Berriatuko Udalaren aldizkaria 6. Zenbakia, 2016ko udabarria.

@ berriatuaudala Berriatuko Udala http://www.berriatua.org

2 AU

RK

IB

ID

EAUDALA

KULTURA

KIROLAHEZKUNTZA

HIRIGINTZA

JAI BATZORDEA

Argitaratzailea: Lege Gordailua:

Diseinua:Maketazioa

eta inprimaketa:

Berriatuko Udala BI-1098-2014 IBEGRAFIK (Lorena Elizburu)

IBEGRAFIK www.ibegrafik.com

ALKARRIZKETA

AGENDA

2

4

6

5

7

ARGAZKIAKAURREKONTUAKUMEEN PARKEAPAREKIDETASUNA

89

15

1011

12-13

14

3

ZE BARRI : 6 .ZENBAKIA

3

JAI BATZORDEAJai batzordeak antolatutako lehenengo San Gregorio Jaiak izan-go dira ate joka datozanak. Urteetan, gitxi batzuen artean an-tolatu izan dira herriko jaietako hainbat ekintza, eta horrek arduraren pisu guztia eurek hartzea eta ekintza batzuetan herri-tarren parte-hartzea jaistea ekarri dau. Jai parte-hartzaileak egi-tea oso gatxa da antolatzeko ardura lagun gitxiren esku badago.

Beraz, danen artean sortutakoa gehiago baloretan dalako eta koadrilen inplikazinoa lortzeko helburuagaz, Jai batzordea sor-tu da Berriatuan. Orain dala hilabete batzuk batzar zabal bat deitu eban udalak, arlo honetan ikusten ebazan beharrizan eta hutsuneak herritarrekin partekatzeko. Sei-zortzi koadrilatako ordezkariak batu ziran, eta harrezkero, batzordean batutakoen artean joan da osotzen datozan jaietako egitaraua.

Herriko alkarteek antolatzen dabezan betiko ekintzek aurrera jarraituko dabe, jakina, baina egon dira gainbehera joan diran beste ekimen batzuk: play-back txapelketa eta koadrilen arteko jolasak, esate baterako. “Funtzionetan daben ekintzak egiten ja-rraituko dogu, baina makaldu direnak indartzea izan da asmoe-tako bat”, azaldu dabe Jai batzordeko kideek.

Jaien ostean, balorazinoa egingo dabe, antolakuntza edo egita-rau mailan hobetu beharrekoak hobetzeko.

Horretarako, lehenengo, jaietan murgiltzea toketan da!

Haize freskoa dakarre San Gregorio jaiek. Betiko

ekintzei buelta bat emon, eta talde lanean prestatu dabe

aurtengo egitaraua.

Udaletxearen aurreko plazan egingo doguz

jaietako ekintza danak

Zergaitik animau zinan Jai batzordean parte hartzera?

Ikusten neban herrian jaiei buelta emon beha-rra egoala, eta, batez be, jente desbardina ho-rretan inplikau beharra egoala. Horrezaz ga-nera, koadrila guztiak batzordean ordezkatuta egotea nahi zanez, bada, ni joan nintzan gure koadrilaren ordezkari.

Jaiei buelta bat emotea aitatu dozu. Zergaitik?

Alde batetik, ikusten genduan jaiak beti zirela antzerakoak, urtetik urtera ia barritasunik ez zala egoten, ez jakela bueltarik emoten.

Noiz hasi zinen batzartzen?

Abenduan batu ginan lehenengoz, batzar za-bal batean. Hortik, talde txiki bat sortu gen-duan, danari tirauko deutsana. Zortzi bat la-gun gagoz hor.

Zure ustez, Jai batzordeak zein ekarpen egiten deutso herriari?

Bada, gehienbat, jaiak guztion arteko zeozer izateko ekarpena egiten deutso, beharrak beti gitxi batzuen esku itxi barik.

Zer topauko dabe herritarrek San Gregorio jaietan?

Kaleko presentzia indartuko dabe jaietako ekintzek; kalean egongo gara goizetik gauera. Urteroko ekintzarik ez da faltako: paella jana, play back-ak, koadrilen arteko jolasak… Ho-rrezaz ganera, belaunaldi ezbardinetako jen-tearentzako ekintzak prestatu doguz: egun batzuetan umeei begirakoak, beste batzuetan gazteentzat pentsautakoak eta beste batzue-tan nagusientzako izango liratekenak.

