cómo funciona'l marxismu

CHRIS HARMAN CÓMO FUNCIONA’L MARXISMU

5

ENTAMU

Esiste un mitu mui espardíu: "el marxismu ye complicáu". Esti foi apregonao polos enemigos

del socialismu -Harold Wilson, un líder llaborista británicu importante, ufanábase de nun ser

nunca capaz de dir más allá de la primer páxina d'El Capital. Y ye un mitu que tamién foi

defendíu por un tipu particular d'académicos, que se dicen "marxistes": ellos arrémente

utilicen frases escures y espresiones místiques, al envís de dar la impresión de que poseyen un

conocimientu especial, negáu a otros. Polo tanto, nada hai de sorprendente en que munchos

socialistes que trabayen 48 hores selmanales en fábriques, mines y escritorios, acaben

concibiendo al marxismu como dalgo qu'enxamás tendrán tiempu o oportunidá d'entender.

En realidá les idees básiques del marxismu son particularmente simples. Elles espliquen, como

nengún otru conxuntu d'idees consigue facelo, la sociedá en que vivimos. Estes idees

posibiliten entender un mundu afaráu poles crisis, con probeza en mediu de tanta riqueza, con

güelpes d'estáu y dictadures militares, nel qu'invenciones fantástiques lleven a millones al

desemplegu y la miseria, onde esisten "democracies" que toleren l'aición de torturadores y

países "socialistes" qu'amenazaben a la población d'otros países con misiles nucleares.

Pero anque'l marxismu nun seya difícil, esisten dellos problemes pal llector que toma contautu

colos escritos de Marx pela primer vegada. Marx escribió fai yá más de 100 años. Utiliza'l

llinguaxe del so tiempu, realiza referencies a persones y eventos entóncenes familiares pa

cuasi tola xente, pero agora conocíos namás por historiadores especializaos. Recuerdo la mio

perplexidá, cuando tando na Facultá tenté de lleer la so obra "El 18 Brumariu de Louis

Bonaparte". Nun sabía qué significaba Brumariu, nin quién yera Louis Bonaparte. ¡Cuántos

abandonaron el so propósitu d'aproximase al marxismu, dempués d'esperiencies como esta!

Equí s'alcuentra la xustificación pa esti pequeñu llibru. Procura ofrecer una introducción a les

idees marxistes, que faiga más fácil pa toos la comprensión de lo que Marx plantegaba y

entendía, y el desenrollu del marxismu de la mano de les aportaciones de Friedrich Engels,

Rozalia Luksenburg, Vladímir Lenin, Trotsky y un grupu de pensadores menores.

La mayoría de lo que ta escrito nesti folletu, apaeció nuna serie d'artículos espublizaos nel

Socialist Worker baxo'l títulu "Marxism Made Easy". Pero col amiestu d'una cantidá importante

de material nuevo. Esi provién de dos intentos anteriores de previr d'una esposición simple de

les idees de Marx: El significáu del Marxismu de Duncan Hallas, y la "Serie d'Educación

Marxista" del Comité de Norwich del Socialist Workers Party de Gran Bretaña.

Chris Harman


6

1. ¿POR QUÉ NECESITAMOS LA TEORÍA MARXISTA?

¿Por qué necesitamos una teoría? "Sabemos qu'hai crisis. Sabemos que somos robaos polos

nuesos patrones. Sabemos qu'esto mos indigna. Sabemos que necesitamos el socialismu. Tolo

demás ye namás pa intelectuales." Davezu puen escuchase pallabres como estes venir de

militantes sindicales y socialistes. Tala visión ye promovida enforma por aquellos que tán en

contra del socialismu, los que tenten de dar la impresión de que'l marxismu ye una teoría

escura, complicada y aburrida.

Ellos dicen que les idees socialistes son "astrautes". Puen paecer mui correutes en teoría,

pero'l sentíu común diznos absolutamente lo contrario. El problema con esos argumentos ye

que les personas que los defenden, tienen la so propia "teoría" de les coses, anque se ñeguen

a reconocelo. Si ún-yos pregunta sobro cualuquier aspeutu de la sociedá, ellos responderán

con dalguna xeneralización. Estos son dalgunos exemplos:

"Les persones son naturalmente egoístes".

"Cualquiera pue trunfar na vida, si s'esfuercia abondo".

"Si nun hubiere ricos, nun habría xente con dineru pa proporcionanos emplegos".

"Si pudiéremos educar a los trabayadores, la sociedá cambiaría".

"Ye la decadencia moral lo que llevó al país a esta situación".

Ún pue escuchar afirmaciones como estes en cualaquier discusión na cai, nel bus o nun chigre.

En toes y cauna d'elles ta presente una visión sobro les razones de por qué la sociedá ye como

ye, y sobro cómo les persones puen ameyorar les sos condiciones de vida. Tales visiones, son

"teoríes" sobro la sociedá. Cuando les personas dicen que nun tienen una teoría, lo que

realmente quieren dicir ye qu'elles nun aclararon les sos conceiciones.

Esto ye particularmente peligroso pa los que buscamos cambiar la sociedá, ya que los diarios,

les radios y la televisión tán enllenando de contino les nueses mientes con esplicaciones del

caos nel que s'alcuentra la sociedá. Esperen qu'aceptemos lo qu'ellos dicen ensin pensar más

nesos temes. Pero ún nun pue lluchar efeutivamente pa cambiar esta sociedá, si nun deprende

a reconocer lo que ye falso en toos esos argumentos y esplicaciones diferentes.


7

Esto tuvo demostración pela primer vez fai 150 años. Ente les décades de 1830 y 1840 el

desenrollu de la industria en rexones como'l noroeste d'Inglaterra arrastró a cientos de miles

d'homes, muyeres y nenos a trabayos con pagues ruines. De fechu, foron forciaos a soportar

condiciones de probeza increyible. Ellos escomenzaron a lluchar contra esta realidá, creando

les primeres organizaciones de mases de los trabayadores -los primeros sindicatos, y en Gran

Bretaña el primer movimientu pro-drechos políticos pa los trabayadores, el cartismu-. Xunto

con esos movimientos surdieron los primeros pequeños grupos de persones dedicaes a la

causa de la conquista del socialismu.

Darréu surdió'l problema sobro cómo podría'l movimientu obreru algamar esti oxetivu. Delles

persones dicíen qu'al traviés medios pacíficos sedría posible convencer a quien domina la

sociedá de cambiar les coses. La "fuercia moral" d'un movimientu pacíficu de mases,

aseguraría que foren concedíos beneficios a los trabayadores. Centenares de miles de

persones organizáronse, movilizáronse y trabayaron pa construyir un movimientu basáu neses

conceiciones (namás p'acabar derrotaos y desmoralizaos).

Otros reconocieron la necesidá d'usar la "fuercia física", pero concluyeron qu'esto namás

podía ser realizao por grupos pequeños de conspiradores, aislaos del restu de la sociedá. Esto

tamién empobinó a decenes de miles de trabayadores a lluches p'acabar tamién derrotaos y

desmoralizaos. Había otros amás, que consideraben que los trabayadores podíen llograr los

sos oxetivos al traviés de l'aición económica, ensin confrontiar al exércitu y a la policía. Tamién

estos argumentos llevaron a aiciones masives. En 1842, realizóse n'Inglaterra la primer fuelga

xeneral de la historia, llevándose a cabu nes aries industriales del norte, con decenes de miles

de trabayadores parando per cuatro selmanes, hasta ser forciaos a tornar al trabayu frutu la

fame y les privaciones.

Foi al final d'esta primer etapa de derrotes nes lluches obreres, en 1848, qu'un socialista

alemán, Karl Marx, espunxo'l conxuntu de les sos idees nuna obra llamada El Manifiestu

Comunista. Les sos idees nun veníen de la nada. Elles tentaben de proporcionar una base pa

responder a tolos interrogantes que foren llevantaos pol movimientu obreru de la so época.

Les idees que Marx desenrolló son relevantes tovía güei. Ye absurdo dicir, como dalgunes

persones faen, qu'estes idees tán pasaes de moda porque foron escrites 150 años atrás. De

fechu, toles nociones de la sociedá que Marx defendió, tán tovía mui estendíes. Los cartistes

discutíen si "fuercia moral" o "fuercia física", y los socialistes de güei discuten si "vía

parllamentaria" o "vía revolucionaria". Ente aquellos que son revolucionarios la discusión ente

posiciones contraries o favoratibles al "terrorismu" ta tan viva güei como lo taba en 1848.


8

LOS IDEALISTES

Marx nun foi la primer persona en tentar de describir lo que venía asocediendo na sociedá. Nel

tiempu en qu'elli escribía, nueves invenciones nes fábriques proporcionaben riqueces nuna

escala nunca suañada poles xeneraciones precedentes. Pela primer vegada paecía que la

humanidá tenía los medios pa defendese contra les calamidaes naturales que nos azotaren

n'époques anteriores.

Pero esto nun significó nenguna meyora na vida de la mayoría de les persones. Más bien tolo

contrario. Los homes, les muyeres y los neños que trabayaben nes nueves fábriques, llevaben

una vida muncho peor que la de sos güelos, que trabayaben nel campu. Los sos salarios nun

daben pa mantenelos per enriba de la llinia de probeza, y les crisis periódiques de desemplegu

acababen por dexalos bien per embaxo de la mesma. Vivíen amontonaos en zaburdios

miserables, ensin condiciones sanitaries apropiaes, a regalu d'epidemies terribles. En cuenta

de trayer la felicidá y el bientar xeneral, el desenrollu de la civilización taba dando orixe a una

miseria muncho mayor.

Esto nun foi solo alvertío por Marx, sinón tamién por otros grandes pensadores del periodu -

xente como los poetes ingleses Blake y Shelley, los franceses Fourier y Proufhon, y los filósofos

alemanes Hegel y Feuerbach. Estos últimos daben el nome de "alienación" al estáu d'infelicidá

nel que s'atopaba la humanidá -un términu qu'entá pue escuchase con frecuencia. Por

alienación Hegel y Feuerbach entendíen que los homes y les muyeres alcontrábense de

contino dominaos y oprimíos polo qu'ellos mesmos fixeron nel pasáu. Por esa razón, dicía

Feuerbach, la xente desenrolló la idea de Dios -y s'inclinaron énte ella, sitiéndose miserables

por tener que vivir d'acuerdu a aquello qu'ellos mesmos crearon. Contra más avanza la

sociedá, más miserables y "alienaes" se volvíen les persones.

Nos sos primeros escritos, Marx garró la noción de "alienación" y aplicóla a aquellos que creen

la riqueza de la sociedá.

El trabayador vuélvese más probe contra más produz, y contra más crez el poder y algame de

la so producción... L'aumentu nel valir del mundu de les coses asocede en proporción direuta

cola desvalorarización del mundu de los homes... Los oxetos que'l trabayu produz preséntense

énte'l trabayador como daqué ayeno a elli, como un poder independiente al productor...

En tiempu de Marx, les esplicaciones más populares sobro lo que taba mal na sociedá yeren de

naturaleza relixosa. La probeza de la sociedá, dicíen, esistía porque les persones nun

consiguíen facer lo que Dios quería que fixeren. Si toos "arrenunciáremos al pecáu", les coses

sedríen meyores. Una visión asemeyada y de cutiu escuchada nestos díes, ñega cualquier

calter relixosu. Ella afirma que "pa cambiar la sociedá, necesitamos primero cambianos

nosotros mesmos". Si les muyeres y los homes se lliberaben del so "egoísmu" y del so

"materialismu" (y ocasionalmente de les sos obsesiones) la sociedá volveríase

automáticamente meyor. Una visión asemeyada a esta plantega non el cambéu de tolos

individuos sinón el de dalgunos individuos claves, aquellos qu'exercen el poder na sociedá. La

idea ye tentar de que los ricos y poderosos "entren en razón".


9

Ún de los primeron socialistes británicos, Robert Owen, entamó procurando convencer a

dellos empresarios pa que foren arrogantes colos sos trabayadores. La mesma idea tovía ye

dominante ente los líderes del Partíu Llaborista británicu, incluyida la so ala izquierda. Y esto

nótase cuando ellos xulguen los crímenes de les patronales como "errores", como si dalgo de

convencimientu pudiere persuadir a los grandes empresarios d'afloxar la so presión sobre la

sociedá.

Marx refierse a toes estes visiones como "idealistes". Non porque elli tuviere a la escontra de

que la xente tuviera "ideales", sinón porque eses visiones consideren que les idees esisten

aislaes de les condiciones nes que viven les persones. Les idees de les persones tán

íntimamente rellacionaes al tipu de vida qu'elles son capaces de vivir. Vamos garrar al

"egoísmu" como exemplu. La sociedá capitalista actual estimula l'egoísmu -inclusive ente

aquelles persones que tenten de sacrificar los sos propios intereses en beneficiu de los demás.

Un trabayador que tenta de facer lo meyor polos fíos, o ayudar a sos padres a tener una vida

meyor na vieyera, descubre que l'únicu métodu pa realizar eses coses ye lluchar de contino

contra les demás persones -consiguir un emplegu meyor, facer más hores estres, ser el

preferíu del patrón, etc. Nesta sociedá nun podemos llibranos del "egoísmu" y del "ambiciu"

cambiando malapenes la mentalidá de los individuos.

Ye tovía más ridículo falar de cambiar la sociedá al traviés de cambiar les idees de capitalistes y

gobernantes. Supongamos que consiguimos conquistar a un gran empresariu pa les idees

socialistes y elli dexa d'esplotar a los sos trabayadores. Esti empresariu simplemente perdería

na competencia colos empresarios rivales y quedaría fuera del negociu. Inclusive p'aquellos

que gobiernen la sociedá lo qu'importa nun son les idees, sinón la estructura sobre la que

s'apoyen eses idees.

Esto pue dicise d'otra manera. Si les idees son les que puen cambiar la sociedá, ye importante

saber d'ónde vienen les idees. Vivimos nun tipu determináu de sociedá. Les idees divulgaes

polos periódicos, la televisión, el sistema educativu y demás, defenden esti tipu de sociedá.

Entós: ¿Cómo ye que les persones puen ser capacer de desenrollar idees completamente

nueves y diferentes? Porque les esperiencies de la vida cotidiana contradicen les idees oficiales

sobro la nuesa sociedá. Por exemplu, nun podemos esplicar que munches menos persones

seyan relixoses güei que fai 100 años, namás porque seya grande la divulgación de les idees

atees. Al contrario, ye preciso esplicar por qué les persones adopten estes idees d'un mou que

nun lo facíen 100 años atrás.

De la mesma manera, si quixéremos esplicar la capacidá de lideralgu de los "grandes homes",

tenemos d'esplicar de mano por qué les persones concuerden en siguilos. Nun val con dicir,

por exemplu, que Napoleón o Lenin cambiaron la historia, ensin esplicar por qué millones de

persones aceptaron facer lo qu'ellos proponíen. Al final, ellos nun yeren especialistes

n'hipnosis coleutiva. Dalguna cosa en ciertu momentu na vida de la sociedá llevó a les

persones a sentir que lo qu'ellos proponíen paecía correuto. Solo llegaremos a entender cómo

les idees cambien la historia, si comprendemos d'ónde vienen les idees y por qué les persones

les acepten. Esto significa tentar de conocer, amás de les idees, les condiciones materiales de

la sociedá na qu'elles surden. Ello ye que Marx insistía en que "nun ye la conciencia la que

determina el ser social, sinón el ser social el que determina la conciencia".


10

2. COMPRENDIENDO LA HISTORIA

Les idees por sigo mesmes nun puen cambiar la sociedá. Esta foi una de les primeres

conclusiones de Marx. Al igual que munchos pensadores anteriores, Marx insistía en que pa

entender la sociedá yera preciso entender a los seres humanos como parte del mundu

material. El comportamientu humanu taba determináu por fuercies materiales igual que

cualquier oxetu natural. L'estudiu de la humanidá ye parte del estudiu científicu del mundu

natural. Los pensadores que defendíen esta conceicón yeren llamaos materialistes.

Marx consideraba al materialismu como un gran avance en rellación a les variaes conceiciones

idealistes y relixoses de la historia. Significaba que se podía discutir científicamente sobro les

condiciones del cambéu social y nun dependía más de les súpliques a Dios y d'un "cambéu

espiritual" nes persones. El reemplazu del idealismu pol materialismu yera'l reemplazu del

misticismu pola ciencia. Pero non toles esplicaciones materialistes de la conducta humana son

correutes. Asina como yá hebo teoríes científiques enquivocaes en bioloxía, química o física,

hebo tamién intentos fallíos de desenrollar teoríes científiques de la sociedá. Darréu dellos

exemplos:

Una visión materialista mui espardida, non marxista, ye aquella que considera a los seres

humanos simples animales, que se comporten "naturalmente" de cierta forma. Del mesmu

mou en que la naturaleza del llobu sedría la de matar y la oveya ser pacífica, la naturaleza del

home sedría la de ser agresivu, dominador, competitivu y cobiciosu (asina como les muyeres

taríen destinaes a ser dóciles, sumises, respetuoses y pasives). Un formulación recién d'esta

visón pue afayase nel llibru de gran ésitu en ventes The Naked Ape (El monu desnudu). Les

conclusiones que son estrayíes nel llibru son invariablemente reaicionaries. Si los homes son

naturalmente agresivos, nun tien sentíu nengún tentar d'ameyorar la sociedá. Les coses

siempre van llegar al mesmu llugar. Les revoluciones "siempre fracasarán".

Pero, la verdá, ye que la "naturaleza humana" varía de sociedá a sociedá. Por exemplu, la

competencia, que ye entendida como propia de la nuesa sociedá, raramente esistió en

munches de les sociedaes antigües. Cuando los científicos buscaron, pela primer vez, aplicar

tests pa midir el coeficiente intelectual nos indios Sioux, descubrieron qu'ellos nun consiguíen

comprender por qué nun se podíen ayudar unos a otros nes pruebes. Na sociedá en qu'ellos

vivíen enfatizábase la coopetación, non la competencia. Lo mesmo asocede cola agresividá.

Cuando los esquimales s'atoparon pela primer vegada colos europeos, nun teníen la menor

idea de lo que yera una "guerra". La simple idea d'un grupu de persones tentando d'aniquilar a

otru grupu paecía-yos absurda. Na nuesa sociedá considérase natural que los padres amen y

protexan a sos fíos. Na ciudá d'Esparta, na Grecia antigua, considerábase "natural" llevar a los

guaḥes a lo alto'l monte y abandonalos albentestate pa midir la so capacidá de resistir al fríu.

Les teoríes que defenden una "naturaleza humana inmutable" nun puen ofrecer una

esplicación de los grandes acontecimientos de la historia. Les pirámides d'Exiptu, les maravíes

de la Grecia antigua, los imperios romanu y incariu y la ciudá industrial moderna, son colocaos

al mesmu nivel que los campesinos inorantes que vivíen nes choces decadentes de la Edá

Media. Tolo qu'importa ye un "monu desnudu"- non les civilizaciones grandioses que'l "monu"


11

construyó. Siendo irrelevante que delles formes de sociedá foren capaces d'alimentar a los

"monos", mentes otres dexen a millones morrer de fame.

Munchos acepten una conceición materialista diferente, qu'enfatiza lo necesario de cambiar el

comportamientu humanu. Igual que los animales puen ser entrenaos pa comportase de forma

diferente nun circu que na xungla, el comportamientu humanu tamién podría ser cambiáu.

Bastaría con que les persones oportunes garraren el control de la sociedá, pa que la

"naturaleza humana" fore tresformada. Esta visión ye ciertamente un gran pasu frente a la del

"monu desnudu". Pero falla al momentu d'esplicar la tresformación de la sociedá como un tou.

Si toos tán condicionaos dafechu na sociedá de los nuesos díes: ¿Cómo daquién podría

colocase per enriba de los otros y poner en funcionamientu los mecanismos que condicionaren

los cambeos sociales? ¿Sedría una especie de minoría escoyida por Dios pa ser inmune a les

presiones que dominen a tolos demás? ¿Si toos somos animales nun circu, quién podría ser el

domador de lleones?

Aquellos que sustenten esta teoría terminen diciendo que la sociedá nun pue cambiar (como

nel "monu desnudu") o creyen que los cambios namás podríen ser realizaos dende fuera de la

sociedá por Dios, o los "grandes homes", o pol poder de les idees individuales. El so

"materialismu" llévanos a una nueva versión del idealismu qu'entra pela puerta d'atrás. Como

señaló Marx, esta doctrina acaba necesariamente por dividir la sociedá en dos partes, una

d'elles que sigue siendo superior a la otra. Esta conceición "materialista" ye, en xeneral,

reaicionaria. Ún de los partidarios más conocíos d'esta versión, ye un sicólogu de derecha

llamáu Skinner. Elli propón condicionar a les persones pa que se comporten de ciertes

maneres. Pero como elli mesmu ye un productu de la sociedá capitalista norteamericana, el so

"condicionamientu" persigue simplemente que les persones se conformen con esa sociedá.

