ETB 1, ETB 3,“Euskadi” e “Gaztea”

en Navarra!!La basca qu'ei ua lenga pròpria de Navarra, atau arreconeishut per lei Foral 18/1986, de 15 de deseme, deu vascuence, art. 2). Maugrat açò, nombroses obstacles tecnics e legaus empachan la sintonizacion deus seguents MEJANS DE COMUNICACION EN EUSKARA, qu'emeten des de la Comunitat Autonòma Basca:

-ETB 1: Sonque se pòt veder en television analogica.

-ETB 3 (television infantila): Se pòt pas sintonizar ne en digitau ne en analogic.

-Ràdio “Euskadi irratia”: Se pòt pas sintonizar en tots los lòcs de Navarra.

-Ràdio “Gaztea” (ràdio musicau entà joens): Se pòt pas sintonizar en la comarca de Pamplona, a on viu la majoritat de bascoparlants de Navarra.

È ací un compromís assumit per Espanha en Euròpa que se complís pas en Navarra:

“Las Parts se comprometen a garantir la libertat de recepcion dirècta de las emissions de ràdio e de television deus païses vesins en ua lenga parlada de manèra identica o semblanta a ua lenga regionau o minoritària,e a pas s'opausar a la retransmission d'emissions de ràdio e de television deus païses vesins en dita lenga.”

(Carta Europèa de las Lengas Regionaus o Minoritàrias, article 11.2)

En 2012, lo partit politic Eusko Alkartasuna installèt ua antena entà que la cadea ETB 1 se podesse espiar en television digitau en la comarca de Pamplona. Lo Govèrn de Navarra los denoncièt en Govèrn d'Espanha, lo quau retirèt l'antena e impausèt ua amenda de 45.000 euros a Eusko Alkartasuna.