Jai gunea be aldatu egin dogu aurten. Estali bako frontoiaren inguruan barik, udaletxearen aurreko plazan egingo doguz ekintza danak. Umeen jolas-tokia be berton dago, eta denok batuago egon ahalko dogu. Ganera, haize fres-koa ekarriko dau gunea bera aldatzeak be.

Azkenik, aurten, txosnak alokatu beharrean, Markina-Xemeingo XAT alkartekoekin eta Etxebarrikoekin alkarlan bat egingo dogu, eta eurekin montauko doguz.

Zein da egutegiko hurrengo geralekua?

San Pedro jaiak antolatuko doguz hurrengo. Hasieran, San Gregorio jaiak antolatzeko sortu zan Jai batzordea, baina herriko jai garrantzi-tsuenak San Gregorioak eta San Pedroak izan-da, bada, jai biak antolatzeko ardura hartuko dogu.

MA IALEN AU LESTIA

J a i b a t z o rd e k o k i d e a

4

KULTURAI. Ipuin eta marrazki lehiaketa

Apirilaren 29an amaituko da Berriatuko istorioen I. marrazki eta ipuin lehiaketara lanak aurkezteko epea. Udalak eta udal liburutegiak elkarlanean an-tolatu dabe, honako helburuekin: idazteko zaleta-suna sustatzea, literatur eta marrazketa diziplinak bultzatzea, herriko pertsonaien inguruan jakintza eta ezagutza bultzatzea eta liburutegira herritarrak gerturatzea.

Aurtengo gaia “Kaxero Gaupasero” izan da, eta orain dala urte batzuk sortutako pertsonaia izanik, berari buruzko istorioa asmatzea izango da parte-hartzai-leek egin beharrekoa. Hiru kategoriatan banandu dira idazle edota marrazkilariak: 8-12 urte bitarteko umeak (marrazkiak eta ipuinak), 12-18 urte bitarte-koak (ipuinak) eta 18 urtetik gorakoak (ipuinak).

Maiatzaren 6an egingo da sari banaketa, uda-letxeko balkoian, “Kaxero Gaupasero” herrira ailegau eta txupinazioa bota orduko. 8-12 urte bitarteko kategorian, sari bana egongo da dizi-plina bakotxerako, 30 euroko balea ume denda baten gastetako; 12-18 urtekoen kategorian, 40 euroko balea liburuak erosteko eta 50 euro esku dirutan; eta 18 urtetik gorako kategorian, 50 euroko balea liburuak erosteko eta 70 euro esku dirutan. Epaimahaia bost lagunek oso-tuko dabe: udaleko zinegotzi batek, liburute-giko arduradunak eta beste hiru herritarrek.

Maiatzaren 6an bertan jarriko dira ikusgai lehiake-tara aurkeztutako lan guztiak udal liburutegian, eta guztiak koadernauko dira.

BERRIATUKO ISTORIOEN

I . MARRAZKI ETA IPU IN LEH IAKETA

Parte hartzeko ir izp ideak:• Hiru kategoriatan lehiatuko dira parte-har-tzaileak: 8-12 urte bitartekoak: Marrazkiak edo

Ipuinak 12-18 urte bitartekoak: Ipuina 18 urtetik gorakoentzako: Ipuina• Gaia: “Kasero Gaupasero” herriko jaieta-

ko pertsonaia dugu. Orain dela urte batzuk etorri zen gure herrira, gure jaiei hasiera emateko. Gure pertsonai honen inguruko istorioa asmatzera animatu nahi zaitugu.

• Lanen luzera: Idazlanaren ezaugarriak: DIN 4, Time

New Roman 12, eta 1,5 zabalera le-rroen artean .

• 8-12 urte: gehienez 2 orri • 12-18: 4 orri gehienez • 18tik gora: 5 orri gehienez Marrazkien ezaugarriak: DIN 3ko ta-

mainako edozein euskarri erabili daiteke. Marrazkia egiteko edozein material erabili ahalko da.

• Hizkuntza: Euskaraz (berriatuarrez, bizkaie-raz edo batueraz)

Aurkezteko epea:• Apirilaren 25tik Apirilaren 29ra, Liburutegian,

astelehenetik ostiralera , arratsaldeko 17:00-20:00 arte.