Otra visión materialista culpa a la "presión demográfica" de tola miseria del mundu (ye común

que se llame malthusianismu a esta conceición, ya que foi Malthus, un economista inglés del

sieglu XVIII el primeru en desenvolvela). Pero esta nun pue esplicar por qué nos Estaos Uníos,

por exemplu, se quemen cereales mentes que na India muerre xente de fame. Nin pue esplicar

por qué 150 años atrás nun había nos EEUU alimentos suficientes pa 10 millones de persones y

güei la producción ye capaz d'alimentar a 200 millones. Esta visión olvida que cada boca a ser

alimentada ye tamién la d'un individuu más, capaz de trabayar pa crear riqueza.

Marx denomaba a toes estes esplicaciones como formes "mecanicistes" o "vulgares" del

materialismu. Estes visiones olvidaben que siendo parte del mundu material, los seres

humanos tamién son criatures vives y actives tresformaes poles sos propies aiciones.


12

LA INTERPRETACIÓN DE LA HISTORIA

Los seres humanos puen estremase de los animales pola conciencia, la relixón y cualaquier

otra cosa que queramos considerar. Pero ellos namás empiecen a diferenciase de los animales

de la qu'entamen a producir los sos propios medios de subsistencia (comida, vistimienta y

viviendes).

Con estes pallabres Marx quería enfatizar, de mano, lo que yera distintivo de la so esplicación

de cómo se desenrolla la sociedá. Los seres humanos son animales que descienden de los

primates. Al igual que nos otros animales, la so primer preocupación ye l'alimentación y la

proteición del clima. Pero'l mou en que los demás animales satisfacen estes necesidaes

depende de la so naturaleza biolóxicamente heredada. Un llobu caltiense vivu cazando y

matando a les sos preses, de la forma na que los sos instintos biolóxicos lo determinen. El so

pelleyu mantiense caliente nes nueches fríes y cría a los sos cachorrinos d'acuerdu a patrones

de comportamientu heredaos.

Pero la vida humana nun ta determinada d'esta manera. Los homes que roldaben pel planeta

30.000 y 100.000 mil años atrás vivíen d'un xeitu diferente dafechu al nuesu. Facíenlo en

cueves y en cabuerques del suelu. Nun poseyíen recipientes p'almacenar los alimentos o

l'agua, y p'alimentase dependíen de la recoyida de frutos o de valtar animales con piedres.

Ellos nun podíen escribir, o cuntar más allá de los deos de les sos manes. Nun poseyíen nengún

conocimientu de los qu'asocedía más allá de les tierres qu'habitaben o de que los sos

antepasaos realizaren. Pa con too, físicamente, l'home de 100.000 años atrás yera bien

asemeyáu al home modernu y el de 30.000 años atrás idénticu. Si bañáremos y afaitáremos al

home de los cobayos, lu vistiéremos con un traxe y lu lleváremos a caminar per una avenida

céntrica, naide nun lu consideraría estrañu. Como l'arqueólogu Gordon Childe diz:

"Los esqueletos más antiguos de la nuesa especie pertenecen a les fases próximes de la última

Edá de Xelu... Pal momentu de los primeros rexistros xeolóxicos del Homo Sapiens... la

evolución física del home llegara a un puntu d'estabilidá, anque'l so progresu cultural taba

escomenzando."

El mesmu puntu de vista ye defendíu por otru arqueólogu, Leakey:

"La diferencia física ente los homes de les cultures Auriñaciense y Magdaleniense (25.000 años

atrás) y l'home contemporaneu, ye despreciable. Mentes que la diferencia cultural ye

escomanda."

Lo que l'arqueólogu llama "cultura" son aquelles coses que los homes y les muyeres

deprenden y aprenden unos a otros. Por exemplu, cómo fabricar ropes con llana y piel

d'animales, cómo facer cacíos de barru, cómo facer fueu, cómo construyir cases y demás. Esta

idea contrapón la cultura a aquelles coses que los animales saben instintivamente.

Les vides de los primeros humanos yeren yá bien diferentes a les vides de los otros animales.

Porque ellos yeren capaces d'usar les carauterístiques físiques propies del ser humanu -celebru

grande, miembros posteriores capaces de manipular oxetos- pa modificar l'ambiente hasta

tornalu conveniente a les sos necesidaes. Esto significaba qu'ellos podíen adaptase a una gran


13

variedá de condiciones ambientales, ensin cambiar en nada la so estructura fisiolóxica. Los

seres humanos yá nun necesitaben lluchar contra les condiciones naturales. Podíen actuar

sobre diches condiciones pa tresformales nel so beneficiu.

Al principiu ellos usaron piedres y palos p'atacar a los animales salvaxes, obteníen lluz y calor a

partir del llume que surdía accidentalmente na natura, cubríense con vexetación y pelleyes

d'animales. Trescurríes munches decenes de miles d'años, ellos deprendieron a facer fueu por

sí mesmos, a dar forma a les piedres con otres piedres, a cultivar alimentos a partir de

semientes qu'ellos mesmos llantaben, a guardales en recipientes fechos de magria y a

domesticar dalgunos animales. En tiempos relativamente recientes - fai malpenes 5.000 años,

al llau del mediu millón d'años d'historia humana- los seres humanos deprendieron el secretu

de tresformar minerales metálicos en ferramientes resistentes y armes eficaces.

Caún d'estos avances tuvo un impautu enorme, non solo por facer más fácil l'alimentación y el

vestuariu de los seres humanos, sinón tamién al tresformar la propia organización de la vida

humana. Dende l'aniciu de la vida humana foi social. Namás la unión del esfuerciu de varios

seres humanos posibilitába-yos matar animales, recoyer alimentos y caltener vivu'l llume.

Teníen que cooperar. Esta cooperación continua llevólos tamién a que se comunicaren al

traviés de la emisión de soníos y al desenrollu de llinguaxes. Nel entamu, los grupos yeren

simples. En nenguna parte esistía una provisión natural abonda como pa mantener a más de

dos docenes d'individuos. Tol esfuerciu tenía que ser dirixíu a les xeres básiques de consiguir

alimentu, lo que llevaba a que toos fixeren el mesmu trabayu y vivieren el mesmu tipu de vida.

Ensin medios p'acumular alimentos, nun podía haber propiedá privada o división ente clases

sociales, y nin el saquéu nin la rapiña podíen presentase como motivos pa la guerra. Hasta va

pocos años, tovía había centenares de sociedaes nes partes más variaes del globu nel qu'esti

patrón social permanecía. Ye'l casu de dalgunos indíxenes d'América del Sur y del Norte,

ciertos pueblos del África ecuatorial y del Pacíficu, amás de dalgunos aboríxenes australianos.

Nun ye qu'estos pueblos foren menos intelixentes que nós o tuvieren una "mentalidá

primitiva". Los aboríxenes d'Australia, por exemplu, deprendieron a reconocer lliteralmente

millones de plantes y los vezos d'una gran diversidá d'animales pa poder sobrevivir. El profesor

y antropólogu Firth descríbelo d'esta manera:

"Les tribus australianes... conocen los costumes, carauterístiques, zones d'apareyamientu y

migraciones estivales de tolos páxaros, pexes y demás animales que son oxetu de caza pa la so

alimentación y vestuariu. Conocen tanto les propiedaes esternes, como dalgunes menos obvies,

de piedres, grases, resines, plantes, fibres y cáscares: saben cómo facer fueu, cómo utilizar la

calor p'alliviar el dolor, detener sangrazos y retardar el deterioru de los alimentos frescos;

saben tamién utilizar el fueu pa endurecer delles maderes y ablandiar otres... Saben lo básico

sobro les fases de la lluna, el movimientu de los mares, los ciclos planetarios y les secuencies y

duración de les estaciones, rellacionen los cambios climáticos con sistemes de vientos, patrones

añales d'unidaes, temperatures y fluxos de crecimientu y presencia de les especies naturales...

Amás realicen un usu intelixente y económicu de los subproductos de los animales muertos

p'alimentación; la carne del canguru ye comida; los güesos de les piernes son utilizaos pa

realizar preseos como los fechos de piedra o madera; los tendones son utilizaos p'amarrar les

puntes de piedra de les llances; les garres formen collares ataos con fibres y ceres, la gordura


14

combinao con ocre roxo ye usao como cosméticu, el sangre mecío con carbón tresfórmase nun

pigmentu... Tienen dalgún conocimientu de los principios básicos de la mecánica y por eso

trabayaben los sos bumeranes una y otra vez hasta da-yos la curvadura correuta…”

Son muncho más "capaces" que nós pa bregar colos problemes de la supervivencia nel

desiertu australianu. Lo qu'ellos nun depredieron foi a semar y cultivar el so propiu alimentu -

dalgo que los nuesos antepasaos deprendieron hai solo unos 5.000 años, cuando yá vivieren

nel planeta nun períodu 100 veces mayor. L'espoxigue de nueves téuniques pa producir bienes

-los medios necesarios pa la continuidá de la vida humana- siempre fixo que nacieren formes

nueves de cooperación ente los seres humanos, nueves rellaciones sociales. Por exemplu,

dempués de que les persones depredieron a cultivar el so propiu alimentu (semando la tierra y

domesticando animales) y los almacenaron (en vasiyes de barru) hebo una revolución

completa na vida social -llamada polos arqueólogos "la revolución neolítica". Los seres

humanos teníen que cooperar ente sí pa llimpiar la tierra, recoyer l'alimentu, asina como pa

cazar animales. Podíen vivir xuntos en grupos más numberosos qu'enantes, podíen gruardar

comida y aniciar la práutica d'intercambiar bienes con otros asentamientos humanos.

Les primeres ciudaes xorrecieron. Pela primer vez había posibilidaes de que dalgunes persones

vivieren ensin dedicase únicamente a la producción d'alimentos: dellos especializáronse na

fabricación de cacíos, otros al trabayu de la piedra y más tarde a la producción de ferramientes

y armes, otros desempeñaron xeres alministratives elementales pal grupu como un tou. Pero

lo malo foi que l'escedente de comida ofreció un motivu pa la guerra. Al entamu, la xente

encomenzara a descubrir maneres nueves de rellacionase col mundu que lu arrodiaba, o de

someter a la natura a les sos necesidaes. Pero nel procesu, ensin querer tresmormaren la

sociedá en que vivíen y con ella les sos propies vides. Marx describió esti procesu del siguiente

mou: el desenrollu de les "fuercies productives" tresformó les "rellaciones de producción" y, al

traviés d'elles, la sociedá. Esisten bonos exemplos más recientes....

Hai más de 300 años la gran mayoría de la población de Gran Bretaña vivía nel campu,

cultivando alimentos con téuniques que yeren les mesmes dende hai sieglos. El so finxu

inteleutual taba acutáu pola aldea na que vivíen y les sos idees taben mui influenciaes pola

ilesia llocal. La gran mayoría nun tenía necesidá de la llectura o la escritura, y nunca nun

deprendieron a utilizales. Entós, 200 años atrás, la industria entamó a esporpollar. Decenes de

miles de persones foron llevaes a les fábriques. Les sos vides sufrieron una tresformación

completa. Agora vivíen en grandes ciudaes, non en pequeñes aldees. Precisaben de deprender

habilidaes nunca nun maxinaes polos sos antepasaos, incluyendo la capacidá de lleer y escribir.

L'arribada del ferrocarril y la navegación a vapor volvieron posible viaxar a gran parte del

planeta. Les vieyes idees amartellaes nes sos cabeces por sos padres yá nun teníen xacíu frente

a too eso. La revolución material na producción foi tamién una revolución nel mou en qu'ellos

vivíen y nes idees en que creyíen.


15

3. LLUCHA DE CLASES

Vivimos nuna sociedá dividida en clases, onde dalgunes persones poseyen grandes cantidaes

de riqueces y la mayoría de nosotros nun poseye práuticamente nada. Naturalmente,

tendemos a dar por fecho que les coses siempre foron asina. Pero en realidá, na mayor parte

de la historia humana nun esistieron les clases, la propiedá privada, la policía nin l'exércitu.

Esta foi la situación a lo llargo de mediu millón d'años de desenrollu hasta hai unos 5.000 o

10.000 años. Como nun yera posible qu'una persona col so trabayu produxera más alimentu

que'l necesario pa mantenese en condiciones de trabayar, nun podía haber división en clases.

¿Qué motivu podía haber pa tener esclavos si tolo que producíen sedría utilizáu pa mantenelos

vivos?

Pero pasáu ciertu puntu, l'avance de la producción fixo que la división en clases fore posible y

necesaria. Podía producise abondu alimentu pa que quedare un escedente, llueu de que los

productores inmediatos garraren lo necesario pa sobrevivir. Y escomenzaron a esistir los

medios que permitíen almacenar alimentos y tresportalos d'un llugar a otru. Les persones que

col so trabayu producíen tol alimentu, podíen simplemente comer el que-yos quedaba

escedente. Como vivíen en condiciones de probeza estrema taben tentaos enforma a facelo.

Pero dexaríalos desprotexíos contra los desastres naturales, talos como rebisna o inundaciones

al añu siguiente, y contra ataques de tribus afamiaes veníes dende otres aries.

Nún primer momentu yera una gran ventaya pa toos el qu'un grupu especial de persones

garrare a la so cuenta la riqueza escedente, almacenándola en ficies de desastres futuros,

usándola p'apoyar a los artesanos, construyendo medios de defensa, utilizando una parte pa

intercambiar con otros pueblos distantes a cambiu d'oxetos útiles. Estes actividaes entamaron

a ser llevaes a cabu nes primeres ciudaes, onde los alministradores, mercaderes y artesaron

vivíen. A partir de marques feches en tables pa rexistrar estremaos tipos de productos, la

escritura empezó a desenvolvese.

Estos foron los primeros pasos indecisos de lo que nós llamamos "civilización". Pero -y esti

"pero" ye más qu'importante- too esto tuvo basao nun control creciente de la riqueza per

parte d'una pequeña minoría de la población. Y esta minoría usaba la riqueza pal so propiu

bien, asina como en beneficiu del restu de la sociedá como un tou. Contra más se desenrollaba

la producción, más riqueces se concentraben en manes d'esta minoría -y más de la mesma

yera retirada al restu de la sociedá. Les "regles" qu'al principiu yeren un mediu p'ameyorar la

vida social, tresformábense en "lleis", onde s'aporfiaba en que les riqueces que la tierra

producía yeren "propiedá privada" d'una minoría. Una clas dominante entamó a surdir -asina

como les lleis que defendíen el so poder.

Podemos preguntanos si quiciabes tuviere sío posible que la sociedá pudiere tenese

desenrolláu d'otru xeitu, de manera qu'aquellos que trabayaben la tierra pudieren controlar la

so producción. La rempuesta ye, non. Y non por causa de la "naturaleza humana", sinón

porque la sociedá yera mui probe entá. La mayoría de la población del planeta taba ocupada

escarbando'l suelu buscando la so subsistencia, como pa dedicar tiempu a desenrollar la

escritura y la llectura, pa crear obres d'arte, pa construyir navíos, determinar el cursu de les


16

estrelles, descubrir los rudimentos de les matemátiques, pa saber cómo actuar cuando los ríos

derrubiaben o cómo podíen ser construyíes canales de riegu. Estes coses podíen dase namás

porque dellos medios de vida foron retiraos a la población y usaos pa caltener a una minoría

privilexada que nun tenía de trabayar de sol a sol.

Pero esto nun significa qu'esistiere una división en clases como la de güei. Nos caberos 100

años viose un desenrollu nunca suañáu na historia previa de la humanidá. La escasez natural

foi vencida, lo qu'esiste agora ye una escasez artificial, creada polos gobiernos cola destrucción

d'alimentos almacenaos. La sociedá de clases actual ta retrasando a la humanidá, impidiéndo-y

avanzar. Nun foi namás aquelli cambéu anicial que tresformó a les sociedaes puramente

agrícoles en sociedaes urbanes el que provocó, necesariamente, les nueves divisiones de

clases. El mesmu procesu repitióse cada vuelta que se desenrollaben nueves formes de

producción.

Asina, en Gran Bretaña, mil años atrás, la clas dominante taba formaba por señores feudales

que controlaben la tierra y vivíen del trabayu de los siervos. Cuando'l comerciu empezó a

desenrollase a gran escala, surdió xunto con ellos una nueva clas privilexada, la de los ricos

comerciantes. Cuando la industria entamó a desendolcase nuna escala respetable, el so poder,

al tiempu, foi cuestionáu polos propietarios de les industries. En cada etapa de desenrollu de la

sociedá hebo una clas oprimida, que xeneró la riqueza col so trabayu, y una clas dominante

que controló esa riqueza. Pero al desenrollase la sociedá tanto los oprimíos como los

opresores sufríen cambeos.

Na sociedá esclavista de la Roma antigua, los esclavos yeren propiedá personal de la clas

dominante. Al propietariu d'esclavos pertenecíen-y los bienes producíos polos sos esclavos,

frutu de qu'ellos yeren de la so propiedá. Esautamente de la mesma manera en qu'a elli-y

pertenecía'l lleche producío poles vaques de les que yera dueñu. Na sociedá feudal de la Edá

Media, los siervos poseyíen la so propia tierra y poseyíen aquello que yera producío nelles.

Pero pa mantener esa tierra, ellos teníen que trabayar un ciertu númberu de díes al añu nes

pertenencientes al señor feudal. El so tiempu taba dividíu -quiciabes la metá del mesmu yera

dedicáu al trabayu nes tierres del señor y la otra metá nes sos propies tierres. Si ellos se

negaben a trabayar pal señor, elli tenía derechu de castigalos (con güelpes, prisión o coses

peores). Na sociedá capitalista moderna, el patrón nun poseye físicamente a los sos

trabayadores, nin tien derechu a castigar a un emplegáu que se ñegue a trabayar de baldre pa

elli. Pero'l patrón poseye la empresa onde'l trabayador tien que consiguir emplegu pa siguir

viviendo. Y ello ye que-y resulta perfácil obligar al trabayador a producir a cambéu d'un salariu,

con un montu muncho menor al de los bienes producíos por elli na fábrica.

En cada casu la clas opresora garra'l control de tola riqueza una vuelta que les necesidaes más

elementales de los trabayadores foron cubiertes. El propietariu d'esclavos quería mantener la

so propiedá en bones condiciones. Por eso alimentaba a los sos esclavos d'igual manera en que

nosotros-y ponemos combustible al automóvil. Pero tolo qu'escediere les necesidaes físiques

del esclavu, el so propietariu usábalo nel so propiu beneficiu. El siervu feudal tien d'alimentase

y vistise colo producío nel so propiu cachu de tierra. Tol trabayu estra que pon nes tierres del

señor beneficia a esti últimu. El trabayador modernu tien un trabayu remuneráu. Pero tola

riqueza qu'elli crea queda en manes de la clas dominante como ganancia, intereses o rentes.


17

LA LLUCHA DE CLASES Y L'ESTÁU

Los trabayadores raramente aceptaron el so destín ensin resistencia. Esistieron revueltes

d'esclavos n'Exiptu y Roma antiguos, llevantamientos de campesinos na China imperial,

guerres civiles ente ricos y probes nes ciudaes de la Grecia antigua, en Roma, y na Europa

renacentista. Por eso ye que Karl Marx escomenzó'l so Manifiestu Comunista, insistiendo en

que "la historia de toles sociedaes hasta agora foi la historia de la llucha de clases". El

desenrollu de la civilización dependió de la esplotación d'una clas por otra y polo tanto de la

llucha ente elles.

Por más poderosu que fore un faráon exipciu, un emperador romanu o un señor medieval, por

más suntuoses que foren les sos vides, magníficos los sos palacios, ellos siempre necesitaron

d'asegurase l'apropiación de los productos cultivaos polos campesinos y los esclavos más

humildes. Namás podíen facer esto si xunto cola división de clases tamién se desenrollaba

daqué más: el control sobre los medios de violencia nel so favor y el de los so aliaos. Nes

primeres sociedaes nun había exércitu, policía o aparatu gubernamental al marxe de la

mayoría de la población. Asinamesmo hasta hai 50 o 60 años atrás yera posible alcontrar, por

exemplu, en dalgunes rexones d'África, sociedaes nes que la situación yera la mesma.

