2 3 - 2 4 . 0 2 . 2 0 1 3星期六 15:00
星期日 11:00 / 15:00.Art
陳馨旋 導演及改編老鼠團長依家喺北京嘅中央戲劇學院導演系讀緊書。曾畢業於澳門演藝學院戲劇學校基礎表演課程及完成表演深造一級課程。我曾經導演嘅作品有《世界末日的婚禮》、2010澳門城巿藝穂節《漂流者》及《安蒂崗妮》。我最鍾意嘅植物係怕醜草，因為它低調樸實，卻又努力活著；由於它很怕醜，所以我們要好好與它做朋友。
盧偉研 音樂總監、作曲、編曲及填詞Hi！大家可以叫我Simon鼠，平日最鍾意演戲、作曲同埋寫歌詞。我以前讀過澳門演藝學院戲劇學校「創作性戲劇」課程同「表演基礎」課程，仲做過三次校際優異生添呀！而家係澳門演藝學院青年劇團團員。2012年憑作曲及填詞作品《變奏時代》於第十屆「澳門至愛新聽力」獲「至愛歌曲奬」。由我作 曲 同 填 詞 的 演 出 有 音 樂 劇 《 我 的 非 常 老 竇 》（革 新 版 ）、小 山 藝 術 會《我要上天的那一晚》及《反斗西遊記》等等。講到我最like嘅植物就一定係蒲公英喇！因為佢會隨住微風喺空中自由自在咁飛翔，真係睇到都開心呀！
巫嘉敏 舞台及服裝設計見到大家真係好開心！我係毛毛鼠，係香港演藝學院學士（榮譽）學位畢業生，主修舞台及電影設計。我參與設計的演出喺香港澳門都有。近期製作有香港藝術節《回收旖旎時光》、澳門演藝學院《天琴傳說》及《竹蔞中》的服裝設計。我最鍾意鬱金香，因為它外型很特別很美。
DoubleM 道具設計你地好！我鍾意人地叫我Double鼠。我喺台灣成功大學度畢業，主修讀規劃與設計學院工業設計，係咪好得意嘅科目呢？最近為葛多藝術會的《枕頭人》擔任道具設計及製作、為Stage Fans《變心人》設計海報及場刊等。我最鍾意紫丁香，小巧卻顯得大體，低調而不失高雅。
李祉霖 化妝設計小朋友，我係Bonnie鼠媽媽！依家係自由劇場演員及劇場化妝師，同過好多個劇場合作，經常會接觸舞台化妝的工作。好似戲劇農莊的《修羅道》、澳門劇社的《近水樓台 》同小山藝術會《馬騮仔擊鼓夢》咁，我都有份化妝㗎！
陳飛歷 舞台監督我係老貓飛歷！我係葛多藝術會創團成員之一，仲係會長添！畢業於中央戲劇學院導演系。今次我的主要任務係喺後台睇實一班老鼠仔呀！老貓最鍾意的植物係小草，因為它有頑強的生命力！
黃梓鋒 助理舞台監督各…各…各位！HELLO！雖然我只係曾經參與《枕頭人》及《PLAYGAMES》的舞台助理，但係我任勞任怨，請記住，我係超音鼠，多多指教！我最鍾意楓葉，因為佢會隨季節不同而轉變顏色，就好像做人有彈性，可以看情況做事，不一定要依足規定。
李燕華 助理舞台監督大家好！人人都叫我包包鼠。依家係一名大學一年級的學生，由高中接觸戲劇，自此便愛上了。我最鍾意番石榴，因為它又香又甜又好味!
