HUMANITATE ETA HEZKUNTZA ZIENTZIEN

FAKULTATEA

IKASLEAREN GIDALIBURUA

Ikus-entzunezko Komunikazioa Gradua 3. maila

2011-2012 ikasturtea

Ikus-entzunezko generoak 4 ECTS

6 ECTS

Irakaslea: Amaia Pavón Arrizabalaga Posta elektronikoa: apavon@mondragon.edu Telefonoa: 943 71 41 88 (5190 luzapena) Eskola egunak: astearteak (14:00-16:00) eta ostegunak (17:00-19:00) Tutoretzak: hitzordua eskatzeko idatzi mezua eta aipatu zein den kezka.

Ikaslearen gidaliburua Hezkuntza saioak telebistan

2 > Ikus-entzunezko Komunikazioa > 3. maila > 2011-12 ikasturtea

HUMANITATE ETA HEZKUNTZA ZIENTZIEN

FAKULTATEA

 1. SARRERA Telebista eta hezkuntzaren arteko harremana ahulduta aurkitzen dela diote adituek, espektakuluaren telebistaren garai honetan. Edukien analisia egiterako orduan baiezta dezakegu urriak direla helburu hezitzailea duten saioak. Are gehiago, badirudi zailtasunak daudela helburu hezitzaileak dituen telebista erakargarri baten pentsatzeko. Telebistagintzaren munduak enpresa egitura duen heinean ere, lan gutxi egiten da, bai ekoizleen aldetik, baita instituzioen aldetik ere, telebista hezitzaile baten pentsatzeko. Hausnarketarako eremu zabala eta interesgarria irekitzen zaigu, beraz, helburu hezitzaileak dituen telebistagintzan pentsatzerako orduan. Erronka horri heltzea izango da materiaren helburua, batetik, hezkuntza eta telebistaren arteko harremanean sakondu eta hausnartzeko, eta bestetik, helburu hezitzaileak dituen telebista ereduetan pentsatzeko.

2. IKASTE EMAITZAK ETA EDUKIAK: Materia hau sormen-tailer gisa pentsatuta dago, gaur egungo egoeraren analisitik abiatuta alternatiba edo proposamen berrietan pentsatzea da helburua. Honako hiru faseak nabarmentzen dira: Ikaste emaitzak

Edukiak

Gaur egungo telebistagintza ezagutzea eta ikertzea.

-Telebistagintzaren programazioaren azterketa. -Ikus-entzunezko generoen errepasua. -Gaur egungo telebistagintzaren gaineko hausnarketa.

Helburu hezitzaileak dituzten saioak identifikatzea eta ezagutzea.

-Genero desberdinetan dauden saioen azterketa, helburu hezitzaileei dagokionez.

Helburu hezitzaileak dituen produktu bat garatzea eta ekoiztea.

-Telebista saio bat sortzeko irizpideak, helburu hezitzaileei dagokionez.

Ikaslearen gidaliburua Hezkuntza saioak telebistan

3 > Ikus-entzunezko Komunikazioa > 3. maila > 2011-12 ikasturtea

HUMANITATE ETA HEZKUNTZA ZIENTZIEN

FAKULTATEA

3. EBALUAZIOA 3.1. ASISTENTZIA Eskola orduak taldeka parte hartzeko planteatu dira. Beraz, hau ez da etxean buruz ikasi beharreko materia. Hausnarketak partekatzea eta eskolan parte hartzea eskatuko zaio ikasleari. Ariketa asko eta asko ere eskolan hasi edota amaituko dira; eta etxean (bakarka zein taldeka) egindako hainbat jarduerak eskolan izango du jarraipena. Horrenbestez, era positiboan baloratuko dira: - eskola orduetako asistentzia - astez asteko lanak eginak izatea (taldeka zein bakarkakoak) - proiektuan eta talde-lanetan partehartze aktiboa izatea. 3.2. EBALUAZIOA Ebaluazioa jarraitua izango da. Horrek, besteak beste, arian-arian lan egitea eskatzen du, etenik gabe. Eta horixe da ebaluazio jarraituaren funtsa.

A) Notak jartzeko irizpideak:

-Lanak epe barruan besterik ez dira onartuko. Lanak epez kanpo entregatuz gero, ez dira kontuan hartuko. Egin gabetzat hartuko dira. -Lanek idazkerako minimoak bete beharko dituzte (beste materietan bezalaxe). -Lanak jatorrizkoak izango dira, propio landutakoak. -Lanen bat kopiatuz gero, ikaslea (edo taldea) deialditik kanpo geratuko da materia honetan.

B) Ebaluazioan aintzat hartzeko:

-Lan guztiak hartuko dira kontuan, nola bakarkakoak hala taldekakoak, hala nola, kalifikatuko ez direnak ere. -Kalifikatuko den lan bakoitzak bere nota izango du: 0etik 10era bitartekoa. -Entregatu ez diren lanek, edo epez kanpo entregatutakoek 0 nota izango dute. (Taldeko lana izanez gero, taldekide guztiek izango dute 0 lan horretan).