• Lan bakoitzean izen abizenak, helbidea eta telefonoa jarri beharko dira. Adin txikikoen kasuan gurasoen datuak eta euren telefo-noa ere jarri beharko dira.

• Ipuin eta marrazki guztiak Udal liburutegian ikusgai egongo dira Maiatzaren 6tik aurrera eta denak koadernatuko dira.

Epa imahaia : • Bost pertsonek osatuko dute epaimahaia:

Udaleko zinegotzi bat, liburutegiko ardura-duna eta beste hiru herritar.

• Maiatzak 6an, “Kaxero Gaupasero” herrira iritsi eta txupinazoa bota orduko udaletxeko balkoian sari banaketa egingo da.

Sar iak :• 8-12 urte bitarteko irabazleari bi dizipline-

tan: 30€ ko balea ume denda batean gasta-tzeko

• 12-18 urte: 40€ ko balea liburuak erosteko eta 50 € esku dirutan

• 18 urtetik aurrera: 50€ko balea liburuak erosteko eta 70€ esku dirutan.

Lehiaketa honen bitartez helburu desberdinak lortu nahi dira:

Helburuak:• Idazte zaletasuna sustatzea • Literatur eta marrazketa diziplinak

herriko jendartean bultzatzea.• Herriko pertsonaien inguruan jakintza

eta ezagutza bultzatzea• Liburutegira herritarrak gerturatzea

Berriatuko Udalak eta Udal liburutegiak “Berriatuko I. ipuin eta marrazki lehiaketa” antolatu dute. Berriatuko pertsonai ezagun eta historikoen inguruko ipuinak sortzea izango du helburu, eta literatur sorkuntzari bidea zabaldu nahi dio.

Azoka eta Gazte Eguna

Apirilaren 30ean ospatuko dira arrain eta nekazal kontser-ben azoka eta Gazte Eguna. Azokan, hainbat postu egongo dira, eta horrezaz ganera, herriko alkarteen arteko pintxo lehiaketa egingo da. Herriko bost alkartek hartuko dabe par-te: Asterrika eta Milloi auzo alkarteek, Kukulumutxu koa-drilak, Anaitasuna jubilauen alkarteak eta Goxalde alkarte gastronomikoak. Aurten, lehenengoz, inguruko herrietako alkarteei be egin jake gonbidapena, eta Ondarroako Ezki-lintzerri alkarte gastronomikoa etorriko da lehiaketan par-te hartzera. Guztira 1.000 bat pintxo saltzeko aurreikuspe-na daukie antolatzaileek. Herriko trikitilariek alaituko dabe goiza, eta Euskal Herriko 680 kiloko sokatira txapelketa jo-katuko da arratsaldean.

Bestalde, Gazte Asanbladak antolatuta, Gazte Eguna be azo-kagaz batera ospatuko da azken urteetako moduan. Bazka-riak, jolasek, elektrotxarangak eta kontzertuek ez dabe as-pertzeko astirik itxiko.

Kulturako diru laguntzak

Herrian kultura eskaintza egon dadin, beharrezkoa da alkar-teak egotea, eta udal honek, aurrekoen modura, herriko alkar-teak ekonomikoki be babesteko hautua egina dauka. Honeek dira, aurten, kultura arloko alkarteei bideratutako laguntzak:

Goikolau alkartea 3.500 € Anaitasuna alkartea 3.500 €

Guraso alkartea 4.500 €

5

HEZKUNTZA

Eskolaren proiektua, aurrera

Aurrera doa eskola handitzeko proiektuaren prozesua. Proiektuaren arabera, eskola hiru metro zabaltzen da-nez, Hezkuntza Sailak udalari esan eutsan arau subsidia-rioen aldaketa puntual bat egin arte beharrekin ez zala hasiko. Aldaketa hori behin-behinean onartu dau udal-batzak, eta ostean, Bizkaiko Foru Aldundiak eta Eusko Jaurlaritzak eman beharko deutsie behin betiko onarpe-na, proiektuagaz aurrera jarraitzeko.

