ETORKIZUNEKO TREBETASUNAK

ZEINTZUK DIRA GAUR EGUNGO ERREALITATE ALDAKORREAN ERA EGOKIAN ARITZEKO BEHAR DITUGUN TREBEZIAK?

Gure ustez, etorkizunari begira, beharrezkoak diren hainbat trebezia eskuratu behar dira. Hasteko, elkarlanean aritzea ezinbestekoa da. Ikaskuntza eredu zaharrean, klasea irakasleak zuzentzen zuen eta ikasle guztiek berak esandakoa egiten zuten. Gaur egon ordea, irakasleak gidari lana burutu behar du, jada ez da autoritarioa. Beraz, honek aukera ematen du klasearen funtzionamendua taldekakoa izan dadin.

Beste trebezia bat, digitala eta teknologikoan aurkitzen da. Gaur egungo ikasleak etorkizunari begira egon behar direnez, trebezia honek berebiziko garrantzia dauka, bere bizitza osoan zehar azalduko baita. Eta dudarik gabe, irakaslearen lana ikaslea etorkizunari begira prestatzea da, ikasleak eguneratuta edukitzea.

Trebezia honekin jarraituz, irakasleak ikasleei ohartarazi behar die interneten dauden arriskuez. Nahiz eta arrisku hauek asko ez izan, ikasleek hauen berri izan behar dute eta hauei irtenbidea ematen jakin.

Azkenik, teknologiak eskaintzen dizkigun baliabidez ikasiz, erronka berriak gainditzeko estrategiak sortzen dira. Hala nola, bideojokoetan erabiltzen diren estrategi eta abileziak mundu errealean aplikatzeko gai izango dira.

Frogatuta dago trebetasun hauek garatzen dituzten haurrak beraien etorkizuneko lanetan abilagoak direla. Adibidez, medikuntzak teknologiak berriak sartu direnez, hauekin hurbiltasuna izateak lagundu egiten du. Azken finean, gaur egungo gizarteko esparru guztietan teknologia txertatuta dagoenez, ikasleak hauek kudeatzeko gai izan behar du.