hausnarketa
TRANSCRIPT
HAUSNARKETA
Denok ohartzen gara gure bizimoduak jasan duen aldaketaz
azken urte hauetan; eta ez gara ari soilik hain ospetsu eta agerikoa
den egoera ekonomikoaz, izan ere, badira beste hainbat esparru ere
aldaketa sakonak pairatu dituztenak: teknologia berriak emandako
aurrera pausuei buruz ari gara.
Nork esango zien gure aitona – amonei beste kontinente
batean lanean dagoen semearekin hitz egiteko, eta are gehiago,
ordenagailu bati esker momentuan ikusteko aukera izango zuela.
Gu ere, ordenagailu bat etxean jaiotakoak bagara ere, konturatzen
gara zer – nolako asmakuntza den teknologia berriak biltzen dituen
tresna eta baliabide guztiak.
Hainbesteko zirrara piztu du teknologiak, hezkuntzan ere
sartzea izan dela azkenetako ideietako bat. Honen adierazlerik
argiena Eskola 2.0 proiektua dugu.
Eskola Programa 2.0, aurrerapauso handiak zekarren baliabide
bezala azaldu zen orain dela urte pare batzuk; izan ere, hezkuntzan
Informazioaren eta Komunikazioaren teknologia berriak sartzeaz
aparte, hezkuntza modu berri eta gaurkotu bat ikusteko aukera
ematen digu.
Digitalizazio honek gauza positiboak ekar ditzakeela soilik uste
dute askok. Baina gure zalantza bestelakoa da: benetan
eraginkorragoa bihurtu da hezkuntza berrikuntza hauei esker? Jakin
beharrean gaude, teknologiak modu desegokian erabiltzen badira
ondorio larriak egon daitezkeela.
Irakasle izango garen aldetik, ez dugu uste hainbesteko
onurarik ekartzen duen. Izan ere, irakasle jarduten duten askoren
iritzi eta komentarioak entzun izan ditugu, eta hauek ere behar
adina formakuntza eta zehaztasuna falta dela sumatzen dute .
Aldekoak dira, teknologia berriei ez diete uko egiten baina arazoa
bestelakoa da: ez dakite baliabideak modu egokian erabiltzen, eta
beraz, berdin – berdina da testuliburuekin ala ordenagailu bidez
irakastea, egitekoak oso gutxi aldatzen baitira eta beraz, hezkuntza
bere horretan jarraitzen du.
Gurea ere antzeko zalantza da. Teknologia berriei ez deritzegu
gaizki, hala eta guztiz ere, ez gara testuliburuak deuseztatzearen
aldekoak, uste baitugu irakaslearen jarreraren araberakoa ere dela
irakaskuntza egokia eta eraginkorra bereganatzea, eta azken honek
hartzen duela gehiengo partea.
Hau guztiagatik, “Eskola 2.0” programa sakonki aztertzea
erabaki dugu. Bildutako emaitzetan ikusi ahal izan dugu, gehiagoa
gure iritzi berekoa dela.
Batetik, ikasleak ditugu, pozik daudenak ikasteko modu berri
honekin. Denek ordenagailua erabiltzen oso trebeak direla eta
eskolan bat edukitzea gustuko dutela adierazi dute sarritan.
Gurasoek berriz, hezkuntzan aldaketa berri baten alde apustu egiten
dute ere haien esperientzia hein handi batean tradizionalegia eta
eskasa izan zelako. Hala ere, irakasleengan biltzen da proiektu berri
honen zama guztia eta hezkuntza eraginkorra izateko ardura.
Hortaz, teknologia berriak gure hezkuntza hobetzeko osagarri
izan behar direla uste dugu, eta horretarako, zer eskaini
diezaguketen ondo ezagutu beharrean gaude.
Irakasgai honek gure ikuspegia zabaltzeko aukera eman digu.
Izan ere, teknologia berrien inguruan aritu gara baliabide ugari
ezagutuz, gure ideiak plasmatuz,… ikasleekin jorratzea izan da
egiteke geratu zaigun urrats bakarra. Eta penaz.