Gelak mailaka, eta barrakoi bat gehiago

Datorren ikasturtean, lehenengoz, eskolako gelak maila-ka bananduta egongo dira, zikloka egon beharrean. Alde batetik, 2 urteko lau ume barri matrikulau dira, baina 3 urtekoen taldera 15 pasatuko diranez, 2-3 urteko ziklo-ko 18 umeko gehiengoa gainditu egingo dabe; eta beste-tik, 4. mailatik 5.era be ume asko pasauko dira, eta arazo bera legoke 5. eta 6. mailako gelan. Baina, gelak mailaka antolatzeko, gela bat gehiago behar da, eta udalak Hez-kuntzagaz egindako gestinoei esker, bagilean beste ba-rrakoi bat ipiniko dabe, 2016/2017 ikasturterako.

Diru laguntza datorren ikasturtean haurreskolan umeak matrikulauko dabezanei

Legegintzaldiaren hasieran, udala konturatu zan herrian dagoen ume kopururako ume gitxi egoala matrikulau-ta haurreskolan. Kezka horrek eraginda, eta ume gitxi matrikulauta zerbitzu hori kentzeko arriskua egoala ikusita, udalak inkesta bat pasau eban 0-6 urte bitarteko umeak daukiezan gurasoen artean, horren atzean dago-zan arrazoiak aztertzeko.

Inkesten emaitzek arrazoi nagusi bat azaleratu eben: es-kolagaz alderatuta oso garestia zala. Udalak be uste dau 0-2 urteko umeentzako eta euren gurasoentzako zerbi-tzuak egon egin behar dauela herrian, eta doakoa izan behar dala. Horregaitik, erabagi zan diru laguntza emo-tea umeak haurreskolan matrikuletan dabezan familiei. Laguntza 2016/2017 ikasturterako izango da.

3.000 euroko partida egongo da familia guztien artean banantzeko. Banaketa egiteko erispidea familia errenta-ren eta matrikulazio orduen araberakoa izango da. Es-kaerak 2017ko zezeilean egin beharko dira, eta laguntza bi zatitan kobrauko dabe familiek: zezeilean eta ikastur-te amaieran. Informazino gehiago udaletxean eskuratu ahalko dabe interesauek.

Udaleku irekiak

Bagilean udaleku irekiak egongo dira herrian erroldatuta dagozan 4 urtetik 12 urtera bitarteko umeentzako. Uda-lekuok 10:00etatik 13:00etara izango dira, astelehenetik barikura. Izena emon nahi dabenak apirilaren 15etik 30era arte eukiko dau horretarako aukera, udaletxera joanda. Udalekuak hasi aurretik gurasoekin batzarra egingo da, eta hantxe emongo da informazinoa, progra-mazinoa eta taldeen eta ganerako xehetasunen barri.

6

KIROLAEmakumeen bira

Berriatuan hasi eta amaitu zan apirilaren 16an 29. Emakumeen Birako hirugarren etapa. Wig-gle High taldeko Giorgia Brozinik irabazi eban azkeneko esprintean erabagi zan lasterketa. Carmen Smallek eta Rosella Rattok osotu eben podiuma.

Berriatuko etapan, 109 kilometro egin ebezan txirrindulariek. 15:30ean urten eban tropelak, baina Ondarroako Ertzain Etxe parera arte ez zan hasi lasterketa, urteera neutralizauta egoan. Honako ibilbidea egin behar izan eben lasterkariek, hiru bider: Berriatua-Milloi-Lekei-tio-Ondarroa-Berriatua. Bideak berez eukazan bihurgune eta aldapei euria gehitu jaken, eta ondorioz, bat baino gehiago jausi zan bizikleta ganetik.

Emakumeen kirola bultzatzen

Berriatuko Udalari Emakumeen Birako etapa bat herrian hasi eta amaitzeko eskaintza egin eutsan alkarte antolatzaileak. 26 urtetik gora emakumeen kirola bultzatzen egin daben beha-rra ikusita, udalak laguntzea erabagi eban. Igaz Markina-Xemeinen hasi eta amaitu zan beste etapa bat.

Iurretan hasi eta amaitzen da urtero Emaku-meen Bira. Apirilaren 13tik 17ra jokatu da aur-ten emakume txirrindularien artean sona han-dienetarikoa daukan eta UCIko maila gorenean kokatzen dan lasterketa. Wiggle High 5 taldeko Emma Johansson izan da aurtengo irabazlea.