袁一豪 飾演小精靈大家好呀！我係葛多藝術會成員，我係BABY鼠。除此之外，我仲係MASSFX馬戲團嘅成員黎添！我依家讀緊澳門演藝學院戲劇學校表演入門。曾經做過亞洲青年匯演《星光下的蛻變》、《最後決定發花癲》等演出。仲參加過兩年嘅澳門拉丁城區幻彩大巡遊，而我就係負責踩高蹺，係咪好犀利呢？我最鍾意蒲公英，因為可以隨風飄。
郭曉瑩 飾演精靈公主各位小朋友好，我有個花名，叫袋鼠。我很喜歡戲劇，依家喺台灣藝術大學戲劇系讀緊書，係葛多藝術會成員。以前有演過《青春的覺醒》、《尚在人間的沉船》等演出。我最喜歡的花是向日葵，因為向日葵會跟著太陽從東往西移動，好似小朋友一樣活潑可愛。
譚業祥 飾演精靈王子各位好！我就係近視鼠！我係葛多藝術會的成員，依家喺澳門演藝學院戲劇學校讀緊表演課程三級。我最鍾意就係做演員，我演過天邊外（澳門）劇場的《海鷗》、《安蒂岡妮》、《路，不分男女》等好多的戲！
何芷遊 飾演阿乃HELLO！大家可以叫我FLORA鼠。我曾經喺澳門演藝學院戲劇學校修讀青少年及表演入門戲劇課程，仲有表演基礎二級課程。喺第十四屆新秀劇場比賽入面獲得演技獎，依家係葛多藝術會的成員，我演過好多唔同類型的戲，例如有《安蒂岡妮》、《青春的覺醒》等。我最鍾意雞蛋花，問下媽咪佢係雞蛋定係花？
徐靈芝 飾演媽媽小朋友，我係松鼠呀！我畢業於澳門演藝學院戲劇學校的表演基礎課程同戲劇語言課程。我好好學㗎，依家仲繼續讀緊戲劇教育。我係葛多藝術會的成員。我細個果陣，曾經喺第十五屆校際戲劇比賽中以《科迪利亞！科迪利亞！》（培華中學）一劇獲得「演技優秀女演員獎」優異獎。近年參加演出的戲包括《芳心之罪》及《安蒂岡妮》。我鍾意桂花，因為桂花的花香是淡淡的清香。我仲好鍾意食桂花糕，好好味。
蔡穎鋒 飾演爸爸各位細路仔，請叫我鋒鼠！葛多藝術會的成員。澳門演藝學院的三年制青少年劇場培訓課程對於我嚟講有好大得著。我演過唔少戲，呢度我就簡單寫幾套啦！2010澳門藝穗節《漂流者》及《家庭三部半》等。我最鍾意的植物係太陽花，你估吓點解？
吳嘉偉 飾演商人大家好，我係Gary鼠呀！可以再一次做兒童劇比各位睇真係令我好雀躍呀！各位小朋友，我已經想像唔到將來地球如果無曬花草樹本會變成點喇！愛護環境就係我地嘅使命，小精靈嘅家園，甚至地球嘅生命就掌握喺我地手嘞！我最鍾意嘅花朵就係向日葵，因為每次見到向日葵，佢都會好似對住你笑咁，令我覺得清新開朗！
莫群莊 飾演商人隨從喲喲喲！我係莊莊鼠呀！我之前得到澳門文化局同澳門基金會的資助，去左台北藝術大學戲劇學系讀書，主修表演。我喺澳門及台灣都演出過，例如有《The Gutter》（澳門）、《Rabbit Hole》（台灣）。我最喜歡的植物是仙人掌，除了因為它的形狀很可愛，它還帶給我一種堅強，不屈不撓的感覺，我就是喜歡它內柔外剛的性格。
陳詩彥 飾演商人隨從多謝你地嚟睇我鬼鼠呀！我係澳門演藝學院戲劇學校表演二級學生。我仲讀過青少年戲劇一級同面具與默劇等課程。依家係葛多藝術會成員。我好積極參與台前幕後的工作㗎，我演過文化中心開箱作業《安蒂岡妮》、《五小葛》等。我喜歡藍色的葡萄風信子，它的花絮是由下而上漸次開花，那成串圓滾滾的藍紫色小花讓人有一種別緻的感覺。
