

20. Arau soziokomunikatiboak errespetatzea.

21. Komunikazioari eusteko eta haren eraginkortasuna areagotzeko estrategiak erabiltzea.


8.3. Hizkuntza idatziaren irakaskuntza: noiz hasi?

Euskara. Ikasleek hizkuntza idatziarekin harremana HH-3 mailan izango dute. Beraz, irakurtzen eta idazten euskaraz ikasiko dute.

Gaztelania. Ikasleek hizkuntza idatzia LMH-2 mailatik aurrera ezagutu eta landuko dute.

Ingelesa. Ikasleek hizkuntza idatzia LMH1 mailatik aurrera landuko dute.

Frantsesa. Aukeratuz gero, ikasleek, hizkuntza idatzia DBH-3.mailatik aurrera ezagutuko dute.

8.4.- Hizkuntza formala eta ez formala.

Hizkuntzaren erabilera testuinguruaren arabera aldatzen da. Jakin badakigu geletan batez ere, hizkuntza formala lantzen dela. Hala ere, euskararen egoera kontuan hartuta, behar-beharrezkoa ikusten dugu gure ikasleek euskara ez formala ezagutu eta erabili behar dutela, bai gelan baita gelatik kanpo ere (atsedenaldietan, jantokian, autobusetan...). Beraz, orain arte egin dugun bezala, ikastetxeko etapa guztietan hizkuntza ez formala lantzen jarraituko dugu eta horretarako honako bideak erabiliko ditugu:

▪ Hizkuntza arloko testu-liburuetan agertzen diren abestiak, esaera zaharrak, bertsoak, olerkiak, kaleko hizkera eta abarrekoak landuko ditugu.(landuz)

▪ Normalkuntza Planean txertaturik dauden hainbat ekintzaren bitartez. Hona hemen adibide batzuk:

- HHn hilean behin hainbat jolas proposatuko dira, asteko egun zehatz batean jolastokian aritzeko.

- HH eta LMHn Euskararen astea antolatuko da.

- LMHn urtero KANTUZ BLAI izeneko jaialdia antolatuko da.

- LMHn 6. mailako ikasle talde batek bere etapako ikasle txikiagoei jolas batzuk ezagutaraziko dizkie patioan jolas daitezen.

- DBH 3. mailako ikasleentzat Bertso Tailerra antolatu eta Bertso Paper Lehiaketa egingo da.

- DBH 2. ziklo eta DBHOko ikasleei pasilloetako edo geletako kortxoetan atsotitz batzuk, denbora-pasak... ezagutzera emango zaizkie eta banakako edo gelako lehiaketak antolatuko dira.

- DBH eta DBHOko ikasleei motibagarria izan daitekeen hitzaldiren bat eskainiko zaie.


9. HIZKUNTZEN EBALUAZIOA

Ikastetxeko hizkuntza nagusia euskara izanik, bere irakaskuntzan eta ebaluazioan irakasle guztien parte-hartzea ezinbestekoa da. Hori dela eta, edozein arlo eta ikasgaietako programazioetan euskararen erabilera zuzena baloratuko den eta nola egingo den aipatuko da.

9.1. Ebaluazioaren ezaugarriak.

Gaur egun, hizkuntzei buruzko hausnarketa teorikoari garrantzi handia ematen diogun arren, hizkuntza komunikaziorako konpetentziaren beste arloak ere lantzen hasi gara. Ezagutzen eta edukin kontzeptualen ebaluaziotik konpetentzien ebaluaziora doan bidea jorratu behar dugu.Aldaketa horri erantzuten dion ebaluazioak ezaugarri jakin batzuk izango ditu:

Integrala : konpetentzia komunikatiboaren osagai guztiak (ahozkoaren ulermena, idatziaren ulermena, mintzamena, idazmena eta ahozko elkarrekintza) kontuan hartzen dituena.