Kirol arloko diru laguntzak

Honeexek dira Berriatuko Udalak herriko kirol alkarteen artean ki-rola eta kirolzaletasuna bultzatzeko helburuagaz 2016an banandu dabezan diru laguntzak:

Berriatuko Txirrindulari Elkartea 3.200 €

Berriatuko Futbol Taldea 7.000 €

Berriatuko Zesta Eskola 4.100 €

Aitor Saizar 1.000 €

Kastinparro Racing Team 1.400 €

Emakumeen Bira 5.000 €

Giro ona herrian

Etaparen egunean, goizean goize-tik egon zan giroa herrian: goizeko 09:00etarako kalean egozan bolunta-rioak, beharrerako prest.

Lasterketa ikusten be jente asko batu zan: Milloiko mendatea eta herri-gunea beteta egon ziran etapak iraun eban bitartean.

Udalak eskerrak emon nahi deutsiez etapa diruz lagundu daben he-rriko merkatari eta enpresei, eta zelan ez, beste behin be beharra egi-teko prest agertu diran boluntario guztiei.

7

HIRIGINTZAAuzo bideak konpontzea

Herriko hainbat errepide konpondu dauz udalak. Be-rriatutik Asterrikara dagoen bidean hobekuntza ba-tzuk egin dira, eta Milloiko sarrerako bidea be konpon-du egin da. 18.687,27 euroko aurrekontua euki dabe lanok, BEZ barne.

Ondarroako lur-jausia

Ondarroako lur-jausia dala eta, kamioi asko dabil As-terrikako bidean, eta ondorioz, errepidea zulatzen doa. Berriatuko Udala jarri da Ondarroakoagaz hartu-e-monetan, eta zulorik handienak konponduta egoteaz ganera, beste zulo handirik egiten bada, momentuan konpontzeko konpromisoa hartu dau Ondarroako Udalak, obretarako egindako aurrekontuaren barruan horretarako partida sartuta.

Saneamentua

Urte biko obra eta gero, saneamen-tu sare barria dauka Berriatuak. Ho-rrek, denporagaz, erreka garbitzea ekarriko dau, hara isurtzen diran ur fekalak eta isuriak desagerrarazoz. Lanak guztiz amaitzeko, Gardotza-ko poligonoko obra egitea falta da. Laster dira beharrokin hastekotan, eta amaitutakoan, herri osoan sanea-mentu sare barria egongo da.

Gimnasioa

Datozen hileetan, futbol zelaiko gim-nasioko makineria barritzen hasiko da udala; 15.000 euroko inbertsinoa egingo dau. Horrezaz ganera, araudi bat egingo da, gimnasioaren erabilera eta kuotak zehazteko.

Lehendik dagozan makinak zaharrak dira, eta herritar asko dabil gimna-sioan. Premina hori ikusita, zerbitzua hobetzea erabagi dau udalak, herri-tarrek gimnasioa erabilteko inguru-ko herrietara joan beharrik euki ez daien.

8

ARGAZKIAK:

KALAMENDIRA IRTEERA

PALA TXAPELKETA

M ENDI M ARTXA

9

IHAUTERIAK

SANTA AGEDA

10

2016ko AURREKONTUAKPartida eta inbertsino barriekin osotu dira 2016ko aurrekontuak. Partidei jagokenez, honetarako bi-deratu dira: udalekuak antolatzeko, liburutegiko jarduerak egiteko, parte-hartzea lantzeko, ingu-rumen kontzientzia lantzeko eta bardintasun po-

litikak sustatzeko. Inbertsinoei jagokenez, umeen parkea, auzo bideak konpontzea, gimnasioa era-berritzea eta Gardotza poligonoko urbanizazinoa dira aitagarrienak.

Sarreren atala holan osotu da:

Atal honetan, 2015eko aurrekontuekin konparau-ta, bi aldaketa nabarmentzen dira. Alde batetik, igaz, 6. kapituluan, lursail industrial baten salmen-tatik eratorriko litzatekeen 400.000 euroko sarre-ra aurreikusten zan, baina azkenean ez zan saldu, eta aurten ez dau horretarako aurreikuspenik egin udalak. Beste alde batetik, 4. kapituluko parti-da nagusia Udalkutxa izenekoa da, Bizkaiko Foru

Aldundiak emoten dauena, eta 2016rako 870.360 euro bideratu dauz Berriatuko Udalera, igaz baino 27.007 euro gitxiago. Ganerako kapituluetako alda-ketak txikiak dira: zuzeneko zergak jaitsi egin dira eta zeharkakoak eta tasak igon.