Munches de les xeres que cumple l'Estáu na nuesa sociedá yeren realizaes informalmente pola

población en xeneral o por asamblees de representantes. Estes asamblees xulgaben a

calaquier persona que tuviere una conducta considerada una desobediencia a dalguna llei

social importante. La penalización podía ser aplicada por tola comunidá por exemplu,

forciando a los infractores a dexala. Toos coincidíen na necesidá de penalizar la infraición,

ensin que faiga falta una fuercia policial independiente. Si una guerra daba entamu, tolos

homes mozos tomaben parte baxo'l lideralgu de les persones escoyíes pa la xera, ensin la

necesidá d'una estructura militar especializada.

Pero cuando se tien una sociedá en qu'una minoría controla gran parte de la riqueza, estes

maneres de mantener la "llei y l'orde" y una organización militar como la mentada, dexen de

funcionar. Cualaquier asamblea de representantes o banda de xóvenes armaos dividiríense

conforme a los intereses de clas. El grupu privilexáu namás pue sobrevivir si entama a

monopolizar nes sos manes la implementación de castigos, les lleis, la organización militar y la

producción d'armes. Por eso, la separtación en clases sosciales foi acompañada pol

surdimientu de xueces, policíes, personal d'intelixencia, xenerales, burócrates -a quien la clas

privilixada ofreció parte de la riqueza de la que s'apropia, a cambiu de la proteición del so

dominiu.

Aquellos que sirven nes files d'esi Estáu foron entranaos pa obedecer ensin cuestionar les

órdenes de los sos "superiores" y romper tolos llazos sociales normales coles mases esplotaes.

L'Estáu desenrollóse como una máquina asesina en manes de la clas privilexada. Y ye una

máquina estremadamente eficaz. Por supuestu, los xenerales que controlen esta máquina

valten davezu a determináu rei o emperador y tenten de colocase a sí mesmos nel poder. La

clas dominante, teniendo armáu al monstruu, munches veces nun consiguen controlalu. Pero

como la riqueza necesaria pa caltener la máquina asesina funcionando vien de la esplotación

de les mases trabayadores, cada revuelta d'estes ye siguida pola continuidá de la sociedá

baxos los esquemes vieyos.


18

A lo llargo de la historia les persones que realmente quixeron cambiar la sociedá pa meyor

alcontráronse enfrentaos non solo a una clas privilexada, sinón tamién a una máquina armada,

un Estáu, que sirve a los intereses d'esta clas. Les clases dominantes, xunto a sacerdotes,

xenerales, policíes y los sistemes llegales que los sustenten, surdieron en primer llugar porque

ensin ellos la civilización nun se tuviere desenvuelto. El so poder radica na habilidá pa forciar a

aquellos que trabayen, a entrega-yos la riqueza que producen. Tán sollertes a tou nuevu

sistema de producción que seya más eficiente, pos tienen mieu de que'l control se-yos escape

de les manes. Tienen mieu de cualaquier cosa que lleve a les mases esplotaes a desenrollar

iniciativa y independencia. Y tienen mieu tamién del surdimientu de nuevos grupos privilexaos

con abonda riqueza p'asumir el costu de les sos propies armes y exércitos. A partir de ciertu

puntu, en cuenta d'ayudar al desenrollu de la producción, ellos escomiencen a impidilo.

Por exemplu, nel Imperiu Chinu, el poder de la clas dominante apoyábase na propiedá de la

tierra y el control de les canales y diques que yeren necesarios pa la irrigación y frenu de les

inundaciones. Esti control foi la base pa una civilización que pervivió per cuasi 2.000 años. Pero

al final de periodu la producción nun taba muncho más avanzada qu'al empiezu a pesar de

que'l floreciente arte chinu, el descubrimientu de la pólvora y de la imprenta, too esto nuna

época na qu'Europa taba somorguiada na Edá Escura de principios de la Edá Media. El motivu

foron les formes nueves de producción qu'encomenzaron a desenrollase nes ciudaes, al traviés

de la iniciativa de comerciantes y artesanos. La clas dominante tenía mieu al crecimientu del

poder de los grupos que nun taben dafechu baxo'l so control. Por esto, periódicamente les

autoridaes imperiales tomaben midíes mui dures pa entorgar la puxante economía de les

ciudaes, disminuyendo la producción y destruyendo'l poder de les nueves clases sociales.

El crecimientu de les nueves fuercies productives -de los nuevos medios de producir riqueces-

chocaron colos intereses de la vieya clas dominante. Y surdió una llucha con un resultáu que

determinó'l futuru de tola sociedá. Delles el resultáu, como en China, foi que les nueves

formes de producción foron somorguiaes y la sociedá siguió estancada per llargos períodos de

tiempu. Otres veces, como nel Imperiu Romanu, la ineptitú de les formes nueves de

producción determinó que nun hubiere creación d'abondes riqueces pa caltener a la sociedá

sobre les sos bases vieyes. La civilización entró en colapsu, les ciudaes foron destruyíes y les

persones volvieron a vivir en sociedaes agrícoles. Y otres veces una clas nueva, basada en

formes nueves de producción, foi capaz d'organizase, debilitar y valtar a la vieya clas

dominante. Xunto col so sistema lleguen los sos exércitos, la so ideoloxía y relixón. D'esti xeitu,

la sociedá pudo avanzar.

En cada casu, la sociedá avanzaba o retrocedía dependiendo de quien venciere na guerra ente

les clases. Y como en cualaquier guerra, la victoria nun taba garantizada antemanadamente,

dependía de la organización, unidá y lideralgu de les clases en llucha.


19

4. CAPITALISMU ¿CÓMO ANICIO'L SISTEMA?

Ún de los argumentos más absurdos que puen sentis ye que les coses nun tuvieren podío ser

diferentes de lo que güei son. Magar, les coses yá foron diferentes. Y nun hai que dir mui lloñe

pa descubrilo. En Gran Bretaña, por exemplu, la realidá yera diferente va pocu tiempu.

Malapenes 250 años atrás la xente consideraríanos llocos si-yos describiéremos el mundo nel

que vivimos anguaño, con grandes fábriques, aviones, misiones espaciales. Inclusive'l

ferrocarril taba lloñe del so maxín. Porque ellos vivíen nuna sociedá que yera

fundamentalmente rural, na que la mayoría de les persones nunca nun s'alloñaben a más de

15 kilómetros de la so aldea, y na que'l ritmu de vida per miles d'años tuvo determináu pol

cambéu de les estaciones. Pero hai 700 o 800 años yá escomenzaba un desenrollu que

tresformaría tola sociedá. Grupos d'artesanos y negociantes alpezaron a establecese nes

ciudades, non prestando los sos servicios a cambéu de nada como sí lo facía'l restu de la

población, sinón intercambiando los sos productos con varios señores y siervos a cambéu

d'alimentos. Cada vegada más entamóse a utilizar el metal como midida de cambéu. Foi un

gran pasu ver en cada operación d'intercambio una oportunidá pa consiguir daqué del metal

precioso del qu'obtener della ganancia.

Al principiu les ciudaes namás podíen sobrevivir al contraponer un señor feudal contra otru.

Pero a midida que les habilidaes de los sos artesanos foron perfeicionándose, más riqueces

producíen y mayor poder d'influyencia obteníen. Los "burgueses" escomenzaron a surdir como

clas social al interior de la sociedá feudal de la Edá Media. Pero ellos obteníen la so riqueza

d'un xeitu diferente a cómo lo facíen los señores feudales que dominaben la sociedá. Un señor

feudal vivía direutamente de la producción agrícola que yera capaz d'obligar a los so siervos a

producir nes sos tierres. Esti usaba'l so poder personal pa forcialos ensin necesidá de pagar-

yos. Diferente a les clases riques de les ciudaes que vivíen de la manufactura de bienes non

agrícoles. Ellos pagaben a los trabayadores pa que produxeren pa ellos, por día o por selmana.

Estos trabayadores, frecuentemente siervos fugaos, yeren "llibres" de dir y venir -dende'l

momentu en que remataben el trabayu pol que-yos pagaben. Lo "único" que los llevaba a

trabayar yera'l fechu de que morreríen de fambe si nun atopaben a daquién que los

emplegare. Los ricos facíense tovía más ricos porque pa nun morrer de fame los trabayadores

llibres aceptaben menos dineru del valor de los bienes qu'ellos producíen col so trabayu.

Volveremos a esti puntu más tarde. Agora lo que nos interesa ye que la burguesía y los señores

feudales obteníen les sos riqueces de fontes estremaes. Esto llevábalos a querer organizar la

sociedá de maneres diferentes.

La sociedá ideal de los señores feudales yera una sociedá na qu'ellos tuvieren el poder

absolutu sobre les sos tierres, ensin restricciones na llei escrita, ensin intromisión de cualquier

ente esternu, teniendo a los sos siervos imposibilitaos d'escapar. Ellos queríen les coses tal

como yeren nos tiempos de sos padres y de sos güelos, con toos aceptando la situación social

esistente al momentu de venir al mundu. La burguesía recién arriquecida vía necesariamente

les coses de mou diferente. Quería restrinxir el poder individual con que los señores feudales y

los reis interferíen nel comerciu o robaban les riqueces que producíen. Suañaben con


20

consiguilo al traviés d'un cuerpu estable de lleis, que sedríen escrites y refrendaes polos sos

propios representantes eleutos. Queríen lliberar a los probes de la servidume pa que pudieren

trabayar (y aumentar les ganancies de los burgueses) nes ciudaes. En cuantes a ellos mesmos,

sos padres y güelos tuvieren yá baxo'l xugu de los señores feudales y ciertamente nun queríen

qu'eso continuare.

Nuna pallabra, ellos queríen revolucionar la sociedá. Los sos desacuerdos col vieyu orde nun

yeren namás económicos sinón tamién políticos y ideolóxicos. Y desacuerdu ideolóxicu

significa principalmente desacuerdu relixosu, nuna sociedá analfabeta onde la principal fonte

de les idees xenerales sobre la sociedá yeren el resultáu de la predicación de la Ilesia. Debío a

que la Ilesia medieval taba dominada por obispos y abás que tamién yeren señores feudales,

ellos espardíen visiones en favor del feudalismu, atacando como "pecaminoses" munches de

les práutiques de la burguesía urbana. Ello ye que n'Alemaña, Países Baxos, Gran Bretaña y

Francia nos sieglos XVI y XVII sectores de la burguesía organizaron la so propia relixón; el

protestantismu, una relixón que predicaba l'aforru, la sobriedá, el trabayu duru

(¡principalmente de los trabayadores!) y la independencia de la congregación de los obispos y

abás. Estos sectores de la burguesía crearon un Dios a la so imaxe, n'oposición al Dios de la Edá

Media.

Gúei cuenten na escuela y na televisión qu'esistieron grandes guerres relixoses y civiles que

tuvieron motivaes por diferencies relixoses, como si los homes foren lo bastante llocos como

pa lluchar y morrer poles razones esgrimíes nel papel pol sangre y el cuerpu de Cristu na

Sagrada Familia. Muncho más taba en xuegu -el choque ente dos formes bien diferentes de

sociedá, basaes en formes diferentes d'organizar la producción de riqueces. En Gran Bretaña,

la burguesía venció. Tan horrible como-y debe paecer a la nuesa clas dominante actual, los sos

ancestros afitaron el so poder curtiando cabeces coronaes, xustificando l'actu con pallabres de

los profetes del Vieyu Testamentu. Pero n'otros llugares el primer round foi pal feudalismu. En

Francia y Alemaña la burguesía protestante revolucionaria foi desaniciada dempués de guerres

civiles terribles (anque una versión feudal del protestantismu sobrevivió como relixón nel

norte d'Alemaña). La burguesía tuvo qu'esperar más de dos sieglos hasta algamar el so trunfu

nel segundu round, qu'empezaría esta vez ensin ropaxe relixosu, en París nel añu 1789.

ESPLOTACIÓN Y PLUSVALÍA

Nes sociedaes esclavista y feudal les clases superiores teníen de tener control llegal sobre la

masa trabayadora de la población. D'otru mou, aquellos que trabayaben pal señor feudal o'l

propietariu d'esclavos fuxíen, dexando a la clas privilexada ensin naidie que trabayare pa ella.

Pero'l capitalista, xeneralmente, nun precisa de controles llegales sobre la persona física del

trabayador. Nun necesita poseyelu, porque sabe que'l trabayador, al negase a trabayar pa elli,

morrería de fame. En llugar de poseyer al trabayador, el capitalista pue prosperar porque

poseye y controla les fontes de supervivencia del trabayador -las máquines y les fábriques.

Les necesidaes materiales de la vida son producíes pol trabayu del ser humanu. Pero esti

trabayu ye cuasi inútil ensin ferramientes pa cultivar la tierra y procesar materies primes. Les

ferramientes puen variar enforma de simples implementos agrícoles como llabiegos y fesories


21

hasta máquines complicaes nes fábriques modernes. Pero ensin ferramientes nin el trabayador

más amañosu ye quien a producir les coses necesaries pa sobrevivir. El desenrollu d'eses

ferramientes llamaes por nosotros "medios de producción" separten al ser humanu modernu

de los sos ancestros de la Edá de Piedra. El capitalismu ta basáu na propiedá d'esos medios de

producción per parte d'unes poques persones. Na Gran Bretaña de güei, por exemplu, un 1%

de la población controla'l 84% del capital y de les aiciones de la industria. Nes sos manes ta

concentráu'l control efeutivu sobre la gran mayoría de los medios de producción; máquines,

fábriques, campos petroleros y les meyores tierres de cultivu. La masa de la población namás

pue sobrevivir si'l capitalista-y permite trabayar con dichos medios de producción. Esto da-yos

a los capitalistes un poder escomanáu pa esplotar el trabayu de les demás persones, anque a

los güeyos de la llei "tolos homes seyan iguales".

Necesitáronse dalgunos sieglos pa que los capitalistes monopolizaren el control sobre los

medios de producción. En Gran Bretaña, por exemplu, los parllamentos de los sieglos XVII y

XVIII tuvieron d'aprobar una socesión de Lleis d'Allambramientu de los campos que separtaron

a los campesinos de los sos medios de producción, ye dicir, de la tierra qu'ellos cultivaren per

sieglos. La tierra entós volvióse propiedá d'una parte de la clas capitalista y la gran mayoría de

la población rural foi forciada a vender el so trabayu pa los capitalistes o morrer de fame. Una

vuelta algamáu'l monopoliu de los medios de producción, el capitalismu pudo permitir que la

mayoría de la población esfrutare, como los capitalistes, d'una llibertá y igualdá de derechos

políticos aparente. Ya que, por mas "llibres" que foren, los trabayadores tovía teníen que

trabayar pa vivir. Los economistes favoratibles al capitalismu tienen una esplicación simple

sobre lo asocedío entóncenes. Ellos dicen qu'al pagar salarios, el capitalista compra'l trabayu

del emplegáu. Y debe pagar un preciu xustu por elli. Casu contrariu, el trabayador marcharía a

emplegase con otra persona. El capitalista paga un "salariu xustu" al trabayador, polo tanto'l

trabayador debe dar un "día de trabayu xustu" al patrón.

¿Cómo entós, podemos esplicar les ganancies? Les ganancies, afirmen, son una "recompensa"

pal capitalista pol "sacrificiu" que fixo pa poner n'actividá los medios de producción (capital).

Ye un argumentu que difícilmente convence a nengún trabayador que piense esto dos veces.

Garremos a una empresa qu'anuncia una "tasa de ganancies neta" de 10% al añu. Taríen

afirmando que si'l costu de tola so maquinaria, instalaciones y tolo que poseye ye de 100

millones d'euros, sóbren-y 10 millones dempués de pagar salarios, la materia prima y el costu

de reposición de la maquinaria esgastao nun añu. Nun ye preciso ser un xeniu pa decatase de

que dempués de 10 años esa empresa totalizará una ganancia de 100 millones, ye dicir, el

montu integral de la inversión orixinal.

Si ye'l "sacrificiu" el que tá siendo recompensáu, entós ye bien seguro que dempués de 10

años toa ganancia debería cesar. Pos entós los capitalistes ya tendríen recibío l'equivalente a lo

qu'invirtieron al empiezu. Mentanto, la verdá ye que'l capitalista fíxose dos veces más ricu

que'enantes. Quedóse cola inversión anicial más la ganancia acumulada. Mentanto'l

trabayador sacrificó gran parte de la enerxía de la so vida trabayando 8 o más hores por día, 48

selmanes por añu, nuna empresa. ¿Tará dos veces meyor al final d'esi tiempu qu'al entamu?

Pues apostar tola to ropa a que non. Anque elli tuviere aforráu tol dineru que pudiere, nun

podría ser quien a mercar muncho más qu'un televisor a color, un sistema de calefaición

baratu o un automóvil de segunda mano. Nunca nun sedrá capaz d'axuntar abondu dineru pa


22

mercar la empresa onde trabaya. El "xustu día de trabayu por un xustu xornal" multiplicó'l

capital del capitalista, mentes dexaba al trabayador ensin capital y ensin más opción que dir a

trabayar malapenes por esi xornal. La "igualdá de derechos" ente capitalistes y trabayadores

incrementó la desigualdá.

Ún de los mayores descubrimientos de Marx foi la esplicación d'esa anomalía aparente. Nun

existe un mecanismu qu'obligue al capitalista a pagar a los sos trabayadores el valor integral

del trabayu que realicen. Un trabayador emplegáu en 1979, por exemplu na industria

británica, pue crear 400 llibres de productos a la selmana. Pero esto nun significa qu'elli o ella

reciban esa suma. En 99 casos de 100 ellos recibirán muncho menos. L'alternativa de los

trabayadores, ye trabayar o morrer de fame (o como máximu vivir dellos meses con un

subsidiu mísere de desemplegu). Por ello los trabayadores nun reivindiquen el valor integral de

lo que producen, malapenes abondo pa tener un nivel de vida aceptable. El trabayador recibe

malapenes lo suficiente pa reponer diariamente toles fuercies y capacidaes de trabayu a

disposición del capitalista.

Dende'l puntu de vista de los capitalistes, si los trabayadores tán recibiendo lo suficiente pa

mantenese trabayando y criar a sos fíos, quien sedrá la nueva xeneración de trabayadores,

tarán entós recibiendo un salariu xustu pola so fuercia de trabayu. Pero'l total del valor

necesariu pa mantener a los trabayadores en condiciones de trabayar ye considerablemente

menor que la cantidá de riqueza qu'ellos producen -el valor de la fuercia del so trabayu ye

considerablemente menor que'l valor creáu pol so trabayu. A la diferencia que va parar a los

bolsos de los capitalistes, llamóla Marx "plusvalía".

L'AUTOESPANSIÓN DEL CAPITAL

Si lleemos los escritos de los apoloxistes del sistema actual, notaremos qu'ellos comparten una

creyencia pecuñar: el dineru tien una estraña propiedá máxica. Pue medrar como una planta o

un animal. Cuando un capitalista coloca dineru nun bancu, la so espeutativa ye de que medre.

Cuando ellos invierten n'aiciones d'Unilever, por exemplu, esperen ser recompensaos al añu

con retornos xenerosos en dineru, en forma de beneficios. Marx notó eso y llamó a esti

fenómenu "autoespansión del capital", en rellación a esto ellaboró una esplicación.

Como viemos anteriormente, la so esplicación escomienza non col dineru, sinón col trabayu y

los medios de producción. Na sociedad actual, aquellos que poseyen abonda riqueza puen

mercar el control de los medios de producción. Puen entós obligar a caún d'aquellos que nun

tengan esi poder, a vender la fuercia de trabayu necesaria pa facer funcionar los medios de

producción. El secretu de la "autoespansión del capital", de la milagrosa capacidá del dineru de

crecer y multiplicase pa quien yá poseye grandes cantidaes d'elli, reside na compra-venta

d'esta fuercia de trabayu.

Garremos como exemplu un trabayador, a quien daremos el nome de Jack. Elli consigue un

emplegu con un empresariu, Sir Browning Browne. El trabayu que Jack pue facer en 8 hores

diaries creará un volume adicional de valor -quiciás d'unes 48 llibres. Pero Jack ta dispuestu a

vender el so trabayu por muncho menos qu'eso, ya que la so alternativa ye'l seguru de


23

desemplegu. Hai parllamentarios favoratibles al capitalismu qu'afirmen que con 12 llibres

diaries un trabayador y la so familia puen subsistir, y pagar un seguru de desemplegu mayor a

esa cifra implicaría "destruyir l'incentivu pa trabayar". Si Jack quier ganar más de 12 llibres

diaries, tendrá que vender la so habilidá pa trabayar, la so fuercia de trabayu, anque-y ofrezan

muncho menos que les 48 llibres qu'elli pue crear nes sos 8 hores de trabayu. Podrá trabayar,

quiciás, por 28 llibres diaries. La diferencia diaria de 20 llibres dirá al bolsu del señor Browning.

