eleanitz
DESCRIPTION
eleanitz,dbhTRANSCRIPT
ELEANITZ: INGELESA IKASTEKO METODOLOGIA BERRIAK
Hamar urte pasatu dira Andra Mari Ikastolak Eleanitz Proiektuaren alde
apustu egin zuenetik. Baina, zergatik Eleanitz? Europan bizitzeko eta bertan
integratzeko, euskaraz eta gaztelaniaz gain, euskaldunok beste europar
hizkuntzak menderatzea beharrezkoa delako. Horrez gain, euskarak bere
hizkuntza eremuan behar duen garapen osoa lortzea eta euskaldunok beste
hizkuntzak ezagutu eta erabiltzea nahi dugulako. Gainera, atzerriko hizkuntzak
ikasteko erabilitako ohiko bideek ez zuten baliorik eskaintzen eta biderik
aproposena murgiltze goiztiarra zen; 4 urtetik aurrera.
Eta honelaxe hasi ziren, hain zuzen ere, aurtengo DBH 2. mailako
ikasleak 2002-2003. ikasturtean “Ready for a Story” materiala erabiltzen.
DBH 2. mailako ikasleak Dublinera joango dira ikasketa bidaian
Aurten lehendabiziko aldiz DBH 2. mailako ikasleak atzerrira;
Dublinera, joango dira ikasketa bidaian. Ikasturte guztian zehar gurasoek eta
ikasleek lan handia egin dute bidaiarako dirua ateratzeko asmoz.
Bertan ingelesa praktikatzeaz gain leku asko bisitatuko dituzte: Croke
Park, Phoenix Park eta bertako zooa, garai bateko kartzela, Trinity College,
Saint Stephen’s Green… eta oso ongi pasatu dute.
Aurten ere konpetentzien bidetik
Konpetentzietan oinarritutako irakaskuntzak aldaketa handiak ekarriko
ditu hezkuntzara. Hori dela eta Ikastolen Elkartean material didaktikoak
berritzen hasiak dira dagoeneko.
Sortzen ari diren materialak probatzeko beharra ikusita zenbait ikastola
gaztelania, euskara, ingelesa, gizarte, natur eta matematikako unitateak
pilotatzen ari dira geletan. Andra Mari Ikastolan DBH 1 A eta DBH 1 B
geletan ingeleseko material berria frogatu dute 3. ebaluaketan eta esperientzia
positibo eta aberasgarria izan da.
Ikasmaterial berri hauetan IKT (Informazio eta Komunikazio
Teknologiak) konpetentzia bermatu nahi izan da eta horretarako paper
euskarrian garatutako jarduerak eta jarduera digitalak (moodle-a) erabili
dituzte. Aurretik irakasleek prestakuntza jaso behar izan dute.