concello de verín
TRANSCRIPT
-
8/18/2019 concello de verín
1/2
Ciclo de conferencias "Crenzas antigas e Mitoloxía" en VerínMartes, 26 Abril 2016 13:59
Entre o 4 e o 12 de maio terá lugar o Ciclo de conferencias Crenzas Antigas e Mitoloxía no
Salón de Actos da Casa da Cultura de Verín. Así o confirmaron esta mañá a concelleira de
Cultura, Emilia Somoza, e o responsable da Biblioteca Pública Municipal de Verín, Vicente
Rodríguez Justo, na casa consistorial.
Devandita iniciativa, organizada pola Biblioteca Municipal do Concello de Verín, estará
composta por catro sesións:
O mércores 4 de maio terá lugar a primeira conferencia do ciclo, O libro de San Cipriano. Félix
Castro Vicente, antropólogo e músico abordará, dun xeito divulgativo, a figura de San Ciprianode Antioquía, Santo Mártir do século III D.C, e da súa vinculación con prácticas máxicas
relixiosas en toda Europa, fundamentalmente a “Oración de San Cipriano”. O relator realizará
un breve percorrido polas diversas versións encontradas da Oración e do Libro, a súa
vinculación en Galiza coa busca de tesouros, e concretamente cos localizados na provincia de
Ourense e na contorna de Verín.
Por outra banda, o xoves 5 de maio realizarase un visionado do documental Sapos e Bruxas,
de Luís Pedreira. Trátase dun traballo audiovisual no que se explica porque, e de que forma,xurdiu en Montalegre o fenómeno do venres 13, a través de varias recreacións de historias e
1 / 2
-
8/18/2019 concello de verín
2/2
Ciclo de conferencias "Crenzas antigas e Mitoloxía" en VerínMartes, 26 Abril 2016 13:59
lendas de Barroso, do testemuño dalgúns dos principais intervenientesno evento, e da man
doutros coñecedores da cultura galaico-transmontana. O finalizar o visionado haberá una
Charla-coloquio moderada por José R. Cruz.
O mércores 11 de maio, Miguel Losada Pérez (SAGA) levará ao público cara a unha parte
pouco transitada do seu imaxinario colectivo coa conferencia O mundo
da morte, as ánimas e os defuntos
. Losada versará, a través de catro exemplos, sobre o caso da Cultura Galega, que pariu mitos,
ritos e deuses dun xeito tan competente como pouco divulgado.
Por último, a conferencia Crenzas antigas e mitoloxía no norte peninsular, o xoves 12 de maio,pechará o ciclo temático. Toti Martínez de Lezea, escritora, tradutora, guionista, columnista e
presentadora (ETB), achegará aos asistentes algunhas das antigas prácticas e crenzas do
norte peninsular que chegaron ata os nosos días, como os ritos dos solsticios de verán e
inverno, os entroidos, os cardos solares protectores dos fogares contra os malos espíritos, ou
as mencións á Dama Mari, última reminiscencia europea dunha Deusa Nai.
Todos os actos programados no ciclo Crenzas antigas e Mitoloxía terán lugar no Salón de
Actos da Casa da Cultura de Verín (Rúa Irmáns da Salle) ás 19:30 horas.
2 / 2