胡嘉琪 飾演商人隨從蕃鼠歡迎你地嚟到森林玩呀！我係葛多藝術會成員，已經讀完三年的青少年戲劇及表演入門課程，現在就讀澳門演藝學院表演二級課程。曾參與的演出有2011年澳門藝術節《THE HOOD》、《不要讓你記住時間－黑洞》及《Dealer星球》。我最鍾意就係太陽花喇，因為佢地好似成日都望住我笑，好似太陽咁溫暖。
佳音歌詠團 合唱團 化地瑪聖母女子學校中學佳音歌詠團以培養學生對合唱的興趣、愛好為動力，豐富學生的課餘文化生活，每週進行有系統及多元化的訓練，以提高學生的音樂知識、演唱技巧和音樂素養，培養他們團結合作的精神。在過去數年間，歌詠團曾參與不同的交流演出及比賽活動，包括武漢音樂交流之旅、與澳門樂團聯合演出的《露天音樂會》、校際歌唱比賽及校園之星比賽等。
表演團體鳴謝單位澳門騰得會澳門街舞文化藝術促進會化地瑪聖母女子學校
故事簡介 原著《綠色精靈之歌》描寫一位畫家和他的女兒阿乃外出旅行，來到一片茂密的大森林
裡。阿乃和小精靈邂逅相遇，成為知心朋友。但貪婪的商人為了謀取暴利，竟千方百計
要砍伐森林，令小精靈馬上會無家可歸，阿乃一家於是與小精靈們與商人鬥智鬥力。幾
經波折，他們齊心合力，終於用智慧戰勝了唯利是圖的商人，保住了綠色的森林。故事
主旨是呼籲人們要保護森林，保衛自然的生態平衡。
導演的話 哈哈哈！各位小朋友，我係老鼠團長呀！首先要多謝各位入場嚟睇呢個演出，當然仲有
喺身邊陪住佢地嘅大朋友啦！老鼠團長其實同在座嘅咁多位小朋友一樣，第一次嚟到呢
個地方做演出，既緊張又興奮！我由細到大都好鍾意將各種食剩的水果核，放入泥土中
加水灌溉，實驗吓可唔可以長出另一棵水果樹，至於結果係點？就留返比小朋友你地喺
屋企試下啦！我希望各位睇完呢個戲嘅小朋友，再走出劇場時，可以多D望下街上嘅植
物，估吓佢地叫咩名？最重要嘅係，多D望綠色植物，對眼仔都會大D靚D㗎！
劇團簡介大老鼠兒童戲劇團成立於2012年7月，屬非牟利性質的藝術團體，宗旨為培育兒童及青
少年的藝術素質，強調發揮創意，透過戲劇與澳門不同階層的人交流，發揮戲劇的社會
用途。希望透過舉辦演出、培訓課程、工作坊、讀劇會、義演等一切有助培養兒童藝術
素質的活動，從小建立對藝術的正確認知。本會希望透過國內外的經典戲劇作品，啓發
兒童主動對生活的思考，關愛身邊的人事物。
創作及製作人員原著：松谷美代子
創作及製作指導：李國威
導演及改編：陳馨旋
音樂總監、作曲、編曲及填詞：盧偉研
佈景及服裝設計：巫嘉敏
化妝設計：李祉霖
道具設計：DoubleM
編舞：澳門街舞文化藝術促進會
舞台監督：陳飛歷
執行監製及執行舞台監督：簡栢齡
助理舞台監督：黃梓峰、李燕華、吳璟賢
佈景助理：陳家彥
服裝助理：關沛欣、高凱琳
合唱團：佳音歌詠團
演員：袁一豪、郭曉瑩、譚業祥、何芷遊、
徐靈芝、蔡穎鋒、吳嘉偉、莫群莊、
陳詩彥、胡嘉琪
主任．Directora．Director
區慧思．Nelma Wong Morais Alves
節目及市場推廣．Programação e Marketing．Programming & Marketing
藍康．Pedro Lencastre | 李羅卿．Samantha Lei | 周卓輝．Jeremy Chau
設計．Design
余偉業．Erik Yu
客戶服務‧Serviço de Apoio ao Público‧Customer Services
巢孟翎‧Margarida Chau
舞台．Palco．Stage
郭志明．Kok Chi Meng