Esta, ye la plusvalía del señor Browning.

Porque tuvo abonda riqueza pa mercar el control de los medios de producción en primer

instancia, el señor Browning Browne pue asegurar arriquecese en 20 llibres al día por cada

trabayador qu'emplega. El so dineru sigue creciendo, el so capital espándese, non por causa de

dalguna llei natural, sinón debío al fechu de que'l so control sobre los medios de producción

permite-y mercar el trabayu ayenu a baxu preciu. Por supuestu que'l señor Muñiz nun guarda

necesariamente la totalidá d'estes 20 llibres pa sigo mesmu. Elli pue alquilar instalaciones

fabriles o tierres. Pudo pidir dineru emprestao a los otros miembros de la clas dominante

p'aniciar el so negociu y ellos van esixir una parte de su plusvalía. Quiciás, ellos esixan 10 llibres

como pagu, dexando al señor Browning malapenes les restantes 10 llibres de beneficios.

Aquellos que viven de rentes probablemente enxamás conocerán a Jack en tola so vida. Por

embargu, nun foi'l poder místicu del dineru lo que-yos aumentó los ingresos, sinón el mui

físicu sudu de Jack. Los dividendos, los intereses, los beneficios, toos ellos remanecen de la

plusvalía. ¿Qué ye lo que determina cuánto consigue Jack pola so fuercia de trabayu? El so

empleador va tentar de paga-y lo menos posible. Pero na práutica esisten llimites, debaxo

d'éstos los salarios nun puen llegar. Dalgunos d'esos llímites son físicos -nun ye recomendable

pagar salarios tan ruinos como pa que los trabayadores tean desnutríos y incapacitaos de

poner esfuerciu nel trabayu. Ellos tamién tienen que ser capaces de viaxar haza y dende'l

trabayu, y tener dalgún llugar pa descansar pela nueche, para nun cayer de sueñu sobre les

máquines. Dende esti puntu de vista, paga la pena inclusive pagar por aquello que los

trabayadores consideren "pequeños lluxos" -como unos culetes nel chigre, un televisor, y

ocasionalmente unes vacaciones. Too esto da al trabayador ánimu nuevu pa trabayar meyor.

Sirve tamién pa que'l trabayador "reabasteza" la so fuercia de trabayu. Y un fechu importante

ye que onde los salarios son manteníos muy baxos, la productividá tamién cai.

El capitalista tien de s'esmolecer por otra cosa tamién. La so empresa va tar n'actividá per

munchos años. Munchu tiempu dempués de que los sos trabayadores actuales tean yá

muertos. La so empresa va precisar de los fíos d'estos trabayadores, polo que tien que paga-

yos lo suficiente como pa que los críen. Tamién tienen qu'asegurar que l'Estáu ufierte, al

traviés del sistema d'educación, ciertes habilidaes a esos neños (como lleer y escribir). Na

práutica, una cosa más ye importante; aquello que'l trabayador considera como un "salariu

decente". Un trabayador que recibe un salariu más baxu del que podría percibir pue ser

neglixente coles sos responsabilidaes llaborales, importándo-y poco perder el so emplegu ya

qu'esti-y paez "inútil". Toos esos elementos determinantes del salariu tienen una cosa en

común. Toos tenten d'asegurar que'l salariu seya abondo pa caltener viva la fuercia de trabayu,

pa que'l capitalista la compre por hora. Los trabayadores reciben una paga pa mantenese ellos

y les sos familias, vivos y aptos pa trabayar.


24

Na sociedá capitalista de güei, un aspeutu más debe ser destacáu. Grandes cantidades de

dineru son gastaes en coses como fuercies policiales y armamentos. Estos instrumentos son

utilizados pol Estáu en defensa de los intereses de la clas capitalista. De fechu, ellos

pertenecen a la clas capitalista, anque tean dirixíos pol Estáu. El valor que ye gastáu nellos

pertenez a los capitalistes, non a los trabayadores. Esto tamién ye parte del plusvalor.

Plusvalor = beneficiu + renta + intereses + gastos en policía, exércitu y demás.


25

5. LA TEORÍA DEL VALOR-TRABAYU

Pero maquinaria y capital producen tanto bienes como trabayu. Si esti ye'l casu, ye una

cuestión de xusticia que'l capital, asina como'l trabayu, reciban la so parte de la riqueza

producida. Cada "factor de producción" tien de tener la so recompensa.

D'esta manera respondería al analís marxista de la esplotación y la plusvalía daquién que

deprendiere dalgo d'economía favoratible al capitalismu. Y a primera vista, esta oxeción paez

tener dalgún sentíu. Pos ciertamente nun se pue producir bienes ensin capital.

Los marxistes enxamás argumentamos que fore posible, pero'l nuesu puntu de partida ye bien

diferente. Entamamos por preguntar en primer llugar: ¿d'ónde vien el capital? ¿Cómo

surdieron los medios de producción? La rempuesta nun ye difícil d'atopar. Tolo que l'hombe

utilizó na so historia pa crear riqueces dende una bruesa neolítica a la computadora más

moderna foi producío pol trabayu humanu. La mesma bruesa foi producida con otres

ferramientes qu'al empar yeren productu d'un trabayu previu. Ello ye que Marx avezaba a

denomar a los medios de producción como "trabayu muertu". Cuando los homes de negocios

aclamen el capital que poseyen en realidá tán resaltando'l fechu de qu'ellos controlen el gran

manancial de trabayu de les xeneraciones precedentes. Y ello nun significa que seya'l trabayu

de los sos ancestros, que nun trabayaron más de lo qu'ellos lo faen agora.

La noción de que'l trabayu ye la fonte de la riqueza comúnmente llamada "teoría del valor-

trabayu" nun foi descubierta orixinariamente por Marx. Tolos grandes economistes

favoratibles al capitalismu del tiempu de Marx aceptaben esa teoría. Esos homes, como

l'economista escocés Adam Smith o l'inglés David Ricardo, produxeron les sos teoríes cuando'l

sistema capitalista industrial tovía yera mui mozu, pocos años enantes y dempués de la

Revolución Francesa. Los capitalistes tovía nun dominaben la sociedá y necesitaben conocer la

verdadera fonte de la so riqueza si queríen llegar al poder. Smith y Ricardo sirvieron a los sos

intereses afirmando que'l trabayu creaba la riqueza, y que p'aumentar les sos riqueces ellos

teníen que "lliberar" el trabayu del control de les antigües clases dominantes precapitalistes.

Pero nun entardó muncho pa que los pensadores cercanos a la clas trabayadora volvieran esi

argumentu contra los amigos de Smith y Ricardo: si'l trabayu crea riqueces, entós el trabayu

crea'l capital. Y los "derechos del capital" nun son más que los derechos del trabayu

arrebataos. Pronto los economistes qu'apoyaben al capital, empezaron a afirmar que la teoría

del valor-trabayu nun pasaba de ser un montón d'idees ensin xacíu. Pero cuando la verdá ye

echada pela puerta d'alantre, ella acostuma a tornar pela puerta trasera.

Priendi la radio. Escúchala dalgún tiempu y sentirás a dalgún espertu diciendo que'l problema

de la economía ye que les "persones nun trabayen suficientemente duro" o, d'otru mou, que

"la productividá ye mui baxa". Olvidemos per un momentu si l'argumentu ye correutu o non.

En llugar d'esto, echémos-y una güeyada. Ellos nunca nun dicen "les máquines nun trabayen

suficientemente duro". Non. Son siempre les persones, los trabayadores. Afirmen que si los

trabayadores s'esforciaren más, mayor sedría la riqueza creada, y eso posibilitaría más

inversión en nueves máquines. Les persones qu'usen esti argumentu pueque nun lo sepan,

pero tán afirmando que más trabayu crea más capital. El trabayu ye la fonte de la riqueza.


26

Digamos que tengo un billete de 5 euros en bolsu. ¿Cuála ye la so utilidá pa min? Dempués de

too nun pasa de ser un cachu de papel impresu. El so valor pa min reside nel fechu de que

pueo consiguir, a cambéu d'elli, dalgo útil, que foi creao gracies al trabayu d'otra persona. El

billete, en verdá, nun ye más qu'una representación de los productos d'esi trabayu. Dos

billetes representen los productos de dos veces esi trabayu, y asina socesivamente. Cuando

midimos la riqueza tamos midiendo'l trabayu que foi realizáu pa crear esa riqueza.

Obviamente, non toos producen la mesma cantidá de trabayu nel mesmu periodu de tiempu.

Si yo decidiere, por exemplu, facer una mesa, llevaríame cinco o seyes veces más tiempu qu'a

un carpinteru esperimentáu. Pero naide nel so sanu xuiciu consideraría a la mesa que yo fixi

cinco o seyes veces más valiosa que la mesa realizada pol carpinteru esperimentáu. Sedría

preciso evaluar el mio trabayu d'acuerdu a la cantidá de trabayu necesariu pa qu'un carpinteru

la faiga y non d'acuerdu a la cantidá de trabayu realizáu. Ye dicir, si a un carpinteru-y llevare

una hora realizar la mesa, el valor de la mesa sedrá consideráu como l'equivalente a una hora

de trabayu. Esti sedría'l tiempu necesariu pa facer una mesa, tomando en cuenta'l nivel

xeneral de téunica y habilidá esistentes anguaño na sociedá.

Por esa razón, Marx insistía en que la midida del valor de cualaquier cosa nun ye simplemente'l

tiempu que-y lleva a un individuu facelo, sinón el tiempu de trabayu qu'un individuu emplearía

dientro del nivel mediu de teunoloxía y habilidá. Elli llamaba a esi nivel mediu de trabayu "el

tiempu de trabayu socialmente necesariu". Esti puntu ye importante porque'l capitalismu

siempre ta avanzando teunolóxicamente, lo que quier dicir que cada vez se necesita menos y

menos trabayu pa producir cada mercancía. Por exemplu, cuando s'acostumaba fabricar radios

utilizando válvules térmiques, esos productos yeren mui caros, porque había gran cantidá de

trabayu na fabricación de les válvules, pa coneutales y tolo demás. Entós foi inventado'l

transistor, que podía ser confeicionado y coneutáu con muncho menos trabayu. De sópitu,

tolos trabayadores de les fábriques de radios que tovía utilizaben válvules descubrieron que'l

preciu de lo qu'ellos producíen taba desfasáu. Porque'l preciu de les radios yá nun taba más

determináu pol tiempu trabayu necesariu pa fabricar válvules, sinón pol tiempu necesariu pa

fabricar transistores.

Un últimu puntu. Los precios de dalgunos bienes fluctúen de manera desenfrenada d'un día a

otru o d'una selmana a otra. Estos cambios puen ser causa de munches otres coses, amás de

los cambeos na cantidá de trabayu necesariu pa producilos. Cuando una xelada en Brasil afaró

tolos cultivos de café, el preciu del café disparóse porque esto provocó una escasez mundial y

la xente terminó pagando más por esi productu. Si mañana dalguna catástrofe natural destrúi

tolos televisores, nun hai dulda de que los precios de los aparatos de televisión van a disparase

de la mesma manera. Lo que los economistes llamen "la ufierta y la demanda" causa de

contino estes fluctuaciones nos precios.

Por esta razón, munchos economistes favoraribles al capitalismu dicen que la teoría del valor-

trabayu nun tien sentíu. Afirmen que namás importa la llei de la ufierta y la demanda. Pero

esto sí que tien menos sentíu. Porque esti argumentu escaez que cuando dalguna cosa fluctúa,

fluctúa xeneralmente alredor d'un nivel mediu. La mar avanza y retrocede debío a les marees,

pero eso nun significa que nun podamos llocalizar un puntu en tornu ésti se mueve, al que

llamamos "nivel de mar". De la mesma manera, el fechu de que los precios xuban y baxen


27

diariamente, nun significa que nun esistan valores fixos qu'en tornu a estos fluctúen. Por

exemplu, si tolos aparatos de televisión foren destruyíos, los primeros n'apaecer sedríen mui

buscaos y algamaríen precios elevadísimos. Pero nun s'entardaría muncho pa que más

aparatos llegaren al mercáu, compitiendo unos con otros hasta que los precios foren forciaos a

baxar, hasta llegar cerca del so valor en términos del tiempu de trabayu necesariu pa

producilos.

COMPETENCIA Y ACUMULACIÓN

Hebo un tiempu en que'l capitalismu paecía ser un sistema dinámicu y progresista. Na mayor

parte de la historia humana, les vides de la mayoría de los homes y les muyeres foron

dominaes pol trabayu pesáu y la esplotación. El capitalismu industrial nun cambió esto cuando

apaeció nos sieglos XVIII y XIX. Pero paez que-y dio al trabayu pesáu y a la esplotación un

propósitu útil. En cuenta de gastar grandes cantidaes de riqueza en lluxos pa unos pocos

aristócrates parasitarios o na construcción de mausoleos escomanaos pa los monarques

muertos, o en guerres absurdes pa conquistar un cachu de tierra pal fíu de dalgún emperador,

usó la riqueza pa construyir los medios de crear más riqueces. El surdimientu del capitalismu

foi un periodu de crecimientu de les industries, ciudaes, medios de tresporte, nuna escala

enxamás suañada pola historia humana anterior.

Pue paecer estraño güei, pero llugares como les antigües ciudaes industriales de principios del

capitalismu yeren sitios onde s'operaben milagros. La humanidá nunca viere antes tantu

algodón y filaos tresformaos tan rápidamente en vistimienta pa vistir a millones. Esto nun

ocurrió porque los capitalistes tuvieren dalguna virtú especial. Ellos yeren siempre, más bien,

persones tafuñes, obsesionaes por colocar les sos manes sobre la mayor cantidá de riqueza

posible, pagando'l preciu más baxu posible pol trabayu qu'utilizaben. Munches clases

dominantes anteriores foron como ellos nesti aspeutu, ensin tener llevantao industries. Pero

los capitalistes foron diferentes en dos aspeutos importantes.

El primeru col que tratemos ye'l fechu de qu'ellos nun poseyíen los sos propios trabayadores,

pero pagaben a los trabayadores por hora pola so habilidá nel trabayu, pola so fuercia de

trabayu. Yeren esclavos asalariaos, yá non solamente esclavos. El segundu aspeutu ye qu'ellos

nun consumíen los bienes producíos polos sos trabayadores. El señor feudal vivía

direutamente de la carne, el pan, el quesu y el vinu producío polos sos siervos. Pero'l

capitalista vivía de la venta a otres personas de los bienes producíos polos trabayadores. Esto

daba al capitalista individual menos llibertá pa facer lo que quería, que la que teníen los

señores feudales y los propietarios d'esclavos. Pa vender les mercancíes, el capitalista tenía

que produciles lo más barato posible. El capitalista poseyía la fábrica y yera toupoderosu

dientro d'ella. Pero nun podía usar esti poder de cualaquier manera. Elli tamién tenía

qu'inclinarse énte la necesidá de competir con otres fábriques.

Volvamos al nuesu capitalista favoritu, el señor Browning Browne .Consideremos qu'una cierta

cantidá de tela d'algodón lleva 10 hores del tiempu d'un trabayador de la so fábrica para ser

producida, pero n'otra fábrica esa mesma cantidá lleva malapenes 5 hores. El señor Browning

nun podría fixar el preciu de la so mercancía pol so equivalente a 10 hores de trabayu. Naide


28

nel so sanu xuiciu pagaría esi preciu si pue pagar más barato pola tela unes cais más alantre.

Cualquier capitalista que quixere sobrevivir nel negociu tenía qu'asegurase de que los sos

emplegaos trabayaren tan rápido como fore posible. Pero esto nun yera too. Elli tamién tenía

que prever que los sos emplegaos trabayaren cola maquinaria más moderna, de xeitu que'l so

trabayu produxere tanta cantidá de bienes nuna hora como los emplegaos que trabayen pa

otros capitalistes. El capitalista que quixere siguir col negociu, tenía d'asegurase de poseyer

cada vuelta mayor cantidá de medios de producción -o como Marx diz: ¡acumular capital!

La competencia ente capitalistes produxo un poder, el sistema de mercáu, que tenía a toos y

caún baxo'l so control. Obligaba a toos a acelerar el procesu productivu tol tiempu y invertir

tolo que pudieren en nueves máquines. Y namás podíen dase'l lluxu de gastar en nueves

máquines (y obviamente, en llevar la so lluxosa vida) si calteníen los salarios de los sos

trabayadores lo más baxo posible. Na so mayor obra, El Capital, Marx escribe que'l capitalista

ye un atuñáu, obsesionáu n'axuntar más y más riqueces.

Pero, lo que nel atuñáu ye simple idiosincrasia ye, nel capitalista, l'efeutu d'un mecanismu

social nel que nun pasa de ser ún de los engranes... El desenrollu de la producción capitalista

vuelve necesariu'l crecimientu permanente del total del capital colocáu nun emprendimientu

determináu y la competencia fai que les lleis inmanentes del capital seyan percibíes por cada

capitalista como lleis coercitives esternes. Ello oblígalos a mantener al so capital creciendo de

contino pa preservalu. Pero ellos namás puen facer esto al traviés d'una acumulación

progresiva.

¡Acumula, acumula! ¡Dicen Moisés y otros profetes!

La producción nun se desenrolla pa satisfacer les necesidaes humanes -inclusive les necesidaes

humanes de la clas capitalista- sinón pa posibilitar al capitalista sobrevivir na competencia con

otros capitalistes. Los trabayadores que son emplegaos pol patrón, descubren que les sos vides

son dominaes pola necesidá de los sos empleadores d'acumular más rápidamente que los sos

rivales. Como diz Marx nel Manifiestu Comunista:

Na sociedá burguesa'l trabayu vivu nun pasa de ser un mediu p'acumular trabayu muertu... El

capital ye independiente y tien la so individualidá, les persones son dependientes y nun tienen

individualidá.

La tendencia compulsiva de los capitalistes a l'acumulación na competencia, foi'l gran

emburrión de la industria nos primeros años del sistema. Pero otra cosa tamién resultó d'esto:

repetíes crisis económiques. Les crisis económiques nun son nueves, son tan vieyes como'l

propiu sistema.


29

6. LES CRISIS ECONÓMIQUES

Acumulación de riqueza per un llau y de probeza pel otru.

Asina ye como Marx resume la principal tendencia del capitalismu. Cada capitalista tien mieu a

la competencia d'otru capitalista, y ello ye polo que faen que los sos emplegaos trabayen lo

más duro posible, pagando los salarios más baxos que puedan arrinca-yos. El resultáu ye una

desproporción ente'l crecimientu escomanáu de los medios de producción per un llau, y el

crecimientu llimitáu de los salarios y del númberu de trabayadores emplegaos pel otru. Esta,

aporfiaba Marx, ye la causa básica de les crisis económiques. El mou más fácil d'atalantar esto

ye preguntanos: ¿quién compra la siempre creciente cantidá de mercancíes? Los salarios baxos

que tienen los trabayadores impíde-yos mercar los bienes qu'ellos mesmos producen. El

capitalista nun pue elevar los salarios porque esto diría a la escontra de les sos ganancies que

son la fuercia impulsora del sistema.

Pero si les empreses nun puen vender los bienes que producen, elles tienen que zarrar les sos

puertes y despidir trabayadores. El montu de los salarios, entós, cai tovía más, y más empreses

nun llogren vender les sos mercancíes. Una "crisis de superproducción" instálase, con

mercancíes acumulaes per tola economía, que les persones nun sedrán capaces d'adquirir. Esti

foi un aspeutu recurrente na sociedá capitalista nos caberos 160 años. Pero cualquier

apoloxista atináu del sistema, podría llamar l'atención sobre un mediu fácil de salir d'esta

crisis. Tolo que los capitalistes deberíen facer sedría invertir los sos beneficios en fábriques y

máquines nueves. Esto ofrecería emplegu a los trabayadores, que podríen entós ser capaces

de comprar los bienes invendibles. Esto significa que cuntando con que se realicen inversiones

nueves, toles mercancíes podríen ser vendíes y el sistema podría ofrecer emplegos para toos.

Marx nun yera neciu y reconocía esti fechu. Ciertamente, como viemos, elli sabía que la

presión de la competencia qu'obligaba a los capitalistes a invertir, yera central pal sistema.