Hezitzailea : Ikasleek ikaste prozesuan izan dituzten zailtasunak eta egin dituzten aurrerapenak identifikatu ondoren irakasleen praktika ikasleen behar errealetara egokitzen dena.

Kontestualizatua : hizkuntza komunikazio-testuinguru zehatz batean txertatuta egonik, elementu formal abstraktu bezala ebaluatu ezin dena.

Anitza : egoera eta ikasleen ezaugarrien arabera ebaluatzeko tresna ezberdinak erabiltzen dituena.

Partekatua : ikasle eta irakasleen arteko elkarrekintza ardatz izanik, ikasleari partaidetza eskaintzen diona.

9.2. Zer ebaluatu: dimentsioak .

Hizkuntza-komunikaziorako konpetentzia aztertzean aipatu dugun bezala, hizkuntza guztien ebaluazioan 5 DIMENTSIOAK kontuan hartuko ditugu: ahozko ulermena, ahozko adierazpena, idatzizko ulermena, idatzizko adierazpena eta elkarreragina.

LMHko zikloetan eta DBHko hizkuntzen mintegietan dimentsio bakoitzak zein balio duen zehaztuko da.

LMH 4 eta DBH 2 mailako ikasleei eginiko Ebaluazio Diagnostikoa aztertu ostean, eta emaitzek edozein hizkuntzatan eta dimentsiotan ahuleziaren bat adieraziz gero, dimentsio hori indartzeko hainbat erabaki hartuko dira eta hori guztia Hobekuntza Planak jasoko du.

Hobekuntza Planean proposatzen dena guztion artean egin behar dugunez, LMHko arlo eta DBHko ikasgai guztietako programazioek islatuko dute dimentsio horiek nola landu eta ebaluatu.


9.3. Noiz ebaluatu.

Arlo eta ikasgai guztietan bezala, hizkuntzen ebaluazioa hiru momentu ezberdinetan egitea ezinbestekoa da:

Hasierako ebaluazioa: ikasle batek dituen aurreko ezagupenak baloratzen dituena.

Ebaluazio prozesuala : ikas heziketa-prozesu osoan zehar egiten dena, eta ez azken mementuan soilik. Ebaluazio hezitzaile markoan, prozesu horretatik jasotzen diren datuek heziketa prozesuan aldaketak egitea ahalbideratuko dute.

Ebaluazio gehigarria : unitate tematiko bat amaitzean edo denbora jakin batean aplikatzen dena. Neurgarria izatearen ezaugarria du, ebaluazio mota horretan ikasle bakoitzari zenbaki bat ematen zaio eskala jakin batean.


10. HIZKUNTA PROIEKTUAREN JARRAIPENA

Hizkuntza Proiektuaren jarraipena egin ahal izateko lan talde bat osatzea beharrezkoa ikusten dugu.

10.1 Taldearen osaketa Hizkuntza Normalizazioa Teknikaria, Zuzendaritza taldeko partaide bat, Euskara, Gaztelania eta Ingelesa Mintegietako partaide bana.

10.2 Noiz bildu Hiru momentu ezberdinetan biltzea proposatzen dugu:Ikasturte hasieran (irailaren bukaeran)Ikasturte erdian (otsailean )Ikasturte amaieran (ekainean)

10.3 Zeregina

Lan talde horren eginkizunak honako hauek izango dira:▪ Hizkuntza Proiektuaren ikasturteko planifikazioa proposatu,

lehentasunak markatuz eta garatu beharreko puntuak aukeratuz.▪ Aurreikusitako jarduerak bultzatu eta koordinatu.

▪ Beste lan-taldeekin (Euskara batzordeak, Ebaluazio-Diagnostiko Batzordea, Hizkuntza-mintegiak, Zuzendaritza taldea…) jardutea, bakoitzak bere esparruko zereginak garatu ditzan.

▪ Eginiko lanaren jarraipena eta ebaluazioa egin.

hizkuntza proiektua jatorrizkoa

Documents