Gastuen atalari jagokonez, honeek dira zenbakiak:

KAPITULUA DESKRIBAPENA HASIERAN AURREIKUSI

1 ZUZENEKO ZERGAK 265.000,00 €

2 ZEHARKAKO ZERGAK 25.000,00 €

3 TASAK ETA BESTELAKO SARRERAK 255.850,00 €

4 TRANSFERENTZIA ARRUNTAK 931.906,00 €

5 ONDARE SARRERAK 17.574,00 €

GUZTIRA OROKORRA 1.495.330,00 €

KAPITULUA DESKRIBAPENA HASIERAN AURREIKUSI

1 PERTSONAL GASTUAK 357.000,00 €

2 GASTUAK ONDASUN ARRUNT ETA ZERBITZUETAN

647.720,00 €

3 FINANTZA GASTUAK 6.800,00 €

4 TRANSFERENTZIA ARRUNTAK 266.710,00 €

6 INBERTSINO ERREALAK 167.800,00 €

9 FINANTZA PASIBOAK 49.300,00 €

GUZTIRA OROKORRA 1.495.330,00 €

SARRERA AURREKONTUA 2016

GASTU AURREKONTUA 2016

11

Gastuetan, igaztik hona aldaketa handiena izan duten kapituluak honeexek izan dira: 2. kapitulua guztira 23.400 eurotan jaitsi da, gehienbat kaleko argi-indarrean gastuak bajatu direlako. Bestalde,

kapitulu berean, ur hornidura mantentzeko parti-da handitu da, diru laguntza bati esker. Horrezaz ganera, honako partida barriok sartu dira 2. kapi-tuluan:

6. kapituluan be jaitsiera nabarmena egon da igazko aurrekontuekin alderatzen badogu. 552.640 eurokoa zan igazko aurreikuspena, eta 167.800 eurokoa aur-tengoa. Halandabe, lursailetik etorren salmenta ken-

duta, igazkoa 152.640 eurotan geldituko litzateke, eta beraz, aurtengoa apur bat handiagoa dala esan leite-ke. Honakoak dira aurtengorako aurreikusten dogu-zan inbertsinoak:

9. kapituluan be 40.000 euroko jaitsiera egon da, kre-ditu bat ordaintzea amaitu dalako. Ganerako ka-pituluetan, gastuen aurreikuspena ia-ia mantendu egin da: 1. kapituluan aldaketa oso txikia eragin dau

pertsonalari soldata %1 igoteak; 3. kapituluko gas-tua 2.300 euro bajatu da beste kreditu bat ordaintzea amaitu dalako; eta 4. kapitulua mantendu egin da.

PARTIDA BARRIAK AURREKONTUA

Udalekuak antolatzeko 3.000 €

Liburutegiko jarduerak antolatzeko 3.000 €

Parte-hartzea lantzeko 2.000 €

Ingurumen kontzientzia lantzeko 3.000 €

Bardintasun politikak lantzeko 3.000 €

INBERTSINO BARRIAK AURREKONTUA

Auzo panelak 10.000,00 €

Auzo bideak konpontzea 25.000,00 €

Gimnasioa eraberritzea 15.000 €

Umeen jolas parke barria 62.000,00 €

Gardotza poligonoaren urbanizazinoa 15.000,00 €

Zentrala eraikinaren hobekuntzak 13.000 €

Landa finkak erostea 5.000 €

Berriatuko eskola publikoan hobekuntzak 5.000 €

12

UMEEK ERABAGI DABEHerriko umeek erabagi dabe zelako jolastokian olgau nahi daben. Api-rilaren 15eko aurkezpenean herritarrek jakin ahal izan eben moduan, gune nagusi bi eukiko dauz jolasgune barriak: belargunea eta ohiko jolasen gunea.

Ohiko jolasen gunean, txikienentzako zinbi-zanboak eta txirristadun etxetxoa egongo dira. Nagusitxoagoek be zinbi-zanboak eukiko dabez, euretako bat otzara handi baten antzekoa. Multijolaserako aukera emoten dauen altzari bat be egongo da, eta barritasunik handiena ohe elastikoa izango da.

Belarguneak umeei irudimena lantzeko aukera izugarria emongo deu-tsie. Naturagaz etenbako hartu-emonean, egurragaz egindako jolasek osotuko dabe gune barri hau. Besteak beste, zirkuitu bat egongo da, eta goiko partean, txabola bat. Txirrista bi egongo dira gorengo par-tetik beherengorainoko bidea egiteko: goian hasten dana erdi aldean amaituko da, eta erdi alde horretan beste bat hartzeko aukera egongo da, beheraino bajatzeko.