Pero Marx entrugábase: ¿esto significa que los capitalistes invertiríen tolos sos beneficios, tol

tiempu? Los capitalistes namás invertiríen si consideraren qu'esiste la garantía d'una ganancia

"razonable". Si ellos nun creyen que pueda llograse esta ganancia, nun arriesgarán el so dineru

n'inversiones. Pondránlo nel bancu y dexaránlo ellí.

Que'l capitalista invierta o non, dependerá de cómo evalúe la situación económica. Cuando

paez favoratible, tolos capitalistes se precipitarán a invertir al empar, balanciándose unos

sobre otros buscando sitios de construcción, mercando máquines, escarbando'l suelu a la

busca de materies primes, pagando de sobra la mano d'obra calificada. Esto ye llamao polo

xeneral "el boom". Pero la competencia frenética pola tierra, la materia prima y la mano

d'obra calificada fai xubir los precios d'estes coses. Y llégase de sutevalute a un puntu onde

dalgunes empreses descubren que los sos costos eleváronse tanto que toles sos ganancies

desapaecieron.

El boom d'inversiones repentines da llugar a una cayida de les inversiones. Una depresión.

Naide más quier fábriques nueves -los trabayadores de la construcción pierden los sos

emplegos. Naide nun quier máquines nueves -les industries de maquinaria entren en crisis.


30

Naide nun quier l'aceru y el fierro que tán siendo producíos -la industria del aceru entama

d'esmenu a producir "per embaxo de la so capacidá" y "dexa de brindar ganancies". Quiebres y

piesllos esparrámense d'industria n'industria, devorando emplegos -y con ellos la capacidá de

los trabayadores de mercar bienes d'otres industries. La historia del capitalismu ye la historia

d'eses cayíes y depresiones periódiques, y de la situación dilirante de los trabayadores

desemplegaos morriendo de fame al llau de fábriques valeres, mentes los stocks de

mercancíes "indeseaes" apodrecen. El capitalismu crea periódicamente crisis de

superproducción, porque nun esiste una planificación qu'impida les corríes y fugues coetanies

de los capitales invertíos na producción.

Les persones acostumaben a pensar que l'Estáu podía aparar esto. Al traviés de la so

intervención na economía, aumentando la inversión gubernamental cuando la inversión

privada tuviere baxa y reduciéndola cuando'l capital priváu volviere a invertir, l'Estáu

caltendría la producción nun nivel estable. Pero güei les inversiones estatales tamién son parte

del alloriu xeneral. Veamos l'exemplu de la British Steel. Dellos años atrás, cuando la empresa

tovía yera pública, los metalúrxicos foron notificaos de que los sos emplegos sedríen eliminaos,

p'abrir camín a fornos automáticos modernos que produciríen más aceru a costos menores.

Güei tovía-yos dicen que ye necesario perder más puestos de trabayu. Gran Bretaña nun foi

l'únicu país n'embarcase nestos planes d'inversiones masives; Francia, Alemaña, Estaos Uníos,

Brasil, Corea del sur, toos fixeron lo mesmo. Hai agora un escedente mundial d'aceru, una

crisis de superproducción. La inversión estatal ta siendo retayada.

Los metalúrxicos, por supuestu, sufren nes dos etapes. Cuando les inversiones medren y

cuando les suspenden. Esti ye'l preciu que la humanidá paga por un sistema económicu en que

la producción de grandes riqueces ye controlada por un pequeñu grupu privilexáu, interesáu

namás nes ganancies. Nun importa si esos pequeños grupos privilexaos poseyen direutamente

les empreses o les controlen indireutamente pente medies del so poder sobre l'Estáu (como

ye'l casu de British Steel). Si ellos usen el so control pa competir unos con otros, seya a escala

nacional o global, siempre son los trabayadores los que sufren. La mayor llocura del sistema

ye'l fechu de que les "crisis de superproducción" nun son debíes a la superproducción. Tol

escedente d'aceru, por exemplu, podría tener ayudao a resolver la fame mundial. Campesinos

de tol mundu tienen que llabrar la tierra con llabiegos de madera. Los llabiegos d'aceru

tuvieren ayudao a aumentar la producción mundial d'alimentos, pero los campesinos nun

tienen dineru. Si'l sistema capitalista nun s'interesa por ello nun hai manera d'obtener

beneficios d'esi xeitu.


31

¿POR QUÉ LES CRISIS TIENDEN A EMPEORAR?

Les crisis nun asoceden con una regularidá monótona. Marx previó tamién que se volveríen

peores a midida que pasare'l tiempu. Anque les coses asocedieren de manera uniforme, ensin

convulsiones nin sobresaltos, esto nun detendría la tendencia xeneral rumbu a les crisis. Y esto

porque la competencia ente capitalistes (y ente les naciones capitalistes) oblígalos a invertir

n'equipamientos qu'afuerren mano d'obra.

Anguaño en Gran Bretaña cuasi toles inversiones nueves son diseñaes pa recortar el númberu

de trabayadores. Ello ye que güei hai menos trabayadores na industria británica que 10 años

atrás, anque la producción s'incrementó nesi periodu. Namás al traviés d'una "producción

racionalizada", del "aumentu de la productividá" y de la disminución de la mano d'obra, un

capitalista pue facese d'un cachu más grande de la tarta. Pero'l resultáu pal sistema como un

tou ye desastrosu, pos esto determina que'l númberu de trabayadores nun medre a la mesma

velocidá que les inversiones. Con too ello, la fonte del beneficiu ye'l llabor de los trabayadores,

el combustible que mantién funcionando al sistema. Si fixeren más y más inversiones, ensin

l'aumentu correspondiente de la fonte de ganancies, taríen rumbu al colapsu -esto ye tan

cierto como si quixéremos mover un camión cola mesma cantidá de gasolina utilizao para

mantener funcionando una motocicleta.

Por eso ye que Marx argumentaba 100 años atrás que ye l'ésitu mesmu del capitalismu

n'acumular grandes inversiones en nuevos equipamientos lo que produz la tendencia

decreciente de la tasa de ganancies, de la que la mayor consecuencia ye l'empeoramientu de

les crisis. Esti argumentu pue ser treslladáu fácilmente al capitalismu actual. Al aviesu que'l

vieyu dichu sobre los "tiempos malos" que dieron llugar a los "tiempos bonos", de la depresión

tresformándose n'espansión, lo que nosotros presenciamos ye una recesión ensin final.

Cualquier rellanzamientu de la producción tresfórmase en desemplegu, ye d'alcance llimitáu y

de curtia duración. Los apoloxistes del sistema dicen qu'esto pasa porque nun se realicen

abondes inversiones. Ensin inversiones nueves nun se creen emplegos nuevos y nun hai dineru

nuevo pa comprar mercancíes nueves. Hasta ehí podemos coincidir no qu'asocede, solo que

nun podemos acordar cola esplicación que-y dan al fechu.

Ellos culpen a los salarios. Tán mui altos, dicen ellos, llimitando les ganancies hasta la

cañamina. Los capitalistes tán roceanos d'invertir porque nun conseguirán un "retornu

suficiente". Pero les crisis presentáronse tamién n'époques nes que les polítiques salariales

retayaben el nivel de vida de los trabayadores y garantizaben beneficios elevaos a los

patrones. Nos años 1975-1978 presenciemos los mayores recortes salariales que los

trabayadores sufrieren nesti sieglu, volviéndose los ricos más ricos (tovía'l 10% más ricu

aumentó la so participación na riqueza nacional del 57,8% en 1974 al 60% en 1976). Y asina

nun había inversión abonda p'aparar la crisis y esto asocedía non solo en Gran Bretaña, sinón

tamién n'otros países onde los salarios foron reducíos, como en Francia, Xapón y Alemaña.

Sedría meyor recordar lo que dicía Marx 100 años atrás, sobre "blindar los oyíos énte los

apoloxistes actuales del capitalismu."

Marx previó que na midida en que'l capitalismu avieyare, les sos crisis empeoraríen, ya que la

so fonte de beneficios, la mano d'obra, nun llograría crecer de manera nenguna cola mesma


32

rapidez que les inversiones necesaries pa poner esa mano d'obra a trabayar. Marx escribió

nuna época na que'l valor d'una fábrica y de la maquinaria necesario pa llograr poner

n'actividá'l trabayu yera mui baxa. De magar entós, esti costu disparóse y güei (1979) pue

llegar a 20.000 o 30.000 llibres. La competencia ente les empreses capitalistes forciólos a usar

maquinaries cada vuelta más cares y mayores. Llegándose al puntu en que, nes más de les

industries les nueves maquinaries son garantía de menos trabayadores emplegaos.

La Organización pa la Cooperación y el Desenrollu Económicu (OCDE) previó que'l desemplegu

nes mayores economíes del mundu decayería [...] solo si se diere dalgún milagru y les

inversiones se dispararen. Y esto nun va asoceder porque los capitalistes curien de los

beneficios, y si les sos inversiones se cuadripliquen pero los sos beneficios namás se doblen,

nun tarán mui felices. Pero ye esto lo que debe pasar si la industria medra mas rápido que la

fonte de los sos beneficios, el trabayu humanu. Como diz el propiu Marx, la tasa de ganancies

tiende a decayer. Elli prevía que s'algamaría un puntu, a partir del mesmu, cualaquier nueva

inversión sedría una aventura peligrosa. La escala de los gastos necesarios pa máquines y

instalaciones nueves sedría colosal, y la tasa de ganancies sedría tovía más baxa qu'enantes.

Cuando s'algamare esti puntu, cada capitalista (o Estáu capitalista) suañaría con nuevos y

enormes programes d'inversiones -pero tendría pavura d'implementalos por miéu a la quiebra.

La economía mundial actual tien muncho d'esto. Rover planea nueves llinies de producción -

pero tien mieu de perder dineru al facelo. La British Steel suaña con tener aquelles xigantes

instalaciones planeaes -pero tuvo que conxelar los sos planes porque nun consigue vender la

so producción actual. Los fabricantes xaponeses de buques arrenunciaron d'invertir

n'instalaciones nueves y dalgunes de les antigües foron pesllaes. La propia capacidá del

capitalismu pa construyir máquines cada vegada más productives y mayores, llevó al sistema al

puntu d'una crisis aparentemente fixa.

Esti puntu alcanzóse nes sociedaes esclavistes de l'antigüedá y nes sociedaes feudales de la

Edá Media, nes qu'o la revolución tresformaba la sociedá o esta entraría nuna crisis que la

fadría recular. Nel casu de Roma, la revolución nun asocedió y llevó precisamente a la

destrucción de la civilización romana y a la Edá Escura. Nel casu de dalgunes sociedaes

feudales en Gran Bretaña y, mas tarde, en Francia la revolución destruyó'l vieyu orde y

permitió que se diere llugar a nuevos avances sociales, baxo'l capitalismu. Agora'l propiu

capitalismu enfrenta una eleición ente les crisis constantes, que dirán somorguiando

eventualmente a la humanidá na barbarie gracies a la miseria y la guerra, o la revolución

socialista.


33

7. LA CLAS TRABAYADORA

Marx apenzó'l Manifiesto Comunista afirmando que "la historia de toles sociedaes esistentes

hasta los nuesos díes foi la historia de la llucha de clases." La cuestión de cómo la clas

dominante obligaba a la clas oprimida a producir riqueces pa sigo ye clave. Por mor d'ello en

toles sociedaes anteriores tuvieron llugar lluches de clases perimportantes, que davezu

remataben en guerres civiles como pue vese nes insurreiciones de los esclavos na Roma

antigua, les insurreiciones campesines na Europa medieval, les grandes guerres civiles y

revoluciones de los sieglos XVII y XVIII. En toes eses grandes lluches, la masa de les fuercies

insurreutes venía de la parte más oprimida de la sociedá. Pero, como Marx demostró bien

llueu, al final tolos esfuercios d'esa mayoría oprimida solo sirvía pa sustituyir nel gobiernu a

una minoría privilexada por otra. Por exemplu, na China antigua hebo revueltes campesines

socesives pero elles malapenes sustituyíen un emperador por otru. De la mesma manera,

aquellos que más llucharon na Revolución francesa foron los "bras nus", les clases más probes

de París. Y al final, la sociedá terminó siendo gobernada non por ellos, sinón polos banqueros y

los industriales qu'asumieron en llugar del rei y de los nobles.

Había dos razones razones pa esta imposibilidá de les clases baxes de mantener el control

sobre les revoluciones nes qu'ellos lluchaben. De mano, el nivel xeneral de riqueza de la

sociedá yera abondo baxo. Esto pasaba porque les más de les persones taben manteníes na

probeza más estrema, pa qu'una pequeña minoría tuviere tiempu y aposientu pa desenrollar

les artes y les ciencies al envís de mantener a la civilización. N'otres pallabres, la división social

ente les clases yera necesaria pa que la sociedá pudiere progresar. En segundu llugar, la vida

de les clases oprimíes nun los preparó pa dirixir la sociedá. En xeneral ellos yeren analfabetos,

teníen poca idea de cómo yeren les coses mas allá de la llocalidá na que vivíen y, sobre

manera, la so vida xiraba en tornu a competir unos contra otros. Cada campesín preocupábase

en cultivar la so propia faza de tierra. Nes ciudaes, cada artesanu trabayaba nel so pequeñu

negociu. D'esi mou, competía con otros artesanos y nun s'unía con ellos.

Les revueltes campesines encomenzaben con un gran númberu de persones esixendo la

dixebra de les tierres del señor feudal llocal, pero una vuelta que'l señor feudal yera derrotáu,

la xente entamaba a lluchar ente sí por cómo debíen ser xebraes les tierres. Como Marx dixo,

los campesinos yeren como pataques nun sacu. Ellos podíen tar xuntos por una fuercia

esterna, pero yeren incapaces d'axuntar dafechu pa defender los sos propios intereses. Los

trabayadores que creen les riqueces baxo'l capitalismu modernu estrémense de toles clases

subordinaes anteriores. Primero porque la división de clases yá nun ye necesaria pal progresu

humanu. Créase tanta riqueza que la sociedá capitalista por sigo mesma destrúi

periódicamente cantidaes estraordinaries en guerres o crisis económiques. Riqueces que

podríen ser repartíes igualitariamente y permitir entá'l florecimientu de la sociedá nos campos

de la ciencia, les artes y demás.

En segundu llugar, la vida baxo'l capitalismu prepara a los trabayadores de varies maneres pa

tomar el control de la sociedá. Por exemplu, el capitalismu necesita de trabayadores calificaos

y instruyíos. Fuercia a millares de persones a aconceyar en grandes llocales, n'urbanizaciones


34

inmenses, onde se rellacionen unes con otres y onde puen convertise nuna fuercia poderosa

de tresformación social. El capitalismu lleva a los trabayadores a cooperar na producción

dientro de les fábriques, y éstes facultaes puen ser dirixíes fácilmente contra'l propiu sistema,

como asocede cuando los trabayadores s'organicen nos sindicatos. El fechu de tar concentraos

en grandes unidaes productives vuelve más fácil a los trabayadores controlar estes unidaes.

Fechu que nun asocedía en rellación coles clases dominantes anteriores.

A pesar d'ello, el capitalismu tiende pali que pali a tresformar a grupos de persones que se

consideren superiores a los trabayadores manuales (como oficinistes y téunicos), en

trabayadores que son forciaos a organizar los sos sindicatos, del mesmu mou que los demás

trabayadores. De recién, el desendolcu de les comunicaciones -ferrocarriles, carreteres, el

tresporte aereu, el sistema postal, los teléfonos, la radiu y la televisión, el corréu electrónicu y

l'Internet- permiten a los trabayadores comunicase con llocalidaes o fábriques distantes. D'esti

xeitu, puen organizase como clas a escala nacional y internacional -dalgo perlloñe de los

suaños de les clases dominaes anteriores. Todos esos fechos demuestren que la clas

trabayadora nun se llimita a ser una fuercia capaz de rebelase contra la sociedá esistente,

sinón qu'ella pue organizase, escoyendo y controlando a los sos propios representantes, pa

tresformar la sociedá según los sos propios intereses y non solo instalar nel poder a otru

emperador o otru grupu de banqueros. Como diz Marx:

Tolos movimientos anteriores na historia foron movimientos de minoríes en favor de los

intereses de les minoríes. El movimientu obreru ye'l movimientu consciente y independiente de

la inmensa mayoría en favor de los intereses de la inmensa mayoría.


35

8. ¿CÓMO PUE TRESFORMASE LA SOCIEDÁ?

La mayoría de los socialistes y de los sindicalistes argumenten xeneralmente que la sociedá

pue ser tresformada ensin necesidá de llevar a cabu una revolución violenta. Dicen que lo

necesario ye que los socialistes conquisten l'apoyu popular pa controlar les instituciones

polítiques "tradicionales" como los parllamentos nacionales y llocales. Entóncenes, los

socialistes taríen en condiciones de cambiar la sociedá tomando'l control de l'alministración, la

xusticia, la policía, les fuercies armaes pa imponer lleis que restrinxan el poder de la clas

dominante. D'esti xeitu lo qu'afirmen ye que'l socialismu pue ser introducíu gradualmente y

ensin violencia, al traviés de la reforma del sistema actual.

Esta conceición ye llamada xeneralmente "reformismu", anque ocasionalmente pue recibir el

nome de "revisionismu" (porque conlleva una revisión completa de les idees de Marx), o

"socialdemocracia" (anque hasta 1914 esti términu significare socialismu revolucionariu). Ye

una conceición que foi aceptada tanto pola izquierda como pola derecha del Partíu Llaborista

británicu, por exemplu. El reformismu paez, de mano, mui razonable. Concuerda colo que nos

dicen na escuela, nos periódicos y na televisión que'l "parllamentu gobierna'l país" y que "el

parllamentu ye eleutu d'alcuerdu a la voluntá democrática del pueblu". Por embargu, toles

tentatives d'introducir el socialismu al traviés del parllamentu fracasaron. Tuviemos trés

gobiernos con mayoría llaborista nel parllamentu británicu ente 1945 y 1979 con amplies

mayoríes en 1945 y 1966 y asinamesmo los británicos nun tán más próximos al socialismu de

lo que lo taben en 1945. La esperiencia fuera de Gran Bretaña amuésanos lo mesmo. Nel Chile

de 1970, el socialista Salvador Allende foi eleutu presidente. La xente dicía que yera un "camín

nuevu" pa llegar al socialismu. Trés años más tarde los xenerales que foron llamaos a sumase

al gobiernu derrocaben a Allende y el movimientu obreru chilenu yera destruyíu.

Esisten trés razones interrellacionaes poles que'l reformismu ta condenáu a fracasar siempre.

Primero, mentes les mayoríes socialistes nos parllamentos van "gradualmente" introduciendo

midíes socialistes, el poder económiuo real continúa en manes de la vieya clas dominante.

Ellos puen usar esti poder económicu pa trancar seiciones enteres de la industria, crear

desemplegu, forciar l'aumentu de los precios, unviar dineru al esterior pa crear una crisis na

"balanza de pagos", y llanzar campañes na prensa culpando al gobiernu socialista por too esto.

D'esta manera'l gobiernu llaborista de Harold Wilson foi forciáu en 1964 y nuevamente en

1966 a retirar midíes que beneficiaben a los trabayadores debío a una fuga en masa de

capitales individuales y empresariales al esterior. El propiu Wilson descríbelo asina nes sos

memories:

Llegamos a una situación na qu'un gobiernu recién escoyíu foi informáu polos especuladores

internacionales de que'l programa políticu col que combatimos y vencimos nes eleiciones nun

podía ser implementáu... Al primer ministru de la reina solicitóse-y que baxare la persiana de la

democracia parllamentaria, aceptando'l fechu de que les eleiciones britániques foron una farsa

y que'l pueblu británicu nun podía escoyer ente dos polítiques.

Ye preciso añader a la indignación fundada de Wilson, que nos seyes años siguientes elli

realmente llevó alantre'l tipu de política que-y presta a los especuladores. El mesmu tipu de


36

crisis premeditada de la balanza de pagos forció al gobiernu llaborista eleutu en 1974 a realizar

trés recortes consecutivos en sanidá, educación y los servicios sociales. El gobiernu d'Allende

en Chile enfrentó un boicot inda mayor per parte de los grandes empresarios. Per dos veces,

estayes industriales enteres trancaron les sos puertes por mor de les fuelgues patronales, polo

que la especulación aumentaba los precios a niveles mui altos y sacaba les mercancíes de

circulación, obligando a la población a sufir coles escomanaes pa mercar bienes esenciales. La

segunda razón pola que'l capitalismu nun pue ser reformáu débese al fechu de que la

maquinaria estatal actual nun ye "neutro", foi fecho d'arriba a abaxo, p'asegurar a la sociedá

capitalista. L'Estáu controla cuasi tolos medios pelos que s'exerce la violencia. Solo si la

organización del Estáu fore neutra y fixere tolo qu'un gobiernu cualquiera quixere, fore

capitalista o socialista, l'Estáu podría ser usáu p'aparar el sabotaxe económicu de los grandes

empresarios. Pero val namás con observar de qué manera funciona la maquinaria estatal y

quién da les órdenes realmente pa ver qu'ella nun ye neutral. La maquinaria estatal nun se

reduz al gobiernu. Ye una organización perinmensa con diferentes rames -la policía, l'exércitu,

el poder xudicial, los servicios públicos, les empreses públiques y demás. Munches de les

persones que trabayen nestes distintes rames estatales vienen de la clas trabayadora, son

asalariaos y viven como los otros trabayadores.

