Unibertsitatean Sartzeko Ebaluazioa

IKASTURTEA: 2019-2020

GAZTELANIA ETA LITERATURA II

Probaren edukia: lege indardunen arabera egokituko da

Probaren egitura

Azterketa zuzentzeko eta kalifikatzeko irizpideak

Unibertsitatean Sartzeko Ebaluazioa

IKASTURTEA: 2019-2020

IRAKASGAIA: GAZTELANIA ETA LITERATURA

Probaren egitura

Azterketak bi aukera dauzka, A eta B, eta ikasleak nahi duena hautatu, eta aukera

horretako galderei bakarrik erantzun behar die.

Aukera bakoitzak lau parte dauzka: Aukera bakoitzean testu bat dago ikasleak irakurtzeko.

Lehenengo partean testuaren ulermenari eta interpretazioari buruzko hiru galderei erantzun

behar die ikasleak. Bigarren partean testuaren egokitasunaren, tipologiaren eta

kohesioaren alderdiei buruzko hiru galderei erantzun behar die. Hirugarren partean bere

testu kritiko propioa idatzi behar du, egin zaion galdera bati arrazoituz erantzuteko.

Laugarren partean irakasgaiaren eduki literarioei buruzko galdera bati erantzun behar dio.

Atal bakoitzean adierazten da atal horrek zenbat puntu balio duen. Guztira hamar puntu

balioko du proba osoak, eta puntuak honela banatuko dira:

1. partea: 2,5 puntu.

2. partea: 3 puntu.

3. partea: 1,5 puntu.

4. partea: 3 puntu.

Unibertsitatean Sartzeko Ebaluazioa

IKASTURTEA: 2019-2020

IRAKASGAIA: GAZTELANIA ETA LITERATURA

Azterketa zuzentzeko eta kalifikatzeko irizpideak

Puntuak emateko 0,25 puntuko tarteak erabiliko dira.

1. ULERMENA ETA INTERPRETAZIOA (2,5 puntu)

Lehenengo galderak zenbait atal dauzka:

a) Gaia (0,5 puntu). Gaia idazteko aski dira bi lerro, ez da ohar gehigarririk behar, eta garbi adierazi behar da zein den autorearen asmoa.

b) Testua ulertzeko eta interpretatzeko galdera bati erantzun behar zaio (0,5 puntu). Testuaren datuekin arrazoituko du ikasleak erantzuna

c) Laburpena (1,5 puntu). Ez da izanen testuaren % 20 baino luzeagoa, eta lerroalde bakar batean idatzia egonen da balorazio pertsonalik gabe.

2. IRUZKIN LINGUISTIKOA (3 puntu edo, bestela, galdera bakoitzaren ondoan idatzia

dagoen balioa, bi galdera egiten badira enuntziatu berean).

Bigarren galderak zenbait atal dauzka:

Testuaren elementu nabarmenei eta adierazgarriei buruzkoa izanen da galdera, eta litekeena da testuaren egokitasunaren, tipologiaren edo/eta kohesioaren zenbait alderdi biltzea. Izan ere, zenbait galdera bideratu biltzen ditu, ikasleak zehatz eta argudio egokien bidez egin dezan arrazoiketa, hori baloratuko baitzaio. Zehaztasuna baloratuko da, halaber, eta argudio orokorrik ez erabiltzea. Alderdi bakoitzari dagokionez, hauek dira baloratzeko irizpide nagusiak:

a) Tipologia:

Testu mota eta testu sekuentziak (adierazteko modua): testuaren datuetan oinarrituz identifikatu eta arrazoitu egin behar da zein motatakoa den testua (argudiatzekoa, azaltzekoa, deskribatzailea, irakastekoa, narratiboa, elkarrizketa etab.) eta zein diren testuan azaltzen diren testu sekuentziak, zein lerrotan dauden esanez. Galdera honetan, testuaren antolaketaren iruzkina eginen du ikasleak, hala nahi badu. Honela adieraziko da galdera: "Iruzkindu testu mota eta zein diren testu sekuentziak".

Testuaren generoa zein den arrazoituko du ikasleak erabilera arloa kontuan hartuz. Atal honetan ez dira modu esplizituan iruzkindu behar funtzio linguistikoak (erreferentziala, deitzailea etab.). Honela adieraziko da galdera: “Iruzkindu testuaren generoa”.

b) Egokitasuna:

Atal honetan galdera bat edo batzuk eginen dira, bereiz, gai hauei buruzkoak:

Funtzio linguistikoak (erreferentziala, adierazpenekoa, deitzailea, metalinguistikoa,poetikoa, fatikoa): ikasleak identifikatu egin behar du zein den funtzio nagusia, etatestuaren datuekin arrazoitu zergatik, testuaren asmoaren arabera, eta zein diren bigarren mailakotzat hartzen diren funtzioak eta zein duten egitekoa testuan.