初生之犢不畏虎，「大老鼠」同樣不怕天高地厚！
《小精靈物語》是「大老鼠兒童劇團」初次啼聲的創團作，
亦是陳馨旋首次執導的兒童劇。看起來像個小女孩的她，有
時很難想像她在劇場裡發施號令的模樣，然而她就是能讓你
驚訝：去年「開箱作業」在戶外藝術廣場進行的《安蒂岡妮》，
她就帶著包括自己在內的十四個演員和整個製作團隊，在敞
闊的空間與寒風中，為我們帶來一場熱血沸騰的古希臘悲劇；
而今年，她又轉向完全不同的方向執導兒童劇，更成為首個
在文化中心新空間.Art (Dot Art)上演的作品。從學院演
出到參與Mo Sir 的「毛俊輝戲劇友導計劃」的演出；從2010
年在會議室上演的「開箱作業」作品《家庭三部半》演員，
到環境劇場《安蒂岡妮》的導演，未知的路挑戰重重，但陳
馨旋卻敢於抓緊夢想的尾巴追尋新方向。如今，夢想帶著她
跑到了北京的中央戲劇學院，在學期間仍不辭勞苦兩地奔波
進行創作。一次又一次的嘗試，印証著這陽光女孩的成長，
在孩子氣的笑容下，是一股無畏無懼的創作精神。
創作的路，沒有路標，沒有捷徑，只能一步一腳印的走下去；
每次創作，不論大小，不論成敗，只要踏出去，都是向前邁進。
這條路沒有盡頭，卻有無限的熱誠與無數個伙伴。透過「開箱
作業」，我們希望能開出一片自由的空間、鋪出一小段路，讓
一眾敢於挑戰未知的創作人實現他們的獨特異想。劇場的核
心，不是最華麗的佈景、最炫目的效果，而是敢夢敢做敢跨出
去的衝勁，以及真誠的分享：與自己，與伙伴，與劇場裡的你。
感謝你，今天與我們一同見證……
《小精靈物語》在.Art (Dot Art)的誕生！
節目進行期間，請關上手提電話及鬧錶等響鬧裝置；場內禁止吸煙或飲食，並嚴禁未經許可之攝影、錄影或錄音。多謝合作！ 演出時間約為45分鐘，不設中場休息。遲到人士須待節目適當時候方可進場。適合4歲及以上觀眾。粵語演出。
主辦機構保留更換節目及∕或表演者的權利。 為支持環保，閣下若不欲保留此場刊，請交回入口處，多謝各位。電子場刊可於澳門文化中心網頁下載：www.ccm.gov.mo
陳馨旋 導演及改編老鼠團長依家喺北京嘅中央戲劇學院導演系讀緊書。曾畢業於澳門演藝學院戲劇學校基礎表演課程及完成表演深造一級課程。我曾經導演嘅作品有《世界末日的婚禮》、2010澳門城巿藝穂節《漂流者》及《安蒂崗妮》。我最鍾意嘅植物係怕醜草，因為它低調樸實，卻又努力活著；由於它很怕醜，所以我們要好好與它做朋友。
盧偉研 音樂總監、作曲、編曲及填詞Hi！大家可以叫我Simon鼠，平日最鍾意演戲、作曲同埋寫歌詞。我以前讀過澳門演藝學院戲劇學校「創作性戲劇」課程同「表演基礎」課程，仲做過三次校際優異生添呀！而家係澳門演藝學院青年劇團團員。2012年憑作曲及填詞作品《變奏時代》於第十屆「澳門至愛新聽力」獲「至愛歌曲奬」。由我作 曲 同 填 詞 的 演 出 有 音 樂 劇 《 我 的 非 常 老 竇 》（革 新 版 ）、小 山 藝 術 會《我要上天的那一晚》及《反斗西遊記》等等。講到我最like嘅植物就一定係蒲公英喇！因為佢會隨住微風喺空中自由自在咁飛翔，真係睇到都開心呀！
巫嘉敏 舞台及服裝設計見到大家真係好開心！我係毛毛鼠，係香港演藝學院學士（榮譽）學位畢業生，主修舞台及電影設計。我參與設計的演出喺香港澳門都有。近期製作有香港藝術節《回收旖旎時光》、澳門演藝學院《天琴傳說》及《竹蔞中》的服裝設計。我最鍾意鬱金香，因為它外型很特別很美。