Pero nun son eses persones les que tomen les decisiones. Los soldaos rasos nun deciden ónde

nin qué guerres deben ser bregaes, nin si les fuelgues deben ser reprimíes. El funcionariu de la

seguranza social nun decide sobro'l valor d'una xubilación. Tola maquinaria estatal básase nel

principiu de que les persones que tán abaxo deben obedecer a los que tán arriba na escala.

Esti ye esencialmente'l casu de les seiciones de la maquinaria estatal qu'exercen la violencia

física; exércitu y policía. La primer cosa que los soldaos deprenden cuando s'allisten muncho

enantes de que puedan prender les armes ye a obedecer órdenes, independientemente de les

sos opiniones personales tocántenes a eses órdenes. Ello ye qu'ellos faen entrenamientos

absurdos. Si ellos faen movimientos absurdos nun entrenamientu militar, ye d'esperar que

tamién disparen cuando se-yos ordene, ensin reflexonar sobro ello. El mayor crime en

cualuquier exércitu ye negase a cumplir órdenes. Esta ufiensa ye vista de manera tan ríxida,

que'l motín en tiempu de guerra ye penáu en Gran Bretaña col fusilamientu.

¿Quién da les órdenes? Si observamos la xerarquía de mandos nel exércitu británicu (y n'otros

exércitos nun ye diferente) veremos que desciende dende'l xeneral al soldáu. L'exércitu ye una

gran máquina de matar. Les persones que la dirixen y tienen el poder de promover a otros

soldaos pa qu'asciendan a les posiciones de mandu son los xenerales. Por supuestu qu'en

teoría los xenerales tienen que responder énte los gobiernos eleutos. Pero los soldados son

entrenaos pa obedecer a los xenerales, non a los políticos. Si los xenerales prefieren dar

órdenes a los soldaos que diverxen de los deseos del gobiernu eleutu, ésti nun pue impedir el

cumplimientu d'eses órdenes. Podría, quiciás, persuadir malapenes a los xenerales de cambiar

les sos intenciones mentanto'l gobiernu supiere'l tipu d'órdenes que tán siendo daes -porque

los asuntos militares son cuasi siempre secretos y ye mui fácil pa los xenerales esconder lo que

tán faciendo a los gobiernos que nun son de la so confianza. Ello nun significa que los xenerales

siempre inoren lo que'l gobiernu tenga pa deci-yos. En Gran Bretaña ye común que los

militares alcuentren conveniente facer les coses como'l gobiernu lo suxer. Pero, en situaciones

de vida o muerte, los xenerales son capaces de poner n'aición la máquina asesina ensin oyer


37

siquiera al gobiernu. El gobiernu nun tien muncho que facer énte eso. Foi esto precisamente lo

que los xenerales terminaron faciendo en Chile cuando Allende foi derrocáu.

Por eso mesmo la cuestión nun ye "¿Quién manda nel exércitu?" sinón "¿Quién son esos

xenerales?". En Gran Bretaña el 80% de los oficiales de rangu altu vienen de les escueles más

cares. La mesma proporción de 50 años atrás (17 años de gobiernos llaboristes nun cambiaron

esto). Ellos tán vinculaos colos que remanen los grandes negocios, pertenecen a los mesmos

clubes, exercen les mismes funciones sociales, comparten les mesmes idees. [...] Esto mesmo

asocede colos xerarques del serviciu públicu, los xueces y los xefes de policía. ¿Creyes qu'eses

persones van obedecer les órdenes d'un gobiernu que quiera tomar el poder económicu de los

sos amigos y parientes que participen nos grandes negocios solo porque della xente se

manifestare frente al parllamentu? ¿Nun sedría mucho más probable qu'ellos siguieren

l'exemplu de los xenerales, xueces y xerarques chilenos, que sabotiaron les órdenes

gubernamentales per trés años y cuando llegó'l momentu afayadizu derrocaron al gobiernu

eleutu?

Na práutica, la "constitución" particular de países como Gran Bretaña, posibilita qu'aquellos

que controlen la maquinaria estatal seyan capaces de distorsionar la voluntá d'un gobiernu

d'izquierda escoyíu democráticamente, ensin que seya necesario derrocalu. Si un gobiernu

d'esa traza fore elixíu en Gran Bretaña, enfrentaría un sabotaxe económicu incansable per

parte de la clas dominante (piesllu de fábriques, fuga de capitales al esterior,

desabastecimientu d'artículos de primer necesidá, inflación de los precios).

Y si esi gobiernu tentare de lluchar contra esi sabotaxe per aciu de los "medios

constitucionales" aprobando lleis, descubriría que ta coles manes ataes. El parllamentu

negaríase a aprobar eses lleis retardando la so aprobación [per meses]. Y si por gracia divina

dalguna d'elles s'aprobare, los xueces "interpretaríenles" a mou que restrinxir el so poder

d'aición. Los xerarques del serviciu públicu, los xenerales y los mandos policiales usaríen les

decisiones de la xusticia y del parllamentu pa xustificar la so propia voluntá nel cumplimientu

d'aquello que fore decidío polos ministros. Y sedríen apoyaos práuticamente por tola prensa,

que denunciaría al altu la lleva que'l gobiernu ta comportándose "illegalmente" y

"inconstitucionalmente". Los xenerales usaríen entóncenes esos argumentos pa xustificar los

preparativos pa derrocar al gobiernu "illegal". El gobiernu taría impotente pa iguar el caos

económicu nun siendo qu'actuare realmente de manera inconstitucional y llamare a los

funcionarios de l'alministración, policíes y soldaos a rebelase contra los sos superiores.

En casu de que daquién piense qu'esto ye pura fantasía, debo dicir qu'hebo a lo menos dos

ocasiones na historia recién de Gran Bretaña nes que los xenerales de fechu sabotiaron

decisiones del gobiernu que nun yeren de la so conveniencia. En 1912, la Cámara de los

Comunes [muérganu asemeyáu a una Cámara de Diputaos] aprobó una llei creando un

parllamentu "llocal" pa dirixir una Irlanda "unida". El líder conservador, Bonar Law, acusó

darréu al gobiernu (¡lliberal!) de ser una "xunta illegal" que "violaba la constitución". La

Cámara de los Lords [muérganu que podría equivalir a una Cámara de Senadores] atrasó,

naturalmente, l'aprobación de la llei lo máximo posible (dos años). Mentanto, l'ex-ministru

conservador, Edward Carson, organizaba una fuercia paramilitar nel norte de Irlanda pa resistir

al cumplimientu de la llei. Cuando los xenerales que comandaben l'exércitu británicu n'Irlanda


38

recibieron órdenes d'unviar tropes al norte pa facer frente a los paramilitares, ellos negáronse

a facelo y amenazaron con arrenunciar de los sos cargos. Foi por causa d'esta actitú, conocida

como'l "Motín Curragh", que'l norte y el sur d'Irlanda nun consiguieron un parllamentu

unificáu en 1914, y continúen dixebraes hasta güei.

En 1974 asocedió una repetición en miniatura de los eventos de 1912. Los partidarios de la

derecha lleales a la corona británica n'Irlanda del Norte, organizaron una interrupción de

l'actividá industrial, usando barricaes para impidir que la xente fore a trabayar. Ellos nun

aceptaben ser gobernaos por una coalición de protestantes y católicos formada pa dirixir

Irlanda del Norte. Los ministros británicos llamaron al exércitu de Gran Bretaña y a la policía

d'Irlanda del Norte, la Royal Ulster Constabulary, pa disolver les barricaes y dar fin a la fuelga.

Los oficiales de mayor rangu del exércitu y los comandantes de la policía informaron al

gobiernu de qu'esto nun yera aconseyable, y que nengún de los soldaos nin de los policíes

marcharía contra los partidarios de la Corona. El gobiernu de coalición ente protestantes y

católicos foi forciáu a arrenunciar, ya que'l puntu de vista de los militares comprobóse como

más poderosu que'l criteriu del propiu gobiernu británicu. Si esto pudo pasar en 1914 y en

1974 con gobiernos moderaos tentando de llevar a cabu midíes sosines, maxinen qué

asocedería si un gobiernu realmente socialista fore escoyíu. A cualaquier mayoría reformista

nun parllamentu se-y obliga a escoyer: ente abandonar les sos reformes pa calmar a quien

controla posiciones claves a nivel industrial y estatal, o preparase pa un conflictu abiertu que

dirá inevitablemente a significar l'usu de dalgún tipu de fuercia contra aquellos que controlen

eses posiciones.

La tercer razón pola que se demuestra que'l reformismu ye una vía muerta ye'l fechu de que la

"democracia" parllamentaria contién mecanismos qu'impiden que cualuquier movimientu

revolucionariu pueda tomar forma al traviés d'ella. Dellos reformistes argumenten que la

meyor manera de conquistar el poder de quien controla les posiciones claves na maquinaria

estatal ye que la izquierda obtenga la mayoría parllamentaria. Esti argumentu falla porque'l

parllamentu siempre minimiza'l nivel algamáu pola conciencia revolucionaria de la mayoría de

la población. La mayoría de la población solo va decatase de que pue gobernar la sociedá

cuando entame na práutica a tresformar la sociedá al traviés de la llucha. Ye nos momentos en

que millones de trabayadores ocupen les sos fábriques y tomen parte nes fuelgues xenerales,

que les idees socialistes revolucionaries vuélvense de sópitu realistes.

Pero esti nivel de llucha nun pue ser manteníu indefinidamente, nun siendo que la vieya clas

dominante seya arrincada del poder. Si ella consigue resistir, solo habrá qu'esperar a que les

ocupaciones y les fuelgues declinen, pa usar el so control sobre lo'exércitu y la policía pa

quebrar les lluches. Y una vuelta que les ocupaciones y les fuelgues encomiencen a aflacar, el

sentimientu d'unidá y confianza ente los trabayadores empieza a esvanecer. Esto da llugar a la

desmoralización y l'angustia. Inclusive los meyores entamen a sentir que la tresformación de la

sociedá ye solo un suañu imposible. Ello ye que los empleadores siempre prefieren que les

votaciones en favor o en contra d'una fuelga se desenrollen cuando los trabayadores tán nes

sos cases obteniendo les sos idees de la televisión y los diarios, non cuando tán xuntos

n'asamblees de mases, sintiendo los argumentos d'otros trabayadores como ellos. Por eso

tamién ye que les lleis antisindicales cuasi siempre inclúin una cláusula qu'obliga a suspender

les fuelgues mentes se realicen eleiciones. Estes cláusules son llamaes peracertadamente


39

períodos "d'enfriamientu" -idea-os pa echar una xarra d'agua frío na confianza y unidá de los

trabayadores.

El sistema eleutoral parllamentariu contién votaciones secretes y períodos de calma. Por

exemplu, si un gobiernu vien siendo derrotáu frente a una fuelga masiva, ye probable que

diga, "bono, esperen unes selmanes hasta qu'una eleición general pueda resolver la cuestión

democráticamente", cola esperanza de que nesi interín la fuelga seya suspendida. La confianza

y unidá de los trabayadores decayería. Los empresarios podríen facer llistes negres colos

militantes. La prensa y la televisión capitalistes podríen volver a funcionar normalmente,

amartellando la cabeza de la xente con idees en favor del gobiernu. Y la policía podría arrestar

"revoltosos". Entós cuando esta eleición asoceda finalmente, el votu yá nun reflexaría'l puntu

altu de la llucha de los trabayadores, sinón el puntu baxu posterior a la fuelga. En Francia en

1968, el gobiernu del xeneral De Gaulle usó les eleiciones esautamente nesti sen. Los partíos

reformistes de los trabayadores y los sindicatos plantegaron a los trabayadores que punxeren

fin a les sos fuelgues. Y De Gaulle venció nes eleiciones. El primer ministru británicu Edward

Heath tentó'l mesmu trucu al enfrentar una gran fuelga victoriosa de los mineros, en 1974.

Pero esta vegada los mineros nun cedieron. Mantuvieron el movimientu y Heath perdió la

eleición. Si los trabayadores esperen a les eleiciones pa decidir les cuestiones claves de la

llucha de clases, enxamás alcanzarán esi puntu altu.

L'ESTÁU DE LOS TRABAYADORES

Marx na so obra La Guerra Civil en Francia, y Lenin en L'Estáu y la Revolución, esbozaron una

conceición diferente dafechu sobro cómo podía conquistase'l socialismu. Nun sacaron les sos

idees de la nada: dambos desenrollaron les sos conceiciones observando a la clas trabayadora

n'aición. Marx foi testigu de la Comuna de París, Lenin de los soviets rusos (conseyos de

trabayadores) de 1905 y 1917. Marx y Lenin insistíen en que la clas trabayadora nun pue

aniciar la construcción del socialismu ensin valtar enantes al vieyu Estáu basáu en xerarquíes y

rellaciones burocrátiques, pa crear llueu un Estáu nuevu basáu dafechu en principios nuevos.

Lenin sorrayó qu'esti Estáu sedría diferente en tolos sentíos del vieyu, llamándolu un "Estáu

Comuña”, un Estáu que nun ye un Estáu.

Un nuevu Estáu -dicíen Marx y Lenin- yera necesariu si la clas trabayadora quería imponer les

sos decisiones a los retueyos de la clas dominante y la clas media. Ello ye qu'ellos llamaben a

esti tipu de gobiernu "dictadura del proletariáu" -la clas trabayadora tenía que definir el mou

en que sedría dirixida la sociedá. Tamién tenía que defender la so revolución de los ataques de

los gobiernos capitalistes d'otres partes del mundu. Pa cumplir estes dos xeres, tenía de tener

les sos propies fuercies armaes, y delles formes de fuercia policial, tribunales y hasta prisiones.

Pa qu'esti nuevu exércitu, policía y sistema llegal tuvieren controlaos polos trabayadores y

nunca nun se volvieren contra los sos intereses, tendríen de tar basaos en principios diferentes

dafechu de los del Estáu capitalista. Teníen de ser un instrumentu col que la clas trabayadora,

siendo mayoría, dictara les regles pal restu de la sociedá, y non una dictadura contra la

mayoría de la clas trabayadora.


40

Las diferencies principales son estes. L'Estáu capitalista sirve a los intereses d'una pequeña

minoría de la sociedá. L'Estáu de los trabayadores tien de sirvir a los intereses de la gran

mayoría. La violencia nun Estáu capitalista ye exercida por una minoría d'asesinos contrataos,

separtaos de la sociedad y entrenaos pa obedecer a los funcionarios de la clas alta. Pero nun

Estáu de los trabayadores, la violencia sedría necesaria malapenes pa que la mayoría pudiere

protexese contra les aiciones antisociales de los vestixos de les antigües clases privilexaes. Les

funciones militares y policiales nun Estáu de los trabayadores puen ser exercíes por

trabayadores comunes y corrientes, que pertenezan al mesmu mediu que los sos demás

compañeros trabayadores, compartiendo les mesmes idees y viviendo'l mesmu tipu de vida.

De fechu, pa que nun esista'l peligru de que soldaos y policíes enxamás se separten de la

mayoría de los trabayadores, esos "soldaos" y "policíes" deberíen ser trabayadores ordinarios

de fábriques y oficines que se turnaren nel desempeñu d'eses funciones. En vez de ser dirixíes

por pequeños grupos d'oficiales, les fuercies armaes y la policía sedríen dirixíes direutamente

por representantes de los trabayadores.

Los representantes parllamentarios na sociedá capitalista aprueben lleis, pero dexen pa los

burócrates, xefes de policía y xueces la xera d'implementales. Esto significa que [senadores,

diputaos y ediles] puen siempre escudarse en milenta disculpes cuando nun se cumplen les sos

promeses. Los representantes de los trabayadores nun Estáu de los trabayadores tendrán que

facer que les sos lleis se pongan en práutica. Ellos, y non una élite de burócrates, tendrán

d'esplicar a los trabayadores de los servicios públicos, l'exércitu y demás, como deberán ser

feches les coses. Del mesmu xeitu, los representantes eleutos de los trabayadores tendrán

d'interpretar les lleis pa los tribunales. Los representantes parllamentarios nun Estáu

capitalista tán separtaos d'aquellos que los escoyeron polos sos altos salarios. Nun Estáu de los

trabayadores los representantes nun van recibir más que'l promediu de los salarios del

conxuntu de los trabayadores. Lo mesmo val p'aquellos que trabayaren en puestos claves

executando les decisiones tomaes polos representantes de los trabayadores (l'equivalente de

les autoridaes actuales).

Los representantes de los trabayadores, y tolos que s'ocuparen na implementación de les

decisiones del conxuntu de los trabayadores, nun sedríen como los parllamentarios actuales

con inmunidá y un mandatu garantizáu per 4 años (o pa tola vida como asocede en dalgunes

funciones). Ellos deberán sometese a eleiciones añales, y abandonar el so mandatu si aquellos

que los escoyeron consideraren qu'ellos nun tán cumpliendo colos sos deberes. Los

parllamentarios son eleutos por persones de tou estatus -pola clas alta, la clas media y la clas

trabayadora, por propietarios y inquilinos, por especuladores financieros y emplegaos. Nun

Estáu de los trabayadores, votaríen namás nes eleiciones aquellos que trabayen, faciéndolo

solo dempués d'una discutiniu abiertu sobro les cuestiones del momentu. Asina, el nucleu del

Estáu obreru sedríen los conseyos de trabayadores nes fábriques, mines, puertos, oficines, y

grupos como les ames de casa, los xubilaos y los estudiantes, quie tamién escoyerán a los sos

propios representantes. D'esti mou, cada seición de la clas trabayadora tendría'l so propiu

representante, y sedría capaz de xulgar direutamente si elli o ella ta representando los sos

intereses. Asinamesmo, el nuevu Estáu nun podrá volvese una fuercia separtada y contraria a

la mayoría de la clas trabayadora -como [asocedió] nos rexímenes estalinistes, autocalificaos

como "comunistes".


41

Al mesmu tiempu, el sistema de conseyos de trabayadores proporciona un bon exemplu de

cómo los trabayadores podríen coordinar los sos esfuercios na direición de la industria

d'acuerdu con un plan nacional aprobáu democráticamente, y nun acaben por llevar a les sos

fábriques a competir unes contra otres. Ye fácil ver como [...] los ordenadores podríen

posibilitar a tolos trabayadores recibir información sobro les opciones económiques abiertes a

la sociedá, y a orientar a los sos representantes sobro'l mou d'escoyer aquello que la mayoría

de los trabayadores entiende son les meyores opciones. Por exemplu, debería gastase recursos

nun avión costosu o en un sistema de tresporte públicu baratu y confiable, sedría meyor

construyir bombes nucleares o aparatos d'hemodiálisis, y asina en tolo demás.

LA DESAPAICIÓN DEL ESTÁU

Debío a que'l poder del Estáu nun sedría daqué más separtáu del conxuntu de los

trabayadores, les sos funciones taríen muncho menos venceyaes a la coaición que nel

capitalismu. A midida que los vestixos de la vieya sociedá se resignaren al ésitu de la

revolución, y a qu'otres revoluciones nel estranxeru derrocaren a les respeutives clases

dominantes, sedría cada vez menos necesaria la coaición, y los trabayadores nun precisarán de

dedicar parte del so tiempu a trabayar como policíes y soldaos. Esto ye lo que Marx y Lenin

queríen dicir cuando afirmaben que l'Estáu diría debilitándose. Al contrario de sirvir a la

coaición de la xente, l'Estáu volveríase un simple instrumentu de los conseyos de trabayadores

pa decidir cómo producir y distribuir les riqueces.