Autorearen egitekoa: ikasleak adierazi beharko du egoki ote diren kontzeptu hauek: autore erreala, autore eredugarria, eginkizun soziala, objetibotasuna/subjektibotasuna, tonua, testu polifonia, testuartekotasuna, enpatia eta baliabide erretorikoak. Subjektibotasunaren edo modalizazioaren bereizgarriak: ikasleak identifikatu egin

Unibertsitatean Sartzeko Ebaluazioa

IKASTURTEA: 2019-2020

IRAKASGAIA: GAZTELANIA ETA LITERATURA

behar ditu, arrazoitu eta iruzkindu subjektibotasunaren bereizgarriak.

Testu polifonia eta testuartekotasuna: ikasleak arrazoitu eta interpretatu egin behar ditu testuan agertzen diren ahotsak eta beren funtzioak.

Hartzailearen egitekoa: ikasleak arrazoitu eta interpretatu egin behar ditu hauei dagozkien kontzeptuak: hartzaile erreala, hartzaile eredugarria, presente/absente, alokutarioa (egoki bada), autore eta irakurtzailearen arteko harremana, jakintza entziklopedikoa.

Ahozkoa ez den kodea: ikasleak aztertu egin behar ditu irudia, tipografia, beste kode batzuk eta abarrak, eta erredundantzia edo osagarritasun erlazioa.

Ahozko kodea: ikasleak iruzkindu egin behar du zer dagokien barietate linguistikoei eta zer erregistro linguistikoari (estandarra, kultua, formal-kultua, lagunartekoa, arrunta).

Hori guztia behar bezala arrazoitu beharko du, testuko datuekin eta komatxo artean dauden hitzak zein diren eta zein lerrotan dauden esanez.

c) Kohesio lexikoa:

Atal honetan ikasleak testuaren antolaketa semantikoa eta sintaktikoa aurkitu behar du. Horretarako ongi identifikatuko du zer gairi buruz ari den testua (topikoa(k)/fokua(k)),

izan ere, testuaren erreferentea bait(ir)a, eta erreferentziazko mekanismo‐lexiko-semantikoak aurkituko ditu: errepikatzea, berriz esatea, inklusioa, kontraste erlazioak, familia lexikoa, eremu semantikoa eta esanahiaren erlazioak (eremu asoziatiboa). Honela adieraziko da galdera: “Iruzkindu kohesio lexikoa”.

3. IRITZI KRITIKOA EMATEKO TESTUA (1,5 puntu).

Ikasleak testu propio bat idatziko du, galdera moduan planteatzen zaion gai bati erantzuteko eta bere iritzi arrazoitua emateko. Zuzentzaileak testu hori baloratzeko hau hartuko du kontuan: diskurtso arrazoitu baten bidez, koherentziaz, kohesioz eta zuzen, eta arrazoiak emanez, iritzi bat defendatzeko ikasleak duen gaitasuna. Saihestekoak dira testuaren parafrasiak. Gutxienez ere 100 hitz idatzi behar ditu ikasleak. Ez da punturik kenduko testuak gutxieneko hori gainditzen badu. Horren gainetik, garrantzi handiagoa emanen zaio baloratzean testuaren zuzentasunari eta egokitasunari.

4. LITERATURA (3 puntu).

Irakasgaiaren eduki literarioei buruzko galdera bat egonen da. Edukiaren egokitasuna baloratuko da, bai eta erantzunaren zuzentasuna eta egokitasun formala.

5. ORTOGRAFIA.

Ikasleak ortografia akatsak behin eta berriz egiten baditu azterketan zehar, PUNTU BAT jaitsiko zaio gehienez ere, honela banatua:

‐0,25 puntu 5 tiletetik gora ez jartzeagatik, azentuazio arau orokorrek horrela eskatzen dutenean, diptongoak, hiatoak eta tilet diakritikoa duten hitzak barne.

‐0,25 puntu, grafietan oinarrizko bost akats egiteagatik.

‐0,25 puntu puntuazioagatik, bereziki komak jartzeagatik subjektuaren eta aditzaren artean edo aditzaren eta osagarrien artean.

‐0,25 puntu, ertzak ez jartzeagatik, aurkezteko modu zabarrarengatik edo letra irakurtezina edukitzeagatik. Azterketan idatzi eginen da zenbat puntu galdu dituen ikasleak kontu ortografikoengatik.