DoubleM 道具設計你地好！我鍾意人地叫我Double鼠。我喺台灣成功大學度畢業，主修讀規劃與設計學院工業設計，係咪好得意嘅科目呢？最近為葛多藝術會的《枕頭人》擔任道具設計及製作、為Stage Fans《變心人》設計海報及場刊等。我最鍾意紫丁香，小巧卻顯得大體，低調而不失高雅。
李祉霖 化妝設計小朋友，我係Bonnie鼠媽媽！依家係自由劇場演員及劇場化妝師，同過好多個劇場合作，經常會接觸舞台化妝的工作。好似戲劇農莊的《修羅道》、澳門劇社的《近水樓台 》同小山藝術會《馬騮仔擊鼓夢》咁，我都有份化妝㗎！
陳飛歷 舞台監督我係老貓飛歷！我係葛多藝術會創團成員之一，仲係會長添！畢業於中央戲劇學院導演系。今次我的主要任務係喺後台睇實一班老鼠仔呀！老貓最鍾意的植物係小草，因為它有頑強的生命力！
黃梓鋒 助理舞台監督各…各…各位！HELLO！雖然我只係曾經參與《枕頭人》及《PLAYGAMES》的舞台助理，但係我任勞任怨，請記住，我係超音鼠，多多指教！我最鍾意楓葉，因為佢會隨季節不同而轉變顏色，就好像做人有彈性，可以看情況做事，不一定要依足規定。
李燕華 助理舞台監督大家好！人人都叫我包包鼠。依家係一名大學一年級的學生，由高中接觸戲劇，自此便愛上了。我最鍾意番石榴，因為它又香又甜又好味!
故事簡介 原著《綠色精靈之歌》描寫一位畫家和他的女兒阿乃外出旅行，來到一片茂密的大森林
裡。阿乃和小精靈邂逅相遇，成為知心朋友。但貪婪的商人為了謀取暴利，竟千方百計
要砍伐森林，令小精靈馬上會無家可歸，阿乃一家於是與小精靈們與商人鬥智鬥力。幾
經波折，他們齊心合力，終於用智慧戰勝了唯利是圖的商人，保住了綠色的森林。故事
主旨是呼籲人們要保護森林，保衛自然的生態平衡。
導演的話 哈哈哈！各位小朋友，我係老鼠團長呀！首先要多謝各位入場嚟睇呢個演出，當然仲有
喺身邊陪住佢地嘅大朋友啦！老鼠團長其實同在座嘅咁多位小朋友一樣，第一次嚟到呢
個地方做演出，既緊張又興奮！我由細到大都好鍾意將各種食剩的水果核，放入泥土中
加水灌溉，實驗吓可唔可以長出另一棵水果樹，至於結果係點？就留返比小朋友你地喺
屋企試下啦！我希望各位睇完呢個戲嘅小朋友，再走出劇場時，可以多D望下街上嘅植
物，估吓佢地叫咩名？最重要嘅係，多D望綠色植物，對眼仔都會大D靚D㗎！
劇團簡介大老鼠兒童戲劇團成立於2012年7月，屬非牟利性質的藝術團體，宗旨為培育兒童及青
少年的藝術素質，強調發揮創意，透過戲劇與澳門不同階層的人交流，發揮戲劇的社會
用途。希望透過舉辦演出、培訓課程、工作坊、讀劇會、義演等一切有助培養兒童藝術
素質的活動，從小建立對藝術的正確認知。本會希望透過國內外的經典戲劇作品，啓發
兒童主動對生活的思考，關愛身邊的人事物。
創作及製作人員原著：松谷美代子
創作及製作指導：李國威
導演及改編：陳馨旋
音樂總監、作曲、編曲及填詞：盧偉研
佈景及服裝設計：巫嘉敏
化妝設計：李祉霖
道具設計：DoubleM
編舞：澳門街舞文化藝術促進會
舞台監督：陳飛歷
執行監製及執行舞台監督：簡栢齡
助理舞台監督：黃梓峰、李燕華、吳璟賢
佈景助理：陳家彥
服裝助理：關沛欣、高凱琳
合唱團：佳音歌詠團
演員：袁一豪、郭曉瑩、譚業祥、何芷遊、
徐靈芝、蔡穎鋒、吳嘉偉、莫群莊、
陳詩彥、胡嘉琪