Los conseyos obreros surdieron d'una manera o otra siempre que la llucha de clases dientro

del capitalismu algamó un nivel mui eleváu. Soviet ye la pallabra que los rusos utilizaron pa los

sos conseyos de trabayadores en 1905 y 1917. En 1918 los conseyos de trabayadores

n'Alemaña foron, per un tiempu curtiu, l'únicu poder en dichu país. N'España en 1936, dellos

partíos y sindicatos de trabayadores uniéronse nos "comités de milicies", que dirixíen les

llocalidaes y yeren mui asemeyaos a conseyos de trabayadores. N'Hungría en 1956, los

trabayadores elixeron conseyos pa dirixir les fábriques y llocalidaes na llucha escontra les

tropes ruses. En Chile ente 1972 y 1973, los trabayadores escomencipiaron a formar

"gordones" -comités de trabayadores que taben venceyaos a les grandes fábriques.

El conseyu de trabayadores entama como un continxente de trabayadores qu'axunten pa

coordinar les sos lluches en contra del capitalismu. Pue hasta escomenzar con funciones

modestes, llevantando fondos pa una fuelga, con trabayadores escoyíos forma direuta polos

demás trabayadores y con mandatos revocables. Y nos momentos más radicales de la llucha,

puen llegar a coordinar los esfuercios de tola clas trabayadora. D'esti mou entámense a

colocar les bases pal poder de los trabayadores.


42

9. ¿CÓMO SE VUELVEN REVOLUCIONARIOS LOS TRABAYADORES?

En Gran Bretaña, la mayoría de los trabayadores per esti sieglu apostaron pol Partíu Llaborista

y al parllamentu pal cambéu social. Una minoría importante apoyó les idees reaicionaries del

Partíu Tory (conservador). Mentes que los partidarios del socialismu revolucionariu foron

xeneralmente pocos en númberu. Esta indeferencia o oposición de los trabayadores al

socialismu nun ye nada sorprendente. Toos nosotros fuimos criaos nuna sociedá capitalista

onde se considera daqué común el fechu de que toos seyan egoístes, que la televisión y la

prensa digan que namás una minoría privilexada tien capacidá pa tomar les decisiones

importantes na industria y nel gobiernu, onde la gran mayoría de los trabayadores ye educada

dende'l primer día d'escuela a obedecer órdenes daes por aquellos que seyan "más vieyos y

más sabios".

Como dixo Marx, "les idees dominantes son les idees de la clas dominante" y un increyible

númberu de trabayadores acéptales. A pesar d'ello, repetíes veces na historia del capitalismu,

movimientos revolucionarios de la clas trabayadora esmenaron un país tres d'otru. Francia en

1871, Rusia en 1917, Alemaña y Hungría en 1919, Italia en 1920, España y Francia en 1936,

Hungría en 1956, Francia en 1968, Chile en 1972- 1973, Portugal en 1975, Irán en 1979,

Polonia en 1980. La esplicación para estes sublevaciones reside esautamente na propia

naturaleza del capitalismu. Ye un sistema que tiende a les crisis. A llargu plazu, nun pue ofrecer

el plenu emplegu, nun pue ofrecer prosperidá pa toos, nun pue asegurar los nuesos niveles de

vida actuales contra les crisis que producirá nel futuru. Pero pelos períodos d'espansión del

capitalismu, los trabayadores lleguen a esperar eses coses.

Por exemplu, na década de 1950 y principios de los años sesenta, los trabayadores británicos

llegaron a creyer nel plenu emplegu, un "estáu de bientar" y una gradual pero real meyora na

so calidá de vida. A diferencia d'ello, nos caberos 25 años los gobiernos socesivos permitieron

que creciere'l desemplegu hasta abater a 4 millones de persones, tresformando "l'estáu de

bientar" en corte de los nuesos niveles de vida. A causa de qu'absorbemos munches idees

capitalistes, aceptamos esos ataques. Pero inevitablemente llegamos a un puntu nel que los

trabayadores resuelven que yá nun se pue aguantar más. D'esmenu, cuando naide lo espera la

so ira esplota y tomen midíes contra empresarios y gobiernos. Quiciás seya al traviés d'una

fuelga o d'una manifestación.

Cuando esto pasa, gúste-yos esto o non a la mayoría de los trabayadores, ellos faen coses que

contradicen toles idees capitalistes qu'aceptaben. Escomiencen a actuar de forma solidaria

unos con otros, como una clas, contra los representantes de la clas capitalista. Les idees del

socialismu revolucionariu qu'ellos refugaben, agora empiecen a afayase a lo que tán faciendo.

Polo menos dalgunos d'ellos entamen a tomase en serio aquelles idees -desque elles se-yos

vuelven accesibles. L'alcance qu'esto tendrá dependerá del alcance de la llucha, non de les

idees que taben na cabeza de los trabayadores. El capitalismu oblígalos a lluchar anque tengan

la cabeza enllena d'idees favoratibles al capitalismu. Y ye la llucha la que los obliga a cuestionar

eses idees. El poder del capitalismu caltiénse sobre dos pegoyos -control de los medios de

producción y control del Estáu. Un movimientu revolucionariu xenuín de los trabayadores,


43

entama cuando la llucha de mases de trabayadores polos sos intereses económicos inmediatos

(salariu, emplegu, etc.) llévalos a chocar contra los pegoyos del capitalismu.

Pongamos como exemplu un grupu de trabayadores emplegaos na mesma empresa per años.

Tol so patrón de vida normal depende del trabayu que desendolquen ellí. Un día l'empresariu

anuncia que va pesllar la fábrica. Inclusive a aquellos trabayadores que voten a los partíos más

conservadores éntra-yos la medrana y quieren facer daqué. Na desesperación, ellos deciden

que l'únicu mediu de continuar llevando'l mesmu tipu de vida que'l capitalismu-yos aprendió a

tener ye ocupando la fábrica y tomando'l control de los medios de producción. Llueu

descubren qu'esto significa lluchar contra l'Estáu, una vez que l'empresariu llama a la policía pa

que-y devuelvan el control de la so propiedá. Si quieren tener una oportunidá de mantener los

sos emplegos, los trabayadores agora tendrán qu'enfrentar a la policía, la maquinaria estatal y

a los empresarios. D'esti xeitu'l propiu capitalismu crea les condiciones pa un conflictu de clas

qu'abre la miente de los trabayadores a idees opuestes dafechu a aquelles que'l sistema-yos

aprendió. Ello ye que la historia del capitalismu foi marcada por irrupciones periódiques de

sentimientos revolucionarios ente millones de trabayadores, anque les más de les veces ellos

acepten les idees que'l sistema-yos impón.

Una última cuestión. Una de les coses más fuertes qu'impide a los trabayadores apoyar les

idees revolucionaries, ye qu'entienden que nun vaga la pena facer nada porque los demás

trabayadores nun van apoyalos. Pero cuando ellos descubren que los demás trabayadores tán

actuando igual q'ellos, de repente abandonen la so desidia. Lo mesmo asocede cuando los

trabayadores qu'enantes se víen incapaces de gobernar la sociedá, al llevar grandes lluches

contra la sociedá actual, acaben decatase de que tán tomando pa sigo muncha d'esa

responsabilidá. Ye por esto qu'una vegada aniciaos, los movimientos revolucionarios puen

crecer como una bola de nive a una velocidá increyible.


44

10. EL PARTÍU SOCIALISTA REVOLUCIONARIU

La premisa básica del marxismu ye que'l propiu desenrollu del capitalismu lleva a los

trabayadores a rebelare contra'l sistema. Cuando una revuelta se desata, seya en forma de

grandes manifestaciones, insurreiciones armaes o inclusive una gran fuelga la tresformación de

la conciencia de la clas trabayadora ye increyible. Tola enerxía mental que los trabayadores

consumíen enantes nuna y milenta diversiones dende apostar a los caballos a ver la televisión,

ye de sópitu dirixida pa procurar resolver el problema de cómo cambiar la sociedá. Millones de

persones trabayando nun asuntu como esti produz soluciones d'inxeniosidá increyible, lo que

davezu dexa a los revolucionarios esperimentaos tan confusos como a la clas dominante frente

a los rápidos cambeos de la situación. Como por exemplu, na primer revolución rusa de 1905,

onde una forma nueva d'organización de los trabayadores, los soviets el conseyu de

trabayadores surdió y se desendolcó a partir d'un comité instaláu per una fuelga de los

trabayadores gráficos. Al principiu, el Partíu bolchevique, el más militante ente los partíos

socialistes revolucionarios miraba a los soviets con rocea: nun creyía que fore posible pa la

masa de los trabayadores, orixinalmente despolitizada, crear un instrumentu xenuinamente

revolucionariu.

Estes esperiencies preséntense en munches fuelgues: los antiguos militantes son asaltaos por

sorpresa cuando los trabayadores qu'inoraren los sos conseyos per tantu tiempu, d'esmenu

entamen a organizar ellos mesmos aiciones militantes. Esta espontaneidá ye fundamental.

Pero ye un enquivocu pensar que por esistir espontaneidá nun ye necesario un partíu

revolucionariu, como faen los anarquistes y otres tendencies averaes al anarquismu. Nuna

situación revolucionaria, millones de trabayadores camuden les sos idees mui rápidamente.

Pero ellos nun cambien toles sos idees d'una sola vez. Dientro de cada fuelga, manifestación y

llevantamientu armáu, danse discutinios mui frecuentes. Dalgunos trabayadores entienden

que l'aición que tán realizando ye'l preludiu pa la tomar del control de la sociedá per parte de

la clas trabayadora. Otros opondránse a cualaquier aición d'esi tipu porque eso diría a la

escontra del "orde natural de les coses". Nel mediu de too eso tarán los más de los

trabayadores que se sentirán atrayíos por unos o otros argumentos.

D'un llau de la balanza, la clas dominante colocará tol pesu de la so prensa, la máquina de

propaganda pa denunciar l'aición de los trabayadores. Tamién utilizará la fuercia pa debilitar a

la fuelga, cola policía, l'exércitu, o les organizaciones d'estrema derecha. Del llau de los

trabayadores debe haber una organización de socialistes que seya quien pa falar sobro les

lluches de clas pasaes, y que pueda tamién allugar los argumentos socialistes na balanza. Una

organización que pueda sistematizar la conciencia puxante de los trabayadores en llucha, de

manera que puedan actuar xuntos para cambiar la sociedá. Y esti partíu revolucionariu

necesita de tar presente enantes de que la llucha escomience, pos la organización nun naz

espontáneamente. El partíu constrúyese nel intercambiu continuu ente les idees socialistes y

la llucha de clases -entender malapenes a la sociedá nun ye abondo: namás aplicando eses

idees y esperiencies de la llucha de clases, en fuelgues, manifestaciones y campañes, los

trabayadores tomarán conciencia del so poder pa cambiar les coses y ganarán confianza pa

facelo. En ciertos momentos y situaciones, la intervención d'un partíu socialista pue inclinar la

balanza haza'l cambiu, haza la tresferencia revolucionaria del poder a los trabayadores, haza la

sociedá socialista.


45

¿QUÉ TIPU DE PARTÍU?

El partíu socialista revolucionariu necesita de ser democráticu. Pa cumplir el so papel, el partíu

precisa de tar siempre en contautu cola llucha de clases y esto significa tar en contautu colos

sos propios miembros y aliaos nos llugares de trabayu onde asocede la llucha de clases.

Necesita de ser democráticu porque'l so lideralgu debe reflexar siempre la esperiencia

coleutiva de la llucha. Al tiempu, esta democracia nun ye un simple sistema d'eleición sinón un

alderique continuu dientro del partíu -una interaición continua de las idees socialistes nes que'l

partíu básase cola esperiencia de la clas trabayadora.

Pero'l partíu revolucionariu debe ser tamién centralizáu -pos ye un partíu activu, non un grupu

d'estudiu. Debe ser capaz d'intervenir coleutivamente na llucha de clases y responder

rápidamente. Polo tanto precisa de tener un lideralgu capaz de tomar decisiones díe tres día

en nome del partíu. Si'l gobiernu ordena l'encarcelamientu de los organizadores d'un piquete,

por exemplu, el partíu debe tener que poder actuar d'inmediatu ensin necesitar convocar

primero a una conferencia pa tomar decisiones democrátiques. Nuna situación como esta les

decisiones deben de ser tomaes de manera centralizada y executaes darréu. La democracia

entra n'escena dempués, cuando los miembros del partíu evalúen les decisiones tomaes,

correutes o non y quiaciabes puedan hasta cambiar la direición partidaria si ella pierde

contautu coles necesidaes de la llucha.

El partíu socialista revolucionariu necesita caltener l'equilibriu finu y delicáu ente democracia y

centralismu. La clave de la cuestión ye que'l partíu nun esiste pa sigo mesmu, sinón como un

mediu pa posibilitar los cambios revolucionarios pal socialismu, lo que solo pue asoceder al

traviés de la llucha de clases. Polo que'l partíu debe adaptarse continuamente a la lucha.

Cuando esta s'atopa nun nivel baxu, y pocos trabayadores creyen na posibilidá del cambiu

revolucionariu, entós el partíu sedrá pequeñu y debe tar contentu d'ello, pos dilir les sos idees

polítiques al envís d'aumentar la cantidá de los sos miembros sedría inútil. Pero cuando la

llucha crez, un gran númberu de trabayadores puen camudar les sos idees mui rápidamente,

descubriendo pente medies de la llucha'l so poder pa cambiar les coses. Entóncenes el partíu

debe ser quien p'abrir les sos puertas, d'otra manera sedrá dexáu al marxe. El partíu nun pue

sustituyir a la clas trabayadora. Debe ser parte de la llucha de clases, buscando siempre

axuntar a los trabayadores con mayor conciencia de clas, pa facer d'ellos líderes na llucha. El

partíu tampoco nun pue decidir lo que la clase trabayadora debe facer. Nun pue simplemente

autoproclamase'l lideralgu, sinón que debe tentar de conquistar esa posición, probando na

práutica la veracidá de les idees socialistes -lo qu'implica dende una pequeña fuelga hasta la

revolución mesma.

Della xente ve al partíu socialista revolucionariu como un precursor del socialismu. Esto ye un

error. El socialismu pue dase namás cuando la propia clas trabayadora asuma'l control de los

medios que permiten crear les riqueces y usalos pa tresformar la sociedá. Nun se pue

construyir una islla de socialismu nun océanu de capitalismu. Los intentos de pequeños grupos

de socialistes d'aislase y llevar una vida d'acuerdu a les idees socialistes siempre fallen a llargu

plazu -pa empezar, les presiones económiques y ideológixes enxamás desapaecen. Y si

s'aparten del capitalismu, estos pequeños grupos tamién acaben apartándose de la única

fuercia que pue conquistar el socialismu -la clas trabayadora. Ta claro que los socialistes


46

lluchen contra los efeutos degradantes del capitalismu tolos díes: contra'l racismu, contra'l

machismu, la esplotación y la violencia. Pero solo podemos facelo utilizando la fuercia de la

clas trabayadora como la fonte de les nueses enerxíes.


47

11. IMPERIALISMU Y LLIBERACIÓN NACIONAL

En tola historia del capitalismu la clas dominante siempre buscó una fonte de riqueza adicional

apoderándose d'aquella producida n'otros países. El desenvolvimientu de les primeras

formaciones capitalistes al final de la Edá Media acompañóse pola creación d'imperios

coloniales pergrandes de los Estaos occidentales los imperios de Castiella, Portugal, Holanda,

Francia y Gran Bretaña. Les riqueces tresfiríeronse a les manes de les clases dominantes

d'Europa occidental, polo que sociedaes enteres que taben no qu'anguaño conozse por

"Tercer Mundu" (África, Asia y América Llatina) foron destruyíes.

El "descubrimientu" d'América polos europeos nel sieglu XVI produxo un fluxu

desproporcionáu d'oru haza Europa. La otra cara de la moneda foi la destrucción de sociedaes

enteres y la esclavización d'aquelles que sobrevivieron. Por exemplu, n'Haití Colón anició la so

primer colonización, los indíxenes Harawak (quiciás mediu millón) foron esterminaos en

malapenes dos xeneraciones. En México la población indíxena redúxose de 20 millones en

1520 a 2 millones en 1607. La población indíxena de les Indies Occidentales y de partes del

continente americanu foi sustituyida por esclavos capturaos n'África y tresportaos al traviés

del Atlánticu en condiciones infrahumanes. Estímase qu'alredor de 15 millones d'esclavos

sobrevivieron a la travesía del Atlánticu mentes que 9 millones morrieron nel camín. Cerca de

la metá de los esclavos foron tresportaos en navíos británicos, razón pola que'l capitalismu

británicu fore'l primeru n'espandese.

La riqueza xenerada pol tráficu d'esclavos ofreció medios pa financiar la industria. Como diz un

vieyu dichu "les muries de Bristol foron cimentaes col sangre de los negros" -y esto pue ser

aplicao pa otros puertos británicos. Como diz Karl Marx, "la esclavitú velada del trabayu

asalariáu n'Europa irguióse sobre'l pedestal del esclavismu simple y puru del Nuevu Mundu".

L'esclavismu completábase col saquéu -como cuando Gran Bretaña conquistó la India. Bengala

taba tan avanzada que los primeros visitantes británicos quedaron ablucaos de lo magnífica de

la so civilización. Pero esta riqueza nun duró munchu tiempu en Bengala. Como escribió Lord

Macauley na so biografía de Clive, el conquistador:

“La mayoría de la población foi entregada como presa. Fortunes inmenses acumuláronse

rápidamente en Calcuta, mentes que 30 millones de seres humanos foron reducíos a la probeza

más estrema. Taben acostumaos a vivir baxo una tiranía, pero non a una tiranía como ésta.”

Dende esti puntu endelantre Bengala escomenzó a ser famosa, non pola so riqueza, sinón pola

so probeza estrema que cada poco llevaba a millones a morrer de fame, una pobritú qu'inda

güei continúa. Na década de 1760, nun tiempu nel que'l total del capital invertíu en Gran

Bretaña nun yera más que 6 o 7 millones de llibres, el tributu que los británicos sacaben

añalmente de la India ascendía a 2 millones de llibres.

Los mesmos procesos taben desenvolviéndose na más vieya de les colonies britániques;

Irlanda. Na gran famiona de finales de 1840, cuando la población irlandesa menguó hasta la

metá debío a la fame y a la inmigración una gran cantidá de trigu, abonda pa salvar a la

población de la inanición, foi remitida a los propietarios británicos como renta. Güei ye vezu


48

dividir el mundu ente países "desenrollaos" y "subdesenrollaos". La impresión ye que los países

"subdesenrollaos" tán moviéndose na mesma direición que los "desenrollaos". Fixéronlo per

cientos d'años, solo qu'a una velocidá menor. Pero de fechu una razón del "desenrollu" de los

países occidentales foi qu'a los países restantes-yos foren robaes les sos riqueces y tuvieren

manteníos nel atrasu. Munchos d'ellos son mas probes güei qu'hai 300 años. Como rescampló

Michael Barratt Brown, la riqueza per cápita de las actuales rexones subdesenrollaes, non solo

na India, tamién en China, América Llatina y África yera mayor que la Europa del sieglu XVII y

foi cayendo a midida que crecía la riqueza n'Europa Occidental.

Poseyer un imperiu permitió a Gran Bretaña convertise na primer potencia industrial del

mundu. Quedó na posición de poder torgar a los otros Estaos capitalistes l'accesu a les

materies primes, mercaos y aries d'inversión rentables na tercer parte del planeta qu'ella

dominaba. A midida que xorrecíen nueves potencies industriales, como Alemaña, Xapón y

Estaos Uníos, queríen obtener esa ventaya pa elles mesmes. Queríen construyir imperios

rivales o "esferes d'influyencia". Frente a la crisis económica, cada gran potencia capitalista

tentaba d'igüar el so problema escoyendo la esfera d'influyencia de los sos rivales.

L'imperialismu llevó a la guerra mundial. Esto, al empar, provocó grandes cambeos nel interior

de la organización capitalista. La ferramienta pa entamar guerres, l'Estáu, volvióse muncho

más importante. Funcionaba de xeitu mui paecíu a les empreses xigantes al envís de

reorganizar la industria pa la competencia esterna y pa la guerra. El capitalismu tornóse un

capitalismu estatal.

El desendolcu del imperialismu determinó que los capitalistes esplotaren non solo a la clas

trabayadora del so país, sinón tamién que tomaren el control físicu d'otros países y pasaren a

esplotar a los sos trabayadores. Pa les clases más oprimíes de los países coloniales ello

significaba ser esplotaos por imperialistes estranxeros y amás poles sos propies clases

dominantes. Elles yeren doblemente esplotaes. Pero parte de les clases dominantes de los

países coloniales tamién sufrieron. Vieron robaes pol imperialismu munches de les sos propies

oportunidaes d'esplotar a la población llocal. Del mesmu mou sufrieron les clases medies de

los países coloniales, a los que-yos tuviere prestao ver una rápida espansión de la industria

llocal, p'asina tener oportunidaes bones nes sos carreres profesionales.