Parte-hartze prozesua

Udalak, legegintzaldi barria hasi zanetik, argi euki dau parte-hartzea-ren filosofia lantzea izan behar zala helburuetako bat. Holan, jolas parkean filosofia hori martxan ipinteko aukera ikusi eban. Izan be, gurasoek eta umeek jolastokia barritu eta handitu beharra egoala esa-ten eben; kontuan hartu behar da herriko jaiotza-tasa altua. Beraz, gurasoek eta batez be umeek eurek parkea zelan hornidu erabagiteko prozesua martxan ipintea ebatzi eban udalak. Aurretik, hori bai, jolas-tokiaren espazioa markau eban udalak, eta espazio hori zelan jantzi, herriko umeen esku itxi eban.

Urtxintxa eskolaren gidaritzapean zezeiletik apirilera landutako par-te-hartze prozesuak honako helburu nagusiok euki dauz: herriko umeen parte-hartzea sustatzea; jolasgunea modu parte-hartzailean eraikitzea; herritarrak aisialdiaren inguruan sentsibilizetea, besteak beste, dagozan jolastoki ereduen inguruan informauaz; eta umeen eta gurasoen ahalduntzea indartzea.

13

UMEEK ERABAGI DABE

Umeek saioetan adierazotakoaren arabera, Urtxintxako dinamizatzaileek honako interpretazinoa egin eben jolas parkea hornitzeko nahi ebezan elementuen ganean:

Pausoz pauso- 1. Fasea: sentsibilizazino fasea izan zan. Parke ere-

du ezbardinen argazkiak eskolan eta kalean ipini ziran. Helburua zan umeei eta gurasoei erakustea ez egoala jolasgune mota bakarra.

- 2. Fasea: parte-hartze prozesua aurrera eroan zan.

*1. saioa: martiaren 4an egin zan, frontoian. Par-te-hartzea handia izan zan: Urtxintxako hezitzai-leekin 3-9 urte bitarteko 55 ume alkartu ziran. Umeei kapak eta karetak emon eutsiezan, eta Be-rriatuko super heroi bihurtu ziran. Egitekoa hona-koa zan: jolas parkea sortu behar zan herria salbau nahi bazan. Material ezbardinen (plastilina, egu-rra, margoak, papertxoak…) bidez, taldeka, hainbat ideia proposatu ebezan.

Aldi berean, gurasoekin beste saio bat egin eban Ur-txintxako teknikari batek.

Helburua zan gurasoak sentsibilizetea. Umeen he-ziketan daukiezan bildurrak, haurren autonomia eta antzeko gaiak jorratu ebezan.

Umeek 1. saioan proposatutakoa udaletxera bialdu eben, eta udal teknikariek lehen galbahea egin eben. Jolas lekuaren espazio konkretu horretan zer gauza ziren posible zerrendatu eben.

*2. saioa: martiaren 18an, udalak zer dan posible eta zer ez jakinarazo eutsen umeei. Jolasgunearen mapa bat emon eutsien, eta mapa horren ganean umeek marraztu egin eben zehatz-mehatz zer nahi eben. Zinegotziei eta alkateari euren ideien aurkez-pentxo bat be egin eutsien.

Gauza batzuk bete ahal izan dira, eta beste batzuk ez. Baina, seguru, parke barria herriko umeen gustukoa dala. Kontuan hartu behar da jolas parkerako udalak esleituta eukan partida 62.000 eurokoa izan dala: 25.000 obra zibilerako edo lurren mogimenturako, 25.000 umeek nahi ebenerako eta 12.000 beste behar batzuetarako.

- Ganean salto egiteko forma desbardinak: karakolak, pasteltxoak…

- Eskaletako lekuak.

- Zintzilikatzeko lekuak.

- Sokekin olgetako lekuak.

- Etxe edo aterpeak, barruan olgetako eta margotzeko aukera daukienak.

- Txirrista eta toboganak: egurrezkoak, txikiak, handiagoak, ura daroenak…

- Erliebe desbardinak, forma desbardinak ganetik ibilteko. Ibilbide desbardinak material desbardinekin: enborrak, txirristak…

- Gauzak altuera desbardinetan egotea: txikienentzako gauza baxuak eta nagusiagoentzako altuagoak.