Nos caberos sesenta años viéronse revueltes de varies clases de los países colonizaos y

escolonizaos contra los efeutos del imperialismu. Desenrollaron movimientos que tentaron

d'axuntar a la población xeneral contra'l dominiu imperialista estranxeru. Les sos

reivindicaciones foron: espulsión de les tropes imperialistes estranxeres; unificación de tol

territoriu baxo un únicu gobiernu, siendo contrarios a la so división ente diferentes imperios;

reestablecimientu de la llingua orixinal na vida cotidiana, por oposición al idioma impuestu

pola dominación estranxera; y utilización de la riqueza producida pol país pa espandir la

industria llocal, posibilitando'l "desenrollu" y la "modernización" nacionales. Estes foron les

reivindicaciones de los repetíos llevantamientos revolucionarios en China (1912, 1923-27 y en

1945-48), n'Irán (en 1905-12, 1917-21 y en 1941-53), en Turquía (dempués de la Primer Guerra

Mundial), nes Indies Occidentales y América Llatina (de 1920 endelantre), n'India (nos años

1920- 48), n'África (dempués de 1945), en Vietnam (hasta que los norteamericanos foren

derrotaos en 1975).


49

Estos movimientos yeren lideraos davezu por fraiciones de les clases altes y medies, pero pa

les clases altes de los países avanzaos, eso significaba enfrentar a más d'un oponente, amás d'a

la so propia clas trabayadora. El movimientu nacional nel llamáu "Tercer Mundu" desafió a los

Estaos imperialistes capitalistes, al tiempu que lo facíen les sos propies clases trabayadores.

Pal movimientu obreru de los países avanzaos esto tenía gran importancia. Significaba que na

so llucha escontra'l capitalismu ellos teníen un aliáu nos movimientos de lliberación del "Tercer

Mundu". Por exemplu, los trabayadores de la Shell en Gran Bretaña teníen un aliáu nes

fuercies de lliberación sudafricanes, que taben lluchando pa tomar les propiedaes que la Shell

poseye n'aquelli país. Si la Shell llograba frustrar los oxetivos de los movimientos de lliberación

del "Tercer Mundu", ella volveríase más fuerte entós pa resistir a les esixencies de los sos

trabayadores en Gran Bretaña.

Esto yera posible anque'l movimientu de lliberación d'un país del "Tercer Mundu" nun tuviere

una direición socialista, anque esti lideralgu simplemente quixere sustitutir el dominiu

estranxeru por un dominiu capitalista llocal. L'Estáu imperialista que tenta d'aplacar al

movimientu de lliberación ye, al tiempu, el mayor enemigu del trabayador occidental. Ello ye

que Marx insistía en que "un Estáu qu'oprime a los otros nun pue lliberase a sigo mesmu" y por

eso Lenin defendía una alianza ente los trabayadores de los países avanzaos y los pueblos

oprimíos del "Tercer Mundu", anque tuvieren lideralgos non socialistes.

Ello nun significa que los socialistes tean d'acuerdu col mou en que los non socialistes lleven

alantre la llucha de lliberación nacional nun país oprimíu (non más de lo que necesariamente

concordamos cola manera en que un líder sindical lleva alantre una fuelga). Pero tenemos que

dexar bien claro, enantes de nada, qu'apoyamos esta llucha. De lo contrario terminaríemos

fácilmente apoyando a la nuesa propia clas dominante contra'l pueblu al qu'ella ta oprimiendo.

Tenemos que sofitar a les lluches de lliberación nacional incondicionalmente, enantes de

criticar el mou en qu'ella ta liderada. Pero los socialistes revolucionarios d'un país oprimíu nun

puen quedar al debalu. Deben discutir día a día con otres persones, cómo debe ser librada la

llucha pola lliberación nacional.

Equí, los puntos más importantes tán conteníos na teoría de la “revolución de contino”

desenvuelta por Trotsky. Elli entamó reconociendo que de cutiu los movimientos contra la

opresión son aniciaos por persones de clas media o inclusive por sectores atrasaos de les

clases altes. Los socialistes apoyen estos movimientos porque busquen eliminar una de les

cargues que pesa sobre la mayoría de la clas oprimida y los grupos sociales. Pero tenemos que

reconocer qu'aquellos que vienen de les clases medies o altes nun puen encabezar esta llucha

de manera consecuente. Ellos tendrán reparos tocántenes a desatar una llucha sangrienta de

mases nel casu qu'esa llucha desafiare non solo a la opresión esterna, sinón tamién la so

propia habilidá de vivir de la esplotación de les clases más oprimíes. En ciertu momentu ellos

van abandonar la llucha qu'escomenzaron, y si ye necesario, uniránse col esplotador

estranxeru p'aplastala. Nesti puntu, si les fuercies socialistes de la clas trabayadora nun tomen

la direición de la llucha pola lliberación nacional esta llucha sedrá derrotada.

Trotsky fixo una observación más. Ye verdá que nos países del "Tercer Mundu" la clas

trabayadora representa una minoría, frecuentemente una pequeña minoría de la población. A

pesar d'ello, ella ye abondo grande en términos absolutos [...] y crea una enorme porción de la


50

riqueza nacional en rellación al so tamañu, y concéntrase masivamente nes ciudaes que son

clave pal dominiu del país, cuando llega la hora de tomar el poder. Ye asina que nun periodu

revolucionariu, la clas trabayadora pue tomar el lideralgu de toles clases oprimíes y de países

enteros. La revolución pue tornase continua, empezando con reivindicaciones pola lliberación

nacional y terminando con esixencies socialistes. Pero solo si los socialistes d'un país oprimíu

organicen dende l'empiezu a los trabayadores como una clas independiente apoyando en

xeneral al movimientu de lliberación nacional, pero siempre alvirtiendo que nun se pue confiar

nel lideralgu de la clas media y la clas alta.


51

12. MARXISMU Y FEMINISMU

Hai dos maneres diferentes d'abordar la lliberación de les muyeres el feminismu y el socialismu

revolucionariu. El feminismu foi la influyencia dominante nos movimientos de muyeres que

surdieron nos países capitalistes avanzaos nes décades de 1960 y 1970. Parte de la visión de

que los homes siempre oprimieron a les muyeres, y de que la constitución psíquica y biolóxica

de los homes ye la que los fai tratales como inferiores. Esto lleva a que la lliberación de les

muyeres ye posible si esiste una separtación ente homes y muyeres al traviés de la separtación

total de les feministes que quieran vivir un "estilu de vida lliberáu", o de la separtación parcial

de les muyeres en comités de muyeres, convenciones y eventos abiertos a la participación

esclusiva de muyeres.

Munches de les qu'apoyaben esta separtación parcial considerábense a sigo mesmes como

feministes socialistes. Pero más tarde, idees feministes radicales d'una dixebra total

introduxéronse nel movimientu. Estes idees separatistes terminaron siendo un ala selemente

radical nos servicios sociales, y nos refuxos pa muyeres. Esta división llevó a munches

feministes per otra direición a la participación n'organizaciones reformistes, como'l Partíu

Llaborista británicu. Elles piensen que la conquista de derechos nos llugares afayadizos, como

miembros del parllamentu, sindicatos oficiales, xueces, etcétera, servirá de dalgún xeitu

p'ayudar a les muyeres a atopar la igualdá.

La tradición del socialismu revolucionariu parte d'idees diferentes. Marx y Engels escribiendo

yá en 1848, argumentaben que la opresión de les muyeres nun surdió de la cabeza de los

homes, anque sí del desenrollu de la propiedá privada y, con ella, de la urxencia d'una sociedá

basada en clases. Pa ellos lluchar pola lliberación de les muyeres yera polo tanto inseparable

de la llucha pola fin de la sociedá de clases, de la llucha pol socialismu. Marx y Engels tamién

sorrayaben que'l desendolcu del capitalismu, basáu nel sistema fabril, truxo cambeos fonderos

na vida de la xente, especialmente na vida de les muyeres. Elles foron emburriaes nuevamente

a la producción social, d'onde foron escluyíes progresivamente, col desenrollu de la sociedá de

clases. Esto dio a les muyeres un potencial qu'enxamás tuvieren. Organizaes coleutivamente,

les muyeres como trabayadores teníen mayor independencia y capacidá de llucha polos sos

derechos. Esto determinaba un gran contraste cola so vida anterior, cuando'l so papel na

producción yera curiar de la familia, lo que les convertía dafechu en dependientes del xefe de

la familia, el maríu o'l padre.

D'ello, Marx y Engels resolvieron que la base material pa la esistencia de la familia y, poro, de

la opresión femenina, yá nun esistía. Lo qu'impedía a les muyeres que se beneficiaren d'esti

fechu yera que la propiedá permanecía nes manes d'unos pocos. Lo que güei caltién a les

muyeres baxo la opresión ye'l mou en que'l capitalismu ta organizáu en particular, el mou en

que'l capitalismu utiliza la forma específica que tien la familia p'asegurase que los

trabayadores se reproduzan y ufran xeneraciones nueves de trabayadores. Ye una gran

ventaya que les muyeres dediquen la mayor parte de les sos vides a asegurar, ensin retribución

dala, que los sos maríos tean en condiciones de trabayar nes fábriques, y que sos fíos seyan

criaos por elles pa facer lo mesmo.


52

Nel socialismu, pela cueta, realizaránse en sociedá munches de les funciones familiares que

pesen tanto sobre les muyeres. Esto nun significa que Marx y Engels pregonaren "l'abolición de

la familia". Los defensores de la familia foron capaces de movilizar a munches muyeres

oprimíes en defensa del nucleu familiar -pos elles entienden por "abolición de la familia" la

idea de dar llibertá a los sos maríos d'abandonales coles responsabilidaes y los fíos. Los

socialistes revolucionarios tentaron de demostrar, por embargu, que nuna sociedá mas xusta,

una sociedá socialista, les muyeres nun sedríen forciaes a tener la vida infeliz y cruel que lleven

nes familie de güei.

Les feministes siempre desaprobaron esti tipu d'analís. Lloñe d'entender que les muyeres

tienen el poder de cambiar el mundu y acabar cola so opresión -nel trabayu ye onde elles son

coleutivamente fuertes- elles víense como víctimes y tolerantes. Na década de 1980, por

exemplu, fixéronse campañes qu'abordaben cuestiones como la prostitución, les violaciones o

l'amenaza de les armes nucleares a les muyeres y les sos families. Too esto partía de la idea de

que les muyeres son débiles. El feminismu parte del supuestu de que la opresión ta per enriba

de la división de clases. Y esto lleva a unes conclusiones que dexen a la sociedá de clases

intauta y ameyoren la situación de dalgunes muyeres -una minoría. Los movimientos de

muyeres tienen la tendencia a ser dominaos por muyeres de "clas media-alta", periodistes,

escritores, etcétera, y les obreres son dexaes de llau.

Namás en periodos de cambeos radicales y llevantamientos revolucionarios la cuestión de la

lliberación de les muyeres vuélvese realidá, non solo pa una minoría sinón pa toles muyeres de

la clas trabayadora. La Revolución bolchevique de 1917 produxo una igualdá nunca vista antes.

El divorciu, l'albuertu y l'accesu a métodos anticonceutivos volviéronse disponibles

llibremente. La educación de los neños volvióse una responsabilidá de la sociedá. Anicióse la

utilización de restaurantes, llavanderíes y guarderíes comunitaries, que dexaben a las muyeres

más marxe pa escoyer y controlar el cómo llevar les sos vides. Claro que'l destín d'estos

avances nun podría tar separtáu del de la propia revolución. La fame, la guerra civil, la

destrucción de la clas trabayadora y el fracasu de la revolución internacional significaron la

derrota del socialismu na propia Rusia. Los avances na igualdá revirtiéronse. Pero los primeros

años de la república socialista amosaron lo que la revolución socialista pue conquistar,

inclusive coles condicionaes menos favoratibles.

Güei les perspeutives pa les muyeres son muncho meyores. En Gran Bretaña y nos países

capitalistes avanzaos, más de dos trabayadores de cada cinco son muyeres. Ello amuesa que la

lliberación coleutiva de les muyeres namás pue ser algamada al traviés del poder de la clas

trabayadora. Esto obliga a refugar la idea feminista de crear organizaciones separtaes de

muyeres. Solo homes y muyeres actuando xuntos como parte d'un movimientu revolucionariu

unío puen valtar a la sociedá de clases y acabar cola opresión de les muyeres.


53

13. EL SOCIALISMU Y LA GUERRA

El sieglu pasáu foi un sieglu de guerres. Diez millones de persones morrieron na Primer Guerra

Mundial, cincuenta y cinco millones na Segunda, dos millones nes guerres d'Indochina. Estaos

Uníos y les demás superpotencies nucleares poseyen anguaño los medios pa destruyir a la

especie humana varies veces. Esplicar esti horror ye difícil p'aquellos que consideren a la

sociedá actual como la única posible. Ellos conclúin qu'esiste dalgún impulsu innatu, instintivu

nos seres humanos, que los lleva a desear asesinatos en masa. Pero les guerres nun son un

fenómenu conocíu en toles sociedaes humanes. Gordon Childe anota que na Europa de la Edá

de Piedra:

Los primeros Danubianos paecieron ser un pueblu pacíficu. Les armes de guerra tán ausentes

nes sos sepultures. Les sos aldees nun poseyíen defenses militares. [Pero] nes fases más tardíes

del periodu neolíticu los armamentos escomenzaron a ser más evidentes...

Les guerres nun son causaes por nenguna agresividá humana innata. Son el productu de la

división de la sociedá en clases. Entóncenes, 5.000 o 10.000 años atrás, una clas de

propietarios surdió, y necesitaba atopar los medios afayadizos pa defender les sos riqueces.

Entamaron a constituyir fuercies armaes, un Estáu xebráu del restu de la sociedá. Esto entós

volvióse un mediu mui valiosu p'aumentar les sos riqueces tovía más, al traviés del saquéu

d'otres sociedaes. La división de la sociedá en clases determinó que la guerra se volviere una

carauterística permanente de la vida humana.

Les clases dominantes propietaries d'esclavos de la Grecia y Roma antigües nun podíen

sobrevivir ensin guerres continues pa la obtención de más esclavos. Los señores feudales de la

Edá Media teníen de mantenese armaos pa someter a los siervos llocales y protexese de los

robos fechos por otros señores feudales. Cuando surdieron les primeres clases dominantes

capitalistes, hai 400 o 500 años atrás, elles davezu tamién tuvieron de recurrir a les guerres

pelos sieglos XVI, XVII y XVIII pa establecer la so supremacía sobre los restos de los antiguos

señores feudales.

Los países capitalistes más poderosos usaron la guerra pa espandir la so riqueza, travesando

los mares, robando na India y n'Irlanda, tresportando a millones de persones como esclavos

d'África p'América, tresformando a tol mundu nuna fonte de robos pa sigo. La sociedá

capitalista constituyóse pente medies de la guerra. Nun sorprende qu'aquellos que viven nel so

interior lleguen a considerala non solo "inevitable" sinón "xusta". Sicasí, el capitalismu nun pue

basase siempre y totalmente na guerra. La mayoría de la so riqueza surde de la esplotación de

los trabayadores en fábriques y mines. Y esto ye daqué que pue ser interrumpío por cualquier

enfrentamientu que se desenvuelva dientro de les "fronteres nacionales". Tola clas capitalista

a escala nacional quier paz en casa, por eso desenrolla les guerres nel estranxeru. Per un llau

estimulada la creyencia nes "virtúes militares", y per otru ataca fuertemente a la "violencia".

La ideoloxía capitalista combina, d'un mou dafechamente contradictoriu, la glorificación del

militarismu con frases pacifistes.


54

Nel sieglu pasáu, la preparación pa la guerra tornóse más central que nunca pal sistema. Nel

sieglu XIX la producción capitalista taba basada en munches empreses pequeñes compitiendo

unes contra otres. L'Estáu yera un cuerpu ciertamente pequeñu que regulaba les rellaciones

ente elles y colos trabayadores. Pero nel sieglu qu'acaba de terminar les empreses grandes

engullaron a la mayoría de les empreses pequeñes, acabando cola mayoría de la competencia

dientro de cada país. La competencia vuélvese más y más internacional, ente xigantes de

diferentes naciones. Nun esiste un Estáu capitalista internacional pa regular la competencia. Al

aviesu, cada Estáu exerce tola presión de la que ye capaz p'ayudar a los sos capitalistes a

consiguir ventaya sobre los sos rivales. La llucha a vida o muerte de los capitalistes unos contra

otros pue volvere una llucha a vida o muerte ente los Estaos, caún col so gran dispositivu

bélicu de destrucción.

En dos ocasiones estes lluches llevaron a guerres mundiales. La Primer y la Segunda Guerra

Mundial foron guerres imperialistes, conflictos ente aliances d'Estaos capitalistes pola

dominación del planeta. La Guerra Fría yera una continuación d'esta llucha, colos Estaos

capitalistes más poderosos alineaos unos con otros na Alianza Atlántica (OTAN) y el Pautu de

Varsovia. Amás d'esti conflictu global, estallaron otres guerres en distintes partes del mundu.

Como ye vezu, foron lluches ente diferentes Estaos capitalistes por quién debería controlar

una determinada rexón, como asocedió na Guerra ente Irán y Irak de 1980 y na Guerra del

Golfu de 1991. Los mayores poderes afalen a la guerra pa vender la teunoloxía militar más

moderna a los Estaos del "Tercer Mundu".

Muncha xente qu'acepta al capitalismu en xeneral nun-y gusta esta realidá repunante. Quieren

el capitalismu pero nun quieren guerres. Tenten d'atopar alternatives dientro del sistema. Por

exemplu, hai quien creye que la ONU pue impidir les guerres, pero la ONU ye l'arena onde

s'alcuentren los diferentes Estaos que prioricen la guerra. Ellí ellos miden les sos fuercies,

como lluchadores estúdiense enantes d'engarrase. Si un Estáu o alianza supera la fuercia de los

sos oponentes con un pequeñu marxe de ventaya, dambos coinciden en que se trata d'una

guerra ensin sentíu, del que'l so resultáu ye conocíu antemanadamente. Pero si surde una

pequeña dulda sobre'l resultáu final, ellos solo conocen un mediu pa resolver l'amarraza.

Declarar la guerra.

Esta ye la verdá tocántenes a la OTAN y al Pautu de Varsovia. Asina, anque occidente tuviere

una pequeña ventaya sobre el bloque oriental, la desventaya nun yera tan grande como pa

facer creyer a los rusos que teníen a favor una desventaya definitiva. Ello ye qu'a pesar de

qu'una Tercer Guerra Mundial tuviere afarao la vida humana nel planeta, tanto Washington

como Moscú ellaboraben planes pa desenrollar y vencer nuna guerra nuclear.

La guerra fría llegó a la so fin col llevantamientu políticu n'Europa Oriental en 1989 y el colapsu

de la Unión Soviética y les sos repúbliques constitutives en 1991. Daquella falábase muncho

d'un "nuevu orde mundial". En cuenta d'eso, por embargu, presenciemos una socesión de

guerres bárbares -la guerra d'Occidente escontra'l anterior aliáu Irak, la guerra ente

Azerbaixán y Armenia na vieya URSS, les horribles guerres civiles en Somalia y la ex-Yugoslavia.

Val con qu'una rivalidá militar ente poderes capitalistes se resuelva pa qu'otra apaeza. En tolos

llugares, les clases dominantes saben que la guerra ye una manera d'incrementar la so

influyencia, cegando a trabayadores y campesinos con nacionalismos.


55

Puese tar en contra de la guerra ensin oponese a la sociedá capitalista. Pero nun se pue acabar

con ella d'esti xeitu. La guerra ye un productu inevitable de la división de la sociedá en clases.

L'amenaza que representen nunca nun cesará apellando a los gobernantes pa que faigan les

paces. Les armes tienen de ser arrincaes de les sos manes por un movimientu que lluche para

derrocar a la sociedá de clases d'una vez. Los movimientos pacifistes que xorreccieron per

Europa y Norteamérica al final de la década de 1970 nun comprendieron esto. Ellos llucharon

p'aparar la introducción de misiles Cruise y Persing, pol desarme unillateral, por un

conxelamientu nuclear. Pero creyíen que la llucha pola paz podía ganase de manera aislada a

la llucha ente'l capital y el trabayu. D'esti xeitu, solo se frustraría la movilización del únicu

poder capaz d'anubrir los intentos de guerra, la clas trabayadora. Solo la revolución socialista

pue poner fin a l'horror de la guerra.

cómo funciona'l marxismu

Documents