- Lurrean margotzeko lekua.

- Futbol zelaia.

- Parke berdea, bedarragaz eta arbolekin.

- Ura: potzuak, iturriak…

- Bueltak emoteko kolunpioak.

- Diana bat eta arkuak.

- Ohe elastikoa.

- Skate parkea.

- Bizikletan ibilteko arrapalak.

- Kolunpioak, tilin-talanak: zestoagaz, bueltak emoteko…

- Putzoak uragaz, salto egiteko.

BI-11

BI-13

Arq.

Nº7

Arq.

Arq.Sum.

Arq.

FRONTON

FRONTON

Far.

Far.

Arq.Arq.

Arq.

P.H.

KOMUNAK

STOP

Arq.Far.

Iturria

UDALETXEA

azalera 365,93 m2

JOLAS MI-14-0091

JOLAS MI-09-E030

JOLAS FL-08-1000

JOLAS GE-3020.2

EGITASMOA / proyecto:

DATA / fecha:

1/50

ESKALA / escala: PLANO ZKIA. / nº:

2016ko APIRILA 1

KOKAPENA / emplazamiento:

UMEEN PARKEA

HERRIKO PLAZA

PLANOA / plano:

JOLASEN ANTOLAKETA

UDAL ARKITEKTO AHOLKULARIA / arquitecto asesor municipal:

ASIER ARRUTI ETXEBARRIA

14

Udalak hartutako konpromisoak

Udalak hainbat konpromiso hartu dauz parekide-tasunari jagokonez, legealdi honetan jorratu eta aurrera eroateko:

1- 2016tik 2019ra bitartean urtero egingo diran aurrekontuetan, parekidetasun atalari jagokon partida urtetik urtera igotea.

2- 2015etik martxan dagoen Emakume eta Gizo-nen Berdintasunerako I. Udal Plana herritarre-kin lantzea, eskolagaz eta Neska Taldeagaz al-karlanean.

3- Udalak sortzen dabezan idazki, kartel eta es-ku-orri guztietan hizkuntza ez sexista eta in-klusiboa erabiltea.

4- Herriko jai eta ospakizunetan parte-hartze pa-rekidea lantzea eta sustatzea, herriko eragilee-kin, taldeekin eta Jai batzordeagaz alkarlanean.

5- Udal eskumeneko sail guztietan generoa zehar-lerro modura lantzea. Neurri batzuk aurkeztu-ko dauz udalak legegintzaldi honetan lantzeko.

PAREKIDETASUNA

Martiaren 8aren inguruko ekimenak

Emakumeen Nazinoarteko Egunaren inguruan an-tolatutako ekimenetan aldarrikapenez bete eben herria berriatuarrek. Udaleko Parekidetasun ba-tzordeak eta Neska Taldeak antolatuta, martiaren 8an, egunean bertan, kontzentrazinoa eta montxo-rra egin ziran, eta osteko egunetan be adin guztieta-ko herritarrentzako ekitaldiak egon ziran: maiatza-ren 11n, herriko txikientzako ipuin kontalaria egon zan udal liburutegian, Rol jokoa, eta handik astebe-tera, maiatzaren 18an, Errutsetatik Erne Muxikako Andren antzezlanagaz gozau ahal izan eben herri-tarrek, frontoian. Horrezaz ganera, martiaren 13ko “Tribial feministan” jokatzeko aukera euki eben he-rriko emakumeek, eta martiaren 6an be Berriatuko nesken ordezkaritza batek parte hartu eban urtero Donostian egiten dan Lilatoian.

15

AGENDAApirilak 30, zapatua

AZOKA ETA GAZTE EGUNA

Ekainak 4 eta 6

IDI PROBAK

Maiatzaren 6tik 9ra

SAN GREGORIOAK

Maiatzaren 15etik Ekainaren 15ra

TARINE musika eskolako matrikulazio epea

Maiatzaren 13tik 15ra

KIROL ASTEBURUA

Ekainak 24

SAN JUANAK

Ekainak 29

SAN PEDROAK

Uztailak 9-10-11

ZALDI PROBAK

@ berriatuaudala Berriatuko Udala http://www.berriatua.org

BERRIATUA ELIZATEKO UDALAHerriko Plaza, 1 Tfnoa.: 94 613 70 30 Faxa: 94 613 70 27